सिटिजन्स बैंकको नयाँ अनलाइन सेवा, घरबाट नै खाता खोल्न मिल्ने
काठमाडौं । सिटिजन्स बैंकले घरैमा बसेर बैंक खाता खोल्न सकिने अनलाईन सुविधा ल्याएको छ । बैंकले सरल, सहज र सुरक्षित तरिकाबाट बैंक खाता खोल्न नयाँ अनलाइन सेवा सञ्चालनमा ल्याएको हो । सिटिजन्स बैंकले देशैभरी फैलिएका आफ्ना ८० वटा शाखा, ७५ वटा एटिएम र ९९ वटा शाखा रहित बैंकिङ्ग एकाईहरुबाट करिव चारलाख ग्राहकवर्गलाई आधुनिक बैंकिङ्गसेवाहरु प्रदान गर्दै आएको छ । देश भित्र तथा बाहिर रहेका समस्त नेपाली नागरिकहरूले यस प्रविधिको माध्यमबाट सिटिजन्स बैंकमा खाता खोल्न सक्नेछन् । सूचना तथा संचार प्रविधिमा आएको आमूल परिवर्तनलाई आत्म साथ गर्दै बैंकले अनलाइन एएसविए, केवाइसि, मेरो शेयर, स्मार्ट बैंकिङ्ग जस्ता ग्राहकमुखी सुविधाहरू प्रदान गर्दै आएको छ । ग्राहक वर्गहरुलाई विभिन्न किसिमका निक्षेप तथा कर्जा सुविधाहरु, रेमिट्यान्स सेवा, बैंकास्योरेन्स, ड्राफ्ट, भिसा एटिएम कार्ड सेवा, भिसा इन्टरनेसनल डलर कार्ड सेवा, साथै कुनै पनि शाखाबाट रकम झिक्न र राख्न सकिने जस्ता सुविधाहरु पनि उपलब्ध गराउँदै आएको छ ।
चार वर्षमा काँकरभिट्टादेखि निजगढसम्म विद्युतीय रेल
काठमाडौं । ‘आगामी चार बर्षभित्र काँकरभिट्टादेखि निजगढसम्म विद्युतीय रेल गुडाउने गरी कार्ययोजना बनाइरहेका छौंं’, भौतिक पूर्वाधार तथा यातायात मन्त्री रघुबिर महासेठको घोषणा हो यो । मन्त्रालयमा पत्रकार सम्मेलन गर्दै मन्त्री महासेठले चार बर्षभित्र ३२० किलोमिटर भन्दा लामो विद्युतीय रेल मार्ग निर्माण गरेर सञ्चालन गर्ने घोषणा गरेका हुन् । उनले आगामी ३ महिनाभन्दा अघि नै कुर्ता जनकपुर विजलपुराको ३५ किलोमिटर रेलवे लिकमा आफ्नै रेल गुडाउने घोषणा समेत गरे । त्यसका लागि नेपाल सरकार र भारत सरकारबीच सम्झौता गरेर आफ्नै रेल खरिद गर्न लागिएको पनि उनले जानकारी दिए । ‘रेल किन्न ५० करोड बजेट राखेका छौं, आवश्यक बजेट फेरि आउँछ, भारत सरकारले मूल्य सूची पठाइसकेको छ, केही दिनभित्रै खरिद प्रक्रिया नै अघि बढाउँछौं’, मन्त्री महासेठले भने । उनले काकडभिट्टादेखि निजगढसम्मको रेलमार्ग निर्माणका लागि दाताहरु समेत तयार भैसकेको दावी पनि गरेका थिए । हाल सरकारले बर्दिबासदेखि लालबन्दीसम्मको ३० किलोमिटर रेलमार्ग आफै निर्माण गरिरहेको छ । ९४५ किलोमिटर लामो मेची महाकाली विद्युतिय रेलमार्गलाई राष्ट्रिय गौरवको आयोजनामा राखेको छ । यसको ९६ प्रतिशत डीपीआर तयार भैसकेको पनि उनले जानकारी दिए । केरुङ–काठमाडौं रेलमार्गको डीपीआर निर्माणको काम आगामी ३ महिनाभित्रै सुरु हुने जानकारी पनि दिए । वीरगञ्ज काठमाडौं रेलमार्गको प्रारम्भिक सम्भाव्यता अध्ययन गरिसकेको बताए । उनले हाल ब्रोडगेजमा अध्ययन भैरहेको अध्ययनलाई अब स्ट्याण्डर्ड गेजमा अघि बढाउनेबारे भारत सरकारसँग छलफल भैसकेको जानकारी पनि दिए ।
सुबिसुले ल्यायो भयंकर अफर, इन्टरनेट र क्लियर टिभी सेवामा विशेष छुट
काठमाडौं । सुबिसु केबलनेट (प्रा.) लि.,नेपालको एक अग्रणी केबल टेलिभिजन, इन्टरनेट र नेटवर्क सेवा प्रदायक कम्पनीले सुबिसु भयंकर अफर प्रस्तुत गरेको छ । कम्पनीले आफ्नो १८औँ वार्षिकोत्सवको अवसर पारि आफ्नो ग्राहकहरुसँग खुशी साट्ने उद्देश्यले उक्त अफर सार्वजनिक गरेको हो । उक्त अफर अन्तर्गत रिटेल ग्राहकहरुका लागि क्लियर टिभी, इन्टरनेट तथा इन्टरनेट र क्लियर टिभी सेवामा फरक फरक आकर्षक अफरहरु रहेका छन् । क्लियर टिभी प्रिमियम प्याक अफरः क्लियर टिभी सेवा अन्तर्गत मात्र ९९९ रुपैयाँ (कर सहित) मा १ महिनाको प्रिमियम सेवा पाइने छ । २६५ भन्दा बढी डिजिटल च्यानलहरु तथा ७० भन्दा बढीएच डि च्यानलहरु हुने । साथै, सेट–टप बक्स र जडान सेवा पाउन सकिने कम्पनीले जनाएको छ । सुबिसु इन्टरनेट– फाष्ट प्याक अफर इन्टरनेट सेवा अन्तर्गत १५ एमबीपीएस अनलिमिटेड इन्टरनेट १ महिनाको लागि पाइने छ । साथै, माेडेम र जडान सेवा मात्र १५०० हजार(कर सहित)मा प्राप्त गर्न सकिनेछ । सुबिसु इन्टनेट एण्ड क्लियर टिभी– कम्बो प्याक अफर इन्टरनेट र क्लियर टिभी सेवा अन्र्तगत मात्र २३०० रुपैयाँ(कर सहित)मा १ महिनाका लागि २३ एमबीपीएस अनलिमिटेड इन्टरनेट पाइने छ । साथै, क्लियर टिभी प्रिमियम प्याकेज र २६५ भन्दा बढी डिजिटल च्यानलहरु तथा ७० भन्दा बढीएच डि च्यानलहरु हेर्न पाइने छ। साथैं माेडेम, सेट–टप बक्स र जडान सेवा प्राप्त गर्न सकिनेछ । साथै, सम्पुर्ण ग्राहकहरु मध्ये हरेक हप्ता १० जनाले ३ महिनाको लागि निशुल्क सब्स्क्रिपशन प्राप्त गर्ने छ । बम्पर उपहार स्वरुप १ जना भाग्यशाली ग्राहकले स्मार्ट टिभी पाउने छन् । अफर सीमित अवधिका लागि मात्र लागु हुनेछ र सर्त तथा नियमहरु लागु हुने कम्पनीले जनाएको छ ।
एनसीसी बैंकले पाल्पाको अर्गलीमा खोल्यो नयाँ शाखा
काठमाडौं । नेपाल क्रेडिट एण्ड कमर्स (एनसीसी) बैंकले पाल्पा जिल्लाको अर्गलीमा नयाँ शाखा कार्यालय संचालनमा ल्याएको छ । नेपाल राष्ट्र बैंकका गभर्नर डा. चिरंजीबि नेपालले उक्त शाखा कार्यालयको उद्घाटन गरेका हुन् । उक्त अवसरमा रुरु संस्कृत विद्यापिठका प्राचार्य लिलामणी शर्मा, उद्योग वाणिज्य संघ पाल्पाका सदस्य विष्णु न्यौपाने र तानसेन न.पा.वडा नं.१४ का वडा अध्यक्ष कमल रानाले शुभकामना व्यक्त गरेका थिए । बैंक संचालक समितिका अध्यक्ष उपेन्द्र केशरी न्यौपानेले अध्यक्षता गरेका थिए । उक्त कार्यक्रममा बैंकका प्रमुख कार्यकारी अधिकृत रमेशराज अर्यालले स्वागत मन्तब्य व्यक्त गरेका थिए ।
अब गाडी चढ्ने यात्रुलाई १० लाखको बीमा, गम्भिर घाईतेको उपचारमा १५ लाख
काठमाडौं । अब सवारी साधन दुर्घटनामा पर्ने यात्रुहरुको १० लाख रुपैंयाँँ बराबरको बीमा हुने भएको छ । यातायात व्यवस्था बिभागले सडक दुर्घटनामा पर्ने यात्रुहरुको मृत्यु भएमा आश्रित परिवारले १० लाख रुपैंयाँ पाउने व्यवस्था अघि सारेको हो । हालसम्म सडक दुर्घटनामा मृत्यु हुनेका आश्रित परिवारले बीमा वापत ५ लाख रुपैंयाँ पाउने गरेका थिए । त्यसमा यातायात व्यवसायी समितिहरुले अतिरिक्त रकम थपिदिने गरेका थिए । सिण्डीकेट अन्त्य भएसँगै यातायात व्यवसायी समितिहरुको अस्थित्व समाप्त भएको छ । अब सरकारले तेश्रो पक्ष बीमाको रकम वृद्धि गरेर सडक दुर्घटनामा मृत्युका आश्रित परिवारलाई १० लाख दिने व्यवस्था मिलाउन लागेको हो । ‘मृत्यु हुनेहरुका आश्रित परिवारलाई १० लाख र घाईतेहरुको उपचारका लागि ६ लाख रुपैंयाँ बीमा वापत उपलब्ध गराउने प्रस्ताव पास भएको छ, अब बीमा समिति पठाउँदैछौं’, यातायात व्यवस्था विभागका महानिर्देशक लावण्य प्रसाद ढकालले विकासन्युजसँग भने । स्पाइनल इञ्जुरी र हेड इञ्जुरीका गम्भिर घाईतेहरुको उपचारका लागि १५ लाख रुपैंयाँ उपलब्ध गराउने प्रस्ताव तयार पारिएको पनि उनले जानकारी दिए । हालसम्म सवारी साधन दुर्घटनाका घाईतेहरुको उपचारका लागि ३ लाख रुपैंयाँ बीमा वापत उपलब्ध हुन्छ । सिण्डीकेट अन्त्यसँगै यातायात व्यवसायी समितिहरुले यात्रुको मृत्यु तथा घाईतेहरुको उपचारका लागि अतिरिक्त रकम उपलब्ध गराउन छाडेका छन् । भौतिक पूर्वाधार तथा यातायात व्यवस्था मन्त्रालयले यातायात समितिका बैंक खाता रोक्का गरिरहेको छ । बीमा समितिका निमित्त कार्यकारी निर्देशक राजुरमण पौडेलले पनि तेश्रो पक्ष बीमाको रकम वृद्धि गर्ने प्रक्रिया अघि बढेको बताए । यातायात व्यवस्था बिभागले रकम प्रस्ताव गरेपछि बीमा समितिले नयाँ प्रिमियम तोक्ने पनि उनले जानकारी दिए । प्रिमियम निर्धारणका लागि समितिका अध्यक्ष, बीमक कम्पनीका दुई जना प्रतिनिधी र समितिका कार्यकारी निर्देशक सदस्य सचिव रहेको बीमा दर सल्लाहकार समिति रहेको छ ।
पोखरा स्थित न्युरोडमा सानिमा बैंकको निःशुल्क आँखा शिविर सम्पन्न
काठमाडौं । सानिमा बैंकको पोखरा स्थित न्युरोड र बगर शाखाले पोखरा मा.न.पा. वडा नं. २०, भलाम स्थित श्री महेन्द्र माध्यामिक विद्यालयमा हिमालय आँखा अस्पतालको प्राविधक सहयोगमा नि शुल्क आँखा शिविर सम्पन्न गरेको छ । उक्त शिविरको उद्घाटन पोखरा मा.न.पा.वडा नं. २०, कास्कीका वडा अध्यक्ष सिमबहादुर गुरुङ्गले गरेका छन् । पोखरा क्षेत्रका लागि बैकका क्षेत्रिय प्रबन्धक भाबुक तण्डुकारले उद्घाटन सामारोहमा शुभकामना मन्तब्य व्यक्त गर्दै बैंकले आगामी दिनहरुमा पनि स्थानियलाई सहयोग गर्ने जानकारी दिएका छन् । शिविरमा भलाम र मौजाका ३०० स्थानीय वासीको आँखा परीक्षण गरिएको छ । साथै ७ जना मोतिया बिन्दुका बिरामीलाई थप उपचारका लागि हिमालय आँखा हस्पिटलमा सिफारिस गरेको छ । सानिमा बैंकको हाल ७४ वटा शाखा, १ एक्सटेन्सन काउन्टर तथा ६९ वटा एटिएम रहेको छ ।
सिद्धार्थ बैंकका ग्राहकहरुलाई नेपाल मेडिसिटी हस्पिटलमा १० प्रतिशत छुट
काठमाडौं । सिद्धार्थ बैंक र नेपाल मेडिसिटी हस्पिटल, भैसेँपाटीका बीच बैंकका कर्मचारी तथा कर्मचारीका परिवार, कार्डवाहक तथा कार्डवाहकका परिवार सम्झौता भएको छ । उक्त सम्झौतापत्रमा सिद्धार्थ बैंकका तर्फबाट प्रमुख पेमेन्ट सलुसन्स् सुरेशराज महर्जन र नेपाल मेडिसिटी हस्पिटलका तर्फबाट महा प्रबन्धक विजय रिमालले हस्ताक्षर गरेका छन् । बैंकका सम्पूर्ण ग्राहकवर्गहरुले यस हस्पिटलमा स्वास्थ्य सेवा लिंदा १० प्रतिशतसम्मको छुट प्राप्त गर्न सक्ने सम्बन्धी सम्झौता भएको छ । यस अन्तर्गत बैंकका कर्मचारी तथा ग्राहकहरुले डेविट कार्ड, प्रिपेड कार्ड र क्रेडिट कार्डमार्फत भुक्तानी गर्दा विशेष छुट उपभोग हुनेछ । सिद्धार्थ बैंकले हाल देशभर १२९ वटा शाखा (३ एक्स्टेन्सन् काउन्टर सहित), ९९ शाखारहित बैंकिङ्ग सेवा, १३९ एटिएम र १ हजार १०० भन्दा बढी पिओएस् मेसिन मार्फत् उच्चस्तरिय बैैकिङ्ग सेवा प्रदान गर्दै आएको छ ।
पाँचथर पावरलाई १९ करोड २५ लाखको आईपीओ जारी गर्न बोर्डले दियो अनुमति
काठमाडौं । पाँचथर पावर कम्पनीले १९ करोड २५ लाख रुपैयाँ बराबरको साधारण सेयर (आईपीओ) निष्कासन गर्ने भएको छ । कम्पनीले स्थानीयबासिन्दा र सर्वसाधारणलाई अंकित मूल्य १०० रुपैयाँको दरले कुल १९ लाख २५ हजार कित्ता सेयर जारी गर्न लागेको हो । कम्पनीले स्थानीयबासिन्दालाई ९ लाख ६२ हजार ५०० कित्ता र सर्वसाधारणलाई ९ लाख ६२ हजार ५०० कित्ता गरी सो मात्राको आईपीओ बिक्री गर्न लागेको हो । नेपाल धितोपत्र बोर्डले सो मात्राको सेयर निष्काशन गर्न कम्पनीलाई अनुमति दिइसकेको छ । कम्पनीको सेयर निष्कासन तथा बिक्री प्रवन्धकको काम सानिमा क्यापिटल लिमिटेडले गर्ने भएको छ ।
