निगमको दुबई घटना : कालाखेतीको नेतृत्वमा छानविन समिति गठन
काठमाडौं । शनिबार काठमाडौं–दुबई घटनाको छानविन गर्न नेपाल वायुसेवा निगमले समिति गठन गरेको छ । शनिबार साँझ दुबई उड्नुपर्ने निगमको एयरबस ३३० (वाइडबडी) जहाज पाइटल विरामी परेपछि आईतबार बिहान मात्र उडान गरेको थियो । काठमाडौंमा २६६ जना यात्रुको बोडिङ पास भएपछि पाइटल बिरामी भएको भन्दै उडान रोकिएको थियो । उक्त घटना सार्वजनिक भएपनि निगमका कार्यकारी अध्यक्ष युवराज अधिकारीले निर्देशनमा तीन सदस्सीय छानविन समिति गठन गरेका छन् । निगमका डेपुटी म्यानेजिङ डाइरेक्टर जनक कालाखेतीको संयोजकत्वमा आइतबार तीन सदस्यीय गठन गरिएको हो । उक्त समितिमा क्याप्टेन सुरज भण्डारी र नारायण धिताल सदस्य रहेका छन् । शनिबार राति साढे १० बजे दिल्लीबाट काठमाडौं फर्केको निगमको मकालु नाम भएको वाइडबडी विमान शनिबार राति १२ बजे दुबई उडानका लागि राखिएको थियो । दिल्लीबाट जहाज ल्याएका क्याप्टेन योगेश हिराचन र को–पाइलट गोपालसिंह विष्ट नै दुबई जानुपर्ने तालिका थियो । तर, उडानका क्रममा को-पाइटल विष्टको स्वास्थ्यमा समस्या देखिएपछि उनले बिरामी भएको (सिट रिपोर्ट) जानकारी निगमलाई गरेका थिए । तर, उनको स्थानमा अर्काे कोे-पाइटल राख्न नसक्दा शनिबारको उडान नै प्रभावित बनेको थियो । ‘उडानका क्रममा निगमको अपरेशन विभागको लापरबाही देखिएको पाइएको छ, पाइटलको व्यवस्थापन नै नगरी एकैपटक तालिममा पठाउनु र उडान लिस्टमा विकल्पमा अर्काे पाइलट नराख्दा उडाड नै रोकियो’, निगमका कार्यकारी अध्यक्ष युवराज अधिकारीले भने, ‘हिजो भएको घटना अपरेशन विभागको लापरबाहीको कारण हो ।’ पाइटलहरु असन्तुष्ट शनिबार दुबईको घटनापछि निगमका सिनियर पाइटलहरुले अपरेशन विभागको लापरबाही भएको भन्दै कार्यकारी अध्यक्षसँग असन्तुष्टी व्यक्त गरेका छन् । उक्त विषयलाई लिएर उनिहरुले आइतबार निगमका कार्यकारी अध्यक्ष युवराज अधिकारीलाई जानकारी समेत गराएका थिए । ‘यो घटना नयाँ होइन, यस्तै घट्दा भैरहन्छ, तर निगम व्यवस्थापनले अहिलेसम्म कुनै कारवाही गरेको छैन, यस्तै काम निरन्तर हुँदा र एक जना कर्मचारीको लापरवाहीले ५५० जना यात्रुले दु:ख पाउनु राम्रो होइन’, निगमका एक क्यापटेनले भने, ‘यस्को मुख्य जिम्मेवार निगमको ट्रेनिङ विभागको हो, ट्रेनिङ विभाग अपरेशन विभाग अन्तरगत पर्छ ।’ अल्टरनेट (जगेडा) पाइटलको वेवस्थापन नहुँदा समस्या भएको ती क्यापटेनको भनाइ छ । उनीहरुले कार्यकारी अध्यक्षलाई यस्तै घटना पुनः दोहोरिए उडान गर्न नसक्ने समेत चेतावनी दिएका छन् ।
निगमकाे प्रवक्ता परिवर्तन, पौडेलले पाए जिम्मेवारी
काठमाडौं । नेपाल वायुसेवा निगमको प्रवक्ताको जिम्मेवारी रमेश पौडेलले पाएका छन् । निगमको कर्मशियल विभागमा कार्यरत पौडेललाई आइतबारदेखि लागु हुने गरी प्रवक्ताको जिम्मेवारी दिईएको हो । निगमका कार्यकारी अध्यक्ष युवराज अधिकारीले अर्चना खड्काको जिम्मेवारी खोस्दै पौडेललाई प्रवक्ताको जिम्मा दिएका हुन । शनिबार साँझ काठमाडौं–दुबई उडानका विषयलाई लिएर अध्यक्ष अधिकारीले खड्कालाई जिम्मेवारीबाट हटाएको निगमका अधिकारीहरु बताउँछन् । शनिबारको घटना मिडियामा सार्वजनिक गरेको भन्दै प्रवक्ता परिवर्तन गरिएको बुझिएको उनिहरु बताउँछन् ।
टावर मर्मतको लागि चैत २२ गते मनकामना केबुलकार बन्द रहने
काठमाडौं । मनकामना केबुलकारले एक दिनको लागि केवुलकार सेवा बन्द गर्ने भएको छ । कम्पनीले केबुलकारको टावर मर्मत सम्भार कार्यको लागि चैत २२ गते बुधबार १ दिनको लागि केवुलकार सेवा बन्द गर्न लागेको हो । जसअनुसार केवुलकार टावरको मर्मत संभार सकिएलगत्तै चैत २३ गते बिहीबारबाट केबुलकार सेवा नियमित सुचारु हुर्ने कम्पनीले जनाएको छ । उक्त अवधिभरी केवलकार बटम स्टेशनमा रहेको रेष्टुरेण्ट सेवा भने यथावत् रहनेछ । कम्पनीले मनकामना केवलकारलाई नेपालकै पहिलो डिजिटल कनेक्ट सिस्टममा स्तरउन्नत्ति गरेको छ ।
