बाल भविष्य योजना अन्तर्गत सिटिजन लाइफद्वारा मृत्यु दाबी भुक्तानी
काठमाडौं । सिटिजन लाइफ इन्स्योरेन्स कम्पनीले सिटिजन बाल भविष्य योजना अन्तर्गत मृत्यु दाबी भुक्त्तानी वापत बुधबार ३ लाख रुपैंया रकम हस्तान्तरण गरेको छ । बर्दिबासमा एक कार्यक्रमको आयोजना गरी स्वर्गीय मिनबहादुर थापाकी श्रीमती भिमकुमारी थापालाई उनका बीमित छोरीको हकमा उक्त्त रकम प्रदान गरिएको हो । बर्दिबास नगरपालिकाका मिनबहादुर थापाकी धर्मपत्नी भिमकुमारी थापालाई प्रदेश सभाका सांसद शारदा थापा तथा बर्दिबास उद्योग वाणिज्य संघका अध्यक्ष प्रलाद क्षेत्रीले संयुक्क्त रुपमा बीमाङ्क रकम वापत रु २लाख ५० हजार र काज क्रिया खर्च सुविधा अन्तर्गतको रु ५० हजार गरि जम्मा रु ३ लाखको चेक हस्तान्तरण गरेको हो । सिटिजन बाल भविष्य योजना अन्तर्गत प्रस्ताव कमिनबहादुर थापाको मृत्यु पश्चात बीमित छोरी सुमना थापाले बीमा शुल्क नतिरिकनै बीमा १५ वर्षसम्म मासिक रु २५सयको हिसाबले जम्मा रु ४लाख ५० हजार साथै परिपक्व मितिमा थपबीमाङ्कको रु २ लाख ५० हजार बोनस रकम प्राप्त गर्नेछन् । सिटिजन लाइफ इन्स्योरेन्स कम्पनीले पहिलो पटक ल्याएको सिटिजन जीवन सारथी योजना अन्तर्गत बीमितले ९० वर्षको उमेरसम्म पैसा पाउने छन भने क्रिटिकल केयर प्लस मार्फत बीमितले सर्वाधिक २० घातक रोगहरु विरुद्ध ५० लाख सम्मको औषधि उपचार खर्च प्राप्त गर्नेछन् । नेपालभर ६३ विभिन्न ठाँउहरुमा आफ्नो शाखा विस्तार गरेको छ ।
धितोपत्र बोर्डलाई ओईसीडीको सदस्यता, अन्तर्राष्ट्रिय वित्तीय साक्षरता सम्मेलन गर्ने
काठमाडौँ । नेपाल धितोपत्र बोर्डले वित्तीय साक्षरता प्रवद्र्धन तथा ज्ञान अभिबृद्धि गर्ने अन्तर्राष्ट्रिय संस्था ओईसीडीको सदस्यता प्राप्त गरेको छ । आर्थिक वर्ष २०७५/७६ को धितोपत्र तथा वस्तु विनिमय बजारसम्बन्धी नीति तथा कार्यक्रम अनुसार जनवरी १, २०१९ बाट लागू हुने गरी बोर्डले नेपालको तर्फबाट उक्त संस्थाको पूर्ण सदस्यता प्राप्त गरेको हो । ओईसीडीको पूर्ण सदस्यता प्राप्त गर्नेमा बोर्ड नेपालको पहिलो निकाय बनेको छ । नेपालमा वित्तीय साक्षरता न्यून रहेको सन्दर्भमा विश्वव्यापी रुपमा वित्तीय साक्षरतासम्बन्धी कार्य गर्ने गरी स्थापित उक्त संस्थाको सदस्यता लिँदा पछिल्लो समय वित्तीय क्षेत्रमा विकास भएका नवीनतम ज्ञान तथा प्रविधिको जानकारी भई देशमा वित्तीय साक्षरता अभिवृद्धि सम्बन्धी विभिन्न कार्यक्रमलाई समन्वयात्मक तथा स्तरीय रुपमा सञ्चालन गर्न उपयुक्त वातावरण तयार हुन सहयोग पुग्ने विश्वास बोर्डले लिएको छ । ओईसीडीले वित्तीय साक्षरताको महत्वलाई आत्मसात गर्दै यस सम्बन्धी गतिविधि विस्तार गर्न एक विशिष्ट संस्थाको योजना गरे अनुरुप सन् २००८ मा आइएनएफईको स्थापना भएको हो । यस संस्थाले साना तथा मझौला व्यवसाय, वित्तीय समावेशिता, युवा तथा महिला वर्ग, दीर्घकालिन बचत तथा लगानी लगायतका विविध क्षेत्रहरुमा वित्तीय साक्षरता अभिवृद्धिका लागि कार्यक्रमहरु सञ्चालन गर्दै आएको छ । हाल यस संस्थामा विश्वका ६४ देशका ८६ संस्थाहरु पूर्ण सदस्यको रुपमा रहेका छन् भने नियमित सदस्यतर्फ ९५ देशका १७२ संस्थाहरु रहेका छन् । बोर्डले सदस्यता पाएसँगै बोर्ड र ओईसीडी आइएलएफईको संयुक्त आयोजनामा आगामी जुलाई २–३, २०१९ मा वित्तीय साक्षरता सम्बन्धी प्रथम अन्तर्राष्ट्रिय स्तरको सम्मेलन गर्ने गर्ने तयारी गरिएको बोर्डका प्रवक्ता निरज गिरीले जनाएका छन् ।
गुराँस लाइफको साधारण सभा, ८ प्रतिशत बोनश शेयर दिने प्रस्ताव पारित
काठमाडौ । गुराँस लाइफ इन्स्योरेन्स कम्पनी लिमिटेडले ८ प्रतिशत बोनश सेयर दिने प्रस्ताव पारित भएको छ । कम्पनीको बिहीबार सम्पन्न नबौं वार्षिक साधारण सभाबाट यो प्रस्ताव पारित गरेको हो । ८ प्रतिशत बराबरको बोनश सेयर तथा कर प्रयोजनको लागि २५ लाख १ हजार ५३ रुपैयाँ नगद लाभांश वितरण गरिने भएको हो । बोनश शेयर र ५० प्रतिशत हकप्रद सेयर जारी गरे पश्चात गुराँस लाइफको चुक्तापूँजी ९३ करोड ८५ लाख २० हजार रुपैयाँ पुग्ने जनाइएको छ । सोही पूँजीको शत प्रतिशत १ बराबर १ हकप्रद जारी गर्ने कम्पनीको निर्णय छ । बीमा समितिले जीवन बीमा गर्ने कम्पनीहरुले आगामी असार मसान्त भित्र चुक्तापूँजी २ अर्ब रुपैयाँ पुर्याउनु पर्ने निर्देशन दिई सकेको छ । कम्पनीको अधिकृत, जारी तथा चुक्तापूँजी २ अर्ब कायम गरी आफ्नो प्रबन्ध पत्र र नियमावलीमा आवश्यक संसोधन गर्ने प्रस्ताव पनि साधारण सभाबाट पारित भएको हो । साधारण सभालाई संबोधन गर्दै गुराँस लाईफका अध्यक्ष विबेक दुगडले लगानीकर्ताको हितमा आफूहरुले काम गर्ने जानकारी दिएका थिए । कार्यक्रममा प्रमुख कार्यकारी अधिकृत नारायणकुमार भट्राईले लगानीकर्ता माझ भने–‘हाम्रो ध्यान नपुगेको ठाउँमा हजुरहरुले औल्याईदिनु होस्, त्यसलाई हामी सुधार गर्न तयार छौँ ।’
सिद्धार्थ बैंकको शाखा सहित एटिएम अब सोलुखुम्बुको लुक्लामा
काठमाडौं । सोलुखुम्बुको लुक्लास्थित खुम्बु पासाङल्हामु गाउँपालिकामा सिद्धार्थ बैंकको नयाँशाखा सञ्चालन भएको छ । सगरमाथाको आरोेहण गर्न आउने पर्यटकहरूको घुइँचो रहने हुनाले सिद्घार्थ बैंकले सर्वसुलभ रूपमा देश तथा विदेशका पर्यटकहरू तथा उक्त क्षेत्रका सर्वसाधारण लगायत उद्यमीे माझ सबै प्रकारका बैंकिङ्ग सेवा पुर्याउने उद्देश्यले शाखा सञ्चालनमा ल्याएको हो । त्यस्तै बैंकको एटिएम र पिओएस् मा मास्टरकार्ड र भिसा कार्डहरुबाट सजिलै कारोबार गर्न सकने बैंकले जनाएको छ । साथै बैंकिङ्ग प्रणालीलाई थप प्रविधि मैत्री बनाउन सिद्धार्थ बैंकले इन्टरनेटको माध्यमबाट आफ्नो रोजाइको बचत खाताखोल्न सकिने सुविधा ल्याएको छ जसले गर्दा ग्राहकहरुलाई थप सुविधा पुग्ने बैंकले जनाएको छ । सबै क्षेत्र र वर्गसम्म बैंकिङ्ग सेवाको पहुँच पुर्याउने उद्देश्यले हालै सञ्चालनमाआएको शाखा सहित बैंकले देशभर १४९ वटा शाखा (४ एक्स्टेन्सन् काउन्टर सहित), ९९ शाखारहित बैंकिङ्ग सेवा, १६० एटिएम र १,२०० भन्दा बढी लाई प्रदान गर्दै आएका छन् ।
राम्रो काम गर्ला र सरकारको प्रशंसा गरौंला भन्दा भन्दै सास जाने भो
भीम प्रसाद उपाध्याय, पूर्व सचिव काठमाडौं । नेताहरूले न्यायाधीशको नियुक्ति खल्तिबाट राजनीतिक नियुक्ति सरि गरेका छन् । यसरी खल्तिबाट न्यायाधीश नियुक्त गार्न पाइने संबिधान दुनियाँमै छैन् । विश्वमा मुलुकको धज्जी उड्ने यो भन्दा अरु कुनै बिषय हुन सक्दैन सायद । न्यायको अन्तिम बिश्वासको धरोहरको रुपमा रहेको न्यायलयको जग पनि यति कमजोर बनाए पछि मुलुकको बिश्वास बढेर सगरमाथा छुने नै होला अब ? नेता, सांसद, मन्त्री, संबैधानिक निकायका पदाधिकारी, राजदूत, संस्थान वा प्राधिकरणका पदाधिकारीहरू, शिक्षक र अन्य राज्यका निकायहरूमा राजनीतिक नियुक्तिले थिलोथिलो त पारेकै थियो । यसमाथि गॉड पनि थपिन पुगेछ। अब निजामति, सेना, प्रहरी कर्मचारी पनि राजनीतिक नियुक्ति दिन किन बॉकी राख्ने ? अब बॉकी राजनीति गर्नेहरूलाई झमेला भएको ती ठॉउमा पनि राजनीतिक नियुक्ति दिएर सम्पूर्ण क्रान्ति गरे भयो, टण्टै साफ । सुशासनको अब्बल नमूना विश्वलाई सिकाउन पाइहालिन्छ । गभर्नेन्सको पक्षमा कुनै एउटा भए पनि सकारात्मक काम होला र मुक्त कण्ठले सरकारको प्रशंसा गर्न पाईएला भनेर एक टक लाएर आश गर्दागर्दै शास जाने भयो । सरकार असल र समृद्ध हुने भनेको गभर्नेन्सले हुने हो , रेल, जहाज, मेट्रो र भत्ताको आश्वासन बॉडेर हैन ।
३० दिनको कोर्ष ४ दिनमा सिद्दाएको भन्दै रामपुरका विद्यार्थीले दले प्राध्यापकलाई कालोमोसो
काठमाडौं। रामपुर कृषि तथा वन विज्ञान विश्वोविद्यालय कृषि संकायका डिन तथा प्रध्यापक बिष्णुराज ओझालाई विद्यार्थीले कालोमोसो र जुत्ताको माला लगाईदिएका छन्। ३० दिनमा सकाउनुपर्ने कोर्ष ४ दिनमा हचुवाको भरमा पढाएर सिद्दाएको भन्दै विद्यार्थीले यस्तो गरेका हुन्। ओझाले छैटौ सेमेस्टरको ३० दिने कोर्स तीन वटा सेक्सनलाई एकैठाउँमा राखेर २-२ घण्टाको दरले ८ लेक्चरमा सिद्दाएको थिए। ओझाले विद्यार्थीहरुलाई तिमीहरुको भविष्य हाम्रो हातमा छ भन्ने धम्की दिनेगरेको र परिक्षाको प्र्याक्टिकल मार्क्समा पनि राम्रा विद्यार्थीहरुलाई पनि कम नम्बर दिएर दु:ख दिने गरेको विद्यार्थीहरुले बताए। प्रशासनलाई ओझाको यस्तो प्रव्रितीबारे बारम्बार जानकारी गराउँदा पनि प्रशासनले ध्यान नदिएकोले विद्यार्थी आँफैले कारवाही गर्नुपरेको एक विद्यार्थो नेताले बताए। घटना भएसँगै कलेज अनिस्चितकालिन समयको लागि बन्द भएको छ।
एशियन लाईफको बाह्रौ वार्षिकोत्सवमा रक्तदान कार्यक्रम
काठमाडौं । एशियन लाईफ इन्स्योरेन्सको बाह्रौ वार्षिकोत्सवमा अवसरमा रक्तदान कार्यक्रम सम्पन्न भएको छ । काठमाडौं मैतीदेवीस्थित प्रधान कार्यालय परिसरमा लायन्स क्लब अफ काठमाडौं चाबहिल सिटीको सहकार्यमा सम्पन्न खुल्ला रक्तदान कार्यक्रम सम्पन्न भएको हो । उक्त रक्तदान कार्यक्रममा कम्पनीको कर्मचारीसहित ८६ जनाले रक्तदान गरेका छन् । सोही अवसरमा ग्यालेक्सी इम्पेक्स क्षेत्रपाटीको सहयोगमा ११० जनाको निःशुल्क मधुमेह परिक्षण समेत गरिएको छ । साथै कम्पनीको देशैभरको शाखा कार्यालयहरुमा समेत आयोजना गरिएको रक्तदान कार्यक्रममा ५ सय २४ जनाले रक्तदान गरेका छन् । वार्षिकोत्सवकै अवसरमा २०७५ चैत्र २० गते सफलता एचआइभी शिक्षा सदन(बेबी लाईफ होम) किर्तिपुरमा अध्ययनरत एचआइभी संक्रमित बालबालिकालाई खाद्यान्न, फलफूल तथा मिठाई वितरण गरिएको थियो ।
बैशाख २६ गतेदेखि राष्ट्रिय लघु तथा साना औद्योगिक प्रदर्शनी हुँदै, २०० स्टल रहने
काठमाडौं । नेपाल घरेलु तथा साना उद्योग महासंघको आयोजनामा वैशाख २६ गतेदेखि ३० गतेसम्म राजधानीमा ‘३० औं राष्ट्रिय लघु घरेलु तथा साना औद्योगिक प्रदर्शनी २०७६’ हुने भएको छ । आयात प्रतिस्थापन र निर्यात प्रवद्र्धनका लागि राष्ट्रिय लघु, घरेलु तथा साना उद्योगको विकास गर्ने उद्देश्यका साथ प्रदर्शनी हुने भएको हो । प्रदर्शनीमार्गिस्थत भृकुटीमण्डप परिसरमा आयोजना हुने प्रदर्शनीको मुख्य नारा ‘आर्थिक समृद्धिका लागि उद्योग खोलौं, औद्योगिककरणका लागि सबै जुटौं’, भन्ने रहेको नेपाल घरेलु तथा साना उद्योग महासंघले विहिवार पत्रकार सम्मेलनमार्फत जानकारी दिएको छ । मुलुकभरका झण्डै ७ लाख लघु, घरेलु तथा साना उद्योगहरुलाई प्रदर्शनीमार्फत प्रतिबिम्बित गरिने महासंघका अध्यक्ष श्यामप्रसाद गिरीले बताए । नेपालमा सञ्चालित लघु, घरेलु तथा साना उद्योग लगायत सबै खाले उद्योगको उत्पादनलाई मेलामा समावेश गरिने उनको भनाइ छ । प्रदर्शनीमा नेपालका ७७ वटै जिल्लाबाट प्रति जिल्ला कम्तीमा एक उद्यमी सहभागिता सुनिश्चित गरिएको छ । २०० वटा स्टल रहने उक्त मेलामा २ लाख भन्दा बढी अवलोकनकर्ताहरूले अवलोकन गर्ने अपेक्षा आयोजकको छ ।
