ज्योति लाईफ र सिद्धार्थ ग्रुपअफ हस्पिटालिटीबीच सम्झौता, होटल सेवामा विशेष छुट
काठमाडौँ । ज्योति लाइफ इन्स्योरेन्स र सिद्धार्थ ग्रुपअफ हस्पिटालिटी प्रालिबीच होटल तथा रेष्टुरेण्ट सेवामा साझेदारी गर्ने सम्झौता भएको छ । सम्झौता पत्रमा ज्योति लाईफ इन्स्योरेन्स कम्पनीका कार्यकारी उप–प्रमूख प्रकाशबिक्रम खत्री र सिद्धार्थ ग्रुपका प्रमुख कार्यकारी अधिकृत कृष्ण न्यौपानेले हस्ताक्षर गरेका छन् । सम्झौता अनुसार ज्योति लाईफ इन्स्योरेन्समा आबद्ध निश्चत मापदण्ड पूरा गरेका ग्राहक, अभिकर्ता, कर्मचारी तथा शेयरधनीहरुलाई विशेष कार्ड जारी गरिने र उक्त कार्डबाहक तथा निजका परिवारका सदस्यहरुले सिद्धार्थ ग्रुपअफ हस्पिटालिटी प्रालिको सञ्जालभित्र आबद्ध भएका देशका विभिन्न स्थानमा रहेका १३ भन्दा बढी होटल, रिसोर्ट, कफीहाउस, बेकरी एण्ड क्याफेमा उपलब्ध हुने फुड एण्ड वेभरेज तथा अन्य होटल सेवामा विशेष छुट प्राप्त गर्ने छन् ।
माछापुछ्रे बैंकको ८ वटा शाखा रहित बैंकिङ सेवा एकै पटक सञ्चालन
काठमाडौँ । माछापुछ्रे बैंक लिमिटेडले कास्कीमा आठ वटा शाखा रहित बैंकिङ सेवा एकैपटक संचालनमा ल्याएको छ । बैंकले मादी गाउँ पालिकाको टाङटिङ, थक, तापराङ, चितेपानी, तारकाङ, मिजुरेडाँडा, थुम्सिकोट, र सैमराङ मा ८शाखा रहित बैंकिङ सेवा सञ्चालनमा ल्याएको हो । बैकिङ्ग पहुँचदेखि टाढा रहेका ग्रामीण भेगमा बैंकले आफ्ना ग्राहक सेवा केन्द्रहरु मार्फत अत्याधुनिक बैकिङ्ग सेवा पुर्याइरहेको जानएको छ । माछापुछ्रे बैंक लिमिटेडको हालसम्म ७३ वटा शाखा रहित बंैकिङ्ग सेवा सुचारु रहेको जानएको छ । ग्राहक सेवा केन्द्रको रुपमा संचालित उक्त शाखा रहित सेवा केन्द्रहरुबाट खाता खोल्ने, रकम जम्मा गर्ने र झिक्ने, रेमिटेन्स भुक्तानी, साथै कर्जा आवेदन गर्न सकिने सुविधाको समेत व्यवस्था गरेको छ । बैंकले नेपालमै पहिलो पटक तुरुन्त (रियल टाइममा) खाता खोल्ने व्यवस्था गरेको छ भने चिपमा आधारित डेबिट कार्ड पनि तुरुन्त उपलब्ध गराएको छ ।
‘सम्पूर्ण शैक्षिक बेरोजगार उद्यमशीलताको लागि तयार हुनुस्’-नेता नेपाल
काठमाडौं । पुर्व प्रधानमन्त्री तथा नेकपाका बरिष्ठ नेता माधवकुमार नेपालले सम्पुर्ण शैक्षिक बेरोजगारलाई उद्यमसिलताका लागि तयार रहन निर्देशन दिएका छन् । सरोकार समाज नेपालले आयोजना गरेको युवा अभिमुखिकरण कार्याशालामा बोल्दै नेता नेपालले शैक्षिक बेरोजगारीको संख्या बढ्नु चिन्ताको विषय भएको बताएका हुन् । ‘हामी नेपालीमा गज्जबको संस्कार बस्न थाल्यो विदेसमा गएर जस्तो पनि काम गर्ने स्वदेशमा केहि काम नगर्ने नेता नेपालले भने यहि प्रक्रियाबाट अघि बढ्ने हो भने हामी निकै पछि पर्नेछौं ।’ उनले शैक्षिक बेरोजगारहरुलाई सहुलियतपुर्ण कर्जाको व्यवस्था गरेकोले यसको समुचित प्रयोग गर्नपर्नेमा सुझाव दिए । सहकारी मोडेलमा उद्यमसिलता गर्दा उत्पादन बढ्ने भएकाले सोहि मोडेलमा काम गर्न विद्यार्थीहरुलाई जोड दिए । कार्याशालामा बोल्दै राष्ट्र बैंकका डेपुटी गर्भनर शिवराज श्रेष्ठले सहुलियत पुर्ण कर्जामा युवाहरुको आकर्षण बढ्न नसकेको बताए । श्रेष्ठले शैक्षिक सहुलियत कर्जा हालसम्म ६ जनाले मात्र लिएको बताए । उनका अनुसार हालसम्म सहुलियत कर्जामा ६ विद्यार्थीले ३८ लाख, उच्च प्राविधिक तथा व्यवसायिक कर्जामा २ जनाले १० लाख लिएका छन् । कार्यक्रममा तेज बहादुर ढकालले कार्यपत्र प्रस्तुत गरेका थिए । युवा र समृद्धि शिर्षकमा प्रस्तुत गरिएको कायापत्रमा युवाहरुको वर्तमान स्वरोजगार र उद्यमको विषयमा प्रस्तुति दिएका थिए । कार्याक्रममा अनेरास्ववियुका युवा नेताहरु सुदेश पराजुली, येशु लामा, ओसिम आलम लगायतको सहभागिता रहेको थियो ।
नेकपा संसदीय दल ३ नम्बर प्रदेशको उपनेतामा जम्कट्टेल
काठमाडौँ । नेकपा संसदीय दल ३ नम्बर प्रदेशको बैठकले उपनेतामा शालिकराम जम्कट्टेललाई चयन गरेको छ । प्रदेश सरकारका आन्तरिक मामिला तथा कानून मन्त्री समेत रहेका जम्कट्टेल तत्कालीन नेकपा माओवादी केन्द्रका नेता हुन् । यसैगरी नेकपा ३ नम्बर प्रदेशको मुख्य सचेतकमा रामेश्वर फुयाललाई चयन गरिएको छ । तत्कालीन नेकपा एमालेमा उनी प्रदेशको मुख्य सचेतक नै थिए । यसैगरी सचेतकमा बुद्धिमान माझीलाई चयन गरिएको छ । संसदीय दलका नेता एवम् ३ नम्बर प्रदेशका मुख्यमन्त्री डोरमणि पौडेलले उनीहरुको नाम प्रस्ताव गरेपश्चात सर्बसम्मत चयन गरिएको हो ।
हलेसीबाट काठमाडौं आउँदै गरेको जीप दुर्घटना, ६ जनाको मृत्यु
काठमाडौँ । ओखलढुङ्गाको मानेभञ्ज्याङमा जीप दुर्घटना भएको छ । घटनामा परी ६ जनाको मृत्यु भएको छ भने तीनजना घाइते भएका छन् । हलेसीबाट काठमाडौं आउँदै गरेको बा १६ च २२०६ नम्बरको जीप मानेभञ्ज्याङको भँडारे खोलामा दुर्घटनामा परेको प्रहरीले जनाएको छ । घटनामा परी मृत्यु भएकामा चारजना पुरुष र २ जना महिला छन् । उनीहरुको नाम खुल्न सकेको छैन–जिल्ला प्रहरी कार्यालय ओखलढुंगाका प्रहरी निरीक्षक राजेश श्रेष्ठले जानकारी दिए । मोटरसाइकल आपसमा ठोक्किँदा तीनको मृत्यु यता, बर्दियाको बारबर्दिया नगरपालिकामा शनिबार अपराह्न मोटरसाइकल दुर्घटना हुँदा तीनको मृत्यु भएको छ । नगरपालिका–९ स्थित बनगाईमा भएको दुघर्टनामा घाइते भएका मधुवन नगरपालिका–१ का २१ वर्षीय सुरज चौधरी, १४ वर्षीया कृष्णा चौधरी र २३ वर्षीय खगेन्द्र बस्नेतको उपचारका क्रममा कोहलपुर मेडिकल कलेजमा मृत्यु भएको हो । सुरज चौधरीले चलाएको भे८प ६९६८ नम्बरको मोटरसाइकल र खगेन्द्र बस्नेतले चलाएको बा ९१ प ९३७७ नम्बरको मोटरसाइकल आपसमा ठोक्किएर दुर्घटना भएको जिल्ला प्रहरी बर्दियाले जनाएकोे छ । तीव्रगतिका कारण मोटरसाइकल ठोक्किएको प्रहरीको प्रारम्भिक अनुसन्धानबाट खुलेको छ भने थप अनुसन्धान भइरहेको प्रहरीले जनाएको छ ।
चिनियाँ कारखानाको उत्पादन मार्चमा बढ्यो, सरकारले के के गर्यो प्रयत्न ?
बेइजिङ । संयुक्तराज्य अमेरिकासँगको व्यापार तनाबका कारण केही महिनादेखि समस्यामा परेको चिनियाँ कारखानाको उत्पादन क्षमता सरकारको विशेष प्रयत्नका कारण मार्च महिनामा सुधार भएको छ । चिनियाँ तथ्याँक ब्यूरोले आइतबार सार्वजनिक गरेको विवरणमा चीनको मासिक खरिद सूचक ५०.५ रहेको देखाइएको छ । गत फेब्रुअरीको तुलनामा यो १.३ विन्दुले वृद्धि भएको हो । गत महिना यो सूचक ५० थियो । गत वर्ष चीनको निर्यात घट्नुका साथै चिनियाँ उपभोक्ता मागमा समेत कमी आएका कारण कारखानाको उत्पादन न्यून भएको थियो । निर्यात, रोजगारी र नयाँ मागमा भने सुधार आएको तथ्याँक ब्यूरोले जनाएको छ । अमेरिकी राष्ट्रपतिका कारण सिर्जित समस्यासँग जुध्न चीन सरकारले ऋण लगानीमा रहेका नियन्त्रणहरुलाई खुकुलो पार्नुका साथै सरकारी खर्चमा वृद्धि गरेको थियो । तर अधिकारीहरुले भारी ऋणवृद्धि हुन नदिन विस्तारै सरकारी नियन्त्रण अपनाएका थिए । सत्तारुढ चिनियाँ कम्युनिष्ट पार्टीले पनि नयाँ नयाँ रोजगारी सिर्जना गर्ने र अर्थतन्त्रमा प्रभावशाली भूमिका बढाउने कार्यमा सघाउने प्रतिबद्धता जनाएको थियो । निजी क्षेत्रका प्रक्षेपकहरुले पनि आर्थिक वृद्धि सामान्य हुने बताउँदै आएका थिए । चिनियाँ नेताहरुले अर्थतन्त्रमा सामान्य वृद्धि हुने बताउँदै तर अघिल्लो दशकको दुई अङ्कको वृद्धिजस्तो अवस्था आउन नसक्ने बताएका थिए । विश्वकै दोस्रो ठूलो अर्थतन्त्र भएको मुलुक चीनको गत वर्षको आर्थिक वृद्धि तीन दशककै न्यून विन्दु अर्थात् ६.६ प्रतिशतमा आइपुगेको थियो । अमेरिकासँगको जारी व्यापार तनाव कारण सरकारले यस वर्षका लागि ६ देखि ६.५ प्रतिशत मात्र आर्थिक वृद्धि हुने प्रक्षेपण गरेको छ । सन् २०१९ को पहिलो दुई महिनामा चीनको निकासी अघिल्लो वर्षको तुलनामा ४.६ प्रतिशतले घटेको छ । संयुक्तराज्य अमेरिका र चीनका व्यापार वार्ताकारहरुले गत साता बेइजिङमा दुई देशबीच जारी व्यापार तनावका बारेमा वार्ता गरेका छन् । निकै रचनात्मक भनिएको उक्त वार्तामा पनि सहमति छैन । दुबै पक्ष अर्को साता अमेरिकाको वासिङ्टनमा भेट्न र वार्तालाई निरन्तरता दिन सहमत भएका छन् । रासस/एपी
२ वर्षभित्र सामसुङलाई जित्ने हुवावेको अठोट, ‘अमेरिकी प्रतिबन्धले रोकेन व्यापार र नाफाको वृद्धि’
सेन्जेन (चीन) । संयुक्त राज्य अमेरिकाको प्रतिवन्ध र फाइभजी नेटवर्क विस्तारमा देखिएको सुरक्षाको प्रश्नका कारण दबाबमा परेको चीनको सबैभन्दा ठूलो इलोक्ट्रोनिक कम्पनी हुवावेले यी समस्याका बाबजुद व्यापार र नाफामा उच्च सुधार हासिल गरेको छ । अमेरिकाले हुवावेले आफ्ना सामानहरुमार्फत् अमेरिकी नागरिकहरुको गोप्य सूचना चार्ने गरेको आरोप लगाउँदै हुवावेका सामानहरुको आफ्नो देशमा प्रयोगमा लगाएको प्रतिबन्धको थियो । त्यस्तै बेलायतले हुवावेले विकसित गरेको पाँचौं पुस्ताको इन्टरनेट प्रविधि (फाइभजी)ले साइबर सुरक्षामा चुनौती थप्ने निष्कर्ष निकालेको थियो । यसले गर्दा ११ ओटा देशमा हुवावेले गर्न लागेको नेटवर्क विस्तार असफल भएको थियो । यसका बाबजुद हुवावेले २० करिब प्रतिशतको व्यापार वृद्धि हासिल गरेको हो । हुवावे टेक्नोलोजीका अनुसार सन् २०१८ मा हुवावेको वार्षिक आम्दानीमा १९.५ प्रतिशतको वृद्धि देखिएको हो । कुल १०५ अर्ब डलर बराबरको व्यापार प्रगति कायम गर्न सफल भएको हुवावे कम्पनीले यो वृद्धिसँगै हुवावे एक बर्षमै १०० अर्ब भन्दा बढी व्यापार गर्ने पहिलो कम्पनी भएको दाबी गरेको छ । व्यापार वृद्धि भएसँगै हुवावेको नाफा समेत बढेको छ । यसको नाफा २५.१ प्रतिशतले वृद्धि भएको चिनियाँ सञ्चारमाध्यमहरुले जनाएका छन् । व्यापार र नाफा वृद्धिसँगै हुवावेले अनुसन्धान तथा विकासको क्षेत्रमा गर्दै आएको खर्चमा समेत १३.१५ प्रतिशतले वृद्धि गरी १४.८० विलियन डलर पुर्याएको छ । ‘विश्वव्यापी रुपमै सुरक्षा प्रश्न उठे पनि हुवावेले ५जी विस्तारका लागि ३० ओटा व्यवसायिक करार समेत सम्पन्न गरिसकेको र जसबाट ४० हजार भन्दा बढी स्टेशन निर्माणका लागि प्रविधि पठाइसकिएको जानकारी दिएको छ ।’ हुवावेका अध्यक्ष ग्वाओ पिङले शुक्रबार आफ्नै मुख्यालयमा आयोजित पत्रकार सम्मेलनमा भने । सम्मेलनमा अध्यक्ष पिङले बेलायतको साइबर आक्रमणमा हुवावेको कुनै संलग्नता नरहेको प्रष्ट पारेका छन् । ‘साइबर सुरक्षाका लागि विश्वव्यापी मापदण्ड चाहिन्छ, हामी हाम्रो नेटवर्कको सुरक्षा सुनिश्चितताबारे सम्बन्धित देशका अधिकारीहरुसँग निरन्तर छलफलमा छौं ।’ उनले भने । एक चिनियाँ उद्योग विश्लेषकले पश्चिमी मुलुकहरु साइबर सुरक्षामा अनावश्यक चासो राख्ने र त्यसैमा राजनीति गर्ने दाबी गरे । ‘अमेरिकाको प्रतिबन्धले हुवाबेलाई बलियो बन्दै जाने मार्गमा असर गरेको छैन, मेरो विचारमा हुवावे आफ्नो खोज, अनुसन्धान र व्यपार विस्तारमा अघि बढिरहनेछ ।’ यही वर्षको जनवरी र फेब्रुअरी महिनामा पनि हुवावेले अघिल्लो वर्षको सोही समयको भन्दा व्यापारमा दुई अंकको वृद्धि हासिल गरेको र यो वर्ष अघिल्लो वर्षभन्दा ३० प्रतिशतको वृद्धि लक्ष्य लिएको हुवावेले जनाएको छ । सन् २०१८ मा हुवावेले २० करोड भन्दा बढी स्मार्टफोनहरु बिक्री गरेको जनाएको छ । २०२० सम्म सामसुङलाई जित्दै विश्वकै सबैभन्दा ठूलो मोबाइल उत्पादक कम्पनी बन्ने लक्ष्ये रहेको पनि हुवावेले जनाएको छ ।
दराज ‘ब्राण्ड डे’ टाइटनको साथ, सबै घडीहरुमा २० प्रतिशत छुट
अनलाइन शपिङ गन्तव्य दराजले, आफ्नो ब्राण्ड डे शृंखला यही अप्रील १ तारिखका दिन प्रख्यात ब्राण्ड टाइटनका साथमा गर्ने भएको छ । एक दिनको लागि मात्र हुने ब्राण्ड डेमा उपभोक्ताहरुले दराजद्वारा टाइटनका खास अफरहरुको फाइदा लिन सक्ने छन् । उक्त अफर दराजको दराज मलमा सहित टाइटनको अधिकृत स्टोरमा मात्र लागू हुनेछ । ब्राण्ड डेमा टाइटनका सबै घडीहरुमा २०% छुट, निःशुल्क वितरण तथा रु २,००० सम्मको संग्रहणीय भौचरहरु प्रदान गरिनेछ । विशेस गरी बिहान १० बजे देखी दिउँसो २ बजेसम्म टाइटनको खास मोडलहरुमा न्यूनतम ३०% छूट प्रदान गरिने जनाइएको छ । साथै ५ हजार रुपैयाँसम्मको कलेक्टीभ भौचरहरु प्रदान गरिनेछ । ५ जना भाग्यशाली उपभोक्ताहरुले २ हजार रुपैयाँको कलेक्टिभ भौचरहरु जित्ने मौका पनि पाउने छन् । के हो ब्राण्ड डे ? ब्राण्ड डे मा एक प्रख्यात ब्राण्डले ग्राहकहरुलाई एक दिनका लागि आकर्षक एवंमविशेष छुट दिने छ । यो उत्सवले अनलाइन शपिङ्गको अनुभूतिलाई अझव्यापक र उत्साहित बनाउने दराजले जनाएको छ । यो ब्राण्ड डे हरेक महिनाको १ र १५ गते आयोजना हुन्छ र २४ घण्टाको सीमित अवधिभित्र उपभोक्ताहरुले नाम चलेका प्रसिद्ध ब्राण्डहरु जस्तै गोल्डस्टार, अमेरिकन टुरिस्टर, बाल्ट्रा, शियोमी, मेबलिन्, कन्वर्स्, रङ्गोलि, लोरिअल पेरिस, सलाना र अन्य ब्राण्डहरु आकर्षक बार्गेन डिलमा उपलब्ध हुने छन् ।
