साउदी अरबको एसएबीआइसी पेट्रोल कम्पनीको खुद नाफा १७ प्रतिशतले वृद्धि
काठमाडौं । सन् २०१८ साउदी अरबको प्रसिद्ध पेट्रोल कम्पनी (एसएबीआइसी) को समग्र मूल्यमा वृद्धि भएको छ । गत बर्षको अन्तिम त्रैमासिकमा पेट्रोलको मुल्यमा देखिएको गिरावटका कारण खूद नाफामा पनि गिरावट देखिएपनि सन् २०१८ को समग्र मूल्यमा वृद्धि भएको उक्त कम्पनीले जनाएको छ । एसएबीआइसीले सन् २०१८ को समग्र कारोबारमा कम्पनीको खुद नाफा १७ प्रतिशतले वृद्धि भएको जनाएको छ । विश्वका ठूला १० शैलरासायन कारोबार कम्पनीमध्येको एक एसएबीआइसीले सन् २०१८ को खुद नाफा पाँच अर्ब ७४ करोड अमेरिकी डलर रहेको बताएको छ । अघिल्लो बर्ष उक्त कम्पनीको खुद नाफा चार अर्ब ९१ करोड रहेको थियो । साउदी अरबमा सबैभन्दा ठूलो पेट्रोल कम्पनी एसएबीआइसीले जारी गरेको विज्ञप्तिमा गत बर्षको अन्तिम त्रैमासिकमा कम्पनीको नाफा १२.४ प्रतिशतमा झर्दा ८६ करोड ४० लाख अमेरिकी डलरको कारोबार भएको थियो । सन् २०१७ को सोही समयमा कम्पनीले ९८ करोड ७० लाख अमेरिकी डलरको कारोबार गरेको थियो । कम्पनीले खुद नाफामा कमी हुनुको कारण पेट्रोलको निम्न मूल्य कायम हुनु र कम्पनी आवद्ध संस्थाको कारोबार अभियानमा देखिएको सुस्तता जिम्मेवार भनेको छ । सन् २०१८ मा पेट्रोलको मूल्यमा क्रमिकरूपमा वृद्धि देखिएको भएपनि चौथो त्रैमासिकमा ४० प्रतिशतले घटेको थियो । रासस/एएफपी
काठमाडौँ महानगर र प्राधिकरणबीच विवाद, खारेजीका लागि सरकार समक्ष प्रस्ताव लाने तयारी
काठमाडौँ । । काठमाडौँ महानगरपालिकाले उपत्यका विकास प्राधिकरण खारेजीको माग गर्दै अब यसको लागि सरकार समक्ष प्रस्ताव लाने भएको छ । आज सोमवार महानगरपालिकाद्वारा आयोजित पत्रकार भेटघाट कार्यक्रममा बोल्दै प्रवक्ता इश्वरमान डंगोलले उक्त कुरा बताएका हुन् । उपत्यका विकास प्राधिकरणका प्रमुख आयुक्त डा. भाइकाजी तिवारीले गत हप्ता महानगरपालिकालाई एक पत्र पठाई महानगरले हालै पारित गरेको भवन निर्माणसम्बन्धी नयाँ मापदण्ड प्राधिकरणले निर्धारण गरेको मापदण्ड भन्दा फरक भएकोले त्यसलाई सच्याउनुपर्ने र अन्यथा महानगरलाई कारवाही गर्नुपर्ने राय व्यक्त गरेका थिए । पत्रकार सम्मेलनमा प्रवक्ता डंगोलले देशमा संघीय व्यवस्था लागू भइसकेपछि र सिंहदरवारको अधिकार घर घरमा पु¥याउने अवधारणा आइसके पछि स्थानीय क्षेत्रको विकास स्थानीय सरकारले नै गर्ने भएकोले अब उपत्यका प्राधिकरण जस्तो संस्थाको आवश्यकता नभएको बताए । उनले भने, ‘अब स्थानीय जनताको काम स्थानीय सरकारले गर्छ, प्राधिकरणले होइन ।’ स्थानीय सरकारलाई कारवाही गर्छु भन्ने अधिकार प्राधिकरणसँग नभएको दाबी पनि उनले गरे । हाल प्राधिकरणले मापदण्ड विपरित बनाएका ५०-६० घरलाई कारवाही गरेको सन्दर्भमा प्रवक्ता डंगोलले प्रतिप्रश्न गरे, ‘अहिले महानगरभित्र बनाइएका ८० प्रतिशत घर मापदण्ड विपरित छन् । प्राधिकरणले यो जम्मैलाई कारवाही नगरी किन ५०–६० घरलाई मात्रै छुने काम ग¥यो ? महानगरमा भएको यो अव्यवस्थाको जिम्मा प्राधिकरणले लिन्छ कि लिँदैन ? हामीले त प्राधिकरणले अहिलेसम्म गरेको यो भद्रगोललाई सच्याउन मापदण्ड संशोधन गरेका हौँ ।’ महानगरपालिकाले बनाएको मापण्डमा कहीं समस्या आएको छ भने त्यो देखाउनपनि उनले आग्रह गरे । स्थानीय जनताका समस्याहरू फुकाउन मापदण्ड संशोधन गरिएको बताउँदै उनले यसको लागि विज्ञहरूको राय सल्लाह लिएको र नयाँ मापदण्ड अनुरुप नभएका घरलाई उचाई थप्न अनुमति नदिइने जानकारी पनि दिए । विवादास्पद रानीपोखरी पुनर्निर्माण कार्य अब काष्ठमण्डप मोडेलमा गर्ने बारे छलफल चलिरहेको पनि उनले बताए । काठमाडौंको पुरानो बसपार्कमा निर्माणाधीन भ्यू टावरका ठेकेदारले पाँच वर्षभित्र पूर्वाधार तयार गर्नुपर्ने सम्झौता भए पनि आजसम्म उक्त कार्य पूरा नगरेकोले त्यसबारे अब अर्को निर्णय हुनसक्ने जानकारी उनले दिए । महानगरका सार्वजनिक जग्गाहरू संरक्षण गर्न हाल सबै वडाहरूले आफू मातहत रहेका सार्वजनिक जग्गाहरूको लगत संकलन गर्न थालेको र यो कार्य सकेपछि महानगरपालिकाले संरक्षणको कार्यक्रम अघि बढाउने जानकारी दिए । त्यसैगरी उनले सबै वडा कार्यालयको आफ्नै भवन बनाउने उद्देश्यले यो आर्थिक वर्ष २५ करोड बजेट छुट्याइएको भन्दै वडा नं. ६ र ७ का भवन निर्माणाधीन अवस्थामा रहेको जानकारी दिए । ‘२६ र १८ को हालै शिलान्यास भएको छ, वडा नं. ४, ८, ९ र १४ को कार्यालय भवन खरिद प्रक्रियामा पुगेको छ,’ उनले भने, ‘काठमाडौं महानगरपालिका भित्रका सडकहरुको मर्मत सम्भारको लागि यस आ.व.मा १० करोड विनियोजन गरिएकोमा सो कार्य टेण्डर प्रक्रियामा गइसकेको छ । रानीपोखरी पुनःनिर्माणको लागि १७ करोड छुट्याइएको छ भने रानीवारी विकासको लागि ३ करोड छुट्याइएको छ । नारायणगोपाल स्मृतिभवन तथा पार्क निर्माण, बालाजु पार्कको मास्टर प्लान सहरी योजना आयोगबाट भइरहेको छ ।’ उनले विभिन्न स्थानमा आकासे पुल निर्माणको लागि १२ करोड बजेट छुट्याइएको पनि जानकारी दिए । ‘यसमा दुई वटा आकासे पुलको डिजाइन तयार भई कार्यान्वयनको लागि गइसकेको छ । ‘मेयर उज्यालो कार्यक्रम’ अन्तर्गत सबै वडाहरूमा बत्ती जडान गरिने भएको छ । यसको लागि सबै वडाबाट ८५०० थान सडक बत्तीको माग भएकोमा ६५० थान जडान भइसकेको छ । कमलपोखरी मर्मत सुधार तथा नागपोखरी सौन्दर्यकरणको काम तत्कालै शुरु हुने भएकोछ । यसको लागि १ करोड बजेट विनियोजित गरिएकोछ । खुल्लातारहरूको व्यवस्थापन गरी शहरी सौन्दर्यकरण गरिने भएकोछ । हालविभिन्न वडाहरूमा यो कार्य शुरु भइसकेको छ । ’ उनले विभागले हाल नक्सापासको जानकारी घरधनीलाई एसएमएसबाट दिन शुरु गरेको पनि जानकारी दिनुभयो । महानगरका विभिन्न स्थानमा ६० वटा स्मार्ट सोलार डस्टबिन जडान गरिएको, फोहोर मैलाको दीर्घकालीन समाधानको लागि बञ्चरे डाँडामा व्यवस्थापन गर्ने सहमति भएको, सिसडोलदेखि बञ्चरेडाँडासम्म पुग्ने १.९ किलोमिटर बाटो र बञ्चरेडाँडामा पूर्वाधार निर्माणको कार्य शहरी विकास मन्त्रालयले गर्ने भएको पनि जानकारी दिए । उनले सहकारी विभागमा परेका ६० वटा मुद्दाहरूको व्यवस्थापन गरिएको र त्यसमध्ये ३५ वटा मुद्दाहरूको फछ्र्यौट गरिएको पनि जानकारी दिए । तारादेवी फाउन्डेशन अक्षयकोषको लागि१० लाख प्रदान गरिएको, सिद्धिचरण प्रतिष्ठानको लागि ५ लाख प्रदान गरिएको पनि जानकारी दिए । काठमाडौँ महानगरले ६ महिनामा गर्यो ५७ काम
बोनस सेयरपछि लक्ष्मी बैंकको सेयर मूल्य समायोजन
काठमाडौं । लक्ष्मी बैंक लिमिटेडको सोमबार सेयर मूल्य समायोजन भइको छ । बैंकको ८.५० प्रतिशत बोनस पछिको सेयरको मूल्य समायोजन भएको हो । समायोजन पश्चात बैंकको सेयर मूल्य प्रतिकित्ता २०२.७६ रुपैयाँ रहेको छ । जसको आधार मूल्य प्रतिकित्ता २७९.३८ रुपैयाँ रहेको थियो ।
घलेम्दी हाईड्रोको शेयर व्यवस्थापनमा भिबोर क्यापिटल
काठमाडौं । घलेम्दी हाइड्रो लिमिटेडको शेयर व्यवस्थापनमा भिबोर क्यापिटल लिमिटेड नियुक्त भएको छ । घलेम्दी हाइड्रो लिमिटेडका तर्फबाट संचालक नारायणबाबु अधिकारी र भिबोर क्यापिटलको तर्फबाट प्रमुख कार्यकारी अधिकृत सौरभ तिमिल्सिनाले उक्त सम्बन्धी सम्झौतापत्रमा हस्ताक्षर गरेका हुन । घलेम्दी हाइड्रोले हालसालै १५ लाख ३३ हजार ७७० कित्ता सर्वसाधारण शेयर आइपिओ निश्कासन गरी माघ १ गते बाँडफाँड गरेको थियो । सम्झौतासंगै उक्त कम्पनीको साधारण शेयर सुचिकरण भएपश्चात धितोपत्र केन्द्रीय निक्षप सेवा नियमावली, २०६७ को नियम २४(७) बमोजीम शेयर सोझै हितग्राही खातामा जम्मा हुने कम्पनीले बताएको छ ।
मिसेज व्यूटिफूल २०१९ को उपाधि सम्पदा अमगाई र स्मृती पोख्रेललाई
काठमाडौं । सम्पदा अमगाई र स्मृती पोख्रेलले मिस एण्ड मिसेज व्यूटिफूलको उपाधि चुमेका छन् । दक्ष ईन्टरनेशनलको आयोजनामा आयोजित मिस एण्ड मिसेज व्यूटिफूल २०१९ को ताज मिसतर्फ चितवनकी सम्पदा अमगाई र मिसेजतर्फ काठमाडौंकी स्मृती पोख्रेलले पहिरेका हुन् । राष्ट्रिय नाचघरमा भएको अन्तिम प्रतिस्पर्धामा उत्कृष्ट १५ जना प्रतियोगीलाई पछि पार्दै सम्पदाले मिस तर्फको ताजसँगै ‘मस्ट टैलेन्ट र बेष्ट फोटोजेनीकको टाईटल’समेत प्राप्त गरिन । प्रतियोगितामा मिसतर्फ मनिषा पाण्डे फष्ट रनरअप, रुची पाण्डे सेकेन्ड रनरअप र कुशुम श्रेष्ठ थर्ड रनरअप हुन सफल भए भने मस्ट पपुलर, फेसबुक च्वाईस, भियुर्स च्वाईस तथा बेष्ट एक्टिङको उपाधि गीता शर्माले हात पारिन । त्यसै गरी मिसेस तर्फको फस्ट रनरअपमा ज्योती पोख्रेल सेकेण्ड रनरअपमा ओविका बेल्वासे भईन भने बसुन्धारा बस्नेतले थर्ड रनरअप, मस्ट पपुलर तथा बेष्ट स्किनको टाईटल हात पार्न सफल भईन । प्रतियोगिताको निर्णायक मण्डलमा वरिष्ठ नायक सरोज खनाल, वरिष्ठ गायक आनन्द कार्की, नायक रमेश उफ्रेती, म्युजिक कम्पोजर एवम् नेपालकी पहिलो महिला सङ्गीतकार रेखा पौडेल, डा.सुशिला मल्ल, कलाकार सरिता गिरी तथा हेमाङ्गराज गिरी रहेका थिए । आश्विनी झाको कोरियोग्राफी रहेको प्रतियोगिताको कार्यक्रम सञ्चालन समेत गरेका थिए । कार्यक्रममा आफ्नो क्षेत्रमा विशेष योगदान दिने वरिष्ठ व्यक्तित्वहरु चर्चित कलाकार शिवहरि पौडेल, सञ्चारकर्मी किरण अधिकारी, कलाकार एलिना बास्कोटा, व्यवसायी रुपक शर्मा पोख्रेललाई दक्ष ईन्टरनेशनल अवार्ड २०१९ बाट सम्मानित गरिएको थियो । कार्यक्रमका प्रमुख अतिथी काठमाडौ महानगरपालिकाका उप मेयर हरिप्रभा खड्गी र विशेष अतिथी बरिष्ठ कलाकार किरण केसी ‘रातामकै’ तथा दक्ष ईन्टरनेशनलका अध्यक्ष टेक राज पाण्डेले सम्मानित व्यक्तित्वहरुलाई सम्मान अर्पण गरेका थिए ।
मेलम्चीको ठेक्का माघ २० गते रद्द हुने, सिएमसीको २ अर्ब जफत
काठमाडौँ । इटालियन निर्माण कम्पनी सिएमसीसंगको मेलम्ची खानेपानी आयोजना निर्माणको ठेक्का माघ २० गते रद्द हुने भएको छ । ठेक्का रद्द भएसँगै निर्माण कम्पनी सिएमसीको २ अर्ब २१ करोड रुपैयाँ जफत हुने भएको छ । प्रतिनिधि सभा विकास तथा प्रविधि समितिले सोमबार आयोजना गरेको छलफल कार्यक्रममा मेलम्ची खानेपानी आयोजना प्रमुख सूर्य कँडेलले सो कुरा बताएका हुन् । समितिको छलफलमा उनले भने-माघ २० गते सिएमसीसँग ठेक्का तोडेको पत्र लेख्छौं । ठेक्का तोडेपछि माघ २० बाट अर्को प्रक्रिया आरम्भ हुने हुन्छ । मेलम्चीमा अहिले काम गरिरहेका सहायक ठेकेदारबाट नै बाँकी काम गराउने आयोजना प्रमुख कँडेलले बताए । नयाँ ठेक्का लगाउने अवस्था छैन, त्यसो गरियो भने निर्माण सम्पन्न हुन २ वर्ष लाग्छ – उनले बताए ।
यातायात व्यवस्था ऐन परिमार्जन हुँदै, ३ सय इलेक्ट्रिक बस किन्न प्रक्रिया अघि बढ्यो
काठमाडौं । यातायात व्यवस्था विभागले यातायात व्यवस्था सम्बन्धी ऐन परिमार्जन गर्ने भएको छ । प्रदेश कार्यालयलाई अधिकार दिदै विभागले ऐन परिमार्जन गर्ने तयारी गरेको हो । हाल विभागमा १३ वटा ऐन नियम र निर्देशिका लागू भैरहेको छ । जसअनुसार यातायात व्यवस्थापन लागि कार्यविधि निर्देशिका २०६० संशोधित २०७४ लागू रहेको छ । ऐन, नियम र निर्देशिका परिमार्जनका लागि विभागले गृहकार्य गरिरहेको छ । लाइसेन्स नविकरण अवधि १० वर्ष बनाउने, सवारी चालक अनुमति पत्रमा भाग लिने उमेर बढाउने, जरिवाना रकम बढाउने लगायत समावेश गर्न विभागले तयारी गरिरहको छ । विदेश जाने व्यक्तिलाई लाइसेन्स अवधि ५ वर्ष हुँदा समस्या पर्ने गरेको विभागको बुझाई छ । यसैगरी, ट्राफिक नियम पालना नगर्ने माथि जरिवाना रकम बढाउने तयारी पनि भैरहेको छ । ऐनमा लाइसेन्स परीक्षामा सहभागि हुन पाउने उमेर हद पनि बढाउन लागिएको विभागका प्रवक्ता गोकर्णप्रसाद उपाध्यायले बताए । उनका अनुसार ऐन परिमार्जनको लागि विभागले कार्यविधि बनाएर भौतिक पूर्वाधार तथा यातायात मन्त्रालयलाई बुझाउनेछ । मन्त्रालयले थप अध्ययन गरी मन्त्रिपरिषदमा पेस गर्नेछ । लाइसेन्स छपाई सुस्त गतिमा विभागले स्मार्ट लाइसेन्स छपाईमा प्रगति गर्न सकेको छैन । करिब ६ लाख लाइसेन्स ४५ दिनमै छाप्ने गरी मन्त्रिपरिषदको निर्णयबाटै निजी क्षेत्रलाई दिएपनि उल्लेख्य प्रगति हुन सकेन । छपाइको जिम्मा पाएको मालिका इन्कार्पोरेटले ३ लाख ५० हजार मात्रै लाइसेन्स छाप्न सकेको विभागले जानकारी दिएको छ । अझै ४ लाख कार्ड छपाई गर्न बाँकी रहेको छ । कार्ड छपाई गर्नको लागि अब प्रदेश कार्यालयले अधिकार पाइसकेको छ । विभागका अनुसार प्रदेशले लाइसेन्स परीक्षा लिएर आफैं कार्ड वितरण गर्न सक्नेछ । यातायात प्राधिकरण गठन गर्न मन्त्रालय छलफलमा यातायात व्यवस्थापन गर्न मन्त्रालयले प्राधिकरण गठनको तयारीलाई तीब्र बनाएको छ । मन्त्रालयका प्रवक्ता शिवहरी सापकोटाका अनुसार प्राधिकरण गठनको लागि निजी क्षेत्र र विज्ञहरुसँग छलफल भैरेको छ । मन्त्रिपरिषदको निर्णयबाटै प्राधिकरण गठनको बाटो खुलेको हो । प्राधिकरणमा निजी क्षेत्रलाई समेत समेट्ने सरकारको तयारी छ । इलेक्ट्रिक सवारीलाई प्रोत्साहन गर्नका लागि प्राधिकरणले ३ सय इलेक्ट्रिक सवारी किन्नेछ । इलेक्ट्रिक बस खरिद गर्नका लागि मन्त्रालयले अध्ययन गरिरहको छ । कति क्षमताको कस्तो बस कुन देशबाट किन्ने भन्ने विषयमा छलफल भैरहेको प्रवक्ता सापकोटाले बताए ।
काठमाडौँ महानगरले ६ महिनामा गर्यो ५७ काम
काठमाडौं महनगरका प्रवक्ता एवम् वडा १५ का अध्यक्ष ईश्वरमान डंगालका अनुसार महानगरबाट ६ महिना भित्र भएका मुख्य काम: ०१) सबै वडा कार्यालयको आफ्नै भवन बनाउने उद्देश्य अनुरुप यो वर्ष २५ करोड बजेट छुट््याइएको छ । यसमा वडा नं. ६ र ७ निर्माणाधीन अवस्थामा छन् भने २६ र १८ को हालै शिलान्यास भएको छ । वडा नं. ४, ८, ९ र १४ को कार्यालय भवन खरिद प्रक्रियामा पुगेको छ । ०२) काठमाडौं महानगरपालिका भित्रका सडकहरुको मर्मत सम्भारको लागि यस आ.व. मा १० करोड रुपैयाँ विनियोजन गरिएकोमा सो कार्य टेण्डर प्रक्रियामा गइसकेको छ । ०३) रानीपोखरी पुनःनिर्माणको लागि १७ करोड छुट््याइएको छ भने रानीवारी विकासको लागि ३ करोड छुट््याइएको छ । ०४) नारायणगोपाल स्मृति भवन तथा पार्क निर्माण, बालाजु पार्कको मास्टर प्लान सहरी योजना आयोगबाट भइरहेको छ । ०५) विभिन्न स्थानमा आकासे पुल निर्माणको लागि १२ करोड रुपैयाँ छुट््याइएको छ । यसमा दुई वटा आकासे पुलको डिजाइन तयार भई कार्यान्वयनको लागि गइसकेको छ । ०६) ‘मेयर उज्यालो कार्यक्रम’ अन्तर्गत सबै वडाहरूमा बत्ती जडान गरिने भएको छ । यसकालागि सबै वडाबाट ८,५०० थान सडक बत्तीको माग भएकोमा ६५० थान जडान भइसकेको छ । ०७) कमलपोखरी मर्मत सुधार तथा नागपोखरीको सौन्दर्यीकरणको काम तत्कालै शुरु हुने भएको छ । यसका लागि १ करोड बजेट बिनियोजित गरिएको छ । ०८) खुल्ला तारहरूको व्यवस्थापन गरी सहरी सौन्दर्यकरण गरिने भएको छ । अहिले विभिन्न वडाहरूमा यो कार्य शुरु भइसकेको छ । ०९) विभागले हाल नक्सापासको जानकारी घरधनीलाई एसएमएसबाट दिन शुरु गरेको छ । हाल विभागले इलेक्ट्रोनिक बिल्डिङ् परमिट सिस्टम (इबिपिएस) माध्यमबाट नक्सापास गर्ने प्रक्रिया लागू गरेको छ । १०) आर्थिक वर्ष २०७३/०७४ मा २,५४२ वटा नक्सापास भएकोमा तीमध्ये ९७५ लाई निर्माण सम्पन्न प्रमाणपत्र दिइ सकिएको छ । त्यस्तै आ.व. ०७४/०७५ मा २,७१८ वटा नक्सापास भएकोमा १,१३२ लाई निर्माण सम्पन्न प्रमाणपत्र दिइएको छ । ११) काठमाडौंको चक्रपथमा मोनोरेल सञ्चालन गर्न चीनको सीआरसीसी २५ औं ब्युरोसँग डिपिआरका लागि सम्झौता भएको छ । १२) महानगरका विभिन्न स्थानमा ६० वटा स्मार्ट सोलार डस्टबिन जडान गरि सकिएको छ । १३) वडा नं. २२ को धर्मपथस्थित कामपाको स्वामित्वमा रहेको जमिनमा पार्किङ बिल्डिङ बनाउन ईओआई सूचना जारी भएकोमा विभिन्न प्रस्ताव प्राप्त भइसकेको छ । प्रस्तावको अध्ययन भइरहेको छ । १४) नयाँ सडक र दरवारमार्गमा स्मार्ट पार्किङ राखिने भएको छ । १५) बिभिन्न स्थानमा सार्वजनिक शौचालय बनाउन मस्यौदा तयार भइसकेको छ । १६) आकाशे पुलको स्तरोन्नतिको डिजाइन तयार भइसकेको छ । १७) फोहोर मैलाको दीर्घकालीन समाधानका लागि बञ्चरे डाँडामा व्यवस्थापन गर्ने सहमति भएको छ । सिसडोलदेखि बञ्चरेडाँडासम्म पुग्ने १.९ किलोमिटर सडक र बञ्चरेडाँडामा पूर्वाधार निर्माणको कार्य सहरी बिकास मन्त्रालयले गर्ने भएको छ । १८) सडकमा रहेका ढलको सरसफाई कार्यलाई अघि बढाएको छ । १९) घर बनाउँदा बाहिर राखिएका निर्माण सामाग्री घरधनी आफैलाई सफा गराउने काम गरिएको छ । २०) सडक सफा गर्न सडक विभागको ब्रुमर प्रयोग गरिएको छ । निकट भविष्यमै इटालीबाट महानगरपालिकाका आफ्नै पाँच वटा ब्रुमर आउँदैछन् । २१) टुँडिखेल वरिपरिको जाम हटाउन पिक एण्ड ड्रप प्रणाली लागू गरिएको छ । केही गुनासो आए पनि नतिजा राम्रो देखिएको छ । कोटेश्वरको जाम हटाउन पनि स्थलगत अध्ययन शुरु भएको छ । २२) धेरै मठ मन्दिर भएका भित्री ११ वटा वडामा विशेष व्यवस्था गरी फुटपाथ पसल हटाउने, बाटोमा इँटा छाप्ने जस्ता कामहरू भइरहेका छन् । २३) श्री अशोक विनायक द्यःछेँ (देवघर) पुनर्निर्माण कार्य सम्पन्न भएको छ । २४) चालु तथा स्वीकृत भएका ३७ वटा योजनाहरूमध्ये कुनै सम्पन्न भइसकेका छन् भने कुनै जारी रहेको अवस्था छन् । यी योजनाहरूमा मन्दिर, पाटी आदिको जीर्णोद्धार, बाटो, चोकमा इँटा छाप्ने, सौर्य बत्ती जडान गर्ने जस्ता कार्यहरू छन् । २५) हाल ७३ वटा नयाँ योजनाहरू शुरु गरिएका छन् । तीमध्ये केही सम्पन्न भइसकेका छन् भने अधिकांश चालु अवस्थामा रहेका छन् । नयाँ योजनामा कुमारी घर जीर्णोद्धार, शिवपार्वती मन्दिर जीर्णोद्धार, इन्द्रजात्रा र सेतो मछिन्द्रनाथको रथ तान्ने क्षेत्रमा बाटो मर्मत एवं मठ मन्दिरहरूमा झल्लर राख्ने कार्य, बहाल तथा चोकहरूको सौन्दर्यीकरण एवं इँटा छाप्ने कार्य, स्मार्ट ट्वाइलेट र प्रहरी बिट निर्माण आदि काम छन् । २६) ऐतिहासिक सम्पदा काष्ठमण्डप पुनर्निर्माणको लागि गठन गरिएको “काष्ठमण्डप पुनर्निर्माण समिति” मार्फत २०७५ कार्तिक २२ गतेदेखि पुनर्निर्माण कार्य आरम्भ गरिएको छ । हाल यसको काठ र भुइँ तल्लामा काम भइरहेको छ । आगामी असार मसान्तसम्म पहिलो तल्ला सम्पन्न गर्ने समितिको योजना छ । २७) वडाहरूमा विपद् व्यवस्थापन समितिहरू गठन भएका छन् । २८) उपत्यका भित्रका अतिआवश्यक (इमर्जेन्सी) सम्पर्क नम्बरहरूको पुस्तिका (डाइरेक्टरी) प्रकाशन गरी वितरण गरिएको छ । २९) कामपा क्षेत्रभित्र रहेका खुल्ला क्षेत्रहरूको विवरण प्रत्येक वडा कार्यालयबाट तयार गर्न लगाएको छ । ३०) विभागका कर्मचारीलाई ‘अर्लि वार्निङ सिस्टम’ को तालिम लिन लगाइएको छ । ३१) कामपाभित्र रहेका पेट्रोल पम्प र ग्याँस डिपोहरूको अवस्थाबारे सर्वेक्षण कार्य भइरहेको छ । ३२) आ.व. २०७५/०७६ को श्रावणदेखि पौष मसान्तसम्ममा दर्ता तथा नविकरण भएका संघसंस्थाहरुको संख्या २,४९७ रहकेो छ । ३३) अनुगमन गरी नविकरणका लागि सिफारिस गरिएका बालगृहहरूको संख्या २२ वटा रहेको छ भने बौद्ध भिक्षु बाल गृहहरूको संख्या ४ वटा छ । त्यस्तै ५ वटा मन्टेश्वरी, ३ वटा शिशु स्याहार केन्द्र, २ वटा पूर्व प्राथमिक विद्यालय र ६ वटा अल्पकालीन सेवा केन्द्र पनि नविकरणको लागि सिफारिस भएका छन् । ३४) विभिन्न वडा कार्यालयहरूमा सीसीटीभी जडान भइरहेको छ । ३५) कर्मचारीलाई विषयगत तालिम दिने क्रममा इलेक्ट्रोनिक्स गभर्मेन्ट प्रोक्योरमेन्ट सिस्टम, लेखा परीक्षण तथा बेरुजु, आर्थिक प्रशासन सम्बन्धी तालिम प्रदान गरिएको छ । ३६) वडा नं ९, १५, २३, २९ र ३१ मा सर्वजनिक सुनुवाई कार्यक्रम सम्पन्न भइसकेको छ भने बाँकी वडाहरूमा क्रमशः गरिने छ । ३७) वडा कार्यायलहरू मार्फत सार्वजनिक सम्पत्ति संरक्षणको पहल भइरहेको छ । ३८) स्नातकतह उत्तीर्ण सिभिल इञ्जिनियर तथा आर्किटेक्टहरूलाई सहरी विकास सम्बन्धी ६ महिने तालिम दिने ‘करियर क्याम्प’ को पहिलो ब्याच समापन गरी दोश्रो व्याच आरम्भ गरिएको छ । ३९) काठमाडौंको वर्तमान सहरी समस्याहरूको पहिचान गरी त्यसलाई निराकरण गर्ने नौला तथा स्मार्ट प्रविधि सम्बन्धी अवधारणाको प्रतिस्पर्धा गर्न ‘स्मार्ट टेक्नोलोजी कम्पिटिसन’ आयोजना गरिएको छ । यसमा धेरै समूह र व्यक्तिले उत्साहपूर्वक आफ्ना प्रस्तावहरू दर्ता गरेका छन् । ४०) काठमाडौं विभिन्न स्थानमा बनाउन लागिएका पार्क एवं पोखरीहरू जस्तो कि लगन टोलको शिलखाना, डिल्लीबजारको क्रियापुत्री भवन, महाराजगञ्जको शंखपार्क आदिको डिजाइनको काम भइरहेको छ । ४१) वडा नं. १ स्थित कमलपोखरी पुनर्निर्माण र सौन्दर्यकरण कार्य लागि टेण्डर प्रक्रियामा गइसकेको छ । ४२) स्मार्ट शौचालय निर्माणको लागि उपप्रमुखको अध्यक्षतामा अधिकार सम्पन्न कार्यदल गठन गरिएको छ । ४३) मनोहरा जग्गा एकीकरण अन्तर्गत नदीको दायाँ बायाँ पर्खाल लगाउने काम भइरहेको छ । ४४) सहरी सौन्दर्यीकरण र सुविधा वितरणमा अवरोध गु¥याउने ६१ वटा ग्यारेजलाई हट्न निर्देशन दिइसकेको छ । ४५) शिक्षा विभागले महानगरभित्रका ६४० वटा बोर्डिङ स्कूल र ९१ वटा सरकारी स्कूलको अनुगमन गरिरहेको छ । ४६) महानगरभित्रका श्रष्टालाई सम्मान गर्ने तयारी भइरहेको छ । ४७) शिक्षा सम्बन्धी कार्य गर्ने ट््युसन सेन्टरलाई दर्ता प्रक्रियामा ल्याउने तयारी भइरहेको छ । ४८) शिक्षकहरूलाई माघदेखि नै बैंकिंग प्रणाली भित्र ल्याउने प्रक्रिया शुरु भइसकेको छ । ४९) गएको ६ महिनामा सडक पेटी अतिक्रमण गर्ने ६७२ जना, अव्यस्थित पार्किङ् गरिएका ४,७५६ वटा मोटरसाइकल, ९९ वटा छाडा चौपाया, ३९ वटा अनधिकृत बिज्ञापन र बिज्ञापनदातासहित जथाभावी फोहोर फाल्नेलाई पक्राउ गरी जरिवाना गरिएको छ । ५०) वडा नं. २२, २३, २४ र २५ मा फुटपाथ पसल हटाउन विशेष अभियान सञ्चालन गरिएको छ । ५१) विभिन्न स्थानमा पसलकवल अगाडि निकालिएका टपहरू काट्ने कार्य गरिएको छ । ५२) आकाशे पुल र जेब्रा क्रसबाट मात्र बाटो काट्न सचेतना अभियान सञ्चालन गरिएको छ । ५३) काठमाडौं महानगरपालिकामा रहेका १,८५६ वटा सहकारी संस्थाहरुको फाइललाई कम्प्युटरकृत अभिलेखीकरण गरिएको छ । अब फाइलहरु अनलाइनबाटै हेर्न सकिने भएको छ । ५४) सहरकारीको अनलाइन प्रणाली पूर्णरुपमा कार्यान्वयन गर्नको लागि युजर नेम र पासवर्ड उपलब्ध गराएको छ । अब सहकारी संस्थाहरुले आफ्नै कार्यालयबाट कागजपत्र हेर्न भर्नु पर्ने विवरण भर्न सक्नेछन् । ५५) सहकारी विभागमा परेका ६० वटा मुद्दाहरूको व्यवस्थापन गरिएको छ । त्यसमध्ये ३५ वटा मुद्दाहरूको फछ््र्यौट गरिएको छ । ५६) तारादेवी फाउन्डेशन अक्षय कोषका लागि रु. १० लाख रुपैयाँ प्रदान गरिएको छ । ५७) सिद्धिचरण प्रतिष्ठानको लागि रु. ५ लाख रुपैयाँ प्रदान गरिएको छ ।
