१० हजार घुस लिने हरिशचन्द्र कुमार अख्तियार फन्दामा
काठमाडौं । अख्तियार दुरुपयोग अनुसन्धान आयोगले हरिशचन्द्र कुमारलाई पक्राउ गरेको छ । सवडिभिजन बन कार्यालय भजनी कैलालीका फरेष्टर रा.प.अन.द्धितियमा कार्यरत कुमारलाई १० हजार घुससहित पक्राउ गरेको हो । कुमारले सामुदायिक बनबाट उपभोक्ताहरुलाई झिझा दाउरा उपलब्ध गराउन सहज वातावरण मिलाईदिने भन्दै घुस मागेको अख्तियारले जनाएको छ । उनीमाथी थप अनुसन्धान भैरहेको छ ।
३ वाणिज्य बैंकले सार्वजनिक गरे वित्तीय विवरण, कस्को नाफा कति ?
काठमाडौँ । वाणिज्य बैंकले चालू आर्थिक वर्षको दोस्रो त्रैमासको वित्तीय विवरण धमाधम सार्वजनिक गर्न थालेका छन् । बुधबार एनआइसी एशिया बैंकले दोस्रो त्रैमासको विवरण सार्वजनिक गरेको थियो भने आज एभरेष्ट बैंक र माछापुच्छ्रे बैंकले आफ्नो विवरण सार्वजनिक गरेको छन् । नेपाल राष्ट्र बैंकको निर्देशनअनुसार नयाँ प्रणाली अवलम्बन गरेर वित्तीय विवरण सार्वजनिक गर्न थालिएको बैंकले जनाएका छन् । आज प्रकाशित विवरणअनुसार एभरेष्ट बैंकले गत पुस मसान्तसम्म एक अर्ब ४२ करोड नाफा गरेको छ । बैंकको गत वर्षको सोही अवधिमा एक अर्ब २२ करोड नाफा गरेको थियो । गत पुस मसान्तसम्ममा बैंकले एक खर्ब २४ अर्ब निक्षेप सङकलन गरी एक खर्ब पाँच अर्ब बराबरको ऋण लगानी गरेको छ । बैंकको कर्जा निक्षेप अुनपात ७६ दशमलव २३ प्रतिशत रहेको छ । यस्तै माछापुच्छ्रे बैंकले आज प्रकाशित गरेको दोस्रो त्रैमासको वित्तीय विवरणमा ६२ प्रतिशत नाफा कमाएको उल्लेख छ । गत पुस मसान्तसम्म ७८ करोड १३ लाख बराबरको नाफा गरेको गरेको बैंकले अघिल्लो आवको सोही अवधिमा ४८ करोड ५७ लाख नाफा गरेको थियो । बैंकले ८५ अर्ब १७ करोड निक्षेप सङ्कलन गरी रु ७४ अर्ब ६५ करोड ऋण लगानी गरेको छ । बैंकको कर्जा निक्षेप अनुपात ७७ दशमलव ६४ प्रतिशत रहेको छ । यस्तै, एनआइसी एशिया बैंकले चालू आर्थिक वर्षको छ महीनामा १६४ प्रतिशत बढीले नाफा कमाएको छ । बैंकले गत पुस मसान्तसम्ममा एक अर्ब ५१ करोड नाफा गरेको छ । गत वर्षको सोही अवधिमा बैंकले ५७ करोड मात्रै नाफा गरेको थियो । बैंकले सो अवधिमा निक्षेप सङ्कलन ४६ प्रतिशतले बढाएको छ भने कर्जा लगानी ४८ प्रतिशतले बढाएको छ । बैंकले गत पुस मसान्तसम्म एक खर्ब ७५ अर्ब निक्षेप सङ्कलन गरी एक खर्ब ४९ अर्ब ऋण लगानी गरेको छ । रासस
सुडानको मन्त्रीपरिषद्ले गर्यो तलब बृद्धि, ५ सयदेखि २५ सयसम्म बढ्यो
खार्टुम । सुडानको मन्त्रीपरिषद्ले सार्वजनिक क्षेत्रमा काम गर्ने मजदुर तथा कर्मचारीहरुको तलब बिहीबार बृद्धि गरिदिएको छ । सुडान वकर्स ट्रेड युनियन फेडेरेसनले झण्डै पाँच सयदेखि २५ सयसम्म सुडानी पाउन्डको दरले तलब बढाउन यसअघि नै सहमति जनाएको थियो । यही जनवरी ३ मा राष्ट्रपति ओमर अल बशिरले कर्मचारीहरुको तलब बृद्धि गर्ने प्रतिबद्धता गरेका थिए । दैनिकी धान्नका लागि यही जनवरी देखि नै तलब बृद्धि गर्नैपर्ने अवस्था रहेको उनले स्वीकार गरेका थिए । गत जनवरी १९ देखि सुडानका विभिन्न ठाउँमा सरकार विरुद्ध आन्दोलन भइरहेका बेला सरकारले तलब बृद्धि गर्ने निर्णय गरेको हो । पाउरोटीको मुल्य बढेपछि राजधानी खार्तुमसहित मुख्य सहरहरुमा लगातार भइरहेका आन्दोलनका क्रममा भएको झडपमा परी अहिले सम्म कम्तिमा २४ जनाको मृत्यु भएको छ । आन्दोलनका कारण हजारौ घाइते भएका छन् भने जनजीवन प्रभावित भएको छ । रासस/सिन्ह्वा
ऐन संशोधनपछि कम्पनी बन्द गर्न सजिलो, ६७ करोड चुक्तापूँजी भएका २१२ वटा खारेज
काठमाडौं । कम्पनी ऐन संशोधन भएपछि २१२ कम्पनी खारेजीमा गएका छन् । ६७ करोड १५ हजार ८ सय चुक्तापूँजी भएका २१२ वटा कम्पनी बन्द भएका हुन् । कम्पनी ऐनको पहिलो संशोधनले पुराना कम्पनीलाई चुक्ता पूँजीको ०.५ प्रतिशत शुल्क बुझाएर खारेजीमा जाने सुबिधा उपलब्ध गराएपछि ती कम्पनी खारेजीमा गएका हुन् । कम्पनी ऐनको पहिलो संशोधन अनुसार २१२ वटा कम्पनी खारेजी हुँदा चुक्ता पूँजीको ०.५ प्रतिशत शुल्क बुझाएर खारेजी भएका छन् । पुराना कम्पनीलाई चुक्तापूँजीको ०.५ प्रतिशत बुझाउने प्रावधान अनुसार २१२ कम्पनीले सरकारलाई ३ लाख ३५ हजार ७ रुपैयाँ बुझाएका छन् । खारेजीमा जाने कम्पनीका सञ्चालकहरुले चुक्तापूँजीको ०.५ प्रतिशत शुल्क बुझाएर बन्द गर्न बाटो खुल्ने कम्पनी रजिष्टार कार्यालयले जनाएको छ । पुराना कम्पनी बन्द गर्न चाहनेहरुका लागि तयार पारेको आवेदन फारम, कम्पनी खारेजी सम्बन्धी साधारण सभाले गरेको निर्णयको माइन्युट, लेखा परीक्षण प्रतिवेदन, कर चुक्ताको प्रमाणपत्र र अन्य निकायबाट अनुमति लिएका भए त्यस्तो निकायबाट अनुमति लिएको प्रमाणपत्र उपलब्ध गराउनु पर्ने रजिष्टार कार्यालयले जनाएको छ । स्थानीय तहदेखी नै चरणबद्ध भएर मन्त्रालयसम्म आइपुग्नु पर्ने भएकाले पनि तत्काल २१२ कम्पनी मात्र खारेजीमा गएका हुन् ।अहिलेसम्म २१२ वटाको मात्रै खारेजीको पत्र आएको कार्यालयले जनाएको छ । कम्पनी खोल्न भन्दापनि बन्द गर्न समस्या हुँदै आएको सरोकारवालाले गुनासो गर्दै आएका थिए । अब विविध कारणले सञ्चालन हुन नसकेको उद्योग प्रतिष्ठाले स्वेच्छिक खारेजीमा जान सक्ने छन् ।
ग्लोबल आइएमई बैंक र एमआर डाएगोनस्टिकबीच सम्झौता
काठमाडौं । ग्लोबल आइएमई बैंक र एमआर. डाएगोन स्टिक एण्ड हेल्थकेयर सेन्टरबीच सेवा एवंम सुविधा सम्बन्धि सम्झौता भएको छ । एम.आर. डाएगोनस्टिक एण्ड हेल्थकेयर सेन्टरका सञ्चालन निर्देशक डा.सतेन्द्र राउत र ग्लोबल आइएमई बैंक विराटनगरको शाखा प्रबन्धक शशिशेखर शर्माले उक्त सम्झौतापत्रमा हस्ताक्षर गरेका हुन् । एम.आर. डाएगोनस्टिक एण्ड हेल्थकेयर सेन्टरले प्रदान गर्ने विभिन्न सेवा तथा सुविधाहरुमा दिइने छुट सम्बन्धी सम्झौतापत्रमा हस्ताक्षर भएको हो । बैंकले एम.आर. डाएगोनस्टिक एण्ड हेल्थकेयर सेन्टरसँग आफ्नाग्राहकलाई स्वदेशमै गुणस्तरीय उपचारमा सहुलियत दिने उदेश्यले दुईपक्षीय सम्झौता गरेको हो । उक्त सम्झौता पश्चात एमआर. डाएगोनस्टिक एण्ड हेल्थकेयर सेन्टर विराटनगरमा उपचार गराउँदा ग्लोबल आइएमई बैंकबाट डेबिट, क्रेडिट, प्रिभिलेज कार्ड लिएका बैैंकका ग्राहक तथा ग्लोबल आइएमई बैंकका कर्मचारीलाई अस्पतालले विभिन्न सेवामा १५प्रतिशत सम्म छुट पाउने छन् । ग्लोबल आइएमई बैंकको १३३शाखा, १४२ एटिएम, ७ एक्सटेन्सन काउण्टर, १५राजश्व संकलन काउण्टर, ११७ शाखा रहित बैंकिङ्ग सेवा र देश बाहिर ३ प्रतिनिधि /सम्पर्क कार्यालय मार्फत आफ्ना ९ लाख ५० हजार भन्दा बढि ग्राहकहरुमा सेवा प्रदान गर्दै आएको छ ।
यूनिलिभर लिमिटेडको स्वतन्त्र सञ्चालकमा सुभाष बज्राचार्य चयन
काठमाडौँ । यूनिलिभर लिमिटेड लिमिटेडको स्वतन्त्र सञ्चालकमा पकनाजोल काठमाडौँ निवासी सुभाष बज्राचार्यलाई चयन गरिएको छ । कम्पनी सञ्चालक समितिको बैठकले जनवरी १६ तारिकबाट लागु हुने गरी बज्राचार्यलाई स्वतन्त्र सञ्चालक चयन गरिएको कम्पनी सचिव सोनम श्रेष्ठले जनाएका छन् । यसैबीच, सातदोबाटो निवासी भरतबहादुर थापाले डिसेम्बर १२ देखि लागु हुने गरी स्वतन्त्र सञ्चालकबाट राजीनामा दिएको समेत कम्पनी सचिव श्रेष्ठले जनाएका छन् ।
उन्नतिको साधारण सभा माघ २६ गते, राष्ट्रिय स्तरमा स्तरोन्नति गर्ने विशेष प्रस्ताव
काठमाडौँ । उन्नति माइक्रोफाइनान्स वित्तीय संस्था लिमिटेडको वार्षिक साधारण सभा माघ २६ गते हुने भएको छ । वित्तीय संस्था सञ्चालक समितिको माघ ३ गते बसेको बैठकले वार्षिक साधारण सभाको मिति तय गरेको हो । साधारण सभामा सामान्य प्रस्तावका रुपमा सञ्चालक समितिको तर्फबाट अध्यक्षले प्रस्तुत गर्ने आव २०७४/०७५ को प्रतिवदेन पारित गरिने छ । त्यसैगरी लेखा परीक्षकको प्रतिवेदन सहित आव २०७४/०७५ को वासलात, नाफा नोक्सान हिसाव र नगद प्रवाह विवरण लगायत वित्तीय विवरणमा छलफल गरिन पारित गरिने कम्पनीले जनाएको छ । सञ्चालक समितिले प्रस्ताव गरे बमोजिम २०७५ असार मसान्तसम्मको चुक्ता पूँजीको २.१३ प्रतिशत कर प्रयोजनका लागि नगद लाभांश स्वीकृत गरिनेछ । साथै सञ्चालक समितिले प्रस्ताव गरे बमोजिम २०७५ असार मसान्तसम्म कायम रहेको चुक्ता पूँजीको ४०.५० प्रतिशत बोनस शेयर स्वीकृत गर्ने र सोही हदसम्म जारी पूँजी तथा चुक्ता पूँजी बृद्धि गर्ने विशेष प्रस्तावका रुपमा साधारण सभामा प्रस्तुत गरिने छ । बोनस शेयर र हकप्रद पश्चात कायम चुक्ता पूँजी ८ करोड ८२ लाख ७५ हजारको ५ः१ अनुपातमा अर्थात २० प्रतिशत हकप्रद शेयर जारी गर्ने प्रस्ताव पनि साधारण सभामा प्रस्तुत गर्ने जनाइएको छ । वित्तीय संस्थाको कार्यक्षेत्र विस्तार गरी राष्ट्रिय स्तरमा स्तरोन्नति गर्ने विशेष प्रस्ताव पनि पेश हुने कम्पनीका प्रमुख कार्यकारी अधिृकत तथा कम्पनी सचिव प्रेमबहादुर पाठकले जनाएका छन् । साथै वार्षिक साधारण सभा प्रयोजनका लागि माघ १६ गते १ दिन शेयरधनी दर्ता पुस्तिका बन्द गर्ने निर्णय भएको छ ।
माछापुच्छ्रे बैंकको एकैसाथ ३ नयाँ शाखा
काठमाडौं । माछापुच्छ्रे बैंकले छुट्टा छुट्टै ३ स्थानमा नयाँ शाखाको शुरुवात गरेको छ । काठमाडाैं स्थित कुलेश्वर शाखा कार्यालयको औपचारिक शुरुवात गरेसँगै, तनहुँस्थित भिमाद र कन्चनपुरस्थित आईबिआरडी एक्सटेन्सन काउण्टरलाई शाखामा स्त्तरोन्नती गरी सञ्चालनमा ल्याएको छ । बैंकले काठमाडाैं महानगरपालिका स्थित कुलेश्वर शाखा कार्यालयको औपचारिक सुरुवात गरेको छ । उक्त शाखाको उद्घाटन बैंकका अध्यक्ष तथा पूर्व सभासद डा. विरेन्द«प्रसाद महताले गरेका हुन् । बैंकको कुलेश्वर शाखामा २४ सै घण्टा चल्ने एटीएमको पनि व्यवस्था गरिएको छ । यस सँगै काठमाडौं उपत्यकाभित्र बैंकको शाखा सङ्ख्या १९ पुगेको छ । बैंकका सात प्रदेशमा ९३ वटा शाखाहरु र ५२ शाखा रहित बैकिङ्ग सेवासमेत गरी जम्मा १४५ स्थानवाट ग्राहकहरुमा बैंकिङ्ग सुविधा प्रदान गरिरहेको छ । हाल देशभर ११२ वटा एटीएमहरु संचालनमा रहेको छ ।
