इलाममा डाक्टर गोविन्द केसी विरुद्ध जुलुस
इलाम । छ दिनदेखि अनशनरत प्रा. डा गोविन्द केसीका विरुद्धमा आवाज उठाउँदै युवा विद्यार्थीले जुलुस निकालेका छन् । सरकारी तलब, भत्ता खाएर राजनीति गर्नेलाई कारवाही गर, विधिको शासनको विरोध गर्ने होसियार जस्ता नारा लगाउँदै युवा विद्यार्थीले इलाम सदरमुकाममा जुलुस निकालेका थिए । विद्यार्थीले अनशनरत् डा केसीको मागको विरोध गरेका थिए । उनीहरुले अर्का अनशनरत् विद्यार्थी तथा सामाजिक अभियान्ता विजय थापालाई समर्थन गरेका थिए । विद्यार्थीले जनताका प्रतिनिधिले बनाएको विधेयकलाई एक व्यक्तिले तहसनहस पार्न खोजेको आरोप लगाएका थिए । इलाम चोक बजारस्थित थापाको अनशनस्थलबाट शुरु भएको जुलुस विभिन्न ठाउँको परिक्रमा गर्दै फेरि बजारमै आएर सभामा परिणत भएको थियो । सभामा सम्बोद्धन गर्दै युवा विद्यार्थी भीष्म पौडेलले विदेशमा चिकित्सा शिक्षा पढ्न गएका विद्यार्थीलाई स्वदेशमै अध्ययन गर्ने वातावरण बनाउन माग गर्ने थापाको माग पूरा हुनुपर्ने माग गरेका थिए । उनले डा केसीले सयमा सय माग पूरा हुनुपर्छ भन्नु ‘बालहठ’ भएको भन्दै तत्काल अनशन तोड्न अनुरोध गरेका थिए । यस्तै सभामा सम्बोद्धन गर्दै अर्का विद्यार्थी ईश्वरी तामाङले सबै जनताका छोराछोरीले मेडिकल शिक्षा पढ्न पाउने अधिकार कुण्ठित गर्न नहुने बताए । उनले जनप्रतिनिधिले गरेको निर्णय नमान्ने अधिकार कसैको नभएको जानकारी दिए ।
पर्वतमा स्वास्थ्य शिविर, ६ सयभन्दा बढीकाे निःशुल्क उपचार
काठमाडौं । पर्वतको देउपुरस्थित पातीचौरमा निःशुल्क आयुर्वेद स्वास्थ्य शिविरमा सञ्चालन गरिएको छ । उक्त शिविरमा ६०० भन्दा बढीको स्वास्थ्य परीक्षण गरिएका छन् । पर्वतको मोदी गाउँपालिका–२ देउपुरस्थित पातीचौरमा सञ्चालित एक दिने शिविरमा ६१२ को स्वास्थ्य परीक्षण गरिएको हो । रि–लाइफ आयुर्वेद हस्पिटल प्रालि पोखराको सहयोग र पार्वती युवा क्लब पातीचौरको आयोजनामा शिविर सञ्चालन गरिएको हो । शिविरमा पायल्स, फिस्टुला, फिसर, नसा तथा बाथ रोग, प्यारालाइसिस, जण्डिस, स्त्रीरोगका बिरामीको परीक्षण गरिएको आयोजक पार्वती युवा क्लबका अध्यक्ष समिर मल्लले जानकारी दिएका छन् । शिविरमा ग्याष्ट्रिक र स्त्रीरोगसम्बन्धी बिरामीको बढी भीड लागेको थियो । एलोपेथिक पद्धतिबाट उपचार गराउने परम्परा बढ्दै गएका बेला आयुर्वेदतर्फ पनि नागरिकको उत्तिकै विश्वास रहेको मल्लले जानकारी दिएका छन्। वरिष्ठ आयुर्वेदिक डाक्टरको उपस्थिति रहेको शिविरमा उपचार गराउनका लागि मोदी गाउँपालिकाका विभिन्न वडाका साथै कुश्मा नगरपालिका र कास्कीको अन्नपूर्ण गाउँपालिकाबाट समेत बिरामी सहभागी भएका थिए । शिविरमा वरिष्ठ आयुर्वेद विशेषज्ञ डा ओमप्रकाश कलोनी, डाक्टर सुजना शर्मा, डा दीपक भुसाल, ल्याब टेक्नोलोजिष्ट डा नरेशप्रसाद पाण्डे, फिजियोथेरापिष्ट डा दिनेश गुरुङलगायतका चिकित्सवकबाट स्वास्थ्य परीक्षण गरिएको थियो । रासस
नर्भिक अस्पताल र चौधरी ग्रुपले सुरु गर्यो कृत्रिम खुट्टा वितरण, ५ सयलाई बाँड्ने लक्ष्य
काठमाडौं। नर्भिक अस्पताल र चौधरी ग्रुपले अपांगता भएको ब्यक्तिको लागि कृत्रिम खुटा वितरण सुरु गरेका छन्। भारतको भगवान महावीर अपाङ्गता सहायता नर्भिक अस्पताल र चौधरी ग्रुपले काठमाडौं र नवलपुरमा ५ सय भन्दा बढीलाई नि : शुल्क कृत्रिम खुट्टा उपलब्ध गराउने योजना रहेको छ। दुर्घटना र् अन्य विभिन्न कारणले खुट्टा गुमाएकाहरुलाई अस्पतालले आईतबारबाट खुट्टा कृतिम वितरन सुरु गरेको हो। नवलपुरमा भने बिशेष सिविर मार्फत खुट्टा गुमाएकाहरुमा कृत्रिम खुट्टा प्रत्यारोपण गर्ने योजना रहेको छ। एक तथ्यांक अनुसार नेपालमा करिब एक लाख मानिसलाई कृतिम खुट्टाको आवश्यकता रहेको छ।
