१० अर्ब लगानीमा अर्को बीमा कम्पनी खुल्दै, अर्थमन्त्री पनि नयाँ कम्पनीको पक्षमा
काठमाडौं । १० अर्ब रुपैयाँ लगानीमा नयाँ बीमा कम्पनी खुल्ने भएको छ । नयाँ कम्पनीको नाम अन्नपूर्ण रिइन्स्योरेन्स लिमिटेड प्रस्ताव गरिएको छ । १० अर्ब रुपैयाँमा प्रवद्र्धकको लगानी ७ अर्ब ५० करोड र सर्बसाधारणको लगानी २ अर्ब ५० करोड राख्ने प्रस्ताव गरिएको छ । जहाँ प्रवद्र्धकको हिस्सा ७५ प्रतिशत र सर्बसाधारणको हिस्सा २५ प्रतिशत हुनेछ । नयाँ कम्पनीमा नेपाल सरकारले १ अर्ब, जीवन र निर्जीवन बीमा कम्पनीहरुले २ अर्ब, बीमा कम्पनीका प्रवद्र्धकहरुले १ अर्ब, बैंक तथा वित्तीय संस्थाबाट १ अर्ब व्यवसायिक घरानाले २ अर्ब ५० करोड रुपैयाँ लगानी गर्ने प्रस्ताव गरिएको छ । नयाँ कम्पनी खोल्न डा. उपेन्द्र महत्तो, उनका भाई डा. बीरेन्द्र महत्तो, शंकर ग्रुपका कार्यकारी अध्यक्ष शाहिल अग्रवाल लगायत व्यक्तिहरु सक्रिय रहेका छन् भने कानुनी प्रक्रियाको काम शंकर ल र्फमले गरिरहेको छ । ‘अहिले पुँजी जुटाउन प्रतिवद्धता लिईरहेका छौं । प्रस्तावित लगानीकर्ता उत्साहित पाएका छौं । पहिला कम्पनी दर्ता गरेर लाइसेन्सको लागि बीमा समितिमा जान्छौं’ स्रोतले भन्यो । ‘नयाँ कम्पनी खुल्ने तयारी भएको हामीले अनौपचारिक रुपमा सुनेका छौं । औपचारिक रुपमा निवेदन आएको छैन’ बीमा समिति सम्बद्ध स्रोतले भन्यो । सरकारले भौगोलिक र क्षेत्रगत हिसावले बीमा सेवा विस्तार गर्न चाहेको, अर्थतन्त्रको विस्तार, व्यवसायिक गतिविधिको विस्तारसँगै बीमा सेवाको विस्तार हुँदै गएको, पुनर्बीमाको लागि ९५ प्रतिशत निर्भरता विदेशी कम्पनीमा रहेकोले नयाँ पुनर्बीमाको सम्भावना रहेको प्रस्तावित व्यवसायिक योजनामा उल्लेख गरिएको छ । प्रस्तावमा लगानीकर्तालाई राम्रो प्रतिफल दिन सकिने उल्लेख गरिएको छ । सरकार नयाँ कम्पनीको पक्षमा स्रोतमा अनुसार अर्थमन्त्रालय नयाँ पुर्नबीमा कम्पनी खोल्ने पक्षमा रहेको छ । गत जेठ १ गते बीमा समितिको ५२ औं वार्षिकउत्सवको भच्र्युअल कार्यक्रमलाई सम्बोधन गर्दै अर्थमन्त्रीले पुनर्बीमा सेवा विस्तारको लागि नयाँ कम्पनी पनि खोल्न सकिने बताएका थिए । साेही दिन उनले नेपाल पुर्नबीमा कम्पनीले सेवा विस्तार गर्न नसके नयाँ कम्पनी खाेलेर जाने पनि बीमा समितिलाई निर्देशन दिएका थिए । भिडियो हेर्नुहोस् । Yubraj Khatiwada बीमा समितिको ५२औं वार्षिकोत्सवको अवसरमा यसो भनेका थिए अर्थमन्त्रीले Gepostet von Bikashnews.com am Freitag, 19. Juni 2020 यसअघि बीमा समितिले तयार गरेको पुर्नबीमा पोलिसीको प्रस्तावलाई पनि अर्थमन्त्रालयले संशोधन गर्न निर्देशन दिएको थियाे । ‘हामीले पुर्नबीमा पोलिसी बनाएर अर्थमन्त्रालयलाई पठाएका थियौं । त्यसमा नयाँ पुर्नबीमा कम्पनी आएको अवस्थामा उसका गतिविधिलाई पनि सम्बोधन गर्ने खालको बनाउनु भन्ने निर्देशन आयो । हामीले निर्देशन अनुसार परिमार्जन गरेर स्वीकृतिको लागि मन्त्रालयमा पठाएका छौं’ बीमा समिति सम्बद्ध स्रोतले भन्यो ।
सिटिजन लाइफ इन्स्योरेन्सद्वारा ‘डिजिटल सिटिजन’ सेवा शुभारम्भ
काठमाडौं । सिटिजन लाइफ इन्स्योरेन्स कम्पनीले “डिजिटल सिटिजन” सेवाको उद्घाटन गरेको छ । कम्पनीले जुम एप मार्फत डिजिटल सिटिजन सेवालाई नेपाल मै पहिलो पटक यसरी डिजिटल माध्यमबाट शुभारम्भ गरेको हाे । सिटिजन लाईफको यस भरचुअल कार्यक्रममा कम्पनीका ब्राण्ड एम्बेसेडर मदन कृष्ण श्रेष्ठ र हरिवंश आचार्य साथै कम्पनीका प्रमुख कार्यकारी अधिकृत पोषक राज पौडेलले संयुक्त रूपमा डिजिटल सिटिजन सेवा शुभारम्भ भएको घोषणा गरेका थिए । सिटिजन लाइफ इन्स्योरेन्सले “डिजिटल सिटिजन” अभियान सँगै अब अनलाईन मार्फत बिमालेख प्रस्ताव दाखिला गर्ने सफ्टवेयर प्रणाली सञ्चालनमा ल्याएको छ । यस सुविधा अन्तरगत अब सिटिजन लाइफको जीवन बीमा घरबाटै अनलाइन मार्फत लिन सक्नेछन् । कम्पनीले विभिन्न तालिमहरु डिजिटल माध्यमवाट संचालन गर्न शुरु गरिसकेको छ । ग्राहक तथा अभिकर्ताहरुलाई कार्यालय सम्म आउनु पर्ने अवस्थालाई सहज बनाउन र समयको बचत हुनुको साथै ग्राहक सेवालाई विश्व स्तरिय बनाउदै जाने कम्पनीको “डिजिटल सिटिजन” अभियान अन्तरगत कम्पनीले आगामी दिनहरुमा पनि अरु थुप्रै आधुनिक तथा नवीनतम डिजिटल सेवाहरु प्रचलनमा ल्याउने योजना रहेको समेत कम्पनीका प्रमुख कार्यकारी अधिकृत पोषक राज पौडेलले जानकारी गराए । साथै कम्पनीले ग्राहकहरुको सुविधालाई मध्य नजर गरी घरमै बसेर बीमा शुल्क तिर्न सकिने व्यवस्थाको लागी ई-सेवा, फाेन-पे र कनेक्ट अाईपिएस लगायतका डिजिटल बैङ्किङ्ग सुविधा उपलव्ध गराएको छ भने ग्राहक तथा अभिकर्ताले कम्पनीसंगको कारोवार तथा विवरण आफैले हेर्न मिल्ने पोर्टल समेत प्रचलनमा ल्याएको छ ।
‘चिया पसल खुल्दा पनि देशको क्यापिटल मार्केट बन्द हुनु दुर्भाग्य नै हो’
काठमाडौं । स्टक ब्रोकर एशोसिएसन अफ नेपालका अध्यक्ष भरत रानाभाटले एउटा चिया पसल खुल्दा पनि देशको क्यापिटल मार्केट बन्द हुनु भनेको दुर्भाग्य नै रहेको बताएका छन् । लकडाउन खुकुलो हुँदा पनि नेपालको पुँजीबजार बन्द अवस्थामा रहेकोमा चिन्ता व्यक्त गर्दै सो कुरा बताएका हुन् । अब पनि यो अवधिलाई थप लम्ब्याइयो भने कसैलाई पनि फाइदा नहुने उनको तर्क रहेको छ । आइतबारसम्म ठिकै छ । तर, सोमबारबाट भने कुनै पनि हालतमा खोल्नु पर्ने उनी बताउँछन् । ‘सबै कार्यालयहरु खुलिसके । हाम्रो मार्केट मात्रै बन्द गर्ने कुरै भएन । सधै बन्द गरेर मात्रै कसरी राख्न सकिन्छ । अब त कुनै पनि हालतमा खोल्नु पर्छ भन्ने पक्षमा छौं । हामीले रेगुलेटरलाई पनि त्यहि भनेका छौं ।’ रानाभाटले भने- ‘त्यसैले आईतबारसम्म हेरौं । त्यसपछि पनि भएन भने हामी कार्यालय चलाउन नसक्ने अवस्थामा पुग्छौं ।’ ब्रोकरको तर्फबाट तयारी हुनु पर्ने काम केही पनि नरहेको बताउँदै उनले भने- ‘लकडाउनको अवधिमा स्टाफहरु अलि अलि बाहिर हुनुहुन्थ्यो । यहि भएका स्टाफहरु पनि आउने कुरा थिएन । पास चाहिन्छ भनेर हामीले पास भन्यौं । पासबाट दुइ दिनभए नि काराेबार गर्याै । तर आजको दिनमा सबै कार्यालय खुलिसक्यो । यहिका स्टाफहरुले काम गर्न पनि सकिने अवस्था थियो । त्यहि माथि बाहिरका स्टाफहरु पनि मार्केट खुल्न लाग्यो भनेर सबै आईसके । तर, मार्केट खुलेको छैन ।’ पछिल्लो एक सातादेखि सबै ब्रोकर कार्यालयहरु खुलिसकेको जानकारी दिँदै उनले ब्रोकरको साइडबाट कुनै पनि काम रोकिएको छैन र कुनै पनि हालतमा नरोकिने उनले जनाए । ‘हाम्रो मान्छे बाहिरबाट आउन तथा ल्याउन नसकेर कुनै पनि सेवा सुविधा दिन समस्या छैन । यहिका स्टाफले जति पनि सेवा सुविधा दिन सक्छौं । लकडाउनको बीचमा पनि दुई दिन कारोबार खुलेकै हो । यहिका स्टाफले सेवा सुविधा दिएकै थियौं । दोश्रो, बाहिरबाट पनि आईसके । त्यसैले ब्रोकरको कारण देखाएर मार्केट बन्द गर्न पाइदैन ।’- रानाभाटले विकासन्युजसँग भने । सबै ब्रोकरहरु बजार खोल्नलाई एकदिन पनि ढिला गर्नु हुन्न भन्ने पक्षमा रहेको बताउँदै उनले भने- ‘बिहीबारसम्म केहि तयारीको लागि बन्द गराैं भनेर बन्द गरिएकाे हो । अब फेरि अरु बहाना बनाएर मार्केट बन्द पाइदैन ।’
