तोकिएको समयभन्दा छिटो पुग्ने टिपरलाई कारबाही, यस्ताे छ समय तालिका
रुपन्देही । गति नियन्त्रणका लागि ट्राफिक प्रहरीले टिपर चालकलाई समय तालिका लागू गरेको छ । तीव्र गतिका कारण सडक दुर्घटना बढेको भन्दै नियन्त्रणका लागि ट्राफिक प्रहरीले आइतबारदेखि टिपरका लागि समय तालीका निर्धारण गरेको हो । ट्राफिक प्रहरी कार्यालय प्रदेश ५ का प्रहरी नायब उपरीक्षक माधव बुढाथोकीका अनुसार पाल्पाको सिद्धबाबादेखि भैरहवा, कपिलवस्तुको गोरूसिङ्गेदेखि बर्दघाटसम्म चल्ने टिपरलाई समय निर्धारण गरिएको हो । मुख्य राजमार्ग क्षेत्र र बजार क्षेत्रमा चल्ने टिपरको गति नियन्त्रण गरी सडक दुर्घटना कम गर्ने उद्देश्यले साेमबारदेखि लागु हुने गरी समय निर्धारण गरिएको उनले बताए । अबदेखि टिपर चालकले पाल्पाको सिद्धबाबादेखि बुटवल धागो कारखानासम्मको ७ किलोमिटर दूरी २१ मिनेटमा पार गर्नुपर्नेछ । तोकीएको समयभन्दा छिटो पुग्ने टिपरका चालकलाई कारबाही हुने प्रहरीले जनाएको छ । यस्तै सुनवलदेखि बर्दघाट ३४ मिनेट, सिद्धबाबादेखि मङ्गलापुर ३० मिनेट, मङ्गलापुरदेखि अञ्चलपुर भैरहवा १८ मिनेट, कपिलवस्तुको गोरूसिङ्गेदेखि सैनामैनाको मुर्गिया ६४ मिनेट, मुर्गियादेखि धागो कारखानासम्म ४० मिनेट र मुर्गियादेखि तिलोत्तमा मङ्गलापुरसम्मको दूरी पार गर्न ४८ मिनेट कायम गरिएको छ । रासस
ब्याजदर बृद्धि नियन्त्रण गर्न महासंघले गरायो सरकारको ध्यानाकर्षण
काठमाडौँ । नेपाल उद्योग वाणिज्य महासंघले ब्याज बृद्धि नियन्त्रण गर्न सरकारको ध्यानाकर्षण गराएको छ । महासंघले नेपाल सरकार, अर्थ मन्त्रालय, नेपाल राष्ट्र बैंक तथा बैंकिङ्ग क्षेत्रका पदाधिकारीहरूस“ग निरन्तर रूपमा भेटवार्ता गरी विगत दुई वर्ष देखि बैंक तथा वित्तीय स“स्थाहरूबाट एकतर्फी रूपमा ऋणको ब्याज दर अत्याधिक बृद्धि भएका कारणले गर्दा उद्योग व्यवसाय क्षेत्रको लागत मुल्य वृद्धिभई संचालनमा कठिनाई भोगिरहेको कुरा बारम्बार ध्यानाकर्षण गराउ“दै आएको थियो । महासंघले उठाएका यस विषयलाई सम्बन्धित निकायबाट प्राथमिकता दिई ब्याजदर वृद्धिलाई नियन्त्रण गरी समस्या समाधान गर्ने प्रतिवद्धताका वावजुद पनि चर्को ब्याजदर नियन्त्रण गर्ने तर्फ कुनै प्रगति नहुदा त्यसबाट मुलुकभरका उद्योग व्यवसाय क्षेत्र निकै प्रताडीत हुन पुगेका छन् । चर्को व्याजदर वृद्धिका कारणले एकातर्फ निजी क्षेत्रबाट निर्माणाधिन परियोजनाको लागत बृद्धि भएको छ भने अर्कोतर्फ नया“ परियोजना ल्याउन नसकिरहेको अवस्था छ । नेपाल उद्योग वाणिज्य महासंघको नवौ कार्यकारिणी समिति बैठकमा यसै विषयमा व्यापक छलफल भई बैंकको ब्याजदर बृद्धि हुने क्रम सुरु भएको भन्दै अव्यवहारिक ढंगबाट एकतर्फि रूपमा ब्याजदर बढाइदा विगतमा भएको लगानी र आगामी दिनमा हुने लगानीलाई समेत प्रत्यक्ष प्रभाव पारी समग्र अर्थतन्त्र प्रभावित हुने भएकोले ब्याजदर बृद्धिलाई निश्चित सिमा भित्र रहने वातावरण कायम गर्न नेपाल सरकार, अर्थ मन्त्रालय र नेपाल राष्ट्र बैंक समक्ष गम्भीर आग्रह गरिएको छ । यसैबीच, महासंघका सदस्य उद्योग संगठन मोरङ र मोरङ व्यापार संघले संयुक्त रूपमा राष्ट्र बैंक समक्ष उद्योग व्यवसाय लगायतका क्षेत्रको तत्काल राहतका लागि कार्यक्रम घोषणा गर्नुपर्ने सहित बैकिङ व्याजदर सम्बन्धी २ सुत्रीय माग सहित माग पुरा नभए चरणबद्ध आन्दोलनका कार्यक्रम समेत सार्वजनिक गरेका छन् । चर्को व्याजदर तत्काल नियन्त्रण हुनुपर्ने माग सहित मुलुकभरका उद्योग व्यवसाय क्षेत्र पनि आन्दोलित भैरहेका छन् भने महासंघका सदस्य संघ/सस्थाहरूबाट उद्योग व्यवसाय लगायतका क्षेत्रको तत्काल राहतको लागि विभिन्न मागहरू समेत आएका छन् । नेपाल उद्योग वाणिज्य महासंघ, उद्योग संगठन मोरङ र मोरङ व्यापार संघले उठाएका सम्पूर्ण माग र आन्दोलनप्रति ऐक्यबद्धता जनाउदै बैकिङ व्याजदरका विषयमा उद्योग व्यवसाय क्षेत्रले बारम्बार उठाएका मागहरूलाई तत्काल संवोधन गर्न जोड दिन्छ–महासंघद्वारा सोमबार प्रकाशित विज्ञप्तिमा जनाइएको छ । नेपालको उद्योग क्षेत्रको प्रतिस्पर्धी क्षमता ह्रास हुन गएकाले उद्योग व्यवसाय क्षेत्रमा नकारात्मक प्रभाव परी उद्योग क्षेत्रमा लगानी समेत निरूत्साहित हुन गएको जानकारी गराउदै आएका छौं । बढ्दो ब्याज दरलाई समयमै नियन्त्रण नगर्ने हो भने लगानी संकुचित भई सरकारले लिएको ८ प्रतिशतको आर्थिक बृद्धिको लक्ष्य र थप पा“च लाख रोजगारी बृद्धिको लक्ष्य हासिल हुन कठिन हुनेतर्फ महासंघ नेपाल सरकारको ध्यानाकर्षण समेत गराउदछ–बिज्ञप्तिमा उल्लेख छ ।
‘ओट्टो रुब्ली आर फाइभ’ नेपाली बजारमा, गोल्ड प्लस ब्ल्याक कलरमा पाइने
काठमाडौं । ओट्टो फोनस्ले आफ्नो ओट्टो सीरीजमा “ओट्टो रुब्ली आर फाइभ” नामक नयाँ मोबाइल नेपाली बजारमा प्रस्तुत गरेको छ । कम्पनीले ओट्टो फ्रयाङ्क सीरीजपछि ओट्टो फोनस्ले फेरि रुब्ली सीरीज बजारमा ल्याएको हो । २५ जनवरी २०१९ बाट नेपाली बजारमा सार्वजनिक भएको उक्त फोन गोल्ड प्लस ब्ल्याक कलरमा पाइने कम्पनीले जनाएको छ । ओट्टो फोनस्ले रुब्लर फाइभको शुरुवातसँगै नेपाली बजारमा केही नयाँ र अद्वितीय स्मार्टफोनस्को पेश गरेको छ । एन्ड्रोइड ८.१ गो ईडीसन सिरिज १८ः९ फुल भीयु डिस्प्ले सहित २.५ डि कर्भड डिस्प्ले गुणस्तरीय बजेटमा उपलब्ध गरेको कम्पनीले जनाएको छ । ओट्टो रुब्ली आर फाइभमा डाइनामिक ५ इन्च डिस्प्ले सहित २.५ डी कभर्ड ग्लास १८ः९ फुल भीउ स्क्रिन रहेको छ । उत्कृष्ट डिजाइन र आरामदायक बनावटले प्रिमियम महसुस दिने छ र ५ मेगा पिक्सेल रियर क्यामेराको साथ फ्ल्यास र २ मेगापिक्सेल अगाडीको क्यामेराले फुल भीयु डिस्प्ले दिने छ । कम्पनीका अनुसारर ओट्टो रुब्ली आर फाइभ एन्ड्रोइड ओरिओ ८.१ गो इडीसन) सञ्चालन गर्दछ । त्यस्तै, ८ जीबी स्टोरेज सुबिधा र ६४ जीबीसम्मको क्षमता बढाउनका लागि समर्पित कार्ड लिष्ट पनि छ । यो स्मार्ट फोनमा क्वाड कोर प्रोसेसरद्धारा संचालित । २००० एमएएच ब्याट्री ब्याक अप पावर रहेको छ ।
राष्ट्रिय वाणिज्य बैंकले गर्यो अपाङ्ग बालबालिकालाई सहयोग
काठमाडौँ । राष्ट्रिय वाणिज्य बैंक लिमिटेडले संस्थागत सामाजिक उत्तरदायित्व अन्तर्गत नुवाकोट र धादिङ जिल्लाका दृष्टि सम्बन्धि अपाङ्गता भएका बालबालिकाहरुलाई सहयोग उपलब्ध गराएको छ । मैत्री समाज नेपालले नुवाकोटको तुप्चेमा आयोजना गरेको कार्यक्रममा विशेष किसिमको खेल शो–डाउन टेबल टेनिस ट्रेनिङ्ग क्याम्पमा स्वयमसेवक परिचालन, आवाश तथा यातायात सहयोग, पुरस्कार र विभिन्न तालिम सामाग्रीको लागि आवश्यक सहयोग गरेको हो । आँखामा ब्लाइन्ड फोल्ड नामक पट्टि लगाई विशेष किसिमले डिजाइन गरि तयार गरिएको टेबल टेनिस बोर्डमा हातमा ग्लोब्स लगाएर विशेष खालको आवाज आउने साउण्ड बललाई पेडलले हिर्काएर बोर्डमा गुडाई दुई व्यक्ति बीच शुरुमा सबै सहभागीहरुलाई प्रशिक्षक प्रकाश खड्का र उनको सहयोगी प्रतीक ढकालद्घारा तालिम अभ्यास गराईएको थियो । उक्त अवधिभरको अन्तिम २ दिन श्री चण्डेश्वरी मा.वि, तुप्चे, नुवाकोट र जनजाग्रिति मा.वि, महादेववेशी, धादिङ्गका सहभागी विद्यार्थीबीच मैत्रीपूर्ण प्रतिस्पर्धा गराई एक जना छात्र, एक जना छात्रालाई नगद उपहार र सबै सहभागिहरुलाई प्रमाणपत्र समेत उपलब्ध गराइएको थियो ।
काठमाडौंको कान्तिपथमा खुल्यो यामाहाको ‘अपग्रेडेड’ सोरुम
काठमाडौँ । यामाहाका मोटरसाइकल तथा स्कुटरप्रति बढ्दै गएको क्रेजलाई मध्यनजर गर्दै एमएडब्लु इन्टरप्राइजेजले सोमबारबाट काठमाडौंको व्यापारिक केन्द्र कान्तिपथ, जमलमा थप सुविधासहितको यामाहाको ‘अपग्रेडेड’ सोरुम सुरु गरेको छ । एमएडब्लु इन्टरप्राइजेजले नयाँ डिलर सम्मान इन्टरप्राइजेजमार्फत ग्राहकले सेल्स, सर्भिस र स्पेयर पार्टस्सहित एक्सचेन्ज र स्पट फाइनान्सको सुविधा पाउने छन् । नयाँ सोरुमको उद्घाटन मिस नेपाल २०१८ श्रृंखला खतिवडाले गरेकी हुन् । उद्घाटनका क्रममा बोल्नुहुँदै एमएडब्लु इन्टरप्राइजेजका प्रबन्ध निर्देशक अग्रवालले नयाँ सोरुम पहिलेभन्दा अझ बढी परिष्कृत, व्यवस्थित र ग्राहकमैत्री हुने बताइन् । ‘मलाई विश्वास छ, सम्मान इन्टरप्राइजेजले यामाहाप्रति ग्राहकको विश्वासलाई अझ बलियो बनाउनेछ र नयाँ उचाइमा पु¥याउनेछ ।’ उनले भनिन् । सम्मान इन्टरप्राइजेजका प्रबन्ध निर्देशक सुरज मानन्धरले यामाहा ब्रान्डसँग विगत दुई दशकदेखि नजिक रहेको र अटुट विश्वासकै कारणले यो सम्भव भएको बताए । सम्मान इन्टरप्राइजेजबाट ग्राहकले विश्वस्तरीय प्रविधिजडित यामाहाका लोकप्रिय मोटरसाइकल र स्कुटरहरुको एक्सचेन्ज र फाइनान्सको पनि सुविधा पाउने छन् । हाल स्कुटर सेग्मेन्टमा यामाहाको फेसिनो, रे जेडआर र रेजी गरी तीन मोडेल बजारमा उपलब्ध छन् भने मोटरसाइकलमा आर३, एफजी२५, फेजर२५, आर१५भी३, एफजेड–एस एफआई, एसजीआरआर र सलुटो उपलब्ध छन् । यामाहाले भर्खरै मात्र तेस्रो पुस्ताको आर १५ बजारमा ल्याएको छ जसले युवा राइडरहरुलाई आकर्षित गरिरहेको छ । यामाहाका मोटरसाइकल र स्कुटरहरु प्याटेन्टेड ‘ब्लु कोर’ इन्जिनजडित छन् । यामाहाको ‘आर’ सिरिज र ‘एफजी’सिरिजमा अत्याधुनिक फ्युलइन्जेक्सन (एफआई) प्रविधि जडान गरिएको छ, जसले पर्फमेन्स बढाउनुका साथै इन्धन खपत घटाउँछ र यसैले गर्दा यामाहाका मोटरसाइकलहरुमा माइलेज बढी पाइन्छ ।
नेपाल क्लियरिङ्ग हाउस र सिटि एक्सप्रेसबीच विद्युतीय भुक्तानी प्रणालीमा शुरू
काठमाडौं । नेपाल क्लियरिङ्ग हाउस लिमिटेडले कारोवार शुरु गर्ने गरि सिटि एक्सप्रेस फाइनान्स लिमिटेडलाई उक्त प्रणालीमा आवद्ध गराएको छ । यस प्रणाली मार्पmत कम्पनीसंग आवद्ध सदस्य बैंक तथा वित्तीय संस्थाहरुमा रहेका ग्राहकहरुको कुनै पनि खातामा भुक्तानी दिन र लिने जस्ता कारोबारहरु पूर्णतया रुपमा संचालन गर्न सक्नेछन् । ग्राहकको रकम स्थानान्तरण, डिभिडेन्ट पेमेन्ट, बिल भुक्तानी, प्रीमियम भुक्तानी, सामाजिक सुरक्षा भत्ता, पेन्सन/तलब भुक्तानी, रेमिटेन्स लगायतको सेवा यस प्रणालीबाट सदस्य बैंक तथा वित्तीय संस्थाहरुले गर्न सक्ने भएका छन् । नेपाल राष्ट्र बैंक, बैंक वित्तीय संस्थाहरु र स्मार्ट च्वाइस टेक्नोलोजीबाट प्रवद्र्धित नेपाल क्लियरिङ्ग हाउस लिमिटेडले विभिन्न राष्ट्रिय स्तरका भुक्तानी प्रणालीहरु स्थापना र सञ्चालनगर्ने उद्देश्य लिएको छ । हालसम्म विद्युतीय माध्यमबाट चेकको राफसाफगर्ने प्रणालीको लागिअन्तरबैंक विद्युतीयभुक्तानी प्रणाली र अनलाईन मार्फत सर्वसाधारणले सजिलैसँग विद्युतीय भुक्तानीगर्न सकिने प्रणाली लागु गरी सञ्चालन गर्दै आएको छ । नेपाल क्लियरिङ्ग हाउससँग भएको यो सम्झौतासँगै कम्पनीले अन्तरबैंक विद्युतीय भुक्तानी प्रणालीमा ७५ बैंक तथा वित्तीय संस्थाहरुसँग र अन्य ३ कम्पनीसँगको रुपमा सम्झौता गरिसकेको छ ।
दीपक मनाङ्गेले खाए प्रदेश सांसदको सपथ
काठमाडौँ । राजीव गुरुङ उर्फ दीपक मनाङ्गेले भनेर प्रदेशसभा सदस्यको सपथ लिएका छन् । सोमबार गण्डकी प्रदेशका प्रदेशसभा सभामुख नेत्र अधिकारीले उनलाई सपथ गराएका हुन् । सपथ खुवाए लगत्तै सभामुखले टीका लगाइदिएका थिए । उनी मनाङको प्रदेशसभा ख बाट निर्वाचित भएका थिए । उनले ज्यान मार्ने उद्योगसम्बन्धी मुद्दामा सर्वोच्चले गरेको फैसलाका कारण सपथ लिन पाएका थिएनन् । उनी ८ महिना जेल बसे । सर्वोच्चको आदेशले थुनामुक्त भएपछि उनले सपथका लागि निवेदन दिएका थिए । सोमबार १४ महिनापछि उनले प्रदेश सांसदका रुपमा सपथ खाएका हुन् ।
ग्लोबल आइएमई बैंकमा “प्रोफेशनल कर्जा” सञ्चालन
काठमाडौं । ग्लोबल आइएमई बैंकले “ग्लोबल आइएमई प्रोफेशनल कर्जा” सञ्चालनमा ल्याएको छ । पेशागत व्यक्ति तथा कर्मचारीहरुलाई लक्षित गरी बैंकले सञ्चालनमा ल्याएको “प्रोफेशनल लोन” अन्र्तगत सेवाग्राहीले बिना धितो रु १५ लाख सम्म ऋण प्राप्त गर्न सक्ने भएका छन् । ग्लोबल आइएमई बैंकले ग्राहक वर्गको हितलाई मध्यनजर गर्दै विभिन्न समयमा यस्ता नयाँ नयाँ सेवाहरु संचालन गरिरहेको छ । बैंकले कृषिमा आधुनिकिकरणको लागि कृषि कर्जा देखि साना तथा मझौला व्यवसायीलाई व्यवसायी कर्जा, विद्यार्थीहरुको उज्जवल भविष्यको लागि एजुकेशनल लोन, होम लोन लगायतका कर्जा सुविधा प्रदान गर्दै आएको छ । उच्चतम व्याजदरको साथमा बिमा सुविधा सहितको नवरत्न बचत खाता लगायत अन्य बचत खाताहरु मार्फत पनि विभिन्न सुविधाहरु प्रदान गर्दै आएको छ । देशभरि १३३ शाखा, १४२ एटिएम, १५ वटा राजश्व संकलन काउण्टर, ७ वटा एक्सटेन्सन काउण्टर तथा ११७ शाखा रहित बैंकिङ्ग सेवा र नेपाल बाहिर ३ प्रतिनिधि÷सम्र्पक कार्यालय मार्पmत आफ्ना ९ लाख ५० हजार भन्दा बढि आफ्ना ग्राहकहरुलाई सेवा प्रदान गर्दै आइरहेको छ । त्यस्तै बैंकले अत्याधुनिक प्रविधियुुक्त भाईवर बैंकिङ्ग सेवा, मोबाइल बैंकिंङ्ग सेवा, इन्टरनेट बैंकिंङ्ग सेवाको साथमा बाहिर रहेका नेपालीमाझ सेवा प्रदान गर्दै आईरहेको छ ।
