मोटरसाइकलमा कर बढाएकोप्रति अर्थमन्त्री कै टेबुलमा व्यवसायीले जनाए विरोध
काठमाडाैं । नाडाका उपाध्यक्ष करण चौधरीको नेतृत्वमा गएको ८ सदस्यीय प्रतिनिधि मण्डलले अर्थमन्त्री जनार्दन शर्मासँग भेट गरेको छ । भेटमा २०७८/०७९ को प्रतिस्थापन बजेटले अटोमोबाइल क्षेत्रमा पारेको प्रभावबारे विस्तृत रुपमा छलफल गरेको नाडाले जनाएको छ । नाडाका केन्द्रीय कार्य समिति सदस्य तथा मोटरसाइकल समितिका सभापति अभिक ज्योतिले नेपालमा १६० सिसिसम्मका मोटरसाइकलहरु दुई तिहाईको सख्यामा बिक्री हुने बताउँदै अहिलेको सेगमेन्ट परिवर्तनले मोटरसाइकल प्रयोगकर्ताहरुमा आर्थिक भार थपिने बताए । अर्थमन्त्री शर्माले गत शुक्रबार प्रतिनिधिसभामा पेश गरेको संशोधन बजेटमा १२५ सीसीदेखि १५५ सीसीसम्मका र २०० देखि २५० सीसीसम्मका मोटरसाईकलको अन्तःशुल्क १०/१० प्रतिशतका दरले बढाएका थिए । नाडा उपाध्यक्ष चौधरीले नेपालमा गुणस्तरिय लुव्रिकेन्टसको आयात र उत्पादनका लागि सरकारले सोही अनुरुप नीति ल्याउनु पर्ने आग्रह गर्दे अनधिकृत स्पेयर पार्टसको आयात रोक्न आधिकारिक व्यवसायलाई प्रोत्साहित गर्नु पर्ने बताए । नेपालको उद्योग व्यवसायको प्रवर्द्धनका लागि नीतिमा स्थिरता हुनु पर्ने भन्दै चौधरीले यस किसिमको नीति निर्माण गर्दा सरकारले नाडालाई पनि एउटा मुख्य स्टेक होल्डरको रुपमा लिनु जानकारी गराए । चौधरीले एसेम्बल गरी नेपालमा सवारी साधन उत्पदान गर्ने उद्योगले अनएसेम्बल अवस्थाका सवारी साधन पैठारी गर्दा लाग्ने अन्तशुल्क र त्यस्ता उद्योगले उत्पादन गरेको तयारी साधन बिक्रीमा लाग्ने अन्तशुल्क महशुलमा ५० प्रतिशत छुट दिने स्पष्ट व्यवस्था गरिएकोमा नाडाले त्यसको स्वागत गरेको बताए । साथै उनले एसेम्बल कति पार्ट्समा आउनु पर्ने हो, कुन पार्ट्स एसम्बलिङ हो, सरकारले त्यसको स्पष्ट वर्गिकरण गर्नु पर्ने बताए । अर्थमन्त्री शर्माले सरकारले नेपालमा उद्योगको उत्थानका लागि उच्च प्राथमिकता दिएको बताउँदै सोही अनुरुपका नीतिहरु ल्याइएको बताए । उद्योग व्यवसाय क्षेत्रको समस्या समाधानका लागि सरकारले कर पुनरावलोकन आयोग समेत गठन गर्न लागेको बताए। साथै सरकारबाट भएका कमजोरी खोजी समाधान गरिने मन्त्री शर्माले आश्वासन दिए । छलफलमा नाडाका सचिव अनुप बराल, केन्द्रीय कार्य समिति सदस्य दिपक अग्रवाल, एम ए डब्लु इन्टरप्राइजेजका राजु क्षेत्री, एसएलआर टेक्नो ट्रेडका सुगम घिमिरेको उपस्थिति थियो ।
होण्डाको स्किमः बाइक तथा स्कुटर किन्ने ७ जनालाई एक/एक लाख, बम्परमा थप १५ लाख पनि
काठमाडौं । नेपालका लागि होण्डा मोटरसाइकल तथा स्कुटरको आधिकारिक बिक्रेता स्याकार ट्रेडिङ्ग कम्पनीले “होण्डाको साथ ७” नामक स्किम ल्याएको छ । कम्पनीले दशैं तथा तिहार स्किम अन्तर्गत नेपालमै पहिलो पटक सात प्रदेशलाई समावेश गरिएको यो योजना सार्वजनिक गरेको हो । यस योजनामा हरेक प्रदेशबाट होण्डाको मोटरसाइकल तथा स्कुटर खरिद गर्ने १ जनालाई १ लाख रुपैयाँ प्रदान गरिनेछ । यो योजनाको समय अविधि भर होण्डाका ग्राहकहरुले स्क्रयच कुपन मार्फत हात खाली नजाने गरी १ लाख रुपैयाँसम्म नगद उपहार पाउने कम्पनीले जनाएको छ । यसका साथै यो योजना अन्तर्गत ग्राहकले, ७ वर्षको लागि स्पेयर पार्टस्मा ७ प्रतिशत छुट, ७ वर्षसम्मका लागि ९ वटा बोनस सर्भिस कुपन प्राप्त गर्न सक्नेछन् । त्यसैगरी होण्डा बिग बाइकको खरिदमा ४० हजारसम्मको क्यास ब्याक पाउन सक्नेछन् । यति मात्र नभई यस योजनामा ग्राहकले मात्र १ रुपैयाँको डाउन पेमेन्ट, १ रुपैयाँको इएमआइ र १ प्रतिशत ब्याजदरमा समेत होण्डा खरिद गर्न सक्नेछन् । बम्परमा सहभागी १ जना भाग्यशाली ग्राहकले १५ लाखसम्मको नगद पुरस्कार जित्ने मौका प्राप्त गर्नेछन् । यो योजना सीमित अवधिका लागि मात्र लागू हुने कम्पनीले जनाएको छ ।
एभरेष्ट बैंककाे अफर: ६.८८ प्रतिशत ब्याजदरमै गाडी कर्जा
काठमाडौं । एभरेष्ट बैंकले दशैं तिहारलाई लक्षित गर्दै ‘एभरेष्ट उत्सवमय अफर’ ल्याएको छ । यस अवसरमा बैंकले घर भाडा भन्दा सस्तो ‘घर कर्जा’, स्वरोजगार तथा उद्यमीको लागी ‘साना तथा मझौला उद्योग कर्जा’, आफ्नै सावारी साधनको लागि ‘गाडी तथा मोटरसाइकल कर्जा’ तथा व्यक्तिगत प्रायोजनको लागि ‘व्यक्तिगत कर्जा’ योजना ल्याएको छ । भदाै २७ देखि लागु भएको यस कर्जा योजनामा ७.४८ प्रतिशतमा घर कर्जा, ७.२४ प्रतिशतमा साना तथा मझौला उद्योग कर्जा, ६.८८ प्रतिशतमा गाडी कर्जा, ७.९९ प्रतिशतमा मोटरसाइकल कर्जा र ७.९९ प्रतिशतमा व्यक्तिगत कर्जा ब्याजदरमा उपलब्ध हुनेछ ।
