बुढीगण्डकी जलविद्युत आयोजना बनाउने पैसा छैन्ः उर्जामन्त्री वर्षमान पुन
काठमाडौं । ‘धन हामीसँग छैन्, ३ खर्ब जति यसको लागत छ । पब्लिकलाई आव्हान गर्दा पनि आएन् । हामीसँग पैसा नभएकाले हुनाले अहिले इपिसिएफ लगायतका बिभिन्न मोडलबारे कुरा गरिरहेका छौं ।’, यो भनाई उर्जा, जलश्रोत तथा सिँचाई मन्त्री वर्षमान पुनको । संसदको सार्वजनिक लेखा समितिको बैठकमा सांसदहरुले उठाएका जिज्ञासाहरुको जवाफ दिँदै उनले बुढीगण्डकी जलविद्युत आयोजनाका लागि सरकारसँग पैसा नभएको स्पष्ट पारेका हुन् । आयोजनाको उत्पादन लागत समेत महंगो भएकाले पनि निजी लगानी भित्र्याएर बनाउन कठिन हुने बताउँदै उनले थपे–‘यो आयोजना महंगो छ भन्ने कुरामा संका रहेन् । अहिले हामीले जलासययुक्त आयोजनाबाट उत्पादित विद्युतको खरिद मूल्य १२.५ रुपैंयाँ प्रति युनिट तोकेका छौं । यसको त उत्पादन लागत तै प्रति युनिट १९ देखि २० रुपैंयाँ प्रति युनिट देखिईरहेको छ । त्यसकारण कमर्सियल्ली प्राइभेट सेक्टरले यो आयोजना बनाउन सक्दैन् ।’ उनले निजी क्षेत्रले व्यवसायीक रुपले आयोजना बनाउन नसक्ने भएकैले मुआब्जा र पुनस्थापना लगायतका काम सरकारले नै सम्पन्न गरेर निर्माणका लागि बिभिन्न मोडलबारे छलफल अघि बढाएको पनि बताए । ‘कमर्सियल्ली भायबल नभएकाले नै सरकार आफैंले बनाउने भनेको हो । भारतमा भारु २१ रुपैंयासम्म मूल्यमा राति विद्युत बेच्न सक्ने सम्भावना छ । बंगलादेशसँग पनि कुरा भैरहेको छ ।’, मन्त्री पुनले भने । बुढीगण्डकी जलविद्युत आयोजना निर्माणका लागि श्रोत जुटाउन भन्दै सरकारले आर्थिक बर्ष २०७२/७३ को बजेट मार्फत डिजेल, पेट्रोल र हवाई इन्धनमा प्रति लिटर ५ रुपैंयाँ पूर्वाधार शुल्क उठाईरहेको छ । सो शुल्क वापत हालसम्म ३० अर्ब संकलन भएको छ । सरकारले हालसम्म २५ अर्ब भन्दा बढी मुआब्जा वितरण गरिसकेको छ । ‘जनताबाट उठेको पैसाले कम्तिमा मुआब्जासम्म वितरण गर्न सकियो भने पनि आयोजनालाई भायबल बनाउन सकिन्छ ।’, मन्त्री पुनले भने ।
एनआईसी र राष्ट्रिय बिमा संस्थानबीच बैंकास्योरेन्स सम्झौता
काठमाडौं । एनआईसी एशिया बैंक र राष्ट्रिय बिमा संस्थानबीच बैंकास्योरेन्स सम्झौता गरेको छ । उक्त सम्झौतापत्रमा बैंकको तर्फबाट बैंकका प्रमुख कार्यकारी अधिकृत रोशनकुमार न्यौपाने र संस्थानका तर्फबाट प्रशासक कविप्रसाद पाठकले हस्ताक्षर गरेका हुन् । सो सम्झौता अनुसार बैंकका ग्राहक महानुभावहरुले मुलुकभर फैलिएको २८४ वटै शाखा कार्यालयहरुबाट सहज रुपमा राष्ट्रिय बिमा संस्थानको जीवन बीमा पोलिसिहरु खरिद गर्न सक्नेछन् । हाल बैंकको मुलुकभर २ सय ८४ शाखा कार्यालयहरु, २ सय ९४ एटिएम, ४६ वटा एक्सटेन्सन काउण्टर एवं ३२ वटा शाखा रहित बैंकिङ्ग ईकाई मार्फत् बैंकिङ्ग सेवा प्रदान गर्दै आएको छ । करिब १६ लाख ग्राहक महानुभावहरूका साथ सञ्चालनमा रहेको यस बैंकका प्रमुख वित्तीय परिसूचकहरु अत्यन्त उत्साहप्रद रहेका बैंकले जनाएको छ ।
एकैदिनमा कामना सेवाको दुई शाखा विस्तार
काठमाडौं । कामना सेवा विकास बैंकले एकै दिनमा प्रदेश १ को मधुमल्ला र केराबारीमा शाखा विस्तार गरेको छ । प्रदेश नं. १ को मोरङ जिल्लाका मिक्लाजुङ्ग गाउँपालिका वडा न. ०९, मधुमल्ला र केराबारी गाउँपालिका वडा न. १०, केराबारीमा आफ्नो ९०औंर ९१औशाखा कार्यालय स्थापना गरि कारोबारको सुरुवात गरे । बैंकका संचालक देवकृष्ण काफ्ले र प्रदेश प्रमुख सुजन छराङ राईको उपस्थितिमा नयाँ शाखाहरुको कारोबार सुरु गरेका हुन् । सोही क्रममा संचालक देवकृष्ण काफ्लेले यी शाखा समेत गरि प्रदेश नं. १ मा ११ शाखा पुगेको र थप शाखाहरु पनि शीघ्र सञ्चालनमा आउने बताउँदै देशको उत्कृष्ट औद्योगिक र व्यापारिक क्षेत्रपूर्व नेपालमा शाखा विस्तारले व्यापार प्रवद्र्धनमा पनि गति मिल्ने बैंकले विश्वास रहेको बताए । यस बैंकले व्यवसाय विस्तारको क्रममा नविनतम प्रोडक्टहरु तथा वृहत शाखा सञ्जाल मार्फत आफ्ना ग्राहकहरुलाई उच्चस्तरको बैंकिङ्गसेवा सुविधाहरु उपलब्ध गराउँदै जाने समेत जानकारी दिएको छ । बैंकले हाल देशभरि ९१ वटा शाखा कार्यालयहरु तथा ४० वटा एटिएम मार्फत आफना ग्राहकहरुलाई सेवाप्रदान गर्ने गर्दै आएको छ । साथै बैंकले एबिबिएस, इन्टरनेट व्याकिङ्ग, मोबाईल व्याकिङ्ग, सी एएसबीए लगायतका माध्यमबाट समेत सम्पूर्ण बैंकिङ्ग सेवाहरु उपलब्ध गराउँदै आएको जानकारी दिएको छ ।
असार १२ गतेदेखि नेपाल लोक स्टार प्रसारण हुने, मुख्य प्रायोजक आइएमई
काठमाडौं । आगामी असार १२ गतेदेखि हुने नेपाल लोक स्टारको मुख्य प्रायोजक आइएमई ग्रुप रहेको छ । प्रत्येक विहीबार र शुक्रबार हुने उक्त कार्याक्रम बेलुकी ८ बजे एपिवान एचडीबाट प्रसारण हुने भएको छ । ३६ श्रृखला निर्माण गरिने सर्वाधिक चर्चित सो कार्यक्रमको लागत १० करोड अनुमान गरिएको छ । सम्झौता अन्तर्गत आइएमई नेपाल लोक स्टोरको भोटिङ्ग राउड एप मार्फत गरिने सबै भोटिङ्ग आइएमई पे को एपमा हुनेछ । नेपाल लोक स्टारका आयोजक सुदिप थापा भन्छन् “नेपाली लोक संगीतका लागि आइएमई नेपाल लोक स्टोर कोसे ढुङ्गा साबित हुनेछ र यसले लोक मात्रनभई सम्पूर्ण संगीत क्षेत्रलाई नै उकास्ने हामीले विश्वास लिएका छौं । नेपाली माटोललाई सुहाउदो यस्ता मौलिक रियालिटि शोहरुको उत्पादनले नेपाली मिडिया र नेपाली मिडिया बजारलाई अझउकास्ने निश्चित छ । यस कार्यक्रमको प्रमुखप्रायोजकको रुपमा आबद्ध भई यसको निर्माणलाई सार्थक तुल्याइदिनु भएकोमा आइएमई ग्रुपलाई धेरै धन्यवाद दिन चाहन्छौ ।” त्यस्तै आइएमई ग्रुपका प्रमुख कार्यकारी निर्देशक सुमन पोखरेलले भने “नेपालको आफ्नो आयोजना हुन लाएको आइएमई नेपाल लोक स्टोरसगै जोडिन पाएकोमा गौरवान्वीत छौं । नेपाली लोक संगीत प्रवंधन र जर्गेनाको निम्ति यो हाम्रो तर्फबाट सानो प्रयास समेत हो ।” उक्त लोक स्टारमा तीन जना विजेता छनौट गरिएको छ । यसमा प्रथम विजेतालाई ५० लाख, द्धितीय विजेतालाई २५ हजार र तृतिय विजेतालाई १० लाख नगद पुरस्कार प्रदान गरेका छन् । नेपालको मौलिक संगीत प्रस्तुत गर्ने सो रियालिटीमा सातैवटा प्रदेशमा अडिशन आयोजना गरि हजारौं संख्यामा आएका लोक दोहोरी गायक गायिका मध्ये सरदर प्रति प्रदेश ५० प्रतिस्पर्धी छनोट गरिन्छ । फागुन १६ गते शुरु भई चैत्र २५ गते ओपन अडिशन समाप्त भएको छ । शुरुवातको अडिशनबाट ३५० प्रतिस्पर्धी रहेका थिए, जर्ज अडिशनबाट १०९ प्रतिस्पर्धी छनोट भई मेगा अडिशनबाट २५ जना छनोट भएका छन् । नेपाल लोक स्टारको जर्जहरुमा जयनन्द लामा,बि.बि. अनुरागी, सुनीता दुलाल र रामजी खाँड रहेका छन् ।
गैरकानुनी रुपमा रजिस्ट्रेसन गराउँदै कृषि तथा वन विज्ञानका निजी कलेज
काठमाडौं । गैर कानुनी रुपमा संचालन हुदै आएका निजी कृषि तथा वन विज्ञान कलेजहरुले नियमविपरित गएर रजिस्ट्रेसनको निमित्त दबाब दिएका छन्। कृषि तथा वन विज्ञान विश्वविद्यालयबाट कुनै पनि प्रकारको सम्बन्ध प्राप्त नगरेका ७ वटा निजी कलेजहरुले नियम बिपरित गएर विद्यार्थी भर्ना गराई विश्वविद्यालयलाईलाई रजिस्ट्रेसनको लागि दबाब दिएको हो। विश्वविद्यालयले बारम्बार सुचना जारी गरी भर्ना प्रकृया तथा कक्षा संचालन नगर्न निर्देशन दिईसकेको भएता पनि निजी विद्यालयले अटेरी गर्दै विश्वविद्यालय भित्रका केही पदाधिकारीसँगको मिलेमतोमा केही कागजात बनाई रजिस्ट्रेसनको लागि गैर कानुनु रुपमा काम अगाडि बढाईरहेको विश्वविद्यालयका प्राध्यापक संगठनहरुले मंगलबार काठमाडौंमा पत्रकार सम्मेलन गर्दै यस्तो आरोप लगाएका हुन्। विश्वविद्यालयले उक्त निजी कलेजहरुलाई २०७५ साल असार २० गते अस्थाइ सम्बन्धन दिएको थियो। अस्थाई सम्बन्ध प्राप्त गरेपछी कलेजमा केन्द्रबाट अनुगमन टोली आएर जाँच गरेपछी मात्र सम्बन्धन प्राप्त हुने नियम थियो। त्यसको केही समय नबित्दै साउन १४ गए मन्त्रीपरिशदले उक्त सम्बन्धन खारेज गरिदियो। तर निजी कलेजहरुले विश्वविद्यालयलाई प्रतिबादी बनाएर आफुहरुले सम्बन्ध प्राप्त गर्नुपर्ने भन्दै मुद्दा दायर गरे। मुद्द प्रति फैसला सुनाउदै अदालतले सम्बन्ध प्रकृया अगाडी पनि नबढाउन र खारेज पनि नगर्न आदेश दियो। तर कलेजहरु भने सरासर भर्ना गर्दै अहिले आएर विद्यार्थी देखाउँदै आफुहरुलाई रस्जिस्ट्रेसन दिन दबाब दिएका छन्। प्रस्तावित कलेजहरुको सम्बन्धनको प्रकृया टुंगिसके पस्चात पनि विश्वविद्याअयले पुन: अनुगमन गरेर त्यस पछिको स्विकृतिको आधारमा विद्यार्थी भर्नाको लागि अगाडि प्रावधान छ। तर हालसम्म सर्वाच्चमा विचारधिन मुद्दाको अन्तिम फैसला पनि आईनसकेको र विश्वविद्यालयको तर्फबाट समेत कुनै पनि प्रकारको अनुगमन, निरिक्षण नभएको नेपाल प्रगतिशिल प्राध्यापक संगठनका अधयक्ष उदितप्रकाश सिग्देलले बताए। सर्वाच्च अदालतबाट अन्तिम फैसला नआउँदासम्म विश्वविद्यालय प्रशासन मार्फत हुने गतिविधी अगाडि बढाए आफुहरु आन्दोलनमा उत्रिने सिग्देलले बताए।
बुक विल्डिङ प्रणाली प्रिमियम मूल्यमा मात्रै लागु हुने, ‘शेयर महँगो हुने भ्रममा नपर्नुस्’
काठमाडौं । बजारका चर्चामा रहेको बुक बिल्डिङ तत्काल र सबै कम्पनीहरुका हकमा लागु नहुने भएको छ । नेपाल धितोपत्र बोर्डका अधिकारीहरुले यो प्रणाली कार्यान्वयनको प्रारम्भिक चरणमा मात्रै छलफल गरेको भन्दै यसका लागि समय लाग्नसक्ने जानकारी दिए । नेपाल धितोपत्र बोर्डका अध्यक्ष रेवतबहादुर कार्कीले प्रस्तावित वुक बिडिङ प्रणाली सबै कम्पनीको शेयरमा लागु नहुने स्पष्ठ पारेका छन् । नेपाल धितोपत्र बोर्डद्वारा नीति तथा कार्यक्रमका क्रममा उनले हाल प्रिमियममा जारी हुने शेयरका लागि मात्रै त्यस्तो प्रणाली लागु हुने स्पष्ठ पारेका छन् । ‘अहिले चर्चामा आइरहेको बुक विल्डिङ प्रणालीबारे धेरैलाई भ्रम छ, अब सबै शेयरहरु १०० रुपैंयाभन्दा महँगो पर्ने भयो भन्ने, तर त्यसो होइन, प्रिमियममा शेयर जारी गर्न चाहने कम्पनीहरुका लागि मात्रै मूल्य निर्धारणमा यो विधि लागु हुने हो ।’ उनले बुक विल्डिङ प्रणालीका लागि प्रारम्भिक चरणको छलफल सम्पन्न भई बाह्य विज्ञहरुबाट विस्तृत छलफल गर्ने क्रममा रहेको समेत बताए । उनले बुक विल्डिङ प्रक्रियाअन्तर्गतको मूल्य निर्धारण प्रचलित अन्तर्राष्ट्रिय मापदण्डअनुसार हुने भन्दै यसको कार्यन्वयनपछि पनि लगानीकर्ताहरु महँगो शेयरमूल्यको मारमा नपर्ने बताए ।
कमोडिटिज एक्सचेञ्जबारे बोर्डमाथि प्रश्न: अध्ययन नै नगरी किन लाइसेन्स खोलेको ?
काठमाडौं । नेपाल धितोपत्र बोर्डले अध्ययन नै नगरी कमोडिटिज एक्सचेञ्जको लाइसेन्स खुला गरेको र बजार अध्ययनको नाममा फेरि आवेदकहरुको लाइसेन्स रद्द गरिएको भन्दै बोर्डमाथि आलोचना भएको छ । धितोपत्र बोर्डको नीति तथा कार्यक्रममाथि सुझाव दिँदै नेपाल ल क्याम्पसका प्रोफेसर समेत रहेका अधिवक्ता अमृत खरेलले बोर्डले नीतिगत र कार्यगत स्पष्ठता कायम गर्न नसक्दा लाइसेन्सका लागि आवेदन दिएकाहरु फर्कनुपरेको आरोप लगाए । ‘पहिले कल गरेर किन रिसर्च गरियो, अनि फेरि अयोग्य भए, संख्या बढी भयो भन्दै किन आवेदन रद्द गरियो भन्ने जवाफ धितोपत्र बोर्डले दिनुपर्छ ।’ खरेलले भने । नेपालमा अहिले २ ओटा मात्रै कमोडिटिज एक्सचेञ्जको आवश्यकता छ भनिएको छ, त्यो कस्तो एक्सचेञ्ज हो, यसले हाम्रो गाउँघर र कृषि बजारका सामानहरु पनि बेच्छ कि सुन र चाँदी मात्रै हो भन्ने स्पष्ठ हुनुपर्ने समेत उनको भनाई थियो । कार्यक्रममा धितोपत्र बोर्डका सहायक कार्यकारी निर्देशक नवराज अधिकारीले सुरुमा प्रारम्भिक सम्भाव्यताका आधारमा कमोडिटिज एक्सचेञ्जहरुको लाइसेन्स कुला गरे पनि बाह्य विज्ञहरु समेत ल्याएर अध्ययन गर्दा नेपालमा २ ओटा मात्रै कमोडिटिज एक्सचेञ्जको सम्भाव्यता देखेपछि सबै आवेदनलाई रद्द गरेर पुनः आवेदन लिएको बताउँदै अव आवेदन दिनेमध्ये उत्कृष्ठ २ ओटा कम्पनीले कमोडिटिज एक्सचेञ्जको लाइसेन्स पाउने बताए । अर्का प्राध्यापक बासुदेव उपाध्यायले पनि अब आउने कमाेडिटिज एक्सचेञ्ले शहरका ठूलाठूला सामानकाे मात्रै नभएर गाउँका ससाना वस्तुहरु समेत आयात हुनुपर्ने भन्दै त्यसका लागि २ वटाकाे संख्या पर्याप्त नहुने धारणा राखे ।
हिमालयन बैंकले हेल्पिङ ह्याण्डस चिल्ड्रेन होमलाई गर्यो सहयोग
काठमाडौँ । हिमालयन बैंक लिमिटेडले आफ्नो संस्थागत सामाजिक उत्तरदायित्व अन्तर्गत नागार्जुन नपा–५, सीतापाईला, आदेश्वरस्थित “हेल्पिङ्ग ह्यान्ड्स चिल्ड्रेन होम” का वालवालिकाहरुलाई सहयोग प्रदान गरेको छ । बैंकले हेल्पिङ्ग ह्यान्ड्स चिल्ड्रेन होमका २४ जना बालबालिकाहरुलाई जुक्ताहरु तथा खाद्यान्नहरु (चामल, दाल, खाने तेल आदि), सावुन र खाना पकाउने ग्याँसहरु प्रदान गरेको हो । देशका विभिन्न स्थानका विभिन्न उमेर समुहका अनाथ बालबालिकाहरुलाई उक्त चिल्ड्रेन होमले आश्रय तथा उचित शिक्षा प्रदान गर्ने प्रबन्ध मिलाएकोे छ । बैंकका तर्फवाट बैंकका महाप्रबन्धक सुशील जोशीले उक्त सहयोग सामाग्रीहरु हस्तान्तरण गर्नुभयो । बैंकले आफ्नो स्थापनाकाल देखिनै अनाथालय, बृद्धाश्रम, सांस्कृतिक सम्पदा संरक्षण, शिक्षा, स्वास्थ्य, प्राकृतिक विपत्ति भोगेकाहरुका लागि, चेतना मुलक कार्यक्रमहरु आदिमा समय समयमा विभिन्न किसिमका सहयोग र राहत सामाग्रीहरु उपलब्ध गराउँदै आएको छ । हाल बैंकले ५९ वटा शाखा र १२० वटा ए टि एमबाट ग्राहकहरुका लागी समय सापेक्ष सुविधाहरु प्रदान गर्दै आइरहेको जनाएको छ । बैंकले निकट भविष्यमा देशका विभिन्न स्थानहरुमा थप १४ वटा शाखाहरु विस्तार गर्ने जनाएको छ ।
