श्रम बजार सुधार र रोजगारदाताको क्षमता अभिवृद्धिमा आइएलओले सघाउने
काठमाडौँ । नेपाल उद्योग वाणिज्य महासंघका अध्यक्ष भवानी राणा, महासंघको रोजगारदाता परिषद्का सभापति एवम् उपाध्यक्ष चन्द्रप्रसाद ढकाल र नेपालस्थित अन्तर्राष्ट्रिय श्रम संगठनका देशीय निर्देशक रिचार्ड हवार्डबीच मंगलबार महासंघ सचिवालयमा भेटवार्ता भयो । सो अवसरमा महासंघ र आइएलओ नेपाल कार्यालय बीच श्रम वजार सुधार र रोजगारदाताको क्षमता अभिवृद्धि सम्बन्धी परियोजना कार्यक्रम सञ्चालन गर्ने संझौता पत्रमा हस्ताक्षर समेत भएको छ । संझौता अनुसार महासंघ रोजगारदाता परिषदद्वारा संचालन गरिने परियोजना कार्यक्रम अन्र्तगत महासंघका सातवटै प्रदेश च्याप्टरहरूको क्षमता विस्तार, नया“ श्रम ऐन तथा सामाजिक सुरक्षा ऐन, सामाजिक संवाद लगायतका विषयमा चेतना अभिवृद्धि गरी औद्योगिक सम्बन्धको सुधारमा केन्द्रित रहनेछन् । सो अवसरमा महासंघ र आइएलओ बीचको सहकार्य, नेपालको पछिल्लो आर्थिक वस्तुस्थिति, रोजगारी, औद्योगिक श्रम सम्बन्ध, सामाजिक सुरक्षा तथा श्रम ऐन लगायत विषयमा समेत विस्तृत छलफल भयो । बैठकमा महासंघका अध्यक्ष राणाले आइएलओको सहयोगप्रति आभार प्रकट गर्नुभयो । सो अवसरमा महासंघका अध्यक्ष राणाले देशीय निर्देशक रिचार्डको स्वागत गर्नुहुंदै नेपालको आर्थिक विकास, श्रम सम्बन्ध सुधारमा आइएलओले निर्वाह गरेको भूमिकाको प्रशंसा गरे । अध्यक्ष राणाले नेपाली निजी क्षेत्र मुलुकभित्र औद्योगिक विकास मार्फत रोजगारी सृजनामा केन्द्रीत भएको, रोजगारदाता एवम् श्रमिक बीचको सम्बन्ध सुमधुर बन्दै गएकोले मुलुक अव विस्तारै आर्थिक समृद्धितर्फ अगाडी बढ्ने आशा निजी क्षेत्रले गरेको बताए । महासंघको रोजगारदाता परिषद्का सभापति एवम् उपाध्यक्ष ढकालले आइएलओबाट प्राप्त सहयोगप्रति आभार प्रकट गर्नुहु“दै महासंघ आइएलओस“ग निरन्तर सहकार्य गर्न तयार रहेको र आइएलओबाट प्राप्त सहयोगबाट महासंघको स्थानीय प्रदेश च्याप्टहरुको क्षमता अभिवृद्धि भई स्थानीय तहमा श्रम सम्बन्धलाई थप मजवुद बनाउन सहयोग पुग्ने विश्वास प्रकट गर्नुभयो । सो अवसरमा देशिय निर्देशक हवार्डले महासंघको आवश्यकताका आधारमा आगामी दिनहरूमा पनि थप प्राविधिक सहयोग एवं कार्यक्रमहरू विस्तार गर्दै जाने प्रतिवद्धता जनाए । नेपालको औद्योगिक श्रम सम्बन्ध विकासमा महासंघ र आइएलओ निकै लामो समयदेखि सहकार्य गर्दै आएको र आगामी दिनहरूमा पनि निरन्तर सहकार्य गर्दै जाने विश्वास दिलाए । सो अवसरमा महासंघका निमित्त महानिर्देशक गोपालप्रसाद तिवारी, उपमहानिर्देशक हंसराम पाण्डे र आइएलओका वरिष्ठ अधिकृत प्रकाश शर्माको उपस्थिति रहेको थियो ।
ज्योति लाइफ द अमेजिङ मोटर र्याली हुँदै, सबैभन्दा ढिलो पुग्ने विजेता
काठमाडौं। ज्योति लाइफ द अमेजिङ मोटर र्याली २०१९” काठमाडौं-पोखरा यात्रा माघ १८ गटे शुक्रबार हुने भएको छ। केजिएच फाउन्डेसन र नेपाल अबुर्द रोग निवारण संस्थाले संयुक्त रुपमा उक्त कार्यक्रम आयोजना गरेको हो। र्याली नेपाल टुरिजम बोर्ड, प्रदर्शनी मार्गबाट शुभारम्भ भई पोखराको बिन्दाबासनी मन्दिर चोक, पोखरा बाग्लुङ हाईवे हुँदै केजिएच हिमालय फ्रण्ट होटल सारङकोटमा पुगी सम्पन्न हुनेछ। पर्यटन प्रबन्धमा टेवा पुर्याउने उदेश्य सहित नेपाल टुरिजम बोर्डको सहयोग र अबुर्द रोग निवारणबारे जनचेतना गर्न अभिब्रिद्द गर्न क्यान्सर रोग बेलैमा उपचर गरे निको हुने सन्देश दिने उदेश्यको साथ उक्त मोटार र्याली आयोजना हुन लागेको हो। यसको अतिरिक्त सुरक्षित ड्राईभिङलाई यस्ता हाईवेहरुमा गाडी चलाऊन प्रोत्साहन गर्ने कार्यक्रमको लक्ष्य रहेको छ। प्रतियोगिता कुनै गाडीले अर्को गाडीलाई उछिनेर पहिलो हुने गाडी दौड नभई नभई आम ब्यक्तिहरुले चलाऊने गाडीको रफ्तारलाई ध्यान दिएर टिडिएसको आधारमा बिजयता घोसणा गरिने छ। सबैभन्दा ढिलो पुग्ने प्रतियोगितामा विजयी हुनेछ।
ग्लोबल आईएमई बैंक र रिलायबल लाइफ इन्स्योरेन्सबीच बैंकास्योरेन्स सम्झौता
काठमाडौं । ग्लोबल आइएमई बैंक र रिलायबल लाइफ इन्स्योरेन्सबीच बैंकास्योरेन्स सम्बन्धि सम्झौता भएको छ । उक्त सम्झौतापत्रमा ग्लोबल आईएमई बैंकका तर्फबाट का.मु. प्रमुख कार्यकारी अधिकृत महेश शर्मा ढकाल र रिलायबल लाइफ इन्स्योरेन्स कम्पनीको तर्फबाट प्रमुख कार्यकारी अधिकृत नारायणबाबु लोहनीले हस्ताक्षर गरेका हुन् । सम्झौता पछि बैंकका १३३ शाखाहरु मार्फत रिलायबल लाइफ इन्स्योरेन्सको जीवन बीमा योजनाहरु खरिद गर्नुका साथै जीवन बीमा सम्बन्धी सम्पूर्ण सेवाहरु छिटो, छरितो एंव भरपर्दो माध्यमबाट प्राप्त गर्न सकिनेछ । ग्लोबल आइएमई बैंकले सबै क्षेत्र र वर्गसम्म बैंकिङ्ग सेवाको पहुँच पुर्याउने उद्देश्यले विभिन्न स्थानमा शाखा, एक्सटेन्सन काउण्टर तथा शाखा रहित बैंकिङ्ग सेवा माफर्त आफ्ना ग्राहकमाझ सेवा प्रदान गर्दै आइरहेको छ । बैंकले १३३ वटा शाखा, १५ वटा राजश्व संकलन काउण्टर, १४२ एटिएम, ७ वटा एक्सटेन्सन काउण्टर तथा ११७ शाखा रहित बैंकिङ्ग सेवा र नेपाल बाहिर ३ प्रतिनिधि / सम्र्पक कार्यालय मार्फत आफ्ना ९ लाख ५० हजार भन्दा बढि ग्राहकहरुलाई सेवा प्रदान गर्दै आइरहेको छ ।
एक वर्ष मै देशभर फोरजी सेवा, अर्थ समितिले भन्यो-‘हामी रोक्दैनौं’
काठमाडौं । नेपाल टेलिकमले फोर जी सेवा पुन: विस्तार गर्ने भएको छ । देशभर फोरजी सेवा विस्तार गर्न ठेक्का प्रक्रियालाई अघि बढाएको हो । फोरजी विस्तार विषयमा संसदको अर्थ समितिले चासो देखाएको छ । सेवा विस्तारमा भैरहेको प्रगति, समस्या, चुनौतिको विषयमा विज्ञ सहितको टोलीसँग समितिले छलफल गरेको हो । छलफलमा विज्ञहरुले फोरजी सेवाको विस्तार द्रुत गतिमा हुनुपर्नेमा जोड दिए । सरकारको लगानी भएको टेलिकम मात्रै नाफामा रहेको भन्दै यसको विस्तारमा कसैले रोक्न नहुने बताए । म्यागसेस पुरस्कार विजेता महाविर पुनले नियम र कानूनको नाममा फोरजीलाई रोक्न नहुनेमा जोड दिए । फोर जी विस्तारको जिम्मा लिन लागेको कम्पनी पहिले नै असफल कम्पनी भएकोले त्यसमा चनाखो हुनु पर्नेमा विज्ञको सुझाव रहेको छ । टेलिकमले फोरजी विस्तारलाई एकै वर्षभित्र सक्ने गरी काम अघि बढाएको प्रबन्ध निर्देशक डिल्लीराम अधिकारीले बताए । हामीले निकालेको टेण्डर ३३ महिनाको हो, तर मन्त्रालयले १२ महिनामा काम गर्ने गरी कम्पनीसँग सम्झौता गर्न निर्देशन दिएकोले समय छोट्याइएको हो, निर्देशक अधिकारीले भने-कम्पनीले पनि १२ महिनामै काम सक्ने प्रतिबद्धता जनाएको छ । काम सुरु भएपछि कुनैपनि बाधा नआए तोकिएकै समयमा काम सकिने अधिकारीको भनाई छ । फोर जीबाट फाइभ जीमा अपग्रेड हुन्छ ? अहिले विश्वका ५ देशहरुले फाइभ जीको अभ्यास गरिरहेको छ । यसको लागि सिमित स्थानमा परिक्षण भैरहेको छ । नेपालमा अझै ७ वर्षसम्म फोरजी नै चल्ने टेलिकमको भनाइ छ । थ्री जीबाटै फोरजी अपग्रेड गर्न सकिने भएपनि टेलिकम नियमावलीले धेरै रकम खर्च गर्न नदिने भएकोले टेण्डर आवश्यक रहेको प्रबन्ध निर्देशक अधिकारीले बताए । उनका अनुसार हाल फाइभ जीको मोडालिटी तयार भएको छैन । त्यसैले फोरजीबाट फाइभजी अपग्रेड गर्न सकिने नसकिने भन्न सकिदैंन । फाइभजी सफ्टवयरको माध्यमबाट चल्ने भएकोले यसमा टावरको माध्यमबाट अपग्रेड नहुन सक्छ । फोरजी सेवा विस्तारको जिम्मा मन्त्रिपरिषदको निर्णयबाट चिनियाँ कम्पनी हुवावेलाई दिएको छ । ठेक्का प्रक्रियामा कुनै पनि गडबड नभएको सञ्चार तथा सुचना प्रविधि मन्त्री गोकुल बास्कोटाले बताए । ३३ महिनको काम १२ महिनामा सक्दा यसले प्रविधि क्षेत्रमा ठूलो फड्को मार्ने मन्त्री बास्कोटाको भनाई छ । टेलिकम मार्केटिङमा निकै कमजोर टेलिकमले ग्राहक सेवालाई प्रभावकारी बनाउन नसकेको विज्ञहरुले आरोप लगाएका छन् । टेलिकमका कर्मचारी हुकुमी शैलीमा चलेको भन्दै सच्चिनु पर्ने पुर्व सचिव शुसिल घिमिरेले बताए । उनले कर्मचारीतन्त्रमा गुलामवाद सकिएकोले अब ग्राहक सेवामा केन्द्रित हुन सुझाव दिए । सरकारी लगानीमा सञ्चालित कम्पनीहरु प्रतिस्पर्धी भावले काम गर्न नसक्दा व्यापारिक सफलता हासिल गर्न नसकेको पुर्व महाप्रबन्धक सुरेशकुमार पुडासैनीले बताए । सरकारी सहुलियत लिएरपनि प्रगति गर्न नसक्नु टेलिकमको ठूलो गल्ति भएको बताए । फोरजी विस्तार अर्थ समितीको कारण रोकिदैंन टेलिकमको फोरजी सेवालाई अर्थ समितीले नरोक्ने सभापति कृष्णप्रसाद दाहालले बताए । ‘हामी विकासका बाधक होइनौं, तर सेवा विस्तारको नाममा टेलिकमले गुणस्तरमा सम्झौता गर्न मिल्दैन, सभापति दाहालले भने-अख्तियारले ७ महिना रोक्यो, मन्त्रालयमा २ महिना रोकियो, तर हामी रोक्दैनौं ।’ समितीका सदस्य घनश्याम भुषालले पुरानो प्रविधिलाई छोडेर नयाँ प्रविधि अनुसार सेवा विस्तार गर्नु पर्नेमा जोड दिए ।
सानिमा लाईफ इन्स्योरेन्सले गर्याे कन्चन विकाश र सृजनशिलसँग वीमा सम्झौता
काठमाडौं । सानिमा लाईफ इन्स्योरेन्सले कञ्चन विकास बैंक, महेन्द्रनगर तथा सृजनशिल बचत तथा ऋण सहकारी संस्थासंग वीमा सम्वन्धि सम्झौता गरेको छ । महेन्द्रनगरमा छुटाछुटै आयोजित सम्झौतापत्र हस्ताक्षर कार्यक्रममा इन्स्योरेन्सका तर्फबाट महा प्रबन्धक शिवराम तिमिल्सिना, कञ्चन विकास बैंकका तर्फबाट बैकका प्रमुख कार्यकारी अधिकृत विरुराम जैशी तथा सृजनशिल बचत तथा ऋण सहकारी संस्थाको तर्फबाट सहकारीका प्रमुख कार्यकारी अधिकृत मदन भट्टले सम्झौतापत्रमा हस्ताक्षर गरेका थिए । उक्त संझौता अनुसार दुवै संस्थाहरुको सम्पुर्ण शाखाहरु बाट ग्राहकहरुले सानिमा लाईफ इन्स्योरेन्सको वीमा सेवा उपभोग गर्न सक्ने छन । उक्त कार्यक्रमहरुमा कम्पनीका मुख्य प्रबन्धक गणेश चौलागाई, वरिष्ठ प्रबन्धक गुणराज श्रेष्ठ, क्षेत्रिय प्रबन्धक गणेश उप्रेती तथा शाखा प्रमुख रोशन भट्ट लगायतको उपस्थिति रहेको थियो ।
चिनी उद्योगी शशिकान्त अग्रवालले भने-‘हामीलाई २० % नाफा चाहिदैन, ७ % भए पुग्छ’
काठमाडौँ । प्रतिनिधि सभा अन्तरगत उद्योग तथा वाणिज्य र श्रम तथा उपभोक्ता हित समितिमा मंगलबार भुसे ईँटा उद्योग र चिनी उद्योगका सम्न्धमा छलफल भएको छ । छलफलका क्रममा चिनी उद्योग संघका अध्यक्ष शशिकान्त अग्रवालले उखुको मूल्य बढ्दा चिनीको मूल्य स्वतः बढ्ने बताए । उनले भने-हामीलाई २० प्रतिशत नाफा चाहिदैन, ७ प्रतिशतमात्र सरकारले सुनिश्चित गरिदिए पुग्छ । छलफलमा कार्यक्रममा सांसद देवेन्द्र पौडेलले उद्योग मन्त्रीले विदेशी चिनी आएको छैन भनुभयो, तर पाकिस्तानी चिनी नेपाली बजारमा कसरी आयो भनी प्रश्न गरे । चिनीको कुरा धेरै उठेकाले यसलाई सरकार, उद्योगी, कृषकका संस्थाबीच छलफल गरी यो समस्या अन्त्य गर्न सांसदहरुले कुरा उठाएका थिए । छलफलपछि मन्त्री यादवले योजना आयोगका सदस्यको सहभागितामा चिनीको मूल्य समायोजन गरिने बताए । उनले मुलुकमा चिनीको अभाव नहुने बताए । उद्योग समितिका सभापनि बिमल श्रीवास्तवले चिनी उद्योगले उखु किसानलाई दिनु पर्ने भुक्तानी चाँडै दिन निर्देशन दिएका थिए । कुनै उद्योग सञ्चालन गर्न गाह्रो भए सिधै समितिलाई भन्न उनले आग्रह गरे । समितिले चिनीको मूल्य तोक्न मन्त्रीलाई निर्देश गर्यो भने उद्योग, वाणिज्य तथा आपूर्ति मन्त्री मातृका यादवले सरकारले मूल्य तोक्न नमिल्ने बताए । त्यसैगरी, छलफलका क्रममा आपूर्ति सचिव यमकुमारी खतिवडाले मुलुकभर १२५ वटा भुसे ईँटा उद्योग रहेको तथा ४ वटा मात्र भुसे ईँटा उद्योग आधुनिक तरिकाले सञ्चालन हुन थालेको बताइन् । सरकारले २०७४ माघमा भुसे ईँटा उद्योग विस्थापन गरी आधुनिक उद्योग सञ्चालन गर्न उद्योगीलाई निर्देशन दिएको थियो । छलफलमा भुसा व्यवसाय संघका अध्यक्ष पुष्पराज जोशीले आफूहरुको पहुँच नभएको बताए । छलफलमा उपस्थित उद्योग, वाणिज्य तथा आपूर्ति मन्त्री मातृका यादवले जो कसैले अख्तियारमा उजुरी हालेपनि भुसे ईँटा उद्योग बन्द नहुने बताए । उनले भने–अख्तियारपनि त आधुनिक तरिकाले चलेको छैन । यसो भन्दा मन्त्री पनि मिल्यो भन्नु होला, तर कुरा त्यस्तो होइन । भुसे ईँटा उद्योग आधुनिक तरिकाले सञ्चालन भइसक्नु पर्ने समय माघ मसान्तसम्म मात्र रहेको छ ।
सिन्धुली बजारमा ज्योति विकास बैंकको नयाँँ शाखा
काठमाडौं । ज्योति विकास बैंकले सिन्धुली जिल्लाको सिन्धुलीबजारमा नयाँ शाखा संचालनमा ल्याएको छ । कमलामाई नगरपालिका वडा नं ६, सिन्धुलीबजारमा रहेको उक्त शाखाकाे उद्घाटन सिन्धुली उद्योग वाणिज्य संघका अध्यक्ष अम्रेश चन्द्र बैदार र बैंकका अध्यक्ष हरिचन्द्र खड्काले गरेका हुन् । देश भरि हाल बैंकको ८५ वटा शाखा कार्यालय तथा २२ वटा एटिएम मार्पmत सेवा उपलव्ध गराउँदै आईरहेको छ भने यसै आर्थिक वर्ष भित्र थप ५ वटा नयाँ शाखा तथा थप २७ स्थानमा एटिएम संचालनमा ल्याउने प्रक्रियामा रहेको छ । बैंकको १ लाख ६० हजारभन्दा बढि खाताबाट रु. साढे २३ अर्बभन्दा बढि निक्षेप संकलन गरी १२ हजारभन्दा बढि ऋणी मार्फत रु. २० अर्वभन्दा बढि लगानी गर्न सफल भएको छ । बैंकको हालको चुक्तापूँजी रु.२ अर्व ५९ करोड कायम रहेको छ ।
जुम्लाको कर्णाली स्वास्थ्य विज्ञान प्रतिष्ठानमा अक्सिजन उत्पादन
काठमाडौं । जुम्लाको कर्णाली स्वास्थ्य विज्ञान प्रतिष्ठानको शिक्षण अस्पताल जुम्लामा अक्सिजन उत्पादन शुरु भएको छ । पहिलोपटक जुम्लामै अक्सिजन प्लान्ट उपकरण जडान गरेर उत्पादन शुरु गरिएको हो । अक्सिजन उत्पादन शुरु भएसँगै जतिसुकै जटिल प्रकारका बिरामीको शल्यक्रिया गर्न सहज हुने भएको छ । पहिले अक्सिजन नेपालगञ्जदेखि भरेर ल्याउनु पर्ने बाध्यता रहेको थियो । अस्पतालका निर्देशक धर्मराज गोसाईं भन्छन, नेपालगञ्जबाट ल्याउँदा अस्पतालमा अक्सिजनको चरम अभाव हुने स्थिति आउन सक्थ्यो तर अब बिरामीलाई अक्सिजन अभाव नहुने भएको छ । कर्णाली राजमार्गमा आइरहने बाढीपहिरो तथा अन्य अवरोधका कारण समयमै अक्सिजन आपूर्तिमा समस्या थियो, अब त्यो समस्या टरेको छ । आवश्यक परेको बेला अक्सिजन उत्पादन गरेर दिन सकिने अवस्थाको सिर्जना भइसकेको छ । दैनिक ५० सिलिण्डरसम्म अस्पतालमा अक्सिजन आपूर्ति गर्नुका साथै आठदेखि १० सिलिण्डर भर्न सकिने प्लान्ट अस्पतालमा जोडिएको छ । उपकरण जोड्न भारतको कानपुरदेखि आएका सञ्जीव कुमारका अनुसार प्लान्टबाट उत्पादित अक्सिजन नजिकैको जिल्लामा रहेका अस्पतालसम्म पठाउन सकिन्छ । उपकरण बिग्रेको र बिजुली नियमित आपूर्ति नभएको खण्डमा बाहेक अरु बेला नियमित अक्सिजन उत्पादन गर्न सकिने बताए । अहिले कर्णाली स्वास्थ्य विज्ञान प्रतिष्ठान शिक्षण अस्पतालमा ८० वटा अक्सिजनका सिलिण्डर छन् । रासस
