नेपाललाई औषधिमा आत्मनिर्भर बनाउने के गर्ने ? यस्तो छ व्यवसायी हरिभक्त शर्माको सुझाव
काठमाडौँ । औषधि उत्पादक कम्पनी देउराली-जनता फर्मास्यूटिकल्स प्रालि कार्यकारी निर्देशक तथा नेपाल उद्योग परिसंघका अध्यक्ष हरिभक्त शर्माले नेपाललाई औषधीमा आत्मनिर्भर बनाउन सरकारलाई सुझाव दिएका छन् । उनले भने-करीब २०० मोलिक्यूलका औषधिहरु तथा हालै सरकारले मूल्य नियन्त्रण गरेका औषधिहरु विदेशबाट आयतामा रोक लगाउनु पर्छ, यसो गरियो भने यस क्षेत्रमा लगानीको वाताबरण बन्ने संभावना रहन्छ । काठमाडौँको टोखा नगरपालिका–४ मा रहेको देउराली–जनता फर्मास्यूटिकल्स प्रालिको २८ औं वार्षिकोत्सव कार्यक्रममा बुधबार उनले यस्तो कुरा बताएका हुन् । कम्पनीका कार्यकारी निर्देशन शर्माको अध्यक्षता तथा उपप्रधान तथा रक्षा मन्त्री इश्वर पोखरेलको प्रमुख आतिथ्यमा कार्यक्रम सम्पन्न भएको हो । कार्यक्रममा औषधि व्यवस्था विभागका महानिर्देशक नारायण ढकाल, टोखा नगरपालिकाका मेयर प्रकाश अधिकारी, स्थानीय समाजसेवी चन्द्रविनोद चालिसे लगायतको आतिथ्यता रहेको छ । कार्यक्रममा कर्मचारीहरुलाई दीर्घ सेवा पदक प्रदान गरिदैछ । कम्पनीको पृष्ठभूमि: देउराली–जनता फर्मास्यूटिकल्स प्रालि २०४५ सालमा असार ९ गते स्थापना भएको हो । २०४७ साल माघ १६ गतेबाट उत्पादन शुरु गरेको कार्यकारी निर्देशक शर्माले जानकारी दिए । सो कम्पनीको स्थिर लगानी ७० करोड १४ लाख ३८ हजार ९ सय ८५ रहेको छ भने चालु पूँजी ९३ करोड ९५ लाख १६ हजार ६ सय रुपैयाँ रहेको छ । कम्पनीको उत्पादन क्षमता प्रति सिफ्टमा झोल औषधी १५ लाख लिटर, ट्वावलेट १२ करोड वटा, क्याप्सुल ८ करोड ५० लाख वटा, ड्राइ पाउडर/ओआरएस ३ लाख केजी र मल्हम १ करोड ट्यूव रहेको छ । हाल कम्पनी ६० प्रतिशत क्षमतामा मात्र सञ्चालन हुँदै आएको कार्यकारी निर्देशक शर्माले बताए । कम्पनीले नेदरल्याण्डको गुणस्तर निर्धारण गर्ने संस्था डीएनभीबाट २०६० साल मंसिर २१ गते आइएसओ १४००१ र आइएसओ ९००१को प्रमाण पत्र प्राप्त गरेको छ । नेपाली उद्योगहरु पनि विश्वको बद्लिंदो आर्थिक परिवेशमा उच्च गगुणस्तर कायम गर्दै वाताबरण संरक्षणमा आफ्नो भूमिका निर्वाह गर्न समर्थ छन् भन्ने कुरा प्रमाणित भएको कार्यकारी निर्देशक शर्माले बताए ।
विश्व भ्रमण यात्री थोरले गरे दरबार क्षेत्रको अवलोकन
काठमाडाैं । डेनमार्कका सी पेडरर्सन थोर विश्वयात्राका क्रममा नेपाल आएका छन् । नेपाल १ सय ७९ औ भ्रमण मुलुक हो । भ्रमणका क्रममा डेनिस रेडक्रसको सद्भावना द्रुतको रुपमा नेपाल रेडक्रसको केन्द्रीय कार्यालयमा कुराकानी गर्दै विश्वमा मानिस र मानवताको खास अर्थ फैलाउने उद्देश्य बताए । नेपाल भ्रमणको क्रममा विश्व सम्पदा सूचीमा रहेका दरबार क्षेत्रहरुको अवलोकन गर्नुका साथै नेपाल रेडक्रसले सञ्चालन गरेको हटलाईन –११३० कल सेन्टर तथा विपद् व्यवस्थापन आपत्कालीन केन्द्रको पनि निरिक्षण गरेका छन् । साथै, नेपालमा डेनिस रेडक्रसले सञ्चालन गरेका कार्यक्रमको अवलोकन गरेका नेपाल रेडक्रसका सञ्चार निर्देशक दिव्यराज पौडेलले बताए । राष्ट्रिय रक्त सञ्चार सेवा केन्द्र बालकुमारीमा गई रक्तदान गरेका थिए । “मानिसहरुको नशामा उस्तै प्रकारको रगत बगिरहेको छ र खुशी तथा सन्तुष्टि पाउने एउटा राम्रो तरीका रक्तदान हो ।” थोरले भने । विश्वको जुनसुकै कुनामा सुरक्षा, शिक्षा, आवास, भोजन लगायतको समस्या छ र आम रुपले मानिसहरुमा समानता देखिने बताए । थोरले २ लाख ४३ हजार किलोमिटर पार गरिसकेको सन् २०१३ बाट सुरुभएको यो अनवरत यात्राको क्रममा संसारका २०० वढी मुलुकको भ्रमण नसकी घर नफर्किने उनको योजना रहेको छ । सन् २०२० सम्ममा थाेरकाे विश्व भ्रमण सकिने अनुमान रहेकाे छ ।
मानवबेचबिखन तथा हिंसा प्रभावितलाई आत्मरक्षा तालिम
काठमाडौँ । चाइल्ड रेक्यू नेपालको सहयोगमा शक्ति समूहले मानववेचविखन तथा हिंसा प्रभावितहरुलाई चार दिने आत्मरक्षाको तालिम माघ १५ गतेदेखि शुरु गरेको छ । शक्ति समूहकी संस्थापक सदस्य तथा कार्यकारी निर्देशक सुनिता दनुवारको अध्यक्षतामा भएको उद्घाटन समारोह टोखा नगरपालिका उपप्रमुख ज्ञानमाया डंगोलको प्रमुख आतिथ्यमा सम्पन्न भएको हो । कार्यक्रममा नेपाल आत्मरक्षा संघका अध्यक्ष डि.बि. रानापाल, जिल्ला खेलकुद विकास कार्यालयको अधिकृत धनअर्जुन राई लगायतको आतिथ्य रहेको थियो । कार्यक्रममा स्वागत र यसको उद्देश्यमाथि शक्ति समूहको संस्थापक सदस्य तथा संरक्षण संयोजक चरिमाया तामाङले प्रकाश पारेकी थिइन् । तालिममा सहभागीहरुलाई सन्जु महर्जन, राधिका ऐर हमाल र प्रभा महर्जनले सहजीकरण गरिरहेका छन् । शक्ति समूहले विगत दुई दशक भन्दा लामो समयदेखि मानबबेचविखनको विरुद्दमा विभिन्न कार्यक्रमहरु संचालन गर्दै आईरहेको छ ।
३६ करोडको आलु फल्यो, बजार मूल्य भने प्रतिकिलो १३ रुपैयाँ !
वीरगञ्ज । अघिल्लो वर्षको तुलनामा यस वर्ष पर्सा जिल्लामा चार करोड ५४ लाख ४० हजार मूल्य बराबरको दुई हजार ८४० मेट्रिक टन बढी आलु उत्पादन भएपछि उपभोक्ताले राहत पाएका छन् । यस भेगका उपभोक्ता चर्को मूल्य तिरेर भारतीय तथा पहाडको आलु खान बाध्य भएकामा यस वर्ष बढी आलु उत्पादन भएपछि उपभोक्तालाई राहत भएको वीरगञ्ज महानगरपालिका-२७ रामगढवाका शेषमन पण्डितको भनाइ छ । यस वर्ष पर्सा जिल्लाका किसानले एक हजार १५० हेक्टर क्षेत्रफलमा आलु खेती गरेकामा ३६ करोड ८० लाख मूल्य बराबरको २३ हजार मेट्रिक टन आलु उत्पादन गरेको कृषि ज्ञान केन्द्र पर्साले जनाएको छ । गत वर्ष पर्साका किसान एक हजार १२० हेक्टर क्षेत्रफलमा आलुखेती गरी २० हजार १६० मेट्रिक टन आलु फलाएका थिए । हिउँदमा पानी नपरेको तथा समयमा आलु रोपाइँ गरेकाले किसानले यस वर्ष प्रतिहेक्टर २० मेट्रिक टन आलु उत्पादन गरेको ज्ञान केन्द्रका प्रमुख डा रामचन्द्र यादवले बताए । पश्चिमी पर्साको बिरुवा गुठी, बेलवा, भिखमपुर गादीमा किसानले व्यवसायी रुपमा कुण्डी, सिचरी, लालगुलाब ३४ र गाढा जस्ता उन्नत जातको आलु खेती गर्दै आइरहेका छन् । पहिला सरकारले किसानलाई अनुदानमा आलुको बीउ उपलब्ध गराउँदै आएकोमा अहिले स्थानीय सरकारले सो अनुदान बन्द गरेकाले सरकारी सुविधाबाट वञ्चित हुँदै आएको अर्का किसान अजय पण्डितको भनाइ छ । प्रतिदिन करीब पाँच लाखको आलु वीरगञ्ज बजारमा स्थानीय आलु बिक्री हुन थालेपछि भारतीय तथा पहाडका आलु विस्थापित हुँदै गएको छ । यसपालि अत्यधिक मात्रामा आलु उत्पादन भएकाले भाउ घटेपछि यसको व्यापार भने बढ्न नसकेको मीनाबजारका आलु व्यापारी चन्द्रिकाप्रसाद रौनियारको भनाइ छ । किसान एकाबिहानै ट्र्याक्टर, टायर गाडामा राखी आलु लिएर वीरगञ्जमा बेच्न आउन थालेपछि यसको व्यापार सहज भएको छ । स्थानीय बजारमा थोक तथा खुद्रा गरी करीब १०० को हाराहारीमा आलु व्यापारी रहेका छन् । स्थानीय बजारमा अहिले नयाँ आलु प्रतिकिलो १३ को दरले बिक्री हुँदै आएको छ । रासस
स्थानीयवासीको आन्दोलनले रोकिएको मध्यमोदी पुनःसञ्चालनमा
काठमाडौं । पाँच दिनदेखि ठप्प बनेको मध्यमोदी जलविद्युत् आयोजनाको निर्माणकार्य पुनःसञ्चालन भएको छ । चौधरी ग्रुपले मोदी गाउँपालिकामा निर्माण गरिरहेको १४.५ मेगावाट क्षमताको सो आयोजनाको काम स्थानीयवासीको आन्दोलनका कारण रोकिएको थियो । स्थानीयवासीका माग पूरा गर्न आयोजना पक्ष सहमत भएपछि निर्माण पुनः थालिएको हो । आयोजनाको सुरुङ निर्माण गर्दा स्थानीयवासीको घरमा क्षति पुगेको भन्दै उनीहरुले क्षतिपूर्तिको माग गरी आन्दोलन थालेका थिए । मोदी गाँपालिका–२ मख, ठाना, कल्लेनी र ओख्लेमा घरमा क्षति पुगेपछि स्थानीयवासी आक्रोसित भएका छन् । भूगर्भविद्ले दिएको प्रतिवेदनका आधारमा मोदी गाउँपालिका र आयोजना पक्षले संयुक्त प्राविधिक टोली खटाउने, प्राविधिक टोलीले घरको मूल्याङ्कन गरी पुनःनिर्माण वा प्रवलीकरण गर्दा लाग्ने लागत योजना तयार गर्ने र सोही आधारमा आयोजनाले घरधनीलाई रकम उपलव्ध गराउने सहमति भएको प्रमुख जिल्ला अधिकारी गुरुदत्त ढकालको भनाई छ । क्षति पुगेका तीन घरको पुनःनिर्माणको काम स्वयंले गर्ने र आवश्यक रकम आयोजनाले दिने सहमति जुटेको छ । भूगर्भविद्ले घर भत्कनुमा मुख्य कारण भूकम्प र पराकम्प भएको तथा आयोजनाका कारण केही घरमा असर परेको प्रतिवेदन दिएकाले सोहीअनुसार कार्यान्वयन गर्न तयार रहेको आयोजना प्रमुख निरञ्जन राउत बताएका छन् । भूगर्भविद्ले १२ घरमा बढी क्षति, नौ घरमा सामान्य क्षति तथा सात घर प्रभावित हुनसक्ने प्रतिवेद न बुझाएको छ । रासस
सनराइजको नाफा २४ प्रतिशतले बढेर ७२ करोड पुग्यो
काठमाडौं । सनराइज बैंकको नाफा २४ प्रतिशतले वृद्धि भएको छ । बैंकले गत आर्थिक बर्षको पुस मसान्तको तुलनामा चालु आवको पुस मसान्तमा आफ्नो नाफा २४.१३ प्रतिशतले वृद्धि गरेर ७२ करोड पुर्याएको हो । गत आवको पुस मसान्तमा सनराइजको नाफा ५८ करोड रुपैंयाँ मात्रै थियो । बैंकले पछिल्लो ३ महिनामा आफ्नो नाफा २७ करोडबाट ४५ करोडले बढाएर ७२ करोड पुर्याएको हो । बैंकले पुस समान्त अवधीमा १ अर्ब ७६ करोड ब्याज आम्दानी गरेको छ जुन असोजमा जम्मा ८३ करोड मात्रै थियो । सनराइजले ७६ अर्ब निक्षेप संकलन गरेर ६७ अर्ब कर्जा लगानी गर्दा सिडी रेसियो ७६.०२ प्रतिशतमा रहेको छ । १०.६३ प्रतिशत आधार ब्याजदर भएको बैंकको कष्ट अफ फण्ड ७.५५ प्रतिशत रहेको छ । ४.३१ प्रतिशत स्प्रेड दर रहेको सनराइजको खराब कर्जा १.२६ प्रतिशत छ । बैंकको प्रति सेयर आम्दानी भने १९.४५ रुपैंयाँ रहेको छ ।
सानिमा बैंकको नाफा अर्ब नजिक
काठमाडौं । सानिमा बैंकको नाफा अर्ब नजिक पुगेको छ । बैंकले चालु आर्थिक बर्षको पुस मसान्त अवधीमा ९४ करोड नाफा आर्जन गरेको हो । गत आवको पुस मसान्तमा बैंकको नाफा ८० करोड रुपैंयाँ थियो । सानिमाले गत पुस मसान्तको तुलनामा यसपाली १७.५० प्रतिशतले नाफा वृद्धि गरेको हो । बैंकले पछिल्लो ३ महिनामा ४८ करोड नाफा वृद्धि गरेको देखिन्छ । असोज मसान्तमा ४६ करोड नाफा कमाएको बैंकले पुस मसान्तमा ९४ करोड पुर्याएको हो । सानिमाले असोजमा ९७ करोड ब्याज आम्दानी गरेको थियो जुन पुस मसान्तमा १ अर्ब ९१ करोड पुगेको छ । ८ अर्ब चुक्ता पुँजी रहेको बैंकको जगेडा कोषमा २ अर्ब ६५ करोड रुपैंयाँ रहेको छ । ०.२४ प्रतिशत खराब कर्जा रहेको बैंकको आधार ब्याजदर ९.७५ प्रतिशत रहेको छ । ७.५७ प्रतिशत कष्ट अफ फण्ड रहेको बैंकको प्रति सेयर आम्दानी २४.६२ रुपैंयाँ रहेको छ । बैंकको सिडी रेसियो ७८.२५ प्रतिशत पुगेको छ । कान्छो पुस्ताका बैंकहरुमध्ये सानिमा बैंकका वित्तिय सूचांकअरु अब्बल देखिन्छन् ।
नविलले कमायो ६ महिनामै २ अर्ब नाफा, ३ महिनामै कसरी बढ्यो १११ करोड ?
काठमाडौं । नविल बैंकले ६ महिनामै २ अर्ब नाफा कमाएको छ । बैंकले पुस मसान्त अवधीमा २ अर्ब ४ करोड नाफा आर्जन गर्न सफल भएको हो । गत वर्षको पुस मसान्तको भन्दा यो नाफा २१ करोडले बढी हो । २०७४ पुसमा बैंकले १ अर्ब ८३ करोड नाफा गरेको थियो । ६ महिनामा खुद नाफाको आँकडा २ अर्ब ४ करोड पुर्याउँदा नविलले पछिल्लो ३ महिनामा १ अर्ब ११ करोड नाफा वृद्धि गरेको देखिन्छ । असोज मसान्तमा नविलको नाफा जम्मा ९३ करोड मात्रै थियो । नविलले पछिल्लो ३ महिनामा १ अर्ब ७७ करोड ब्याज आम्दानी वृद्धि गरेको देखिन्छ । असोज मसान्तमा १ अर्ब ८४ करोड ब्याज आम्दानी गरेको बैंकले पुस मसान्त आईपुग्दा ३ अर्ब ६१ करोड पुर्याउन सफल भएको हो । बैंकले ३ महिनामा निक्षेप ६ अर्बले वृद्धि गरेको छ । असोज मसान्तमा १ खर्ब ४३ अर्ब निक्षेप संकलन गरेको बैंकले पुस मसान्तमा १ खर्ब ४९ अर्ब पुर्याएको हो । बैंकको कर्जा लगानी भने ३ महिनामा २ अर्बले मात्रै बढेको देखिन्छ । असोजमा १ खर्ब २८ अर्ब कर्जा लगानी गरेको बैंकले पुसमा १ खर्ब ३० अर्ब मात्रै पुर्याएको छ । नविलको खराब कर्जा ०.६२ प्रतिशत मात्रै छ भने आधार ब्याजदर ७.९४ प्रतिशत रहेको छ । बैंकको कष्ट अफ फण्ड ५.९२ प्रतिशत मात्रै छ भने सिडी रेसियो ७८.५० प्रतिशत रहेको छ । बैंकको प्रति सेयर आम्दानी भने ५४.५० रुपैंयाँ रहेको छ ।
