नक्कली प्रमाणपत्र बाेकेर सनराइज बैंककाे सञ्चालक बन्ने प्रयास विफल, अरू बैंकमा पनि आशंका
काठमाडौं । सनराइज बैंक सञ्चालक समितिको सदस्य चयनका लागि पुस २२ गते ११ बजेदेखि २ बजेसम्मका लागि मनोनयन पत्र दर्ता गर्ने समय थियो । त्यसै अवधिमा आफूलाई सञ्चालक पदको उम्मेदवारी दाबी गर्दै आए भारतीय मूलका नागरिक अनुराग गोयल । बैंक तथा वित्तीय संस्था ऐनको प्रावधानअनुसार कुनै पनि बैंक तथा वित्तीय संस्थाको सञ्चालक बन्न स्नातक तह उर्तीण गरेको हुनुपर्छ । ऐनको सोही व्यवस्थालाई टेकेर गोयलसँग निर्वाचन समितिले शैक्षिक योग्यताको प्रमाणपत्र माग गर्यो । उनले शैक्षिक यौगयताको प्रमाणपत्र पेश त गरे तर अपुरो । भारतको विलियम क्यारी युनिभर्सिटीको एमबीए सरहको योग्यता प्राप्त गरेको उनको दाबी थियो । तर, जब समितिले उनले सो प्रमाणपत्रलाई आधिकारिकता नदिई उनको उम्मेदवारी दर्ता गर्न अस्वीकार गरिदियो, उनी अदालत गए । पाटन पुनरावेदन अदालतले उक्त निवेदनमा अन्तरिम आदेश दिन अस्वीकार गरेसँगै सनराइजको साधारणसभा र सञ्चालक समितिको निर्वाचन रोकिएन र बैंकले नयाँ सञ्चालक समिति पनि पायो तर उनी फेरि नयाँ सञ्चालक समितिको गठन प्रक्रिया अवैध रहेको भन्दै सोही अदालतमा अर्को निवेदन दर्ता गराएका छन् । उता निज अनुराग गोयलले पेश गरेको शैक्षिक प्रमाणपत्रको आधिकारिकताबारे शंका उत्पन्न भएपछि बैंक निर्वाचन समितिले २०७६ जेठ १४ गते त्रिभुवन विश्वविद्यालयलाई विलियम क्यारी युनिभर्सिटीको समकक्षताबारे चिठी लेख्याे । २०७६ जेठ १५ गते त्रिभुवन विश्वविद्यालय शिक्षाध्यक्षको कार्यालयले बैंक सञ्चालक समितिलाई पत्र लेख्दै गोयलले पेश गरेको एमबिए शैक्षिक उपाधिको त्रिविसँग कुनै समकक्षता नरहेको जनाएको छ । योसँगै गोयलले पेश गरेको शैक्षिक प्रमाणपत्र नेपाली कानुनकाे नजरमा अमान्य भयाे । फेक सर्टिफिकेटका लागि चर्चित विश्वविद्यालय विलियम क्यारी युनिभर्सिटी शैक्षिक प्रमाणपत्र बेच्ने यूनिभर्सिटीकाे रूपमा दक्षिण एशियाभर नै चर्चित रहेछ । भारतको उत्तरपूर्वी राज्य मेघालयको राजधानी सिलोङ्गमा रहेको भनिएको उक्त विश्वविद्यालयको नामबाट शैक्षिक प्रमाणपत्र बिक्री हुने गरेको हो । सोही विश्वविद्यालयको नाममा बनेको १०३ ओटा फेक सर्टिफिकेटसहित गत पुसमा भारतमा ४ जना व्यक्ति समातिएका थिए । त्यसो त सो विश्वविद्यालयलाई सबै विश्वविद्यालयहरु विभिन्न उपाधिका लागि अनुदान दिने विश्वविद्यालय अनुदान आयोग (युजीसी) ले सम्बन्धन समेत नदिएको बताइएको छ । विश्वविद्यालय आफैं के दाबी गर्दै आएको छ भने उसले आयोगसँग कुनै सम्बन्धन लिएको छैन र लिन पनि चाहेको छैन । नक्कली प्रमाणपत्र बाेकेर सनराइज बैंकमा सञ्चालक बन्ने गाेयलकाे प्रयास त विफल भएकाे छ तर यस्ताे धन्दा अरू बैंक र बीमा कम्पनीहरूमा पनि भएकाे हुन सक्ने आशंकमा गरिएकाे छ ।
एनसेलको ‘कलआयो पैसा पायो’ योजना अन्तर्गत विजेता घोषणा
काठमाडौं । एनसेल प्राईभेटले ‘कल आयो पैसा पायो’ योजनाका विजेता ग्राहकहरुको घोषणा गरेको छ । यस योजना अन्तर्गत पहिलो चार हप्ताका १० जना ग्राहकहरुलाई एनसेलले स्मार्टफोन हस्तान्तरण गरेको छ । वैशाख १६ देखि संचालनमा रहेको यो योजना श्रावण १३, २०७६ सम्म संचालनमा रहनेछ । एनसेलले आफ्नो कस्टमर लोयल्टि कार्यक्रम अन्तर्गत संचालनमा ल्याएको यस योजना अन्तर्गत ग्राहकले विश्वका जुन सुकै देशबाट आएको अन्तर्राष्ट्रिय आगमन कलमा दुई मिनेट वा सो भन्दा बढि कुरा गर्दा प्रत्येक मिनेट रु २ बोनस स्वरुप १० मिनेट सम्म पाउछन् । यसको अर्थ अन्र्तराष्ट्रिय आगमन कलमा कुरा गर्दा ग्राहकले रु १८ सम्म बोनस प्राप्त गर्दछन् । अन्तर्राष्ट्रिय आगमन कलमा कुरा गरी यस योजनाको मापदण्ड पुरा गरेका ग्राहकले प्रत्येक हप्ता सामसुङ्ग ग्यालेक्सी ए ट्वान्टी स्मार्टफोन पनि जित्न सक्छन् । यो योजना अवधिभर प्रत्येक हप्ता १० जनाग्राहकले १/१ थान स्मार्टफोन पाउछन् । योजना सुरु भएको चार हप्तामा सम्ममा ४० जनाग्राहक स्मार्टफोन पाउनको लागि छनोट भइसकेका छन् । जसमा १० ग्राहकको पहिचान प्रमाणित भई उपहार प्राप्त पनि गरि सकेका छन् भने अन्य ३० ग्राहकको पहिचान प्रमाणित भई सकेको छ । “मेरो श्रीमान जेष्ठ २० गते दुबईबाट फर्कनु भएको छ । कलआयो पैसा पायो योजनामा स्मार्टफोन जित्न पाएको मामलाई धेरै धेरै खुसी लागेको छ ।’’ झापा बिर्तामोडका राधिका रम्तेलले भनिन् । हालै मात्र उनले एनसेलको मुख्य कार्यलयमा आयोजित एक कार्यक्रममा आफुले जितेको स्मार्टफोन ग्रहण गरेकी थिईन । ‘‘मैले यो कलआयो पैसा पायो योजना सुचारु गरेको थिए । आफु एकदमै भाग्यमानी भएको अनुभव भई रहेकोछ । एनसेलले ग्राहकलाइ धेरै नै सेवा सुविधाहरु दिइ रहेकोछ ।,” आफ्नो खुसी व्यक्तगर्दै स्मार्टफोन विजेता मध्यकी एक इलामकी मञ्जना देवानले भनिन् । प्रमाणिकरण भईसकेका विजयी ग्राहकलाई एनसेलको मुख्य कार्यलयबाट तथा देशभरीका एनसेल सेन्टरबाट स्मार्टफोन हस्तान्तरण गरिदै आएको छ । यो योजना अन्तर्गत प्राप्तबोनस एनसेलको नेटवर्क भित्र कुरा गर्न, एसएमएस पठाउन र इन्टरनेट चलाउन समेत प्रयोग गर्न सक्छन् । एनसेलका सबै प्रिपेड तथा पोष्टपेड ग्राहकले १७ हजार १२६ मा डायल गरि यो योजना निःशुल्क सुचारु गरिन्छ भन्न सकिन्छ । त्यसैगरी, ग्राहकले अंगे्रजीमा ‘ए’ टाइप गरी १७ हजार १२६ मा एस्एमएस् पठाएर पनि यो बोनस योजनामा सामेल हुन सक्छन् । यो योजनाले ग्राहकलाई विदेशमा रहेका साथीभाई तथा परिवारका सदस्यसँग सम्पर्कमा रहँदै, एनसेलको नेटवर्कमा रहका अन्य आफन्तजन तथा साथीभाईसँग थप सम्पर्कमा रहन मद्दत पुर्याउदछ ।
नेप्सेको लिखित परिक्षाको नतिजा प्रकाशित(नामसहितकाे सूची)
नेपाल स्टक एक्सचेञ्ज लि.(नेप्से)ले लिखित परीक्षाको नतिजा प्रकाशित भएको छ । नेप्सेको तपशील बमोजिम विभिन्न विज्ञापन, तह, पद र पद संख्याका लागि पदपूर्ति गर्न लोकसेवा आयोगले खुला गरेकाे लिखित परीक्षामा उम्मेदवारहरुमध्ये निम्नलिखित उम्मेदवारहरु उत्तीर्ण भई प्रयोगात्मक तथा अन्तर्वार्ताका लागि छनौट भएका छन् । उत्तीर्ण भएका उम्मेदवारहरुको नाम वर्णानुक्रमानुसार रहेकाे छ । [pdf id=157123]
युरोपियन मुलुक नेपालमा लगानी गर्न इच्छुकः भवानी राणा
काठमाडौं । नेपाल उद्योग वाणिज्य महासंघका अध्यक्ष भवानी राणाले युरोपियन राष्ट्रहरु नेपालमा जलविद्युत, पर्यटन र पूर्वाधारका क्षेत्रमा लगानी गर्न इच्छुक रहेको बताएकी छन् । उनले नेपाल–जर्मन उद्योग वाणिज्य संघको २५औं वार्षिक साधारण सभामा बोल्दै युरोपियन देश नेपालमा लगानीका लागि इच्छुक रहेको बताएकी हुन् । प्रधानमन्त्री केपी शर्मा ओलीको युरोप भ्रमणका क्रममा व्यवसायीहरु नेपालमा लगानी गर्न तयार रहेको पाइएको भन्दै उनले भनिन् ‘नेपालमा बनेको लगानीको वातावरणले उनीहरुलाई आर्कषित गरेको छ ।’ यस्तै, कार्यक्रममा परराष्ट्रमन्त्री प्रदीप ज्ञवालीले जर्मनीबाट नेपालमा ९०० प्रकार सामान नेपालमा आयात हुने गरेको तर, नेपालबाट १७० प्रकारका सामान मात्र जर्मन निर्यात हुँदै आएको बताए । परराष्ट्रमन्त्री ज्ञवालीले निजी क्षेत्र सक्रिय बनेर लागेमा आयात प्रतिस्थापनका साथै निर्यात बढाउन सक्ने बताए । निजी क्षेत्रको प्रवद्र्धनलाई राज्यले उच्च महत्व दिएको बताउँदै उनले जर्मनीले नेपालको आर्थिक विकासलाई विशेष महत्व दिएको बताए । नेपालका लागि जर्मनीका राजदुत रोलाण्ड शेफेरले नेपालमा वैदेशिक लगानीको वातावरण बन्दै गएको बताए । नेपालका लागि व्यवसायिक शिक्षा र सीप मूलक तालिम आवश्यक रहेकाले नेपालका उद्योग वाणिज्य संघहरुले त्यसतर्फ ध्यान दिनुपर्ने उनको तर्क थियो । कार्यक्रममा जर्मनीका लागि पूर्व नेपाली राजदुत मदनकुमार भट्टराईले प्रशासनिक ढिलासुस्ती र कर प्रणाली अन्त्य तथा ट्रेड युनियनहरु सुद्रिय वैदेशिक लगानीको वातावरण बन्दै जाने बताए । यस्तै, संघका अध्यक्ष सिनोन दोजी लामाले नेपाल र जर्मनीबीचको व्यापार प्रवद्र्धन गर्न तथा जर्मनीबाट लगानी भित्र्याउन पहल गर्ने बताए । साधारण सभाबाट अनुमबहादुर मल्लको नेतृत्वमा ११ जना सदस्यीहरु चयन गरेको छ । संघको सदस्यमा ज्ञानेन्द्रलाल प्रधान, सन्तोषचन्द्र कुँवर, नरेशलाल श्रेष्ठ, बविन्द्रथान ठाकुर, उत्तम भट्टराई, समिक बिक्रम शाह, भक्तबहादुर हमाल, एलेक्सलाल मोक्तान, प्रमोदराज सत्याल, ताइजेससुन्दरलाल कक्षपति र सुवाथिस थपलिया चयन भएका छन् ।
पशुपतिमा आर्थिक पारदर्शिता गर्न राष्ट्रिय सरोकार समितिको निर्देशन
काठमाडौं । राष्ट्रियसभा अन्तर्गतको राष्ट्रिय सरोकार समितिले पशुपति क्षेत्र विकास कोषलाई भेटी र आर्थिक कारोबार सार्वजनिक गर्न निर्देशन दिएको छ । समितिकी सभापति दिलकुमारी रावल ‘पार्वती’को अध्यक्षतामा बसेको समितिको बैठकले सो निर्देशन दिएको हो । समितिले पशुपति क्षेत्र विकास कोषको गुरुयोजना तत्काल निर्माण गर्न र कोषको स्वामित्वमा रहेको जमिनको आम्दानीबारे समायानुकुल मूल्याङ्कन गरी लागू गर्न निर्देशन दिएको छ । पशुपति क्षेत्रको धार्मिक, एतिहासिक, साँस्कृतिक महत्वलाई कायम राखी पुनःनिर्माण, संरक्षण र विकासमा ध्यान दिनुपर्ने सभापति रावलले बताइन् । पशुपति क्षेत्र अन्तर्गत रहेका पशुपंक्षी तथा जनावरहरुको संरक्षण, बागमती लगायतका नदीहरुको संरक्षण, नागार्जुन, शिवपुरी लगायतका वनको संरक्षण र विभिन्न निकायहरु बीच सहकार्य र समन्वयमा ध्यान दिन समितिको निर्देशनमा उल्लेख छ । पशुपति क्षेत्रको सम्पूर्ण जमिनको नाप नक्साङ्कन गरी जग्गा धनी पूर्जा दिलाउन नेपाल सरकारको ध्यानाकर्षण समेत समितिले गराएको छ । कोषका तर्फबाट कार्यपत्र प्रस्तुत गर्दै सदस्य सचिव डा. प्रदिप ढकालले हालसम्म पशुपति क्षेत्र विकास कोषको भौतिक प्रगति ७० प्रतिशत र बित्तीय प्रगति ५६ प्रतिशत रहेको बताए । २०७०÷७१ सालदेखि कोषले शवदाह गृह निर्माण तथा सञ्चालन, उद्यान विकास, पर्खाल निर्माण, ढुङ्गेधारा संरक्षण, धर्मशालाको जीर्णद्धार, भू–क्षय नियन्त्रण, छात्रवास भवन मर्मत, घाट मर्मत सुधारलगायतका काम गरेको उनले बताए । क्षेत्र विकास कोषको गुरुयोजनाको नक्सा तयार भएको र तथ्याङ्क संकलन र गुरुयोजना लेखनको काम भइरहेको उनको भनाइ छ । संस्कृति, पर्यटन तथा नागरिक उड्डयन मन्त्रालयका सहसचिव घनश्याम उपाध्यायले छिट्टै गुरुयोजना तयार गर्ने प्रतिद्धता जनाए । पशुपति क्षेत्रको कुल क्षेत्रफल २६४ हेक्टर मध्ये ८३.५५ हेक्टर क्षेत्रफल प्राचिन स्मारक क्षेत्र पर्छ । धार्मिक, आध्यात्मिक, पुरातात्विक, सांस्कृतिक एवम् प्राकृतिक दृष्टिकोणले महत्वपूर्ण स्थल पशुपतिनाथ क्षेत्रको योजनाबद्ध विकासका लागि पशुपति क्षेत्र विकास कोष स्थापना गरिएको हो । पशुपति क्षेत्र भित्र करिब ५१८ साना ठूला धार्मिक तथा ऐतिहासिक स्मारक रहेका छन् । सन् १९७९ देखि यूनेस्कोबाट पशुपतिनाथलाई विश्वसम्पदा सूचीमा सूचीकृत गरेको थियो । २०४३ पुस १ गते कोष स्थापना गर्ने घोषणा गरिएको थियो भने पशुपति क्षेत्रलाई आर्थिक वर्ष २०७०÷७१ देखि नेपाल सरकारले राष्ट्रिय गौरवको आयोजनाको रुपमा राखेको थियो ।
सूर्या लाइफ इन्स्योरेन्सलाई इमर्जिङ्ग एशिया इन्स्योरेन्स् अवार्ड
काठमाडौं । सूर्या लाइफ इन्स्योरेन्सले इमर्जिङ्ग एशिया इन्स्योरेन्स् अवार्ड २०१९ पाउन सफल भएको छ । इन्स्योरेन्स्लाई भारतीय चेम्बर अफ कमर्शले सन् १४ जुन, २०१९मा थाईल्याण्डको बैंककमा आयोजना गरेको पुरस्कार वितरण गरेको छ । कार्यक्रममा सूर्या लाइफ इन्स्योरेन्सले नेपालमा बीमा व्यवसाय विस्तार सम्बन्धी रणनीतिक सफलताका लागि विशेष भूमिका खेलेकोले इमेरजिङ्ग एशिया इन्स्योरेन्स् अवार्ड २०१९ पुरस्कार दिएको हो । कम्पनीले भारतीय चेम्बर अफ कमर्शबाट स्पेसल रेकग्निसन् फर इन्स्योरेन्स स्पेरडीङ् स्ट्रयाटेजी फर द् यर २०१९ पुरस्कार प्राप्त गर्न सफल भएको हो । पुरस्कार वितरण समारोहमा भाग लिन कम्पनीका अध्यक्ष केशव प्रसाद भट्टराई तथा प्रमुख कार्यकारी अधिकृत शिवनाथ पाण्डे थाइल्याण्ड पुगेका थिए ।
ग्लोबल आइएमई बैंकले एकैदिन संचालनमा ल्यायो थप १७ शाखारहित बैंकिङ्ग सेवा
काठमाडौं । ग्लोबल आइएमई बैंकले विभिन्न जिल्लाहरुमा थप १७ वटा शाखारहित बैंकिङ्ग सेवा सञ्चालनमा ल्याएको छ । थप १७ वटा शाखारहित बैंकिङ्ग सेवा संचालनमा आएपछि हाल बैंकको शाखारहित बैंकिङ्ग सेवाको संख्या १५५ पुगेको छ । बैंकले सिराहा जिल्लाको सन्हैठाचोक, कालिकोटको रेगिल, पर्साको मनवाबजार, पर्वतको राम्जा ठाँटी, परासीको जर्गाहा, संखुवासभाको लोहाकोट, पाल्पा जिल्लाको वीरकोट, गुल्मीको पराल्मी, मोरङ्गको चाँदनी चोक एव्म लक्ष्मीमार्ग, झापा जिल्लाको भृकुटी चोक, तनहूँ जिल्लाको देबघाट, उदयपुर जिल्लाको हडियाबजार, तनहूँको नेपालटार, चितवनको भालुमारे, चितवनकै शक्तिखोर र गुल्मीको चोरकाटेमा शाखारहित बैंकिङ्ग सेवाको शुरुवात गरेको छ । साथै बैंकले दमक शाखा, काठमाडौं, कपनको साततले र वीरगंज स्थित नारायणी सब रिजनल अस्पताल परिस र माए.टि.एम. सेवा पनि सञ्चालनमा ल्याएको छ । शाखारहित बैंकिङ्ग सेवाबाट देशका विभिन्न ग्रामीण क्षेत्रका स्थानिय बासिन्दाले स्थानिय प्रतिनिधिमार्पmत बैंकिङ्ग सेवा लिन सक्नेछन् । यसबाट निक्षेप खाता खोल्ने, तोकिएको सीमा सम्मको रकम जम्मागर्ने तथाझिक्ने, आफ्नो खातामा रहेको मौज्दातको जानकारी लिने, कर्जाको व्याज भुक्तानी गर्ने, डिशहोम/सीडीएमए/यूटिएल/एनटीसीको महसुल भुक्तानी गर्ने, मोबाइल रिचार्जगर्ने लगायतका सेवालिन सक्नेछन् । कृषि, रेमिट्यान्स तथापर्यटन मुख्य आयस्रोत रहेको यी क्षेत्रका बासिन्दाले बैंकिङ्ग सेवाउपभोग गर्नका लागि टाढा–टाढासम्म पुग्नुपर्ने बाध्यतालाई हटाउनको लागि ग्लोबल आइएमई बैंकले ती स्थानहरुमा शाखारहित बैंकिङ्ग सेवा शुरु गरेको छ । बैंकले १३७ वटा शाखा, २६ वटा एक्सटेन्सन काउण्टर एवम् राजश्व संकलन काउण्टर, १४८ एटिएम तथा १५५ शाखा रहित बैंकिङ्ग सेवा प्रदान गर्दै आइरहेको छ ।
खाद्य प्रविधिका महानिर्देशकसहित १३ जना विरुद्ध भ्रष्टाचार मुद्धा, २४ करोड घोटाला गरेको आरोप
काठमाडौं । खाद्य प्रविधि तथा गुण नियन्त्रण विभागका महानिर्देशक संजीव कुमार कर्णसमेत १३ जना विरुद्ध भ्रष्टाचार मुद्धा दायर भएको छ । अख्तियार दुरुपयोग अनुसन्धान आयोगले कृषि आधुनिकीकरण परियोजनाको खरिद प्रकरणमा भ्रष्टाचार गरेको ठहर गर्दै महानिर्देशक कर्णसहित १३ जना विरुद्ध बिशेष अदालत काठमाडौंमा मद्धा दायर गरेको हो । परियोजनाबाट खरिद गरिएको चारवटा प्रयोगशाला मोबाइल भ्यान खरिदै नगरि बिल भुक्तानी गरेर २४ करोड ८० लाख ९५ हजार एक सय १६ रुपैंयाँ अनियमितता गरेको अख्तियारको ठहर छ । अख्तियारले महानिर्देशक कर्ण, बरिष्ठ खाद्य अनुसन्धान अधिकृत पूर्णचन्द्र वस्ती, लेखापाल रविता श्रेष्ठ, नायब सुब्बा गुरुदत्त गौतम, शाखा अधिकृत भागिरथ आचार्य, प्रधानमन्त्री कृषि आधुनिकीकरण परियोजना व्यवस्थापन इकाई खुमलटारका उपसचिव (लेखा) गणेश प्रसाद चालिसे, लेखापाल बालाराम पोख्रेल, तत्कालीन परियोजना निर्देशक नरहरि प्रसाद घिमिरे, बरिष्ठ कृषि इन्जिनियर सरोज अधिकारी, बरिष्ठ योजना अधिकृत तिलकराज चौलागाई, परियोजना निर्देशक लक्ष्मण प्रसाद पौडेल र बरिष्ठ अनुगमन मूल्याङ्कन अधिकृत इन्द्रहरि पौडेल विरुद्ध मुद्धा दायर गरेको हो । सप्लायरकाका प्रतिनिधि प्रविण कुँवर विरुद्ध पनि मुद्धा परेको छ ।
