घुस लिदै गर्दा म्याग्दीका सहायक वन अधिकृत राजकुमार ठाकुर पक्राउ
गलेश्वर। म्याग्दी जिल्लाका युवाको अगुवाइमा सञ्चालन भएको भ्रष्टाचार नियन्त्रण अभियान प्रभावकारी बनेको छ । नेपाल कम्युनिष्ट पार्टी (नेकपा) निकट विद्यार्थी सङ्गठन अनेरास्ववियुका नेता प्रकाश पौडेलको अगुवाइमा सञ्चालन गरिएको सो अभियान अन्तर्गत बिहीबार अख्तियार दुरुपयोग अनुसन्धान आयोगको एक टोलीले डिभिजन वन कार्यालयका एक कर्मचारीलाई घुससहित पक्राउ गरेको हो। बेनी नगरपालिका–७ स्थित सवडिभिजन वन कार्यालयमा रहेको आवासगृहको कोठामा काठसम्बन्धी मुद्दा मिलाइदिने भन्दै सेवाग्राहीबाट रकम लिँदै गर्दा अख्तियारको टोलीले उक्त कार्यालयका सहायक वन अधिकृत राजकुमार ठाकुरलाई सेवाग्राहीबाट रु ३४ हजार घुस लिँदै गर्दा रङ्गेहात पक्राउ गरेको थियो । आयोगको पोखरा कार्यालयका अनुसार काठ मुद्दा मिलाइदिने भन्दै एक सेवाग्राहीबाट अधिकृत ठाकुरले पैसा मागेपछि ती उनले विद्यार्थी नेता पौडेललाई सूचना दिएका थिए । रासस
यसरी रुप फेर्दैछ बाँस र त्रिपालको बीएम कम्प्लेक्स, कस्तो बन्दैछ ? प्रस्ताव मन्त्रीपरिषदमा
काठमाडौं । निम्न आय भएका व्यक्तिहरुको प्रमुख सपिङ सेन्टर भृकुटीमण्डप खुल्ला बजारको स्वरुप परिवर्तन हुने भएको छ । सरकारले खुल्ला बजारलाई व्यवस्थित बनाउँदै स्वरुप परिवर्तन गर्ने भएको हो । बजारको स्वरुपबारे मंसिर २६ गते प्रस्ताव प्रधानमन्त्री कार्यालय पुगेको छ । प्रधानमन्त्री कार्यालयबाट आएपछि मन्त्रिपरिषद पठाउने महिला, बालबालिका तथा जेष्ठ नागरिक मन्त्रालयले तयारी गरेको छ । बजारको अध्ययन गर्न मन्त्रालयले मोहन रमण उपाध्ययको नेतृत्वमा २०७४ साउन १६ गते समिती गठन गरेको थियो । सो समितीले तयार गरेको प्रतिवेदनको नै मन्त्रिपरिषद पठाउन लागिएको मन्त्री थममाया थापाले बताईन । ‘सरकारले अब लामो समय यो बजारलाई खुल्ला बजार बनाएर राख्दैन, यसलाई अब व्यवस्थीत बनाइन्छ’- मन्त्री थापाले विकासन्युजसँग भनिन्-छिट्टै संरचना निर्माण हुनेछ । उनका अनुसार मन्त्रालयले सो प्रतिवेदन मन्त्रिपरिषदमा पेस गर्नेछ । मन्त्रिपरिषदबाट पारित भएपछि प्रस्ताव कार्यान्वयनमा आउनेछ । खुल्ला बजारलाई आउँदो दिनमा ठूलो संरचना निर्माण गरी अन्तराष्ट्रिय स्तरको प्रर्दशनी स्थल बनाउन सकिनेतर्फ पनि मन्त्रालयले ध्यान दिइरहेको मन्त्री थापाले बताइन् । खुल्ला बजारलाई समाज कल्याण परिषद मार्फत व्यवस्थीत बनाउन लागिएको हो । अहिले त्यहाँका व्यवसायीहरुले बेलुकी सबै समाग्री लकरमा राख्ने वा सुरक्षित स्थानमा लैजानु पर्ने झन्झट रहेको छ । काठमाडौँ निम्न व्यापारी सङ्घ भृकुटीमण्डपका अध्यक्ष लक्ष्मिप्रसाद ओलीले सरकारले द्रुत गतिमा भृकुटी मण्डपको व्यवस्थापनमा ध्यान दिनुपर्ने बताए । यसरी विकास भयो भृकुटी खुल्ला बजार विसं २०४९ पुस २ गते खुल्ला मञ्चबाट भृकुटीमण्डपमा व्यवसायीहरुले व्यपार सुरु गरेका हुन् । हाल सो बजारमा १३ सय ११ स्टलहरु रहेका छन् । प्रत्येक स्टलहरुले प्रति वर्गमिटर १४ रुपैंयाको दरले भाडा समाज कल्याण परिषदलाई बुझाउने गरेको काठमाडौं निम्न व्यापारी संघका उपाध्यक्ष गोबिन्द कुमार पौडेलले बताए । संघले मासिक १४ लाख भाडा परिषदलाई बुझाउँदै आइरहेको छ । ५७५ मिटर लम्बाईमा फैलिएको यो बजार दक्षिण एसियाकै सबैभन्दा ठूलो खुल्ला बजार हो । यो बजारमा २ हजार भन्दा बढी व्यक्तिहरु प्रत्यक्ष रुपमा रोजगारी पाइरहेका छन् । यसरी फेरिनेछ खुल्ला बजारको स्वरुप अहिले बाँस र त्रिपालबाट बनेको यो बजार अब पुर्ण रुपमा भुँइ ढलान हुनेछ । फलामको रेलिङ राखी विभिन्न स्टलहरु बनाई प्रत्येक स्टललाई एउटा कोठाको रुपमा विस्तार गरिनेछ । बजारको माथिल्लो भाग भने जस्ताले छाइनेछ । यो निर्माणको लागि परिषदले लगानी गर्नेछ । बजारको विभीन्न भागमा सौचालय र प्रतिक्षालयको निर्माण गरिनेछ । मन्त्रालयले बजार व्यवस्थापनको काम चालु आर्थिक वर्षमै सुरु गर्ने तयारी गरेको छ । खुल्ला बजारमा अहिले विषेशगरी लत्ता कपडाहरुको व्यपार बढी रहेको छ । दैनिक जिवनमा आवश्यक पर्ने लुगा, जुत्ता लगायत घरायसी सामाग्रीहको व्यपार हुदैं आएको छ । व्यवस्थीत गरिए राजधानीकै सबैभन्दा ठूलो सपिङ सेन्टरको रुपमा विस्तार गर्न सकिने अनुमान गरिएको छ । उपाध्यक्ष, गोविन्द कुमार पौडेल
नेपालकै सबैभन्दा ठुलो उद्यमशीलता सम्मेलन “नेक्स्ट ग्रोथ कन्क्लेभ २०१८” शनिबार हुँदै
काठमाडौं। नेपालमै व्यवसाय स्थापना गरी त्यसलाई विस्तार गर्न सोचमा रहेका उद्यमीहरुको सहयोगी हातको रुपमा रहेको ‘नेक्स्ट भेन्चर’ नेपालले तेस्रौ पटक नेपालकै सबैभन्दा ठुलो उधमसिलताको सम्मेलन ” नेक्स्ट ग्रोथ कन्क्लेभ-२०१८ ” यही डिसेम्बर २२ मा सोल्टी होटलमा आयोजना गर्दैछ । कार्यक्रम बिहान् ९ बजे देखी साँझ ६ बजे सम्म हुनेछ। नेक्स्ट ग्रोथ कन्क्लेभ सबैभन्दा महत्वपूर्ण सुरुवात, साना व्यवसाय, उधमी, लगानीकर्ता, मिडिया तथा अन्य कर्पोरेट कार्यकारी र ग्लोबल स्पिकरहरुको भेला हो। २०१६ मा सुरुवात गरिएको यस कार्यक्रमले २ बर्ष पार गरिसक्दा १५०० जना भन्दा बढी सहभागीहरु, ३३ ग्लोबल स्पिकर, ५५ कम्पनीहरुको उपस्थितीमा ३३ जना नयाँ उधमीहरुले आफ्नो व्यवसाय लन्च गरेका थिए। मिडियाको लागि मिडियाकक्ष र सम्भावित लगानीकर्ता र लगानी गर्ने कम्पनीहरुको लागि “इन्भेष्टर कक्ष” कार्यक्रमको मुख्य आकर्षणको रुपमा रहेको छ जुन मिडिया प्रतिनिधिहरुलाई विशेष ध्यान दिएर बनाइरको छ। कार्यक्रमलाई अझै राम्रो बनाउने उदेश्यको साथ यस बर्ष कम्पनीले १२ ग्लोबल स्पिकरहरू ल्याई कम्तीमा पनि स्टार्टअप भ्यालीमा २४ वटा स्टार्टअप कम्पनीहरू र ४० भन्दा बढी लगानीकर्ताहरु “लगानीकर्ता लाउन्जमा” राख्ने भएको छ। कम्पनीको अनुसार उद्यमी, स्टार्टअप कम्पनीहरू, कार्यकारीहरू, मिडिया, लगानीकर्ताहरु र अन्य सरोकारवालाहरु सँगसँगै ल्याइने सम्भवत: यो पहिलो कार्यक्रम हुनेछ।
राजदेवी नगरपालिकाको आम्दानी ६६ लाख, लक्ष्य ५० किलोमिटर सडक बनाउने
धीरेन्द्रकुमार सिंह रौतहट । राजदेवी नगरपालिकाका प्रमुख धीरेन्द्र कुमार सिंहले चालू आर्थिक वर्षमा नगर क्षेत्र भित्र ५० किलोमिटर सड़क बनाउने लक्ष्य रहेको बताएका छन् । विहीवार आफ्नै कार्यकक्ष संचारकर्मीसित संक्षिप्त कुराकानी गर्दै मेयर सिंहले यस पालीको बजेट पूर्ण रुपमा पारदर्शी ढंगबाट कार्यान्वयन हुने दावी गरे । ठूला योजना टेण्डर मार्फत तथा सानो योजनाहरु उपभोक्ता समिति मार्फत बनाउने बताउँदै नगरपालिकाको आफ्नै मशिन सड़क मर्मत र निर्माणमा प्रयोग गरिने बताए । वड़ा अध्यक्षहरुलाई सहभागिता मूलक पारदर्शी रुपमा बजेट कार्यन्वयन गराउन स्पष्ट रुपमा निर्देशन दिइएको बताउँदै मेयर सिंहले जनताको कार्य जनताको सहभागितामा हुनु पर्नेमा जोड दिए । मेयर सिंहले विकास निर्माणको साथै नगरपालिकाको आन्तरिक व्यवस्थापन, सामाजिक, शैक्षिक विकास, आर्थिक सवलता, आयआर्जनको लागि रोजगारमूलक कार्यक्रमको तर्पm ध्यान केन्द्रित रहेको उल्लेख गरे । विकास निर्माण कार्यको लागि जनशक्तिको आभाव र भौतिक पूर्वाधारको समस्या रहेकोले यसको समाधान को लागि गृहकार्य भैरहेको जनाएका छन । नगरपालिकाका निमित प्रमुख प्रशासकीय अधिकृत दिलीप सिंह धामीले रौतहटको ५ स्थानीय तहले बजेट बनाउन नसकेको अवस्थामा राजदेवी नगरपालिकाले बजेटको १ चौथाईका कार्यक्रम सञ्चालनमा ल्याइसकेको बताएका छन । अधिकृत धामीले योजना कार्यान्वयनको लागि सूक्ष्म अनुगमन प्रक्रिया अपनाउने बताए । दिलीप सिंह धामी विनासूचनाको गठन गरिएको उपभोक्ता समितिको मान्यता नहुने प्रस्ट परे । धामीले यस वर्ष नगरपालिकाको आन्तरिक आय ६६ लाख हुनु पर्ने लक्ष्य राखेको बताए । नगरपालिकाको विकास निर्माणका लागि अपुग बजेटका लागि प्रदेश सरकार र केन्द्र सरकारबाट अनुदान लिने उनले बताए ।
रेनोकाे एक्सचेन्ज क्याम्प पुस ५ गतेदेखि शुरु, गाडी एक्सचेञ्जमा सडक कर फ्री हुने
काठमाडौं । नेपालमा रेनोको आधिकारिक बितरक, एडभान्स अटोमोबाईल प्रा. लि. ले रेनो कार प्रेमीहरुका लागि यहि पुस ५ गतेदेखि पुुस ८ गतेसम्म रेनो एक्सचेन्ज क्याम्प शुरु गरेको छ । उक्त क्याम्प रेनोको सोरुम थापाथली र नक्साल , काठमाडौं र भक्तपुरमा हुने छ । ‘‘पुरानो छोडाैं ! नयाँ गुडाऔँ’’ भन्ने ट्यागलाईनका साथ आयोजना गरिएको यो कार्निभलमा पुरानो कार प्रयोगकर्ताहरुले रेनोको नयाँ कारका साथमा एक्सचेन्ज गर्न सक्नेछन् । रेनोको क्विड, डस्टर र क्याप्चर मोडलहरुमा एक्सचेन्ज उपलब्ध रहेको छ । अभियानले ग्राहकलाई तुरुन्त मुल्यांकन र एक्सचेन्ज, २ बर्षसम्मको लागी फ्रि सर्भिसिङ्ग, नि:शुल्क एसोसोरिज, एक आर्थिक वर्षभरीका लागि सडक कर फ्री, इजी फाइनान्स सुबिधा लगायत सेवा उपलब्ध गराएको छ । ग्राहकहरुले प्रत्येक टेस्ट ड्राइभ गरे बापत आकर्षक उपहार जित्नेछन् । रेनो एक्सचेन्जले ग्राहकहरुलाई एक्सचेन्जको माध्यमबाट नयाँ पुस्ताका कारहरुको बारेमा जानकारी दिने छ ।
विभिन्न समाजिक कार्यक्रम गर्दै लक्ष्मी ग्रुपले मनायो ४५औं वार्षिकोत्सव, आगामी वर्षहरुमा पनि निरन्तरता दिने
काठमाडौं । लक्ष्मी ग्रुपले बिहीबार आफ्नो ४५औं वार्षिकोत्सवको सम्पन्न गरेको छ । सो अवसरमा ग्रुपले विभिन्न समाजिक कार्यक्रमको आयोजना गरि आफ्नो कर्पोरेट डे मनाएको छ । ग्रुपले ४५ वर्षको अवधिसम्म व्यवसायिक सामाजिक उत्तरदायित्व बहन गर्दै विभिन्न क्षेत्रमा प्रत्यक्ष वा अप्रत्यक्ष रुपमा सहयोग पुर्याउँदै आएको छ । सो अवसरमा लक्ष्मी गु्रपले आफनो प्रधान कार्यलय पोखरा र कर्पोरेट कार्यालय काठमाडौंमा रक्तदान कार्यक्रमको आयोजना गरेको छ । जसमा पोखरा स्थित कार्यलयमा ११६ तथा काठमाडौंमा स्थित कार्यलयमा ७५ गरि कुल १९१ जनाले रत्तदान गरेका थिए । त्यस्तै, नेपालको एक मात्र आधिकारिक विक्रेता, हुण्डाई मोटरर्सको लक्ष्मी इन्टर कन्टिनेन्टलद्वारा सूर्यविनायक मन्दिर र वटुक भैरव मन्दिर परिसर र वरपरका क्षेत्रमा सरसफाई कार्यक्रम आयोजना गरेको थियो । साथै, नेपालमा भएका मष्तिस्क पक्षघातबाट पीडित बालबालिकाहरुको उत्थानमा कार्यरत एस.जि.सि.पि नेपालका बालबालिकाहरुलाई स्कूल व्याग र न्यानो ज्याकेटहरु प्रदान गरेको ग्रुपले जनाएको छ । यसका साथै लक्ष्मी गु्रपका अन्य संस्थाहरु सुजल फुड्स प्रा.लि., सुजल डेरी प्रा.लि., जया प्याकेजिङ्ग प्रा.लि., सुजल प्लाष्टिक प्रा.लि., लक्ष्मी इन्टरकन्टिनेन्टल प्रा.लि. आदि कम्पनीले पनि विभिन्न कार्यक्रमको आयोजना गरिएको थियो । सुजल फुड्स प्रा.लिले गोकर्णस्थित जोइन्ट डिजेबल यूनिटी आवाज सेन्टर र सिफल स्थित चाइल्ड प्रोटेक्सन होमका बालबालिकाहरुलाई विभिन्न कन्फेक्सनरी उत्पादनहरु वितरण गरेको थियो । सुजल डेरी प्रा.लिले कीर्तिपुरको भत्केपाटी स्थित बेवी लाईफ होम (अनाथलय) का बालबालिकाहरुको लागि भोजन कार्यक्रमको आयोजना गरि विभिन्न उपहारहरु पनि दिएको थियो । यसका साथै, लक्ष्मी ग्रुपले आगामी वर्षहरुमा पनि आफ्नो सामाजिक उत्तरदायित्वका कार्यक्रमहरुलाई निरन्तरता दिने प्रतिवद्धता व्यक्त गरेको छ ।
शिवमकाे १० बोरा सिमेन्ट किन्दा सुनदेखि नगद पाइने, साथमा हेलिकप्टर यात्रा पनि
काठमाडौं । नेपालको अग्रणी सिमेन्ट उत्पादक कम्पनी शिवम् सिमेन्ट्स लिमिटेडले ग्राहकहरुलाई लक्षित गरि “लक्ष्मी हातमा देव दर्शण शिवमका साथमा” नामक नयाँ योजना बजारमा ल्याएको छ । यो योजना सिमित अवधिका लागि नेपाल अधिराज्यभरि लागू गरिएको छ । यस योजना अन्तर्गत प्रत्येक १० बोराको खरिदमा एउटा कुपन पाइने छ । उक्त कुपनको स्क्र्याच गर्ने भागमा स्क्र्याच गरि २.५ ग्राम देखि १० ग्राम सुनको सिक्का वा १०० रुपैयाँदेखि १००० रुपैयाँसम्मको नगद पक्का जित्न सकिनेछ । नगद पुरस्कार तुरन्तै वितरकबाट प्राप्त गर्न सकिनेछ । सुनको लागि ९८०१११४६५८ मा सम्पर्क गरि नजिकको वितरक वा शिवम् सिमेन्टको शाखा कार्यालयबाट प्राप्त गर्न सकिनेछ । गोसाईकुण्ड हेलिकप्टर यात्राको लागि कुपनको अर्घकट्टीमा आफ्नो नाम, ठेगाना र मोबाइल नम्बर स्पष्ट रुपमा लेखि लक्की-ड्र बक्समा हाल्नु पर्नेछ । संकलित कुपनहरुलाई राष्ट्रिय टेलिभिजनबाट प्रत्यक्ष प्रसारण मार्फत लक्की–ड्र गरि विजेताहरु चयन गरिनेछ । विजेताहरुको हकमा कुपनमा उल्लेखित मोबाइल नम्बरलाई मात्र मान्यता दिईनेछ र उक्त मोबाइल नम्बर बाहकलाई मात्र पुरस्कार प्रदान गरिनेछ ।
राष्ट्रिय बीमा संस्थानले शतप्रतिशत पुनर्बीमा गर्ने, विदेशिने रकम रोकिने
काठमाडौं । राष्ट्रिय बीमा संस्थानले नेपाल पुनर्बीमा कम्पनी लिमिटेडसँग शतप्रतिशत पुनर्बीमा गर्ने सम्झौता गरेको छ । उक्त सम्झौतापत्रमा बिहीबार आयोजित एक कार्यक्रममा राष्ट्रिय बीमा संस्थानका प्रशासक कविप्रसाद पाठक र नेपाल पुनर्बीमा कम्पनीका प्रमुख कार्यकारी अधिकृत चिरायु भण्डारीले हस्ताक्षर गरेका छन् । सरकारले चालू आर्थिक वर्षमा बीमा कम्पनीहरुले आफ्नो प्रत्यक्ष हिस्साको कम्तिमा २० प्रतिशत अनिवार्य नेपाल पुनर्बीमा कम्पनीमार्फत पुनर्बीमा गर्नुपर्ने व्यवस्था गरेको छ । उक्त व्यवस्थाले चालु आर्थिक वर्षको शुरुदेखि नै राष्ट्रिय बीमा संस्थानको पुनर्बीमा व्यवसाय शतप्रतिशत नेपाल पुनर्बीमा कम्पनीमा हुने हुँदा दुवै कम्पनी लाभदायी हुने कम्पनीले जनाएकाे छ । साथै, यसबाट पुनर्बीमा मार्फत विदेशिने रकम रोकिने कम्पनीले बताएकाे छ ।
