ईँटाभटा व्यवस्थित गर्न सकिएनः चाँंगुनारायण नगरपालिका
काठमाडौं । ईँटाभटा व्यवस्थित रुपमा सञ्चालन हुन नसकेकोमा भक्तपुरको चाँंगुनारायण नगरपालिकाले चिन्ता व्यक्त गरेको छ ।नगरपालिकाले आयोजना गरेको छलफल कार्यक्रममा ईँटाभटालाई धुवाधुलोरहित रुपमा सञ्चालन गर्न व्यवसायीसँंग अनुरोध गरिएको छ । भक्तपुर ईट्टा उद्योग व्यवसायी संघ र चाँगुनारायण नगरपालिकाबीच भएको अन्तरक्रिया कार्यक्रममा चाँगुनारायण नगरपालिकाका प्रमुख सोमप्रसाद मिश्रले ईँटाभटालाई धुवाधुलो न्युनीकरण गरी व्यवस्थित रुपमा सञ्चालन गर्न अनुरोध गरे । पुननिर्माणको लागि नभई नहुने इटा उत्पादन गर्ने स्वदेशी उद्योगको प्रबद्धर्नमा उनले विशेष चिन्ता व्यक्त गरे । वर्षेनी विदेशबाट निर्माण सामाग्री आयात गर्नुपर्ने बाध्यता रहेको तर नेपाली सामान विदेश निर्यात हुन नसकी व्यापार घाटा वढ्दै गएको बेला इटामा नेपाल आत्मनिर्भर रहेकोमा उनले खुशी साटे । प्रमुख मिश्रले ईट्टा उद्योगीव्यवसायीलाई वातावरणमैत्री ईट्टा उद्योग संचालनगर्न अनुरोधका साथ अन्य वैकल्पिक व्यवसाय गर्न सुझाए । ईट्टा उद्योगीव्यवसायीहरुसंग ईट्टा व्यवसाय संचालन गर्दाका कार्यविधि, मापदण्ड र प्रदुषण नियन्त्रणको व्यवस्था विषयक अन्तत्र्रिmया कार्यक्रममा प्रमुख मिश्रले नगर क्षेत्रभित्र ईट्टा उद्योग संचालन गर्दा नगरपालिका र व्यवसायबीच भएको सम्झौता अनुसार कार्य गर्न सल्लाह दिए । सो अवसरमा इसिइसिपिका इन्ष्ट्रक्टर अर्जुन भट्टले चाइनिज प्रविधिमार्पmत प्रदुषणमुक्त अत्याधुनिक ईट्टा उद्योग संचालन गर्न सकिने भएकोले सो प्रविधिबारे जानकारी गराए । साथै हालको विकसित प्रविधि जिक ज्याक प्रविधि दक्षिण एसियामा उपयुक्त भएको पनि जानकारी गराइयो । भक्तपुर इटा व्यवसायी संघका पूर्व अध्यक्ष एवं सल्लाहकार विश्वराम कवाँले इटाभटा व्यवसालाई व्यवस्थित रुपमा सञ्चालन गर्न गरेको नगरपालिकाको चासोप्रति कृतज्ञता व्यक्त गरे । उनले व्यवसायीहरु नगरपालिकाको सल्लाहसुझाब अनुसार इटाभटालाई समायानुकुल व्यवस्थित रुपमा सञ्चालन गर्न तत्पर रहेको बताए । चाँंगुनारायण नगरपालिका वडा नं. ३ का वडा अध्यक्ष श्यामसुन्दर धिमालबाट माटो कटान, माटो ढुवानी, काँचो ईट्टा ढुवानीमा नगरपालिकासंग ६ बुंदे सम्झौता भए बमोजिम कार्यान्वयन नभएको गुनासो गरे ।
मेलम्चीको ठेक्का तोड्ने सरकारको निर्णय
काठमाडौं । सरकारले मेलम्ची खानेपानी आयोजना निर्माणको ठेक्का पाएको इटालियन कम्पनी सिएमसीसँगको ठेक्का तोडेको छ । सुरुङ र हेडवक्र्सको निर्माणको जिम्मेवारी पाएको इटालियन कम्पनीले काममा फर्कन चासो नदेखाएपछि सरकारले आफैं ठेक्का तोड्ने निर्णय गरेको आयोजना प्रमुख सुर्यराज कँडेलले जानकारी दिए । सिएमसीले १४ डिसेम्बरमा ठेक्का तोडेको पत्र आयोजनालाई बुझाएको थियो तर त्यसको केहिदिनपछि नै ठेक्का तोडेको पत्र फिर्ता लिएको थियो । सोही समयमा आयोजनाले आफ्नो तर्फबाट ठेक्का तोड्ने जानकारी दिएर १४ दिनको सूचना निकालेको थियो । सिएमसीलाई काममा फर्कन १४ दिनको म्याद दिएर आयोजनाको टोली वार्ता गर्न सिंगापुर गएको थियो । सिंगापुरको वार्ताले पनि सकारात्मक परिणाम नदिएपछि ठेक्का तोडेको पत्र पठाईएको हो ।
अजोड इन्स्योरेन्स र लिचि टेक्नोलोजीबीच बीमा सेवा सम्झौता
काठमाडौं । अजोड इन्स्योरेन्स र लिचि टेक्नोलोजीको नयाँ योजना चुकल डट कमसँग सहकार्य गर्दै बीमा सेवा प्रदान गर्ने सम्बन्धि सम्झौता भएको छ । अजोड इन्स्योरेन्सका सहायक महा प्रबन्धक महेशराज खरेल र लिचि टेक्नोलोजीका अध्यक्ष शिव न्यौपानेले सम्झौतापत्रमा हस्ताक्षर गरेका हुन् । सम्झौतापत्रमा लिचि टेक्नोलोजीका ग्राहकहरूले अजोड इन्स्योरेन्सले प्रदान गर्ने निर्जिवन बीमा अन्तर्गत सामूहिक दुर्घटना बीमा तथा सेंधमारी तथा नकवजनी बीमा सम्बन्धि सुविधा लिचि टेक्नोलोजीका सबै ग्राहकहरुले प्राप्त गर्न सक्ने अजोड इन्स्योरेन्स कम्पनीले जनाएको छ ।
बेरुजु फछ्र्यौट प्रभावकारी बनाउन लेखा समितिको निर्देशन
काठमाडौँ । प्रतिनिधिसभाको सार्वजनिक लेखा समितिले समितिमा छलफल हुन बाँकी रहेका महालेखापरीक्षकको वार्षिक प्रतिवेदनमाथिको छलफललाई आगामी वैशाख महिनाभित्र सम्पन्न गर्ने निर्णय गरेको छ । समितिको आज सिंहदरबारमा बसेको बैठकले लेखापरीक्षण हुन बाँकी रहेका सङ्गठित संस्थाहरुको आगामी तीन महीनाभित्र लेखापरीक्षण गराउन सम्बन्धित तालुक निकायलाई निर्देशन दिएको हो । समितिका सभापति भरतकुमार शाहले महालेखापरीक्षकको बाँकी प्रतिवदेनको छलफलका लागि समिति, महालेखापरीक्षकको कार्यालय र सम्बन्धित निकायले कार्यतालिका बनाई सहकार्य गर्ने निर्णय गरेको जानकारी दिए । बैठकले बेरुजु नआउने गरी आर्थिक कारोवार सञ्चालन गर्ने अधिकारी (कर्मचारी) र बेरुजु कायम गर्न गराउन भूमिका खेल्ने कर्मचारीको अभिलेख राखी सरुवा, पदस्थापन तथा अन्य वृत्ति विकासका अवसर प्रदान गर्दा सोलाई आधार बनाउने गरी मापदण्ड निर्धारण गर्न सरकारलाई निर्देशन दिएको छ । बेरुजु कायम हुनेतर्फभन्दा कायम भएको बेरुजु फछ्र्यौट गर्नेतर्फ धेरै जोड दिने प्रवृत्ति देखिएकाले आर्थिक कारोवार सञ्चालन गर्दा कमभन्दा कम बेरुजु कायम गर्ने गराउनेतर्फ ध्यान दिन मन्त्रालय, आयोग तथा सचिवालयलाई निर्देशन दिने निर्णय गरेको छ । यस्तै, बैठकले बेरुजु फछ्र्यौट सम्बन्धमा समितिले विगतमा दिएका निर्देशनहरुको अनिवार्यरूपमा कार्यान्वयन गर्ने र दुई महीनामा समितिमा प्रतिवेदन पेश गर्न मन्त्रालय, संवैधानिक निकाय, आयोग, विकास समिति तथा सचिवालयलाई निर्देशन दिएको छ । महालेखा परीक्षकको ५५औँ वार्षिक प्रतिवेदनले औँल्याएको बेरुजुका आधारमा समितिले सम्बन्धित मन्त्रालय, संवैधानिक निकाय, आयोगलगायत कार्यालयका प्रमुखलाई बोलाएर बेरुजुको अवस्थाबारे जानकारी दिएको हो । मुख्यसचिव लोकदर्शन रेग्मीसहित विभिन्न मन्त्रालयका सचिव, महालेखापरीक्षकसहित अन्य संवैधानिक निकायका प्रमुखले बेरुजु फछ्र्यौटको प्रगति विवरण प्रस्तुत गर्नुभएको थियो । राष्ट्रपति, कार्यालय, उपराष्ट्रपति कार्यालय, राष्ट्रिय मानवअधिकार आयोग, राष्ट्रिय सतर्कता केन्द्र, महान्यायाधिवक्ताको कार्यालयले बेरुजुको अवस्थाबारे समितिलाई अवगत गराएका थिए । बैठकमा बोल्ने अधिकांश सांसदले हरेक वर्ष बेरुजु बढ्नुले मुलुकको आर्थिक सुशासनको पारदर्शितामाथि प्रश्न उठाएको भन्दै सम्बन्धित निकायले सक्रिय ढङ्गले बेरुजु फछ्र्यौट गर्नुपर्नेमा जोड दिए । समितिका बैठकमा सम्बन्धित मन्त्रालयका सचिव, निकायका प्रमुखले बेरुजुबारे सकारात्मक प्रतिबद्धता जनाए पनि व्यावहारिक नतिजा हासिल हुन नसकेको भन्दै जिम्मेवार भएर काम गर्न आग्रह गरे । सांसद अमनलाल मोदी, सूर्य पाठक, विरोध खतिवडा, राजेन्द्रकुमार केसी, धर्मशिला चापागाईँ, प्रेम आले लगायतले बेरुजु खर्च बढ्नुले मुलुकको आर्थिक सुशासनमा गम्भीर चुनौती खडा भएको भन्दै बेलैमा सचेत भएर बेरुजु फछ्र्यौटलाई प्रभावकारी बनाउन आग्रह गरे । सांसदहरुको जिज्ञासामा मुख्यसचिव लोकदर्शन रेग्मीले नीतिगत समस्याका कारण बेरुजु खर्च बढेको भन्दै बेरुजु फछ्र्यौटलाई प्रभावकारी बनाइने प्रतिबद्धता जनाए ।
बोलेरो दुर्घटनामा ५ को मृत्यु, ९ घाइतेको उपचार हुँदै
सिन्धुली । फिक्कल गाउँपालिका–२ चण्डीभञ्ज्याङमा डबलक्याप बोलेरो दुर्घटना हुँदा पाँच जनाको ज्यान गएको छ । अन्य नौ जना घाइते भएका छन् । दुर्घटनामा फिक्कल-२ निवासी ५५ वर्षीया तिलमाया विश्वकर्मा, ६५ वर्षीय कुनमान तामाङ, ३५ वर्षीया शान्तिमाया श्रेष्ठ, ४५ वर्षीया लक्ष्मी विश्वकर्मा र २६ वर्षीया अनिता महत रहेको जिल्ला प्रहरी कार्यालयका प्रहरी नायब उपरीक्षक लोकदर्शन थापाले जानकारी दिए । उनका अनुसार दुर्घटनामा चालक फिक्कल गाउँपालीका निवासी मानबहादुर सुनुवार र ३४ वर्षीय दीपककुमार सुनुवार सख्त घाइते भएका छन् । थप उपचाकार लागि सख्त घाइते ६६ वर्षीया माया विश्वकर्मा र ३८ वर्षीय दीपक श्रेष्ठलाई पनि थप उपचारका लागि धुलिखेल पठाइएको उनले जानकारी दिए । अन्य घाइते सबैको उपचार भइरहेको जिल्ला प्रहरी कार्यालयले जनाएको छ । फिक्कलको महादेवडाँडा भन्ने स्थानबाट सिन्धुलीतर्फ आउँदै गरेको वा १५ च ९४२२ नम्बरको डबलक्याप बोलेरोे दुर्घटना भएको हो । बोलेरो आफैँ अनियन्त्रित भई दुर्घटना भएको जिल्ला प्रहरी कार्यालयले जनाएको छ । बोलेरो सडकबाट २०० मिटर तल खसेको थियो ।
जनता आवास कार्यक्रम सरकारको प्राथमिकतामा : अर्थमन्त्री डा. खतिवडा
काठमाडौं । अर्थमन्त्री डा. युवराज खतिवडाले जनता आवास कार्यक्रमलाई उच्च सरकारले प्राथमिकतामा राखेको बताएका छन् । अर्थ मन्त्रालयमा जनता आवास कार्यक्रम कार्यान्वयन नमूना कार्यविधि २०७५ माथि प्राप्त सुझाव हस्तान्तरण कार्यक्रममा मन्त्री खतिवडाले जनता आवास कार्यक्रमलाई व्यवस्थित र प्रभावकारी बनाउन प्रदेश सरकारसँग समन्वय गर्ने र सुरक्षित आवास योजना अघि बढाउन गम्भीर रहेको बताएका छन् । वास्तविक आवासविहिनको साथमा सरकारको साथ रहँदै आएको र निरन्तर सहयोग हुने स्पष्ट पारेका छन् । कार्यदलले अर्थमन्त्री खतिवडालाई सुझाव पेश गदैं चालु आर्थिक वर्षको बजेटमा समावेश भएका जनता आवास कार्यक्रमलाई समयमै सम्पन्न गर्ने वातावरण बनाउन आग्रह गरेको हो । सुझाव हस्तान्तरण कार्यक्रमका प्रतिनिनिधिमण्डलको नेतृत्व गर्दै पूर्वमन्त्री तथा सभासद् जीतु गौतमले आवासविहिन दलित परिवारलाई आवासको व्यवस्था गर्दा रोजगारी, शिक्षा, स्वास्थ्यलगायतका आधारभूत विषयमा ध्यान दिनु पर्ने बताएका छन् । कार्यदलले दलित, मुस्लिम, अति सिमान्तकृत परिवारको जनसंख्या तथा उनीहरुको आवश्यकता र प्राथमिकता एकिन गर्न विस्तृत अध्ययन अनुसन्धान गरि वास्तविक आवास विहिनलाई सम्बोधन गर्नुपर्ने सुझाव दिएको छ ।
आइपीओमा ५ प्रतिशत आरक्षण वैदेशिक रोजगारीमा जानेका परिवारलाई
काठमाडौं । वैदेशिक रोजगारीमा जाने कामदारका परिवारलाई पब्लिक कम्पनीहरुको प्राथमिक सेयर निष्काशन(आइपीओ)मा ५ प्रतिशत आरक्षण प्रस्ताव गरिएको छ । श्रम मन्त्रालयले गठन गरेको औपचारिक माध्यमबाट विप्रेषण भित्र्याई उत्पादन मुलक क्षेत्रमा उपयोग गर्ने बिषयमा सुझाव पेश गर्न गठित कार्यदलले पेश गरेको प्रतिवेदनले वैदेशिक रोजगारीमा जाने कामदारका परिवारलाई आइपीओमा ५ प्रतिशत आरक्षण प्रस्ताव गरेको हो । ‘वैदेशिक रोजगारीमा रहेका नेपाली कामदार वा निजका परिवारका सदस्यहरुले आवेदन गर्न पाउने गरि विभिन्न कम्पनीका प्राथमिक सेयरको ५ प्रतिशत हिस्सा उनीहरुका निम्ति आरक्षण गर्न उपयुक्त हुने’, प्रतिवेदनमा लेखिएको छ । श्रम, रोजगार तथा सामाजिक सुरक्षा मन्त्रालयका सचिव महेश्वर दाहालको संयोजकत्वमा गठित समितिले ७ महिना लगाएर प्रतिवेदन तयार पारेको हो । प्रतिवेदनले सर्वेक्षण अध्ययन भईसकेका परियोजनाहरुको परियोजना बैंक बनाउने र त्यस्ता परियोजनाको लागत जुटाउन विप्रेषणकर्ताले स्वेच्छिक रुपमा सेयर लगानी गर्न पाउने व्यवस्था गर्न पनि सुझाव दिएको छ । विप्रेषण कर्ताहरुको संयुक्त योगदान रहने गरि स्थानीय तहमा विप्रेषण कोषको स्थापना गरि स्थानीय तहमा प्राथमिकता प्राप्त परियोजनाहरुमा लगानी गर्नुपर्ने निष्कर्ष समेत निकालेको छ ।
चौधरी ग्रुपका प्रवन्ध निर्देशक निर्वाण चौधरीेलाई वाई पिओ अवार्ड
काठमाडौं । चौधरी ग्रुपका प्रवन्ध निर्देशक निर्वाण चौधरीेलाई वाई पिओ अवार्ड प्राप्त गरेका छन् । चौधरी गु्रपका प्रवन्ध निर्देशक निर्वाण चौधरीलाई सामाजिक कार्यमा उत्कृष्ट योगदानका लागि यङ्ग प्रेजिडेंट्स अर्गनाइजेशन (वाई.पी.ओ.) ले सोसियल इन्टरप्राइज नेटवर्क सस्टेनेबिलिटी (सेन) अवार्डद्वारा सम्मानित गरेको हो । वाई. पी ओले आफ्ना सदस्य मध्येबाट समाज तथा व्यवसायमा सकारात्मक प्रभाव पार्ने विभिन्न व्यक्तित्वहरुलाई सम्मान प्रदान गर्दै आएको छ । शिक्षा, स्वास्थ्य, रोजगार, गरीबी निवारण, समानता, वातावरण संरक्षण लगायतका क्षेत्रमा प्रभावकारी कामको नेतृत्व गर्ने सदस्यहरू उक्त अवार्डबाट सम्मानित हुदै आएका छन् । वाई. पीओ.ले नेपालले लिएको दिगो विकास लक्ष्य प्रति आफ्ना हरेक क्रियाकलापहरुलाई लक्षित गर्दै आएको चौधरी फाउण्डेसले शिक्षा, स्वास्थ्य, उद्यम शिलता विकास, जीविको पार्जन, विपद व्यवस्थापन, सम्पदा एवं आध्यात्मिक विकास गरी ६ वटा विधामा४३ विविध कार्यक्रम संचालन गर्दै आएको उल्लेख गरेको छ । अवार्ड ग्रहण गर्दैप्रवन्धनिर्देशकचौधरीले वाई.पी.ओ. को सेन अवार्डबाट सम्मानित हुन आफ्नो र फाउण्डेसनको लागि गर्वको कुरा रहेको र यसले आफुलाई सामाजिक कार्य गर्न थपउर्जा एवं प्रेरणा प्राप्त भएको बताएका छन् । २०१८ मा सेन दिगो अवार्ड प्राप्तगर्ने अन्य व्यक्तित्वमा फेटजर भिनायार्डका सिईओ, गियान कार्लाे बियान चेटी (व्यवसायतर्फ), द वुमानिटी फाउण्डेसनका प्रेसिडेण्टयान बोर्गस्टेट (समानतातर्फ), द लाईटहाउस व्रिस्टोका प्रेसिडेण्ट एलिजा वेथकिन्नी (प्रभावतर्फ) तथा सोना युक्तिका सिईओचोको भालिआपा (शिक्षातर्फ) रहेका जनाएका छन्र ।
