एनआईसीको १५ नयाँ चमत्कारिक बचत निक्षेप योजना, ‘कर्मचारीलाई अग्रिम तलब !’
काठमाडौँ । एनआईसी एशिया बैंकले सर्वाधिक उच्च ब्याज दरको चमत्कारिक विशेषताहरु सहित बिभिन्न १५ नयाँ बचत निक्षेप योजनाहरु सार्वजनिक गरेको छ । २१ वर्ष पूरा गरि २२ औँ वर्षमा प्रवेश गर्न लागेको अवसरमा बैंकले यस्तो योजना सार्वजनिक गरेको हो । चमत्कारिक बचत खाता, चमत्कारिक नारी बचत खाता, चमत्कारिक जेष्ठ नागरिक बचत खाता, चमत्कारिक बाबुनानी बचत खाता, चमत्कारिक बिद्यार्थी बचत खाता, चमत्कारिक स्वरोजगार बचत खाता र कर्मचारीहरुलाई केन्द्रित गरी चमत्कारिक तलब बचत खाता शुरु गरिएको बैंकले जनाएको छ । यी निक्षेप योजनाहरुमा ग्राहकहरुले १५लाख रुपैयाँसम्मको दुर्घटना बीमा र १५ लाख रुपैयाँसम्मको १८ घातक रोगहरुको बीमा तथा रु १ लाख ५० हजार सम्मको औषधि उपचार बीमा सुविधा समेत प्राप्त गर्न सक्ने छन् । साथै कर्जामा समेत विशेष छुट र सहुलियत प्रदान गर्ने गरी ल्याइएको उक्त योजनाहरुमा २२ चमत्कारिक फाइदाहरु रहेको बैंकले जनाएको छ । पहिलो पटक स्वीप इन-स्वीप आउटको सुविधाबाट बचत खातामा मुद्दती खाताकै सुविधाहरु पाईने छ । देशैभरी रहेका कुनैपनि बैंकको कुनै पनि एटिएमबाट रकम निकाल्दा शुल्क नलाग्ने फाइदा लगायत चमत्कारिक फाइदाहरु समेत प्रदान गरिने गरी चमत्कारिक वचत खाताहरुको योजना ल्याइएको छ । चमत्कारिक बचत योजना अन्र्तगत रहेको चमत्कारिक विशेषताहरुका अतिरिक्त थप फाइदाहरु सहित बैंकले यस्ता अन्य प्रकारका चमत्कारिक बचत योजनाहरु समेत सार्वजनिक गरेको छ । जस अन्र्तगत सुन तथा चाँदीका सिक्काहरु प्रदान गर्ने योजनाका साथ चमत्कारिक नारी वचत योजना, घरमै बैंकिङ्ग सुविधा प्रदान गर्न सक्ने थप सुविधा तथा छुट्टै कर्मचारी संयन्त्र सहितको चमत्कारिक जेष्ठ नागरिक बचत योजना ल्याएको छ । साथै थप चमत्कारिक सुविधाका साथ चमत्कारिक बाबुनानी बचत योजना, चमत्कारिक बिद्यार्थी बचत योजना र कर्मचारी वर्गलाई सहुलियत दरमा कर्जा प्रदान गर्ने, अग्रिम तलब प्रदान गर्ने क्रेडिट कार्डको सुविधा प्रदान गर्ने चमत्कारिक फाइदाहरुको साथ चमत्कारिक तलब बचत योजना बैंकले सार्वजनिक गरेको छ ।
अब त्रिभुवन विश्वविद्यालको ट्रान्सक्रिप्ट २४ घण्टामा
काठमाडौं। त्रिभुवन विश्वविद्यालय (त्रिवि)ले अबदेखि स्नातक तहका सबै सङ्कायका लब्धाङ्क पत्र (ट्रान्सक्रिष्ट) २४ घष्टामा नै उपलब्ध गराउने भएको छ । शुरुमा शिक्षाशास्त्र सङ्कायको ट्रान्सक्रिष्ट उपलब्ध गराउँदै आएको त्रिविले अवदेखि स्नातक तहका सबै सङ्कायका ट्रान्सक्रिष्ट २४ घण्टामा उपलब्ध गराउने भएको हो । त्रिविका परीक्षा नियन्त्रण कार्यालयका परीक्षा नियन्त्रक पुष्पराज जोशीले आउने नयाँ वर्षदेखि स्नातक तहका सबै सङ्कायका ट्रान्सक्रिप्ट विद्यार्थीले निवेदन दिएको २४ घण्टाभित्र उपलब्ध गराइने जानकारी गराए। त्रिविले ‘टीयु एक्जामिनेशन इन्फरमेशन म्यानेजमेन्ट सिस्टम’ नामक सफ्टवेयरमार्फत निवेदन दिएको २४ घष्टाभित्र विद्यार्थीलाई ट्रान्सक्रिप्ट उपलब्ध गराउने भएको हो । ट्रान्सक्रिप्टका लागि सवै विद्यार्थीका तथ्याङ्कलाई ‘डाटा सेन्टर स्टोर’मा सार्ने काम अन्तिम चरणमा पुगेको छ । परीक्षा नियन्त्रक जोशीका अनुसार कानून र विज्ञान सङ्कायका विद्यार्थीको तथ्याङ्क सार्ने काम अन्तिम चरणमा पुगेको छ । त्रिविले विद्यार्थीको २०५४ सालदेखिको तथ्याङक सार्न थालेको हो । त्यसअघि त्रिविले हस्तलिखित ट्रान्सक्रिप्ट उपलब्ध गराउँदै आएको थियो । त्रिविले शिक्षाशास्त्र सङ्कायको ट्रान्सक्रिप्ट दिन थालेको एक वर्षपछि अन्य सबै सङ्कायको ट्रान्सक्रिप्ट दिन थालेको हो । विसं २०७५ जेठ १२ गते शिक्षाशास्त्र सङ्कायको ट्रान्सक्रिप्ट पहिलो पटक २४ घण्टाभित्र दिन थालेको थियो । ‘‘हामीले एक वर्ष अगाडि नै शिक्षाशास्त्र सङ्कायको ट्रान्सक्रिप्ट दिन थालेको थियांै, तर प्राविधिक कारणले अरु सङ्कायको दिन ढिलाई भयो’’ उनले भने,‘‘अब प्राविधिक समस्या हटाएर सबै सङ्कायको ट्रान्सक्रिप्ट दिन्छौ ।’’ त्रिविले मानविकि सङ्कायको (बिए) यसैहप्ताबाट ट्रान्सक्रिप्ट दिन थालेको हो भने व्यवस्थापन र विज्ञान सङ्कायको ट्रान्सक्रिप्ट चाँडै नै दिने तयारी थालिएको परीक्षा नियन्त्रक जोशीले जानकारी गराए। त्रिविले सबै सङ्कायको ट्रान्सक्रिप्टका लागि एकद्धार प्रणालीमार्फत विवरण गर्ने छ । अहिले सङ्कायपिच्छे फरक-फरक ठाउँबाट ट्रान्सक्रिप्ट दिने गरेको त्रिविले ‘ट्रान्सक्रिप्ट युनिट’ खडा गरेर एकद्वार प्रणालीबाट सवै सङ्कायका ट्रान्सक्रिप्ट दिइने उनले बताए। त्रिविले स्नातकपछि स्नातकोत्तर तहको ट्रान्सक्रिप्ट दिने भएको छ । परीक्षाफल तीन महिनामा यसैगरी त्रिविले परीक्षाफल तीन महिनाभित्र प्रकाशित गर्ने तयारी गरेको छ । यसअघि परीक्षा दिएको नौ महीनासम्म परीक्षाफल प्रकाशित गर्ने गरेको त्रिविले अब तीन महिनमा परीक्षाफल प्रकाशित गर्ने छ । “अहिले परीक्षा दिएको पाँच महीनामा परीक्षाफल प्रकाशित गर्ने गरेका छौ’’ उनले भने, ‘‘अब हामीले परीक्षाफल तीन महीनामा प्रकाशित गर्ने गरी काम गरिरहेका छौ ।’’ जनशक्ति कम परीक्षा नियन्त्रक जोशीले कार्यालयमा कम जनशक्ति भएका कारणले काममा सहजता नभएको बताए। उहाँले पहिलेकै जनशक्तिले काम गर्नुपरेकाले काममा ढिलाइ भएको बताए। “क्याम्पसको संख्या बढेर अहिले करिव एक हजार २२४ रहेका छन्, ती क्याम्पसको सबै परीक्षाको कामदेखि ट्रान्सक्रिप्ट दिने काम हामीले गर्नुपर्दछ”, उनले भने, “तर हामीले पुरानै जनशक्तिकै भरमा काम गरिरहेका छौ, जसले गर्दा काम छिटो हुन सकेको छैन ।” प्रादेशिक कार्यालय स्थापना गरिने यसैगरी परीक्षा नियन्त्रण कार्यालय प्रादेशिक तहमा जाने भएको छ । अहिले विराटनगर, पोखरा, नेपालगंञ्ज र अत्तरियामा क्षेत्रीय कार्यालयमार्फत काम गरिरहेको कार्यालय अव प्रादेशिक तहमा सातवटै प्रदेशमा कार्यालय स्थापना गरिने परीक्षा नियन्त्रक जोशीले बताए।
ग्लोबल आइएमई बैंकको थप ५ शाखारहित बैंकिङ्ग सेवा संचालनमा
काठमाडौँ । ग्लोबल आइएमई बैंकले विभिन्न जिल्लाहरुमा थप ५ वटा शाखारहित बैंकिङ्ग सेवा सञ्चालनमा ल्याएको छ । बैंकले रोल्पा जिल्लाको परिवर्त गाँउपालिका-३, इरिवाङ्गमा १२२औँ शाखा सञ्चालनमा ल्याएको छ । त्यसैगरी रोल्पा कै थवाङ्ग गाउँपालिका–२, ठुलोगाँउमा १२३औँ शाखा सञ्चालन गरी सेवा प्रारम्भ गरेको छ । यता, ईलाम जिल्लाको सूर्योदय नगरपालिका–१४, कट्टुसेमा १२४औँ, सप्तरी जिल्लाको डाक्नेश्वरी नगरपालिका–९, पत्थरगाडामा १२५औँ र पाँचथर जिल्लाको हिलिगाउँ गाउँपालिका –२, सिङ्गापुरमा १२६औँ शाखारहित बैंकिङ्ग सेवाको शुरुवात गरेको बैंकले जनाएको छ । पाँचै वटाशाखारहित बैंकिङ्ग सेवाहरु स्थानीय जनप्रतिनिधि, समाजसेवी, बुद्घिजीवि तथा स्थानीयवासीहरुको रोहवरमा उद्घाटन गरिएको जनाइएको छ । शाखारहित बैंकिङ्ग सेवाबाट देशका विभिन्न ग्रामीण क्षेत्रका स्थानीय बासिन्दाले स्थानिय प्रतिनिधि मार्फत बैंकिङ्ग सेवा लिन सक्नेछन् ।
घरजग्गा किनबेच गर्दै हुनुहुन्छ ? विसं २०८१ मा सबैभन्दा बढी नाफा हुने !
काठमाडौं । तपाईँ घरजग्गाको खरिद बिक्री गर्दै हुनुहुन्छ ? यदी घरजग्गा किन्दै वा बेच्दै हुनु हुन्छ भने अहिले नै बिचार गर्नुहोस्, विसं. २०८१ मा सबैभन्दा धेरै नाफा हुने भएको छ । राष्ट्रिय योजना आयोगले १५ औं पञ्चवर्षीय योजनामा आगामी ५ वर्षको तथ्यांक प्रस्तुत गर्दै घरजग्गा कारोबार सम्बन्धीमा यस्तो प्रक्षेपण गरेको हो । आयोगले तयार पारेको तथ्याङ्क अनुसार ५ वर्षपछि अर्थात आर्थिक वर्ष ०८०/८१ मा घरजग्गाको कारोबार १ खर्ब ९० अर्ब ६ करोड रुपैयाँको पुग्नेछ । यो प्रक्षेपणले घरजग्गा कारोबार बढ्ने देखिएको हो । चालू आर्थिक वर्षमा घरजग्गा, बहाल, व्यापारिक क्रियाकलापबाट कुल १ खर्ब १६ अर्ब ५१ करोडको कारोबार भैरहेको छ । यो रकम बढेर आव ०७६/७७ मा १ एक खर्ब १८ अर्ब ६० करोड पुग्ने आँकलन गरिएको छ । यस्तै आव ०७७/७८ मा सो कारोबार बढेर १ खर्ब ४१ अर्ब ६६ करोड पुग्नेछ । आव ०७८/७९ मा १ खर्ब ४२ अर्ब ३ करोड पुग्ने अनुमान गरिएको घरजग्गा कारोबार आव ०७९/८० मा १ खर्ब ७३ अर्ब ८१ करोड पुग्नेछ । १५ औं पञ्चवर्षिय आयोजनाको अन्तिम वर्ष ०८०/८१ मा १ खर्ब ९० अर्बको घर जग्गाको कारोबार हुने प्रक्षेपण गरिएको छ । योजना अवधीभर ७ खर्ब ६६ अर्ब २६ करोडको कारोबार हुनेछ । आयोगको प्रतिवेदन अनुसार तुलनात्मक रुपमा आव ०७७/७८ र ०७८/७९ मा घर जग्गा कारोबार नबढ्ने देखिएको छ । सो आर्थिक वर्षको अवधीमा ४७ करोड मात्र कारोबार बृद्धि हुने देखिएको छ । घर जग्गाको कारोबार आर्थिक वर्ष ०७९/८० र ०८०/८१ मा सबैभन्दा बृद्धि हुने देखिएको छ । सो अवधिमा १६ अर्ब २५ करोडले कारोबार वृद्धि हुनेछ । यो रकम ५ वर्ष अवधिमा हुने कारोबारको सबैभन्दा बढी हो । यसैगरी आव ०७५/७६ र ०७६/७७ मा २ अर्ब १० करोडले कारोबार बढ्ने देखिएको छ । राजधानीको सोल्टी होटलमा बुधबार शुरु भई विहीबार सम्पन्न हुने राष्ट्रिय विकास परिषद्को बैठकले १५ औं पञ्चवर्षीय योजनालाई अन्तिम रुप दिने तयारी गरेको छ ।
महानगरिय ट्राफिक प्रहरी महाशाखालाई नाडाले गर्यो ७० थान कुर्सी सहयोग
काठमाडौँ । नाडा अटोमोवाइल्स एशोसिएशन अफ नेपालले महानगरीय ट्राफिक प्रहरी महाशाखालाई विशेष कार्यक्रम गरी ७० थान कुर्सी प्रदान गरेको छ । नाडाका अध्यक्ष शम्भुप्रसाद दाहालले मंगलबार एक कार्यक्रमका बीच महाशाखाका प्रमुख बसन्त पन्तलाई उक्त कुर्सीहरु हस्तान्तरण गरेका हुन् । सो कार्यक्रममा नाडाका उपाध्यक्षद्धय कृष्णप्रसाद दुलाल तथा प्रकाश कपुरीको महासचिव सुनिल रिजाल, सचिव अनुप बराल, कोषाध्यक्ष सुरेन्द्र उप्रेती, सहकोषाध्यक्ष विक्रम सिंहानिया समेतको उपस्थिति रहेको थियो । सो कार्यक्रममा महाशाखाका उच्च अधिकृतहरु समेतको उपस्थिति रहेको थियो । नाडाले विगतमा पनि आफ्नो सामाजिक उत्तरदायित्व अन्र्तगत विगतका समय देखि नै सो महाशाखालाई विभिन्न किसिमको सहयोग पुर्याउँदै आएको छ ।
माछापुच्छ्रे बैंकबाट महालक्ष्मीको बीमा सेवा पाइने
काठमाडौँ । माछापुच्छ्रे बैंक लि. र महालक्ष्मी लाईफ इन्स्योरेन्स लि.बीच बीमा सेवा दिने सम्बन्धमा सम्झौता भएको छ । सम्झौता पत्रमा माछापुच्छ्रे बैंक लि.को तर्फबाट नायव प्रमुख कार्यकारी अधिकृत सन्तोष कोइराला र महालक्ष्मी लाईफ इन्स्योरेन्स लि.को तर्फबाट नायव प्रमुख कार्यकारी अधिकृत रामेश्वर श्रेष्ठले हस्ताक्षर गरेका छन् । सम्झौता अनुसार माछापुच्छ्रे बैंक लि.ले देश भर रहेका आफ्ना ९७ शाखाहरुबाट महालक्ष्मी लाईफ इन्स्योरेन्स लि. को जीवनबीमा योजनाहरु बिक्री गर्नेछ ।
१० वटा क्रसर उद्योग बन्द गर्ने निर्णय, ‘पूरा गरेनन् मापदण्ड’
गौशाला । महोत्तरी जिल्लामा अवैध रुपमा सञ्चालित १० वटा क्रसर उद्योगलाई जिल्ला समन्वय समितिले बन्द गर्ने निर्णय गरेको छ । जिल्ला समन्वय समितिले मापदण्ड पूरा नगरी जिल्लाको चुरे क्षेत्र र रातु नदीलाई प्रभावित गर्ने उद्देश्यले अवैधरुपमा सञ्चालित महोत्तरी गोल्ड क्रसर इ प्रालि बर्दिवास, नमोबुद्ध बालुवा गिट्टी प्रशोधन भङ्गहा, जय भोलेबाबा वासिङसेन्टर बर्दिवास, मनोकामना रोडा बालुवा एग्रिगेसन बर्दिवास, सिद्धार्थ क्रसर उद्योग गौशाला, जय माँ राजदेवी गिट्टी बालुवा वासिङ सेन्टर गौशाला, जय माँ जल्पा बालुवा गिट्टी वासिङ सेन्टर गौशाला, बी एण्ड बी क्रसर उद्योग बर्दिवास, रमण क्रसर उद्योग बर्दिवास र दीपेन्द्र ठाकुरको नाम नखुलेको वासिङ सेन्टर गरी १० वटा क्रसर उद्योगलाई बन्द गर्ने निर्णय गरेको हो । जिल्ला समन्वय समिति संयोजक सुरेशप्रसाद सिंहको अध्यक्षतामा बसेको बैठकले ती उद्योगले जिल्ला अनुगमन तथा समन्वय समितिले माग गरेको क्रसर उद्योग सञ्चालनसम्बन्धी विवरण उपलब्ध नगराएकोमा ती उद्योग अवैधरुपमा सञ्चालनमा रहेको ठहर गर्दै बन्द गर्ने निर्णय गरेको छ । बैठकले ती उद्योग जिल्लाको चुरे क्षेत्र र रातु खोलाबाट नदीजन्य तथा ढुङ्गा, गिट्टी, बालुवा, खानीजन्य पदार्थको उत्खनन, सङ्कलन, बिक्री र स्टोकका लागि इजाजत, दर्ता र मापदण्ड पूरा नगरेको अनुगमनमा समेत फेला परेपछि ती उद्योग बन्द गर्ने निर्णय गरेको संयोजक सिंहले बताए । साथै ती १० वटै क्रसर उद्योगलाई सुरक्षा निकायमार्फत् बन्द गराइदिन हुन महोत्तरीका प्रमुख जिल्ला अधिकारीलाई पत्राचार गरेको छ । रासस
सनराइज बैंकको १० लाख युनिट ऋणपत्र बिक्री खुला
काठमाडौँ । सनराइज बैंकले बुधबारदेखि एक अर्ब रुपैयाँ बराबरको ऋणपत्र बिक्री खुला गरेको छ । बैंकले प्रतियुनिट एक हजार रुपैयाँ अंकित दरमा १० लाख युनिट ऋणपत्र बिक्री खुला गर्न लागेको हो । बैंकले चैत १ गते ऋणपत्र बिक्री गर्न धितोपत्र बोर्डबाट अनुमति पाएको थियो । ऋणपत्र बिक्री गर्न प्रभु क्यापिटललाई बिक्री प्रबन्धक तोकिएको छ । इच्छुक लगानीकर्ताले सि आश्वा अनुमति पाएका बैंक तथा वित्तीय संस्थाहरुबाट ऋणपत्रका लागि आवेदन दिन सक्नेछन् । छिटोमा चैत २५ गते र उक्त अवधिमा बिक्री नभएकोमा बैशाख १९ गतेसम्म आवेदन गर्न सक्ने प्रभु क्यापिटलले जनाएको छ । मेरो शेयरबाट पनि ऋणपत्र आवेदन भर्न सकिनेछ। प्रभु क्यापिटलका अनुसार न्यूनतम २५ कित्ता युनिटको एक हजार रुपैयाँ दरले २५ हजार रुपैयाँदेखि ४ लाख कित्ता युनिट बराबरको ४० करोड रुपैयाँसम्म आवेदन गर्न सकिने व्यवस्था रहेको छ । यता, बैंकका अनुसार पाँच वर्ष अवधिको उक्त ऋणपत्रमा वार्षिक १० प्रतिशत ब्याजदर अर्धवार्षिक रुपमा भुक्तानी हुने छ । कूल १० लाख युनिट मध्ये ४० प्रतिशत अर्थात ४ लाख युनिट सर्वसाधारणका लागि जारी गरिएको बैंकले जनाएको छ । बाँकी ६० प्रतिशत अर्थात ६ लाख युनिट भने व्यक्तिगत तवरबाट अन्य कम्पनीहरुलाई बिक्री गरिने छ।
