‘बिमिस्टेक माइनस सार्क एजेण्डा हाेइन’, सरकारको यस्तो छ तयारी
काठमाडौं । सरकारले बुहपक्षीय प्राविधिक तथा आर्थिक सहयोगका लागि बंगालको खाडीको प्रयास (बिमिस्टेक) सम्मेलनका तयारी अन्तिम चरणमा पुर्याएको छ । सम्मेलनमा भदौ १४ र १५ गते काठमाडौंमा हुने भएको छ । बिमिस्टेकको सबै तयारी सकिएको परराष्ट्र मन्त्री प्रदिपकुमार ज्ञवालीले बताएका छन् । सिङापुरमा भएको डोनाल्ड ट्रप्प र किम जोङ उनबीचको शिखरवार्तामा सुरक्षा दिएको गोर्खालीले अब बिमिस्टेकमा पनि ठूलो शक्ति प्रर्दशन गर्ने उनले बताएका छन् । माइनस पाकिस्तान एजेण्डा मान्दैनौं नेपालले बिमिस्टेकलाई अघि सारेर सार्कलाई पछि पार्न खोजेको होइन । विश्वमा धेरै ठूला विवादहरु वार्ताको माध्यमबाट टुङिगसकेका छन् । भारत र पाकिस्तानबीच विवाद धेरै ठूलो विवाद होइन । नेपालले सार्क सम्मेलनको लागि औपचारिक तथा अनौपचारिक वार्ता गरिरहेको छ । नेपाल सार्कको अध्यक्ष भएको हैसियतले दुई देशबीचको विवाद मिलाएर सार्क सम्मेलन गर्न प्रयासरत रहेको छ । नेपालले पाकिस्तानलाई एक्लाउने भारतीय रणनितिलाई समर्थन गर्दैन । गल्ति ठूला राष्ट्रले गर्ने हामीले किन सजाय भोग्ने ? आजको दिनमा प्रदुषण गर्ने ठूला राष्ट्र हुन् । यस विमिस्टेकको मुल नारा शान्त समृद्ध र दिगो विकास बंगालको खाडी तर्फ भन्ने रहेको छ । बंगालको खाडी हाम्रो जीवनसँग प्रत्यक्ष जोडिएको विषय हुन् । जहाँ समुद्रबाट पानी बाफ भई सेता हिमालमा ठोकिन्छन् र पुन वर्षाको चक्र पुरा गर्दछ । ठूला देशहरुले गरेको प्रदुषणले हाम्रा हिमालयहरु पग्लने गरेका छन् । यसको विषयमा बिमिस्टेकमा छलफल हुनेछ । ७ देशका राष्ट्र प्रमुुख काठमाडौं बिमिस्टेकमा सहभागी हुन नेपाल सहित ८ देशका राष्ट्रप्रमुख काठमाडौंमा भेला हुनेछन् । अगस्ट ३९ तारिखमा बंगलादेशका प्रधानमन्त्री शेख हसिना, भुटानका अन्तरिम प्रधानमन्त्री थङको छेरिङ वाङको, म्यानमारका प्रधानमन्त्री विन माइन्ट, श्रीलंकाका राष्ट्रपति माइथारीपाला श्रीसेना थाइल्याण्डका प्रधानमन्त्री इंग्लक सिनावाट्रा र भारतिया प्रधानमन्त्री नरेन्द्र मोदी भने अगस्ट ३० तारिख बिहान काठमाडौं उत्रिनेछन् । कार्यक्षेत्र १६ बुँदाबाट घटाएर ७ बुँदा बनाइने बिमिस्टेकको कार्यक्षेत्र निकै १६ बुँदाबाट घटाएर ७ बुँदामा झार्ने तयारी गरिएको छ । विशेषगरी गरिबी निवारण, ग्रीड कनेक्टिभीटी, अन्तर क्षेत्रिया व्यापार, जलविधुत र सुरक्षा चुनौति लगायत विषयमा छलफल हुनेछ । यसैगरी रेल, अप्टिकल फाइबर, विद्युत प्रशारण र पर्यटन व्यवसायका विषयमा समेत छलफल हुनेछ । नेपालको व्यापार चीन र भारतमा मात्र सिमित हुदैंन नेपाल नेपाली व्यापार चीन र भारतमा मात्र सिमित रहेका देखिएको छ । अब यसको अन्त्य गरि अन्तर क्षेत्रिय व्यापारमा ध्यान दिइनेछ । नेपाल विद्युत बजारको मुख्य केन्द्रमा हुनेछ । विदेशी राष्ट्रप्रमुखका गतिविधी म्यामारका राष्ट्रप्रमुख र श्रीलंकाका राष्ट्रपतिको द्धिपक्षिय भ्रमण हुनेछ । उनीहरु बिमिस्टेको औपचारिक भ्रमण सकिएपछि लुम्बिनी भ्रमणमा निस्किनेछन् । भारतीय प्रधानमन्त्री नरेन्द्र मोदी, श्रीलंकाका राष्ट्रपति श्री सेना र केपी शर्मा ओलीबीच त्रिपक्षिय छलफल हुनेछ । मोदीले पशुपति विकास क्षेत्रमा बनेको धर्मशालाको सिलान्यास समेत गर्नेछन् । उच्च सुरक्षाको तयारी पाहुनाको सुरक्षाका लागि सरकारले दुई समितिको निर्माण गरी तयारी गरिरहेको छ । सुरक्षाको लागि नेपाल प्रहरी, शसस्त्र प्रहरी र नेपाली सेना तीनै तहका सुरक्षा निकायको परिचालन हुनेछ । होटल साल्टीको सुरक्षा केहि हप्ता अघि देखिनै हुनेछ । यसरी हुनेछ बिमिस्टेकको उद्घाटन अगस्ट ३० तारिखमा थाइल्याण्ड र भारतीय प्रधानमन्त्री काठमाडौं ओर्लिएपछि राष्ट्रपति विद्यादेवी भण्डारीले शितल निवासमा दिवाभोज आयोजना गर्नेछिन् । दिवाभोजको कार्यक्रम सकिए लगतै होटल सोल्टीमा पुगेर केपी शर्मा ओलीले बिमिस्टेकको औपचारिक उद्घाटन गर्नेछन् । उद्घाटन कार्यक्रम सकिएपछि होटल हायातमा प्रधानमन्त्री ओलीको सामूहिक रात्रीभोज कार्यक्रम हुनेछ । ३० तारिखमा गार्ड अफ अनर दिएर बिमिस्टेकको औपचारिक सम्झौता हुनेछ । अन्तिम दिन काठमाडौं घोषणापत्र जारी गर्नेछ । (प्रदिप कुमार ज्ञावालीले दिएको जानकारीमा आधारित)
फेसबुकमा राष्ट्रपतिको आलोचना गर्ने व्यक्ति पक्राउ, अपराधसम्वन्धी मुद्धा चलार्इँदै
हरारे । फेसबुकमा राष्ट्रपति इमर्सन नानगाग्वाँको आलोचना गरेको आरोपमा जिम्बाबेको प्रहरीले एक व्यक्तिलाई पक्राउ गरेको छ । मनङग्वाका खरो आलोचकका रुपमा चिनिने मुन्याराड्जी शोकोले राष्ट्रपतिलाई सैतानसँग तुलना गरेपछि पक्राउ गरिएको अधिकारीहरूले बताएका छन् । जिम्वाब्बेको मानवअधिकारवादी वकिल कुम्बिराइ माफुन्डाले शोकोलाई पक्राउ गरिएको बुधबार पुष्टि गरेको समाचारमा जनाइएको छ । हरारेमा रहेको केन्द्रीय प्रहरी कार्यालयमा शोकोलाई राखेर अपराधसम्वन्धी मुद्धा चलाउन लागिएको माफुन्डाले जानकारी दिए । शान्ति सुरक्षा कायम गर्न र कानूनको कार्यान्वयन गर्नका लागि उनको अभिव्यक्ति प्रतिकूल भएकाले पक्राउ गरिएको माफुन्डाको भनाई छ । घटनाका बारेमा प्रहरीले भने अहिले सम्म कुनै प्रतिक्रिया नदिएको बताइएको छ । गत जुलाई ३० मा भएको निर्वाचन बेला पनि विपक्षी समर्थक समूहको तर्फबाट भएको प्रदर्शनमा शोकोको हात रहेको बताइएको छ । त्यतिबेला भएको हिंसामा परी कम्तीमा छ जना मारिएका थिए । निर्वाचनमा नानगाग्वाँ विजयी भएको घोषणा गरिएपनि नतिजाका बारेमा अहिले पनि अदालतमा मद्दा रहेको छ । रासस/एएफपी
‘मकालु’ को पहिलो उडान थाइल्याण्डको बैंकक
काठमाडौं । राष्ट्रिय ध्वजाबाहक नेपाल वायुसेवा निगमको दोस्रो वाइड बडी ए ३३०–२०० सिरिजको ‘मकालु’ विमानले थाइल्याण्डको बैंककबाट व्यावसायिक उडान शुरु गरेको छ । ‘नाइन एन एएलजेट’ कलसाइनको मकालु विमानले आजदेखि बैंकक नियमित उडान शुरु गरेको निगमका महाप्रबन्धक सुगतरत्न कंसाकारले जानकारी दिए। विदेशी विमानचालक ९पाइलट० ‘क्याप्टेन’ र नेपाली विमान सहचालक ‘कोपाइलट’ ले मकालु उडाएका हुन् । दुवै वाइड बडीका लागि पाइलटको व्यवस्था भइसकेको तथा थप पाइलट व्यवस्थापनको प्रक्रियामा रहेको महाप्रबन्धक कंसारकारको भनाइ छ । निगमका प्रवक्ता रवीन्द्र श्रेष्ठका अनुसार मकालुले पुरानै उडान तालीकाअनुसार सातामा तीन दिन बैंकक उडान भर्नेछ । यात्रुको चाप र पाइलटको पूर्णतापछि बैंककमा थप उडान तथा अन्य गन्तव्यमा विस्तार गरिनेछ । गत साउन १० गते काठमाडौँ अवतरण गरेको मकालुले साउन ३१ गते नियामक निकाय नेपाल नागरिक उड्डयन प्राधिकरण ९क्यान० बाट वायुयान उडान सञ्चालन अनुमतिपत्र ९एओसी० पाएको थियो । निगमको पहिलो वाइड बडी ए ३३०–२०० ‘नाइन एन एएलवाइ’ कलसाइनको ‘अन्नपूर्ण’ गत असार १६ गते नेपाल भित्रिएको थियो । अन्नपूर्णले गत साउन १६ गतेबाट कतारको दोहा व्यावसायिक उडान शुरु गरेको थियो । पहिलो उडान दोहा भए पनि भारतको नयाँदिल्ली मात्र उडेको अन्नपूर्णले साउन ३० देखि बेङ्लोर उडान शुरु गरेको थियो । आवश्यक प्रक्रिया पूरा गरेर नयाँ वाइड बडीले दक्षिण कोरिया, जापान, र साउदी अरेबियाको रियादमा सेवा शुरु गर्ने योजना बनाएको छ । निगमले हाल भारतको नयाँदिल्ली, बेङ्लोर र मुम्बई तथा हङ्कङ, मलेसिया, थाइल्याण्ड, दोहा र दुबईमा उडान गर्दै आएको छ । एक बोइङ नाइन एसिबी–५७५, एक वाइड बडी ए ३३०–२०० र एयरबस ३२० सिरिजको दुई जहाजबाट निगमले अन्तर्राष्ट्रिय उडान गरिरहेको हो । निगमले आन्तरिकतर्फ नौ वटा विमानबाट सेवा दिइरहेको छ । यीमध्ये चीनबाट ल्याइएका वाई १२ चार वटा, एमए ६० दुई वटा र तीन वटा ट्विनअटर विमान छन् ।रासस
होटल अन्नपुर्णमा एकाको अष्ट्रेलियन एजुकेशन फेयर शुरु, ५ हजार विद्यार्थी सहभागि हुने
काठमाडौं । उच्च शिक्षाका लागि अस्ट्रेलिया जान चाहने विद्यार्थीहरुलाई लक्षित गरेर काठमाडौंको होटल अन्नपूर्णमा ‘अस्ट्रेलियन एजुकेशन फेयर २०१८’ शुरु भएको छ । अस्ट्रेलियन एजुकेशन कन्सल्ट्यान्स अलायन्स (एका) को आयोजनामा भइरहेको मेला भाेलि(भदाै ९ गते)सम्म चल्नेछ । सो कार्यक्रम अष्ट्रेलियन राजदुत पिटर वडले एक औपचारीक समारोहका बिच उद्घाटन गरे । उनले अष्ट्रेलिया नेपाली विद्यार्थीहरुका लागि उच्च शिक्षा हासिल गर्ने उत्कृष्ट गन्तब्य रहेको बताएका छन् । अस्ट्रेलियाबाट संचालित एजुकेशन कन्सल्टेन्सीहरुको छाता संगठन एकाले दोस्रो संस्करणका रुपमा मेलाको आयोजना गरेको हो । एकाका अध्यक्ष निरज श्रेष्ठले मेलामा अस्ट्रेलिया जान चाहने विद्यार्थीहरु र तिनका अभिभावकलाई अस्ट्रेलियाको शैक्षिक क्षेत्रबारे विस्तृत जानकारी दिने बताए । अस्ट्रेलियाका राम्रा विश्वविद्यालय तथा कलेजमा अध्ययन गर्न चाहने विद्यार्थीलाई त्यहाँको रहनसहन, संस्कृतीका बारेमा सम्बन्धित परामर्श व्यवसायी तथा शिक्षालयका प्रतिनिधीले मेलामा जानकारी उपलब्ध गराउने छन् । यसका साथै शैक्षिक छात्रवृत्ति हासिल गर्न सक्ने बिषय र शैक्षिक संस्थाको बारेमा पनि विद्यार्थीलाई उक्त मेलामा जानकारी उपलब्ध गराइनेछ । त्यस क्रममा विद्यार्थीलाई अस्ट्रेलिया जानुपुर्व र गइसकेपछि गर्ने तयारीका विषयमा विषयगत विज्ञले विस्तृत जानकारी दिनेछन् । एका अध्यक्ष श्रेष्ठका अनुसार अस्ट्रेलियामै रहेर सञ्चालित परामर्श व्यवसायीहरुको मेला भएकाले विद्यार्थीले अस्ट्रेलिया पुगेर पनि निरन्तर तिनको आवश्यक सहयोग पाउनेछन् । अध्यक्ष श्रेष्ठ भन्छन्– अस्ट्रेलिया एजुकेसनको बारेमा एक्का सदस्य व्यवसायीहरु जत्तिको विश्वासिलो र भरपर्दो अन्य शैक्षिक परामर्श व्यवसायीहरु हुन सक्दैनन । यो जानकारी दिनपनि नेपालमा मेला आयोजना आवश्यक ठानेका हौं ।’ एउटै छाना मुनी विभिन्न विश्वविद्यालय, कलेजहरुको सहभागिता हुने भएकाले विस्तृत शैक्षिक कार्यक्रम र तिनका पाठ्यक्रमबारे विद्यार्थीले जानकारी हासिल गर्न सक्छन् । विद्यार्थीले यो मेलामा आएर वास्तविक परामर्श पाउने भएकाले अस्ट्रेलिया जाने सोचमा रहेका सम्पुर्ण विद्यार्थीलाई मेलामा सहभागि भईदिन अध्यक्ष श्रेष्ठले अपिल गरेका छन् । उक्त मेलामा ५ हजार विद्यार्थी सहभागि हुने अपेक्षा आयोजकले राखेको छ । मेलामा २२ वटा अस्ट्रेलियन एजुकेशन कन्सल्टेन्सी र सातवटा अस्ट्रेलियन कलेजको सहभागिता रहेको छ । यस्तै केहि विश्वविद्यालयका प्रतिनिधीहरु सहभागी छन् । मेलामा विद्यार्थी तथा अभिभावकहरुले विश्वविद्यालय, कलेज र कन्सल्टेन्सिका प्रतिनिधीसँग सबै विषयमा खुलेर परामर्श लिन सक्नेछन् । विद्यार्थी र शैक्षिक परामर्श व्यवसायीबीच अस्ट्रेलियन शिक्षाका बारेमा जानकारी आदानप्रदान गर्ने उद्देश्यले यो मेला आयोजना गरिएको अध्यक्ष श्रेष्ठले बताएका छन् ।
बीमा समितिको निमित्त कार्यकारी निर्देशकमा पौडेल
काठमाडौं । बीमा समितिको निमित्त कार्यकारी निर्देशकमा राजु रमण पौडेल नियुक्त भएका छन् । शुक्रबार समितिका अध्यक्ष चिरञ्जीवी चापागाईँले पौडेललाई निमित्त कार्यकारी निर्देशकमा बढुवा गरेका हुन् । अघिल्ला निमित्त कार्यकारी निर्देशक श्रीमान कार्कीले असार १ गतेदेखि अवकास पाएपछि सो पद खाली थियो । यद्यपी बीमा समितिमा कार्यकारी निर्देशक पद भने चार बर्षदेखि खाली रहँदै आएको छ । बीमा समितिमा निर्देशकका रुपमा कार्यरत पौडेललाई बरिष्ठताका आधारमा निमित्त कार्यकारी निर्देशक नियुक्त गरिएको हो ।
साना तथा मझौँला उद्यम व्यवसाय विकासको वातावरण बनाउन अध्यक्ष राणाकाे आग्रह
काठमाडौं । नेपाल उद्योग वाणिज्य महासंघका अध्यक्ष भवानी राणाले साना तथा मझौँला उद्यम व्यवसाय विकासको वातावरण बनाउन सरकारको ध्यानाकर्षण गराएकी छिन् । उनले शुक्रबार ललितपुरमा साना तथा मझौला व्यवसायी महासंघद्धारा आयोजित तीज महोत्सव तथा महिला उद्यमी मेलाको उद्घाटन गर्दै सरकाले उक्त कुरामा ध्यान दिनुपर्ने बताएकी छिन् । उद्घाटन कार्यक्रमलाई संबोधन गर्दै अध्यक्ष राणाले मुलुकको आर्थिक विकास एवं समृद्धिको एक कडीको रूपमा रहेका साना तथा मझौला व्यवसाय त्यसमा पनि महिलाहरूले उत्पादन गरेको वस्तुहरूलाई प्रवद्र्धन गर्ने उद्देश्यले आयोजना गरिएको मेला यस क्षेत्रको विकासमा सहयोगी हुने बताएकी छिन् । सरकारले यस क्षेत्रको विकासमा विशेष गरी सहज रूपमा ऋणको व्यवस्था, बजार पहुँच तथा प्रवद्र्धन र नविनतम तकनिकीमा उद्यमीहरूले सरकारको सहयोग खोजेको स्पष्ट पारेकी छिन् । यो क्षेत्रलाई विस्तार हुने वातावरण बनाइदिन आवश्यक रहेको जसले गर्दा दिगो रूपमा व्यवसाय संचालनमा सहयोग पुग्ने छ । उद्यमशीलता प्रवद्र्धन मार्फत मुलुक भित्र रोजगारीको पर्याप्त अवसर सृजना गर्न सकिने अध्यक्ष राणाले बताइन् । उक्त मेला तीन दिनसम्म संचालन हुने छ । मेला हिन्दु नारीहरूको महान चाड तीजको अवसर पारेर महिला उद्यमीहरूलाई हौसला प्रदान गर्ने एवं उद्यमीहरूबाट उत्पादित वस्तुहरूको बजार प्रवद्र्धन गर्ने उद्देश्यले आयोजित गरिएको हो । मेलामा विभिन्न जिल्लाका साना तथा मझौला व्यवसायी महिलाहरूले आ–आफ्नो उत्पादनहरू प्रदर्शनीमा राखेका छन् । मेला महोत्सवले व्यवसाय प्रवद्र्धनमा ठूलो भूमिका खेल्नुका साथै विशेष गरि महिला दिदी बहिनीहरूलाई व्यवसाय संचालनमा थप उर्जा मिल्ने छ । समय समयमा आयोजना गरिने मेला महोत्सव मुलुकभित्र साना तथा मझौला उद्यमको यथार्थ वस्तुतथ्य बाहिर ल्याउन कोषेढुंगा हुने विश्वास लिएको अध्यक्ष राणाले बताइन् ।
डा.अनिल भट्टराईले बचाए दुई आमा छोरा, अहिलेसम्मकै दुर्लभ ‘ओपन हार्ट सर्जरी’ गर्न सफल
काठमाडौं । बरिष्ठ मुटुरोग विशेषज्ञ उप-प्रध्यापक डा. अनिल भट्टराईको नेतृत्वमा त्रि.वि. शिक्षण अस्पताल महाराजगञ्जमा रहेको मनमोहन कार्डियोथोरासिस भास्कुलर एण्ड ट्रान्सप्लान्ट सेन्टरमा अहिलेसम्मकै दुर्लभ खुल्ला हृदय शल्यक्रिया (ओपन हार्ट सर्जरी) सफल रुपमा सम्पन्न भएको छ । रामेछाप सुनपाती गाउँपालिकाकी २४ वर्षीया (३७ हप्ताकी गर्भवती महिला) प्रमिला अर्यालको मुटुको सफल शल्यक्रिया सम्पन्न भएको हो । आमा र छोरा दुवैको स्वास्थ्य अवस्था अहिले राम्रो रहेको शल्यक्रियाको नेतृत्व गरेका डा. भट्टराइले जानकारी दिए । अर्याललाई टाईप ए अरोटिक डिसेक्शन विथ प्रेगनेन्सी रोग लागेको थियो । यो दुर्लभ रोग हो । यो रोग लागेपछि विरामी बाँच्ने सम्भवना अत्यन्तै न्यून हुन्छ । तर, मनमोहनको यो ९ वर्षको ईतिहाँसमा पहिलोपटक हो यस्तो रोग लागेका विरामीको सफल शल्यक्रिया भएको डा. भट्टराईले जानकारी दिए । उनले भने,“बच्चा जन्मिँदा बेहोस थियो । तीन घण्टापछि उसको होस आएको छ । आमालाईपनि अहिले भेन्टिलेटरबाट छुट्याएर आईसियूमा सारिएको छ ।” आमा र बच्चा दुवै बचाउन सफल भएकोमा खुशी व्यक्त गर्दै डा. भट्टराईले भने,“मेरो करिअरको १३ वर्षको ईतिहासमा यस्तो दुर्लभ रोग लागेका विरामीको सफल शल्यक्रिया गरेर नयाँ जीवन दिन पाउँदा खुशी लागेको छ । मेरो टिमलाई म धन्यवाद भन्न चाहन्छु ।” सेन्टरका कार्यकारी निर्देशक प्राध्यापक डा. उत्तमकृष्ण श्रेष्ठलेपनि यस्तो दुर्लभ रोग लागेको विरामीको आफ्नो सेन्टर र यसका डाक्टरहरुले सफल शल्यक्रिया सम्पन्न गरेर आमा र छोरा बचाउन सफल भएकोमा खुशी व्यक्त गरे । उनले भने,‘‘म टिमप्रति आभारी छु । उहाँहरुलाई धेरै धेरै धन्यवाद भन्न चाहन्छु।’ उक्त शल्यक्रियामा कार्डियाक सर्जरी टिमका डा. भट्टराईका साथै डा. प्रभात खकुरेल, डा. रवि बराल र डा. निकेश भण्डारी सहभागी थिए । त्यस्तै एनस्थेसिया टिममा डा. विश्वास प्रधान, डा. विभुष श्रेष्ठ, डा. मन्दिरा बस्नेत, डा. प्रिष्का बास्तोला र डा. अर्जुन गुरुङ सहभागी थिए । गाईनोकोलोजीमा भने डा. ज्योति शर्मा, डा. बेखा लक्ष्मी मानन्धर, डा. सुनिति रावल, डा. सुनिता बज्राचार्य र डा. सुभाना माष्के सहभागी थिए । त्यस्तै बाल रोग विशेषज्ञमा भने डा. प्रदीप पौडेल र डा. कविता मानन्धर उपचारमा संलग्न थिए । परफ्युजन टिममा महेन्द्र भट्ट, पुर्ण मोक्तान र रविन्द्र शाह संलग्न थिए । नर्सिङ स्टाफहरुमा जया शर्मा, अर्चना गुरुङ, योजना रेग्मी, सरिता त्रिपाठी, लक्ष्मी योञ्जन, रुची शाह र रबिना मानन्धर थिए । डा. भट्टराई सामाजिक सेवामासमेत सक्रिय छन् । उनको पहलमा सयौं असहाय, गरिब तथा दुर्गमका मुटुरोगीहरुको सफल उपचार भएको छ । अहिलेसम्म उनले ९० भन्दा बढि विरामीको निःशुल्क मुटुको शल्यक्रिया गरिसकेका छन् । डा. भट्टराईले रुकुम, रोल्पा, कालिकोट, पर्वत, पाल्पालगायत ४० भन्दा जिल्लामा आफ्नो नेतृत्वमा निःशुल्क मुटु शिविर लिएर गएका छन् । शिविरको क्रममा भेटिएका गम्भिर प्रकृतिका मुटुरोगीहरुलाई आफ्नो पहलमा काठमाडौं ल्याई सफल उपचार गराएर घर पठाएका छन् । उनले ‘सेभ द हार्ट’ नामक सामाजिक संस्थामार्फत यस्तो कार्य गरिरहेका छन् ।
सिभिल बैंकले बालविकास समाजलाई दियो दुई लाख रुपैयाँ
काठमाडौं । सिभिल बैंक लिमिटेडले आफ्नो सामाजिक उत्तरदायित्व अन्तर्गत बालविकास समाजलाई २ लाख रुपैयाँको चेक हस्तान्तरण गरेको छ । उक्त चेक सिभिल बैंकका चिफ बिजिनेस अफिसर सुजितकुमार शाक्यद्वारा बालविकास समाजका अध्यक्ष सुवास गौतम र कोषाध्यक्ष सुरेन्द्र ढकाललाई संयूक्त रुपमा हस्तान्तरण गरेका थिए । देशको भविष्य युवा पुस्ताको हातमा रहेको कुरा मनन गर्दै बालविकास समाजलाई यो सहयोग गरिएको कुरा बैंकका चिफ बिजिनेस अफिसर सुजितकुमार शाक्यले बताए । सिभिल बैंकले संस्थागत सामाजिक उत्तरदायित्वको कार्यक्रम अन्तर्गत पाँचखालमा संचालित ‘समाज कल्याण बाल गृहका तीन अनाथ बालकहरूको कक्षा १० सम्मको सम्पूर्ण खर्च बैंकले विगत ८ वर्ष देखि व्योहोर्दै आइरहेको छ । यस बालविकास समाजसँग पनि बैंकले विगत २ वर्षदेखि निरन्तर रुपमा सहयोग उपलब्ध गराउँदै आइरहेको बताएको छ ।
