कुमारी बैंकद्धारा वृक्षारोपण कार्यक्रम सम्पन्न, वातावरण संरक्षण गर्ने उद्देश्य
काठमाडौं । कुमारी बैंक लिमिटेडले विश्व वातावरण दिवस, २०७५को अवसर पारेर वृक्षारोपण कार्यक्रम आयोजना गरि सम्पन्न गरेको छ । बैंकले हरियाली कायम गरी वातावरण संरक्षण गर्ने उद्देश्यले उक्त कार्यक्रमको आयोजना गरेको हो । उक्त कार्यक्रम बैंकको नक्सालस्थित कार्यालय तथा त्रिभुवन अन्तराष्ट्रिय विमानस्थलस्थित बाबा आश्रममा आयोजना गरिएको थियाे । कार्यक्रममा बैंकका प्रमुख कार्यकारी अधिकृत सुरेन्द्र भण्डारी लगायत बैंकका उच्च अधिकारीहरुको उपस्थिति रहेको थियो । नेपाल राष्ट्र बैंकले यस वर्षको विश्व वातावरण दिवसका अवसरमा “एक कर्मचारी एक फलफूल विरुवा” अन्तर्गत सबै वित्तीय संघसंस्थाहरुलाई वृक्षारोपण गर्न आह्वान गरेको थियो । साथै, कुमारी बैंकले यस वर्षको विश्व वातावरण दिवसको अवसरमा संस्थागत सामाजिक उत्तरदायित्व अन्तर्गत विभिन्न शाखा कार्यालय परिसरहरुमा पनि फलफूलको बिरुवा रोपेको छ ।
वातावरण दिवसको अवसरमा सिद्धार्थ बैंकद्धारा प्रभातफेरि आयोजना
काठमाडौं । सिद्धार्थ बैंकले विश्व वातावरण दिवसको उपलक्ष्यमा “काठमाडौं हरियाली, मेरो जिम्मेबारी, नगरबासीमा खुसियाली” नारा सहितको प्रभात फेरि कार्यक्रमको आयोजना गरेको छ । बैंकले महानगरिय प्रहरी वृत्त, दरवारमार्गको सहकार्यमा उक्त कार्यक्रम आयोजना गरी सम्पन्न गरेको हो । साथै, बैंकले काठमाडौलाई सफा, स्वच्छ र हराभरा बनाउने अभियान अन्तर्गत् कान्तिपथ, दरवारमार्ग, रत्नपार्क, जमल र असनको ज्याठा लगायतविभिन्न स्थानहरुमा सरसफाइतथा वृक्षारोपण कार्यक्रम समेत गरेको थियो । वातावरणको संरक्षण गर्नु सबै नागरिक तथा संस्थाहरुको सामाजिक उत्तरदायित्व हो भन्ने जनचेतना फैलाउने उद्देश्यले बैंकले सो कार्यक्रममा सहभागिता जनाएको हो । आगामी दिनहरुमा पनि यस्तै प्रकारका विभिन्न संस्थागत सामाजिक कार्यहरुलाई अझ बढी सुदृढ बनाउँदै लैजाने बैंकले जनाएको छ ।
भरियालाई आठ करोड जरिवानासहित साढे १० वर्ष जेल
लमजुङ । अन्नपूर्ण पदमार्गअन्तर्गत लमजुङको खुदीमा १७ किलो सुनसहित पक्राउ परेका युवकलाई आठ करोड रुपैयाँ जरिवानासहित १० वर्ष छ महिना जेल सजायको फैसला भएको छ । ज्याला मजदूरी गर्दै आएका मनाङको नासोङ गाउँपालिका–९, दानाक्युका ३१ वर्षीय पासाङ गुरुङलाई उक्त सजाय फैसाला भएको हो । जिल्ला अदालत लमजुङका न्यायाधीश कोमलप्रसाद आचार्यको इजलासले संगठित अपराध निवारण ऐन, २०७० अन्तर्गत सो कैद सजायको फैसला गरेकोे अदालतले जनाएको छ । बिगोबमोजिम उनलाई रु आठ करोड १६ लाख १४ हजार ९६० जरिवाना तोकिएकोे अदालतका स्रेस्तेदार भूमिप्रसाद शर्माले जानकारी दिए। मनाङबाट बेंसीशहरतर्फ मोटरसाइकलमा आएका गुरुङ पाँच महिनाअघि १७ किलो सुनसहित मस्र्याङ्दी–२, खुदीमा पक्राउ परेका थिए । भरियाका रुपमा सुन बोकेका गुरुङ पक्राउ परे पनि यसको तस्कर समूह अझै पक्राउ पर्न सकेका छैन् । रासस
