एनएमबि बैंकले १० प्रतिशत बोनस र २० प्रतिशत नगद लाभांश दिने, पुस १० देखि बुक क्लाेज
काठमाडौं । एनएमबि बैंक लिमिटेडले सेयरधनीलाई चुक्ता पुँजीको १० प्रतिशत बोनस सेयर दिने भएको छ । साथै, बैंकले कर प्रयोजनको लागि २० प्रतिशत नगद लाभांश दिने प्रस्ताव गरेको छ । हाल बैंकको चुक्ता पुँजी ८ अर्ब ७४ करोड रुपैयाँ रहेको छ । १० प्रतिशत बोनस पछि बैंकको चुक्ता पुँजी ९ अर्ब ६१ करोड रुपैयाँ पुग्ने छ । सञ्चालक समितिको उक्त प्रस्तावलाई पुस २६ गते बस्ने बैंकको आगामी वार्षिक साधारणसभाले पारित गर्ने छ । साथै, सभाले जारी पुँजीलाई वृद्धि गरी ९ अर्ब ६१ करोड रुपैयाँ पुर्याउन स्वीकृत गर्ने छ । हाल बैंकको वर्तमान जारी पुँजी ८ अर्ब ७४ करोड रुपैयाँ रहेको छ । सभामा जाने प्रयोजनको लागि बैंकले पुस १० गतेदेखि २६ गतेसम्म बुक क्लोज गर्दै छ ।
सप्तकोशी डेभलपमेन्ट बैंकले ८ प्रतिशत लाभांश दिने, तोक्यो बुक क्लोजको मिति
काठमाडौं । सप्तकोशी डेभलपमेन्ट बैंक लिमिटेडले सेयरधनीलाई ८.०३६३९ प्रतिशत लाभांश दिने भएको छ । बैंकले गत आर्थिक वर्षको मुनाफाबाट सेयरधनीलाई ३ प्रतिशत बोनस र ५.०३६३९ प्रतिशत नगर गरी सो मात्राको लाभांश दिने प्रस्ताव गरेको छ । बैंक सञ्चालक समितिको उक्त प्रस्तावलाई नेपाल राष्ट्र बैंकले स्वीकृति तथा बैंकका आगामी वार्षिक साधारणसभाले पारित गर्नुपर्ने छ । कम्पनीको आगामी वार्षिक साधारणसभा यही पुस २८ गते बस्दै छ । सो प्रयोजनको लागि कम्पनीको पुस ८ गतेदेखि २८ गतेसम्म बुक क्लोज हुने भएको छ । हाल बैंकको चुक्ता पुँजी ५० करोड ८५ लाख रुपैयाँ रहेको छ । ३ प्रतिशत बोनस पछि कम्पनीको चुक्ता पुँजी ५२ करोड रुपैयाँ नाघ्ने छ ।
विद्युत् महसुल नबुझाएका ३०० ग्राहक कालो सूचीमा, कतै तपार्इं त पर्नुभएकाे छैन ?
चितवन । नेपाल विद्युत प्राधिकरण भरतपुर वितरण केन्द्रले लामो समयदेखि विद्युत् महसुल नबुझाएका २९९ ग्राहकलाई कालो सूचीमा राखेको छ । केन्द्रमा आठ हजार १६१ जना ग्राहक रहेका छन् । कार्यालयका लेखा प्रमुख विष्णुबहादुर राजथलाका अनुसार कालोसूचीमा रहेका ग्राहकबाट ९५ लाख २४ हजार ७७ रुपैयाँ असुल गर्न बाँकी रहेको छ । विगत लामो समयदेखि बिजुली उपभोग गरी महसुल बुझाउन नआएका उनीहरुको तीन पुस्तेसहित कालो सूचीमा नाम प्रकाशन गरिएको हो । कालो सूचीमा परेका ग्राहकको लाइन काट्ने काम भइरहेको उनले जानकारी दिए । कालो सूचीमा रहेका अन्य सात जनाले बक्यौता रकम बुझाइसकेका छन् । उनीहरुबाट रु एक लाख ८४ हजार ६९२ असुली गरिएको छ । सोही क्रममा ३५० भन्दा बढीको लाइन काटी बक्यौता असुली गरिएको छ । वितरण केन्द्रका अनुसार हाल विभिन्न ग्राहकबाट ३८ करोड २९ लाख २४ हजार ६९४ रुपैयाँ बक्यौता असुल गर्न बाँकी रहेको छ । बक्यौता रहनेमा सबैभन्दा बढी ग्राहस्थ्य उत्पादन (घरायसी)को ७ करोड ८३ लाख ३४ हजार ८३ रुपैयाँ, गैर व्यावसायिक संस्थाको दुई करोड १९ लाख २५ हजार ६३२ रुपैयाँ रहेको छ । सिँचाइको दुई करोड ३१ लाख ८९ हजार ३९९ रुपैयाँ, उद्योगको ९३ लाख ३१ हजार १४२ रुपैयाँ, व्यावसायिक सङ्घ संस्थाको ४७ लाख १८ हजार ९८४ रुपैयाँ, घरायसीबाहेक अन्य प्रयोजनका लागि ३७ लाख १० हजार १३६ रुपैयाँ र खानेपानी १० लाख ९५ हजार ११४ रुपैयाँ बक्यौता रहेको छ । यस्तै अस्थायी बत्तीबापत चार लाख २३ हजार ३२९ रुपैयाँ र मठ मन्दिरको दुई लाख २३ हजार ३१८ रुपैयाँ रहेको छ । राजथलाका अनुसार सबैभन्दा बढी सडक बत्तीको बक्यौता रहेको छ । सडक बत्तीबापत २३ करोड चार लाख ८३ हजार ४४९ रुपैयाँ भुक्तानी मिलान गर्न बाँकी रहेको छ । रासस
२ कराेडमा मध्यपुरथिमी र सूर्यविनायक जोड्ने हनुमन्ते खोलामा पुल बन्दै
काठमाडौं । मध्यपुरथिमी नगरपालिका थिमी र सूर्यविनायक नगरपालिका–४ दधिकोट जोड्ने हनुमन्ते खोलामा नयाँ पुल निर्माण हुने भएको छ । निर्माणाधीन नयाँ पुलको प्रतिनिधिसभा सांसद महेश बस्नेतले शिलान्यास गर्दै एक दर्जन पुलको निर्माण कार्य अगाडि बढिरहेको बताउँदै गाउँगाउँमा पक्की सडक र सबै खोला तथा नदीमा पुल निर्माण कार्य भइरहेको बताएका छन् । दुई करोड एक लाखको लागतमा निर्माण भइरहेको पुलको हाल ढलान भइरहेको र ढलानको मजबुद, निर्माण कार्यको अवस्था लगायतका कुरामा चासो व्यक्त गरेका जनाएका छन्र । मध्यपुरथिमी नगरपालिका र सूर्यविनायक नगरपालिकाले आयोजना गरेको शिलान्यास कार्यक्रममा प्रदेश नं ३ का सांसद शशिजङ्ग थापा, मध्यपुरथिमी नगरपालिकाका प्रमुख मदनसुन्दर श्रेष्ठ, सूर्यविनायक नगरपालिकाका प्रमुख वासुदेव थापा, मध्यपुरथिमी नगरपालिका–४ का वडा अध्यक्ष कुमार श्रेष्ठ रहेका छन्र । कार्यक्रममा सभापति एवं सूर्यविनायक नगरपालिका–४ का वडा अध्यक्ष उत्तम थापा लगायतको सहभागिता रहेको थियो । अध्यक्ष वचन देउजा, प्रमुख जिल्ला अधिकारी नारायण भट्ट लगायतले पुलको अवलोकन गरेका हुन् । डिभिजन सडक कार्यालय भक्तपुरको रु छ करोड १० लाखको लागतमा निर्माण शुरु भएको हो । जनप्रतिनिधिले मध्यपुरथिमी नगरपालिकाको–४ र सूर्यविनायक नगरपालिकाका–३ बालकोट नयाँबस्ती जोड्न हनुमन्ते खोला निर्माण भइरहेको पुलको अनुगमन एवं अवलोकन गरेकाे छ । रासस
राष्ट्रिय गौरवको आयोजना मध्यकाे हुलाकी राजमार्गमा कालोपत्रकाे काम शुरू
काठमाडौं । बाँकेमा हुलाकी राजमार्ग अन्तर्गतको सडक कालोपत्र गर्ने काम शुरु गरिएको छ । साढे एक किलोमिटर बाटोमा कालोपत्रेका लागि गर्नुपर्ने पहिलो चरणको काम सकिएको इञ्जिनीयर तुलसीराम भण्डारीले बताएका छन् । नेपालगञ्जको पुरैनादेखि सुइया बघौडा सम्मको ४४ दशमलव ६ किलोमिटरको हुलाकी राजमार्गअन्तर्गतको सडक कालोपत्रे हुने बताइएको छ । योजनाको बजेट सरकारले नियमित उपलब्ध गराउँदै गएमा २०७६ साउन सम्ममा काम सक्ने गरी कालोपत्रे शुरु गरिएको इञ्जिनीयर भण्डारीको भनाई रहेको छ । नेपालगञ्ज उपमहानगरपालिका–६ फुल्टेक्रा शिवचोकबाट पुरैनासम्मको सडक ११ मिटर चौडा हुनुपर्नेमा सात मिटरमै बनाउन थालेको भन्दै स्थानीयवासीले अवरोध गरेका छन् । सडकमा घर परेका स्थानीयवासी रामनारायण बर्माले आफ्नो घर भत्काउन आलटाल गरेपछि अन्य स्थानीयवासीले भने मापदण्डआनुसारकै सडक संरचना निर्माण हुनुपर्ने माग गरेका हुन् । स्थानीयले आफ्नो घर अगाडिको नाली आफैँ निर्माण गर्न थालेपछि नगर प्रहरीले स्थानीयवासीको आग्रहमा ढलान गरेको नाली भत्काएको छ । सहमतिको आधारमा समाधान गरेर सडक बनाउने उपमहा नगरपालिकाका उपप्रमुख उमा थापा मगरले बताएका छन् । रासस
आज वर्षकै सबैभन्दा धेरै जाडो, काठमाडौंको तापक्रम २ डिग्री
काठमाडौं । काठमाडौं उपत्यकामा जाडो ह्वात्तै बढेको छ । आज विहानको न्युनतम तापक्रम २.५ डिग्री सेल्सियसमा झरेको छ । मौसमविद राजु प्रधानांगका अनुसार बंगालको खाडीको दक्षिण पश्चिम क्षेत्रमा ‘फेथाइ’ नामको समुद्री आँधी आएकाले त्यसको प्रभाव नेपालमा पनि परेको हो । ‘फेथाइ’ उत्तरपश्चिम दिशातर्फ सरिरहेको छ । ‘यसैको आंशिक प्रभावका कारणले नेपालमा आज र भोलि देशको पूर्वी र मध्य क्षेत्रमा सामान्यदेखि पूर्णतया बदली हुने र केही भागहरुमा हल्का वर्षा हुने सम्भावना छ,’ मौसमविद प्रधानांगले भने । उनका अनुसार उच्च हिमाली क्षेत्रमा हल्कादेखि मध्यम खालको हिमपात पनि हुनेछ । साथै पश्चिमी क्षेत्रहरुमा आंशिक बदली भई एक९दुई स्थानमा क्षणिक वर्षा हुने सम्भावना छ । रासस
पुस दोस्रो दिन सुन तोलामा २ सयले घट्यो
काठमाडौं । पुस दोस्रो दिन सुन प्रतितोला २ सयले घटेको छ । पुस १ गते ५९ हजार ५०० सयमा कारोबार भएको सुद्ध सुन २ गते २ सयले घटेको हो । सोमबार सुद्ध सुन प्रतितोला ५९ हजार ३०० मा कारोबार भैरहेको छ । यसैगरी तेजावी सुन प्रतितोला ५९ हजार र चाँदी प्रतितोला ७२५ मा कारोबार भैरहेको छ ।
त्यो चीन, यो चीनः चार दशकमै कसरी प्राप्त भयो चामत्कारिक उपलब्धि ?
सिएनएन । १९७० तिर चीनको ग्रामिण भेगमा हुर्कदैँ गरेका भिक्टर गाओका लागि कार र ट्रक दुर्लभ थिए । उनी र उनका साथीहरु धुलाम्मे सडकमा कार र ट्रकका पछिपछि खुसी हुँदै दौडन्थे । आज, अमेरिकाको तुलनामा दुई गुणा भन्दा बढि क्षमताकासथ चीन विश्वकै सबै भन्दा ठुलो अटोमोबाइल उत्पादक देश बनेको छ । ‘साधारण चिनियाँ परिवारले अटोमोबाइल लिन सक्छन भनेर मैले कहिल्यै सोचेको थिइँन् र चीन संसारकै प्रमुख अटोमोबाइल उत्पादक देश बन्छ भन्ने पनि सोचेको थिइँन’, भिक्टर गाओले सिएनएनसँग भने–अमेरिकाले भन्दा चीनले धेरै अटोमोबाइल उत्पादन गर्न सक्ला भन्ने कुरा मेरो कल्पना भन्दा पुरै बाहिरको बिषय थियो । डिसेम्बर १८ तारिखका दिन चीनले गरिबीबाट माथी उठ्दै गरेको देशबाट आर्थिक महाशक्ति बन्नेबाटोमा अघि बढेको चार दशक पुरा हुँदैछ । अत्याधिक परिवर्तनको यो युगलाई ‘पुनरुत्थान र खुल्ला’ युगको नामले चिनिन्छ । जब निकट भविष्यका चिनियाँ नेता देङ स्याओपिङले १९७८ को डिसेम्बरमा चिनियाँ कम्युनिष्ट पार्टीको नेतृत्वलाई सम्बोधन गर्दै पुनरुत्थान गर्ने घोषणा गर्दै थिए, त्यतिबेला चीनको कुल गार्हस्थ उत्पादन जम्मा १५० बिलियन अमेरिकी डलर भन्दा कम थियो । ४० बर्षपछि, चिनियाँ अर्थतन्त्र अमेरिकालाई पछि पार्दै १२ ट्रिलियन डलर पुगेको छ । तर ४० औं बार्षिकोत्सवमा आईपुग्दा चिनियाँ अर्थतन्त्रको जादुमयी भविष्यमाथी युद्ध छेडिएको छ । यतिबेला पुर्णतः खुल्ला बजार अर्थतन्त्रका पक्षपाती अमेरिकी राष्ट्रपति डोनाल्ड ट्रम्प र आर्थिक, सामाजिक र राजनीतिक पक्षमा पुर्ण अधिन चाहने चिनियाँ राष्ट्रपचि सि जिनपिङको दुई ध्रुवमा आईपुगेको छ । देङको युग ‘पुनरुत्थान र खुल्ला’ को नीतिले देशलाई आधा शताब्दी भन्दा कम समयै कहाँबाट कहाँ ल्याई पुर्यायो भन्ने स्पष्ट पारेको छ । १९७८ मा दशकौं लामो आर्थिक र राजानीतिक अव्यवस्थाले चिनियाँ समाज निरपेक्ष गरिबीको रेखामुखनी थियो । ग्रामिण चीनका करोडौ नागरिक कुपोषणको शिकार भएका थिए । चिनियाँ अर्थतन्त्र निरन्तर ओरालो लागिरहेको थियो । तर आज, चीनले विश्वको कुल सम्पतिमा १० प्रतिशत हिस्सा एक्लै ओगट्छ । पछिल्ला २० बर्षमा प्रति व्यक्ति आम्दानी चार गुणा वृद्धि भएको छ र निरपेक्ष गरिबीको रेखामुनी भएका चिनियाँहरुको संख्या घटेर १ प्रतिशत भन्दा कममा सिमित भएको छ । चीनमा ६ सय जना बिलिनियरको संख्या जुन संसारका कुनै पनि देशमा छैन् । चीनले प्राप्त गरेको ऐतिहासिक लछाङको श्रेय देङ स्याओपिङलाई जान्छ, जसले अध्यक्ष माओत्सेतुङको लामो आर्थिक उपद्रोपछि शक्तिमा पुगेर पुनरुत्थानको यात्रा आरम्भ गरेका थिए । देङले बिशिष्ट प्रकृतिको परिक्षण अवधारणा अघि सारे, एक दलिय र सरकार अधिनस्थ अर्थतन्त्रलाई खुल्ला बाटोमा अघि लागे । केहि राजनीतिक स्वतन्त्रता पनि प्रदान गरिदिउ । ‘बिरालोको रंग कालो वा सेतो हुनुमा चिन्ता नगर्नुस, त्यसले मुसा समाउँछ की समाउँदैन भन्ने कुरा हेर्नुस’, देङको यो भनाई सर्वाधिक लोकप्रिय छ । स साना कुराहरुबाट देशमा परिवर्तनको आभास शुरु भयो, किसानहरुले उत्पादन बेच्ने र नाफा कमाउने सुबिधा पाउन थाले । उद्यमीहरुले आफ्नै व्यवसाय गर्ने छुट पाए । ‘बिशेष आर्थिक क्षेत्र(सेज)’ मार्फत देशका निश्चित क्षेत्रमा खुल्ला व्यापार सुरुभयो । १९९० मा चिनियाँ स्कट मार्केट पुनः खुल्यो र चिनियाँ बजार खुल्ला अर्थतन्त्रमा प्रवेश गर्यो । भिक्टर गाओले देङको भाषा ट्रान्सलेटरका रुपमा सन १९८३ देखि ८ सम्म काम गरेका थिए । ‘देङको आधारभूत मान्यता भनेको समाजवाद र पुँजीवादका राम्रा र नराम्रा पक्षहरुबिचको भेद छुट्याएर केले चीनाियनँ जनतालाई खाद्यान्न उपलब्ध गराउँछ भन्ने थियो ।’, हाल बेईजिङमा केन्द्रित सेन्टर फर चाईना एण्ड ग्लोबलाइजेशनका उपाध्यक्ष समेत रहेका गाओले सिएनएनसँग भने । गाओले देङ र न्युयोर्क स्टकका अध्यक्ष जोन फेलानबीच १९८६ मा भेट गराएका थिए । भेटमा देङले चीनमा स्टक एक्सचञ्ज स्थापनामा सघाउन आग्रह गरेका थिए । सुधारको लडाईँ अब चीन एउटा गरिब देश रहेन । केही दशकमै यसले एउटा अविश्वसनीय प्रगति हासिल गरेको छ । २०१८ मा यसले विश्वलाई नै उछिन्यो । यसै परिवर्तनको उत्सव स्वरुप बेइजिङमा यस वर्षको सुरुमा एउटा प्रदर्शनी आयोजना गरिएको थियो । जहाँ दैनिक हजारौं मानिसहरु भ्रमण गर्छन् र आकर्षित हुन्छन् । प्रदर्शनीको उक्त कक्षमा चीनले प्रविधिको क्षेत्रमा यति छिटो प्रगति कसरी हासिल गर्यो भन्ने देख्न सकिँदैन बरु विगत र वर्तमानका कम्युनिष्ट पार्टीका नेताहरुको वाणीहरु पनि त्यहाँ देखिन्छ । चीनका सर्वोच्च नेता देङ जियापिङको सन् १९८० देखि १९९० बीचको सुधारको फोटो प्रदर्शनी पनि यहाँ राखिएको छ । यद्यपि कम्युनिष्ट पार्टीको त्यस्तो प्रोपोगाण्डाप्रति केही अवलोकनकर्ता भने संकोच मान्छन् । त्यहाँ सी जिङपिङलाई देङभन्दा महान् देखाइएको छ । सुधार र नयाँपनको प्रमुख इञ्जिनियरको रुपमा उनलाई अथ्र्याइएको छ । चीनमा त्यस्ता धेरै संग्रहालयहरु छन् जहाँ देङको फोटोलाई सी जिङपिङको बाबुको फोटोले प्रतिस्थापन गरिएको छ जो कम्युनिष्ट पार्टीका एकजना उच्च तहका नेता थिए । देङको चित्र भने संग्रहालयको केही पर एउटा कुनामा राखिएको छ । चीनमा सी को प्रशंसालाई असामान्य मानिदैन, शक्तिकाे पुजा गर्ने परम्परा चीनमा पुरानै हो । ऐतिहासिक संशोधनवादका यी अभियुक्तहरूले देशको निजी क्षेत्रको अधिक भन्दा कम कम्युनिस्ट पार्टीलाई सघाउने गरी देङको उदार आर्थिक सुधारहरू पछाडि धकेल्ने प्रयास गरे। कम्पनीहरू आफ्नो संगठन भित्र पार्टीको भूमिका बढाउन बढ्दो दबाबको अधीनमा रहेको छ । सी जिङपिङ देशभर पार्टीको नियन्त्रण कायम गर्नका लागि प्रयास गरिरहेका छन् । सी जिङपिङ देङको सुधारवादी विचारबाट धेरै पछाडि धकेलिइसकेका छन्’ – चीनस्थित सीएनएनको स्रोतले भन्यो। ‘सी जिङपिडको आर्थिक र राजनीतिक क्रान्तिका नाराहरु सबैले धेरै सुनिसकेका छन् जसले सुधारवादको सुरुवातलार्इ कम्युनिष्ट सशस्त्र नीतिद्वारा ध्वस्त पार्छ । महत्वाकांक्षी राष्ट्रपति सीले आफुमाथिको शंकालार्इ स्थान नै दिन चाहदैनन्’- हङकङ विश्वविद्यालयका प्रोफेसर विली लमले सीएनएनसँग भने – ‘मैले ग्वान्जाअोको चारदिने सम्मेलनमा सीले प्रस्तुत गरेका सबै भाषणहरु पढें, उनले देङलार्इ कहिँकतै सम्झिएनन् ।’ सीको महासंकट “सुधार र उद्घाटन” को उत्सव मनाउँदै गर्दा ट्रम्पको व्यापार युद्धले सीलार्इ ठूलो प्रभाव पार्यो, ट्रम्पले सीको आर्थिक योजनाहरुलार्इ रोक्न त सकेनन्, तर आफ्नो आर्थिक नीतिमा नाटकीय सुधार ल्याउनुपर्ने वाध्यता चीनलार्इ भयो । यसले सीलार्इ राजनीतिक हानी भने भयो । अमेरिकी राजनीतिक प्रशासनले चीनबाट आउने १०० भन्दा बढी सामानहरुमा भन्सार शुल्क बढाइदियो । यसले सीलार्इ पार्टीमा नियन्त्रण गर्ने अभियानमा धक्का लाग्यो । यो सीको राजनीतिक करियरको सबैभन्दा ठूलो संकट थियो ।ट्रम्पको व्यापार युद्धले “सुधार र उद्घाटन”को उत्सवलार्इ मात्र छायाँमा पारेको छैन यसबाट सीले पार्टी भित्रै नै धेरै अनुहार र अख्तियार गुमाएका छन् किनभने यसले उनको विफलता देखाउँछन्” लम ले भने । देनको सुधारहरूको प्रभाव कुनै पनि समय चाँडै हटाउन सम्भव छैन। चीन सधैंभरि परिवर्तन भएको छ र कुनै पनि व्यापारिक व्यापार युद्धको नतिजा, औसत चिनियाँ अब लामो र समृद्ध जीवन बिताउने आशा गर्न सक्दछ। तर चिंग, हांगकांग लगायतका विश्लेषक भन्दछन् कि चीनमा अब विस्तारै राजनीतिक स्वतन्त्रताका अवाजहरु समेत उठ्न थाल्नेछन् ।
