मिथिला लघुवित्तको स्वतन्त्र सञ्चालकमा आचार्य नियुक्त
काठमाडौँ । मिथिला लघुवित्त वित्तीय संस्थाको स्वतन्त्र सञ्चालक पदमा केशवराज आचार्य नियुक्त भएका छन् । कम्पनीको पुस २२ गते बसेको बैठकले आचार्यलाई स्वतन्त्र सञ्चालक नियुक्त गर्ने निर्णय गरेको कम्पनी सचिव महेशकुमार चौधरीले जनाएका छन् ।
प्रेमकुमार राईको नाम हटाएर वाइडबडीसम्बन्धी प्रतिवेदन पारित, रवीन्द्र अधिकारीलाई अर्काे नैतिक संकट
काठमाडौं । वाइडबडी खरिद प्रक्रियासम्बन्धी छानविन गर्न गठन गरिएको लेखा समितिअन्तर्गतको उपसमितिले बुझाएको प्रतिवेदन लेखा समितिले पारित गरेको छ । समितिको सोमबार बसेको बैठकले उपसमितिले कारबाहीको लागि सिफारि गरिएका व्यक्तिहरुमध्ये गृहसचिव प्रमकुमार राईको नाम हटाएर प्रतिवेदन पारित गरेको हो । खरिद प्रक्रियामा कहिँ कतै पनि संलग्न नभएकाे भन्दै रार्इ उन्मुक्ति दिइएकाे हाे । प्रतिवेदन पारित गरेसँगै समिति सरकार र अख्तियारलाई त्यससम्बन्धी थप छानविन गर्ने र मुद्दा चलाउन निर्देशन दिनेछ । याेसँगै भर्खरै पत्रकार सम्लन गरेर जिम्मेवारीबाट पछि नहट्ने बताएका पर्यटनमन्त्री रवीन्द्र अधिकारीलार्इ अर्काे नैतिक संकट परेकाे छ ।
सहारा विकास बैंकद्वारा बोनस शेयर र नगद लाभांश प्रस्ताव
काठमाडौँ । सहारा विकास बैंक लिमिटेडले बोनस शेयर र नगद लाभांश प्रस्ताव गरेको छ । यही पुस २० गते बसेको सञ्चालक समितिको बैठकले बोनस शेयर र नगद लाभांश प्रस्ताव गरेको हो । आर्थिक वर्ष २०७४/०७५ को नाफाबाट शेयरधनीहरुलाई ८९ लाख ७८ हजार ३ सय ६० रुपैया ४० पैसा बोनस शेयर प्रस्ताव गरिएको छ । साथै ४ लाख ७२ हजार ५ सय ४५ रुपैयाँ २८ पैसा कर प्रयोजनार्थ नगद लाभांश प्रस्तावित गरिएको प्रमुख कार्यकारी अधिकृत विनयकुमार साहले नेपाल स्टक एक्सचेञ्जलाई पठाएको पत्रमा उल्लेख छ ।
माघ ११ गते देखि चितवनमा कृषि सम्बन्धी बृहत अन्तर्राष्ट्रिय प्रर्दशनी हुँदै
काठमाडौं । कृषि क्षेत्रको समस्त विकास गर्न मिडिया स्पेस सोलुसन्सले भरतपुर को चितवन एक्पोमा कृषि सम्बन्धी बृहत अन्तराष्ट्रिय प्रर्दशनी हुने भएको छ । माघ १३ गतेसम्म प्रदेश नं.३ अन्तरगत भरतपुर को चितवन सेन्टरमा आयोजना गर्न गइरहेको छ । आयोजना हुन गइरहेको प्रर्दशनीमा नेपाल, भारत, चीन लगायतका विभिन्न १८ देशका कृषि सम्बन्धी कम्पनीहरुद्वारा १५० भन्दा बढी स्टल रहने ब्यहोरा मिडिया स्पेस सोलुसन्सका प्रबन्ध निर्देशक श्रीजल भट्टराईले बताएका छन् । प्रबन्ध निर्देशक भट्टराईका अनुसार उक्त प्रर्दशनीमा देश भरीका लगभग एक लाखभन्दा बढी उद्यमी अनुसन्धानकर्ता, विधार्थी, संघ संस्था का प्रतिनिधी लगायत कृषकहरुले उक्त प्रर्दशनी अवलोकन गर्ने भएको छ । निःशुल्क अवलोकनको व्यवस्था गरिएको उक्त प्रदर्शनीमा कृषिकर्मलाई सहज र किफायती बनाउन मद्दत पुर्याउने साना साना औजार, मेसिन देखिलिएर कृषि, डेरी तथा पशुपंक्षीपालन उद्योगमा प्रयोग हुने ठूला ठूला उपकरणहरुको प्रदर्शनी लगायत डेमो पनि गरिने बताउदै नेपालको कृषि क्षेत्रको यान्त्रीकरणमा सहयोग पुर्याउन यो प्रदर्शनी कोशेढुंगा सावित हुने आयोजक मिडिया स्पेस सोलुसन्सका प्रबन्ध निर्देशक सर्जल भट्टराईले बताएका छन् । उक्त प्रर्दशनीबाट नेपालको कृषि क्षेत्रलाई उपयुक्त हुने नविनतम प्रविधि तथा सेवाहरुको पहिचान गर्न मद्दत मिल्ने र तीनको प्रयोगद्धारा कृषि उत्पादन वृद्धि भई मुलुकलाई कृषि उपजमा आत्मनिर्भर बन्न टेवापुग्ने विश्वास गरिएको छ । साथै यो प्रर्दशनी कृषक र उत्पादक कम्पनीबीच कोसे ढुङ्गा सावित हुने जनाएका छन् ।
सफल उद्यमी बन्न चन्द्र ढकालको सूत्रः उपभोक्तालाई हीत, सरकारलाई राजश्व, उद्यमीलाई नाफा
नेपाली उद्योग व्यवसायका क्षेत्रमा स्थापित नाम हो चन्द्रप्रसाद ढकाल । विगत दुई दशकको व्यवसायिक यात्रामा धेरैलाई लोभ्याउने गरी सफलता चुमेका ढकालले नेपाल उद्योग बाणिज्य महासंघको उपाध्यक्ष तथा रोजगारदाता परिषद सभापतिको जिम्मेवारी सम्हालिरहेका छन् । रेमिटेन्स, बैंकिङ, बीमा, पर्यटन, उर्जा, व्यापार र अन्य सेवाको क्षेत्रमा लगानी विस्तार गरेको आईएमई ग्रुपका कार्यकारी अध्यक्ष ढकालले अधिकांश कम्पनीहरु पब्लिक मोडलमा लगेका छन् । उपभोक्तालाई हीत, सरकारलाई राजश्व र लगानीकर्तालाई नाफा हुने क्षेत्रमा लगानी गरे उद्यमशीलता सफल हुने उनको निष्कर्ष छ । नेपालमा उद्यमशीलता विकास गर्न त्यति सजिलो छैन् । धेरै मेहनत गर्नुपर्छ । देश नयाँ ढंगले अघि बढिरहेको छ, पुरातन रुपमा चलिरहेका उद्योग धन्दाहरुलाई नयाँ ढंगले चलाउन सरकारका तर्फबाट त्यति सहयोग पाईरहेको छैन । त्यसकारणपनि निजी क्षेत्र एग्रेसिभ रुपमा अगाडि आउन सकिरहेको छैन । तर, अब चाँही केही फरक परिस्थति आउला । नयाँ र स्थायी पोलिसी आउला । देशी तथा विदेशी लगानी आकर्षित होला भन्ने विश्वास बढ्न थालेको छ । विगतमा स्थीर सरकार नभएकाले नीतिमा पनि अस्थीरता थियो । अब चाँही स्थीर सरकारबाट स्थीर नीति आउला भन्ने अपेक्षा गरेका छौं । नयाँ सरकार आएपछि केही उत्साहको वातावरण निर्माण भएको छ । केही आशापनि जागेका छन् । संसोधन गर्नु पर्ने ऐनहरुको संसोधन प्रक्रियापनि अघि बढेको छन् । हामी पुरै आशावादी भएका छौं । कस्ताे व्यवासय गर्ने ? हामीले त्यस्तो व्यवसाय गर्नु पर्यो, जसले आम नागरिकलाई फाइदा गरोस्, सरकारलाई राजश्व तिरोस् र व्यवसायीले मुनाफा पनि आर्जन गर्न सकुन् । त्यस्तो व्यवासयमा मात्रै नागरिक र सरकार दुबैको सहयोग प्राप्त हुन्छ र व्यवसाय पनि फस्टाउँछ । पछिल्लो समय उद्यमशीलता विकासमा पनि केही प्रगति भएकै छन् । काम गर्ने पुराना तौर तरिकामा पनि व्यापक परिवर्तन आएका छन् । यसको नतिजा विस्तारै देखिने छ । सरकारको साझेदार सरकारले अब निजी क्षेत्रलाई आवश्यक सहयोग गर्नु पर्छ । निजी क्षेत्रलाई सरकारले साझेदारको रुपमा व्यवहार गर्नुपर्छ । मोहम्मद महाथिरले मलेसियामा पनि निजी क्षेत्रलाई पार्टनरका रुपमा अघि बढाएर विकास गरेको बताउने गरेका छन् । महाथिरलाई मैले मलेसियाले छोटो समयमै कसरी विकासमा फड्को मार्यो भनेर सोधेको थिएँ । निजी क्षेत्रलाई पार्टनरका रुपमा स्वीकार गरेपछि यस्तो चमत्कारिक विकास सम्भव भएको महाथिरको भनाई थियो । हामीले नेपालका सन्दर्भमा पनि महाथिरकै जस्तो सोँच भएको राजनीतिक नेतृत्व चाहेका छौं । सरकारले निजी क्षेत्रलाई सहयात्रीका रुपमा व्यवहार गर्नुपर्छ । निजी क्षेत्र भनेको सरकारकै महत्वपूर्ण अंग हो । यो गाली गर्नुपर्ने क्षेत्र होइन, सरकारले माया गर्नुपर्ने क्षेत्र हो । निजी क्षेत्रलाई देश विकासको मेरुदण्ड हो भनेर सरकार स्वीकार गर्नुपर्छ । अहिलेको सरकारलाई तत्कालै लोकप्रियता कमाउने खालका काम गर्नुपर्ने बाध्यता छैन् । ५ बर्षसम्म ढुक्कले काम गर्ने सुबिधा छ । अझै चार वर्षभन्दा बढी समयमा काम गर्ने अवसर यो सरकारसँग छ । हामी चाहान्छौं, मोहम्मद महाथिर, लि क्वान जस्तै दुरदर्शी र विकासप्रेमी राजनेताको छवी अहिलेको नेतृत्वले पनि निर्माण गरोस् । आगामी चार वर्षमा नागरिकमा विकास र समृद्धिको आशा जगाउन सफल बनोस् । निजी क्षेत्रले लगानी गर्ने तत्परता देखाएपछि सरकारले आवश्यक पूर्वाधार बनाईदिनुपर्छ । पर्यटन होस वा उर्जाका आयोजना वा औद्योगिक क्षेत्र नै किन नहोस्, त्यसमा सरकारले पूर्वाधार निर्माणमा सघाउनु आवश्यक छ । कस्ट अफ डुईङ घटाउन पनि सरकारले सघाउनु पर्छ । लगानीकर्ता भनेको नाफा हुने ठाउँमा जाने हो । सरकारले नै नाफा सुनिश्चित नगरेसम्म न विदेशी लगानी आउँछ , न त स्वदेशी लगानीकर्ता नै आकर्षित हुन्छन् । लगानी सम्मेलन अघि कानून संशोधन अहिले सरकारले फेरी लगानी सम्मेलन गर्ने भनेको छ । सम्मेलन अघि लगानी प्रवद्र्धनमा अड्चन ल्याउने सबै कानुनहरु संसोधन गर्ने प्रतिवद्धतापनि व्यक्त गरेको छ । त्यसका लागि एक दर्जन जति कानुनहरु संसोधन आवश्यक देखिन्छ । नत्र पहिलेको लगानी सम्मेलनमा जस्तै प्रतिवद्धता मात्रै आउने जोखिमपनि हुन्छ । लगानी सम्मेलनमा गरिएका लगानी प्रतिवद्धताहरु पुराणमा गरिएको दान प्रतिवद्धता जस्तो हुन पुग्छन् । पहिलेको लगानी सम्मेलनका प्रतिवद्धता पुराणका जस्तै भएका थिए, थुप्रै दिन्छु भन्ने तर नदिने । पुरानो लगानी सम्मेलनका कमजोरीको समीक्षा गरेर नयाँ सम्मेलन गरिनु पर्छ । सुधारिँदै मजदुर–मालिक सम्बन्ध अहिले श्रम सम्बन्धमा केही सुधार आउन थालेको छ । मजदुर र उद्योगी व्यवसायीबीच सहकार्यको यात्रा आरम्भ हुन थालेको छ । हिजो दुई कित्तामा भएका मजुदर र रोजगारदाता अहिले एउटै कित्तामा आईपुगेका छन् । सामाजिक सुरक्षा योजनाले पनि श्रम सम्बन्ध सुधारमा थप सहयोग गरेको छ । श्रमिकले सामाजिक सुरक्षा खोजेका थिए भने रोजगारदाताले श्रम लचकता खोजेका थिए । त्यो अहिले पूरा भएको छ । यद्यपी साना उद्यमीहरुलाई भने केही अप्ठेरो पक्कै छ । साना उद्यमीलाई जोगाउन सरकारले केही कदम चाल्नु पर्छ, सहयोग गर्नु पर्छ भन्ने हाम्रो मान्यता हो । दिगो उद्यमशीलताका लागि पब्लिक कम्पनी अहिले निश्चित सीमा भन्दा बढी पूँजीका कम्पनी पब्लिक बन्नु पर्ने कानूनी व्यवस्था छ । कम्पनीको प्रकृति जे भएपनि सञ्चालन चाँही व्यवसायिक हुनुपर्छ भन्ने मेरो मान्यता हो । पब्लिकको सहभागिता हुने भएकाले पब्लिक कम्पनी राम्रो हुन्छ । जब आम मानिसले कुनै उद्योग व्यवसायलाई आफ्नै हो भन्ने ठान्दछन् तब मात्रै त्यसले दिगोपन पाउँछ । तर, सरकार सहभागी पब्लिक कम्पनीको इतिहास चाँही खासै राम्रो देखिँदैन् । निजी क्षेत्र र पब्लिक मिलेर सञ्चालन गरेका पब्लिक कम्पनीको भविष्य चाँही राम्रो देखिएको छ । लगानीको दीर्घकालीन सुरक्षाका लागि पब्लिक लिमिटेड कम्पनी नै राम्रा हुन्छन् । हाम्रा सबै कम्पनी पब्लिक लिमिटेड कम्पनीका रुपमा अघि बढाईएका छौं ।
साँग्रिला बैैंकको नयाँ शाखा दैलेखको राकममा
काठमाडौं । साँग्रिला डेभलपमेन्ट बैंकले दैलेख जिल्लाको आठबीस नगरपालिका वडा नं. ४ स्थित राकममा नयाँ शाखाको उद्घाटन गरि कारोबार शुरु गरेको छ । बैंकका संचालक अच्युुतप्रसाद प्रसाई तथा आठबीस नगरपालिकाका मेयर खड्गराज उपाध्यायले संयुुक्त रुपमा उक्त शाखाको उद्घाटन गरेका हुन् । हालसम्म बैंक तथा वित्तीय संस्थाको उपस्थिती नरहेकोले बताउँदै मेयर उपाध्यायले बैंकसंग सहकार्य गर्दै स्थानीय स्तरमा बैंकिङ्ग सेवा पुर्याउन बैंकलाई सक्दो सहयोग गर्ने जानकारी दिएका छन् । सोही अवसरमा उपमेयर दीपा बोहरा तथा वडा नं. ४ र १२ का अध्यक्षहरु तथा ग्राकहका तर्फबाट स्थानीय व्यापारी रामबहादुर कठायतको पनि उपस्थिति रहेको थियो । हालसम्म बैंकको शाखा संख्या ७७, तथा २३ वटा एटीएम मार्फत करिब २ लाख ५६ हजार भन्दा बढी ग्राहकहरुलाई आधुुनिक बैंकिङ्ग सेवा प्रदान गर्दै आई रहेको बैकका प्रमुख कार्यकारी अधिकृत सुुयोग श्रेष्ठले बताएका छन् ।
कैलाश विकास बैंकले १७ प्रतिशत लाभांश पास
काठमाडौं । कैलाश विकास बैंकको पच्चीसौं बार्षिक साधारण सभा काठमाडौंमा सम्पन्न भएको छ । बैंकका अध्यक्ष नारायणप्रसाद पौडेलको अध्यक्षतामा भएको सभाले शेयरधनीलाई प्रस्ताव गरिएको १७ प्रतिशत नगद लाभांश दिने निर्णय पारित गरेको बताइएको छ । कैलाश विकास बैंकको चुक्तापूँजी रु.२ अर्व ५२ करोड रहेको छ । अत्याधुनिक प्रविधिको उपयोग गर्दै यस बैंकले ८० वटा शाखाबाट समस्त आधारभूत बैंकिङ्ग सेवाको अलावा मोबाइल बैंकिङ्ग, एसएमएस बैंकिङ्ग ईन्टरनेट बैंकिङ्ग सेवा, शेयर लगानीकर्ताहरुको लागि सी–आस्वा सेवा, सुविधा भुक्तानी लगायतका सेवाहरु प्रदान गर्दै आएको बैकका प्रमुख कार्यकारी अधिकृत अमृतचरण श्रेष्ठले बताए । गत आर्थिक वर्ष २०७४/७५ को नाफाबाट उक्त लाभांश प्रस्ताव गरिएको थियो । बैकका सञ्चालक उद्घवराज पुरीले स्वागत गरेको पच्चीसौं बार्षिक साधारण सभाको संचालन बैंकका कम्पनी सचिव प्रकृतिराज तिमिल्सिनाले गरेका थिए ।
५ हजार घुसलिने शाखा अधिकृत भरत काउचा विरुद्ध मुद्दा दायर
काठमाडौं । बुटवल उपमहानगरपालिका वडा नं १३ का वडासचिव शाखा अधिकृत भरत कुमार काउचा विरुद्ध मुद्दा दायर भएको छ । अख्तियार दुरुपयोग अनुसन्धान आयोगले रंगेहात पक्राउ गरेको काउचा विरुद्ध सोमबार मुद्दा दायर भएको हो । बसाइसराइ सम्बन्धी काम गरिदिने भनी सेवाग्राहीसँग घुस रकम माग गरिरहेको भन्ने सूचना एवं उजुरीको आधारमा अख्तियार दुरुपयोग अनुसन्धान हुदाँ भ्रष्टाचार भएको पुष्टी भएको हो । काउचा विरुद्ध विशेष अदालत काठमाडौंमा आरोप पत्र दायर भएको हो ।
