अपि पावरका सेयरधनीले पाउने भए ५.२६ प्रतिशत लाभांश
काठमाडौं । अपि पावर कम्पनी लिमिटेडले गत आर्थिक वर्ष २०८२/८३ को मुनाफाबाट सेयरधनीलाई ५ प्रतिशत बोनस सेयर र कर प्रयोजनका लागि ०.२६३२ प्रतिशत नगद लाभांश वितरण गर्ने प्रस्ताव गरेको छ । कम्पनीको कात्तिक १८ गते बुधबार बसेको सञ्चालक समितिको बैठकले उक्त लाभांश वितरण गर्ने प्रस्ताव गरेको हो । प्रस्तावित ५ प्रतिशत बोनस सेयरको मूल्य ३१ करोड ८९ लाख ८६ हजार २०९ रुपैयाँ ९५ पैसा बराबर रहेको छ । त्यस्तै, कर प्रयोजनका लागि ०.२६३२ प्रतिशत नगद लाभांश वितरण गर्ने प्रस्ताव गरिएको छ । यसको कुल रकम १ करोड ६७ लाख ८८ हजार ७४७ रुपैयाँ ८९ पैसा रहेको छ । हाल कम्पनीको चुक्ता पुँजी ६ अर्ब ३७ करोड ९७ लाख २४ हजार १९९ रुपैयाँ रहेको छ । सञ्चालक समितिको प्रस्तावित लाभांश कम्पनीको आगामी वार्षिक साधारणसभाबाट पारित भएपछि सेयरधनीले प्राप्त गर्नेछन् ।
कांग्रेस पदाधिकारी बैठक बस्दै, यस्ता छन् एजेण्डाहरू
काठमाडौं । नेपाली कांग्रेसको पदाधिकारी बैठक बिहीबार (आज) अपरान्ह ३ बजे बस्ने भएको छ । पछिल्लो घटनाक्रमबारे धारणा बनाउन पदाधिकारी बैठक बस्न लागेको कांग्रेस सहमहामन्त्री प्रकाश स्नेहीले जानकारी दिए । सभापति गगनकुमार थापाले पछिल्लो विशेष सम्बोधनमा सरकारको आलोचना गरेका थिए । उनले नेकपा एमालेका अध्यक्ष केपी शर्मा ओलीलाई समेत भेटेका थिए । त्यसपछि विकसित भएका घटनाहरूमा पार्टीले आफ्नो विचार बनाउन आज बैठक बस्न लागेको सहमहामन्त्री स्नेहीले बताए ।
बोटलर्स नेपाल बालाजुको नाफा ६.४४ र तराईको २६.९४ प्रतिशत बढ्यो
काठमाडौं । बोटलर्स नेपालका दुवै कम्पनीले चालु आर्थिक वर्ष २०८३÷८४ को पहिलो त्रैमासमा खुद नाफा बढाएका छन् । बोटलर्स नेपाल (बालाजु) को खुद नाफा ६.४४ प्रतिशतले बढेर ३४ करोड २४ लाख २४ हजार रुपैयाँ पुगेको छ भने बोटलर्स नेपाल (तराई) को खुद नाफा २६.९४ प्रतिशतले वृद्धि भएर ३४ करोड ७५ लाख ९१ हजार रुपैयाँ पुगेको छ । बोटलर्स नेपाल (बालाजु) ले चालु आर्थिक वर्ष २०८३/८४ को पहिलो त्रैमासमा ३४ करोड २४ लाख २४ हजार रुपैयाँ खुद नाफा आर्जन गरेको छ । यो गत आर्थिक वर्ष २०८२/८३ को सोही अवधिको ३२ करोड १६ लाख ७४ हजार रुपैयाँको तुलनामा ६.४४ प्रतिशतले बढी हो । कम्पनीले चालु आर्थिक वर्षको असोज मसान्तसम्म ३ अर्ब ७७ करोड १२ लाख २४ हजार रुपैयाँ सञ्चालन आम्दानी गरेको छ । गत आर्थिक वर्षको सोही अवधिमा कम्पनीको सञ्चालन आम्दानी ३ अर्ब ६९ करोड ११ लाख ८० हजार रुपैयाँ रहेको थियो । समीक्षा अवधिमा कम्पनीको अन्य सञ्चालन आम्दानी पनि बढेको छ । गत वर्षको पहिलो त्रैमासमा ६९ लाख ९९ हजार रुपैयाँ रहेको अन्य सञ्चालन आम्दानी चालु आर्थिक वर्षको सोही अवधिमा बढेर १ करोड २० लाख ५२ हजार रुपैयाँ पुगेको छ । कम्पनीको कुल नाफा भने सामान्य बढेको छ । गत आर्थिक वर्षको पहिलो त्रैमासमा १ अर्ब १५ करोड ६८ लाख १२ हजार रुपैयाँ रहेको कुल नाफा चालु आर्थिक वर्षको असोजसम्म १ अर्ब १५ करोड ९१ लाख ९७ हजार रुपैयाँ पुगेको छ । यस्तै, गत वर्षको असोजसम्म ४१ करोड १८ लाख ६४ हजार रुपैयाँ रहेको सञ्चालन नाफा चालु आर्थिक वर्षको सोही अवधिमा बढेर ४१ करोड ३० लाख ६० हजार रुपैयाँ पुगेको छ । समीक्षा अवधिमा कम्पनीको बिक्री लागत २ अर्ब ६१ करोड २० लाख २७ हजार रुपैयाँ रहेको छ । गत वर्षको सोही अवधिमा यस्तो खर्च २ अर्ब ५३ करोड ४३ लाख ६८ हजार रुपैयाँ थियो । यसैगरी, बिक्री तथा वितरण खर्च ५६ करोड ८६ लाख ९५ हजार रुपैयाँ र प्रशासनिक खर्च १८ करोड ९४ लाख ९४ हजार रुपैयाँ रहेको छ । गत वर्ष यी खर्च क्रमशः ५७ करोड ९९ लाख ७७ हजार र १७ करोड १९ लाख ६८ हजार रुपैयाँ थिए । कम्पनीको चुक्ता पुँजी १९ करोड ४८ लाख ८९ हजार रुपैयाँ रहेको छ भने जगेडा कोषमा ६ अर्ब ८२ करोड ८० लाख ९१ हजार रुपैयाँ सञ्चित छ । कम्पनीको प्रतिसेयर आम्दानीमा पनि सुधार देखिएको छ । गत आर्थिक वर्षको असोजमा ६०८ रुपैयाँ रहेको प्रतिसेयर आम्दानी चालु आर्थिक वर्षको सोही अवधिमा बढेर ६३७ रुपैयाँ पुगेको छ । कम्पनीको मूल्य आम्दानी अनुपात २३ गुणा र प्रतिसेयर नेटवर्थ ३ हजार ८२० रुपैयाँ रहेको छ । कम्पनीको स्वपुँजीमा प्रतिफल १८.४ प्रतिशत र कुल सम्पत्तिमा प्रतिफल ९.४ प्रतिशत रहेको छ । यस्तै, त्रैमासिक अवधिमा प्यासिफिक रिफ्रेसमेन्ट्स प्रालिबाट कन्सन्ट्रेट खरिदबापत ९३ करोड ६४ लाख ७१ हजार रुपैयाँको कारोबार गरेको छ । त्यस्तै, बोटलर्स नेपाल तराईलाई तिर्नुपर्ने स्थानान्तरण शुल्क ७ लाख ५१ हजार रुपैयाँ र सोही कम्पनीबाट प्राप्त गर्नुपर्ने स्थानान्तरण शुल्क ४ करोड ६६ लाख १९ हजार रुपैयाँ रहेको छ । बोटलर्स नेपाल (तराई) ले चालु आर्थिक वर्षको पहिलो त्रैमासमा ३४ करोड ७५ लाख ९१ हजार रुपैयाँ खुद नाफा आर्जन गरेको छ । यो गत आर्थिक वर्षको सोही अवधिमा कमाएको २७ करोड ३८ लाख ५३ हजार रुपैयाँको तुलनामा २६.९४ प्रतिशतले बढी हो । कम्पनीले चालु आर्थिक वर्षको असोज मसान्तसम्म २ अर्ब ८३ करोड १५ लाख ७२ हजार रुपैयाँ सञ्चालन आम्दानी गरेको छ । गत आर्थिक वर्षको सोही अवधिमा कम्पनीको सञ्चालन आम्दानी २ अर्ब ६१ करोड ४८ लाख ९२ हजार रुपैयाँ रहेको थियो । समीक्षा अवधिमा कम्पनीको अन्य सञ्चालन आम्दानी १ करोड ९ लाख ५५ हजार रुपैयाँ रहेको छ । गत आर्थिक वर्षको सोही अवधिमा यस्तो आम्दानी ७८ लाख ८७ हजार रुपैयाँ रहेको थियो । कम्पनीको कुल नाफा पनि बढेको छ । गत आर्थिक वर्षको पहिलो त्रैमासमा ९२ करोड ५१ लाख ३७ हजार रुपैयाँ रहेको कुल नाफा चालु आर्थिक वर्षको सोही अवधिमा बढेर ९४ करोड ८६ लाख २७ हजार रुपैयाँ पुगेको छ । यद्यपि, कम्पनीको सञ्चालन नाफा भने घटेको छ । गत आर्थिक वर्षको असोजसम्म ४२ करोड ४ लाख ९६ हजार रुपैयाँ रहेको सञ्चालन नाफा चालु आर्थिक वर्षको सोही अवधिमा घटेर ३७ करोड ६९ लाख १६ हजार रुपैयाँमा सीमित भएको छ । समीक्षा अवधिमा कम्पनीको बिक्री लागत १ अर्ब ८८ करोड २९ लाख ४५ हजार रुपैयाँ रहेको छ । गत वर्षको सोही अवधिमा यस्तो खर्च १ अर्ब ६८ करोड ९७ लाख ५५ हजार रुपैयाँ थियो । त्यस्तै, बिक्री तथा वितरण खर्च ४२ करोड ८ लाख १७ हजार रुपैयाँ र प्रशासनिक खर्च ११ करोड ८२ लाख ७१ हजार रुपैयाँ रहेको छ । गत वर्ष यी खर्च क्रमशः ४३ करोड ७९ लाख ६४ हजार र ११ करोड ८१ लाख ४४ हजार रुपैयाँ थिए । कम्पनीको चुक्ता पुँजी १२ करोड १० लाख रुपैयाँ रहेको छ भने जगेडा कोषमा ४ अर्ब ४३ करोड १३ लाख रुपैयाँ सञ्चित छ । कम्पनीको प्रतिसेयर आम्दानीमा उल्लेख्य सुधार देखिएको छ । गत आर्थिक वर्षको असोजमा ९०५ रुपैयाँ रहेको प्रतिसेयर आम्दानी चालु आर्थिक वर्षको सोही अवधिमा बढेर १ हजार १४९ रुपैयाँ पुगेको छ । कम्पनीको मूल्य आम्दानी अनुपात १० गुणा र प्रतिसेयर नेटवर्थ ३ हजार ७६२ रुपैयाँ रहेको छ । कम्पनीको स्वपुँजीमा प्रतिफल ३१ प्रतिशत र कुल सम्पत्तिमा प्रतिफल १४.९ प्रतिशत रहेको छ ।
छिमेक लघुवित्तले सेयरधनीलाई २५ प्रतिशत लाभांश दिने
काठमाडौं । छिमेक लघुवित्त वित्तीय संस्था लिमिटेडले गत आर्थिक वर्ष २०८२/८३ को मुनाफाबाट सेयरधनीलाई २५ प्रतिशत लाभांश वितरण गर्ने प्रस्ताव गरेको छ । संस्थाको बुधबार बसेको सञ्चालक समितिको ३४५औँ बैठकले लाभांश वितरण गर्ने निर्णय गरेको हो । प्रस्तावित लाभांशमध्ये ११.९६३१ प्रतिशत बोनस सेयर र १३.०३६९ प्रतिशत नगद लाभांश रहेको छ । संस्थाको हाल कायम चुक्ता पुँजी ३ अर्ब ६१ करोड ७२ लाख ६४ हजार १०१ रुपैयाँ ५० पैसा छ । यसका आधारमा ४३ करोड २७ लाख ३५ हजार ८९८ रुपैयाँ ५० पैसाको बोनस सेयर वितरण हुनेछ । त्यस्तै, ४७ करोड १५ लाख ८० हजार १२६ रुपैयाँ ८८ पैसा नगद लाभांश वितरण गर्ने प्रस्ताव गरिएको छ । उक्त नगद लाभांशमा बोनस तथा नगद लाभांशमा लाग्ने कर प्रयोजनका लागि आवश्यक रकमसमेत समावेश छ । संस्थाले प्रस्तावित लाभांश र गत आर्थिक वर्षको लेखापरीक्षण प्रतिवेदन तथा वित्तीय विवरण स्वीकृतिका लागि नेपाल राष्ट्र बैंकमा पेस गर्ने निर्णय गरेको छ । नेपाल राष्ट्र बैंकबाट स्वीकृति र आगामी वार्षिक साधारणसभाबाट पारित भएपछि मात्रै प्रस्तावित लाभांश सेयरधनीले प्राप्त गर्नेछन् ।
जगेडाबाटै घर गए सहसचिव लामिछाने, ढकाल पालो कुर्दै
काठमाडौं । भूमि व्यवस्था, सहकारी तथा गरिबी निवारण तथा सामान्य प्रशासन मन्त्रालयको अतिरिक्त समूहमा रहेका सहसचिव रुद्रप्रसाद लामिछाने अनिवार्य अवकाशमा गएका छन् । ५८ वर्षे उमेरहद पूरा भएपछि उनी मन्त्रालयको जगेडा समूहबाटै घर फर्किएका हुन् । लामिछानेले सेवाअवधिको अन्तिम समयमा कुनै नयाँ जिम्मेवारी नपाई अतिरिक्त समूहबाटै निजामती सेवाको यात्रा टुंग्याएका छन् । सहसचिव तहका कर्मचारीलाई जिम्मेवारीमा खटाउने विषय चर्चामा रहने गरे पनि लामिछाने भने नयाँ जिम्मेवारीविनै घर जान बाध्य भएका छन् । सामान्य प्रशासन मन्त्रालयको अतिरिक्त समूहमा रहेका अर्का सहसचिव सुशील ढकाल पनि अवकाशको तयारीमा छन् । ५८ वर्षे उमेरहद पूरा हुन लागेका ढकाल आगामी मंसिर ११ गते अनिवार्य अवकाशमा जाने निजामती किताबखानाले जनाएको छ । तिहारपछि उनी पनि सरकारी सेवाबाट बिदा हुने तयारीमा छन् ।
कालीमाटीमा पार्सले किलोको २८ सय, स्कुस र काँक्रो ३० रुपैयाँ
काठमाडौं । कालीमाटी फलफूल तथा तरकारी बजारमा बिहीबार पार्सले सबैभन्दा महँगो तरकारी रहेकाे छ ।बजार विकास समितिले सार्वजनिक गरेको मूल्यसूचीअनुसार पार्सलेको थोक मूल्य प्रतिकिलो २ हजार ८०० रुपैयाँ तोकिएको छ । त्यस्तै, सुकेको माछा प्रतिकिलो १ हजार रुपैयाँ र सीताके च्याउ प्रतिकिलो १ हजार रुपैयाँ छ । तरकारीतर्फ कुरिलो प्रतिकिलो ८०० रुपैयाँ, पुदिना ७०० रुपैयाँ, सेलरी ५०० रुपैयाँ र बरेला ४०० रुपैयाँ कायम भएको छ । चमसुर र मेथीको साग प्रतिकिलो १५० रुपैयाँ तोकिएको छ । गोलभेँडा ठूलो नेपाली र भारतीय दुवै प्रतिकिलो ७० रुपैयाँ छ । सानो लोकल गोलभेँडा ३० रुपैयाँ र टनेल गोलभेँडा ६० रुपैयाँ कायम भएको छ । आलु रातो प्रतिकिलो ६० रुपैयाँ, आलु सेतो ३२ रुपैयाँ र भारतीय रातो आलु ३५ रुपैयाँ तोकिएको छ । सुकेको भारतीय प्याजको मूल्य प्रतिकिलो ९२ रुपैयाँ छ । फलफूलतर्फ फुजी स्याउ प्रतिकिलो ३५० रुपैयाँ, जुम्लाको स्याउ ३०० रुपैयाँ र मुस्ताङको स्याउ २५० रुपैयाँ छ । अनार प्रतिकिलो ३५० रुपैयाँ, कागती ३०० रुपैयाँ र किबी ३०० रुपैयाँ कायम भएको छ । केरा नेपाली र मालभोग दुवै प्रतिदर्जन १५० रुपैयाँ तोकिएको छ । मेवा नेपाली प्रतिकिलो ६० रुपैयाँ र भारतीय मेवा १०० रुपैयाँ छ । समितिका अनुसार स्कुस र हाइब्रिड काँक्रो प्रतिकिलो ३० रुपैयाँमा उपलब्ध छन् । सानो लोकल गोलभेँडा पनि प्रतिकिलो ३० रुपैयाँ तोकिएको छ ।
अमेरिकी डलर सस्तियो, युरो र पाउन्ड महँगिए
काठमाडौं । नेपाल राष्ट्र बैंकले बिहीबारका लागि निर्धारण गरेको विदेशी मुद्राको विनिमयदरअनुसार अमेरिकी डलरको भाउ घटेको छ । युरो, पाउन्ड र स्विस फ्र्यांकसहित अन्य प्रमुख विदेशी मुद्राको मूल्य भने बढेको छ । आज अमेरिकी डलर एकको खरिददर १५१ रुपैयाँ १३ पैसा र बिक्रीदर १५१ रुपैयाँ ७३ पैसा कायम भएको छ । अघिल्लो दिन यसको खरिददर १५१ रुपैयाँ २९ पैसा र बिक्रीदर १५१ रुपैयाँ ८९ पैसा थियो । त्यस्तै, युरोपियन युरो एकको खरिददर १७० रुपैयाँ १६ पैसा र बिक्रीदर १७० रुपैयाँ ८४ पैसा पुगेको छ । अघिल्लो दिन युरोको खरिददर १६९ रुपैयाँ १९ पैसा र बिक्रीदर १६९ रुपैयाँ ८६ पैसा थियो । बेलायती पाउन्ड स्टर्लिङ एकको खरिददर २०३ रुपैयाँ ९० पैसा र बिक्रीदर २०४ रुपैयाँ ७१ पैसा कायम भएको छ । अघिल्लो दिन यसको खरिददर २०२ रुपैयाँ ८९ पैसा र बिक्रीदर २०३ रुपैयाँ ६९ पैसा थियो । स्विस फ्र्यांक एकको खरिददर १८५ रुपैयाँ १५ पैसा र बिक्रीदर १८५ रुपैयाँ ८९ पैसा पुगेको छ । अघिल्लो दिन यसको खरिददर १८४ रुपैयाँ ८३ पैसा र बिक्रीदर १८५ रुपैयाँ ५६ पैसा थियो । अस्ट्रेलियन डलर एकको खरिददर १०६ रुपैयाँ ३ पैसा र बिक्रीदर १०६ रुपैयाँ ४५ पैसा कायम भएको छ । अघिल्लो दिन यसको खरिददर १०५ रुपैयाँ ५० पैसा र बिक्रीदर १०५ रुपैयाँ ९२ पैसा थियो । त्यस्तै, क्यानेडियन डलर एकको खरिददर १०८ रुपैयाँ ३६ पैसा र बिक्रीदर १०८ रुपैयाँ ७९ पैसा पुगेको छ । अघिल्लो दिन यसको खरिददर १०८ रुपैयाँ २६ पैसा र बिक्रीदर १०८ रुपैयाँ ६९ पैसा थियो । सिंगापुर डलर एकको खरिददर ११८ रुपैयाँ २५ पैसा र बिक्रीदर ११८ रुपैयाँ ७२ पैसा कायम भएको छ । अघिल्लो दिन यसको खरिददर ११८ रुपैयाँ ११ पैसा र बिक्रीदर ११८ रुपैयाँ ५८ पैसा थियो ।
एनआईएमबिको ८ लाख कित्ता सेयर बेचेर बाहिरिँदै एक संस्थापक
काठमाडौं । नेपाल इन्भेस्टमेन्ट मेगा बैंक (एनआईएमबि) का एक संस्थापक सेयरधनीले आफ्नो नाममा रहेको ८ लाख ७ हजार ६०९ कित्ता संस्थापक सेयर बिक्री गर्ने भएका छन् । बैंकले उक्त सेयर खरिदका लागि विद्यमान संस्थापक सेयरधनीलाई पहिलो प्राथमिकता दिँदै ३५ दिनको समय दिएको छ । बैंकका अनुसार एक संस्थापक सेयरधनीले आफ्नो स्वामित्वमा रहेको उक्त सेयर आंशिक वा पूर्ण रूपमा बिक्री गर्न आवश्यक स्वीकृति माग्दै निवेदन दिएका छन् । सोही निवेदनका आधारमा बैंकले विद्यमान संस्थापक सेयरधनीलाई सेयर खरिदको अवसर प्रदान गरेको हो । तोकिएको अवधिभित्र विद्यमान संस्थापक सेयरधनीबाट सेयर खरिदका लागि आवेदन प्राप्त नभएमा वा सबै सेयर बिक्री हुन नसकेमा प्रचलित नियमानुसार अन्य व्यक्ति वा संस्थालाई बिक्री प्रक्रिया अघि बढाइने बैंकले जनाएको छ ।
