सहुलियत कर्जामा बैंकहरुको अटेरी, ६ जनाले मात्रै पाए प्रमाण धितो राखेर ऋण
काठमाडौं । बैंकहरुले सहुलियत कर्जा कार्यान्वयनमा अटेरी गरेका छन् । सरकारले महत्वकांक्षी योजनाका रुपमा अघि सारेको सहुलियतपूर्ण कर्जा सम्बन्धी कार्यविधिले दिएका ७ प्रकारका कर्जा प्रवाहमा बैंकहरुले अनिच्छा देखाएका हुन् । नेपाल राष्ट्र बैंकका डेपुटी गर्भनर शिवराज श्रेष्ठका अनुसार शैक्षिक प्रमाणपत्र धितो राखेर हालसम्म ६ जनाले कर्जा पाएका छन् । ‘हालसम्म शैक्षिक प्रमाणपत्र धितो राखेर ६ विद्यार्थीले ३८ लाख लिएका छन्, उच्च प्राविधिक तथा व्यवसायिक कर्जामा २ जनाले १० लाख लिएका छन् ’, डेपुटी गभर्नर श्रेष्ठले भने । राष्ट्र बैंकले सहुलियतपूर्ण कर्जा वितरणमा आनाकानी गर्ने बैंकहरुलाई कारवाही गर्ने चेतावनी दिँदै आएको छ तर बैंकहरुले भने टेरिरहेका छैनन् । ‘बैंकहरुको अनिच्छा र सर्वसाधारणले सूचना नपाएकाले सहुलियतपूर्ण ब्याज अनुदान सम्बन्धी कर्जाले सफलता नपाएको हो’, राजधानीमा आयोजीत एक कार्यक्रममा डेपुटी गभर्नर श्रेष्ठले भने । यस्तो छ प्रमणपत्र धितोमा राखेर ऋण पाउने प्रक्रिया स्नातक तहसम्म उतिर्ण गरेकाहरुले शैक्षिक योग्यताको प्रमाणपत्र धितो राखेर ५ प्रतिशत ब्याज अनुदानमा ७ लाखसम्म् ऋण पाउनेछन् । शैक्षिक प्रमणपत्र धितोमा राखे ऋण पाउन ४० बर्ष उमेर ननाघेको हुनुपर्नेछ । शैक्षिक प्रमाणपत्रको सक्कली प्रति र घरेलु तथा साना उद्योग विभाग, समिति, शिप विकास तालिम केन्द्र, प्राबिधिक शिक्षा तथा व्यवसायीक तालिम परिषद लगायतका सरकारी निकायबाट कम्तिमा ७ दिनको शिप विकास तालिम अनिवार्य लिएको वा उक्त कर्जा स्वीकृत भएपछि त्यस्तो संस्थामा तालिम लिएको प्रमाण पेश गर्नु पर्छ । आवेदन दिएको २१ दिनभित्र ऋण दिने वा नदिने भन्ने निर्णय गरिसक्नुपर्नेछ । त्यससँगै कम्पनी दर्ता गरेर स्थायी लेखा नम्बर(प्यान)मा दर्ता हुनुपर्नेछ ।
कामना सेवा विकास बैंकको नयाँ शाखा काठमाडौंको बानेश्वरमा
काठमाडौं । कामना सेवा विकास बैंकले काठमाडौंको बानेश्वरमा नयाँ शाखा विस्तार गरेको छ । काठमाडौं महानगरपालिकाको वडा नं १०, बानेश्वरमा बैंकका संचालक विश्वेश्वर सुबेदी र प्रमुख कार्यकारी अधिकृत प्रविण बस्नेतले संयुक्त रुपमा कारोबारको शुरुवात गरेका हुन् । प्रमुखकार्यकारी अधिकृत प्रविण बस्नेतले राजधानीको लागि छैठौँ शाखा सूचारु भएको छ । थपशाखाहरु प्नि शीघ्र सञ्चालनमा आउने बताउँदै काठमाडौं उपत्यकाको व्यापारिक तथा आवसीय क्षेत्र बानेश्वरमा शाखा सञ्चालन भएसँगै बैंकले व्यापार विस्तारलाई अझ तिव्रताका साथ अघि बढाउने तथा बैंकले हालसालै प्रस्तुत गरेका विभिन्न अभूतपूर्व प्रोडक्ट्सहरुको बारेमा जानकारी दिए । हाल कामना सेवा विकास बैंकले ७८ वटा शाखा तथा ३३ वटा एटिएम मार्फत गा्रहकहरुलाई आफनो सेवाहरु प्रदान गर्दै आएको छ । साथै बैंकले एविविएस्, इन्टरनेट व्याकिङ्ग, मोबाइल व्याकिङ्ग, सि एएस्विए लगायतमा माध्यमबाट समेत बैंकिङ्ग सेवाहरु उपलब्ध गराउँदै आएको छ ।
नेपाल बङ्गलादेश बैंकको ८६ औं शाखा दमकमा
काठमाडौं । नेपाल बङ्गलादेश बैंकको नयाँ शाखा दमकमा विस्तार भएको छ । ८६औं शाखा संचालनमा ल्याउने क्रममा झापा जिल्लाको दमकमा उद्घाटन भई औपचारिक कारोबार शुरु भएको हाे । सो शाखाको उद्घाटनमा दमक नगरपालिकाका उप मेयर गिता अधिकारी तथा बैंकका संचालक मुकुन्दनाथ ढुङ्गेलद्धारा गरिएको थियो । त्यसैगरी बैंकका प्रमुख कार्यकारी अधिकृत ज्ञानेन्द्रप्रसाद ढुंगानाले बैंकका सेवाहरुको बारेमा बताए । बैँकले यस क्षेत्रका सर्वसाधारणलाई सहज बैँकिङ्ग सेवा सुविधा प्रदान गर्ने उदेश्यले आफ्नो शाखा संजाल नपुगेका क्षेत्रमा नयाँ शाखा विस्तार गरेको हो । साथै यस शाखाबाट सर्वसाधारण तथा उद्यमीले सबै प्रकारका निक्षेप तथा कर्जा कारोबार सुविधा र रकम भुक्तानी लगायत सम्पुर्ण बैँकिङ्ग सेवा प्राप्त गर्न सक्ने जनाएको छ । दमक शाखाहरु सहित बैंकले ८६ शाखा, ७ एक्सटेन्सन काउन्टर, २ शाखारहित घरदैलो बैंकिङ्ग सेवा तथा ६७ वटा बैंकबाट बैंकिङ्ग सुविधा प्रदान गर्दै आएको छ ।
मार्जिन काराेबारमा १७३ कम्पनी अयाेग्य; बीमा र फाइनान्स कम्पनी एउटै परेनन्
काठमाडौं । बजार पुँजीकरणका हिसाबले सूचीकृत दश ठूला कम्पनीमध्ये ४ ओटा कम्पनीहरु नै मार्जिन कारोबारका लागि अयोग्य देखिएका छन् । नेपाल स्टक एक्सचेञ्जले सार्वजनिक गरेको मार्जिन कारोबारका लागि योग्य बैंक तथा वित्तीय संस्थाको सूचीमा सबैभन्दा बढी पुँजीकरण भएको नबिल बैंक लिमिटेड, नेपाल लाइफ इन्स्योरेन्स, स्ट्यान्डर्ड चार्टर्ड बैंक तथा एनएमबि बैंकका शेयरहरु मार्जिन कारोबारका लागि अयोग्य देखिएका हुन् । यी चारओटा कम्पनी गतसाताको उच्च बजार पुँजीकरण भएका दश कम्पनीहरुमा परेका थिए । बाँकी ६ ओटा कम्पनीहरु नेपाल टेलिकम, नेपाल इन्भेष्टमेन्ट बैंक, एभरेष्ट बैंक, हिमालयन बैंक, एनआईशी एशिया बैंक र नेपाल एसबीआई बैंकका शेयरहरु भने मार्जिन कारोबारका लागि योग्य छन् । बजारमा सूचीकृत २०४ कम्पनीमध्ये नेप्सेले प्रकाशित गरेको विवरण अनुसार ३१ कम्पनीका शेयर मात्रै माविर्जन कारोबारका लागि योग्य देखिएका छन् । जसमध्ये ११ ओटा वाणिज्य बैंक, ६ ओटा विकास बैंक, ९ ओटा लघुवित्त संस्था, ३ हाइड्रोपावर, ओरेन्टल होटल र नेपाल टेलिकमका शेयरमात्रै कारोबारका लागि योग्य देखिएका हुन् । बाँकी १७३ कम्पनीका शेयरहरु भने यसका लागि अयाेग्य देखिएका छन् । जीवनबीमा, निर्जीवन बीमा र फानान्स कम्पनी अन्तर्गत समूहका भने कुनै पनि शेयरको मार्जिन कारोबार हुन नसक्ने भएको छ । बजारमा राम्रो कार्यसम्पादन मूल्याङ्कन गरिएका शेयरहरु समेत मार्जिन कारोबारका लागि अयोग्य देखिँदा मार्जिन कारोबारकै औचित्यमाथि प्रश्न उठ्ने भएको छ । पुस महिनाभित्र साधारणसभा गरी दुई बर्षसम्म कम्तीमा १० प्रतिशत लाभांश दिएको कम्पनी मात्रै मार्जिन काारेबारका लागि योग्य हुने व्यवस्था अनुरुप त्यस्तो गरिएको हो । यसले कम्पनीहरुलाई वित्तीय सुशासन कायम गर्न दबाब सिर्जना गर्ने भए पनि हालको लागि भने यसले मार्जिन काराेबारप्रतिकाे उत्साह कम गराउँछ ।
आदि रेमिडिजले ल्यायो छालाजन्य रोगको उपचार लक्षित लुली मलम
काठमाडौँ । छालाजन्य रोग उपचार लक्षित आदि रेमिडिज प्रालिले एण्टी फङग्ल श्रेणीको नयाँ मोलिक्यूल लुली कोनाजोल बजारमा ल्याएको छ । स्वास्थ्य मन्त्रालय अन्तर्गतको औषधि सल्लाहकार समितिले चालु आवको सम्पन्न हिउँदे बैठकबाट यो नयाँ मोलिक्युलको उत्पादन र बिक्री वितरणलाई अनुमति दिइएको कम्पनीले जनाएको छ । औषधि उत्पादनतर्फ आत्मनिर्भर बन्ने क्रमलाई पछ्याउंदै यस प्रकारको नयाँ उत्पादन बजारमा ल्याइएको कम्पनीका निर्देशक सन्तोष बरालले बताएका छन् । लुली मलम अत्यन्त उपयोगी र गुणवत्ता युक्त औषधि भएकोले सबैको मन जित्न सफल हुने कम्पनीको दाबी छ । छालामा देखा पर्ने दाद, चिलाउने जस्ता रोगको उपचारमा कम्पनीले यस अघि विभिन्न ५ प्रकारका मलम औषधि बजारमा ल्याइसकेको छ । लुली एण्टी फङग्ल अन्तर्गत पर्ने उसको छैटौँ उत्पादन हो । हालसम्म यस प्रकारका औषधि आयातमा निर्भर हुँदै आएको छ । नेपाली बजारमा एण्टी फङग्ल औषधिको वार्षिक बजार कारोबार करिब दुई सय करोडको हुने गर्दछ । जसको ७५ प्रतिशत बजार हिस्सा आयातित औषधिले ओगट्ने गरेको छ । नेपाली ब्राण्डको बजार आकार मात्र २५ प्रतिशतमा सीमित छ । नेपालका सञ्चालित औषधि उद्योग मध्ये एण्टी फङग्ल तर्फ आएका ब्राण्डको बजार प्रवेश सुरुवात चरणमा छ । जसको कुल वार्षिक कारोबार १६ करोड सम्म पुग्ने बजार विज्ञ बताउँछन् ।
बाराको सिमरामा महिन्द्राको वर्कसप उद्घाटन
काठमाडौँ । नेपालको औद्योगिक तथा व्यापारिक घराना “एमभि दुगड” ग्रुप अन्तर्गतको दुगड व्रदर्स एण्ड सन्स प्रालिले बारा जिल्लाको सिमरामा वर्कसप उद्घाटन गरेको छ । कार्यक्रममा महिन्द्रा एण्ड महिन्द्राका कस्टुमर केयर हेड के रवी, दुगड ब्रदर्स एण्ड सन्स प्रालीका उपाध्यक्ष बिबेक दुगड, महिन्द्रा एण्ड महिन्द्राका कन्ट्री हेड चैतन्य कागल्कर, कन्ट्री म्यानेजर तपस पट्टनायक, दुगड ब्रदर्स एण्ड सन्स प्रालीका सिनियर म्यानेजर वेदप्रकाश शर्मा, हेड अफ अप्रेशन शम्भु प्रसाद सुवेदी, सर्भिस हेड सुदिपराज सुवेदी र चन्दन रौनियारको उपस्थिति रहेको थियो । नेपाल भर ३४ सर्भिस सेन्टरमा २०० भन्दा बढी टेक्निसियनहरु मार्फत सेवा गर्दै आएको कम्पनीले जनाएको छ ।
सनराइज बैंकको नयाँ शाखा ललितपुरकाे ठेंचोमा
काठमाडौं । सनराइज बैंकको नयाँ शाखा ललितपुरस्थित ठेंचो विस्तार भएको छ । औपचारिक कार्यक्रमका साथ गोदावरी नगरपालिकाको मेयर गजेन्द्र महर्जन र संचालक समितिका सदस्य ई.बच्छराज तातेडले उक्त शाखाको संयुक्त रूपमा उद्घाटन गरेका हुन् । सो कार्यक्रममा संचालक समितिका सदस्यहरु ओमकृष्ण जोशी, शारदा शर्मा पुडासैनी, नायव महा प्रबन्धक अपछकुमार यादव लगायत बैंकका उच्च पदाधिकारीहरू उपस्थिति रहेको थियो । बैंकको शाखा संख्या १०४ वटा पुगेको छ भने २८ वटा शाखारहित बैंकिङ्ग सेवा, ४ वटा एक्सटेन्सन काउण्टर, ११९ वटा एटिएम मार्फत आफ्ना ५ लाखभन्दा बढी ग्राहकहरुलाई सेवा प्रदान गर्दै आइरहेको छ ।
चौतारी लघुवित्तमा २ सञ्चालक निर्वाचित
काठमाडौँ । चौतारी लघुवित्त वित्तीय संस्था लिमिटेडको सर्वसाधारण समूह(समूह ख) बाट २ जना निर्वाचित भएका छन् । कम्पनीको शनिवार सम्पन्न वार्षिक साधारण सभाबाट दोलखाका दीपककुमार बुढाथोकी र अर्घाखाँचीका केशवराज पन्थी सञ्चालक पदमा निर्वाचित भएको प्रमुख कार्यकारी अधिकृत लक्ष्मण घिमिरेले जनाएका छन् ।
