जातिय सांस्कृतिक बिदा कटौती गरेको भन्दै जनजाती महासंघको विरोध
काठमाडौं। जातिय सास्कृतिक बिदा कटौती गरेको विरोधमा बुधवार माईतीघर मण्डलामा जम्मा भई जनजातीहरुले विरोध जनाएका छन्। धार्मिक सांस्कृतिक पहिचानमाथि आक्रमण भएको भन्दै उनिहरुले विरोध जनाएका हुँन्। शेर्पा-तामाङ-गुरुङ जातिको ग्याल्बो, सोनाम र तमु लोसार, मगर र थारुहरुको माघे संक्रान्ती र राई-लिम्बुको उधौली,उभौलको बिदा सरकारले काटेको कारण उक्त विरोध र्याली निकालिएको हो। आदिवासी जनजाती महासंघले आयोजना गरेको उक्त विरोधमा ५०० जना भन्दा बढी मानिसहरुको उपस्थिती थियो।
एनआईसी एशिया बैंकको १० प्रतिशत बोनस पारित, निक्षेप १ खर्ब ६९ अर्ब नजिक
काठमाडौं । एनआईसी एशिया बैंक लिमिटेडको प्रस्तावित १० प्रतिशत बोनस सेयर पारित भएको छ । बुधबार बसेको बैंकको २१औं वार्षिक साधारण सभाले सञ्चालक समितिको उक्त प्रस्तावलाई पारित गरेको हो । साथै, सभाले कर प्रयोजनको लागि ०.५२६ प्रतिशत अर्थात ४ करोड २२ लाख ६९ हजार ०३७ रुपैयाँ नगद लाभांश वितरण गर्ने प्रस्तावलाई पारित गरेको छ । ८ अर्ब ०३ करोड रुपैयाँ रहेको बैंकको चुक्ता पुँजी १० प्रतिशत बोनस पछि ८ अर्ब ८३ करोड रुपैयाँ नाघेको छ । त्यस्तै, बैंकको अधिकृत पुँजी ८ अर्ब ८४ करोड रुपैयाँ पुगेको छ । साथै, साधारण सभाले बैंकको सहायक कम्पनी एनआईसी एशिया लघुवित्त वित्तीय संस्था लिमिटेड र एनआईसी एशिया क्यापिटल लिमिटेड सहितको गत आर्थिक वर्षको एकिकृत वित्तीय विवरण समेत स्वीकृत गरेको छ । सभाले चालु आर्थिक वर्ष २०७५/७६ को लागि टि आर उपाध्याय एण्ड कम्पनीलाई बाह्य लेखा परिक्षकमा नियुक्त गरेको छ । बैंकको वासलातको आकार २११ अर्ब रुपैयाँभन्दा बढि पुगेको छ भने कुल निक्षेप करिब १६९ अर्ब रुपैयाँ पुगेको छ । हालसम्म यस बैंकमा ग्राहकको संख्या करिब १४ लाख रहेको छ ।
चालु आर्थिक वर्षको पाँच महीनामा विराटनगर भन्सारमा ४४.८८ प्रतिशतले राजश्वमा वृद्धि
काठमाडौं । विराटनगर भन्सार कार्यालयले चालु आर्थिक वर्षको पाँच महीनाको अवधिमा रु १६ अर्ब ४० करोड ५२ लाख १८ हजार राजश्व सङ्कलन गरेको छ । कार्यालयले दिएको जानकारी अुनसार सो अवधिमा रु १६ अर्ब १६ करोड २१ लाख ३० हजार राजश्व असुल गर्ने लक्ष्यमा रु २४ करोड ३० लाख ८८ हजार बढी राजश्व सङ्कलन भएको हो । आर्थिक वर्ष २०७४७५ मा सो अवधिमा रु ११ अर्ब ३२ करोड ३२ लाख ४९ हजार राजश्व असुली भएको थियो भने यसवर्ष सो अवधिमा ४४.८८ प्रतिशत राजश्व बढी उठेको कार्यालयका प्रमुख मिमांश अधिकारीले जानकारी दिएका छन् । चुहावट हुन नदिन विशेष सतर्कता अपनाएको र भन्सार जाँचलाई पनि कडाइ गरेकाले राजश्वमा उल्लेखनीय वृद्धि भएको बताएका छन् । सङ्कलित राजश्वमा साउनमा रु दुई अर्ब ९९ करोड ७५ लाख ३६ हजार, भदौमा रु तीन अर्ब सात करोड ९० लाख नौ हजार, असोजमा रु तीन अर्ब ९७ करोड ६४ लाख ५० हजार, कात्तिकमा रु तीन अर्ब १५ करोड ८२ लाख ७० हजार र मङ्सिरमा रु तीन अर्ब १९ करोड ३९ लाख ५३ हजार रहेको छ । विराटनगर भन्सारका अनुसार चालु आर्थिक वर्षको पाँच महीनामा रु ६८ अर्ब २० करोड ७९ लाख ७४ हजारको सामान पैठारी र रु आठ अर्ब १९ करोड ६१ लाख ७९ हजारको सामान निकासी भएको छ । सो अवधिमा गएको वर्षमा रु ५२ अर्ब ४५ करोड तीन लाख सामान पैठारी र रु नौ अर्ब छ करोड ९८ लाख ३६ हजारको मालसामान निकासी भएको थियो । तुलनात्मक आधारमा गएको वर्ष भन्दा यसवर्ष सो अवधिमा पैठारी रु १५ अर्ब ७५ करोड ७६ लाख ७४ हजारले बढी हो भने निकासीमा रु ८७ करोड ३६ लाख ५७ हजारले कम भएको देखिएको छ । भारत तथा समुद्रपारबाट विराटनगर भन्सारबाट नेपाल पैठारी भएको सामानमा पेट्रोलियम पदार्थ, एमएस विलेट, पोलीथित दाना, स्टिल वायर रड इन क्वायल र एमएससम्म, सेन्थेटिक यार्न, सिआर सीट, एलपी ग्यास, तयारी कपडा, एच आर सीट र खाद्यान्न रहेका छ । रासस
जानकी मेडिकल कलेजकाे अवैध भर्नाप्रति डा.केसीको गम्भिर ध्यानाकर्षण
काठमाडौं । जानकी मेडिकल कलेजले अवैध रुपमा एमबीबीएस कार्यक्रममा प्रवेश परीक्षा नै नदिएका विद्यार्थीहरु भर्ना गर्दै गरेकोमा रोक्न उच्च अदालत पाटनले अन्तरिम आदेश दिएका छन्र । उक्त अवस्थामा सर्वोच्च अदालतबाट न्याय प्रक्रियाकै मानमर्दन हुने गरी सो भर्नालाई वैध बनाउन चलखेल भइरहेको प्रति चिकित्सा शास्त्र अध्ययन संस्थानका प्रा.डा.गोविन्द केसीको गम्भीर ध्यानाकर्षण रहेको छ । बुधबार डा.केसीले बारम्बार विभिन्न अदालतका फैसलाहरुका आडमा मेडिकल कलेजहरुले अवैध रुपमा विद्यार्थी भर्ना लिएका कारण देशभर ठूलो संख्यामा अयोग्य विद्यार्थीहरु डाक्टरीको डिग्री र लाइसेन्स पाउने र त्यसले जनस्वास्थ्यमा प्रत्यक्ष असर पार्ने र स्वास्थ्य सेवाग्राहीको ज्यान खतरामा पर्ने निश्चित छ । तत्कालीन न्यायधीश र प्रधान न्यायधीश गोपाल पराजुली त्यस्ता कम्तीमा आधा दर्जन फैसलामा संलग्न रहेकोमा उनको नेतृत्वको न्यायालयमा मेडिकल माफियाको त्यस्तो प्रभावविरुद्ध यसअगाडि हामीले एक चरण सत्याग्रह नै गरेका जनाएका छन् । अघिल्लो वर्ष अवैध रुपमा भर्ना भएका विद्यार्थी भर्ना नलिन आइओएमले सुचना जारी गरेकोमा त्यसविरुद्ध अदालत पुगेका मेडिकल कलेजहरुमध्ये पाटन उच्च अदालतले किस्ट र जानकी मेडिकल कलेजको निवेदन अस्वीकार गरेको छ । वर्षौंपछि मेडिकल शिक्षा सुधारमा न्यायालयले पनि बल पुर्याउने आशा जाने तर उच्च अदालत जनकपुरले नेसनल मेडिकल कलेजको त्यस्तै निवेदनमा भने कलेजको पक्षमा अन्तरिम आदेश दिएका कारण त्यहाँ अवैध रुपमा भर्ना भएका विद्यार्थीले पढाइ जारी राखेका थिए । निवेदन खारेजी विरुद्ध पुनरावेदनको प्रक्रियामै नगई न्यायिक अभ्यास मिचेर एकाएक सर्वोच्चमा त्यसको विरुद्ध रिट दर्ता हुनु तथा सो रिट खाली आवासीय भवनलाई मेडिकल कलेजको अनुमति दिनु भनेर फैसला गर्ने डम्बर बहादुर शाहीको इजलासमा पर्नु अस्वभाविक र शंकास्पद रहेको जनाएका छन् । अदालतले मुद्दाको सुनुवाइ पछि स्पष्ट विवरण नखुलाई अन्तरिम आदेश जारी भए–नभएको कुनै उल्लेख नगर्नुले फेरि एकपल्ट मेडिकल माफिया र भ्रष्ट न्यायधीशको मिलेमतोमा आम मानिसको स्वास्थ्य नै जोखिममा पर्ने गरी डाक्टरी डिग्री किनबेचलाई फेरि स्थापित गर्न थालिएको हो कि भन्ने भय उत्पन्न भएको छ । साथै बारम्बार अवैध रुपमा भर्ना लिने तथा न्यायालयलाई समेत प्रभावित गरेर आवश्यक पूर्वाधार, जनशक्ति र बिरामीको चापविनै विद्यार्थी भर्ना गरेर डिग्री बेच्ने जानकी लगायतका मेडिकल कलेजहरुलाई आगामी वर्षदेखि शुन्य सिटमा झारिदिन र त्यस्ता कलेजहरुको सम्बन्धन खारेजीको प्रक्रिया शुरु गर्न आइओएम लगायतका नियामक निकायहरुको ध्यानाकर्षण गएका छ ।
मेगा बैंकले ६ प्रतिशत नगद र १० करोड ३० लाख रुपैयाँ बोनस सेयर वितरण गर्ने
काठमाडौं । मेगा बैंक लिमिटेडले सेयरधनीलाई चुक्ता पुँजीको ६.८५ प्रतिशत अर्थात ७० करोड २८ लाख रुपैयाँ नगद लाभांश वितरण गर्ने भएको छ । साथै, बैंकले गत आर्थिक वर्षको नाफाबाट चुक्ता पुँजीको १.००२३३ प्रतिशत(अर्थात १० करोड ३० लाख रुपैयाँ) बोनस दिने प्रस्ताव गरेको छ । हाल बैंकको चुक्ता पुँजी १० अर्ब २८ करोड रुपैयाँ रहेको छ । सो मात्राको बोनस पछि बैंकको चुक्ता पुँजी १० अर्ब ३८ करोड रुपैयाँ कायम हुने छ । ७ प्रतिशत लाभांश दिने बैंक सञ्चालक समितिको प्रस्तावलाई नेपाल राष्ट्र बैंकले स्वीकृति तथा बैंकको आगामी वार्षिक साधारणसभाले पारित गर्नुपर्ने छ । बैंक सञ्चालक समितिको २३७औँ बैठक बुधबार बिहान बसेको थियो ।
सिहंदरबारभित्रै कर्मचारी आन्दोलित, केपी ओलीलाई कार्यालयमै घेर्ने प्रयास
काठमाडौं । कर्मचारी समायोजन अध्यादेशको विरुद्धमा कर्मचारीहरु आन्दोलित भएका छन् । सरकारले ल्याएको अध्यादेश कर्मचारीलाई मान्य नहुने भन्दै उनीहरु आन्दोलित भएका हुन् । कर्मचारीहरुको असहमति पत्र बोकेर ज्ञाननाथ ढकालको टोली सामान्य प्रशासन मन्त्रालय पुगेको थियो । तर कुनै आधिकारीक व्यक्ति नभेटेपछि उनीहरु प्रधानमन्त्री तथा मन्त्रिपरिषदको कार्यालय पुगेका थिए । उनीहरुले प्रधानमन्त्रीको कार्यालय घेराउ गर्दै आफ्नो असहमति पत्र कार्यालयका सचिव रश्मिराज पाण्डेलाई बुझाएका छन् । कर्मचारीहरुले आफ्नो मागको सुनुवाई नभए चर्को आन्दोलन गर्ने चेतावनी दिएका छन् ।
एक बर्ष स्मार्टफोनबिना बस्नेलाई एक करोड पुरस्कार
काठमाडौं। के तपाईं पुरा एक बर्ष आफ्नो स्मार्टफोन बिना बस्न सक्नुहुन्छ ? यदी तपाईंलाई यसो गर्न सक्छु जस्तो लाग्छ भने, भिटामीनवाटर भन्ने पेयपदार्थ संस्थाले “नो फोन फोर अ ईयर” अर्थात एक बर्ष बिना फोन बस्ने प्रतियोगिताको सुचना जारी गरेको छ जसको विजेताले पुरा एक बर्ष आफ्नो स्मार्टफोनलाई पूर्ण रुपमा त्याग्नुपर्ने हुन्छ र जसबापत उपहार स्वोरुप विजेताले एक करोड ( $ १००,०००) जित्नेछ। उक्त प्रतियोगितामा सहभागी हुनको लागि तपाईले जनवरी ८ सम्ममा आफ्नो ट्वीटर वा ईन्सटाग्राममा एउटा पोस्ट गरि कसरी तपाईंले पुरा एक बर्ष फोन बिना बस्नुहुन्छ भनेर ह्यास्ट्याग #nosmartphoneforayear #contest सहित लेख्नुपर्ने हुन्छ। कम्पनीले विजेता क्रिएटिभिटी र ह्युमरको आधारमा छान्ने छ। जो त्यस लेखबाट छनोट हुनेछन् उसले पुरा एक बर्ष आफ्नो स्मार्टफोन, ट्याबलेटबाट टाढा बस्नुपर्ने हुन्छ। तर ल्याप्टप वा डेस्कटप कम्प्युटर प्रयोग गर्न भने उनलाई अनुमति दिईनेछ। ईमर्जेन्सी भएको खण्डमा भने प्रतियोगीलाई १९९६-युगको सेलफोन दिईनेछ। प्रतियोगिताको अन्तिम समयमा झुट पत्ता लगाउने मेसिनले प्रतियोगीलाई जाँचिने छ। यदी प्रतियोगी ६ महिनासम्म मात्र टिक्न सक्यो भने उसले दस लाख ( $१०,०००) मात्र पाउनेछ।
लाभांश पाउने भएपछि सांग्रिलाका लगानीकर्ता खुसी, सेयर मूल्य ५ प्रतिशतले बढ्यो
काठमाडौं । सांग्रिला डेभलपमेन्ट बैंक लिमिटेडले सेयरधनीलाई ९.५० लाभांश वितरण गर्ने भएपछि सेयरधनीहरु खुसी देखिएका छन् । लाभांश घोषणापछि बुधबारको कारोबारमा कम्पनीको सेयर मूल्य ५ प्रतिशतसम्मले बढेको छ । बोनस घोषणा लगत्तै कम्पनीको सेयर मूल्य बढ्नुले लगानीकर्ताहरु खुसी भएको भन्ने बुझिन्छ । त्यस्तै, बुधबारको कारोबारमा सांग्रिला डेभलपमेन्ट बैंकको सेयर मूल्य बढेर प्रतिकित्ता १४५ रुपैयाँसम्म पुगेको छ । मंगलबार प्रतिकित्ता १३७ रुपैयाँमा कारोबार भएको बैंकको सेयर मूल्य बुधबार २ बजेसम्म ५ प्रतिशतले बढेर प्रतिकित्ताँ १४४ रुपैयाँसम्म पुगेको छ । बजारमा उक्त डेभलपमेन्ट बैंकको सेयर बच्नेको भन्दा किन्नेको बढी चाप देखिएको छ । बैंकले बुधबार सूचना जारी गर्दै सेयरधनीलाई ४ प्रतिशत बोनस र ५.३० प्रतिशत नगद गरी सो मात्राको लाभांश दिने प्रस्ताव गरेको छ । डेभलपमेन्ट बैंक सञ्चालक समितिको उक्त प्रस्तावलाई नेपाल राष्ट्र बैंकले स्वीकृति तथा बैंकको आगामी वार्षिक साधारणसभाले पारित गर्नुपर्ने छ । हाल बैंकको चुक्ता पुँजी २ अर्ब ५० करोड रुपैयाँ रहेको छ । ४ प्रतिशत बोनस पछि कम्पनीको चुक्ता पुँजी २ अर्ब ६० करोड रुपैयाँ नाघ्ने छ ।
