साञ्जेन जलविद्युतले ५४ करोडको आईपीओ बिक्री गर्ने, अनुमति माग्न पुग्यो धितोपत्र बोर्ड
काठमाडौं । साञ्जेन जलविद्युत कम्पनी लिमिटेडले सर्वसाधारणको लागि ५४ करोड ७५ लाख रुपैयाँ बराबरको साधारण सेयर(आईपीओ) बिक्री गर्ने भएको छ । कम्पनीले अंकित मूल्य १०० रुपैयाँको दरले ५४ लाख ७५ हजार कित्ता सेयर निष्कासन गर्ने प्रक्रिया अघि बढाएको हो । कम्पनीले बिहीबार धितोपत्र बोर्डमा निवेदन दिएर सो मात्राको आईपीओ निष्कासन गर्ने अनुमति मागेको हो । बोर्डको अनुमति पाए पश्चात हाइड्रोले नागरिक लगानी कोष मार्फत सो मात्राको आईपीओ सर्वसाधारणमा बिक्री गर्ने छ ।
१० रुपैंयाँको नोटमा पूर्व गभर्नर र पूर्व बैंकर सहित ३ जना विरुद्ध भ्रष्ट्राचार मुद्दा
काठमाडौं । पुर्व गर्भनर तिलक रावल। उपेन्द्र केशरी पौडेल र हिमालयन बहादूर पाँडे विरुद्ध मुद्दा दायर भएको छ । भ्रष्ट्राचार अभियोगमा अख्तियार दुरुपयोग अनुसन्धान आयोगले बिहिबार मुद्दा दायर गरेको हो । आयोगले नेपाल राष्ट्रा बैंकबाट अष्ट्रेलियामा रु १० को ५ करोड थान पोलिमर नोट छपाई गर्दा अनियमितता भएको पुष्टी भएको छ । आयोगले नेपाल राष्ट्रफ बैंकबाट अष्ट्रेलियामा रु १० को ५ करोड थान पोलिमर नोट छपाई गर्दा अनियमितता भएको पुष्टी भएको छ । अष्ट्रेलियाको स्थानीय एजेन्टमार्फत आर्थिक लेनदेन गरेको, गुणस्तरहीन नोट छपाई भएको, नोट प्रिन्टिङ अष्ट्रेलियासँग गैर कानुनी मिलेमतो गरी ३ जनाले आर्थिक अनियमितता गरेको आयोगले प्रमाणित गरेको हो । उनीहरु विरुद्ध स्थानीय एजेन्टमार्फत आर्थिक लेनदेन गरेको, गुणस्तरहीन नोट छपाई भएको आयोगमा उजुरी परेको प्रवक्ता रामेश्वर दंगालले बताए । आयोगले अनुसन्धान गर्दा बोलपत्र पूर्व नै नेपाल राष्ट्र बैंकले नोट प्रिन्टिङ अष्ट्रेलियासँग बोलपत्रका मस्यौदा लिने, संचालक समितिका निर्णय चुहाउने, जर्मन कम्पनीसँगको साँचो नोट प्रिन्टिङ अष्ट्रेलियालाइ हस्तान्तरण गर्न लगाएको पाएको थियो । नेपाल राष्ट्र बैंक र नोट प्रिन्टिङ अष्ट्रेलिया तथा त्यसका स्थानीय प्रतिनिधी बिचका निरन्तर पत्राचार हुने, छापिएका नोटका कमिकमजोरी मिडियामा नल्याउनका लागी मिडियाकर्मीहरुलाई समेत रकम दिएको दाबी गरेको छ । नेपाल राष्ट्र बैंकका एव् नोट प्रिन्टिङ अष्ट्रेलियाका पदाधिकारीहरु र त्यसका स्थानीय प्रतिनिधिले नेपाल राष्ट्र बैंकलाई अस्वभाविक मूल्य तिराई नोक्सानी पुर्यारएको आयोगले बताएको छ ।
सिंगल डिजिटमा ब्याजदर झार्ने बैंकर्स संघको निर्णय
काठमाडौं । बैंकर्स संघले मुद्धति निक्षेपको ब्याजदर सिंगल डिजिटमा झार्ने सहमति गरेको छ । बिहिबार बसेको बाणिज्य बैंकका प्रमुख कार्यकारी अधिकृतहरुको बैठकले मुद्धति निक्षेपको ब्याजदर १० प्रतिशत भन्दा कम गर्ने निर्णय गरेको हो । बैंकरबिच व्यक्तिगत तर्फ ९.२५ र संस्थागत तर्फ ८.५ प्रतिशत कायम गर्ने र बचत खातामा ६.५ प्रतिशतमा सिमित गर्ने सहमति भएको हो । बिहिबार बिहानै गभर्नर डा. चिरञ्जीवी नेपालले क, ख, ग र घ वर्गका बैंक तथा वित्तिय संस्थाका प्रमुख कार्यकारी अधिकृतहरुलाई बोलाएर ब्याजदर एक अंकमा सिमित गर्न निर्देशन दिएका थिए । ‘हामीले सबैलाई बोलाएर ब्याजदर सिंगल डिजिटमा सिमित गर्नुस भनेका थियौं, सोही अनुसार बैंकरहरुले निर्णय गरेका छन्, हामीले हस्तक्षेप गर्नु परेन ठिकै भयो’, केन्द्रिय बैंकका डेपुटी गभर्नर शिवराज श्रेष्ठले विकासन्युजसँग भने ।
जनता बैंकको १२ प्रतिशत मासिक ब्याज प्राप्त गर्ने योजना बन्द
काठमाडौं । जनता बैंकको विशेष मुद्दती योजना आज देखि बन्द गरेको छ । बैंकद्वारा लागु गरिएको बार्षिक १२ प्रतिशतले मासिक ब्याज प्राप्त गर्ने बिशेष मुद्दती योजना बन्द गरेको हो । विगत केही समय देखि देखिएको बजारको तरलता अवस्थालाई मध्यनजर गर्दै बन्द गरिको बैकले जानकारी दिएको छ ।
३ बर्षपछि नागरिक लगानी कोषको दाेस्राे बजारमा कमब्याक, मार्केट बन्ने लक्ष्यसाथ शेयर खरिद सुरु
काठमाडौं । ३ बर्ष भन्दा लामो समयपछि नागरिक लगानी कोषले सेयर बजारमा कमब्याक गरेको छ । कोषले मंगलबारदेखि दोश्रो बजारमा सेयर खरिद गरी दोस्रो बजारमा पुनस् प्रवेश गरेको हो । नागरिक लगानी कोषले २०७२ असोजदेखि दोश्रो बजारमा सेयर खरिद बिक्रि बन्द गरेको थियो । नागरिक लगानी कोषको यो कदमलाई बजार निर्माताको काम गर्ने प्रयासको प्रारम्भिक कदमको रुपमा हेरिएको छ । स्टक डिलरको काम गर्नको लागि भने कोषले सहायक कम्पनी खोल्ने अन्तिम चरणमा पुगेको र कोषले सेयर खरिद आरम्भ गरेको हो । ‘स्टक डिलर कम्पनीमा ट्रान्सफर हुनेगरी अहिले कोषकै तर्फबाट सेयर खरिद आरम्भ गरेका छौं, यसले पुँजी बजारको दिगो विकासमा सहयोग गर्नेछ’, कोषको उच्च श्रोतले भन्यो ।
नेपालकाे जलविद्युत परियोजनामा लगानी गर्न भियतनाम इच्छुक
काठमाडौं । नेपाल चेम्बर अफ कमर्सको प्रतिनिधि मण्डलले भियतनामको होचिमिंह शहरका निर्देशक तथा परराष्ट्र मामला सम्बन्धि प्रमुख माइ अन्ह थाइसंग भेट–घाट गरेको छ । भियतनाममा भएको भेटमा नेपाल चेम्बर अफ कमर्सका अध्यक्ष राजेश काजी श्रेष्ठले नेपाल–दुइ–पक्षीय व्यापारको बिषयमा छलफल गर्दै नेपालको जलविद्युत परियोजनामा लगानी गर्न चासो देखाएको कुरा भियतनामका प्रतिनिधि मण्डलका सदस्य निरज राईले बताएका छन् । साथै पर्यटन विकास, पूर्वाधार विकास, बैंकिंग सहकार्य तथा ब्यापारिक प्रतिनिधि मण्डलको आदान–प्रदान बारे छलफल भएको जानकारी दिएका छन् ।
प्रभु लाइफकाे ‘श्रीवृद्धि जीवन बीमा’ योजना, शुल्क नबढ्ने तर बीमा रकम दोब्बर हुने
काठमाडौं । प्रभु लाइफ इन्स्योरेन्स लिमिटेडले बीमितहरुलाई लक्षित गरी ‘श्रीवृद्धि जीवन बीमा’ योजना ल्याएको छ । इन्स्योरेन्सले बिहीबार पत्रकार सम्मेलन गरी टाइम भ्यालु अफ मनीको अवधारणालाई पुरा गर्ने उद्देश्यले उक्त योजना सार्वजनिक गरेको बताएको छ । यस योजना अन्तर्गत बीमा रकममा प्रत्येक वर्ष ५ प्रतिशतका दरले वृद्धि हुँदै जानेछ । तर बीमा शुल्क(प्रिमियम) भने जीवन बीमा अवधि भरि नै सधैँ एउटै हुने इन्स्योरेन्सले जनाएको छ । साथै, इन्स्योरेन्सका बीमितले मुल बीमाङ्कमा ५ प्रतिशतका दरले वार्षिक वृद्धि भएको बीमाङ्क रकम र बोनस सहित बीमाङ्कको करिब ३ गुणा रकम एकमुष्ठ फिर्ता पाउने इन्स्योरेन्सका निमित्त प्रमुख कार्यकारी अधिकृत किशोरप्रसाद लामिछानेले बताएका छन् । सो योजनामा न्यूनतम बीमाङ्क एक लाख रुपैयाँ र अधिकतम बीमाङ्क जति पनि हुने छ । कम्पनीले १० वर्षदेखि अधिकतम ६० वर्ष उमेरका व्यक्तिहरुलाई लक्षित गरी उक्त योजना ल्याएको हो । त्यस्तै, न्यूनतम बीमा अवधि १० वर्ष र अधिकतम २० वर्ष रहेको छ । कम्पनीका अनुसार वार्षिक बीमा शुल्क भुक्तानीमा २ प्रतिशत र अर्ध वार्षिक बीमाशुल्क भुक्तानीमा १ प्रतिशत छुट हुने छ । त्यस्तै, त्रैमासिक तथा तलब बचत बीमा शुल्क भुक्तानीमा कुनै छुट तथा थप नरहेको र मासिक बीमाशुल्क भुक्तानीमा ५ प्रतिशत छुट हुने कम्पनीले जनाएको छ ।
मुक्तिनाथ विकास बैंकद्धारा मोरङ्गलको एक विद्यालयलाई सहयोग
काठमाडौं । मुक्तिनाथ विकास बैंकले मोरङ्ग जिल्लाकाे रतुवामाईमा रहेकाे सौंठा मा.वि. लाई सहयाेग गरेकाे छ । मुक्तिनाथ विकास बैंक धरान शाखाका प्रमुख सञ्जय भण्डारीले विद्यालयका प्रधानाध्यापक लक्ष्मीप्रसाद कोईरालालाई सहयाेग स्वरूप ४० हजार हस्तान्तरण गरेका छन् । विज्ञान प्रयोगशाला व्यवस्थापन सुधारका लागि रु ४० हजार सहयोग स्वरुप चेक प्रदान गरेको छ ।
