मिर्मिरेको साढे २ लाख कित्ता बोनस सूचिकृत
काठमाडौं । मिर्मिरे लघुवित्त वित्तीय संस्थाको कूल २ लाख ४९ हजार २६४ कित्ता बोनस सेयर सूचिकृत भएको छ । संस्थाको बिहीबार मात्रै सो मात्राको सेयर नेप्सेमा सूचिकृत भएको हाे । यस अघि संस्थाको कूल १० लाख ३८ हजार ५८५ कित्ता सेयर नेप्सेमा सूचिकृत थियो । बिहीबार संस्थाको सेयर मूल्य प्रतिकित्ता ९४५ रुपैयाँ रहेको छ ।
बैैंकमा पैसा राख्दा सुन चाँदीका सिक्का नपाइने, उपहार नबाढ्न निर्देशन
काठमाडौं । अब कैंक तथा वित्तिय संस्थाहरुमा पैसा राख्दा सुन चाँदीका सिक्का लगायतका उपहारहरु नपाइने भएको छ । नेपाल राष्ट्र बैंकले बैंक तथा वित्तिय संस्थाहरुलाई निर्देशन दिँदै निक्षेप आकर्षित गर्नका लागि सुन चाँदीका सिक्का लगायतका कुनै पनि उपहार दिन नपाउने व्यवस्था गरेको हो । निर्देशन हेर्न यहाँ क्लिक गर्नुहोस बैंक तथा वित्तिय संस्थाहरुले निक्षेप तान्ने प्रतिष्पर्धाका लागि आकर्षक ब्याजदरका अलवा सुन चाँदीका सिक्का लगायतका बिभिन्न प्रकारका उपहार स्किमहरु दिँदै आएका छन् । अब बैंक तथा वित्तिय संस्थाहरुले निक्षेप कर्ताहरुलाई कुनै पनि प्रकारका उपहार दिन पाउने छैनन् ।
बक्यौता नतिर्नेको लाईन काट्ने कुलमानको घोषणा, तिर्छन् त २४० व्यवसायीले ४ अर्ब ३० करोड ?
काठमाडौँ । नेपाल विद्युत् प्राधिकरणले विगतमा विशेष प्रयोजनका लागि भनेर उद्योगी व्यवसायीले लिएका ६७ वटा ट्रङ्क लाइनको अध्ययन गरी यर्थाथ पत्ता लगाउने भएको छ । उद्योगी व्यवसायीले प्राधिरकणले प्रयोग नै नगरेको विद्युतको महसुल तिर्न ताकेता गरेको भन्दै आपत्ति प्रकट गरेको छ । केही उद्योगी प्राधिकरण विरुद्ध सर्वोच्च र उच्च अदालतसमेत पुगेका छन् । केही उद्योगी तथा व्यवसायीलाई प्राधिकरणले तय गरेको महसुल तिर्न आदेश दिएको छ भने केहीको मुद्दा विचाराधिन अवस्थामा रहेको छ । प्राधिकरणले २९८ ग्राहकलाई विशेष सुविधा भन्दै नियमित विद्युत् आपूर्ति हुने लाइन उपलब्ध गराएको छ । त्यसमा २३१ वटा डेडिकेटेड लाइन छन् भने ६७ वटा ट्रङ्क लाइन छन् । ट्रङ्क लाइनबाट मात्रै गत असारसम्म रु चार अर्ब ३० करोड बराबरको महसुल उठ्न बाँकी छ । प्राधिकरणका कार्यकारी निर्देशक कुलमान घिसिङले प्राधिकरण सञ्चालक समितिको निर्देशनअनुसार सञ्चालक समिति सदस्य भक्तबहादुर पुनको संयोजकत्वमा ट्रङ्क लाइन लिएका व्यापारीको एक एक गरी छानबिनसमेत शुरु गरेको छ । डेडिकेडेट लाइनबाट विद्युत् लिएका उद्योग, व्यवसाय, अस्पताल, खानेपानी जस्ता संस्था वा निकायले नियमित रुपमा विद्युत् महसुल तिर्दै आएका छन् । तर कहिल्यै नकाटिने ट्रङ्क लाइनबाट विद्युत् लिएका व्यापारीले नियममानुसार बढी शुल्क तिर्नुपर्ने व्यवस्था छ । यद्यपी उनीहरु प्राधिकरणले बढी महसुल लिएको भन्दै अदालत जाने र महसुलसम्म तिर्दिन भन्ने अवस्थामा पुगेका छन् । नेपाल उद्योग वाणिज्य महासङ्घ, नेपाल चेम्बर अफ कमर्स, नेपाल उद्योग परिसङ्घले प्राधिकरणले बढी महसुल लिएको भन्दै प्रतिवाद गर्ने यसअघि नै घोषणा गरेका छन् । प्राधिकरणले विद्युत्भार कटौती हुँदा पनि २० घन्टासम्म ट्रंक लाइनमार्फत् बिजुली उपलब्ध गराए वापत व्यवसायीलाई धमाधम अतिरिक्त शुल्क तिर्न पत्र पठाएको थियो । आफूहरुले उपयोग नै नगरेको सेवाको शुल्क तिर्न प्राधिकरणले पत्र पठाएको भन्दै तिर्न नसक्ने उद्योगी र व्यवसायीले आपत्ति जनाएका हुन् । प्राधिकरणको तत्कालीन नेतृत्वले विसं २०६९ देखि नै तजबिजीमा आधारमा पनि केही उद्योगलाई ट्रङ्क लाइनमार्फत विद्युत् उपलब्ध गराएको थियो । विसं २०७२ पुस २९ गते र माघ १० गते तत्कालीन सार्वजनिक लेखा समितिले ट्रङक लाइन र डेडिकेडेट लाइनको विद्युत् महसुल उठाउन र त्यसको व्यवस्था गर्न विद्युत् महसुल निर्धारण आयोगलाई समेत निर्देशन दिएको थियो । ट्रङ्क लाइन विद्युत् लिनका लागि व्यवसायीले प्राधिकरणमा निवेदन दिनुपर्ने र सञ्चालक समितिले स्वीकृति गर्नुपर्ने व्यवस्था छ तर विसं २०७२ जेठमा तत्कालीन प्राधिकरणका कार्यकारी निर्देशकले केही उद्योगलाई सहमतिको आधारमा भन्दै तोकादेशका भरमा लाइनको स्वीकृति दिइएको पाइएको छ । स्वीकृति नलिइकन विद्युत् प्रयोग गर्ने त्यस्ता ग्राहकलाई चोरीअन्तर्गत कारवाही गर्न सकिने प्रावधान पनि छ । छानबिन समितिले विसं २०६९ देखि नै ट्रङ्क लाइन लिएका उद्योगी व्यवसायीले उद्योगमा जडान गरेको ‘टिओडी’ मिटर छानबिन गरी तथ्य पत्ता लगाउने निर्णय गरेको कार्यकारी निर्देशक घिसिङले जानकारी दिए । प्राधिकरणले विसं २०७३ कात्तिकदेखि घरायसी ग्राहकलाई विद्युत्भार कटौती अन्त्य गरेको थियो भने उद्योग प्रतिष्ठानमा विसं २०७५ जेठदेखि विद्युत् कटौती अन्त्य गरेको थियो । प्राधिकरणले उद्योगलाई ११ केभी, ३३ केभी र ६६ केभी क्षमताका प्रसारण लाइनमार्फत विद्युत् उपलब्ध गराइरहेको छ । कूल ३१५ मेगावाट विद्युत् उद्योगले खपत गरिरहेको छ । “हिउँदको समयमा उपलब्ध हुने जति सबै विद्युत् उद्योगलाई दिएर उपभोक्तालाई विद्युतभार कटौती गरिएको रहेछ । त्यस विषयमा समेत प्राधिकरणले गम्भीरतापूर्वक हेरिरहेको छ”, कार्यकारी निर्देशक घिसिङले भने । प्राधिकरणले निजी क्षेत्रका जलविद्युत् आयोजनाबाट सात रुपैयाँ ५० पैसामा विद्युत् खरीद गरेको छ भने उद्योगलाई औसतमा मात्रै छ रुपैयाँ २५ पैसामा विद्युत् उपलब्ध गराउँछ । दक्षिण एशियामा नै नेपालका उद्योगी व्यवसायीले सबैभन्दा सस्तोमा विद्युत् पाउने गरेका छन् । औद्योगिक ग्राहकको सङ्ख्यासमेत निरन्तर वृद्धि भएका कारण प्राधिकरणले उपलब्ध गराउने विद्युत्को प्रतिशत बढेर ५० भन्दा माथि पुगेको छ । तर महसुल भने असाध्यै न्यून रहेको छ । विद्युत् नियमन आयोग गठन भइसकेकाले अब आयोगले पनि सो विषयमा निर्णय गर्ला भन्ने अपेक्षामा आफूहरु रहेको कार्यकारी निर्देशक घिसिङको भनाइ छ । बुधबार मात्रै आयोगका अध्यक्ष र सदस्यले पद तथा गोपनियताको शपथ लिएका छन् । प्राधिकरणले नियमानुसार महसुल नतिर्ने उद्योगी व्यवसायीको लाइन काटन सक्ने संकेत गरेको छ । केही उद्योगको हकमा अदालतले समेत महसुल तिर्नुपर्ने आदेश दिइसकेको छ । महसुल बुझाउन अटेर गर्ने उद्योगीको लाइन काटेर महसुल उठाउनुको विकल्पसमेत नभएको प्राधिकरणको भनाइ छ । अदालतले महसुल उठाउनु भनेर आदेश दिएकाको हकमा अब लाइन काटिने प्राधिकरणका कार्यकारी निर्देशक घिसिङको भनाइ छ तर अध्ययन समितिले उद्योगले के कति परिमाणमा कति विद्युत् लिएका छन् भन्ने विषयमा भने पहिले निक्र्योल गरिने छ । “हामी सबै उद्योगको यर्थाथ विवरण पत्ता लगाउँदैछौं । सबै टिओडी मिटरको अध्ययन भइरहेको छ । विद्युतभार कटौतीको समयमा कुन उद्योगले के कति मात्रामा विद्युत् प्रयोग गरे वा गरेनन् भन्ने पत्ता लगाइन्छ र दुधको दुध पानीको पानी छुट्याइन्छ”, कार्यकारी निर्देशक घिसिङले भने । रासस
झाडापखला लाग्दा झोल पदार्थ पिउनुहोस् तर दुध होइन : डा. अनुप बास्तोला
काठमाडौं। शुक्रराज ट्रपिकल तथा सरूवा रोग अस्पतालमा उपचारका लागि आउने बिरामी मध्ये झाडापखालाका बिरामी उल्लेख्य मात्रामा छन् । अस्पताल श्रोतका अनुसार केही बर्ष यता अस्पतालमा सबैभन्दा बढी झाडापखालाका बिरामी आउने गरेका छन् । अस्पतालले सार्वजनिक गरेको आर्थिक वर्ष २०७४/७५ को तथ्यांकअनुसार प्रमुख पाँच रोगमा पहिलोमा झाडापखाला पाईएको हो । अहिले गर्मी सिजन चलिरहेको छ, यो सिजनमा धेरै मानिसहरुलाई झाडापखलाले सताउने गरेको छ । झाडापखाला जाडो महिनामा पनि देखिने गर्दछ, तर गर्मी महिनामा यसले मानिसहरुलाई बढी सताउने गरेको छ । अस्पतालका प्रमुख कन्सल्टेन्ट डा. अनुप बास्तोलाको अनुसार विशेष गरेर ब्याक्टेरिया र भाइरसको संक्रमणले हुने झाडापखाला दूषित पानी, सडेगलेका बासी र झिंगा भन्किएका खाना, फोहोर पानी, फोहोर हातका माध्यमबाट फैलिने गर्दछन्। खुला क्षेत्रमा गरिएको मानिसको र पशुपन्छीको दिशा पानीमा मिसावट हुने र त्यही पानी मानिसहरुले पिउदा झाडापखलाको हुनु गरेको डा. बास्तोलाले बताए। खानाको कारण पेटमा हुने एलर्जी, शरीरले कार्बोहाइड्रेट पचाउन नसक्दा पनि झाडापखाला हुने गर्दछ । झाडापखाला हुँदा शरीरबाट धेरै मात्रामा नुन, पोषनतत्व र पानीखेर जान्छ, जुन अवस्थालाई जलवियोजन भनिन्छ । यस्तो अवस्थामा समयमै उपचार नभए बिरामीको अकालमा मृत्यु पनि हुन सक्दछ। के खाने ? १। साधा खानेकुरा झाडापखला लागेको समयमा चिल्लो, पिरो रहित साधा खानेकुरा खानुपर्छ किनभने यस समय चिल्लो र पिरो खानाले पेटमा अझै समस्य निम्ताउँछ। त्यसैले यस समयमा निकै साधा खानेकुरा खानुपर्छ जस्तै ः – सेतो भात – पाउरोटी – केरा – उसिनेको आलु – जाउलो यी खानेकुराहरु झाडापखला लागेको पहिलो दिन निकै नै सहयोगी हुन्छ, किनभने साधा खानेकुराहरुले पेटको पाचन शक्तीलाई सन्तुलित बनाउन मद्त गर्दछ। के पिउने ? झोलिलो पदार्थ झाडापखलाको समयमा एकदमै फाईदाजनक तत्व हो । झाडापखला लागेका मानिसहरुले यस्तो समयमा पानी खाईरहनुपर्छ र शौचालय गएर आएको हरेक पटक पानी पिउनु पर्दछ । धेरै पानी पिउनाले शरीरमा पानी कम हुन नदिई शरीरलाई तागत दिईरहन्छ । यस समयमा शरीरले पानी मात्र नभएर मिनिरल जस्ता महत्वपूर्ण तत्व गुमाउँछ। त्यसैले यो अवस्थामा मानिसहरुले मिनिरलहरु पाइने झोल पदार्थ पिउनुपर्छ। मिनिरल पाइने झोल पदार्थ – नरिवल पानी के नखाने ? १। मसालेदार खाना मसालेदर खानेकुराले झाडापखला भएको अवस्थामा अझै पेटलाई बिगार्ने गर्दछ। यसकारण यो समयमा मसालेदार खानेकुराबाट टाढै बस्दा राम्रो हुन्छ। २। तारेको खानेकुरा तारेको खानेकुराले पाचन शक्तीलाई अझै कमजोर बनाउँछ। यसले झाडापखलालाई अझै जटिल बनाउने हुनाले यस अवस्थामा तारेको खानेकुरा खानु हुँदैन। यसको विकल्पमा उसिनेको तरकारी खानु स्वस्थ हुन्छ । ३। उच्च फाईबरयुक्त खानेकुरा झाडापखला लागेको समयमा उच्च फाइबरयुक्त खानेकुराले पनि समस्या निम्ताउन सक्छ । यधपी फाइबरले पाचन शक्तीलाई तन्दुरुस्त राख्ने भएपनि यसले झाडापखला लागेको समयमा अझै धेरै बिगार्न सक्छ। फाइबर युक्त खानेकुरा गहुँ, चामल, रोटी, बदाम हुन्, तर स्याउ, केरामा भएको फाइबरले भने झाडापखलालाई रोक्न मद्त गर्दछ। अन्य खानु नहुने खानेकुरा –प्याज र लसुन – प्याक गरिएको खानेकुरा – काँचो तरकारी – काउली, बन्दा, ब्रोकाउली, दुग्ध पदार्थ – सुंगुरको मासु
‘नबिल नारी उद्यमी सीड क्याम्प’ शुरु, महिलाहरुलाई आत्मनिर्भर बनाइने
काठमाडौं । महिलालाई आर्थिक रुपमा समृद्ध बनाउन नबिल बैंकले ‘नविल नारी उद्यमी सीड’ क्याम्प सञ्चालन गरेको छ । वैशाख २६ गतेदेखि जेठ २६ गतेसम्म सो क्याम्पस सञ्चालन हुनेछ । नबिल नारी उद्यमी सीड क्याम्पबारे जानकारी दिन बिहीबार आयोजित पत्रकार सम्मेलनमा बैंकका प्रमुख कार्यकारी अधिकृत अनिलकेसरी शाहले महिलाको आर्थिक उन्नती एवम् आत्मनिर्भर बनाउनका लागि यो अभियानले सहयोग पुर्याउने बताए । उक्त कार्यक्रममा नविल नारीको रुपमा चिनिने प्रियंका कार्कीले अबको समयमा सबै नारीलाई दक्ष बनाउन नविल बैंकले ल्याएको सो कार्यक्रम ल्याएको बताइन् । सो अभियान अन्तरगत महिलाहरुलाई आत्मनिर्भर बनाउन विभिन्न क्रियाकलाप सञ्चालन गरिने सीईओ शाहले जानकारी दिए ।
ब्रोकर कम्पनीले वेबसाइट खोल्नै पर्ने, जेठ भित्रै जानकारी दिन नेप्सेको निर्देशन
काठमाडौं । हाल सञ्चालनमा आएका प्रत्येक सदस्य दलाल(ब्रोकर) कम्पनीहरुले आफ्नो कार्यालयको वेवसाइट खोल्नै पर्ने भएको छ । नेपाल स्टक एक्स्चेञ्ज(नेप्से)ले बिहीबार एक सूचना जारी गरी हालसम्म वेवसाइट नखोलेका र वेवसाइट खोली सञ्चालनमा ल्याएका ब्रोकर कम्पनीहरुलाई नेप्सेको माग बमोजिमको वेवसाइट खोल्न आग्रह गरेको हो । साथै, नेप्सेले आगामी जेठ मसान्तभित्र प्रत्येक ब्रोकर कम्पनीहरुलाई आ–आफ्नो कार्यालयको वेवसाइटको अनिवार्य जानकारी गराउन आग्रह गरेको छ । सर्वसाधारण लगानीकर्ताहरुलाई ब्रोकर कम्पनीहरुले दिने सेवा सुविधाको पहुँचलाई सजिलो बनाउन नेप्सेले उक्त निर्णय गरेको हो । साथै, यसबाट आम लगानीकर्ताहरुले धितोपत्र बजार सम्बन्धी सूचना तथा जानकारीहरु सजिलै पाउन सक्ने नेप्सेको विश्वास रहेको आईटि अधिकृत बालकृष्ण कोजूले जनाएका छन् ।
आर्थिक वर्ष बैशाख १ गते बनाए के हुन्छ ? बाझियो विज्ञको धारणा
काठमाडौं । आगामी आर्थिक बर्ष २०७६/७७ को बजेटको तयारी अन्तिम चरणमा पुगेका बेला आर्थिक वर्ष परिवर्तनको बहस सुरु भएको छ । पूर्व अर्थ सचिव, सांसददेखि अर्थविदहरुले नै आर्थिक वर्ष आरम्भ हुने मिति बैशाख १ गते बनाउनुपर्ने धारणा अघि सारेका हुन् । ‘साउन १ गतेबाट आरम्भ हुने आर्थिक वर्षलाई सारेर बैशाख १ गते ल्याऔं, ४० प्रतिशत पुँजीगत खर्च वृद्धि हुन्छ’, पूर्व कानुन मन्त्री तथा सांसद शेरबहादुर तामाङले भने । उनले बैशाखमा आर्थिक वर्षको आरम्भ गर्दा बर्षात सम्पन्न हुँदा ठेक्का लागि सकेर विकास निर्माणका काम आरम्भ भैसक्ने दावी गरे । त्यति मात्रै नभएर उनले असारे विकासको क्रम पनि रोकिने दावी गरे । ‘बैशाखमा आर्थिक वर्ष ल्याउँदा बर्षापछि धमाधम काम गर्न पाइन्छ र असारे विकासको क्रम पनि अन्त्य हुन्छ’, सांसद तामाङले भने । सांसदले मात्रै होइन, पूर्व अर्थ सचिवले समेत आर्थिक वर्षलाई सारेर बैशाख १ गतेमा ल्याउनुपर्ने धारणा राख्दै आएका छन् । ‘अब आर्थिक वर्षलाई सारेर बैशाख १ गतेबाट आरम्भ गर्नुपर्छ, यसले विकासमा देखिएका धेरै अवरोध हटेर जान्छन’, हाल सूचना आयोगका आयुक्त समेत रहेका पूर्व सचिव बास्कोटाले भन्दै आएका छन् । उनले केहि समय अघि नेपाल व्यवस्थापन संघले राजधानीमा आयोजना गरेको पूर्व बजेट छलफल कार्यक्रममा अर्थमन्त्री डा. युवराज खतिवडालाई इतिहासमा बदल्ने हिम्मत गर्न सुझाव दिएका थिए । बास्कोटाले पहिलो बजेट ल्याउने श्रेय सुर्वण शमसेर, सामाजिक सुरक्षा कार्यक्रम ल्याएर भरतमोहन अधिकारी र लैंगिक मैत्री बजेट ल्याएर डा. रामशरण महतले इतिहासमा नाम लेखाएको बताउँदै डा. खतिवडाले आर्थिक वर्षलाई बैशाख १ गते सारेर इतिहास रच्नुपर्ने बताएका थिए । त्रिभुवन विश्वविद्यालयका प्राध्यापक डा. शिवराज अधिकारीले भने आर्थिक बर्ष सारेर बैशाखमा ल्याउनुले खासै अर्थ नराख्ने बताए । जेठ १५ गते बजेट ल्याएर साउन १ गतेदेखि कार्यान्वयन गर्दा समेत कुनै प्रभाव नदेखिएकाले बैशाखमा सार्दा परिवर्तन हुन्छ भन्न नसकिने उनको भनाई छ । ‘हाम्रो काम गर्ने शैली उस्तै छ, जेठ १५ गते बजेट आउँछ, साउन १ मा आर्थिक बर्ष आरम्भ हुन्छ । ४५ दिनमा पनि केहि तयारी गर्दैनौं, बजेट खर्च गर्न असार नै कुर्ने गरिएको छ, त्यसकारण बैशाखमा सार्नुको अर्थ छैन ।’, प्राध्यापक डा. अधिकारीले भने । उनले नेपालमा फागुन/चैत र बैशाखमा मात्रै काम गर्ने संस्कार भएकाले आर्थिक बर्ष सार्नुको अर्थ नरहेको बताएका हुन् । अर्का अर्थविद प्रा.डा. गोविन्द नेपालले पनि बैशाखमा आर्थिक वर्ष सार्नुको खासै अर्थ नहुने बताए । ‘हाम्रो समस्या आर्थिक वर्ष सुरु हुने समयको होइन, हाम्रो कार्यशैली र सोँचको हो, सोँच नबलिएसम्म समय बदलेर मात्रै केहि पनि हुन्न’, प्रा. डा. नेपालले भने । उनले विकासको मुल अवरोधबाट बिषयान्तर गर्न आर्थिक वर्षको समय सार्ने प्रस्ताव आएको हुन सक्ने बताए । नेपालमा हालसम्म साउन १ गतेबाट नयाँ आर्थिक बर्ष आरम्भ हुन्छ । नयाँ संबिधानमा जेठ १५ गते बजेट ल्याउनै पर्ने संबैधानिक व्यवस्था रहेको छ । यदि बैशाख १ गतेबाट आर्थिक वर्ष आरम्भ गर्ने हो भने संबिधान नै संसोधन गर्नुपर्ने अवस्था रहन्छ ।
भीभो एपेक्स २०१९ प्रदर्शन, ‘फिंगरप्रिन्ट स्क्यानिङ्ग टेक्नोलोजीको विकास’
काठमाडौँ । भीभो नेपालले आफ्नो दोस्रो कन्सेप्ट स्मार्टफोन भीभो एपेक्स २०१९ नेपालमा प्रदर्शन गरेको छ । कम्पनीले पहिलो पटक नेपालमा सूपर यूनिबडि डिजाइनमा रहेको एपेक्स २०१९ को शुक्रबार मिडिया लन्च गरेको हो । भीभो एपेक्स २०१९ पहिलो पटक इन डिस्प्ले फिंगरप्रिन्ट स्क्यानिङ्ग टेक्नोलोजी विकास गरेको हो । कम्पनीले हालसम्म १ करोड भन्दा बढी इन डिस्प्ले फिंगरप्रिन्ट स्क्यानिङ्ग स्मार्टफोनहरु बिक्री गरिसकेको कम्पनीले जानएको छ । भीभो एपेक्समा भएको सूपर यूनिबडि डिजाइनले कम्पनीले स्मार्टफोनको डिस्प्लेलाई थप महत्व प्रदान गरेको छ । कम्पनीले यहि स्मार्टफोनको कन्सेप्टको आधारमा भीभो एक्स २० प्लस, भीभो एक्स२१, भीभो नेक्स, भीभो भी ११, नेक्स ड्यूल डिस्प्ले एडिसन र हालै नेपालमा सार्वजनिक गरिएको भी १५ सिरिजकास्मार्टफोनहरुमा इन डिस्प्ले फिंगरप्रिन्ट स्क्यानिङ्ग टेक्नोलोजी प्रयोग गरेको छ । यसमा राखिएको इन डिस्प्ले फिंगरप्रिन्ट स्क्यानिङ्ग टेक्नोलोजीद्धारा एक टचमा नै प्रयोगकर्ताले आफ्नो स्मार्टफोन अनलक गर्न सक्नुहुन्छ । त्यसको लागि प्रयोगकर्ताले आफ्नो हातको औंलाको फिंगरप्रिन्ट स्क्यान गरेर प्रयोग गर्नुपर्दछ । भीभो एपेक्समा फूलभ्यू डिस्प्लेको अनुभव प्रदान गर्नको लागि कम्पनीले बडी साउण्ड कास्टिंग टेक्नोलोजीको प्रयोग गरेको छ । यसले गर्दा डिस्प्लेको भित्रबाट नै साउण्ड आउँछ र प्रयोगकर्ताहरुलाई भिडियो वा अडियो हेर्दा र सुन्दा उत्कृष्ट अनुभव हुन्छ । भीभो एपेक्सले चार्जिङ र डाटा ट्रान्सफरको क्षेत्रमा पनि आश्चार्यजनक परिवर्तन ल्याएको छ । कम्पनीले यसमा म्यागपोर्ट प्रविधि राखेको छ, जसले गर्दा कनेक्टरलाई पोर्टको नजिक लग्दा आफैं जोडिने फिचर रहेको छ ।
