सास गन्हाएर हैरान हुनुहुन्छ ? छुटकारा पाउन बेकिङ सोडा यसरी प्रयोग गर्नुस्
काठमाडौं। धेरै मानिसहरुको सास गन्हाउने समस्या हुन्छ। दाँतलाई दिनको दुई पटक वा सो भन्दा बढी माझ्ने, माउथ वाश प्रयोग गर्ने वा मुख सफा राख्ने जस्ता कार्य गरे पनि सास गन्हाउने समस्याले हैरान नै बनाउँछन्। यसले गर्दा अरुको अगाडी गएर निस्फिक्री कुरा गर्न नसकिने वा अरुले पनि तपाईंलाई त्यति धेरै मन नपराउने जस्ता समस्याहरु झेल्नुपर्ने हुन्छ। यदि सहनै नसक्ने गरि सास गनाउँछ भने डाक्टरसंग सल्लाह लिएर उपचार गराउनु बेस हुन्छ। तर कतिपय अवस्थामा आफ्नै लापरबाह वा मुखको राम्रो सफा नगर्नाले यस्तो समस्या आउँछन्। सास गनाउने समस्या रोक्न यस्ता घरेलु चिजहरु छन् जुन प्रभावकारी र अचुक औषधी सावित भइसकेको छ। यस समस्या बाट छुटकारा पाउन बेकिंग सोडा एक अचुक औषधी हो जसले सास गन्हाउने समस्यालाई पूर्ण रुपमा हटाउँछ। तल दिएका विधी अप्नाई सास गनाउने समस्याबाट बच्नुहोस् १. बेकीङ सोडाले मुख पखाल्ने: आधा कप पानीमा सानो चम्चा को आधा बेकीङ सोडा राख्ने। बेकीङ सोडालाई पानीमा घोलिसकेपछी मुखमा राखेर भित्र वरिपरी पुर्याउने। त्यसपछि पानीलाई फाल्ने र मुख राम्ररी पखाल्ने। २. बेकीङ सोडाले ब्रस गर्ने: थोरै बेकीङ सोडाको पाउडरलाई कचौरामा राख्नुहोस्। अब थोरै मात्रा ब्रसमा लिएर दैनिक ब्रस गरे जसरी नै दाँतलाई माझ्नु होस्। यसरी ब्रस गरिसकेपछि मुखलाई राम्ररी पखाल्नुहोस्। ३. बेकीङ सोडा र कागतीको रस: सानो एक चम्चा बेकीङ सोडा र कागतीको रस लिने। आधा कप जति पानीमा बेकीङ सोडा र कागतीको रस मिसाउने। यी तीनओटै चिज मिक्स गरेपछि यस पानीलाई मुखमा राखेर १ वा २ मिनेटको लागि गर्गल गर्ने। यस विधिलाई बिहान, दिउसो र राती गरि तीन पटक सम्म प्रयोग गर्न सक्नुहुनेछ। यसो गर्नाले तपाईंको सास गन्हाउने समस्या १ देखि २ हप्ता भित्र देखि नै कम हुँदै जान्छ र निरन्तर यस विधिलाई अपनाउनु भयो भने पूर्ण रुपमा छुटकारा पाउनु हुनेछ।
तीन महिनामा १०२ उद्याेग थपिए, साढे ३ हजार राेजगारी सिर्जना
काठमाडौँ । चालु अार्थिक वर्षकाे पहिलाे ३ महिनामा देशभर १ अर्ब ५ करोड २ लाखको लागतमा १०२ वटा नयाँ उद्योग स्थापना भएका छन् । उद्याेग विभागकाे तथ्याङ्क अनुसार ती उद्याेगहरुबाट ३ हजार ५५२ रोजगारी सिर्जना हुनेछ । स्थापना भएका उद्याेगहरुमध्ये सबैभन्दा बढी लगानी पर्यटन क्षेत्रमा आएको छ । तीन महिनामा पर्यटन क्षेत्रमा ३५ वटा उद्योग स्थापना भएका छन्, जसको लागत ५९ करोड १० लाख छ । सो आयोजनामा ७६४ जनाले रोजगार पाउनेछन् । कृषि तथा वनजन्यतर्फ ८ वटा उद्योग स्थापना भएका छन् । सो परियोजना लागत १ अर्ब ८५ करोड ९० लाख लागत छ । ती परियोजनाहरुमा २३१ जनाले रोजगार पाउनेछन् । उक्त अवधिमा उर्जा सम्बन्धी एउटा उद्योग स्थापना भएको छ, जसको लागत २ करोड परियोजना लागत छ । सो परियोजनामा १७ जनाले रोजगार पाउनेछन् । सूचना प्रविधि सम्बन्धी ७ वटा उद्योग स्थापना भएका छन् । सो परियोजना लागत २० करोड लागत छ । सो परियोजना १६४ जनाले रोजगार पाउनेछन् । उत्पादनमूलकतर्फ भने यस अवधिमा २० वटा उद्योग स्थापना भएका छन् । यी उद्याेगहरुमा ६ अर्ब ९५ करोड २० लाख लगानी भएका छन् । सो परियोजनामा १२१० जनाले रोजगार पाउनेछन् । सो समयमा सेवा क्षेत्रमा भने ३१ वटा उद्योग स्थापना भएका छन् । कुल १ अर्ब ३० करोड लगानी गरिएको उक्त परियोजनाबाट ११६६ जनाले रोजगार पाउनेछन् ।
विभिन्न २१ कम्पनीले ३ अर्ब १२ करोडको आर्इपीओ बिक्री गर्दै
काठमाडौं । विभिन्न २१ कम्पनीको तीन अर्ब १२ करोड ४१ लाख रुपैयाँ मूल्य बराबरको साधारण सेयर (आर्इपीओ) बिक्रीको तयारी भइरहेको छ । नेपाल धितोपत्र बोर्डकाअनुसार ती कम्पनीले सेयर बिक्रीका लागि आवेदन दिएका हुन् । आवेदन दिएका कम्पनीको आर्थिक अवस्था तथा अन्य कागजात मगाएर अध्ययन भइरहेको बोर्डले जनाएको छ । आवेदन दिएकामध्ये १५ कम्पनी जलविद्युत्सँग सम्बन्धित, पाँच माइक्रोफाइनान्स कम्पनी र एक लगानी कम्पनीसँग सम्बन्धित छन् । ती मध्ये जोशी हाइड्रोपावरले साधारण सेयर बिक्रीको अनुमति पाइसकेको छ । बोर्डमा आवेदन दिएका जलविद्युतसँग आवद्ध कम्पनीमा सिइडिबी हाइड्रो फण्डले २२ करोड ८९ लाख रुपैयाँ बराबरको साधारण शेयर बिक्री गर्न लागेको छ । सयपत्री हाइड्रोपावरले ३ करोड रुपैयाँ बराबरको साधारण सेयर बिक्रीको तयारी गरेको छ । शुभम् पावरले पाँच करोड ८० लाख रुपैयाँ, रुरु जलविद्युत् परियोजनाले ४ करोड ७ लाख रुपैयाँ र माउन्टेन हाइड्रोले १८ करोड १६ लाख रुपैयाँ बराबरको साधारण सेयर बिक्री गर्नेछ । त्यस्तै बोर्डमा आवेदन दिएको पाँचथर पावर कम्पनीले १९ करोड २५ लाख रुपैयाँ तथा ग्रीनलाइफ हाइइड्रोपावरले १८ करोड रुपैयाँ बराबरको साधारण सेयर बिक्रीको तयारी गरेको छ । मैलुङखोला जलविद्युत् कम्पनी आवेदन स्वीकृतिको प्रक्रियामा रहेको छ । सो कम्पनीले ७ करोड ३६ लाख २८ हजार ६०० रुपैयाँ, युनिभर्सल पावर कम्पनीले ९६ करोड ६१ लाख ६१ हजार रुपैयाँ, शिवश्री हाइड्रोपावरले १४ करोड ७६ लाख ४० लाख रुपैयाँ र घलेम्दी हाइड्रोपावरले १५ करोड ५५ लाख ७७ हजार रुपैयाँ बराबरको साधारण शेयर बिक्रीको तयारी गरेको छ । बोर्डमा आवेदन दिएको गज्र्याङ उपत्यका हाइड्रोपावर लिमिटेडले दुई करोड, लघिङ बुद्ध पावरले नौ करोड ७८ लाख रुपैयाँ र युनियन हाइडेल कम्पनीले पाँच करोड ५० लाख रुपैयाँ बराबरको साधारण सेयर बिक्रीको तयारी गरेको छ । साधारण सेयर बिक्रीका लागि आवेदन दिनेमा आशा लघुवित्त वित्तीय संस्थासमेत छ । सो संस्थाले रु ६ करोड बराबरको साधारण शेयर बिक्रीको तयारी गरेको छ । यस्तै जनसेवी लघुवित्त वित्तीय संस्थाको रु चार करोड २० लाख र स्पर्श लघुवित्त वित्तीय संस्थाको दुई करोड ४० लाख रुपैयाँ बराबरको साधारण सेयर बिक्री स्वीकृतिको चरणमा छ । अनुमतिको प्रक्रियामा रहेको मर्चेन्ट बैंकमा सिबिआइएल क्यापिटल लिमिटेड पनि छ । सो कम्पनीले ३ करोड रुपैयाँ बराबरको साधारण शेयर बिक्रीको तयारी गरेको छ । त्यस्तै स्वाभिमान माइक्रोफाइनान्स वित्तीय संस्थाको एक करोड ८० लाख रुपैयाँ बराबरको साधारण सेयर बिक्रीका लागि स्वीकृतिको चरणमा छ । बोर्डले चालु आवको हालसम्म एक अर्ब ६१ करोड ४९ लाख ९० हजार रुपैयाँ बराबरको साधारण सेयर बिक्रीका लागि अनुमति दिएको छ । बोर्डका प्रवक्ता निरज गिरीका अनुसार विभिन्न चार कम्पनीले साधारण शेयर बिक्रीका लागि अनुमति लिएका छन् । अनुमति लिएकामध्ये कालिका पावर कम्पनीले १२ करोड रुपैयाँ बराबरको साधारण सेयर बिक्री गरिसकेको छ । यस्तै चौतारी लघुवित्त वित्तीय संस्थाले पाँच करोड ४० लाख रुपैयाँ र हिमालयन ऊर्जा विकास कम्पनीले स्थानीयवासीलाई ९ लाख ९० हजार रुपैयाँ बराबरको साधारण सेयर बिक्री गरेको छ । चिलिमे जलविद्युत् कम्पनीको सहायक कम्पनी मध्यभोटेकोशी जलविद्युत् कम्पनीले कात्तिक २८ गतेदेखि एक अर्ब ४४ करोड बराबरको साधारण शेयर बिक्री गर्दैछ । रासस
नेप्सेकाे विवादित सफ्टवेयरले काम गरेन, दाेष सेयर ब्रोकर र क्लियरिङ बैंकलार्इ
काठमाडौं । नेपाल स्टक एक्स्चेञ्ज (नेप्से)ले पूर्ण स्वाचालित अनलाईन कारोबार प्रणालीले काम नगर्नुमा सेयर ब्रोकर कम्पनीहरु र क्लियरिङ बैंकहरु दोषी भएको जनाएको छ । नेप्सेले प्रयोगमा ल्याएको सिस्टममा कुनै समस्या नभएको तर सेयर ब्रोकर कम्पनीहरु र क्लियरिङ बैंकले दिने सेवा कमजोर भएकोले लगानीकर्ताले समस्या भोग्नु परेको नेप्सेको दावी रहेको छ । साेमबार नेप्सेकाे वेवसाइटमा देखिएकाे गम्भिर समस्या पूर्ण स्वाचालिन नेप्से अनलाईन कारोबार प्रणाली सञ्चालनमा आएको तेस्रो दिनसम्ममा पनि केही समस्या रहेको स्वीकार गर्दै नेप्सेले सोमबार जारी गरेको प्रेस विज्ञप्तीमा भनिएको छ–लगानीकर्ताले रियल टाइम कारोबार देख्न नसक्ने, एउटै कम्पनीको सेयर मूल्य एक ब्रोकर र अर्को ब्रोकर कम्पनीमा फरक देखिने, लगानीकर्ताले तत्काल राफसाफ तथा फछ्र्यौट गर्न नसक्ने समस्या रहेको लगानीकर्ताले गुनासो गरेका छन् । ती समस्या क्रमशः हल गरिने छ । नेप्सेको कारोबार प्रणाली र नेप्सेको वेवसाइटमा डाटा एक्स्चेञ्जमा समस्या देखिएकोले लगानीकर्ताले रियल टाइम कारोबार हेर्न नपाएको नेप्सेको प्रष्टीकरणमा उल्लेख छ । एउटै कम्पनीको सेयर मूल्य एउटा ब्रोकर अफिसमा एउटा र अर्को ब्रोकर अफिसमा अर्को देखिनुको कारण ब्रोकरहरुले प्रयोग गरेको सिस्टममा खराबी भएको नेप्सेको दावी छ । ‘प्रत्येक ब्रोकरले कनेक्सन स्थापित गर्ने क्रममा अवविच्छन्न रुपमा कनेक्सन स्थापित गर्न नसकेको, अर्को ब्रोकर भन्दा फरक समयमा सम्पर्क स्थापित गरेको लगायतका कारणले फरक विवरण देखिएको हुन सक्छ’ नेप्सेले जारी गरेको विज्ञप्तीमा उल्लेख छ । क्लियरिङ बैंकले रकमको विद्युतीय स्थान्तरणलाई सहज नबनाएकोले लगानीकर्ताले तत्काल राफसाफ तथा फछ्र्यौट गर्न नसकेको नेप्सेको भनाई छ । नेप्सेमा आवद्ध चार बैंक मध्ये एउटासँग मात्र तत्काल राफसाफ तथा फछ्र्यौट गर्न सक्ने सुविधा भएको, अरु तीन वटा बैंकले तत्काल राफसाफ तथा फछ्र्यौटको सेवा दिन नसकेको नेप्सेले जनाएको छ । पूर्ण स्वाचालिन नेप्से अनलाईन कारोबार प्रणालीसँग नेप्सेका परिसूचक गणना विधि परिवर्तन भएको हल्लाको पनि नेप्सेले खण्डन गरेको छ । ‘नेप्सेले शुरुदेखि नै संसारभर प्रचलित भ्यालु वेज्टेड इन्डेक्स विधि अनुसार परिसूचक गणना गर्दै आएको र त्यसमा कुनै परिवर्तन नभएको नेप्सेको भनाई छ । तिहारअघिबाट लागू गरिएको सेयर अनलाईन अनलाइन ट्रेडिङ सिस्टमले राम्रो काम नगरेपछि यसले सेयर बजारमा ठूलो चर्चा पाएको छ । नेप्सेले प्रयोगमा ल्याएको नयाँ प्रविधि भित्र्याउने क्रममा नै विवादमा तानिएको थियो । सस्तो प्रविधिलाई महँगो मूल्य तिरेको, खरिद प्रक्रिया अपारदर्शी रहेको, पुरानो प्रविधि भित्र्याएको भन्दै यसको शुरु देखिनै आलोचना भएको थियो । यसै विषयलाई लिएर नेप्से र पुँजी बजारको नियामक नेपाल धितोपत्र बोर्डबीच लामो विवाद समत भएको थियो ।
बजार घट्ने क्रम जारी, अनलाइन कारोबार शुरु भएको तेश्रो दिन पनि नेप्सेमा १३ अंकको गिरावट
काठमाडौं । केही समयदेखि उतारचढाव आएको सेयर बजार करिब एक साता अघिदेखि निरन्तर ओरालो लागेको छ । अनलाइन कारोबार प्रणाली शुरु भएको आज तेश्रो दिन पनि नेप्सेमा दोहोरो अंकको गिरावट देखिएको छ । अघिल्लो दिन जस्तै सोमबारको बजार पनि निरन्तर रुपमा ओरालो लागेको हो । अन्तत बजार बन्द हुँदा नेप्से परिसूच १३.०३ अंकले घटेर ११९२ अंकमा झरेकोे छ । कुल १३१ कम्पनीको १३ करोड ३८ लाख रुपैयाँ बराबरको सेयर कारोबार भएको छ । जुन रकम अघिल्लो दिनको तुलनामा ४ करोड रुपैयाँ बढीको सेयर किनबेच भएको हो । आइतबारको बजारमा ९ करोड ९४ लाख रुपैयाँ बराबरको सेयर कारोबार भएको थियो । सोमबारको बजारमा फाइनान्स समूह बाहेक बाँकी समूह राताम्मे भएका छन् । सबैभन्दा बढी निर्जीवन बीमा समूह १०१ अंकले ओरालो लागेको छ । फाइनान्स समूह भने सामान्य ०.४२ अंकले बढेको छ । बजारमा सबैभन्दा बढी प्रभु बैंकको एक करोड २५ लाख रुपैयाँ बढीको सेयर कारोबार भएको छ । सो दिन नबिल इक्विटी फण्डको सेयर मूल्य २ प्रतिशतले बढेको छ । उता सबैभन्दा बढी अपी पावरका लगानीकर्ताले ९.८२ प्रतिशत गुमाएका छन् ।
सिटिजन्स बैंकका ग्राहकलाई बयोधा हस्पिटलमा विशेष छुट
काठमाडौं । सिटिजन्स बैंक इन्टरनेसनल लिमिटेड र बल्खु स्थित बयोधा हस्पिटलबीच बैंकका ग्राहकलाई अस्पतालको सेवा शुल्कमा विशेष छुट दिने सम्बन्धी समझदारीपत्रमा हस्ताक्षर भएको छ । उक्त सम्झौतापत्रमा बैंकका तर्फबाट प्रमुख संचालन अधिकृत पारसकुमार काफ्ले तथा अस्पतालका तर्फबाट संचालन बिभागका जनरल म्यानेजर उत्तम थापाले हस्ताक्षर गरेका हुन् । सम्झौतापश्चात सिटिजन्स बैंकका डेबिट/क्रडिट कार्डवाहक तथा कर्मचारीहरुले बयोधा हस्पिटलमा उपचार गराउँदा विशेष छुट पाउँनेछन् ।
नागबेली लघुवित्तले शतप्रतिशत हकप्रद पछि १६ प्रतिशत बोनस सेयर दिने
काठमाडौं । नागबेली लघुवित्त वित्तीय संस्थाले शतप्रतिशत हकप्रद पछि १६.११ प्रतिशत बोनस सेयर दिने भएको छ । संस्थाले चुक्ता पुँजीको १०० प्रतिशत हकप्रद जारी पश्चात कायम हुन आउने पुँजीमा सो मात्रा अर्थात २ करोड ४६ लाख ९६ हजार ५४१ रुपैयाँ बोनस सेयर वितरण गर्ने प्रस्ताव गरेको छ । साथै, संस्थाले बोनस सेयरको कर प्रयोजनको लागि ०.८४ प्रतिशत अर्थात १२ लाख ९९ हजार ८१८ रुपैयाँ नगद लाभांश वितरण गने प्रस्ताव गरेको हो । हालै सम्पन्न संस्थाको २५२औँ सञ्चालक समितिको बैठकले सो मात्राको बोनस र नगद गरी २ करोड ५९ लाख ९६ हजार ३५९ रुपैयाँ लाभांश दिने प्रस्ताव गरेको हो । उक्त प्रस्तावलाई नेपाल राष्ट्र बैंकले स्वीकृति तथा संस्थाको आगामी साधारणसभाले पारित गरेपछि मात्रै सेयरधनीले सो मात्राको लाभांश पाउने छन् ।
नागरिक लगानी कोषका नवनियुक्त कार्यकारी निर्देशकको घोषणाः बैंककाे निक्षेपमा नाफा खाएर बस्दिँन
काठमाडौं । नागरिक लगानी कोषको कार्यकारी निर्देशकमा रमण नेपाल नियुक्त भएका छन् । कात्तिक २५ गते आइतबार साँझ बसेको मन्त्रिपरिषद बैठकले नेपाललाई आगामी पाँच बर्षका लागि कोषको कार्यकारी निर्देशक नियुक्त गरेको हो । नेपाल राष्ट्र बैंकको पूर्व निर्देशक नेपालले नागरिक लगानी कोषलाई बैंकमा निक्षेप राखेर नाफा कमाउने संस्थामा सिमित नराख्ने घोषणा गरे । ‘नागरिक लगानी कोषलाई बैंकमा निक्षेप राखेर नाफा कमाउने संस्थामा सिमित हुन दिन्न, यत्रो ठूलो पोर्टफोलियो भएको संस्थाबाट देशले पनि प्रतिफल पाउनुपर्छ भन्ने मेरो स्पष्ट प्रतिवद्धता छ’, नव नियुक्त कार्यकारी निर्देशक नेपालले विकासन्युजसँग भने । उनले कोषको प्रभावकारीता अभिवृद्धिका लागि एक आधा दर्जन योजना पनि अघि सारेका छन् । कमजोर रहेको आन्तरिक व्यवस्थापनलाई चुस्त बनाउने, लेखा परिक्षण नियमित गराउने, आइटी प्रणालीलाई चुस्त दुरुस्त बनाउने, समयमै साधारण सभा सम्पन्न गर्ने लगायतका योजना बनाएको नेपालले सुनाए । उनले लगानीका लागि ठूलो रकम रहेको कोषलाई उत्पादन मुलक क्षेत्रमा केन्द्रित गराउने पनि बताए । कोषको कानुनमै पूँजी बजारको विकासका लागि काम गर्ने भन्ने व्यवस्था रहेकाले नेपालको पुँजी बजारको विकासमा पनि अब योगदान दिने घोषणा गरे । उनले कर्मचारी सञ्चय कोष र अन्य बाणिज्य बैंकहरुसँग मिलेर कन्र्साेटियम लोन र ईक्वीटीका क्षेत्रमा समेत काम गर्ने योजना बनाएको बताए । ‘म नेपाल राष्ट्र बैंकको पूर्व कर्मचारी हुँ, कर्पाेरेट कल्चर भित्र्याउँदै लगानी कोषलाई उत्पादनशील क्षेत्र र पूँजी बजारको विकासमा बिशेष ढंगले लगाउनेछु’, नेपालले भने ।
