मेगा बैंकले ल्यायो थ्रीडी सेक्योर प्रविधि, अनलाइन कारोबार थप सुरक्षित हुने
काठमाडौं । मेगा बैंक नेपाल लिमिटेडले इन्टरनेटमा कार्डमार्फत वस्तु तथा सेवा खरिद गर्न चाहने ग्राहकका लागि थ्रीडी सेक्योर प्रविधि सञ्चालनमा ल्याएको छ । भिसा कार्ड इन्टरनेशनलको ‘भेरिफाइड बाई भिसा’मा आधारित यो प्रविधि अनलाइन कार्ड कारोबारका लागि अतिरिक्त सुरक्षा तहका रूपमा रहनेछ । मेगा बैंकले भिसासँगको साझेदारीमा आइजिल्यान्ट टेक्नोलोजीमार्फत यो सेवा संचालनमा ल्याएको हो । यो सेवा लिने ग्राहकले प्रत्येक कारोबार गर्दा इमेल तथा मोबाइलमा छुट्टै पिन नम्बर प्राप्त गर्न सक्नेछन् । जसले गर्दा अनलाइन कार्ड कारोबार अझै सुरक्षित हुने बैंकले जनाएको छ । यस प्रविधिबाट गरिएको अनलाइन कार्ड कारोबारमा जालसाझी एवं नक्कली कारोबारको जोखिम कम हुने हुँदा अझै सुरक्षित, भरपर्दो र विश्वसनीय हुने मेगा बैंकको विश्वास छ । मेगा बैंक नेपाल लिमिटेडकी सीईओ अनुपमा खुञ्जेलीले थ्रीडी सेक्योर प्रविधिको सुरुवातले मेगा बैंकका कार्ड प्रयोगकर्ता ग्राहकको कारोबार सुरक्षित बनाउन महत्वपूर्ण भूमिका खेल्ने बताए । मेगा बैंकको अत्याधुनिक कार्ड सेवाले ग्राहकलाई विश्वस्तरीय सेवा उपभोगको अनुभव दिने उनको विश्वास छ । आइजिल्यान्ट टेक्नोलोजीका सीईओ प्रशान्त मेन्गावाडेले आफूहरुसँगको सहकार्यमा मेगा बैंकले भरपर्दो र सुरक्षित कार्ड सेवा शुभारम्भ गरेको बताएका छन् । त्यस्तै, यो सेवाले नेपालको डिजिटल कारोबारको बढोत्तरीमा मद्दत मिल्ने बताएका छन् ।
ग्रीन डेभलपमेन्ट बैंकको चार शाखा एकसाथ विस्तार
काठमाडौं । ग्रीन डेभलपमेन्ट बैंकले चार शाखा कार्यालयहरु संचालनमा विस्तार गरेको छ । पोखरा महानगरपालिका भित्र बाग्लुङ्ग बसपार्क, बुद्धचोक, तालचोक र बागमारामा बैंकले शाखा विस्तार गरेको हो । हालसम्म ८ पुगेको र छिट्टै ३ शाखा खोल्ने तयारीमा रहेको बैंकका प्रमुख कार्यकारी अधिकृत उमेशकुमार आचार्यले बताएका छन् । बाग्लुङ्गमा केन्द्रिय कार्यालय रहेको क्षेत्रिय स्तरको यस ग्रीन डेभलपमेन्ट बैंकले आफ्नो कार्य क्षेत्र भित्रका विभिन्न स्थानहरुमा शाखा कार्यालय स्थापना गरी आधुनिक बैंकिङ्ग सेवा उपलब्ध गराईरहेको छ । बैंकले कृषि, पर्यटन जस्ता उत्पादनशील क्षेत्रलाई प्राथमिकतामा राखी कर्जा लगानी गर्दै आएको छ भने न्यून आय भएका वर्गलाई लक्षित गरी सामुहिक जमानीमा विपन्न वर्ग कर्जा समेत प्रवाह गर्दै आएको छ । बैंङ्गको प्रधान कार्यालय एवं बेनी शाखाबाट सुन चाँदी धितोमा कर्जा उपलब्ध गराउँदै आएकोमा निकट भविष्यमा थप शाखाहरुमा समेत विस्तार गर्दै लग्ने योजना रहेको बताएको छ ।
नारायणी डेभलपमेन्ट बैंकको शेयर संरचना परिवर्तन
काठमाडौं । नारायणी डेभलपमेन्ट बैंकको आर्थिक वर्ष २०७३/७४ र ७४/७५ को सोह्रौ र सत्रौ बार्षिक साधारण सभा सम्पन्न भएको छ । उक्त साधारण सभामा संचालक समितिका अध्यक्षद्धारा प्रस्तुत संचालक समितिको प्रतिवेदन पारित गरि आर्थिक बर्ष २०७५/७६ को लेखापरिक्षण गर्न लेखापरिक्षक नियुक्त गरेको छ । नयाँ संचालक समितिको गठन भएसँगै सात आर्थिक वर्षसम्म सम्पन्न हुन नसकेको साधारणसभा नौ महिनाको अवधिमा सम्पन्न भएको छ । सभाले बैंकको शेयर संरचना परिवर्तन गरि संस्थापक शेयर स्वामित्वलाई ७० प्रतिशतबाट ५१ प्रतिशतमा ल्याउने र सर्वसाधारण शेयर स्वामित्व ३० प्रतिशतबाट ४९ प्रतिशत पुर्याउने निर्णय गरिएको छ । सभामा प्रस्तुत गरिएको बिशेष प्रस्ताव अन्तर्गत नेपाल राष्ट्र बैंकको निर्देशानुसार न्युनतम चुक्ता पूँजी पुर्याउन पूजीबृद्धि गर्ने प्रस्ताव र प्रबन्धपत्र तथा नियमावलीमा संशोधन गर्न संचालक समितिलाई अख्तियारी प्रदान गर्ने समेत निर्णय गरेको छ ।
अष्ट्रेलियन एयरलाइन्सहरुमा ह्यान्डब्यागकाे ताैल ताेकियाे, ७ किलाे भन्दा बढीकाे सामान बाेक्न नपाइने
अस्ट्रेलिया। आफ्ना नजिक र प्रिय साथीभाइ र आफ्न्तलाई उपहार लगिदेने सबैलाई यस डिसेम्बर बिदामा घर जाँदा अब तनाव हुनसक्नेछ। अब अष्ट्रेलिया एयरलाइन्सले वर्षको व्यस्त समयमा हाते झोलाको वजन सीमा लागू गर्न निर्णय गरेको छ। भर्जिन अष्ट्रेलिया र कन्टास एयरलाईन्सले आफ्न घरेलू यात्रुहरूलाई आफ्नो हाते झोला ७ किलो (१५ पाउण्ड) भन्दा बढी नबोक्न आग्रह गरेको छ र त्यसलाई सुनिश्चित गर्न विभिन्न ठाउँमा सामनको जाँच गरिने बताएको छ। सिएनएनसँगको कुराकानीमा भर्जिन अस्ट्रेलियाका ग्राउन्ड अपरेसनका जेनेरल म्यानेजर पल वुसनाम भन्छन्, “एक उद्योगको रूपमा हामीहरुले यात्रुहरुले सबै चीजहरू ल्याउन प्रयास गरेको देख्छौं अझै त्यतिमात्र नभएर भान्साको सरसामन पनि ल्याउने गरेको देखेका छौ जसको कारणले गर्दा उडान ढिलो हुने र त्यसका साथै क्याबिन चालक दलको सुरक्षामा पनि समस्याहरू आउने गरेको छ। ” यसकारणले कन्टास एयरलाईन्सले नभेम्बरको अन्तिम साता देखी कडासँग हाते झोलाको वजन जाँच्न थालेको छ र भर्जिन अस्ट्रेलियाले पनि डेसेम्बर १० तारिख देखि यसको लागि कडा नियम लागु गरेको छ। टाईगर एयर र जेस्टर एयरलाईन्सले भने पहिले देखि नै आफ्नो यात्रुहरुको सामनको वजन जोख्ने गर्थियो। क्याबिनका भारी लगेज ब्यागहरुको कारणले गर्दा एयरलाइन्सका क्याबिन चालकहरु सामान मिलाउने र यात्रुहरुलाई सघाउने बेला घाइते भएको पल वुसनामले बताए। हामी हाम्रो यात्रुहरु समयमा आफ्नो गन्तव्यमा पुगुन् भन्ने चाहन्छौ तर यस्ता यी क्याबिनमा राखिने सामानको कारण हामीहरुको उडानमा ढिलाई भईरहेको वुसनाम बताउँछन्। यसमा अस्ट्रेलियन सिभिल एभिएसन सेफ्टी अथोरिटीले समर्थन जनाएको छ जो भन्छ कि अत्याधिक नचाहिने सामन क्याबिनमा ल्याउँदा क्याबिन चालक लाई समस्या हुनुको साथै उडानमा पनि ढिलाई हुने बताएको छ। भर्जिन अस्ट्रेलियाले आफ्नो यात्रुलाई ३० केजी सम्मको लगेज ब्याग, साथै २३ किलोग्राम सम्मको अर्को ब्याग र ७ किलो सम्मको हाते झोला लैजान दिने गरेको छ। त्यसका साथै प्रत्येक यात्रीलाई ल्याप्टप ब्याग र अर्को सानो हाते झोलाको पनि अनुमति एयरलाइन्सले दिएको छ। क्यानटसमा यात्रा गर्ने घरेलु यात्रीहरुले कम्तिमा पनि ३० किलोग्राम सम्मको लगेज ब्याग, र दुईवटा ७/७ किलोको हाते ब्याग बोक्न पाउँछन्। क्रिसमस अत्यन्त ब्यस्त समय भएकोले यस समयमा अझै यो कुरालाई बिशेष ध्यान दिईने, वुसनाम बताउँछन्। यदि तपाई पनि यो समयमा अस्ट्रेलियाबाट यात्रा गर्दै हुनुहुन्छ र झोला जाँच्नबाट जोगिन चाहानुहुन्छ भने, तपाईले कसरी ठीकसँग सामान प्याक गर्ने भनेर जान्न आवश्यक छ। यदी तपाईंले ठीकसँग सामान प्याक गर्न जान्नुभयो भने तपाईंको यात्रा हल्का सामानको साथ आनन्दमय हुनेछ। यदी तपाईंले ठीक तरिकाले सामान प्याक गर्नुभएन र नचाहिने कपडा राख्नुभयो भने तपाईंको यात्रा कस्टकर हुनको साथै हुनेछ। [ सिएनएन ]
ललितपुर बन्यो नेपालको पहिलो क्राफ्ट सिटी, अंकित स्टिकर टाँसेका उत्पादनले उच्च मूल्य पाउने
मंसिर । ललितपुर जिल्लालाई कला नगरी (क्राफ्ट सिटी) घोषणा गरिएको छ । युनेस्को सहितको संस्थाले एशीया महाद्धिपमा ललितपुर लगायत २७ शहरहरुलाई वल्र्ड क्राफ्ट सिटी घोषणा गरी सकेको छ । नेपाल हस्तकला महासंघको ४६औं वार्षिकोत्सव तथा सातौं हस्तकला दिवसको दिन उक्त जिल्लालाई नेपालको पहिलो क्राफ्ट सिटी घोषणा गरिएको हो । कार्यक्रमका प्रमुख अतिथि शताब्दी पुरुष एवं वरिष्ठ संस्कृतीविद् सत्यमोहन जोशीले ४६औं वार्षिक उत्सव तथा सातौ हस्तकला दिवसको उद्घाटन गरेका थिए । नेपाल हस्तकला महासंघका अध्यक्ष धर्मराज शाक्यले काष्ठ नगरी घोषणाले ललितपुरका साथसाथै सिंगो नेपालको पर्यटन विकासका साथै सांस्कृतिक पर्यटनको प्रवद्र्धन हुने बताए । यससँगै अब ललितपुर महानगरपालिका भित्र उत्पादन भएका हस्तकलाका वस्तुहरुको गुणस्तरियता कायम गरी क्राफ्ट नगरीको उत्पादन अंकित स्टिकर टाँसी बिक्री गरेमा यहाँका उत्पादनले उच्च मूल्य प्राप्त गर्न सक्नेछन् । महासंघका अध्यक्ष धर्मराज शाक्यले हस्तकलाको स्थानीय तथा निकासी व्यापारलाई प्रवद्र्धन गर्न महासंघले आफ्नो ध्यान केन्द्रीत गरेको बताए । त्यस्तै, कार्यक्रमका प्रमुख अतिथि सत्यमोहन जोशीले ललितपुर कला नगरीका रुपमा ललितपुर, भक्तपुर र काठमाडौं मात्र नभर्र्ई सिङ्गो नेपाल चिनाउन सफल भएकोमा खुशी व्यक्त गरेका छन् । नेपालको विविध कलाले नै राष्ट्रलाई अन्तर्राष्ट्रिय स्तरमा चिनाउन सफल भएको उनले बताए । नेपालका बहुमूल्य अमूर्त संस्कृति तथा कौशलपूर्ण हातबाट सिर्जित कलात्मक वस्तुहरु विस्तारै लोप हुँदै गएको तथ्यलाई औल्याउँदै हस्तकला महासंघले हाम्रो संस्कृतिको परिचयको रुपमा रहेको हस्तकलाको जगेर्ना, प्रवद्र्धन तथा विकासमा पुर्याइरहेको कार्यक्रममा जानकारी दिईएको थियो । सो कार्यक्रमसँगै ललितपुर जिल्लालाई क्राफ्ट सिटी घोषणा गरिएको उपलक्ष्यमा प्रभातफेरी गरी साँझ दिपावली गरिएको थियो ।
ग्लोबल आइएमई बैंकको शाखा कार्यालय काभ्रेकाे बेथानचोकमा
काठमाडौं । ग्लोबल आइएमई बैंकले काभ्रे जिल्लामा नयाँ शाखा कार्यालयको औपचारिक रुपमा समुद्घाटन गरेको छ । काभ्रे जिल्लाको बेथानचोक खोलिएको शाखाको उद्घाटन माननीय सञ्चार तथा सूचना प्रविधि मन्त्री गोकुल प्रसाद बाँस्कोटाले गरेका छन् । उक्त शाखाको औपचारिक समुद्घाटन गर्दै मन्त्री बाँस्कोटाले ग्लोबल आइएमई बैंकले बिस्तार गरेको सेवा सञ्जालले देशको समग्र आर्थिक वृद्धिमा उल्लेखनिय टेवा पुगेको बताएका छन् । १२ वर्षअघि स्थापना भएको ग्लोबल आइएमई बैंकले १३३ शाखा, १४१ एटिएम, ६ एक्सटेन्सन काउण्टर, १५ वटा राजश्व संकलन काउण्टर र ११० शाखा रहित बैंकिङ्ग सेवा, विदेशमा ३ प्रतिनिधि/सम्र्पक कार्यालय मार्फतआफ्ना ९ लाख भन्दा बढि ग्राहकहरु मझ सेवा प्रदान गर्दै आइरहेको छ उक्त कार्यक्रममा बैंकका अध्यक्ष चन्द्रप्रसाद ढकाल लगायत स्थानीय जनप्रतिनिधि, बुद्घिजीवि तथा स्थानीयवासीहरुको उल्लेख्य उपस्थिति रहेको थियो । शाखा उद्घाटन समारोहमा बैंकका अध्यक्ष ढकालले ग्लोबल आइएमई बैंक सुविधा सम्पन्न स्थानमा मात्र नभएर विकट क्षेत्रमा समेत पुगेर आफ्नो सेवा प्रदान गरिरहेको जानकारी बैंकिङ्ग पहुँचमा ल्याउने बताएका छन् ।
१४१ कम्पनीको सेयर मूल्यमा वृद्धि, मिर्मिरे लघुवित्तका लगानीकर्ताले कमाए सबैभन्दा बढी
काठमाडौं । आइतबारको सेयर बजारमा कुल १५९ कम्पनीको सेयर कारोबार भएको छ । सो मध्ये १४१ कम्पनीको सेयर मूल्यमा वृद्धि भएको छ । बाँकी १८ वटा कम्पनीको सेयर मूल्यमा भने गिरावट भएको छ । आइतबार मिर्मिरे माइक्रोफाइनान्स वित्तीय संस्थाका लगानीकर्ताले सबैभन्दा बढी कमाएका छन् । उक्त संस्थाको सेयर मूल्य १० प्रतिशतले बढेको छ । अघिल्लो दिनको तुलनामा संस्थाको सेयर मूल्य प्रतिकित्ता ९९ रुपैयाँले बढेर १०८९ रुपैयाँ पुगेको छ । त्यस्तै, आरम्भ माइक्रोफाइनान्स वित्तीय संस्था र कालिका लघुवित्त वित्तीय संस्थाको सेयर मूल्य क्रमशः प्रतिकित्ता ९.९७ र ९.९५ प्रतिशतले बढेको छ । तारागाँउ रिजेन्सी होटलको सेयर मूल्य ८.९४ र राष्ट्रिय बीमा कम्पनीको प्रमोटर सेयर ८.२३ प्रतिशतले बढेको छ । आइतबार गुमाउने १० कम्पनी
नेकपा नेता प्रभु शाहलाई १०५ किलोको माला
काठमाडौं । नेपाल कम्युनिष्ट पार्टी नेकपाका प्रदेश २ अध्यक्ष पूर्वमन्त्री एवं संघीय सांसद प्रभु साहलाई १०५ किलो फुलले स्वागत गरिएको छ । रौतहटको बिष्णु मन्दिरको शिलन्यास कार्यक्रममा साहलाई उक्त मालाले स्वागत गरिएको हो । मन्दिर शिलान्यास समारोहलाई सम्बोधन गर्दै शाहले नेकपाको सरकार धार्मिक, सांस्कृतिक, सामाजिक, आर्थिक सबै विकासको लागि अगाडी बढिरहेको बताए । निर्वाचनताका पार्टीको राजनीति स्वभाविक प्रक्रिया भएपनि विकासको सवालमा सबै दल एकहुनु पर्ने विचार राख्दै अध्यक्ष साहले पूर्वमा बागमती र पश्चिम लालबकैयाको मजबुत बाँध बनाएर दुवै नदीको पानीलाई सिंचाईको लागि प्रयोगमा नल्याएसम्म जिल्लाको विकास असम्भव रहेको जिकिर गरे । कार्यक्रममा प्रदेश सांसद कुन्दन कुश्वाहा, नेकपाका प्रदेश कमिटि सदस्य शम्भु साह, अमर साह, उपेन्द्र साह, गौर नपाका मेयर अजय गुप्ता, उपमेयर किरण ठाकुर लगायतको सहभागिता रहेको थियो ।
