नागरिक लगानी कोषको बोनस सेयर सूचीकृत
काठमाडौं । नेपाल स्टक एक्स्चेञ्ज (नेप्से) मा नागरिक लगानी कोषको बोनस सेयर सूचीकृत भएको छ । बुधबार मात्रै कोषको ३० प्रतिशत बोनस सेयर सूचीकृत भएको हो । यससँगै संस्थाको ९८ लाख १० हजार कित्ता बोनस सेयर थपिएको छ । यसअघि संस्थाको ४ करोड ५२ लाख १० हजार ४ कित्ता सेयर नेप्सेमा सूचीकृत भएको छ । त्यस्तै, कोषको चुक्ता पुँजी ४ अर्ब २५ करोड रुपैयाँ छ ।
नबिल इक्विटी र नबिल ब्यालेन्स फण्डको लाभांश घोषणा, बुक क्लोज कहिले ?
काठमाडौं । नबिल म्युचुअल फण्ड अन्तर्गत सञ्चालित नबिल इक्विटी र नबिल ब्यालेन्स फण्डको लाभांश घोषणा भएको छ । असोज २५ गते बिहान बसेको नबिल इन्भेष्टमेन्ट बैंकिङ्गको सञ्चालक समितिको बैठकले आर्थिक वर्ष २०७८/७९ को लाभांश घोषणा गरेको हो । जसमध्ये नबिल इक्वीटी फण्डका इकाईधनीलाई कर सहित ५ प्रतिशत नगद लाभांश वितरण गरिने प्रस्ताव रहेको छ । त्यसैगरी, नबिल ब्यालेन्स फण्ड २ का इकाईधनीलाई आव २०७८/७९ को नाफाबाट करसहित ७ प्रतिशत प्रतिफल वितरण गर्ने भएको छ । उक्त लाभांश प्रयोजनको लागि कार्त्तिक १८ गते एकदिन बुक क्लोज हुने भएको छ ।
नबिल इक्विटी र ब्यालेन्स फण्डको कारोबार रोक्का
काठमाडौं । नेपाल स्टक एक्स्चेञ्ज (नेप्से) ले नबिल इक्विटी र नबिल ब्यालेन्स फण्ड २ को कारोबार रोक्का गरिदिएको छ । नेप्सेले बुधबार मात्रै यी फण्डको कारोबार रोक्का गरिदिएको हो । लिस्टिङ विनियम २०७५ को पालना नगरेको भन्दै नेप्सेले उक्त दुई फण्डको कारोबार रोकिएको छ ।
