७९२ सरकारी स्कूलमा जोडिँदैछ स्मार्ट पूर्वाधार (सूचिसहित)
काठमाडौं । स्मार्ट पूर्वाधारका लागि ७९२ वटा सरकारी विद्यालयहरु छनौट भएका छन् । सरकारले चालु आर्थिक वर्षको बजेट मार्फत अघि सारेको सूचना प्रविधि प्रयोगशाला स्थापना तथा व्यवस्थापन कार्यक्रमका लागि ७९२ वटा सरकारी विद्यालय छनौट भएका छन् । यो कार्यक्रमलाई स्मार्ट स्कुल निर्माणको प्रारम्भिक प्रस्थान विन्दु मानिएको छ । सरकारले देशभरबाट ८१८ वटा सरकारी विद्यालय छनौट गर्ने कार्यक्रम अघि सारेको भएपनि सबै क्षेत्रबाट पर्याप्त मात्रामा आवेदन नआएपछि ७९२ वटा मात्रै छनौटमा परेका हुन् । छनौटमा परेका स्कुलहरुले नेपाल दूर सञ्चार प्राधिकरण मार्फत २४ वटा कम्युटर, प्रोजेक्टर, साउण्ड सिस्टम र २ वर्षका लागि निःशुल्क इन्टरनेटको सुविधा प्राप्त गर्नेछन् । कुन कुन विद्यालय छानिए ? हेर्नुहोस सूचि २ हजार वटा आवेदनबाट ७ सय ९२ वटा विद्यालय छानिएको प्राधिकरणका उपनिर्देशक प्रदीप पौडेलले जानकारी दिए । सरकारले प्रदेश नम्बर २, कर्णाली र सुदुरपश्चिमबाट प्रत्येक निर्वाचन क्षेत्रमा ६ वटा विद्यालय छनोट गर्ने कार्यबिधी बनाएको थियो । प्रदेश नम्बर १, ३, गण्डकी र ५ बाट भने प्रति निर्वाचन क्षेत्र न्युनतम ४ वटा विद्यालय छान्ने योजना बनाएको थियो । यसरी छनोट गरिएको विद्यालयलाई करिब १५ देखि २२ लाख रूपैयाँ बराबरको प्राविधिक सामाग्री प्रदान गरिनेछ । विद्यालयले कम्युटर साइन्स पढाउने जनशक्ति भने आफैं प्रदान गर्नुपर्नेछ । यी जनशक्तिलाई तालिम भने प्राधिकरणले तालिम प्रदान गर्नेछ । विद्यालय छनोट गर्दा विद्यार्थी संख्या, पिछडिएको क्षेत्र, दलित जनजाति विद्यार्थीको बाहुल्याता लगायतका पक्षलाई प्रथामिकतामा दिईएको पनि पौडेलले जानकारी दिए । प्राधिकरणले तत्कालै प्राबिधिक उपकरण खरिद प्रक्रिया आरम्भ गरेर चालु आर्थिक वर्षभित्रै सम्बन्धित विद्यालयलाई हस्तान्तरण गरिसक्ने योजना बनाएको छ । त्यसका लागि प्राधिकरणले डेढ अर्ब रुपैयाँ खर्च हुने अनुमान गरेको छ ।
व्यवसायिक मर्यादा उल्लंघन गर्दै ह्वावे कम्पनी, आफू मात्र ठीक अरु सबै गलत भन्न मिल्छ ?
काठमाडौँ । ह्वावे मोवाइल कम्पनीले चैत्र २५ गते ‘पी ३० सिरिज’ का मोेबाइल सार्वजनिक गर्दा व्यवसायिक मर्यादा उल्लंघन गरेको छ । मोबाइल सार्वजनिक गर्न आयोजित कार्यक्रममा आफ्नो राम्रो देखाउन अन्य कम्पनीका मोबाइलको कमजोरी प्रस्तुत गरिएको थियो । चिनियाँ कम्पनी ह्वावेले नेपाली बजारमा आफ्ना उत्पादन भित्र्याउनु राम्रो भएपनि अन्य कम्पनीको दुर्वलता पेश गर्नु व्यवसायिक मर्यादा भित्र पर्दैन, त्यही काम ह्वावेले गरिरहेको छ । ह्वावे मोवाइल कम्पनीका सिइओ डेनी डेनले आफ्नो प्रस्तुतीको क्रममा भने–‘तपाईहरु हेर्नुस् अन्य सेट र हाम्रो सेट यसमा कति भिन्नता छ ।’ उनले कार्यक्रम स्थलमा आईफोनदेखी केही ग्यालेक्सी सम्मको गलत पक्षको उदाहरणमा जोड दिएका थिए । आफ्नो राम्रो पक्ष र अरुको कमजोर पक्षमा उनी केन्द्रीत भएका हुन् । सबै कम्पनीले आ–आफ्नो तर्फबाट सेवा दिंदै आइरहेका छन् । आफूलाई मजबुत्त बनाउन अरुको खुट्टा तान्ने शैली चिनियाँ कम्पनीले किन अपनाई रहेको छ ? यस्तो क्रियाकलाप बन्द गर्नु पर्छन् । होटल याक एण्ड यति आइतबार आयोगित कार्यक्रममा ह्वावे कम्पनीले प्रोजेक्टर प्रयोग गरेर आफ्नो उत्पादनको सूचना दिंदा अरु कम्पनीसँग दाँजेर आफ्नो ठीक र अरुको गल्ती औल्याइरहेको थियो ।
मापदण्ड पालना नगर्ने व्यवसायीबाट २७ लाख जरिवाना असुल, ११२ व्यवसायी कारवाहीमा
काठमाडौँ । सरकारले मापदण्ड पालना नगर्ने व्यवसायीबाट पछिल्ला पाँच महिनामा २७ लाख जरिवाना असुल गरेको छ । वाणिज्य, आपूर्ति तथा उपभोक्ता संरक्षण विभागले व्यवसायीलाई स्थलगत कारवाही गर्दा सो जरिवाना रकम असुल गरेको हो । विभागले गत कात्तिकदेखि अहिलेसम्म ११२ व्यवसायीलाई कारवाही गरिएको जनाएको छ । गत असोजमा बनेको उपभोक्ता हित संरक्षण ऐन कात्तिक २ देखि लागू भएको विभागका निर्देशक रघुनाथ महत्तले बताए । उनका अनुसार देशभरका विभिन्न उद्योगमा उपभोक्ताले दिएको सूचना र विभागको आफ्नो योजनाअनुसार अनुगमन भइरहेको छ । अनुगमनका क्रममा व्यवसाय दर्ता नभई सञ्चालन भएका, म्याद नाघेको सामान बिक्री वितरण भइरहेका, परिमाण तोकिएअनुसार नभएको, मूल्यसूची नभएको लगायतका गल्ती पाइएको उनले बताए । विगतका वर्षहरुमा अनुगमन भइरहेपनि गल्ती पाउँदा विभागसँग कारवाही प्रक्रिया मात्रै अघि बढाउने अधिकार थियो । उनले भने, “अहिले स्थलगत कारवाहीदेखि विभागलाई मुद्दा अघि बढाउन अर्धन्यायिक निकाय समेतको अधिकार छ ।” उपभोक्ताका पक्षमा ऐन बने पनि नियमावली बन्न भने नसकेको विभागले जनाएको छ । नियमावलीले नै अनुगमन र व्यवसायमा गल्ती पाइँदा कारवाही प्रक्रियाका बारेमा स्पष्ट पर्ने उनले बताए । ऐनमा अनुगमन अधिकृतलाई अनुगमन र कारवाहीका लागि सिफारिसको व्यवस्था गरेको छ । रासस
कालीकोटका अग्नी पीडित बिद्यार्थीलाई सांग्रिला बैंकको दियो छात्रवृत्ति
काठमाडौँ । सांग्रिला डेभलपमेन्ट बैंकले कालीकोटका खाँडागाउँमा ८७ घर जलेर नष्ट भएका पीडित परिवारका लागि सामाजिक उत्तरदायित्व वहन गर्ने उद्देश्यले पीडित परिवारका विद्यालयमा पढ्ने बालबालिकाहरुका लागि २ जनालाई जनही ५० हजारका दरले छात्रवृत्ति प्रदान गरेको छ । उक्त छात्रवृत्ति रकम एक कार्यक्रममा बैंकका तर्फबाट सहायक महाप्रबन्धक रजित मास्केले कर्णाली प्रदेश पर्यटकीय तथा सांस्कृति संरक्षण केन्द्र, कालीकोटका अध्यक्ष टेकराज शाहीलाई रु. १ लाखको चेक हस्तान्तरण गरेका हुन् । यसबाट कालीकोट जिल्लाका खाडा गाउँका आगलागी पिडित परिवाहरुलाई केही राहत पुग्ने बैंकले जनाएको छ । यसरी बैंकले आफ्ना ग्राकहरुलाई बैंकि¨ सेवाको अतिरीक्त बेला बेलामा आफ्नो देशमा विद्यमान ८४ ओटा शाखा कार्यालयहरुबाट आफ्नो सामाजिक उत्तरदायित्व अन्र्तगत विभिन्न सामाजिक संस्थाहरुलाई सहयोग गर्दै आईरहेको छ ।
नेपाल आँखा अस्पताललाई सिद्धार्थ बैंकको ३ लाख ७५ हजार सहयोग
काठमाडौँ । नेपाल आँखा अस्पतालको ४५ औं वार्षिकोत्सवको उपलक्ष्यमा सिद्धार्थ बैंक लिमिटडले १५० जना मोतिया बिन्दु रोगीहरुको उपचारका लागि आर्थिक सहयोग स्वरुप ३ लाख ७५ हजार रुपैयाँ प्रदान गरेको छ । आगामी दिनहरुमा पनि यस्ता सामाजिक कार्यक्रमहरुमा निरन्तर सहभागिता जनाउँदै जाने योजना रहेको बैंकले जानकारी गराएको छ ।
दराजको नववर्ष धमाका क्याम्पेन बुधबारदेखि शुरु हुँदै
काठमाडौं । नयाँ वर्ष २०७६ को उपलक्षमा दराजले उपभोक्ताहरुको किनेमल अनुभवलाई अझै रमाइलो बनाउन दराज नववर्ष धमाका अभियान ल्याएको छ । दराजको यो अभियान चैत २७ गतेदेखि वैशाख ४ सम्म लागू हुनेछ । नयाँ दराज एपबाट हुने यस ८ दिने सेल्स अभियानद्वारा उपभोक्ताहरुले अन्तर्राष्ट्रिय र स्वदेशी टप ब्राण्डहरुका सरसामानहरुमा ६०% सम्मको छूट, ५ हजार रुपैयाँको मेगा भौचरहरु, ४ हजार सम्मको क्रेजी भौचरहरु, क्रेजी फ्ल्यास सेल्स, मिस्ट्री बक्सर अन्य उपहारहरु प्राप्त गर्न सक्ने जनाइएको छ । उपभोक्ताहरुले मिस्ट्री बक्स् खरीद गरी लक्की ड्र मा भाग लिन पाउने छन् । जसमा एक भाग्यशाली उपभोक्ताले ३२ इन्चको नयाँ भिडियोकन एन्ड्रोइड स्मार्ट टीभी जित्ने छन् । साथै नयाँवर्षमा घुम्न रुचाउनेहरुका लागि पनि दराजले बाली, पोखरा, चितवन जस्ता अन्य पर्यटकीय गन्तव्यहरुका लागि आकर्षक हलिडे प्याकेजेहरुको व्यवस्था गरेको छ । दराजको नववर्ष धमाका अभियानको बारेमा दराज नेपालका प्रबन्ध निर्देशक जय कवीले भने–‘सबैजना यस क्याम्पेनलाई लिएर निकै उत्साहित छन् । आगामी वर्षमा आउने हाम्रो अरु क्याम्पेनहरु मध्ये यो पहिलो हो । यस क्याम्पेनद्वारा हामी उपभोक्ताहरुलाई नयाँवर्ष २०७६ को उपलक्षमा रमाइलो र अनुपम किनमेलको अनुभव प्रदान गर्ने आशा गर्दछौँ ।’ दराज नववर्ष धमाका अभियान अन्तर्गत उपभोक्ताहरुले चुनिएका महिला र पुरुषका फेसन, घरायसी उपकरणहरू, मोबाइल फोनहरू, खाद्य–सामग्रीहरू, जीवनशैली, सौन्दर्य र अरू धेरै सरसामानहरूमा छुटको व्यवस्था गरिने छ ।
माछापुच्छ्रे बैंकको ३ नयाँ शाखाको विस्तार
काठमाडौं । माछापुच्छ्रे बैंकले टंकिसिनवारी, त्रिशुली र टिमुरेमा नयाँ शाखा कार्यालयको विस्तार गरेको छ । बैंकले मिति २०७५ साल चैत्र २१ गते मोरङको बुढीगंगा गाउँपालिका स्थित टंकिसिनवारी शाखा कार्यालय, चैत्र २४गते नुवाकोटको विदुर नगरपालिकास्थित त्रिशुली शाखा कार्यालय र चैत्र २५ गते रसुवाको गोसाँईकुन्ड गाउँपालिका स्थित टिमुरे शाखा कार्यालयको औपचारिक सुरुवात गरेको छ । टंकिसिनवारी शाखाको उद्घाटन विराट मेडिकल कलेजका अध्यक्ष डा. ज्ञानेन्द्रमान सिंह कार्कीले गरेका हुन् । त्यसै गरी त्रिशुली शाखाको उद्घाटन विदुर नगरपालिकाका मेयर सञ्जु पण्डितले गरे । टिमुरे शाखाको उद्घाटन रसुवाका प्रमुख भन्सार अधिकृत पुण्यविक्रम खड्काले गरेका हुन् । नयाँ शाखा मार्फत बैंकले आफ्ना ग्राहकहरुलाई कर्जा, निक्षेप लगायतका सम्पूर्ण बैकिङ्ग सुविधा उपलब्ध गराएको छ । बैंकले उक्त शाखाहरुमा २४ सै घण्टा चल्ने एटीएमको पनि व्यवस्था रहेको जनाएको छ । बैंकले पुर्वमा झापा देखि पश्चिममा कन्चनपुर साथै हिमाल देखि पहाड र तराई गरी सातै प्रदेशमा आफ्ना ९९ वटा शाखाहरु र ७६ शाखा रहित बैकिङ्ग सेवा समेत गरी जम्मा १७५ स्थानवाट ग्राहक महानुभावहरुमा सम्पुर्ण बैंकिङ्ग सुबिधा प्रदान गरीरहेको छ । साथै, बैंकको देशभर १२१ वटा एटीएमहरु संचालनमा रहेको छ ।
उर्जामन्त्रीले रसुवागढी र साञ्जेनको हजार कित्ता शेयरका लागि आवेदन दिने, ‘अरु मन्त्रीहरु पनि इच्छुक’
काठमाडौँ । रसुवालीको आग्रहमा रसुवागढी र साञ्जेन जलविद्युत् आयोजनाको शेयर सर्वसाधारणलाई पहिले बिक्री गर्न लागिएको सम्बन्धित आयोजनाले स्पष्ट पारेको छ । कर्मचारी सञ्चय कोषका सञ्चयकर्ता र ऋणदाता संस्थाका कर्मचारीलाई शेयर बिक्री गरेपनि नियमानुसार आयोजना प्रभावितलाई साधारण शेयर बिक्री गर्नुपर्नेमा ती आयोजनाले सर्वसाधारणलाई शेयर बिक्री गर्न लागेका हुन् । नेपाल धितोपत्र बोर्डको नियमअनुसार आयोजना प्रभावितलाई १० प्रतिशत साधारण शेयर बिक्री गर्नुपर्छ । रसुवालीले आफूहरु भूकम्पपछिको पुनःनिर्माणामा लागेको र शेयर खरीदका लागि तत्काल रकम जुटाउन असक्षम रहेको भन्दै आयोजनाका प्रवद्र्धक कम्पनीलाई आग्रह गरेको चिलिमे जलविद्युत् कम्पनीका प्रमुख कार्यकारी अधिकृत माधव कोइरालाले जानकारी दिए । सरकारले ती आयोजनालाई यही चैत १८ गते जनताको जलविद्युत् कार्यक्रममा समावेश गरेको छ । रसुवावासीको आग्रहमा ती आयोजनाको शेयर सर्वसाधारणलाई बिक्री भइसकेपछि मात्रै वितरण गर्ने गरी बोर्डबाट पनि स्वीकृति लिइएको कोइरालाको भनाइ छ । रसुवाका स्थानीय निकाय, जिल्ला समन्वय समिति र सम्पूर्ण राजनीतिक दलको तर्फबाट शेयर बिक्री गर्ने समय पछि सारिदिन आग्रह गरेका थिए । सोही आग्रहअनुसार कम्पनीले व्यवस्था मिलाएको छ । साञ्जेन र रसुवागढी दुवै आयोजनाले स्थानीय प्रभावितलाई शेयर बिक्री गर्दा करीब रु एक अर्ब बराबरको आवेदन जिल्लामा पर्ने अनुमान छ । भूकम्पपछिको पुनःनिर्माणमा सो जिल्लाका अधिकांश नागरिक संलग्न भएका कारण शेयरमा लगानी गर्ने रकम अभाव हुने स्थानीयवासीको भनाइ छ । साञ्जेन जलविद्युत् कम्पनीका प्रमुख कार्यकारी अधिकृत किरणकुमार श्रेष्ठले स्थानीयवासीको आग्रहलाई आयोजनाले सम्बोधन गरेको बताए । ऊर्जा जलस्रोत तथा सिँचाइ मन्त्रालयमा आज आयोजित पत्रकार सम्मेलनमा ती आयोजनाका प्रमुखले चिलिमे कम्पनी आफैँमा सफल कम्पनी रहेको र त्यसका सहायक कम्पनीको शेयरमा समेत आम नागरिक सहभागी हुने अपेक्षामा रहेको बताए । सबैलाई समावेश गर्ने विधि खोजिदै पत्रकार सम्मेलनमा ऊर्जा, जलस्रोत तथा सिँचाइमन्त्री वर्षमान पुनले सबै नेपाली नागरिकलाई जलविद्युत्को शेयरधनी बनाउने उपायको खोजी गरिने उल्लेख गरे । विद्यमान संरचनाअनुसार सबै नागरिक शेयरधनी हुन नसक्ने भन्ने आशङ्का पैदा भइरहेको अवस्थामा मन्त्री पुनको सो धारणा आएको हो । उनले भने, “सबै नागरिकले सानोतिनो लगानी गर्न सक्ने वातावरण बनाउनुपर्छ । त्यसका लागि शेयर संरचनामा समेत परिवर्तन जरुरी छ । विस्तारै सबै प्रक्रिया र चासोसमेत मिल्दै जान्छ ।” हाल १५ लाख बराबरमात्रै हितग्राही खाता खोलिएको छ । आम नागरिकलाई शेयरधनी बनाउनका लागि हितग्राही खाता खोल्ने अभियान चलाउनु आवश्यक छ । सरकारले घोषणा गरेको जनताको जलविद्युत् कार्यक्रमको पहिलो योजनामा समेत शहरी क्षेत्रमा रहेका लगानीकर्ता सहभागी भए । रसुवागढी र साञ्जेनको शेयरमा समेत सोही अवस्था आउने सम्भवना बढी छ । मन्त्री पुनले आगामी दिनमा सो कार्यक्रममा समावेश भएका आयोजनालाई सम्बन्धित प्रदेशलाई नै निश्चित प्रतिशत छुट्याएर शेयर दिने प्रणालीको शुरुआत गरिने बताए । “सबै नागरिक जलविद्युतको शेयरमार्फत आर्थिक समृद्धिको मार्गमा अगाडि बढ्नुपर्छ भन्ने सरकारको चाहना छ । कसरी बढीभन्दा बढी नागरिक सहभागी हुन्छन् भन्नेमा सरकार र मन्त्रालय चिन्तित छ । उपयुक्त विकल्पको खोजी गरिन्छ”, मन्त्री पुनले भने । हजार कित्ता आवेदन दिन्छु- मन्त्री पुन जनताको जलविद्युत् कार्यक्रमको पहिलो आयोजनाको रुपमा रहेको माथिल्लो त्रिशूली थ्री बी मा आम जनताको ठूलो उत्साह देखिएको भन्दै मन्त्री पुनले रसुवागढी र साञ्जेनको शेयरमा समेत त्यस्तै उत्साह रहने विश्वास व्यक्त गरे । माथिल्लो त्रिशूली थ्री बी मा एक हजार कित्ता शेयर आवेदन गर्दा आफूलाई २० कित्ता शेयर परेको भन्दै मन्त्री पुनले आगामी वैशाख ६ गतेदेखि बिक्री हुनलागेको रसुवागढी र साञ्जेनमा भने एक हजार कित्ता आवेदन गर्ने खुलासा गरे । मन्त्रिपरिषद्को बैठकमा समेत सङ्घीय सरकारका मन्त्रीले आफूहरु समेत जनताको जलविद्युतको शेयरधनी बन्ने इच्छा व्यक्त गरेको जानकारी दिँदै मन्त्री पुनले भने, “राजनीतिक नेतृत्व, कर्मचारी सबैतिर उत्साह छ, हामीले अगाडि सारेको कार्यक्रम सफल हुन्छ भन्ने विश्वास लिएका छौँ ।” रसुवागढी र साञ्जेन जलविद्युत् कम्पनीले कूल रु एक अर्ब ५४ करोड बराबरको साधारण शेयर बिक्री गर्न लागेको छ । रासस
