जीवन विज्ञान प्रतिष्ठानलाई मुक्तिनाथ विकास बैंकद्धारा सहयोग
काठमाडौं । मुक्तिनाथ विकास बैंकले जीवन विज्ञान प्रतिष्ठानकाे नयाँ ध्यान कक्ष निर्माणका लागि रु १ लाख सहयोग गरेकाे छ । उक्त रकम चेक मार्फत जीवन विज्ञान प्रतिष्ठानका विवेक गुरागाईलाई प्रदान गरिएकाे छ । जीवन विज्ञान प्रतिष्ठान मनुष्यमा अन्तरर्निहित प्रतिभा, सिर्जना, सुख, शान्ति र समृद्धिको मूलमन्त्रलाई अपनाउँदै विभिन्न कार्यक्रमहरु सञ्चालन गर्दैै आएको छ ।
महानगरलाई स्मार्ट सिटी बनाउन २० सुझाव, कस्ले जित्ला १७ लाख पुरस्कार ?
काठमाडौं । पहिलो पटक सुरु गरिएको “स्मार्ट सहरी प्रविधि प्रतिस्पर्धा”का लागि अहिलेसम्म २० सुझाव परेको छ । महानगरपालिकाले पहिलो चरणका लागि ३२ दिनको समय अवधि निर्धारण गरी गत मङ्सिर २६ गतेदेखि सुरु गरेका प्रतिस्पर्धामा हालसम्ममा २० सुझाव प्राप्त भएको जनाइएको छ । काठमाडौँको समस्या पहिचान गरी निराकण, नवीन र प्रविधिमैत्री उपायको खोजी गर्न कामपाले “स्मार्ट सहरी प्रविधि प्रतिस्पर्धा, २०७५” सुरु गरेको हो । प्रतिस्पर्धाका लागि समुदाय तथा वातावरण, सहरी पूर्वाधार विकास, महानगरीय सामुदायिक सेवा र महानगरको सार्वजनिक प्रशासन तथा व्यवस्थापन गरी चार विषय समेटिएका छन् । विषयमा रही महानगरलाई थप समृद्ध बनाउन जो कोही व्यक्ति वा संस्थाले आफ्नो क्षमता देखाउन सक्नेछन् । कामपाले प्रतिस्पर्धाका लागि इमेल ठेगाना मा लगअन गरी फाराम भर्न सकिने जनाएको छ । पहिलो चरणको फारामको ३२ दिनको समय दिइएको छ । कामपा सहरी योजना आयोगका सदस्य सचिव सरोज बस्नेतका अनुसार छनोट गरिएका सबै विषयमा सुझाव आउने क्रम जारी छ । प्रतिस्पर्धालाई विभिन्न छ चरणमा विभाजन गरी सम्पन्न गर्ने आयोजकको तयारी छ । सबै चरण समापन गर्न करिब छ महीनाको समय निर्धारण गरिएको पनि कामपाले जनाएको छ । नवीन सोचसहित विषयको आधारमा उत्कृष्ट ठहरिएका व्यक्ति वा संस्थालाई पुरस्कारको व्यवस्थासमेत गरिएको छ । प्रतिस्पर्धामा भाग लिन नेपाली नागरिकले विश्वको जुनसुकै स्थानमा रहेर पनि यसको फाराम भर्न सक्नेछ । सङ्कलन भएका सुझावहरूबाट काठमाडौँको समस्या समाधान गर्न ठूलो सहयोग पुग्ने विश्वास कामपाले लिएको छ । रासस
नेपाल लाइफको उप कार्यकारी अधिकृतमा सन्तोष प्रसाईँ चयन
काठमाण्डौ । नेपाल लाइफ इन्स्योरेन्सको उप प्रमुख कार्यकारी अधिकृतमा सन्तोष प्रसाई चयन भएका छन् । यही पुस ६ गते सम्पन्न कम्पनी सञ्चालक समितिको बैठकले उनलाई उप प्रमुख कार्यकारी अधिकृतमा चयन गर्ने निर्णय गरेको हो । पुस ८ गतेदेखि लागू हुने गरी प्रसाईँलाई उप प्रमुख कार्यकारी अधिकृतको जिम्मेवारी प्रदान गरिएको कम्पनीका वित्त, लेखा तथा मानव संसाधन विभाग प्रमुख रोशन दवाडीले जानकारी दिए ।
जुनसुकै लगानीको विद्युत किन्न भारत तयार
काठमाडौं । भारतले नेपालमा उत्पादन हुने सबैखाले लगानीको विद्युत किन्ने भएको छ । भारतले क्रसबोर्डर विद्युत् व्यापार आयात निर्यात निर्देशिका परिमार्जन गरी विद्युत किन्ने भएको हो । भारतले अब जुनसुकै लगानीमा उत्पादन भएको विद्युत खरिदको बाटो खुलेको छ । भारतले यसअघि आफ्ना लगानीमा बनेका आयोजनाका मात्रै बिजुली मात्रै किन्ने गरी निर्देशिका ल्याएको थियो ।
नेप्से परिसूचक उकालो चढ्दै, १ घण्टा मै १६ अंकले बृद्धि
काठमाण्डौ । साताको पहिलो दिन आज आइतबार नेप्से परिसूचक बजार खुलेको १ घण्टा मै दोहोरो अंकले बृद्धि भएको छ । अहिलेसम्मको अवस्थामा नेप्से परिसूचक १६.४२ अंकले बृद्धि भएको छ । १.४१ प्रतिशतले परिसूचक बढ्दा ११८२.३६ अंकमा पुगेको छ । नेपाल स्टक एक्सचेञ्जका अनुसार अहिलेसम्म १२८ कम्पनीका १० लाख ४ हजार ३ सय ८१ कित्ता शेयर कारोबार भएको छ । समग्र नेप्सेमा अहिलेसम्म २८ करोड १२ लाख ६५ हजार ४ सय ४९ रुपैयाँको कारोबार भइसकेको छ । अहिलेसम्म सबै सूचकमा हरियाली छाएको छ । बैंकिङ समूह १५.०२, होटल समूह १६.६२, विकास बैंक समूह १६.११, जलश्रोत समूह २५.३१, वित्त समूह ३.१५, निर्जीवन बीमा समूह १६८.६९, अन्य समूह ४.६७, लघुवित्त समूह २४.०३ र जीवन बीमा समूह १०१.१७ अंकले बढेको छ ।
क्रिसमस र नयाँ बर्षमा जुत्ता किन्ने हो ? नेपाली जुत्ताघरमा पाइन्छ ५० प्रतिशत छुट
काठमाडौं । नेपाली जुत्ता घरले क्रिसमस र अंग्रेजी नयाँ बर्षका अवसरमा ५० प्रतिशतसम्म छुट अफर ल्याएको छ । बिभिन्न पर्व तथा अवसरहरुमा छुट सुबिधा उपलब्ध गराउँदै आएको जुत्ता घरले क्रिसमस र अंग्रेजी नयाँ बर्षका अवसरमा पनि त्यसलाई निरन्तरता दिएको हो । नेपाली जुत्ताघरले स्वदेशी लगानी, स्वदेशी शिप र स्वदेशी परिश्रमबाट निर्मित जुत्ताहरुमा ६ महिनाको वारेन्टीसहित ५० प्रतिशतसम्म छुट सुबिधा दिएपछि बजारीकरणमा ठुलो सहयोग पुग्ने अध्यक्ष होमनाथ उपाध्यायले बताए । जाडो महिना सुरु भएसँगै नेपालमा जुत्ता चप्पलहरुको माग बढ्ने गर्दछ । नेपाली जुत्ता घरमा ४ सय रुपैंयाँदेखि ५ हजार मूल्यसम्मका जुत्ता पाइन्छन् । ‘धेरै नेपालीहरुले मनाउने क्रिसमस र अंग्रेजी नयाँ वर्षको अवसरमा ५० प्रतिशतसम्म छुटको योजना ल्याएका छौं, सबै नेपालीका खुट्टामा नेपाली जुत्ता होस भन्ने हाम्रो कामना हो’, जुत्ता घर प्रालीका अध्यक्ष होमनाथ उपाध्यायले भने । नेपाली जुत्ता घर अब तपाईको नजिकैसम्म आईपुगिसकेको छ । काठमाडौं उपत्यका र पोखरामा गरि ५ वटा आउटलेट विस्तार भैसकेका छन् । काठमाडौंमा जमलको नाँचघरमा, माछापोखरीको बुद्धमलमा शोरुम छ । महाराजगंज चक्रपथबाट गंगाला अस्पताल जानेबाटोमा १०० मिटर अगाडी दायाँ तर्फ छ, कुमारीपाटीमा कुमारी बैंकको ठिक अगाडी नेपाली जुत्ता घरका आउटलेट छन् । पोखरामा सिद्धार्थ चोक स्थित चिप्लेढुंगामा नेपाली जुत्ता घरको आउटलेट छ । नेपाली जुत्ता घरमा बिएफ डिअर हिल सुज, शिखर, कोशेली, क्रसरोड, स्काई सुज, टाकुरा, लेदर विंग्स, शु ल्याण्ड, सफ्ट टच ब्राण्डका जुत्ता छानीछानी खरिद गर्न सकिन्छ । एकापसमा प्रतिष्पर्धा गरिरहेका नेपाली ब्राण्डहरुले सामुहिक बिक्रि केन्द्रको अवधारणामा जुत्ता घरको आरम्भ गरेका हुन् । बजार विस्तारमा प्रतिष्पर्धा गरिरहेका ब्राण्डहरुले एउटै शोरुमबाट आ आफ्ना उत्पादनहरुको प्रवद्र्धन गरिरहेका छन् । नेपाली जुत्ताघरले नेपाली जुत्ताहरुको बजार प्रवद्र्धन र प्रतिष्पर्धी कम्पनीहरुको सहकार्यतामा जोड दिँदै आएको छ ।
सङ्घीय सरकारकाे पाँच करोड लागतमा, कास्कीकाे मर्दीखोला पुल बन्दै
काठमाडौं । कास्कीको माछापुच्छ्रे गाउँपालिका–९ स्थित मर्दीखोलामा मोटरेवल पक्की पुल बन्ने भएको छ । सङ्घीय सरकारकोे रु पाँच करोड चार लाख २४ हजार १७३ लागतमा निर्माण गर्न लागिएको उक्त पुल बन्ने भएको छ । २५ मिटर लम्बाइ र ११ मिटर चौडाइ भएको उक्त पुलको शनिबार युवा तथा खेलकूदमन्त्री जगतबहादुर विश्वकर्माले शिलान्यास गरेका हुन् । पुल निर्माणको लागि गत साउन २ गते मित्रसञ्जीवनी निर्माण सेवासँग ठेक्का सम्झौता भएको सो पुल २०७६ फागुन ३० गतेभित्र तयार गरिसक्ने सम्झौतामा उल्लेख छ । पुल नहुँदा वर्षायाममा वडाका कुईबाङ, सैँतीखोला, इयुँ, तक्रो, सिदीङ, प्रम्धु तथा घलेलका बासिन्दा यातायातको सम्पर्कबाट विमुख हुने गरेको वडाध्यक्ष दुर्गाबहादुर क्षेत्रीले जानकारी दिएका छन् । पुल तोकिएकै मितिमा सम्पन्न गर्न सहयोग गर्ने उद्देश्यले गाउँपालिकाले वडाध्यक्ष क्षेत्रीको संयोजकत्वमा वडाका सबै जनप्रतिनिधि सदस्य रहेको अुनगमन समिति निर्माण गरेको छ । कार्यक्रममा गण्डकी प्रदेशसभा सदस्य रामजीप्रसाद बरालले जनप्रतिनिधिको हिसाबले पनि आफूले पुल तोकिएकै मितिमा सम्पन्न गर्न सहयोग गर्ने जानकारी दिएका छन् । गाउँपालिकाका प्रमुख कर्णबहादुर गुरुङले समृद्धिसँग जाडिएको पुल तोकिएको मितिमा गुणस्तरीय रूपमा सम्पन्न गर्न निर्माण कम्पनीलाई पूर्ण सहयोग गर्ने बताएका छन् । रासस
बागबजारमा कालिज रेष्टुरेन्ट, राजनीतिसँगै पेशा अगाँल्दै युवा नेता
काठमाडौं । बागबजारमा कालिज रेष्टुरेन्ट खुलेको छ । राजनीति मार्फत देश र समाज बदल्ने अठोट बोकेका केहि युवाहरुले बागबजारमा कालिज रेष्टुरेन्ट खोलेका हुन् । श्रेष्ठ टेलरिङको अगाडी रहेको रेष्टुरेन्टमा कालिजका विभिन्न परिकारहरु पाइन्छन् । नेपालमा कालिजको चोरी शिकारीमाथी बन्देज छ । यद्यपी कालिजको मासुका पारखीहरुको संख्या पनि ठूलै छ । युवा संघका महासचिव नरेश कुमार शाहीको अगुवाईमा केहि युवाहरुले मिलेर चाल्ना खेलमा कालिज फर्म सञ्चालन गरेका छन् । सोही फर्ममा व्यवसायीक रुपमा पालिएका कालिजहरुका बिभिन्न परिकारको स्वाद बागबजारको रेष्टुरेन्टमा चाख्न पाइन्छ । शनिबार एक समारोहकाबीच नेकपाका स्थायी कमिटी सदस्यद्धय घनश्याम भुषाल, योगेश भट्टराई, बेदुराम भुषाल, केन्द्रिय सदस्य दिलु पन्त लगायतले रेष्टुेन्टको उद्घाटन गरेका थिए । राजनीतिसँगै व्यवसायमा पनि हात हालेका युवा संघका महासचिव शाहीले आर्थिक रुपमा आत्मनिर्भर रहनुपर्ने निष्कर्षसहित कालिज फर्म र रेष्टुरेन्ट सञ्चालन गरेको बताए । चाल्नाखेलको एभरेष्ट वाईल्ड लाइफ एग्रो र बागबजारको कालिज रेष्टुरेन्टमा युरोपबाट फर्किएका युवा ज्ञानेन्द्र तिमल्सिना, बाबुराम श्रेष्ठ लगायतको पनि लगानी रहेको छ । दुबै कम्पनीको अध्यक्षका रुपमा सुशिल भट्टराईले नेतृत्व गरिरहेका छन् ।
