मेलम्चीको भविष्य टुंगो लाग्न अझै एक हप्ता कुर्नुपर्ने, ठेकेदार वार्ता गर्न तयार
काठमाडौं । मेलम्ची आयोजनाको ठेक्का तोडेर भाग्ने प्रयास गरेको ठेकेदार कम्पनी सिएमसी वार्ता गर्न तयार भएको छ । सिएमसीले अनौपचारिक रुपमा आयोजनासँग वार्ता गर्न चाहेको सन्देश पठाएको हो । ‘सिएमसीले वार्तामा बस्न चाहेको सन्देश अनौपचारिक रुपमा पठाएको छ, हामी अब के गर्ने भनेर सोचिरहेका छौं’, मेलम्ची खानेपानी विकास बोर्डका कार्यकारी निर्देशक सुर्यराज कँडेलले विकासन्युजसँग भने । उनले सिएमसीसँग विश्वासिलो आधार नभेटिएसम्म पुनः कामको जिम्मेवारी दिन नसकिने पनि स्पष्ट पारे । ‘हामी ठेक्का तोड्ने की नतोड्ने भन्नेबारे गम्भिर छलफलमा छौं, आधार बिनै सिएमसीलाई पुनः कामको जिम्मेवार दिँदैनौं’, कँडेलले भने । उनले आगामी एक साताभित्र मेलम्चीको काम कुन प्रक्रियाबाट अघि बढाउने भन्ने टुंगो लाग्ने पनि जानकारी दिए । ‘मेलम्चीको बाँकी काम सिएमसीबाट गराउने वा नयाँ प्रक्रियामा जाने भन्ने कुराको टुंगो लाग्न अब एक साताको समय लाग्छ’, कँडेलले भने । मेलम्ची आयोजनाको काम पुस २ गतेदेखि अवरुद्ध रहेको छ । ठेक्का तोडेर भाग्ने प्रयास गरेपछि सरकारले कम्पनीको बैंक ग्यारेण्टी वापतको २ अर्ब ५६ करोड रुपैंयाँ रोक्का गरेको थियो । सरकारी निर्णय विरुद्ध अदालत गएको सिएमसीले मुद्धा हारेको थियो । मेलम्चीका प्रवक्ता राजेन्द्र प्रसाद पन्तले कन्सल्टेन्ट कम्पनीबाट मेलम्चीको वर्तमान अवस्थाको अध्ययन भैरहेको जानकारी दिए ।‘कन्सल्टेन्टले कति काम सकियो ? कति काम बाँकी छ र कति पैसा लाग्छ भन्ने प्रतिवेदन तयार गरिरहेको छ’, प्रवक्ता पन्तले विकासन्युजसँग भने ।
गुल्मीको रिडी बजारमा राष्ट्रिय वाणिज्य बैंकको शाखा
काठमाडौँ । परराष्ट्र मन्त्री प्रदीपकुमार ज्ञवालीले राष्ट्रिय वाणिज्य बैक लिमिटेडको शाखा कार्यालय रिडी बजारको शुभारम्भ गरेका छन् । यो समेत बैंकको शाखा कार्यालयको संख्या २१० पुगेको छ । सो समारोहमा प्रमुख अतिथि माननीय प्रदिपकुमार ज्ञवालीले बिकासको लागि सबैभन्दा पहिले सम्पूर्ण स्थानीय तहमा बैंक आवश्यक भएको र बैंक भएपछि मात्र अन्य क्षेत्रको बिकास हुने बताउंदै राष्ट्रिय वाणिज्य बैंक जनताकै बैंक भएकोले ढुक्कसंग कारोबार गर्न अनुरोध गरे । सो कार्यक्रममा गुल्मी जिल्ला १ क का प्रदेश सभा सांसद कमलप्रसाद श्रेष्ठले रावा बैंक सरकारी बैंक भएकोले प्राथमिकता क्षेत्रमा कर्जा प्रवाह गर्न विशेष जोड दिनुपर्ने बताए । बैंकका प्रमुख कार्यकारी अधिकृत किरणकुमार श्रेष्ठले रावा बैकले नयां संभाव्य क्षेत्रहरुमा शाखा स्थापना गरि दिगो आर्थिक विकासको लागि वित्तीय पहुँच विस्तार गरिने वताए । बैंकको पोखरा क्षेत्रका निमित्त प्रवन्धक ऋषिराम ढकालको सभापतित्वमा सम्पन्न उक्त समारोहमा रुरु गांउपालिकाका अध्यक्ष निलकण्ठ गौतम, सत्यवती गाउँपालिकाका अध्यक्ष परेश्वर ढकाल, उद्याग वाणिज्य संघ रिडी बजारका अध्यक्ष सुवर्णलाल कक्षपति, स्थानीय उद्यमी व्यवसायी तथा सर्वसाधारणको उपस्थिति रहेको थियो ।
हरपल चामलको नयाँ ब्राण्ड नेपाली बजारमा, ५ र २० केजीको प्याकिङ्गमा उपलब्ध
काठमाडौं । हरपल चामलले नयाँ ब्राण्ड पसन्द नेपाली बजारमा ल्याएको छ । चामलले थप पसन्द लङ्ग्रेन २० केजी र ५ केजीको प्याकिङ्गमा स्टिम र ब्वाईल्ड राइस बजारमा ल्याएको छ । पसन्द लङ्ग्रेन चामलको मुख्य उद्धेश्य यस ब्राण्डलाई उपभोक्ताहरुको माग अनुसार पुर्याउनु रहेको कुरा कम्पनीका प्रबन्धक तारामान धामीले बताए ।
नाट्टा र टुर्गानबीच सम्झौता, टुर गाईडको पारिश्रमिक २५ प्रतिशतले वृद्धि
काठमाडौं । नेपाल एसोसिएसन अफ टुर एण्ड ट्राभल एजेन्ट्रस (नाट्टा) र टुरिष्ट गाईड एसोसिएसन अफ नेपाल (टुर्गान) बीच लामो समयदेखिको टुरगाईड पारिश्रमिक विवाद अन्त्य भएको छ । स्वतन्त्र टुरिष्ट गाईडहरुको छाता संगठन टुर्गान र टुर तथा ट्राभल व्यवसायीहरुको संगठन नाट्टाबीच पारिश्रमिक बृद्धि गर्ने विषयमा सहमति भएपछि विवाद टुंगिएको हो । नाट्टाका अध्यक्ष सिएन पाण्डे र टुर्गानका अध्यक्ष केदार तामाङले सोमबार हस्ताक्षर गरेको समझदारी पत्र अनुसार यसअघिको पारिश्रमिक दर रेटमाथि २५ प्रतिशतले वृद्धि भएको छ । टुर्गानले लामो समयदेखि टुर गाईडको पारिश्रमिक समयसापेक्षित बृद्धिको माग गर्दै आएको थियो । १ जनवरी २०१९ देखि लागु हुने गरी नयाँ पारिश्रमिक निर्धारण गरिएको हो । बृद्धि भएको पारिश्रमिक नाट्टा र टुर्गानमा आवद्ध सदस्यहरुको लागि लागु हुनेछ । पारिश्रमिक २ वर्षपछि परिमार्जन हुनेछ । यसअघि सन् २०१४ मा टुगाईड पारिश्रमिक वृद्धि गरिएको थियो । दुई संस्थाबीचको समझदारीले पर्यटनमा राम्रो सन्देश जाने र पर्यटन वर्ष २०२० लाई पनि सहयोग पुग्ने विश्वास लिईएको छ ।
पानस रेमिट र टीएमएलबीच संझौता, अब मलेसियाबाट पनि रेमिट सेवा
काठमाडौँ । पानस रेमिट प्रालि र मलेसियामा रहेको टीएमएल रेमिट्यान्स सेन्टरबीच संझौता भएको छ । टीएमएल रेमिट्यान्स मार्फत मलेसियाबाट आउने विप्रेषण रकम नेपालमा पानस रेमिट मार्फत भुक्तानी गर्ने सम्झौता भएको हो । सम्झौतामा पानस रेमिटको तर्फवाट मुख्य कार्यकारी अधिकृत धर्म पौडेल र टीएमएल रेमिट्यान्सको तर्फबाट मुख्य कार्यकारी अधिकृत अलबर्ट लिमले हस्ताक्षर गरेका छन् । सम्झौता अनुसार टीएमएलको मलेसिया भर रहेका ६० शाखा मार्फत नेपाल पठाएको विप्रेषण रकम नेपालमा प्राप्त गर्ने व्यक्तिले पानस रेमिटको नेपाल भर रहेको ७००० भुक्तानी केन्द्रहरु बाट सहज रुपमा भुक्तानी पाउन सक्ने छन्। पानस रेमिटले विगत नौ वर्ष देखि यूरोप, अमेरिका, अस्ट्रेलिया, क्यानाडा र मध्यपूर्बी देशहरुबाट नेपाल रेमिट्यान्स भित्रयाई रहेको छ।
आठौं वार्षिकोत्सवको अवसरमा सिभिल बैंकद्धारा विभिन्न कार्यक्रमहरु सम्पन्न
काठमाडौं । सिभिल बैंक लिमिटेडले आफ्नो आठौं वार्षिकोत्सवको अवसरमा विभिन्न जिल्लामा सामाजिक उत्तरदायित्व कार्यक्रमहरु सम्पन्न गरेको छ । बैंकले वीरगंज, विराटनगर, पोखरा, भैरहवा, नेपालगंज, नारायणगढ, हेटौडा, मणीग्राम, बनेपा, इटहरी, बिराटचोक, धनगढि, घोराही, दमक शाखाहरुमा रक्तदान कार्यक्रमको आयोजना गरेको थियो । त्यस्तै, धादिङ्गबेशी, मेलम्ची, आरुघाट, सिन्धुली, फिदिम, विजुवार, गाईघाट, सल्यान, रुकुम, ओखलढुंगा, घोराही, मालिङ-क्व्होलासोंथर, भुलभुले, राइनास, बाहृबीसे, लेखनाथ, बेशीशहर, गौंडा, याङवरक, माईजोगमाई, जानकी, माण्डवी, सुनवर्सी, पकाहमैनपुर, आदर्श शाखाहरुबाट सरकारी विद्यालयमा अध्ययनरत जेहेन्दार तथा आर्थिक स्थिति कमजोर भएका विद्यार्थीहरुलाई जनही ५००० रुपैयाँको छात्रवृत्ति प्रदान गरेको छ । साथै, बैंकले वार्षिकोत्सवकै दिनमा पशुपति क्षेत्रमा ३०० वटा बृक्षारोपण गरी उक्त विरुवालाई ५ वर्षसम्म मलजल र संरक्षण गरी हुर्काउने जिम्मेवारी पनि वहन गरेको थियो । साथै कमलादी शाखा, काठमाडाैंमा रक्तदान कार्यक्रमको आयोजना गरेको थियो । बैंक यसै समाजमा संचालित हुने हुँदा समाजलाई थोरै नै भएपनि सहयोग गर्न पाउँदा खुशी लागेको बैंकका निमित्त प्रमुख कार्यकारी अधिकृत सुजितकुमार शाक्यले बताए ।
काम गरेको भुक्तानी दिन बजेटको अभाव छैनः अर्थमन्त्री डा. खतिवडा
काठमाडौँ । अर्थमन्त्री डा युवराज खतिवडाले निर्माण व्यवसायीको रकम चाँडै भुक्तानी दिइने प्रतिबद्धता व्यक्त गरेका छन् । मन्त्रालयमा आज नेपाल निर्माण व्यवसायी महासङ्घको प्रतिनिधिमण्डलसँग भएको भेटमा उनले व्यवसायीलाई भुक्तान गर्नुपर्ने रकमको यकिन विवरण प्राप्त नभएकाले समस्या आएको बताए । “अब केही दिनमा सबै विवरण प्राप्त भए लगत्तै व्यवसायीको रकम भुक्तानी हुन्छ, काम गरेको भुक्तानी दिन बजेटको अभाव छैन”, मन्त्री डा खतिवडाले भने । महासङ्घ अध्यक्ष रवी सिंह नेतृत्वको प्रतिनिधिमण्डलले भुक्तानी तथा करमा ब्याज र हर्जाना छुटका विषयमा अर्थमन्त्री डा खतिवडाको ध्यानाकर्षण गराउनुहुँदै समस्या समाधानका लागि आग्रह गरेको थियो । सरकारी निकायबीच समन्वय नहुँदा निर्माण व्यवसायीको काममा पाइलै पिच्छे समस्या आएकोतर्फ पनि महासङ्घका प्रतिनिधि मण्डलले अर्थमन्त्री खतिवडाको ध्यानाकर्षण गरायो । प्रतिनिधि मण्डलले सङ्घीय, प्रदेश र स्थानीय सरकारले सञ्चालन गरेका विभिन्न सडक, भवन, पुल लगायतका परियोजनाहरु हस्तान्तरण गरेको जानकारीे गराएको छ । परियोजनाहरुको निर्माणाधीन अवस्थामा हस्तान्तरण गर्दा निर्माण व्यवसायीलाई निर्माण कार्य सञ्चालन गर्ने र निर्माण कार्य सम्पन्न भई बिल समेत पेश गरेका आयोजनाहरुको भुक्तानी नहुने वातावरण सृजना भएकातर्फ महासंघका अध्यक्ष सिंहले मन्त्री डा खतिवडाको ध्यानाकर्षण गराएका थिए । ती निर्माण कार्यको भुक्तानी हुन धेरै रकम बाँकी रहेकाले परियोजनाहरु सम्पन्न नहुन्जेल र भुक्तानी नभएसम्म केन्द्रीय स्तरबाट नै भुक्तानी हुने गरी व्यवस्थापनका लागि अध्यक्ष सिंहले आग्रह गर्नुभयो ।
ग्लोबल आइएमई बैंकको नयाँ शाखा नवलपरासीकाे गैंडाकोटमा
काठमाडौं । ग्लोबल आइएमई बैंकल नवलपरासी बर्दघाट सुस्ता–पूर्व जिल्लाको गैंडाकोटमा शाखा कार्यालयको औपचारिक समुद्घाटन गरेको छ । प्रदेश सांसद कृष्णचन्द्र नेपालीले औपचारिक समुद्घाटन गरेका छन् । शाखाको औपचारिक समुद्घाटन गर्दै सांसद नेपालीले गैंडाकोट लगायत देशका अन्य गाँउपालिकाहरुमा ग्लोबल आइएमई बैंकले बिस्तार गर्ने बताएका छन् । ग्लोबल आइएमइ बैंकका अध्यक्ष चन्द्रप्रसाद ढकालले सो क्षेत्रमा जम्मा भएको रकम सोहि क्षेत्रमा प्रयोग गर्ने बताएका छन् । कार्यक्रममा नवलपरासी बर्दघाट सुस्ता–पूर्वका प्रमुख जिल्ला अधिकारी दिपकराज नेपाल, गैंडाकोट नगरपालिकाका उपमेयर विष्णुकुमारी कँडेल, उद्योग बाणिज्य संघ चितवनका अध्यक्ष सहनलाल प्रधान,उद्योग बाणिज्य संघका अध्यक्ष अमृत भट्टचन लगायत स्थानीय जनप्रतिनिधि, बुद्घिजीवि तथा स्थानीयवासीहरुको पनि उल्लेख्य उपस्थिति रहेको थियो । १२ वर्ष अघि स्थापना भएको ग्लोबल आइएमई बैंकले सबै क्षेत्र र वर्गसम्म बैंकिङ्गसेवाको पहुँच पुर्यारउने उद्देश्यले १३३ शाखा, १४१ एटिएम, ७ एक्स टेन्सन काउण्टर, १४ वटा राजश्व संकलन काउण्टर र ११५शाखा रहित बैंकिङ्ग सेवा, विदेशमा ३ प्रतिनिधि÷सम्र्पक कार्यालय मार्फत ९ लाख ५० हजारभन्दा बढि ग्राहकहरु माझ सेवा प्रदान गर्दै आएको छ ।
