एनआईसी एशिया बैंकको नयाँ शाखा पोखराको बुढिबजारमा विस्तार
काठमाडौं । एनआईसी एशिया बैंकले पोखराकाे बुढिबजारमा नयाँ शाखा कार्यालय विस्तार गरेकाे छ। उक्त शाखाको उद्घाटन बैंकका गण्डकी प्रादेशिक कार्यालय प्रमुख जयन्द्र रावलले गरेका छन् । बैंकले हाल २६८ शाखा कार्यालयहरु, २७६ एटिएम, ३७ वटा एक्सटेन्सन काउण्टर एवं १८ वटा शाखा रहित बैंकिङ्ग इकाई मार्फत सेवा दिँदै अाइरहेकाे छ ।
टाटा मोटर्सको तेस्रोे ग्लोबल सर्भिस क्याम्प शुक्रबारसम्म, निःशुल्क ड्राईभिङ्ग तालिम पाइने
काठमाडौं । नेपालका लागि टाटा मोटर्सको अधिकृत बिक्रेता सिप्रदी ट्रेडिङ्ग प्रा.लि.ले मंसिर १४ गतेसम्म ग्लोबल सर्भिस क्याम्प सञ्चालन गर्ने भएको छ । मंसिर १२ गतेदेखि शुरु भएको उक्त क्यापको उद्घाटन टाटा मोटर्स् कमर्सियल गाडीका अन्तर्राष्ट्रिय व्यापार प्रमुख रुद्ररुप मैत्रा तथा सिप्रदी ट्रडिङ प्रा. लि. का कार्यकारी अध्यक्ष सिद्धार्थ शमशेर ज.ब.राले संयुक्त रुपमा गरेका हुन् । उक्त उद्घाटन समारोहमा रुद्ररुप मैत्रा टाटा मोटर्स् कमर्सियल गाडीका अन्तर्राष्ट्रिय व्यापार प्रमुखले यस वर्ष पनि ४६ देशहरुभन्दा उत्कृष्ट प्रदर्शनको शुभकामना दिएका छन् । गाडीसँग सम्बन्धित सम्पूर्ण सल्लाह, सुझाव र जानकारी दिने हेतुले आयोजना गरिएको उक्त ग्लोबल सर्भिस क्याम्प, विश्वभरि ४६ राष्ट्र लगायत नेपालका ३८ विभिन्न स्थानहरुमा आयोजित गरिएको छ । यस ग्लोबल सर्भिस क्याम्प अन्तर्गत टाटा मोटर्सका सम्पूर्ण डिलर एवं आधिकारिक सर्भिस सेन्टरहरुमा गाडीको सम्पूर्ण स्वास्थ्य जाँचहरु हुनेछ । यस क्याम्पमा चालकहरुका लागि नयाँ प्रविधि एवं सुरक्षित ड्राईभिङ्ग सम्बन्धी निःशुल्क तालिम, टाटाको पार्टस्मा विशेष छुट, निःशुल्क लेबर चार्ज, आकर्षक उपहार, लुब्रिकेन्टस्मा आकर्षक अफर, जस्ता प्रमुख विशेषताहरु छन् । सिप्रदी ट्रेडिङ्गले यसै अवसर पारेर टाटा मोटर्स्को नवीनतम प्रस्तुति टाटा विङ्गर मिनि बसको औपचारिक उद्घाटन गरी साथै साँचो हस्तान्तरण गरेको छ । त्यस क्याम्पमा एक्साईड ब्याट्री, मिसेलिन, सिप्रदी अटोपार्टस्, म्याक ल्यूब्रिकेन्टस्, शिखर इन्सुरेन्स, एपोलो टायर आदि ब्राण्डहरुले सहभागिता जनाए । सो अवसरमा टाटा योद्घा एक वर्ष भित्र एक हजार भन्दा माथि गाडि बिक्रि वितरण गरिएको पनि जानकारी गराए । त्यसैगरि, बालबालिकाको सुरक्षित विद्यालय यात्रालाई ध्यानमा राखि एक सन्देश मुलक भिडियो पनि रिलीज गरिएको थियो । देशका विभिन्न कुनामा भएका मेकानिकलाई निःशुल्क गाडि मर्मत तालिम दिई, अझ सक्षम बनाउनका लागि स्किल अप कार्यक्रमको घोषणा पनि गरिएको थियो । विश्वभर एकैसाथ हुने टाटा मोटर्स ग्लोबल सर्भिस क्याम्पको यो नेपालमा तेस्रोे संस्करण हो । आर्कषक योजना, मनोरञ्जनात्मक कार्यक्रम, विभिन्न विषयहरुमा सचेतना, विभिन्न सेवा आदि यस क्याम्पका मुख्य आकर्षणहरु हुन् ।
१ रुपैंया निर्यात गर्दा नेपालकाे १६.५ रुपैंया अायात, पेट्राेलियम पदार्थ मात्र ६९ अर्बकाे खपत
काठमाडौं। अार्थिक वर्षकाे पहिलाे चाैमासमा नेपालकाे व्यापारघाटा ४०.२९ प्रतिशतले बढेकाे छ । अघिल्लाे अार्थिक वर्षकाे साेही समयमा ३ खर्ब २३ अर्ब ९४ कराेड ६३ लाख १७ हजार रुपैंया खुद नाफा रहेकाेमा याे वर्ष उक्त अाकार ४ खर्ब ५४ अर्ब ४७ कराेड २२ लाख २३ हजार पुगेकाे छ । याे अार्थिक वर्षमा कुल निकासी १०.७ प्रतिशतले बढेर २९ अर्ब २८ अर्ब १५ कराेड ७९ लाख पुग्दा पैठारी ३८.१ प्रतिशतले वृद्धि भर्इ ४ खर्ब ८३ अर्ब ७५ कराेड ३८ लाख २२ हजार रुपैंया पुगेकाे छ । याे तथ्याङ्क अनुसार नेपालकाे निर्यात अायात अनुपात १६.५ गुणा हुन अाउँछ । नेपालबाट निर्यात हुने वस्तुहरुमा यार्न, उनी गलैंचा, तयारी पाेशाक, फलाम, जुस, चिया, कपडा, पश्मिना सल, अलैंची, जुट लगायत छन् । नेपालबाट सबैभन्दा बढी यार्न निर्यात हुने गरेकाे तथ्याङ्कले देखाएकाे छ, यसकाे हिस्सा १० प्रतिशत छ । त्यस्तै कुल अायातकाे १४.३ प्रतिशत पेट्राेलियम पदार्थ अायात भएकाे हुँदा यसकाे अाकार करिब ६९ अर्ब ७ कराेड पुगेकाे छ । त्यस्तै फलाम १२ प्रतिशत, मेसिनरी तथा पार्टस् ७.७ प्रतिशत, यातायात र त्यसका पार्टसहरु ७.७ प्रतिशत, हवार्इजहाज तथा पार्टसहरु ३.८ प्रतिशत, अन्न ३.१ प्रतिशत, तयारी पाेशाक २.९ प्रतिशत, सुन २.९ प्रतिशत, अाैषधी २.१ प्रतिशत र अन्य २६.१ प्रतिशत हिस्सा अायात भएकाे छ । नेपालबाट निकासी भएका प्रमुख वस्तुहरुमा पोलिष्टर तथा अन्य धागो, ऊनी गलैंचा, तयारी पोशाक, फलाम तथा स्टील र तिनका उत्पादनहरु, जुस, चिया, टेक्सटाइल, पश्मिना सल, अलैंची, जुटका झोला तथा बोराहरु, फेल्टका सामानहरु, मुसुरोको दाल, शिरपोश, तामाका सामानहरु, टुथपेष्ट, चाउचाऊ, रोजिन तथा रेजिन एसिड, जडिवुटी, जुत्ता, हस्तकलाका सामानहरु, सुतीका झोला, अदुुवा, मासु, छाला, सारयुक्त तेल, अदुवा, छाला आदि निर्यात हुने गरेकाे छ । नेपालको पैठारी व्यापारमा भारत, चीन, फ्रान्स, युएई, थाइलेण्ड, इण्डोनेशिया, स्वीट्जरलेण्ड, मलेशिया, क्यानडा, भियतनाम, अर्जेन्टिना, युक्रेन, दक्षिण कोरिया, संयुक्त राज्य अमेरिका प्रमुुख रुपमा रहेका छन् ।
ग्लोबल आइएमई बैंक र नेपाल क्यान्सर हस्पिटलबीच उपचार सेवामा छुट दिने सम्झौता
काठमाडौं । ग्लोबल आइएमई बैंक लिमिटेड र नेपाल क्यान्सर हस्पिटल तथा रिसर्च सेन्टर प्रा. लि.बीच अस्पतालले प्रदान गर्ने विभिन्न सेवा, सुविधाहरुमा दिइने छुट सम्बन्धी सम्झौतापत्रमा हस्ताक्षर भएको छ । उक्त सम्झौता पत्रमा नेपाल क्यान्सर हस्पिटल तथा रिसर्च सेन्टरका कार्यकारी अध्यक्ष डा. सुदिप श्रेष्ठ र ग्लोबल आइएमई बैंकका कार्ड बिक्री, वितरण तथा प्रबद्र्घन विभाग प्रमुख रविन्द्र ढकालले हस्ताक्षर गरेका छन् । ग्लोबल आइएमई बैंकले हाल १३२ शाखा, १४१ एटिएम,६ एक्सटेन्सन काउण्टर, १५ राजश्व संकलन काउण्टर ,१०४ शाखा रहित बैंकिङ्ग सेवा र देश बाहिर ३ प्रतिनिधि/सम्पर्क कार्यालय माफर्त सेवा प्रदान गर्दै आइरहेको छ । उक्त सम्झौता पश्चात नेपाल क्यान्सर हस्पिटल तथा रिसर्च सेन्टरमा उपचार गराउँदा ग्लोबल आइएमई बैंकबाट डेबिट,क्रेडिट, प्रिभिलेज कार्ड लिएका बैैंकका ग्राहक तथा ग्लोबल आइएमई बैंकका कर्मचारीले अस्पतालले प्रदान गर्ने विभिन्न सेवामा १० प्रतिशत सम्म छुट पाउने छन् ।
गुराँस लघुवित्तले साँढे २ करोड आईपीओ जारी गर्ने, बिक्री प्रबन्धकमा एनआईबिएल एस क्यापिटल
काठमाडौं । गुराँस लघुवित्त वित्तीय संस्था लिमिटेडले २ करोड ५० लाख रुपैयाँ बराबरको साधारण सेयर(आईपीओ) निष्काशन गर्ने भएको छ । संस्थाले प्रतिसेयर एक सय रुपैयाँ अंकित दरको २ लाख ५० हजार कित्ता साधारण सेयरहरु सर्वसाधारणहरुमा निष्काशन गर्नको लागेको हो । सो मात्रको सेयर निष्काशन गर्न संस्थाले एनआईबिएलएस क्यापिटल लिमिटेडलाई धितोपत्र निष्काशन तथा बिक्री प्रबन्धकमा नियुक्त गरेको छ । सो सेयर निष्काशन सम्बन्धी सम्झौतापत्रमा गुराँस लघुवित्त वित्तीय संस्थाको तर्फबाट निमित्त प्रमुख कार्यकारी अधिकृत नगेन्द्र मिश्र र एनआईबिएल एस क्यापिटलको तर्फबाट महाप्रबन्धक मेखबहादुर थापाले हस्ताक्षर गरेका छन् । हाल गुराँस लघुवित्तको अधिकृत पुँजी १० करोड र जारी पुँजी ७ करोड ७५ लाख रुपैयाँ रहेको छ । त्यस्तै, चुक्तापुँजी ५ करोड २५ लाख रुपैयाँ रहेको छ । सर्वसाधारणहरुलाई सेयर निष्काशन गरी बाँडफाँट गरे पश्चात संस्थाको चुक्ता पुँजी ७ करोड ७५ लाख रुपैयाँ पुग्नेछ ।
सेयर काराेबारमा विद्युतीय हस्ताक्षर अनिवार्य गरिदै, नेपाल सट्र्रिफाइङ्ग कम्पनीसँग साझेदारी
काठमाडाैं । नेपाल स्टक एक्स्चेञ्ज (नेप्से)ले अनलाइन प्रणालीबाट सेयर काराेबारका लागि प्रयास जारी राखेकाे बेलामा नेपाल धिताेपत्र बाेर्डले डिजिटल सिग्नेचर प्रयाेगमा ल्याउने तयारी गरेकाे छ । बाेर्डले चालु अार्थिक वर्षमा नै डिजिटल सिग्नेचर प्रयाेगमा ल्याउन प्रयास भइरहेकाे जनाएकाे छ । बोर्डका अध्यक्ष डा. रेवत वहादुर कार्कीले यसै वर्षदेखि पुँजी बजारलार्इ डिजिटलाइज गर्ने कार्यक्रम रहेकाे बताए । बाेर्डकाे कार्यक्रम कार्यान्वयन गर्न नेपाल स्टक एक्सचेञ्ज, सिडिएससि, क्रेडिट रेटिङ्ग संस्था तथा मर्चेन्ट बैंकर, ब्राेकर कम्पनी, संस्थागत लगानीकर्ताकाे सहयाेग अावश्यक भएकाे उनले बताए । त्यसैगरी विद्युतीय कारोबार ऐन कार्यान्वयनमा आएसँगै सेयर कारोबारलाई विश्वसनीय, कानून सम्मत र सुरक्षित बनाउन विद्युतीय हस्ताक्षरको प्रयोगको शुरुवात गर्नु आवश्यक रहेकाे उनकाे भनार्इ छ । विद्युतीय हस्ताक्षर प्रयाेग कसरी गर्ने भन्ने विषयमा बाेर्डले धिताेपत्र व्यवसायीहरूसँग बुधबार अन्तरक्रिया गरेकाे छ । डिजिटल सिग्नेचर प्रयाेगमा ल्याउन बाेर्डले नेपाल सट्र्रिफाइङ्ग कम्पनी प्रा. लि.सँग साझेदारी गर्ने उनले बताए । अन्तरक्रिया कार्यक्रममा नेपाल सट्र्रिफाइङ्ग कम्पनीका निर्देशक दिपक भण्डारीले विद्युतीय हस्ताक्षरको आवश्यकता, यसको महत्व, विशेषता, फाइदा, प्रयोग गर्ने तरिका, धितोपत्र बजारमा ग्राहक परिचय विवरण, खरिद बिक्री आदेश तथा धितोपत्र दलाल व्यवसायीहरुले बोर्डमा पेश गर्नुपर्ने विवरणमा विद्युतीय हस्ताक्षर प्रयोग गर्न सकिने जस्ता विषयवस्तुहरु समेटिएको प्रस्तुतिकरण गरेका छन् । कम्पनीका अध्यक्ष विप्लवमान सिंहले नेपाल सरकारले विद्युतीय हस्ताक्षरलाई अगाडि बढाउने नीति लिएकोमा नेपाल सरकारका विभिन्न निकायहरुबाट विधुतीय हस्ताक्षर लिने कार्य यसै आ.व. देखि शुरुवात भएको समेत जानकारी गराए ।
जनरल इन्स्योरेन्स कम्पनी र देवःविकास बैंकबीच बैंकास्योरेन्स सम्झौता
काठमाडाैं । जनरल इन्स्योरेन्स कम्पनी नेपाल र देवः विकास बैंकबीच बैंकास्योरेन्स सेवा प्रदान गर्ने सम्वन्धी सम्झौता भएको छ । उक्त सम्झौतामा बैंकका प्रमुख कार्यकारी अधिकृत विजयबहादुर श्रेष्ठ र इन्स्योरेन्सका महाप्रबन्धक एसकेतमोट बीच भेट वार्ता भएकाे थियाे । भेट्मा दुवैले सहमतिपत्रमा हस्ताक्षर गरेका छन् । बैङ्कका ग्राहकले जनरल ईन्स्योरेन्स कम्पनीले प्रदान गर्ने निर्जीवन बीमा सम्वन्धी सेवा सुविधा बैङ्कका सबै शाखाबाट लिन सक्ने भएका छन् ।
लगातार बजार घट्दा सबैभन्दा बढी गुमाउनेमा लघुवित्त, त्यसपछि इन्स्योरेन्स
काठमाडौं । पछिल्लो समय सेयर बजारमा लगातार गिरावट अाएकाे छ । याे साताभरी नै बजार राताे भयाे र बिहीबार पनि नेप्से १० अंकले घट्याे । बजारमा निरन्तर गिरावट अाउँदा लघुवित्त संस्थाका सेयरधनीले बढी गुमाएका छन् । बिहीबारको कारोबारमा पनि धेरै गुमाउनेको अग्रस्थानमा रहेका १० कम्पनी मध्ये सबैभन्दा बढी लघुवित्त संस्था रहेका छन् । सबैभन्दा बढी गुमाउने १० कम्पनीमध्ये लघुवित्त मात्र ५ वटा छन् । सबैभन्दा बढी मिर्मिरे लघुवित्त वित्तीय संस्थाको लगानीकर्ताले ५.२४७ प्रतिशत गुमाएका छन् । त्यस्तै, डिपरोक्स लघुवित्त वित्तीय संस्थाको सेयर मूल्य ४.९९, ग्रामीण विकास लघुवित्त वित्तीय संस्थाको ४.२३, आरएसडीसी लघुवित्त वित्तीय संस्थाको ४.०२ र विजया लघुवित्त वित्तीय संस्थाको सेयर मूल्य ३.८४ प्रतिशतले घटेको छ । राम्राे लाभांश घाेषणा गरेका संस्थाकाे पनि मूल्यमा गिरावट देखिएकाे छ । बिहीबार डिप्रोक्स लघुवित्तले २० प्रतिशत लाभांश घोषणा गरेको थियो । लाभांश घोषणासँगै सेयर मूल्यमा गिरावट आएको छ । सो दिनभरको बजारमा यस संस्थाको मूल्य अघिल्लो दिनको तुलनामा ३१ रुपैयाँ घटेर प्रतिकित्ता ५९० रुपैयाँमा झरेको छ । लघुवित्तपछि सबैभन्दा बढी इन्स्यारेन्स कम्पनीको सेयर मूल्यमा गिरावट आइरहेको छ । बिहीबार गुमाउनेको अग्रस्थानमा रहेका मध्ये विभिन्न ३ बीमा कम्पनीको सेयर मूल्य घटेको छ । सबैभन्दा बढी आईएमई जनरल इन्स्योरेन्सको सेयर मूल्य प्रतिकित्ता ५.८५ प्रतिशतले घटेको छ । त्यस्तै, नेकाे इन्स्योरेन्सका लगानीकर्ताले ५.२० र गुराँस लाइफ इन्स्योरेन्सका सेयरधनीले ३.७७ प्रतिशत गुमाएका छन् । कमाउनेको अग्रस्थानमा रहेका १० कम्पनीमध्ये अधिकांश वाणिज्य बैंक र जलविद्युत कम्पनी रहेका छन् । वाणिज्य बैंक, विकास बैंक, फाइनान्स कम्पनीकाे सेयर मूल्य भन्दा लघुवित्त तथा बीमा समूहकाे मूल्य अझै माथि छ । वाणिज्य बैंक समूहकाे परिसूचक १००९ हुँदा माइक्राेफाइनान्स समूहकाे परिसूचक १३०० भन्दा माथि छ । त्यस्तै बीमा समूहकाे परिसूचक ५ हजार भन्दा माथि छ ।
