महाकाली वाइनले ब्याइज युनियनलाई गर्यो प्रायोजन, १० लाखको चेक हस्तान्तरण
काठमाडौं । श्री महाकाली वाईन प्रालिले ब्वाइज युनियन क्लबलाई १ वर्षको लागि प्रायोजन गर्ने भएको छ । सोमबार एक समारोहकाबीच प्रायोजन सम्बन्धी सम्झौता भएको हो । सम्झौतामा कम्पनीको तर्फबाट प्रबन्ध निर्देशक सन्तोष खड्का र क्लबको तर्फबाट अध्यक्ष निरजबहादुर राउतले हस्ताक्षर गरेका हुन् । अखिल नेपाल फुटबल संघका अध्यक्ष कर्माछिरिङ्ग शेर्पाको प्रमुख आतिथ्यमा आयोजित कार्यक्रममा संझौता पत्रमा हस्ताक्षर भएको हो । सो अवसरमा कम्पनीले उपलब्ध गराएको १० लाखको चेक प्रमुख अतिथि शेपाले क्लबलाई हस्तान्तरण गरे । साथै सम्झौता अवधिभर क्लवको नाम ‘डिभाइन् ब्वाइज यूनियन क्लब को नामाकरण भएको घोषणा गरिएको छ ।
महासंघका उपाध्यक्ष ढकाल भन्छन्-‘पर्यटन सुदूरपश्चिम समृद्घिको आधार’
काठमाडौँ । आइएमई ग्रुपका अध्यक्ष एवम् नेपाल उद्योग बाणिज्य महासंघका उपाध्यक्ष चन्द्रप्रसाद ढकालले पर्यटन नै सुदूरपश्चिम समृद्विको आधार भएको बताएका छन् । कैलाली उद्योग वाणिज्य संघले आयोजना गरेको सुदुरपश्चिम महोत्सवलाई सोमबार धनगढीमा सम्बोधन गर्दै अध्यक्ष ढकालले उक्त कुरा उल्लेख बताएका हुन् । कार्यक्रमलाई सम्बोधन गर्दै अध्यक्ष ढकालले स्थानीय स्तरमा आयोजना गर्ने यस्ता मेला महोत्सवले स्थानीय उत्पादनलाई चिनाउन महत्वपूर्ण भूमिका खेल्ने उल्लेख गर्दै सुदूरपश्चिमका विद्यमान सम्भावनालाई अधिकतम उपयोग गर्न नेपालको निजी क्षेत्र तीनै तहका सरकारसँग सहकार्य गर्न तयार रहेको कुरा दोहोर्याए । सुदूरपश्चिम क्षेत्र दक्षिणी छिमेकी मित्र राष्ट्रभारतको सिमानासँग धेरै नजिक रहेकाले यहाँ उत्पादन हुने बस्तुहरुलाई अन्तर्राष्ट्रिय बजारसम्म निर्यात गर्न समेत तुलनात्मकरुपमा सहज रहेको कुरा उल्लेख गरे । प्रदेशनम्बर ७ (सुदूरपश्चिमप्रदेश) का मुख्यमन्त्री त्रिलोचन भट्टको प्रमुख आथित्यमा सम्पन्न उद्घाटन सत्रलाई प्रदेशका मन्त्रीहरू, स्थानीय जनप्रतिनिधिहरु लगायत राजनितिक दलका प्रतिनिधि तथा स्थानीय उद्योगी व्यवसायीहरुले सम्बोधन गरेका थिए ।
बैंक अफ काठमाडौँबाट अजोड इन्स्योरेन्सका सेवा लिन सकिने
काठमाडौँ । अजोड इन्स्योरेन्स लि.र बैंक अफ काठमाण्डौं लिमिटेडबीच बीमा सेवा प्रदान गर्ने सम्झौता भएको छ । सम्झौता पत्रमा अजोड इन्स्योरेन्स लिका तर्फवाट सहायक महाप्रबन्धक अनिल अर्याल तथा बैंक अफ काठमाण्डौं लिका तर्फबाट रिसर्च प्रडक्ट डेभलप्मेण्ट तथा बजार बिभाग प्रमुख रितेश लामिछानेले हस्ताक्षर गरे । सम्झौता बमोजिम बैंकका ग्राहकहरूले अजोड इन्स्योरेन्स लि.ले प्रदान गर्ने निर्जीवन बीमा सम्वन्धी सम्पूर्ण सेवा सुविधा बैंकका सबै शाखाबाट लिन सकिने अजोड इन्स्योरेन्स लिमिटेडले जनाएको छ ।
कक्षा ११ ग्रेडवृद्धि परीक्षाको नतिजा प्रकाशित, कसरी हेर्ने ?
काठमाडौं। राष्ट्रिय परीक्षा बोर्डले कक्षा ११ को ग्रेडवृद्धि परीक्षाको नतिजा प्रकाशित गरेको छ। परिक्षामा १,४१,८२५ सहभागी भएका मध्य १,३१,१८८ विद्यार्थी उतिर्ण भएका छन्। विभिन्न बिषयमा सी वा सो भन्दा कम ग्रेड ल्याउने विद्यार्थीको यहि पौष १४ गते देखि ग्रेडबृद्दी परीक्षा सुरु भएको थियो । नतिजा प्रकाशित भैसकेपछी नतिजा हेर्नको लागि NEB लेखी एउटा स्पेस दिएर ३१००३ मा म्यासेज पठाइ आफ्नो नतिजा हेर्न सकिनेछ।
एभरेष्ट र अल्काबीच नगद रहित सेवा सम्बन्धी सम्झौता
काठमाडौँ । एभरेष्ट इन्स्योरेन्स कम्पनी लिमिटेड र अल्का हस्पिटलबीच नगद रहित स्वास्थ्य सेवा सम्बन्धी सम्झौता भएको छ । उक्त सम्झौतामा अल्का हस्पिटलका कार्यकारी निर्देशक विद्या श्रेष्ठ थापा र एभरेष्ट इन्स्योरेन्सका सहायक महाप्रबन्धक मनोजसिंह भण्डारीले हस्ताक्षर गरे । सम्झौता अन्तर्गत एभरेष्ट इन्स्योरेन्स कम्पनीबाट एभरेष्ट हेल्थ केयर स्वास्थ्य बीमालेख लिएका ग्राहकहरुले अल्का हस्पिटलमा भर्ना भई उपचार गराउँदा उक्त हस्पिटलबाट नगद रहित उपचार सेवा उपयोग गर्न पाउने छन् र उपचार पूर्व नगद जुटाउने झन्झटबाट मुक्त हुने छन् ।
युनाइटेड हाइड्रोको आइपीओ निष्काशन हुँदै, बिक्री प्रबन्धकमा ग्लोबल आइएमई नियुक्त
काठमाडौँ । युनाईटेड इदी–मर्दी एण्ड आर.बि. हाईड्रोपावर लि.ले प्रतिशेयर १०० रुपैयाँ अंकित दरको १० लाख ५० हजार कित्ता साधारण शेयर (आइपीओ) निष्काशन गर्ने भएको छ । ग्लोबल आइएमई क्यापिटल लि.लाई धितोपत्र निष्कासन तथा बिक्री प्रबन्धकमा नियुक्त गरिएको छ । शेयर निष्कासन सम्बन्धी सम्झौता–पत्रमा युनाईटेड इदी–मर्दी एण्ड आर.बि. हाइड्रोपावर लि. को तर्फबाट कार्यकारी सञ्चालक सुनिलनारायण श्रेष्ठ र ग्लोबल आइएमई क्यापीटल लि.को तर्फबाट प्रमुख कार्यकारी अधिकृत पारसमणी ढकालले हस्ताक्षर गरेका छन् । कम्पनीले ७ मेगावाट क्षमताको विद्युत उत्पादन गर्नेछ । आयोजनाको ९० प्रतिशत कार्य सम्पन्न भैसकेको छ । साथै यही आव भित्र विद्युत उत्पादन शुरु गर्ने लक्ष्य लिएको छ ।
आइएमई र कञ्चन विकास बैंकबीच बैंकास्योरेन्स
काठमाडौं । आइएमई लाइफइन्स्योरेन्स कम्पनी लिमिटेड र कञ्चनविकास बैंक लिमिटेड महेन्द्रनगरबीच बैंकास्योरेन्स सम्झौता भएको छ । उक्त बैंकास्योरेन्स सम्झौतामा इन्स्योरेन्स कम्पनीका तर्फबाट सूदुर पश्चिमप्रदेश प्रमुख सुमन तिमिल्सिना र कञ्चन विकास बैंक लिमिटेडका तर्फबाट प्रमुख कार्यकारी अधिकृत विरु रामजैशीले हस्ताक्षर गरे । सो बैंकास्योरेन्स सम्झौता पश्चात सर्वसाधारण तथा बैंकका ग्राहकहरुले कञ्चन विकास बैंक लिमिटेडको कुनैपनि शाखाबाट छिटो, छरितो र सहज रुपमा आइएमई लाइफइन्स्योरेन्स कम्पनी लिमिटेडको जीवनबीमा गराउनका साथै जीवनबीमा सम्बन्धी जानकारी प्राप्त गर्न सक्नेछन् ।
टेलिकमका कर्मचारी जहाज नै नचढी बिल बनाएर भुक्तानी लिन्छन्
काठमाडौं । नेपाल टेलिकम दूरसञ्चार कार्यालय घोराही, दाङमा कार्यरत ३ जना कर्मचारी विरुद्ध मुद्दा दायर भएको छ । कम्पनीको ऐन नियम विपरीत दैनिक भ्रमण भत्ताको दाबी गर्ने ३ जना कर्मचारी विरुद्ध अख्तियार दुरुपयोग आयोगले मुद्दा दायर गरेको हो । मुद्दा दायर हुनेहरुमा अनिलकुमार आचार्य, अधिकृत विकलकुमार श्रेष्ठ र अधिकृत राजबहादुर सिंह रहेका छन् । उनीहरुले हवाईजहाजबाट यात्रा नै नगरी यात्रा गरेको भनी झुट्टा टिकट बनाई कार्यालयमा पेश गरेको आरोप लागेको छ । उनीहरु विरुद्ध भ्रष्टाचार निवारण ऐन, २०५९ को दफा ८ को उपदफा १ बमोजिम कारबाहि प्रक्रिया अघि बढ्नेछ ।
