अब घरमै बसेर ‘छ माया छपक्कै’ हेर्न सकिने
काठमाडौं । बैंशाख ११ गतेदेखि डिश होम प्रयाेगकर्ताले घरमै बसेर ‘छ माया छपक्कै’ हेर्न सकिने छन् । विश्वमा कोरोनाको कहरसँगै लकडाउनको अवधिका दर्शकको चाहनालाई मध्यनजर गर्दै डिश होमअन्तर्गतकाे सिनेमाघर च्यानल नं. ८८८ बाट प्रदर्शन हुने कलाकार तथा निर्माता दिपकराज गिरीले जानकारी दिए । ‘दर्शकको चाहना अनुसार कम्तीमा २ देखि ४ हप्तासम्म नि जान सक्छ ।’ उनले भने दिपकराज गिरी र केकी अधिकारीको मुख्य भुमिका रहेको यो फिल्मको निर्देशन दिप्रेन्द्र लामाले गरेका थिए । बक्स अफिसमा उच्च स्थान राख्न सफल ‘छ माया छपक्कै’ को माग आएसँगै फेरी डिश होम प्रयोगकर्ताले सिनेमाघर च्यानलमार्फत २ सय २५ रुपैयाँ बढी तिर्नु पर्ने छ । गत मंसिर १३ गते डिश होम अन्तर्गतको चलचित्र च्यानल नं. १०८बाट ‘छ माया छपक्कै’ प्रदर्शन भएको थियो ।
अर्थसमितिका सभापति दाहालले काठमाडौँमा अलपत्र परेका ३५० जना मकवानपुरेलाई घर फर्काए
काठमाडौं । लकडाउनको कारणले काठमाडौं उपत्यकामा बेखर्ची भएर बसेका मकवानपुरेहरुलाई आज संघीय सांसद तथा अर्थसमितिका सभापति कृष्णप्रसाद दाहालले घर आउने व्यवस्था गरेका छन् । मकवानपुर क्षेत्र नम्बर १ का सांसद दाहालको पहलामा विभिन्न पेशा व्यवसाय गर्दै आएका र २९ दिनदेखि जारी लकडाउनका कारण समस्यामा परेका ३ सय ५० जना मकवानपुरहरुको आज उद्धार गरिएको हो । ‘मकवानपुरका जनताहरको बिचल्ली नहोस्, सबै आफ्नो परिवारसगँ बस्न पाउन भनेर बसको व्यवस्थापन गरेर घर पठाएका हौं,’ दाहालले भने । आज ३५० जनाको उद्धार गरिएको र बाँकी रहेकाहरुको पुनः उद्धार गरिने अर्थसमितिका सभापति दाहालले बताए । मकवानपुरेहरुको उद्धारका लागि नारायणी यातायात व्यवसायिक कम्पनी प्रालिको अध्यक्ष गोकण पराजुलीको सहयोगमा ७ वटा बसको व्यवस्थापन भएको थियो । काठमाडौँबाट मकवानपुरेहरुको उद्धारमा नेपाल कम्युनिष्ट पार्टी(नेकपा) मकवानपुर–काठमाडौं सम्पर्क मञ्चका अध्यक्ष जगत थिङ, बागमती प्रदेश युवा तथा खेलकुद सदस्य नारायण सापकोटा, अनेरास्वायु केन्द्रीय सदस्य दीपक न्यौपाने र दामोदर फुयाल, प्रेस संगठन नेपाल काठमाडौँका सदस्य राजाराम न्यौपाने र युवा समाजसेवी उज्ज्वल दाहालले समन्वकारी भूमिका खेलेका थिए ।
मोबाइल फोन इम्पोर्टर्स एशोशिएसनले हस्तान्तरण गर्याे ८ हजार थान मास्क
काठमाडाैं । मोबाइल फोन इम्पोर्टर्स एशोशिएसन (एमपीआईए) ले महानगरीय ट्राफिक प्रहरी महाशाखालाई ८ हजार थान मास्क हस्तान्तरण गरेको छ । कोभिड-१९ महामारी नियन्त्रण गर्ने सरकार निकायको प्रयत्नलाई सहयोग गर्न एमपीआईएले उक्त सहयाेग गरेकाे हाे । सिहंदरबार बग्गीखाना स्थित ट्राफिक प्रहरीको कार्यालयमा आयोजित समारोहमा एमपीआईएका अध्यक्ष दिपक कुमार मलहोत्रा एवं पदाधिकारीहरुले संयुक्त रुपमा प्रहरी वरिष्ठ परीक्षक भीम प्रसाद ढकाललाई सहयोग स्वरुप मास्क हस्तान्तरण गरेका हुन् । अध्यक्ष मलहोत्राले यस सहयोगले कोरोना महामारी विरुद्ध लडिरहेको राष्ट्रिय सुरक्षा निकायलाई थप बल प्रदान गर्ने बताए ।
