हुन्डाईको अघिल्लाे वर्षका चाडपर्व अफरकाे दुई विजेताले पाए गाडी
काठमाडाैं । हुन्डाईको आधिकारीक वितरक लक्ष्मी इन्टरकन्टिनेन्टलले अघिल्लो वर्षको चाडवर्प स्किममा विजेता चेतनारायण सापकोटा र श्यामप्रसाद पौडेललाई गाडीकाे चाबी हस्तान्तरण गरेकाे छ । सापकाेटाले लक्की ड्र मार्फत हुन्डाई अउरा र पाैडेलले ग्राण्ड आई १० नियोस म्याग्ना जितेका थिए । उक्त लक्की ड्र साउन ११ (जुलाई २६) गते हिमालयन टेलिभिजनबाट प्रत्यक्ष प्रशारण मार्फत बिजेता छनोट गरिएको थियो । कम्पनीकाे अनुसार कोभिड १९ को दोस्रो लहरको कारण सम्पूर्ण जनजिवन नै अस्तव्यस्थ भएकोले गत वर्षको लक्की ड्र केही ढिलागरी भएको हाे । विश्वकै पाँचौ ठूलो कार निर्माता हुन्डाई ग्राहकलाई उत्कृष्ट सेवा दिन सधैँ तत्पर रहेको छ । विश्वभर करोडौं सन्तुष्ट ग्राहक, न्यून मर्मत सम्भार खर्च र उत्कृष्ट डिजाइनका कारले ग्राहकलाई आफुसँग जोड्न सफल हुँदै आएको छ । लक्ष्मी इन्टरकन्टिनेन्टल प्रालिले नेपालका विभिन्न सहरमा १३ वटा शोरुम र १७ वटा सर्भिस सेन्टर मार्फत आफ्ना ग्राहकहरुलाई सेवा प्रदान गर्दै आएको छ ।
८९ लाख पर्ने ‘अल न्यू हुन्डाई टुसान’को बिक्री सुरु, ४ भेरियन्टमा उपलब्ध
काठमाडौं । हुन्डाई मोटर्सको आधिकारीक वितरक लक्ष्मी इन्टरकन्टिनेन्टल प्रालिले ‘अल न्यू टुसान’ सार्वजनिक गरेको छ । हुन्डाईले फ्यूचरस्टीक डिजाइनमा तयार पारेको नयाँ जेनेरेशन टुसान विश्वभर चर्चामा रहेको मोडल हो । ‘मोस्ट डाइनामीक एन्ड ट्रेन्डी’ डिजाइनको कारण विश्वभर नयाँ जेनेरेशन टुसानलाई ‘एउटा डिजाइन रिभोलुसन’को नाम दिइएको छ । यसमा प्रयोग गरिएको प्यारामेट्रीक हिडन लाइट, लामो ह्वीलवेस, उत्कृष्ट इन्टेरियर, १८ इन्चको ठूलो अलोय ह्वील, टु ह्वील र फोर ह्वील ड्राइभिङ सिस्टमले नयाँ टुसानलाई अलग पहिचान दिएको छ । नेपाली बजारमा नयाँ जेनेरेशन टुसानको विभिन्न ४ भेरियन्ट उपलब्ध हुनेछ । जसमा जिएलएस टु ह्वील ड्राइभ म्यानुअल (पेट्रोल), जिएलएस टु ह्वील ड्राइभ अटोमेटीक (पेट्रोल), जिएलएक्स टु ह्वील ड्राइभ अटोमेटीक (पेट्रोल) र जिएलएक्स फोर ह्वील ड्राइभ अटोमेटीक (डिजेल) भेरियन्टमा उपलब्ध रहने छ । यसको सुरुवाती भेरियन्ट जिएलएस टु ह्वील ड्राइभ म्यानुअल (पेट्रोल)को मूल्य ८९ लाख ९६ हजार रुपैयाँ रहेको छ । अमेजन ग्रे, ह्वाइट क्रिम, क्रिमशन रेड, सिम्रिङ सिल्भर, डिप सि र टाइटन ग्रे कलरमा उपलब्ध रहेको नयाँ जेनेरेशन टुसानमा भ्यान्टीलेटेड सिट, हाइट एड्जस्ट, अटोमेटीक पावर टेलगेट, मल्टी एयर मोड सिस्टम, एम्बीयन्ट मुड लाइट जस्ता फिचरले चालक र यात्रुलाई आरमदायी यात्रा गराउने कम्पनीकाे दाबी छ । बोल्ड डिजाइन र प्रविधिको भरपुर प्रयोग गरिएको इन्टेरियर, २.० लिटर टर्बो पेट्रोल र डिजेल इन्जिन यस गाडीकाे सबल पक्ष हो । लक्ष्मी इन्टरकन्टिनेन्टल प्रालिले नेपालभर रहेका आफ्ना १३ शोरुम, १७ सर्भिस नेटवर्कबाट गाडी विक्री तथा विक्रीपछिको सेवा प्रदान गर्दै आएको छ । हुन्डाई मोटर्स विश्वकै ५ औं ठूलो कार उत्पादक कम्पनी हो ।
वर्षाका कारण आईतबार खुलेको लाइसेन्सको ट्रायल परीक्षा रोकियो
काठमाडौं । करिब ५ महिना बन्द भएर पुनः सञ्चालनमा आएको सवारी चालक अनुमतिपत्रको प्रयोगात्मक परीक्षा (ट्रायल) परीक्षा स्थगीत भएको छ । आईतबार रातीदेखि काठमाडौं उपत्यकामा भारी वर्षा भएको भन्दै बागमति प्रदेश अन्तर्गतको यातायात कार्यालय चाबहिलले एक सूचना जारी गर्दै आजका लागि तय भएका ट्रायल परीक्षा बन्द गरिएको जनाएको हो । ‘उपत्यकामा परेको भारी वर्षाको कारण प्रयोगात्मक परीक्षा सञ्चालन हुने स्थलसमेत प्रभावित भएकोले यस कार्यालयबाट सोमबार र मंगलबार सञ्चालन हुने भनिएका प्रयोगात्मक परीक्षाहरु वर्ग ए के तर्फको भदौ २३ गते बुधबार र वी वर्गको तर्फको भदौ २५ गते शुक्रबार हुनेछ’, सूचनामा भनिएको छ । दोस्रो लहरको कोरोना संक्रमणको दरमा बृद्धि भएको भन्दै काठमाडौं उपत्यकाका तीन जिल्लामा गत बैशाख १६ गतेदेखि निषेधाज्ञा लागु गरिएको थियो । निषेधाज्ञा लागुभएसगैँ यातायात कार्यालयले लाइसेन्सको लिखित, प्रयोेगात्मक तथा अनलाईन आवेदन बन्द गरिएको थियोे । स्वास्थ्य मापदण्डको पालना गर्दै आईतबारदेखि बागमित प्रदेशका यातायात कार्यालयले ट्रायल परीक्षा सञ्चालन गरेका थिए । वर्षाका कारण खुलेको एक दिनमा नै लाइसेन्सको ट्रायल परीक्षा रोकिएको हो ।
