नेशनल लाइफलाई फ्ल्याट भाडामा लिने
काठमाडौं । नेशनल लाइफ इन्स्योरेन्स कम्पनीले घर भाडामा लिने भएको छ । यस कम्पनीले पेप्सीकोला शाखा कार्यालयको लागि पेप्सीकोला चोकमा फ्ल्याट भाडामा लिने भएको हो । कम्पनीका अनुसार पेप्सीकोला चोकको मुख्य सडकको ५ सय मीटर परिधिमा आरसीसी सिस्टमबाट निर्माण भएको फ्ल्याट भाडामा आवश्यक परेको हो । भाडामा दिन इच्छुक व्यक्ति वा संस्थाले आफुले चाहेको मासिक बहाल रकम (कर सहित÷कर बाहेक) उल्लेख गरी ७ दिनभित्र बोलपत्र पेस गर्न कम्पनीले अनुरोध गरेको छ ।
कामना सेवा विकास बैंकद्वारा वित्तीय साक्षरता कार्यक्रम आयोजना
काठमाडाैं । कामना सेवा विकास बैंकले शाखा कार्यालय मिर्चैयामार्फत श्री ब्रम्हचारी दामोदरानन्द कलेजमा वित्तीय साक्षरता कार्यक्रम आयोजना गरेको छ । कम्पनीले संस्थागत सामाजिक उत्तरदायित्व अन्तर्गत कलेजका प्रमुख, शिक्षक र स्नातक तथा स्नानकोत्तर तहका विद्यार्थीहरुको सहभागितामा वित्तीय साक्षरता कार्यक्रम सम्पन्न गरेको बताएको छ कार्यक्रममा ७० जनाभन्दा बढी विद्याथीहरुको सहभागिता थियो । कम्पनीका कर्मचारीद्वारा उक्त कार्यक्रममा सहभागीहरुलाई वित्तीय व्यवस्थापन, बचत र खर्चको व्यवस्थापन, डिजिटल बैंकिङ, डिजिटल बैंकिङमा अपनाउनु पर्ने सर्तकता लगायतका विषयमा साक्षरता प्रदान गरिएको थियो । उक्त कार्यक्रममा बोल्दै कलेजका प्रमुख सन्जय कुमार साहले सामाजिक उत्तरदायित्व कार्यक्रम अन्तर्गत आयोजना गरिएको कार्यक्रम सकरात्मक रहेको बताए । कम्पनीले यस प्रकारका कार्यक्रमहरु आगामी दिनमा पनि सञ्चालन गर्ने योजना रहेको बताएको छ ।
एलआईसी नेपालले ल्यायो बीमांकको दुई गुणा सुरक्षा प्रदान गर्ने पोलिसी
काठमाडौं । लाइफ इन्स्योरेन्स कर्पोरेशन (एलआईसी) नेपालले नयाँ बीमा पोलिसी सार्वजनिक गरेको छ । मंगबार सार्वजनिक गरेको उक्त पोलिसीले दुई गुणासम्म सूरक्षण प्रदान गर्ने छ । जीवन उत्सव बीमा नामको उक्त पोलिसिले बीमांकको दुई गुणासम्म सुरक्षा प्रदान एवं थप अतिरिक्त दुर्घटना लाभ लिएमा सो समेत प्रदान गर्ने कम्पनीले जनाएके छ । नियमित आर्जित बोनसको साथमा थप अतिरिक्त लाभ (बोनस सुविधा) र बीमितको मृत्यु हुँदा बीमांकको दोब्बर रकमसहित आर्जित बोनस प्रदान गरिने विशेषता भएको जीवन उत्सव योजना कम्पनीले ल्याएको हो । सो बीमा योजना कम्पनीका प्रमुख कार्यकारी अधिकृत प्रणय कुमार, नायब कार्यकारी निर्देशक ए दत्ता, सुचना प्रविधि प्रमुख रोहित बुदियाल, मार्केटिङ विभाग प्रमुख प्रकाशभक्त उपाध्याय र अण्डरराईटिङ विभाग प्रमुख सबिना श्रेष्ठलगायत अन्य विभागीय प्रमुखहरू तथा कर्मचारीहरूले बुधार संयुक्त रूपमा शुभारम्भ गरेका छन् । कार्यक्रममा बोल्दै कम्पनीका प्रमुख कार्यकारी अधिकृत कुमारले यो बीमा योजना नेपालमै नयाँ भएको र नेपाल बीमा प्राधिकरणको निर्देशिका बमोजिम ल्याइएको बताए । यस बीमा योजनाले हाल बीमा अवधि नपुग्दै बीमा परित्याग गर्ने परिपाटीलाई निरुत्साहित गर्ने र बीमालाई लामो अवधिसम्म चलाउन मद्दत गर्ने विश्वास उनले व्यक्त गरे ।
