यस्ताे छ एनसेललाई उछिन्ने टेलिकमका नयाँ हाकिमको महत्वकांक्षी योजना
काठमाडौं । नेपाल टेलिकमले १५ औं वार्षिक उत्सव मनाइरहँदा भर्खरै प्रबन्ध निर्देशक नियुक्त भएका डिल्लिराम अधिकारीले महत्वकांक्षी लक्ष्य प्रस्तुत गरेका छन् । टेलिकम सेवालाई अत्याधुनिक प्रविधिबाट अघि बढाई १ नम्बरको कम्पनी बनाउने निर्देशक अधिकारीले लक्ष्य राखेका छन् । फोरजी सेवा सञ्चालन सम्झौताबाट हौसिएका निर्देशक अधिकारीले घुमाउरो शैलीमा आफ्नो प्रमुख प्रतिस्पर्धी एनसेल नै भएको बताए । टेलिकमको पुरानो सेवा प्रणालीलाई सुधार गरी अत्याधुनिक सेवा प्रवाह गर्ने मेरो लक्ष्य हुनेछ । सेवा प्रवाहमा आधुनिक प्रविधि भित्र्याउने उद्देश्यले मैले काम अघि बढाएको छु । प्रविधिको तिब्र परिवर्तनसँगै टेलिकमको चुनौति पनि बढ्दै गएको छ । सार्वजनिक संस्थाको अवस्थामा निजी कम्पनीहरुसँग प्रतिस्पर्धा गर्नु पर्ने अवस्था टेलिकमको रहेको छ–प्रबन्ध निर्देशक अधिकारीले भने । टेलिकमको मुख्य सेवा भनेको मोबाइल सेवा हो । यसको लागि फोरजी सेवा विस्तारको काम सुरु भैइसकेको छ । यसैगरी ग्राहकको रुचि फेरिन सक्ने अवस्थालाई टेलिकमको मार्केटिङले विशेष ध्यान दिने उनले बताए । १५ वर्षअघि कम्पनी सुरु हुदाँ ग्राहक संख्या ४ लाख २२ हजार रहेको थियो, तर आजको दिनसम्म आइपुग्दा टेलिकमको ग्राहक संख्या २ करोड १० लाख नागघसकेको छ । बजारको माग अनुसार सुलभ सेवा दिनु नै टेलिकमको मुख्य उद्देश्य हो । नेपालीहरुको लगानी र नेपाली माटोमै गरिएको व्यवसायिक क्रियाकलापमा सम्पूर्ण ग्राहकहरुले उल्लेख्य रुपमा सहभागिता जनाउनु पर्नेछ । आर्थिक वर्ष २०७४/७५ मा प्रतिशेयर ११६ रुपैयाँले बृद्धि भएको छ । टेलिकमको विकासमा कर्मचारीको महत्वपूर्ण भूमिका हुने भएकाले पुरस्कृत र दण्डित गर्ने प्रक्रियालाई निरन्तरता दिइने मंगलबार बार्षिकोत्सव समारोहमा उनले भने । यस्ता छन् वार्षिक उत्सवको सुविधा वार्षिक उत्सवको उपलक्ष्यमा जीएसएम पोस्टपेड ग्राहकलाई ९ सयको प्याकेजमा प्रतिमहिना २ जीवी डाटा र ५ सयको फ्रि रिसोर्स उपलब्ध गराउँदै आएकोमा प्रति महिना ३.३ जीबी र ५ सयको फ्रि रिर्सोर्स उपलब्ध गराइनेछ । माघ २३ देखि फागुन ८ सम्म रजिस्टर हुने नयाँ जीएसएम पोष्टपेड ग्राहकलाई ३ महिनासम्म अल टाइम डाटा १ जीबी र १ सय मिनेट कल टाइम फ्रि हुनेछ । टुरिष्ट प्याकेज अन्तर्गत ५ सयमा ५जीबी डाटा, ५० मिनेट भ्वाइस कल सेवा र सय रुपैयाँ बराबरको अन्तर्राष्ट्रिय कल सेवा प्रदान गर्न सरिनेछ । यसैगरी, १ हजारमा १० जीबी डाटा, सय मिनेट कल, सय वटा एसएमएस सेवा प्रदान गरिनेछ । माघ २२ देखि चीनको कल सेवामा विभिन्न अफरहरु प्रदान गरिनेछ । यसैगरी, बक्यौता तिर्न बाँकी रहेका ग्राहकले चालू आर्थिक वर्षको अन्त्य सम्ममा बुझाए जरिवाना छुटको व्यवस्था गरिहेको नेपाल टेलिकमले जनाएको छ । वार्षिक उत्सव अवसरको उपलक्ष्यमा अन्तर्राष्ट्रिय रोमिङ कल सेवा सुरु गरेको छ। पोस्टपेड ग्राहकका लागि मात्रै दिइएको यस्तो सुविधा प्रिपेडमा पनि सुरु गरिएको हो । यो सेवा टेलिकमले सर्वप्रथम भारत र चीनमा उपल्बध गराउनेछ । कम्पनीले पोस्टपेड ग्राहकले यो सुविधा लिँदा लाग्ने धरौटी पनि घटाएको छ।
कृषि विकास बैंकद्धारा मकवानपुरको पालुङ्गमा वित्तीय साक्षरता कार्यक्रम
काठमाडौं । कृषि विकास बैंक, पालुङ्ग शाखाको आयोजना गरेको एक दिने वित्तिय कार्यक्रम सम्पन्न भएको छ । बैंककाे क्षेत्रीय कार्यालय वीरगञ्जका निर्देशक बाबुकाजी थापाको सभापतित्वमा सम्पन्न उक्त कार्यक्रम बैंकको बित्त तथा लेखा विभागका विभागिय प्रमुख यज्ञप्रकाश न्यौपानेले उद्घाटन गरेका थिए । सो कार्यक्रममा थाहा नगरपालिकाका मेयर लवशेर विष्ट, उपमेयर खड्ग गोपाली, विभिन्न सहकारीका अध्यक्ष, व्यवस्थापक, कलेजका शिक्षक, स्कुलका प्रधानाध्यापक, समाजसेवी, स्थानिय कलेजमा बिबिएस अध्ययनरत १५ जना विद्यार्थी तथा सर्वसाधारण गरी करीब ५० जना सहभागी थिए । उक्त अवसरमा बैंकको मुख्य कार्यालयका केन्द्रिय सुपरीवेक्षक यज्ञप्रकाश न्यौपानेले बैंकले स्थानिय स्तरमा लामो समय देखी गरेको सेवाका विषयमा जानकारी गराएका थिए । त्यसैगरी शाखा पालुङ्गका लेखपालद्धय संगीता थापा तथा निशा थापामगरले उद्यमशीलताको पूर्वाधारको रुपमा रहेको कर्जाका लागि आवश्यक पर्ने कागजात तथा प्रक्रिया, बैंकले हालै ल्याएको निशुल्क सुविधाहरु जस्तैः भिसा कार्ड, मोबाईल बैंकिंग, ईन्टरनेट बैंकिगं, सिआस्वा, डिम्याट खाता आदिका बारेमा जानकारी गराउंदै विभिन्न प्रकारका खाताका प्रकार, बैंकले तयार पारेको जिंगल प्रदर्शन, अत्याधुनिक विद्युतीय बैंकिंग सुविधाका सम्बन्धमा समेत प्रकाश पार्नुभएको थियो । कार्यक्रममा थाहा नगरपालिकाका मेयर लवशेर विष्टले बैंकले आयोजना गरेको यस प्रकारको कार्यक्रम फलदायी रहेको, बैंकसंग मिलेर भविष्यमा अन्य विकास निर्माण कार्यमा समेत हातेमालो गरी अगाडी बढ्न सकिने बताए । उक्त अवसरमा बैंकको क्षेत्रिय कार्यालय, वीरगञ्जका निर्देशक बाबुकाजी थापाले वित्तीय साक्षरताको अर्थ र आवश्यकता, नेपालको आर्थिक तथा वित्तीय प्रणाली, वचत गर्दा हुने फाईदा, आदिका बारेमा प्रशिक्षण दिएका थिए । निर्देशक थापाले सहभागीहरुबाट उठेका जिज्ञासाहरुको जवाफ दिंदै सफा नोटको महत्व, समृद्ध देश निर्माणको आधारको रुपमा रहेको विप्रेषण, घरायसी बजेट निर्माणको महत्वको आदिका बारेमा सचेतना गराउंदै कार्यक्रमको समापन भएको थियो ।
राष्ट्रिय बीमा कम्पनीको लिखित परीक्षाको नतिजा सार्वजनिक, अन्तरवार्ता कहिले ?
काठमाडौँ । राष्ट्रिय बीमा कम्पनी लिमिटेडले आवश्यक कर्मचारीका लागि लिएको लिखित परीक्षाको नतिजा सार्वजनिक भएको छ । लिखित उत्तीर्ण गर्नेमा ५४ जना रहेका छन् । सबैभन्दा कम नबौँ तहमा पाँच जनाको नाम निस्केको छ भने सबैभन्दा बढी चौथो तहमा १६ जनाको नामा निस्केको छ। लिखितमा नाम निकाल्नेहरूको लागि प्रयोगगात्मक परीक्षा र अन्तर्वार्ताको समयपनि प्रकाशित सूचनामा तय गरिएको छ ।
उदयपुर सिमेन्टको महाप्रबन्धकमा आवेदन दिने म्याद फागुन २ सम्म, के चाहिन्छ योग्यता ?
काठमाडौँ । उदयपुर सिमेन्ट उद्योगको महाप्रबन्धक पदका लागि आवेदन दिने म्याद फागुन २ गतेसम्म तोकिएको छ । महाप्रबन्धक नियुक्तिका लागि गठित छनौट तथा सिफारिश समितिले पदपूर्ति सम्बन्धी सूचना प्रकाशित गर्दै फागुन २ गतेसम्म उद्योग, बाणिज्य तथा आपूर्ति मन्त्रालयको सरकारी उद्योग तथा संस्थान शाखा सिंहदरबार काठमाडौँमा शिलबन्दी आवेदन दिनु पर्ने उल्लेख गरेको छ । महाप्रबन्धकका लागि मान्यता प्राप्त शिक्षण संस्थाबाट कम्तिमा स्नातकोत्तर तह उत्तीर्ण गरी सम्बन्धित क्षेत्रको व्यवस्थापकीय वा अधिकृत स्तरमा कम्तिमा ३ वर्षको कार्यानुभव हासिल गरेको हुनु पर्ने योग्यता निर्धारण गरिएको छ । साथै उमेरको हकमा ३० वर्ष पूरा भई ६५ वर्ष ननाघेको नेपाली नागरिकले आवेदन दिन सक्नेछन् । आवेदन दस्तुर ५ हजार लाग्ने समितिद्वारा प्रकाशित सूचनामा उल्लेख छ ।
जनरल इन्स्योरेन्स र बैंक अफ काठमाण्डूबीच बैंकास्योरेन्स सम्झौता
काठमाडौं । जनरल इन्स्योरेन्स कम्पनी नेपाल लिमिटेड र बैंक अफ काठमाण्डूबीच बैंकास्योरेन्स सम्झौता भएको छ । बैङ्कका प्रबन्धक रितेश लामिछाने र इन्स्योरेन्सका महा प्रबन्धक एस्.के.टमोटले उक्त सहमतिपत्रमा हस्ताक्षर गरेका हुन् । सहमतिसँगै बैंकका ग्राहकले जनरल ईन्स्योरेन्स कम्पनी नेपालले प्रदान गर्ने निर्जीवन बीमा सम्वन्धी सेवा सुविधा बैङ्कका सबै शाखाबाट लिन सक्नेछन ।
नवनियुक्त राजदूतहरुसँग उद्योगीले भने-निजी क्षेत्रबीचको सहकार्यमा सहयोग होस्
काठमाडौँ । विभिन्न मित्रराष्ट्रहरुका लागि नियुक्त भएका राजदूतहरु एवं नेपाल उद्योग परिसंघका पदाधिकारीहरु एवं कार्यसमितिका सदस्यहरु भेटघाट एवं छलफल कार्यक्रम सम्पन्न भएको छ । भारत, इजरायल, मलेसिया, युएई, फ्रान्स, कुवेत, क्यानडा र थाइल्याण्ड तथा संयुक्त राष्ट्रसंघका लागि नियुक्त भएका राजदूतहरुको स्वागत गर्दै नेपाल उद्योग परिसंघका अध्यक्ष हरिभक्त शर्माले मुलुकमा राजनीतिक स्थिरता आएसँगै वर्तमान सरकारले आर्थिक समृद्धि र लगानी विस्तारमा विशेष जोड दिदै लगानीमैत्री कानुनहरुको तर्जुमा गरेको वर्तमान स्थितिमा नवनियुक्त राजदूतहरुको भूमिका समेत फेरिएको आफूले महशूस गरेको विचार व्यक्त गरे । छलफलको क्रममा अध्यक्ष शर्माले सम्बन्धित देश र नेपालको निजी क्षेत्र बीचको सहकार्य र सम्बन्ध विस्तारमा राजदूतहरुले आफ्नो मूख्य लक्ष्य र योजना सहित परिसंघ जस्ता संस्थाहरुको सहयोग र सहकार्यमा जुट्न सकेको खण्डमा नेपालमा लगानी वृद्धिमा सहयोग पुग्ने विश्वास लिएको बताए । कार्यक्रममा नेपाल उद्योग परिसंघका अध्यक्ष एमिरेट्स विनोद चौधरीले आर्थिक कुटनीतिकको वर्तमान सन्दर्भमा राजदूतहरुको भूमिका राजनीतिक कुटनीति मात्र नभई बजार प्रतिनिधिको समेत हुनुपर्ने कुरामा जोड दिए । अबको कुटनीति निजी क्षेत्रसँगको सहकार्य, समझदारी र संलग्नताको अभावमा सफल नहुने भएकोले नवनियुक्त राजदूतहरुले यस विषयमा विशेष प्राथमिकता दिइ कार्ययोजना बनाउनु पर्ने उनले बताए । छलफलको क्रममा भारतका लागि नवनियुक्त राजदूत निलम्बर आचार्यले अबको दूतावासहरुले व्यवसायमैत्री सम्पर्क र युवा उद्यमीहरुलाई प्रोत्साहन दिने कार्यक्रम ल्याई अघि बढ्नु पर्ने विषयमा जोड दिए । उक्त छलफल कार्यक्रममा नवनियुक्त राजदूतहरु अञ्जन शाक्य (इजरायल), उदयराज पाण्डे (मलेसिया), कृष्णप्रसाद ढकाल (यूएइ), दिपक अधिकारी (फ्रान्स), दूर्गाप्रसाद भण्डारी (कुवेत), भृगु ढुङ्गाना (क्यानडा), गणेशप्रसाद ढकाल (थाइल्याण्ड), मणीप्रसाद भट्टराई (यूएन, जेनेभा) र अमृतबहादुर राई (यूएन, न्यूयोर्क) ले नेपालमा लगानी भित्र्याउने एवम् नेपालको लगानीमैत्री वातावरणबारे पैरवी गर्नेमा आ-आफ्नो तहबाट निजी क्षेत्रसँग सहकार्य र सम्बन्ध विस्तारमा प्रयासरत रहने विश्वास व्यक्त गरेका थिए ।
सहारा विकास बैंकको ९ लाख कित्ता हकप्रद सूचिकृत
काठमाडौं । सहारा विकास बैंक लिमिटेडको ९ लाख ३ हजार ७२१ कित्ता हकप्रद सेयर सूचिकृत भएको छ । मंगलबार मात्रै बैंकको सो मात्राको सेयर नेप्सेमा थपिएको हो । हाल विकास बैंकको चुक्ता पुँजी ७ करोड २९ लाख रुपैयाँ र बजार पुँजीकरण ३३ करोड ५७ लाख रुपैयाँ रहेको
ब्याजदर वृद्धिसँगै उद्योग वाणिज्य संघ चितवनको ध्यानाकर्षण
काठमाडौं । बैंक तथा बित्तीय संस्थामा एकतर्फी रूपमा व्याजदर वृद्धि भएको प्रति उद्योग वाणिज्य संघ चितवनले गम्भीर ध्यानाकर्षण रहेकाे जनाएको छ। संघले प्रेस बिज्ञप्ती निकाल्दै बैंक तथा बित्तीय संस्थाले व्याजदर वृद्धिलाइ तत्काल नियन्त्रण गर्दै समस्या समाधान गर्ने प्रतिबद्धता कार्यान्वन नै नगरी एकतर्फी रुपमा ब्याजदर बढाएको आरोप लगाएको हो । चर्को ब्याजदर वृद्धिका कारण निजी क्षेत्रबाट निर्माणाधीन परियोजनाको लागत वृद्धि भएको र नयाँ परियोजना ल्याउन नसकिने स्थिति सृजना भएको छ । ” अव्यवहारिक ढंगबाट एकतर्फी रुपमा व्याजदर बढाउदा बिगत र वर्तमानको लगानीलाइ प्रतक्ष्य प्रभाव पार्ने संघको ठहर छ । उद्योग क्षेत्रको प्रतिस्पर्धी क्षमतामा ह्रास भएर लगानीलाई निरुत्साहित गर्ने संघको टिप्पणी छ । बढ्दो व्याजदरलाइ नियन्त्रण गर्न संघले सरकार, अर्थ मन्त्रालय लगाएत अन्य सरकारी निकाय समक्ष माग समेत गरेको छ ।
