यति एयरलाइन्सको नयाँ जहाजले पोखरा–काठमाण्डौं उडान भर्न सुरु
काठमाडौं । यति एयरलाइन्सको नयाँ जहाजले काठमाडौं पोखरा उडान सुरु गरेको छ । बढ्दो विमान सेवाको माग र पर्यटकीय सिजन सुरु भएसँगै एयरलाइन्सले उडान सुरु गरेको हो । यतिले पछिल्लो पटक ल्याएको ७२ सिट क्षमताको एटिआर ७२–५०० जहाजबाट बुधबारदेखि काठमाण्डौं–पोखरा–काठमाण्डौं रुटमा उडान भरेको छ । यतिका सञ्चार अधिकृत भीमराज आचार्यका अनुसार बुधबारदेखि दैनिक दुईवटा उडान एटिआर ७२–५०० बाट गर्ने तालिका बनाएको छ । यात्रुको माग अनुसार उडान थप्न सकिने आचार्यले बताए । एटिआर बाहेक यतीले यतिबेला काठमाण्डौं–पोखरा–काठमाण्डौं रुटमा दैनिक १२ वटासम्म उडान तालिका बनेपनि १० वटासम्म उडान नियमित रुपमा भइरहेको उनले बताए । ७२ सिट भएपनि पोखरा विमानस्थलको धावनमार्ग कम भएकाले पुर्ण क्षमतामा भने यात्रु बोक्न सक्ने छैन । बढीमा ६० जना यात्रुहरु एउटा उडानबाट आउजाउ गर्ने गरी हालका लागि उडान भरेको कम्पनीले जनाएको छ ।
सिटी एक्सप्रेसको “निःशुल्क बस सेवा” सुरु
काठमाडौं । सिटी एक्सप्रेस मनी ट्रान्सफरले दशैंलाई लक्षित गरी ७ दिने “निःशुल्कबस सेवा”सुरु गरेको छ । यो निःशुल्क बस सेवा असोज १७ गतेदेखि २३ गतेसम्म त्रिभुवन अन्र्तराष्ट्रिय बिमानस्थलबाट सुरु भई रिङ्गरोड परिक्रमा गर्ने छ । वैदेशिक रोेजगारीका लागि विदेशिने नेपालीलाई लक्षित गरी दशैं मनाउन विभिन्न देशबाट स्वदेश फर्किने यात्रुलाई सहयोग पुर्याउन सेवा सुरु गरिएको कम्पनीले जनाएको छ । उद्घाटन कार्यक्रममा कम्पनीका प्रबन्ध निर्देशक चन्द्र टन्डन, कम्पनीका ब्राण्ड एम्वेस्डर सिताराम कट्टेल (धुर्मुस) र नेपाल आइडलसिजन २ का ११ जना टप फाइनलिस्टहरुले संयुक्त रुपमा रिबन काटी सेवा सुरु गरिएको छ ।
नेपाल लाइफको सिटिसेन्टरमा दशैतिहार सेलिब्रेसन
काठमाडौं । नेपाल लाइफ इन्स्योरेन्स कम्पनी लिमिटेडले सिटी सेन्टरमा गत शुक्रबारदेखि ʽसिटी सेण्टर सेलेब्रेशन : दशैं तथा तिहार उत्सव २०७५ʼ सञ्चालन भएको छ । सम्पूर्ण घरायसी सामानहरू पाइने नेपालकै उत्कृष्ट मलहरूमध्येमा पर्ने सिटी सेण्टरले महान् चाड दशैंतिहार तथा छठको अवसर पारेर उक्त मेलाको आयोजना गरेको हो । दुई महिनासम्म सञ्चालन हुने उक्त मेलामा घरायसी सम्पूर्ण सामानमा ५० प्रतिशतसम्म छुट दिने घोषणा गरिएको सेण्टरले जानकारी गराएको छ । विगतदेखि नै ग्राहकमुखी विभिन्न कार्यक्रमहरू सञ्चालन गर्दै आएको सो सेण्टरले यसपटक पनि त्यसैको निरन्तरता स्वरुप दशैं मेला आयोजना गरेको बताएको छ
टीभीएस रेसिड्ड स्टन्ट १००० दर्शकले अवलोकन गरे
काठमाडौं । टी भी एस मोटर कम्पनीले नेपालमै पहिलो पटक अपाचे प्रो परफरमेन्स आयोजना गरेको छ । टी भी एस रेसिड्ड स्टन्ट टोलीले काठमाडौ स्थित बग्गीखानामा स्टन्ट सम्पन्न गरेको हो । स्टन्ट उत्शाहजनक र मनोरन्जनात्मक ढड्डले सम्पन्न भएको कम्पनीले जनाएको छ । विश्व प्रख्यात दुइ तथा तिन पाङ्ग्रे सवारी उत्पादक टी भी एस मोटर कम्पनी द्वारा पहिलो पटक दुइ अन्र्तरास्ट्रिय अपाचे प्रो परफरमेन्स (ए पी पी) को आयोजना भएको होे । टीभीएस मोटर कम्पनीको “थ्री मिलियन अपाचे अन रोड“ अर्थात् ३० लाख सवारी सक्रिय रहेको खुसियालीमा यो उत्सव मनाइएको हो । यस स्टन्ट कार्यक्रमले टी भी एस अपाचे प्रिमियम मोटरसाइकलको लागी एक महत्वपुर्ण आयाम थपेको कम्पनीले दाबी गरेको छ । १ हजार भन्दा धेरै दर्शकको सहभागिता रहेको यस कार्यक्रमको सुरुवातमा यो टोलीले आफ्नो सुरक्षा गर्नुपर्ने भन्दै जनचेतना बढाउने शिक्षा दिएको थियो । सवारी चलाउदा अपनाउनुपर्ने पर्ने सावधानीहरुको महत्वमा जोड दिदै यस टोलिले कार्यक्रम को सुरुवात गरेको थियो ।
आइएमई पेको हवाइ टिकट स्किम, प्रत्येक दिन ६ जनाले १० रुपैयाँ जहाज चढ्न पाउने
काठमाडौं । आइएमई डिजिटलद्वारा प्रवद्र्धित ‘आइएमई पे’ ले दशैंमा आफन्तसँगको भेटघाटलाई सुलभ र सहज तुल्याउन हवाई टिकट स्किम सार्वजनिक गरेको छ । उक्त स्किम अन्तर्गत बुद्ध, यती, तारा, सौर्य, श्री र सिम्रिक एयरलाइन्समा नेपालभरका विभिन्न गन्तव्यका लागि आइएमई पेबाट टिकट खरिद गर्ने यात्रु मध्ये प्रत्येक दिन ६ जना भाग्यशाली विजेताले १० रुपैयाँ बाहेकको अन्य हवाई शुल्क उपहार स्वरूप ‘आइएमई पे’ वालेटमै फिर्ता पाउने छन् । यो योजना असोज १७ गतेदेखि ३१ गतेसम्म १८ दिन कायम हुने कम्पनीले जनाएको छ ।
भोजपुरमा पुनः उडान सञ्चालन हुने
काठमाडौं । बन्द भएको करीब दुई महिनापछि भोजपुरमा पुनः बिहीबारदेखि उडान सेवा शुरु हुने भएको छ । जिल्लामा रहेको एकमात्र टक्सार विमानस्थलमा गत साउन–१९ देखि उडान बन्द भएको थियो । उडान भोजपुर–काठमाडौँ, आइतबार र सोमबारवाहेक हप्तामा पाँच दिन र विराटनगर हप्तामा एक दिन सोमवार उडान हुने नेपाल वायुसेवा निमग भोजपुरका सहायक प्रमुख राजु मिजारले जानकारी दिए । भोजपुरमा उडान भर्दैआएको ट्वीन अट्टर जहानको मर्मत गर्नुपरेकाले यसअघि उडान सेवा बन्द गरिएको नेपाल वायुसेवा निगम भोजपुरले जनाएको छ । उडान सेवा शुरुसँगै जिल्ला अस्पतालमा उपचार हुन नसकी अन्यत्र पठाइएका बिरामी तथा अशक्तलाई सहज हुने भएको छ ।
तरलता संकुचनसँगै सेयर बजार राताम्मे, धितोपत्र बोर्ड भन्छः आत्तिनु पर्दैन
काठमाडौं । बैंक तथा वित्तीय संस्थाहरुमा तरलताको संकुचन देखिएसँगै सेयर बजार घट्न थालेको छ । केहि दिन अघिसम्म कर्जा दिन बोलाउने बैंकहरुले निक्षेपका योजना अघि सारेपछि तरलता संकुचनको संकेत देखिएको हो । नेपाल राष्ट्र बैंकको अनुसन्धान विभागका कार्यकारी निर्देशक नरबहादुर थापाका अनुसार बुधबार बैंक तथा वित्तिय संस्थाहरुमा ३८ अर्बको तरलता मौजुद छ । दशैं नजिकिँदै गरेको वर्तमान अवस्थामा ३८ अर्बको तरलता खासै ठूलो होइन् । कर्जाको माग बढ्दै गएपछि तरलता घट्दै गएको राष्ट्र बैंकले जनाएको छ । चालु अार्थिक वर्षकाे पहिलाे तीन महिना बैंकहरूले कर्जा लगानीमा जाेड दिएका थिए । उनीहरूले घर कर्जा, सेयर कर्जा, सवारी कर्जा प्रवाहमा जाेड दिएका थिए । तर केहि दिनयता नविल बैंक, माछापुच्छ्रे बैंक, एनआईसी एसिया बैंक लगायतले निक्षेप आव्हान गरेका छन् । बजारमा तरलता अभावका संकेत देखिएसँगै सेयर बजारका लगानीकर्ता सेयर बेच्न उद्यत देखिएका हुन् । त्यसमाथी दशैंको खर्च जोहो गर्न पनि सेयर बेच्नेहरुको चाप बढेको छ । पछिल्लो चार दिनमा सेयर बजार ३६.५४ अंकले घटेको छ । आइतबार १०.४७ प्रतिशतले घटेको बजार सोमबार १८ अंकले ओरालो लागेको थियो । मंगलबार २.६९ प्रतिशतले बढ्दा बुधबार फेरी १०.७६ प्रतिशतले ओरालो लाग्यो । एक मर्चेण्ट बैंकरका अनुसार बैंक तथा वित्तिय संस्थामा ऋणको चाप बढ्न थालेको छ । ऋणको चाप बढेपछि बैंकहरु निक्षेप आकर्षित गर्न केन्द्रित भएका छन जसको प्रभाव सेयर बजारमा देखिएको हो । सेयर बजार घट्नुको मुल कारण बैंकको ब्याजदर र्नै भएको उनको निष्कर्ष छ । केही बैंकले सेयर कर्जा लिन लगानीकर्तालाई बोलाएका थिए । नेपाल इन्भेष्टर्स फोरमका अध्यक्ष अम्बिका पौडेलले भने लगानीकर्ताहरु बजार बुक गर्न लागेको दावी गरे । उनले बजार घट्ने र बढ्ने प्रक्रिया निरन्तर जारी रहने बताउँदै आत्तिनुपर्ने अवस्था नरहेको दावी गरे । नेपाल धितोपत्र बोर्डका अध्यक्ष डा. रेवतबहादुर कार्कीले पनि सेयर बजार केहि अंकले घट्दैमा आक्तिनु नपर्ने बताएका छन् । विश्व लगानीकर्ता सप्ताहको दोश्रो दिन आयोजीत कार्यक्रममा उनले सेयर बजार अलिकति घट्ने वित्तिकै सिद्धिन लाग्यो भनेर आत्तिनु नपर्ने बताएका हुन् ।
बैंक अफ काठमाण्डुको बोनस सेयर सुचिकृत, साउनयता १४ कम्पनीको ५ अर्ब १३ करोडको बोनस सेयर थपियो
काठमाडौं । बैंक अफ काठमाण्डु लिमिटेडको बोनस सेयर कारोबारका लागि सुचिकृत भएको छ । नेपाल स्टक एक्चेन्ज लिमिटेडमा बैंकको ८२ करोड ७५ लाख रुपैयाँ बराबरको ८२ लाख ७५ हजार १३३ कित्ता बोनस सेयर सुचिकृत भएको हो । बैंकले सेयरधनीलाई १३.२५ प्रतिशत बोनस सेयर वितरण गरेको हो । चुत्तापुँजी बढाउन बैंकले सेयरधनीलाई बोनस सेयर वितरण गरेको हो । साउयता विभिन्न १४ बैंक तथा वित्तीय संस्थाको गरी ५ अर्ब १३ करोड ४७ लाख रुपैयाँ बराबरको ५ करोड १३ लाख ४७ हजार कित्ता बोनस सेयर कारोबारका लागि सुचिकृत भएका छन् । बोर्डमा बोनस सेयर दर्ता हुनेमा १ जलविद्युत र बाँकी १३ कम्पनी बैंक तथा वित्तीय संस्था रहेका छन् । सबैभन्दा बढी बोनस सेयर हिमालयन बैंकको छ । बैंकको १ अर्ब ६२ करोड २९ लाख रुपैयाँ बराबरको १ करोड ६२ लाख २९ हजार कित्ता रहेको छ । सबैभन्दा कम सुर्योदय लघुवित्त वित्तीय संस्था लिमिटेडको छ । सुर्यौदयको ७६ लाख रुपैयाँ बराबरको ७६ हजार कित्ता दर्ता भएको बोर्डले जनाएको छ । यस्तै मेगा बैंकको ९९ करोड ८६ लाख ९५ हजार रुपैयाँ बराबरको ९९ लाख ८६ हजार कित्ता, सिद्धार्थ बैंकको ९५ करोड ५६ लाख ५६ हजार रुपैयाँ बराबरको ९५ लाख ५६ हजार कित्ता सेयर दर्ता भएको छ । देव विकास बैंकको २४ करोड ७० लाख ९२ हजार रुपैयाँ बराबरको २३ लाख ७० हजार कित्ता, कामना सेवा विकास बैंकको १३ करोड ४ लाख रुपैयाँ बराबरको १३ लाख ४ हजार, समिट लघुवित्त वित्तीय संस्था लिमिटेडको २ करोड ५० लाख रुपैयाँको सेयर कारोबार भएको छ ।
