ग्यालेक्सीको नयाँ ए६ र ए६प्लस स्मार्टफोन बजारमा, मूल्य ४४ हजार रुपैयाँ
काठमाडौं । सामसङ नेपालले हालै इन्फिनिटी डिस्प्लेको साथ नयाँ स्मार्टफोनहरु-ग्यालेक्सी ए६ तथा ए६प्लस नेपाली बजारमा सार्वजनिक गरेको छ । एसिरिज स्मार्टफोन मेटल युनिबडी तथा स्लीक डिजाइनको साथ बजारमा ल्याइएको छ । ए६प्लसमा ६ इन्च एफएचडी प्लस एसएमोलेड डिस्प्ले रहेको छ भने ग्यालेक्सी ए६५.६ इन्च एचडी प्लस एसएमोलेड डिस्प्लेको साथ उपलब्ध रहेको छ । त्यसै गरी ए६ र ए६प्लसमा स्लीककब्र्स रहेको छ । यस मोबाइल आकर्षक स्टाइल तथा सहज रुपमा हातमा अटाउने खालको एरोनोमिक डिजाइनमा रहेको छ । ग्यालेक्सी ए६ र ए६प्लसको इन्फिनिटि डिजाइनले ठूलो डिस्प्ले एरिया प्रदान गर्दछ । पातलो, हलुका तथा होम बटनको सट्टामा सफ्टवेयर पावर्ड इन डिस्प्ले होम बटन हुनु यसको विशेषता रहेको छ । सहजताको लागिफिङ्गर सेन्सर बटनलाई पछाडिको भागमा लगिएको छ । डिस्प्ले हार्डवेरमा गरिएको परिवर्तनले १८.५ः९ को एसपेक्ट रेसियो प्रदान गरेको छ । यसले प्रयोगकर्ताहरुलाई विशेष दृश्यको अनुभव प्रदान गर्ने छ । आइएम विजका प्रमुख प्रणय रन्त स्थापितले भने “ग्यालेक्सी ए६ तथा ए६प्लसमा आजकायुवा पिंढीलाई विशेष ध्यानमा राखेर तयार पारिएको छ । सुपर एमोलेड इन्फिनिटी डिस्प्लेको साथ, शानदार अनुभव प्रदान गर्दछ । ए६प्लसमा डुयल रियर क्यामरा रहेको छ । जसको मद्दतले प्रयोगकर्ताले छुट्टै व्यावसायिक तस्वीर खिच्न सक्नुहुन्छ । ” ग्यालेक्सी ए६प्लसमा डुअल रियर क्यामरा रहेको छ । प्राइमरी रियर क्यामरा १६ मेगा पिक्सल तथा एफ/१.७ अपर्चरको साथ तथा रियर क्यामरा ५ मेगापिक्सल तथा एफ /१.९ को अपर्चरको साथ उपलब्ध छ । सामसङका आकर्षक फिचरहरु लाइभ फोकसको साथ व्याक ग्राउन्ड ब्लर गर्न सकिने सुविधा रहेको छ । यी दुई स्मार्ट फोनमा अक्टाकोर प्रोसेसर रहेको छ । यस फोनमा ४जिबि/६४ जिबी र्याम/रोम मा उपलब्ध रहेको छ । यसमा एडभान्स मेमोरी म्यानेन्टमेन्ट फिचर पनि रहेको छ । यसमा सामाजिक सञ्जालका विषय वस्तुहरुलाई सिधै मेमोरी कार्डमा सार्न सकिने सुविधा रहेको छ । ए६प्लसमा ३५०० एमएएच तथा ए६मा ३००० एमएएच प्याट्री रहेको छ भने सबै सेटहरुमा आधुनिक एन्ड्रोइड अपरेटिङ सिस्टम रहेको छ । ग्यालेक्सी ए६ र ए६प्लसको नेपाली मूल्य क्रमशः ४४ हजार ३९० रुपैयाँ र ३९ हजार ८९० रुपैयाँ तोकिएको छ । यो फोन नेपाल अधिराज्यभरका रिटेलहरु मार्फत यही असार ६ गते देखि उपलब्ध हुने छ । ग्राहकहरुकोे लागि दुबैं स्मार्टफोनमा ६ महिनाको ब्रेकेज इन्स्युरेन्स प्रदान गरिएको छ । ए६ र ए६प्लसमा ६००० एमबिको डाटा बन्डलिङ्ग पनि प्रदान गरिएको छ । यसबाट ग्राहकहरुले प्रतिहप्ता ५०० एमबिका दरले १२ हप्तासम्म एनसेलको डाटा प्याक पनि निःशुल्क प्राप्त गर्न सकिने छ ।
प्रिमियममा आइपीओ निष्काशन गर्न लागेको शिवम् सिमेन्टको ९ महिनाको नाफा ९३ करोड ६६ लाख
काठमाडौं । प्रिमियम मूल्यमा आइपीओ निष्काशन गर्ने अनुमति पाएको शिवम् सिमेन्ट्ले ९ महिनामा ९३ करोड ६६ लाख रुपैंयाँ नाफा गर्न सफल भएको छ । कम्पनीले सार्वजनिक गरेको वित्तिय विवरण अनुसार २०७४ चैत मसान्त अवधीमा सो मात्रामा नाफा कमाउन सफल भएको हो । २०७४ असारमा शिवम्को नाफा ८१ करोड १३ लाख रुपैंयाँ रहेको थियो । वित्तिय विवरण हेर्न यहाँ क्लिक गर्नुहोस कम्पनीले ९ महिनामा २ अर्ब ५२ करोड ४४ लाख रुपैंयाँ सञ्चालन मुनाफा आर्जन गरेको देखिन्छ । बोनस र कर अघिको नाफा भने १ अर्ब १९ करोड ८२ लाख रुपैंयाँ रहेको छ । शिवम् सिमेन्ट्स लिमिटेडको चुक्ता पूँजी भने ३ अर्ब ८७ करोड २० लाख रुपैंयाँ रहेको छ । कम्पनीको जगेडा कोषमा २ अर्ब १६ करोड रुपैंयाँ रहेको छ । शिवम् सिमेन्टले प्रीमीयम मूल्यमा आईपीओ निष्काशन गर्ने अनुमति पाईसकेको छ । नेपाल धितोपत्र बोर्डले उद्योग प्रभावित क्षेत्रका बासिन्दालाई प्रति कित्ता ३ सय रुपैंयाँ र सर्वसाधारणका लागि ४ सय रुपैंयामा आइपीओ निष्काशन गर्ने अनुमति दिएको हो । बोर्डका प्रवक्ता निरज गिरीले उद्योग प्रभावित क्षेत्रका बासिन्दालाई एक सय रुपैंयाँ सहुलियतमा आइपीओ निष्काशन गर्ने उद्योगको प्रस्तावलाई बोर्डले स्वीकार गरेको बताए ।
सुन काण्डका ठूला अपराधीलाई समात्न गृहमन्त्रीको ध्यानाकर्षण
काठमाडौं । प्रतिनिधिसभाको बैठकमा आज विनियोजन विधेयक २०७५ अन्तर्गत ऊर्जा, जलस्रोत तथा सिँचाइ मन्त्रालय, परराष्ट्र मन्त्रालय र गृह मन्त्रालय शीर्षकमाथिको छलफल टुँगिएको छ । छलफलमा सहभागी सांसदहरुले ३३ किलो सुन काण्डका ठूला अपराधीलाई समात्न र शहीद तथा बेपत्ता परिवारका समस्यामाथि ध्यान दिन गृहमन्त्रीको ध्यानाकर्षण गरेका छन् । डोल्पामा सडक बनाउन, कञ्चनपुरमा सिँचाइ र तटबन्धका कार्यक्रम सञ्चालन गर्न र ‘सिन्डिकेट’लाई पूर्णरुपमा अन्त्य गरी यातायात क्षेत्रलाई व्यवस्थित बनाउन बजेटको व्यवस्था गर्न पनि उनीहरुले माग गरेका छन् । आजको छलफलमा सांसदहरु रामबहादुर विष्ट, सरलाकुमारी यादव, नरबहादुर धामी, पद्म गिरी, कृष्णप्रसाद दाहाल, विमला विक, राजेन्द्र लिङदेन, मनकुमारी जिसी र दुर्गाकुमारी विश्वकर्माले भाग लिएका थिए । रासस
ह्युण्डाईको इलाइट आई२० नेपाली बजारमा, स्पोर्टस् र आस्ता भ्यारियन्टमा उपलब्ध
काठमाडौं । नेपालको लागि ह्युण्डाई मोटर्सका आधिकारिक वितरक लक्ष्मी इन्टरकन्टीनेन्टल प्रा.लि.ले इलाइट आई२० २०१८ फेसलिफ्ट नेपाली बजारमा ल्याएको छ । ह्युण्डाईको यो फेसलिफ्ट मोडल स्पोर्टस् र आस्ता भ्यारियन्टमा उपलब्ध छ । नयाँ इलाइट आई२० २०१८ फेसलिफ्ट उही फ्रन्ट ग्रील भएको क्यासकेड डिजाइनका साथ आउँछ, जुन कुना तर्फ पूरै तन्कीएको हुन्छ । यसको फग् एवं हेडल्याम्पहरुका साथै डीआरएलएस पनि अपग्रेड गरिएको छ । यसको पछाडि पट्टि, लाइसेन्स प्लेट बम्परबाट टेलगेटमा सारिएको कम्पनीले जनाएको छ । कम्पनीका अनुसार सुरक्षाको मापदण्ड अनुरुपमा एबीएस र एअरब्याग यसको दुइटै भेरियन्टमा उपलब्ध छ भने आस्तामा स्टेरिङ अनुकुली पछाडि देखिने क्यामराको साथ पछाडिको लागि पार्किङ सेन्सर पनि छ । उत्कृष्ट र सफा डिस्प्लेको लागि अझ राम्रो टच् भएको यसको इन्फोटेन्मेन्ट सिस्टम ७ इन्चमा अपग्रेट भएको छ । यसले कारप्ले, एनड्रोइड अटो र मिररलिंकको माध्यमबाट आर्कएम्ससाउण्ड र स्मार्टफोनसँग कनेक्ट भएर सिनेमाको अनुभूति प्रदान गर्छ । हाल लक्ष्मी ह्युण्डाईले आफ्नो १३ डिलर र सर्भिस सेन्टर सहितको डिलर सञ्जाल विस्तार गरिसकेको छ ।
चिनियाँ लगानी भित्र्याउन गोन्जाहुमा हङकङ–नेपाल व्यापार लिमिटेडको कार्यालय स्थापना
काठमाडौं । चीनको गोन्जाहुमा हङकङ–नेपाल व्यापार लिमिटेडको कार्यालय खुलेसँगै सरकारको उद्योग मन्त्रालयले तयार पारेको विशेष आर्थिक क्षेत्र (स्पेसियल इकोनोमिक जोन)का लागि लागनीको बटो खुल्ने भएको छ । व्यापार संघका अध्यक्ष प्रकाश पुनले चिनियाँ लगानीकर्ता नेपाल सरकारले तय गरेको आर्थिक क्षेत्रमा लागनी बढाउन इच्छुक रहेको बताए । उनको अनुसार संघले सेजमा चीनका सोलार प्यानेल, भवन निर्माणका पदार्थ उत्पादन, गार्मेन्टस् र छाला जुत्ता तथा चप्पलका कारखानाका लागि लगानी भित्राउने लक्ष्य राखेको छ । ‘नेपालमा छाला जुत्ता लगायतका उद्योग स्थापना मात्र नभएर चिनियाँ लगानीको सुरुआत भइसकेको छ,’ उलने भने ‘नेपालका औद्योगिक करिडोरमा चीनका लगानी भित्राउनका लागि संघ सँधै सक्रिय छ । नेपाल सरकारले थालेको चीनसँगको व्यापारीक सम्बन्धलाई एउटा इटा थप्ने काममा संघ समेत सक्रिय हुनेछ ।’ चीनले दक्षिण एसीया र अन्य मुलुकसँग कनेक्टिभीटी गर्दै व्यापार प्रवद्र्धनका लागि लिएको नीति ‘वान बेल्ट वान रोड’ अन्तर्गत नेपालको प्रतिनिधित्व भएको हो । चीनको गोन्जाहु सहरमा व्यापार प्रबद्र्धनका निम्ति चीनले सम्बन्धित मुलुकका व्यापारीक संघ र संगठनलाई मासिक एक डलर भाडामा कार्यालय स्थापनका लागि एउटा फ्ल्याट दिने गरेको छ । नेपाली उत्पादन चीन र चीनका उत्पादन नेपालमा ल्याउने उद्देश्यसाथ हङकङ नेपाली व्यापार संघ लिमिटेडले गोन्जाहुमा कार्यालय स्थापना गरेको हो । यसको मुख्य उद्देश्य चिनियाँ लगानी नेपाल भित्राउने र नेपालको उत्पादन चीनको बजारमा पुर्याउने रहेको गैर आवासीय नेपाल संघ हङकङकी अध्यक्ष टिका गुरुङले बताइन् । चीन–नेपाल संयुक्त व्यापारीक र वित्तिय सहकार्य, कार्यक्रम पनि हुने थापाले बताए । कार्यालय स्थापनापछि चिनियाँ कम्पनी र विभिन्न निकायका अधिकारीले पनि नेपालसँगको व्यापारीक सम्बन्ध बलियो बनाउने बताइएको छ । नेपालका तर्फबाट चीनले दिएको अवसरलाई प्रयोग गर्ने संघ पहिलो नेपाली संस्था हो । ओबीओर युरेसीया सेन्टरका अध्यक्ष होमर यु एमएचले नेपालसँगको व्यापारीक सम्बन्ध अझ बलियो बनाउँदै लगानीका लागि इच्छुक रहेको बताए । उनले नेपाली उत्पादन चिनियाँ बजारमा सोचेभन्दा राम्रोसँग प्रबद्र्धनमा कार्यालयले मद्दत हुने बताए । चिनियाँ कम्पनी लेमाई ग्रुपका अध्यक्ष ग्योकिरेनले व्यापार संघले थालेको वित्तिय यात्राले नेपाललाई सहयोग र चीनलाई लगानीको ठाउँ मिल्ने बताए । नेपाले चीनबाट व्यापारीक साझेदारी गर्ने सम्झौता गरेर प्रधानमन्त्री केपी शर्मा ओली फर्किनासाथ गुन्जाहोबाट चिनियाँ नीजि र सरकारी लगानीकर्ता नेपाली व्यापारिक निकायसँग साझेदारीका लागि उत्सुक देखिएका हुन् । सो क्रममा चीनको हुआङपु जिल्लाकी सीसीपिआइटी क्यु झी याङको पनि सहभागीता रहेको थियो ।
टेलिकमले विद्यार्थीलाई मिदास ई-क्लास सेवा दिने, मंगलबारदेखि उपभोग गर्न सकिने
काठमाडौं । नेपाल टेलिकमले मिदास एजुकेसन प्रालिसँग सहकार्य गरी मिदास ई-क्लास सेवा उपलब्ध गराएको छ । विद्यालय तहमा पढाइने पाठ्यक्रम विद्यार्थीहरुलाई मोबाइल फोन, ट्याब्लेट र कम्प्युटर माध्यमबाट उपलब्ध गराई सिक्न सघाउने यो एक प्लेटफर्म हो । उक्त प्लेटफर्मको माध्यमबाट उपलब्ध गराइने शैक्षिक सामग्रीहरु श्रब्य, दृश्य माध्यममा हुने भएकाले बालबालिकालाई रुचिपूर्ण र बुझ्न तथा सम्झन सहज हुने अपेक्षा गरिएको छ । विद्यालयमा पढ्नु पर्ने पाठमा आधारित क्विज र गेम पनि यसमा उपलब्ध छन् । टेलिकमका ग्राहकहरुले इन्टरनेटको प्रयोग गरी मोबाइल फोन र ट्याब्लेटमार्फत मिदास ई-क्लास प्रयोग गर्न सक्ने छन् । मिदास ई-क्लासमा शिशु कक्षा (प्लेग्रुप) देखि कक्षा १० सम्मका विभिन्न विषयहरु समावेश गरिएको छ । मिदास ई-क्लासको सहयोगले बालबालिकाले नबुझेका विषयवस्तुको वारेमा अनलाइनमार्फत शिक्षकसँग सम्पर्क गरी सिक्न सक्ने छन् । शिक्षकले बिद्यार्थीका लागि आवश्यक पाठ्य सामग्री यसैमार्फत उपलब्ध गराउन सक्नेछन् । त्यसैगरी, अभिभावकले पनि शिक्षकसँग अन्तरक्रिया गरी सिकेर आफ्ना बालबालिकालाई सिकाउन सक्नेछन् । मिदास ई-क्लासको प्रयोग गर्नका लागि गुगल प्ले स्टोरमार्फत मिदास ई-क्लास एप डाउनलोड गर्नुपर्छ । यो सुविधा मिति २०७५ असार १२ देखि उपलब्ध हुनेछ । यसका लागि नेपाल टेलिकमका ग्राहकले दैनिक १५ रुपैयाँ, साप्ताहिक ७० रुपैयाँ र मासिक २५० रुपैयाँमा यो सुविधा खरिद गर्न सक्ने छन् । यो सुविधा उपभोग गर्न वाइफाई वा मोबाइल डाटा सेवा आवश्यक पर्छ । मोबाइल डाटा प्रयोग गर्दा डाटाको अतिरिक्त शुल्क लाग्ने छ । टेलिकमले उपलब्ध गराएका विभिन्न डाटा प्याकहरुको प्रयोग गरी यो सेवा उपयोग गर्न सकिने छ ।
३ बर्षमा १४ प्रतिशत मात्रै नाफा बढाउने नेपाल बैंकको लक्ष्य, कसरी बिक्ला एफपीओ ?
काठमाडौं । नेपाल बैंकले आउँदो ३ वर्षमा नाफा १४ प्रतिशत मात्र बढाउने लक्ष्य लिएको छ । बैंकले थप निष्कासन (एफपीओ) ल्याउनका लागि सार्वजनिक गरेको आव्हानपत्रमा नाफा वृद्धि न्युन हुने देखाएको हो । आगामी आर्थिक वर्ष ०७६/०७७ मा नाफा सामान्य बढाएर ३ अर्ब ५५ करोड ३४ लाख रुपैयाँ पुर्याउने प्रक्षेपण गरेको छ । गत आर्थिक वर्षमा बैंकले ३ अर्ब ११ करोड ७८ लाख रुपैयाँ नाफा गरेको थियो । ३ वर्षमा बैंकको नाफा ४३ करोड ५५ लाख रुपैयाँ बढ्ने बैंकको प्रक्षेपण रहेको छ । बैंकका अनुसार चालु आर्थिक वर्षमा नाफा ३ अर्ब १७ करोड र आगामी वर्ष ३ अर्ब ४७ करोड रुपैयाँ पुग्ने अनुमान छ । बैंकको नाफामा पनि उल्लेख्य रुपमा वृद्धि नभएपछि प्रतिसेयर आम्दानी (ईपीएस) २३.२० रुपैयाँ बढेर २७ रुपैयाँ ६० पैसा मात्र पुग्ने अनुमान गरिएको छ । ३ वर्षमा बैंकको ब्याज आम्दानी ८ अर्ब ३१ करोड रुपैयाँ पुग्ने अनुमान गरिएको छ । चालु आवमा ब्याज आम्दानी ६ अर्ब १२ करोड र आगामी वर्ष ७ अर्ब ९७ करोड रुपैयाँ पुग्ने आव्हानपत्रमा उल्लेख गरिएको छ । यस्तै संम्भावित नोक्सानी व्यवस्था फिर्ताबाट २३ करोड ३९ लाख रुपैयाँ आम्दानी गर्ने बैंकको लक्ष्य छ । यस्तै बैंकको सेयर पुँजी बढेर ९ अर्ब ८१ करोड रुपैयाँ पुग्ने छ । जगेडा कोषको आकार पनि बढेर १६ अर्ब ७८ करोड रुपैयाँ पुग्ने बैंकको अनुमान छ । चालु आवमा जगेडा कोष ९ अर्ब ७६ करोड र आगामी वर्ष बढेर १३ अर्ब २३ करोड रुपैयाँ पुग्ने छ । ३ वर्षमा निक्षेप परिचालन १० प्रतिशत बढेर १ खर्ब १६ अर्ब २१ करोड पुर्याउने लक्ष्य लिएको छ । गत आवमा बैंकको निक्षेप परिचालन ९० अर्ब ८१ करोड रुपैयाँ थियो । चालु आवमा बढाएर ९६ करोड, आगामी वर्ष १ अर्ब ५ करोड रुपैयाँ पुग्ने अनुमान बैंकको छ । यस्तै कर्जा विस्तार ११ प्रतिशत हुने अनुमान बैंकको छ । आगामी ३ वर्षमा बैंकको कर्जा विस्तार १ खर्ब ५ अर्ब पुग्ने छ । गत आवमा कर्जा विस्तार ७९ अर्ब ७० करोड रुपैयाँ थियो । चालु आवमा ८५ अर्ब आगामी वर्ष ९४ अर्ब ७९ करोड रुपैयाँ पुग्ने अनुमान छ । बैंकले थप निष्कासन (एफपीओ) बिक्रीबाट संकलन हुने रकम कर्जा र शाखा विस्तारमा लगानी गर्ने भएको छ । बैंकले प्रतिकित्ता २८० रुपैयाँमा १ करोड ७६ लाख ८४ हजार ८५८ कित्ता एफपीओ निष्कासन गर्दैछ । एफपीओबाट बैंकले ४ अर्ब ९५ करोड १७ लाख रुपैयाँ संकलन गर्नेछ । सो मध्ये ८५ प्रतिशत अर्थात ४ अर्ब २० करोड ८९ रुपैयाँ कर्जा तथा सापटीमा लगानी गर्ने भएको छ । यस्तै १० प्रतिशत अर्थात ४९ करोड ५१ लाख लगानी, ३ प्रतिशत शाखा विस्तार अर्थात १४ करोड ८५ लाख रुपैयाँ खर्च हुने बैंकले जनाएको छ । अन्य कामका लागि ९ करोड ९० लाख अन्य क्षेत्रमा खर्च गर्ने बैंकले जनाएको छ । एफपीओ निष्कासनपछि बैंकमा सरकारी स्वामित्व ६२.२१ बाट घटेर ५१ प्रतिशत कायम हुने छ । यस्तै सर्वसाधारणको ४९ प्रतिशत हिस्सा रहने छ । यसमध्ये एफपीओबाट प्रवेश गर्नेको स्वामित्व १७ प्रतिशत हुनेछ । बैंकले आउदो शुक्रबार अर्थात असार १५ गतेदेखि एफपीओ निष्कासन गर्दैछ । बैंकले आउदो शुक्रबारदेखि प्रिमियम मूल्यमा थप निष्कासन (एफपीओ) ल्याउदैछ । बैंकले प्रतिसेयर १०० रुपैयाँ अंकित मूल्यमा १८० रुपैयाँ प्रिमियम थपेर प्रतिकित्ता २८० रुपैयाँमा एफपीओ निष्कासन गर्न लागेको हो । बैंकले १ करोड ७६ लाख ८४ हजार ८५८ कित्ता एफपीओ निष्कासन गर्ने छ । एफपीओ निष्कासन बन्द छिटोमा असार १९ गते र ढिलोमा साउन १३ गते हुनेछ । एफपीओ खुलेको दिनदेखि संगठित संस्थाले आवेदन दिन पाउने सिद्धार्थले जानकारी दिएको छ । न्युनतम ५० कित्ता र अधिकम १० ले भाग जाने गरी विद्यमान कानूनी व्यवस्थाको सीमाभित्र रहने गरी अधिकतमका लागि आवेदन दिन सकिने बैंकले जानकारी दिएको छ । बैंकले पुँजीगत आधार अझ मजवुत बनाउन बैंकले प्रिमियम मूल्यमा बैंकले १ करोड करोड ७६ लाख ८४ हजार ८५८ कित्ता एफपीओ निष्कासन गर्न लागेको हो । एफपीओ निष्कासनपछि चुक्तापुँजी बढेर ९ अर्ब ८१ करोड ११ लाख रुपैयाँ पुग्ने छ । एफपीओबाट ४ अर्ब ९५ करोड १७ लाख रुपैयाँ प्राप्त हुनेछ ।
कृषि मन्त्रालय र इरिबीच पाँच वर्षे सम्झौता, मुलुकलाई धानमा आत्मनिर्भर बनाउन जोड
काठमाडौं । कृषि, भूमि व्यवस्था तथा सहकारी मन्त्रालय र अन्तराष्ट्रिय धान अनुसन्धान प्रतिष्ठान (इरि)बीच पाँच वर्षे संयुक्त कार्ययोजनामा हस्ताक्षर भएको छ । सोमबार काठमाडौंमा कृषि, भूमि व्यवस्था तथा सहकारी मन्त्री चक्रपाणी खनालको नेतृत्वमा कृषि सचिव डा. युवकध्वज जिसी र इरिका महानिर्देशक म्याथ्यु मोललेबीबीच सम्झौता पत्रमा हस्ताक्षर भएको हो । सम्झौतामा पाँच वर्षे कार्ययोजनामा ७ वटा थिमअन्तर्गत १६ वटा सम्भावित मुख्य परियोजना छन् । जसले पाँच वर्षभित्र नेपाललाई धानमा आत्मनिर्भर बनाउन सहयोग पुर्याउने मन्त्रालयको भनाइ छ । सम्झौता कार्यक्रममा मन्त्री खनालले उक्त कार्ययोजनाले नेपालमा धान अनुसन्धान र विकासमा उच्च स्तरको प्रविधि विकसित गरी धानको समग्र उत्पादन र उत्पादकत्व बढाई खाद्य र पोषण सुरक्षाको उद्देश्यलाई पुरा गर्ने बताए । ‘सम्झौता कार्यन्वयन गरी नेपालीको जीवनमा सुधार ल्याई गरिबी निवारणमा सहयोग पुर्याइनेछ,’ उनले भने ‘धानको विकासको लागि मन्त्रालय मन्त्रालय सदैव तयार छ ।’ इरिले नेपाललाई धानका नयाँ जातहरु, माटोको उर्वराशक्ती कायम गराउने, रोग तथा किराको रोकथाम, धानको उत्पादन र उत्पादकत्व वृद्धि लागयतको विषयमा सहयोग गर्नेछ । अहिलेसम्म नेपालमा सिफारिस गरेका ८२ धानका जातमध्ये ५० भन्दा बढी जात इरिबाट उपलब्ध भएका छन् । त्योबाहेक अहिलेसम्म ५२ जनाले पीएचडी, ४७ जनाले मास्टर्स डिग्री, १० जनाले अन द जव तालिम र २२८ जनाले छोटो अवधिको तालिम गरी ३३७ जनाले इरिबाट धान सम्बन्धी ज्ञान हासिल गरेका छन् । नेपाल सरकार र इरिबीच सन १९६६ देखि सहकार्य शुरु भएको हो । सन् २००५ मा इरिले नेपालमा आफ्नो कार्यालय स्थापना गरेको थियो । त्यस्तै मन्त्रालय र इरिको अगुवाईमा ‘नेपाल धान कार्यदल’ गठन गरेको छ जसमा धान अनुसन्धान र विकासमा संलग्न भएका संस्थाहरु नार्क, कृषि विभाग, कृषि र वन विश्वविद्याालय, नीजि क्षेत लगायतको सहभागिता छ । नेपाल र इरिबीच पहिलो पाँच वर्षे सम्झौता १३ डिसेम्बर २०१० र दोस्रो सम्झौता ९ जुन २०१७ मा भएको थियो ।
