गर्मीयामसँगै कोका कोलाको नयाँ अफर, स्प्राईट पिउँदा १० हजारसम्मको रिचार्ज
काठमाडौं । पेय पदार्थ उत्पादक कम्पनी कोकाकोला नेपालले “स्प्राईट डबल डोज, रिफ्रेस् पनि रिचार्ज पनि” नामक समर क्याम्पेन सार्वजनिक गरेको छ । उक्त पेय कम्पनीले लेमोन र लाइम स्वादका उत्पादन स्प्राईटले उपभोक्ता माँझ पुगेर रिफ्रेस् बनाउने उद्देश्यले यस क्याम्पेन सार्वजनिक गरिएको हो । प्रत्येक दिन रु १० रुपैयादेखि १० हजारसम्मको रिचार्ज र सामसुङ ग्यालेक्सी नोट ९ पाइने व्यवस्था रहेको छ । यस क्याम्पेनमा ग्राहकहरुले कोका–कोला ब्राण्डका स्प्राईट, कोका–कोला, फान्टा लेमन, फान्टा ओरेन्ज र किन्ले सोडाको २५० एमएल सिसाको बोतल (आरजीबी) किनेर सहभागी हुन सक्ने जनाएका छन् । स्प्राईटले यस अभियानको टिभीसीमा सार्वजनिक गरेको छ । टिभी कमरसीयलमा स्प्राईटका ब्राण्ड एम्बेस्डर अनमोल के.सी., अभिनेत्री सुपुष्पा भट्ट र युट्यूबर जिबेश गुरुङ रहेका छन् । टिभीसीमा अनमोल प्रचण्ड गर्मीमा कलेजको क्यान्टीनमा बसेर स्प्राईटको आनन्द लिइरहेका हुन्छन् । टिभीसीमा देखाए जस्तै ग्राहकहरुले स्प्राईट खाएर रिफ्रेस हुनुका साथै आफ्नो फोनमा रिचार्ज गर्न पनि सक्नेछन् । उक्त योजना ३१ मार्च २०१९ सम्म मात्र लागु हुनेछ आयोजकले जानकारी दिएका छन् । उक्त क्यापेनमा प्रोमोस्नल क्रियाकलाप, ग्राउन्ड एक्टीभेसन हुनेछन् ,साथै राष्ट्रिय दैनिक पत्रिका र अनलाइनमा विजेताहरुको नाम घोषणा गरिनेछ । यस अफरमा सहभागी हुन ग्राहकहरुले बिर्कोको तल्लो भागमा रहेको ८ अंकको युनिक कोड ३६७६८ मा एसएमएस गर्नुपर्नेछ ।
बैंकलाई ब्रोकर लाइसेन्स नदिए देशभर तत्काल २५० शाखा खोल्छौं : भरत रानाभाट
काठमाडौं । नेपाल स्टक ब्रोकर्स एशोसिएशनका अध्यक्ष भरत रानाभाटले ब्रोकरहरु तत्काल देशभर २५० ओटा शाखा खोल्न तयार भएको बताएका छन् । अर्थ समितिको बैठकमा बोल्दै रानाभाटले बैंकलाई लाइसेन्स दिने निर्णय गरेर पुँजी बजार तहसनहस बनाउन खोजिएको भन्दै त्यो निर्णय खारेज गर्न माग गर्दै त्यसो गरिए आफूहरुले देशभर २५० स्थानमा शाखा खोलेर सेवा दिन तयार रहेको बताएका हुन् । रानाभाटले बैंकर र व्यापारी एउटै भएकोले मुद्रा बजारमा समस्यामा परेको भन्दै ब्रोकर र कारोबार हुने कम्पनी एउटै हुँदा यसले पुँजी बजारमा इन्साइडर ट्रेडिङ बढाउने भन्दै अन्ततः यसले पुँजी बजारमा तहसनहस बनाउने दाबी गरेका हुन् । ‘मुद्रा बजार र पुँजी बजार दुवै पुँजी परिचालनका साधन हुन्, अहिले मुद्रा बजार समस्यामा छ, पुँजी बजारलाई पनि समस्यामा पारेर अर्थतन्त्रलाई नै तहसनहस बनाउने प्रयास भइरहेको छ । बैंकलाई ब्रोकर लाइसेन्स दिँदा उनीहरुकै शेयर कारोबार आफैं गर्ने भएकोले यसले इन्साइडर ट्रेडिङलाई बढावा ।’ – उनले भने । अर्थ समितिले मंगलबार पुँजीबजारको विद्यमान समस्या समाधान गर्ने सम्बन्धमा सरोकारबालाहरुसँग छलफल आयोजना गरेको थियो । उक्त कार्यक्रममा नेपाल इन्भेष्टर्स फोरमका अध्यक्ष छोटेलाल रौनियारले सरकारले मुद्राबजार तथा पुँजीबजारको समस्या समाधान गर्न समिति गठन गरेर सुझाव बुझाए पनि ५८ बुँदामध्ये पुँजी बजारको सम्बन्धमा शेयर मार्जिन कर्जाको सीमा बढाउने र जोखिम भार घटाउने कामबाहेक केही नगरेको गुनासाे गरे । राैनियारले पुँजीगत लाभकर ५ प्रतिशतबाट बढाएर ७.५ प्रतिशत पुर्याए पनि त्यो अन्तिम हो कि होइन भन्नेबारे केही निर्णय नभएकोले अन्यौलता छाएको बताए । उनले तत्काल बैंकलाई ब्रोकर लाइसेन्स दिन समेत माग गरे । पुँजीबजार दबाव समूहका अध्यक्ष हरि ढकालले १० वर्ष अघिको इन्डेक्स र हिजोको इन्डेक्स बराबर रहेको भन्दै यसले देशको विकासको संकेत नगर्ने बताए । नेप्सेप्रति लक्षित गर्दै उनले एकैदिन ५० प्रतिशत मूल्य घटाउदा समेत कारबाही नभएको आरोप लगाए । त्यस्तै, नेपाल मर्चेन्ट बैंकर्स संघका अध्यक्ष ध्रुव तिमिल्सिनाले नेपालमा १५ लाख भन्दा बढी डिम्याट खाता रहेको र जनसंख्याका आधारमा यो संख्या भारतको भन्दा बढी भएको भन्दै उचित शिक्षाको अभावले नेपाली पुँजीबजारको विकास हुन नसकेको बताए । पुँजीबजारको विज्ञका रुपमा आमन्त्रण गरिएका गोपाल भट्टले पुँजी बजारको सूचकमा कुनै समस्या नरहेको भन्दै नियामक निकाय र सरकारमा रहेका व्यक्तिहरुको अनावश्यक अभिव्यक्तिका कारण पुँजी बजारमा पछिल्लो उतारचढाव आएको दाबी गरे । नेपाल स्टक एक्सचञ्जका अध्यक्ष चन्द्रसिंह साउदले भने हाल बजारको कुल कारोबारको १२ प्रतिशत हिस्सा अनलाइन ट्रेडिङको भएको भन्दै उपत्यकाबाहिर अनलाइन काराेबारको क्रेज बढ्दै गएको बताए ।
लुम्विनी विकास बैंकद्धारा इनेवल नेपाललाई आर्थिक सहयोग
काठमाडौं । लुम्विनी विकास बैंकले इनेवल नेपाललाई १ लाख सहयोग गरेको छ । काठमाडौंको सिनामंगल स्थित इनेवल नेपालद्धारा सञ्चालित कूहिनाभन्दा तलको हातन भएका १६ वर्ष मूनीका वालवालिकाहरुलाई क्यानेडियन प्रविधिको थ्रिडी प्रिन्टेड हात निःशुल्क वितरण गर्न १ लाख सहयोग गरेको हुन्र । बैंकका प्रमूख कार्यकारी अधिकृत नरेशसिंह बोहरा तथा मूख्य व्यवस्थापक हरिकृष्ण सुवेदीले संयुक्त रुपमा इनेवल नेपालका अध्यक्ष सुरेन्द्र श्रेष्ठलाईरु १ लाख चेक मार्फत हस्तारन्तरण गरेका थिए । यस किसिमको थ्रिडी प्रिन्टेड हातवाट वालवालिकाले व्यायाम गर्ने, समात्ने, वोक्ने, साईकल चलाउने लगायतका कार्यहरु गर्ने सक्ने इनेवल नेपालले जानकारी दिएका छन् । उक्त रकम हस्तान्तरण गर्दै बैंकका प्रमूख कार्यकारी अधिकृत नरेशसिंह बोहराले लुम्बिनी विकास बैंकले मानवीय पूनित कार्यमा समर्पित यस किसिममा विभिन्न सामाजिक सं संस्थाहरुलाई सहयोग एवं सेवा पुर्याउने बताए ।
हिमालयन बैंकद्धारा दुर्घटना मृत्यु बीमा रकम प्रदान
काठमाडौं । हिमालयन बैंकले दुर्घटना मृत्यु बीमा रकम स्व.खनाल पत्नीलाई बीमा रकम वापत ५ लाख प्रदान गरेको छ । बैंकको कावासोती शाखाले सवारी दुर्घटनामा परि निधन भएका ग्राहक स्व. रविराज खनालकी धर्मपत्नी श्रीमती गीता खनाललाई उक्त खाताको “दुर्घटना मृत्यू बिमा” वापत प्राप्त हुने ५ लाख हस्तान्तरण प्रदान गरेको हो । बैंकले आफ्ना सम्पूर्ण खातावालाहरुको रु. ५ लाख सम्मको निशुल्क दुर्घटना मृत्यू बिमा गरिदिएको छ । बैंकका शाखा प्रबन्धक आत्माराम गौतमले उक्त बीमा वापतको रकम शाखा कार्यालयको हातामा शाखाका अन्य पदाधिकारीहरु तथा शिखर इन्स्योरेन्सका प्रतिनिधी यम काफ्लेको उपस्थितीमा मृतककी श्रीमती गीता खनाललाई हस्तान्तरण गरे । मृतककी श्रीमती गीता खनालले पतिको असामयिक निधनले परिवारमा ठूलो क्षति र पीडा पुर्याएको बखत बैंकको यस सहयोगले केही मात्रामा भए पनि आर्थिक राहत दिएको जानकारी दिएका छन् ।
विदेशबाटबाट फर्किएका २० हजारले दिए सहुलियत ऋणका लागि आवेदन, कहिलेसम्म पाउँछन् ?
काठमाडौँ । सहुलियत कर्जाको लागि विदेशबाट फर्किएका २० हजार ४ सय ६ जनाले आवेदन दिएका छन् । वैदेशिक रोजगार प्रबद्र्धन बोर्ड र ७ सय ५३ वटै स्थानीय तहबाट आवेदन दिन सक्ने व्यवस्था गरिएको थियो । बोर्डका उपसचिव दीनबन्धु सुवेदीका अनुसार १८ हजार ७ सय ३० जनाले बोर्डको कार्यालय मै आएर आवेदन दिएका छन् । त्यसैगरी १ हजार ५४६ जनाले इमेलबाट आवेदन पठाएका छन् भने हुलाकबाट १०८ जना र कुरियरबाट २० जनाले आवेदन दिएका छन् । सहुलियत कर्जाको लागि २०७५ मंसिर ६ गतेदेखि पुस मसान्तसम्म समय तोकिएको थियो । नेपाल सरकारले आर्थिक वर्ष २०७५/७६ को बजेटमार्फत घोषणा गरेको सहुलियत कर्जासम्बन्धी कार्यक्रमलाई अर्थ मन्त्रालयले गत भदौमा कार्यविधि बनाएर लागु गरेको थियो । जस अनुसार विभिन्न ७ शीर्षकमा ३ लाखदेखि ५ करोड रुपैंयासम्म कर्जा दिने व्यवस्था गरिएको छ । कार्यविधि मार्फत मन्त्रालयले भुकम्प पीडितहरुको निजी आवास निर्माणका लागि ३ लाख, उच्च र प्राविधिक तथा व्यवसायिक शिक्षाका लागि ५ लाख, शिक्षित युवा स्वरोजगारका लागि ७ लाख, विदेशबाट फर्केका युवा परिचालनका कर्जाका लागि १० लाख, दलित समुदाय विकासका लागि १० लाख, महिला उद्यमशीलताका लागि १५ लाख र व्यवसायिक कृषि तथा पशुपन्छी परियोजनाका लागि ५ करोड रुपैंयासम्मको कर्जा दिने व्यवस्था गरेको गरिएको छ । त्यसमध्ये युवा परिचालन कर्जा भने वैदेशिक रोजगारसँग सम्बन्धित भएकोले केन्द्रले त्यस्तो आवेदन लिएको हो । अबको प्रक्रिया के हुन्छ ? वैदेशिक रोजगार प्रवद्र्धन बोर्डले आवेदन संकलन गरेपनि त्यसपछिको प्रक्रियामा संलग्न नहुने जनाएको छ । त्यसका लागि अर्थ मन्त्रालयले छनौट समिति गठन गर्ने र आवेदकहरुको न्यूनतम मापदण्ड पूरा भए नभएको बारे छानबीन गरी सिफारिस गर्नेछ । विदेशबाट फर्केको ३ वर्ष पुगि नसकेको र कम्तीमा ६ महिना काम गरेर फर्किएको व्यक्तिले त्यस्तो ऋणका लागि आवेदन दिन सक्ने प्रावधान रहे पनि विदेशमा गरेको काम अनुसार कै परियोजना सञ्चालन गर्न प्रस्ताव गर्नेलाई ऋण दिन पहिलो प्राथमिकतामा राखिने बताइएको छ । ऋण दिने/नदिने अन्तिम अधिकार बैंकमै सरकारले तयार गरेको संयन्त्रले सिफारिस गरेको आधारमा बैंकलाई ऋण प्रस्ताव छनौट गर्न सहयोग पुग्नेछ, तर ऋण प्रवाह गर्ने अन्तिम अधिकार बैंकमै निहीत रहनेछ । ऋण दिने वा नदिने भन्ने निर्णय बैंकले नै गर्ने हो, केन्द्र र सरकारले आवेदकले पेश गरेको प्रस्तावका आधारमा १० लाख भन्दा बढी नहुने गरी ऋणको सीमा निर्धारण गरेर बैंकलाई सिफारिस गरी गर्ने बोर्डका उपसचिव सुवेदीले बताए । सहुलियत कर्जा ५ वर्षसम्मका दिइने कार्यविधिमा उल्लेख छ । त्यस्तो कर्जाका लागि बैंकले पासपोर्ट र परियोजना धितोमा राख्न सक्नेछ । सरकारले वैदेशिक रोजगारीमा गएकाको उद्यमशीलता विकासका लागि दिइने कर्जामा ब्याज अनुदानका लागि १० अर्ब बजेट छुट्याएको छ । कहिलेसम्म पाइएला ऋण ? वैदेशिक रोजगार प्रवद्र्धन बोर्डमार्फत आवेदन दिनेहरुको सूचीकरण प्रक्रिया सुरु भएको छ । २० हजारको आवेदनलाई कम्युटरमा अपडेट गरेपछि बोर्डले सम्बन्धित मन्त्रालयमा त्यो तथ्याङ्क पठाउने जनाएको छ । त्यसपछि प्रक्रिया अर्थ मन्त्रालय, श्रम मन्त्रालय लगायतका मन्त्रालयका प्रतिनिधि संलग्न समितिले गर्ने भएकोले बोर्डले ऋण कहिले दिन सुरु हुन्छ भन्ने केही भन्न नसकिने जानकारी दिएको छ । आगामी बैशाख अगावै त्यस्तो ऋण वितरण सुरु हुन सक्ने जनाइएको छ । बैंकमै गए झन् छिटो सरकारले जारी गरेको सहुलियत अनुदानसम्बन्धी कार्यविधिलाई लागु गर्न नेपाल राष्ट्र बैंकले यसअघि नै बैंक तथा वित्तीय संस्थाहरुलाई परिपत्र गरिसकेको छ । सरकारी स्वामित्वको राष्ट्रिय वाणिज्य बैंक तथा निजी क्षेत्रको एनएमबि बैंकले त्यस्तो कर्जा वितरण योजना समेत शुरु गरिसकेका छन् । अन्य बैंकहरुलाई पनि त्यस्तो कर्जा दिन नैतिक दवाव छ । त्यसैले उद्यमीले सीधै सम्बन्धित बैंकमै गएर कर्जा आवेदन गरे यो प्रक्रियाबाट भन्दा छिटो ऋण प्राप्त गर्न सकिने बोर्डका उपसचिव सुवेदी बनाउँछन् ।
९ हजारबढी परिवारका लागि खानेपानी योजना, ४० प्रतिशत काम सम्पन्न
काठमाडौं । काभ्रेपलान्चोकको तेमाल क्षेत्रमा ९ हजार ३१० परिवारका लागि खानेपानी आयोजना निर्माण भइरहेको छ । कूल रु १ अर्ब २७ करोडको लागतको सञ्चालन गरिएको आयोजनाको ४० प्रतिशत काम सकिएको तेमाल बृहत् सुख्खा क्षेत्र खानेपानी तथा सरसफाइ आयोजनाका अध्यक्ष सङ्ग्रामजित लामाले जानकारी दिए। उनका अनुसार सुनकोशी नदीबाट १२ किलोमिटरको उचाइमा लिफ्टिङ गरी खानेपानी उपलब्ध गराइने आयोजनाको उद्देश्य हो । नेपाल सरकारको ९० र स्थानीय उपभोक्ताको १० प्रतिशत लगानीमा उक्त आयोजना सम्पन्न हुने अध्यक्ष लामाको भनाई रहेको छ । २०७२ असार महीनामा सम्झौता भएको आयोजनाको काम आउँदो २०७७ मङ्सिर २३ गते सक्ने लक्ष्य राखिएको छ । उक्त खानेपानी आयोजनाबाट तेमाल क्षेत्रका ठूला बस्ती मेथिनकोट, कटुञ्जे, कानपुर, सस्र्यूखर्क, सरमथली, बोल्देफेदिचे, पोखरी नारायणस्थन, चापाखोरी र मेच्छेका बासिन्दा लाभान्वित हुनेछन् । आयोजनाको नदीमा फिल्टर गर्ने चारवटा ट्याङ्की र तेमालको वाङ्देल डाँडामा चार लाख लिटर क्षमताका दुई वटा रिजर्भ ट्याङ्की निर्माण गरिएको छ ।आयोजनाको लिफ्टिङ लागि १३ वटा पम्पले पानी नान्नेछन् । ती पम्पले रिजर्भ ट्याङ्कीमा प्रतिसेकेण्ड २३ लिटर पानी तान्ने अध्यक्ष लामाले बताए। आयोजनाको खानेपानी विस्तारका लागि २३ वटा ट्याङ्की, ११ वटा गार्ड घर, एक वटा खानेपानी कार्यालय तथा खानेपानीको लाइन विस्तार गर्ने कार्य भइरहेको छ । आयोजनामा नेपाल सरकारको प्राविधिक खटिरहेका छन् भने हेटौँडास्थित सङ्घीय ढल तथा खानेपानी आयोजना डिभिजन कार्यालयले रेखदेख गरिरहेको अध्यक्ष लामाले भने । वर्षौंदेखि खानेपानीको समस्या झेलिरहेका तेमालका बासिन्दाले बृहत् खानेपानी आयोजना सञ्चालन भएपछि खुशी व्यक्त गरिरहेका छन् । तेमाल गाउँपालिका–५ का हेमलाल तामाङले पानीकै कारण ‘तेमालमा छोरी दिनु हुन्न भन्ने पुरानो समस्या बृहत् खानेपानी आयोजनाले टर्ने बताए। तामाङका अनुसार यस गाउँका बासिन्दा अहिले पनि दुई घण्टा पैदलको दूरीबाट कुवाको पानी लिन बिहान ३ बजेदेखि पालो कुर्नुपर्ने बाध्यता रहँदै आएको छ । ठूला बस्तीको बीचमा रहेको उक्त कुवामा दिनहुँ दुईदेखि ३०० सम्म गाग्रीका लाइन लाग्ने जानकारी दिएका छन् ।
विश्वमै ठूलो मानिएको बैंक एचएसबीसीको नाफा २० अर्ब डलर, गतवर्ष भन्दा १६ % बढ्यो
हङकङ । विश्वमै ठूलो बैंक मानिएको एचएसबीसीको सन् २०१८ को नाफामा १६ प्रतिशतले वृद्धि भई करिब २० अर्ब डलर पुगेको छ । बैंकद्वारा मङ्गलबार जारी वक्तव्यमा उक्त नाफा करबाहेकको रकम रहेको जनाइएको छ । वर्षको अन्तिम चौमासिक अवधिमा चुनौतीपूर्ण बनेको बाह्य वातावरणका बाबजूद बैंकको नाफा सकारात्मक रहेको बैंकको भनाई छ । मुख्य व्यावसायिक गतिविधि एसियामा केन्द्रित गरेको एचएसबीसी बैंकका प्रमुख कार्यकारी अधिकृत जोन फ्लिन्टले संयुक्तराज्य अमेरिका र चीनबीचको व्यापार तनाबकै बीचमा पनि बैंकलाई प्रतिस्पर्धात्मक बनाइने प्रतिबद्धता जनाए । बैंकले सन् २०१८ को अक्टोबर-डिसेम्बरबीच ४ दशमलब ४ अर्ब डलर आम्दानी हुने पूर्वानुमान गरेपनि त्यसमा केही कमी भएर ३ दशमलब ३९ अर्ब डलर भएको थियो । रासस/एएफपी
होन्डाले बेलायतको प्लान्ट बन्द गर्ने, ३५ सयको रोजगारी जोखिममा
टोकियो । कार निर्माता कम्पनी होन्डाले मङ्गलबार बेलायतको एउटा ठूलो मोटर उत्पादन कारखाना (प्लान्ट) बन्द गर्ने घोषणा गरेको छ । कम्पनीले प्लान्ट बन्द भएसँगै करिब तीन हजार ५०० जनाको रोजगारी गुम्ने सम्भावना रहेको जनाएको छ । इङ्ल्यान्डको दक्षिणपश्चिम स्वीन्डोनमा रहेको प्लान्ट होन्डाको युरोपेली युनियनमा रहेको एक मात्र प्लान्ट हो । यो प्लान्टबाट होन्डाको “सिभिक” मोडेलको कार विगत २४ वर्षदेखि उत्पादन हुँदै आएको थियो । यस प्लान्टबाट वार्षिक करिब एक लाख ५० हजार कार उत्पादन हुने गर्दछन् । यो प्लान्ट सन् २०२१ देखि पूर्ण रुपमा बन्द हुनेछ, होन्डाले घोषणा गरेको छ । युरोपेली क्षेत्रका प्रमुख अधिकृत काट्सुसी इनोउले एक विज्ञप्ति जारी गरी कम्पनीको यो निर्णय निकै कष्टपूर्ण रहेको बताए । गत वर्ष होन्डाका युरोपेली वरिष्ट उपाध्यक्ष इयान हावेल्सले बिना सम्झौता युरोपेली युनियनबाट बेलायतको बहिर्गमन भएमा त्यसले कम्पनीलाई करोडौं पाउन्ड घाटा हुने बताएका थिए । रासस÷एएफपी
