हिमस्टार होम अप्लाइन्सेसको ‘हिमस्टार फुटवल मेला’ सम्पन्न
काठमाडौं । एक महिना अघिदेखि संचालन भएको हिमस्टार फुटवल मेला आधिकारिक रुपमा सम्पन्न भएको छ । यस अफर अन्तर्गत हिमस्टारका टिभी, वासिङ्ग मेसिन र भ्याकुम क्लिनर खरिद गर्ने ग्राहकले विशेष अफर प्राप्त गरेका थिए । कम्पनीका अनुसार यस योजना अन्तर्गत निकै धेरै प्रतिक्रिया आएको र धेरै ग्राहहरु यो योजनासँग जोडिएका छन् । यो योजनाको सफलतासँगै कम्पनीले निकट भविष्यमा आफ्ना अमूल्य ग्राहक केन्द्रित योजनाहरु ल्याउने छ । हिमस्टार ब्रान्ड हिम इलेक्ट्रोनिक्स प्रा.ली. अन्तर्गतको गोल्छा कम्पनीको भगिनी संस्था हो । विगत २० बर्षदेखि हिम इलेक्ट्रोनिक्सले विभिन्न विद्युतीय सामान उत्पादन गर्दै आफ्ना उपभोक्तामा विक्री वितरण गर्दै आइरहेको छ । यस ब्रान्डको उत्पादन १९९८ देखि नेपाली ग्राहकमाझ निकै चर्चित रहेको छ ।
रोनाल्डोलाई इटालीमा भव्य स्वागत (भिडियोसहित)
काठमाडौं । पोर्चुगलका स्ट्रार स्ट्राइकर क्रिष्टियानो रोनाल्डो इटाली लागेका छन् । १२० मिलियन युरोमा इटालियन क्लब युभेन्टस्ले अनुबन्ध गरेपछि रोनाल्डो आइतबार इटाली लागेका हुन् । उनलाई इटालीमा भव्य स्वागत गरेको छ । उनको समर्थनमा रंगशालामा हजारौं पुगेका छन् । आइतबार नै रोनाल्डोको मेडिकल भैसकेको छ भने केहि दिनमा अभ्यासमा उत्रिने छन् । युभेन्टसले रोनाल्डोलाई ४ वर्षका लागि अनुबन्ध गरेको छ । ३३ वर्षिय रोनाल्डोलाई रियल म्यड्रिडले उत्कृट लयमा छदै बेचेको हो । उनले म्याड्रिडमा ९ वर्ष विताएका थिए । भिडियो हेर्न यहाँ क्लिक गर्नुहोस्
१७ वटै स्थानीय तहमा सिद्धार्थ बैंककाे शाखा, सबैभन्दा पहिलाे बन्न सफल
काठमाडौं । सिद्धार्थ बैंक लिमिटेडले तोकिएका सबै १७ वटै स्थानीय तहमा शाखा संचालनमा ल्याएको छ । बैंकिङ्ग पहुँच नपुगेका सबै गाउँपालिका तथा नगरपालिकाहरुमा अनिवार्यरुपमा वाणिज्य बैंकको शाखा विस्तार गर्ने नेपाल सरकारको नीति अनुसार बैंकले सबै तहमा शाखा कार्यालय विस्तार गरी सञ्चालनमा ल्याएको हो । नेपाल राष्ट्र बैंकले सबै बैंकहरुलाई तोके बमोजिम स्थानीय तहमा खोल्नुपर्ने सबै शाखाहरु संचालनमा ल्याउनेमा सिद्धार्थ बैंक पहिलो बैंक हो । स्थानीय तहमा खोलिएका समेत गरी बैंकका सबै शाखाहरुबाट सरकारी तथा अन्य संघ संस्थाका साथैै सर्वसाधारण एवं उद्यमी व्यवसायीहरुले सबै प्रकारका निक्षेप तथा कर्जा कारोवार सुविधा, रकम भुक्तानी लगायत सम्पूर्ण बैंकिङ्ग सेवा प्राप्त गर्न सक्नेछन् । बैंकले बैंकिङ्ग कारोबार थप सहज र सुलभ बनाउने उद्देश्यले अत्याधुनिक प्रविधियुक्त र जोखिम रहित इन्टरनेट एवं मोबाइल बैंकिङ्गमार्फत समेत ग्राहकहरु सेवा प्रदान गर्दै आएको छ । बैंकले अगामी दिनहरुमा पनि थप शाखाहरु विस्तार गर्दै नवीनतम र आधुनिक बैंकिङ्ग सेवा प्रदान गर्ने योजना बनाएको छ । बैंकले हाल १२१ वटा शाखा (३ एक्स्टेन्सन् काउन्टर सहित), ९९ शाखारहित बैंकिङ्ग सेवा, ११६ एटीएम र ९०० भन्दा बढी पीओएस् मेसिनमार्फत् गुणस्तरीय बैैकिङ्ग सेवा प्रदान गर्दै आएको छ ।
नेपाल बंगलादेश बैंकको नयाँ एटीएम सेवा आइक्यान परिसरमा
काठमाडौं । नेपाल बंगलादेश बैंक लिमिटेडले आफ्नो ५६औं एटीएम सेवा सञ्चालनमा ल्याएको छ । बैंकले ललितपुरको सातदोबाटोस्थित नेपाल चार्टर्ड एकाउन्टेन्टस संस्थाको(आइक्यान) परिसरमा उक्त सेवा संचालनमा ल्याएको हो । उक्त सेवाको उद्घाटन बैंकका प्रमुख कार्यकारी अधिकृत ज्ञानेन्द्र प्रसाद ढुंगाना र आइक्यानका अध्यक्ष प्रकाश जंग थापाले संयुक्त रूपमा गरेका हुन् । साथै यस एटीएम सेवाबाट सो क्षेत्रका व्यवसायी तथा बैंकका अन्य सेवाग्राहीहरू समेतलाई सहज बनाउने बैंकले जनाएको छ । हाल बैंकले ७१ शाखा, ५ एक्सटेन्सन काउन्टर, ७ शाखारहित घरदैलो बैंकिङ्ग सेवा तथा ५६ वटा एटीएमबाट बैंकिङ्ग सुविधा दिंदै आएको छ ।
एनएलजी इन्स्योरेन्स कम्पनी र राष्ट्रिय वाणिज्य बैंकबीच बैंकास्योरेन्स सम्झौता
काठमाडौं । एनएलजी इन्स्योरेन्स कम्पनी लिमिटेड र राष्ट्रिय वाणिज्य बैंक लिमिटेडबीच बैंकास्योरेन्स सम्बन्धी सम्झौता भएको छ । उक्त सम्झौतापत्रमा एनएलजी इन्स्योरेन्सका का.मु. प्रमुख कार्यकारी अधिकृत सुनिल बल्लभ पन्त र बैंकका प्रमुख कार्यकारी अधिकृत किरणकुमार श्रेष्ठले हस्ताक्षर गरेका छन् । उक्त सम्झौता भएपश्चात राष्ट्रिय वाणिज्य बैंकका ग्राहकहरुले आफ्नो धितो तथा अन्य सम्पत्तिहरुको बीमा एनएलजी इन्स्योरेन्स कम्पनीबाट गर्न सक्नेछन् । उक्त समारोहमा एनएलजी इन्स्योरेन्स कम्पनीका तर्फबाट सहायक महाप्रवन्धक मनोज श्रेष्ठ, बरिष्ट प्रवन्धक दीपककुमार चन्दको उपस्थिती रहेको थियो । त्यस्तै, राष्ट्रिय वाणिज्य बैंकका नायब प्रमुख कार्यकारी अधिकृत भुपेन्द्र पाण्डे, नायव महाप्रवन्धकहरु सुशिल श्रेष्ठ, केशबप्रसाद लम्साल, टेकराज जोशी, नरेशराज अर्यालयको उपस्थिती रहेको थियो ।
गृहमन्त्री ‘बादल’लाई चीन भ्रमणका लागि निमन्त्रणा
काठमाडौं । चीनका सार्वजनिक मन्त्रीले गृहमन्त्री थापालाई चीन भ्रमणका लागि निमन्त्रणा गरेका छन् । नेपाल भ्रमणमा रहेका चीनका सार्वजनिक सुरक्षा उपमन्त्री शि जुनले गृहमन्त्री रामबहादुर थापा ‘बादल’सँग भएको भेटवार्तामा उक्त जानकारी दिएका हुन् । गृहमन्त्रालयमा भएको भेटमा नेपाल-चीन सम्बन्ध, आपसी सहकार्य र आगामी दिनमा सहयोगका विषयमा छलफल भयो । भेटमा गृहमन्त्री थापाले नेपालको सुरक्षा निकायको भौतिक संरचना, उपकरण र तालिममा चीनले गर्दै आएको सहयोगका लागि धन्यवाद दिँदै आगामी दिनमा पनि त्यसको निरन्तरताका लागि उपमन्त्री जुनसँग आग्रह गरेका छन् । गृहमन्त्री थापाले नेपाल एक चीन नीतिप्रति प्रतिवद्ध रहेको बताउँदै नेपाली भूमिबाट कुनै किसिमका चीन विरोधी गतिविधि हुन नदिईने प्रतिवद्धता व्यक्त गरेका थिए । भेटमा उपमन्त्री जुनले नेपाल–चीन सम्बन्धको चर्चा गर्दै यसलाई जनस्तरसम्म लैजानुपर्नेमा जोड दिएका छन् । नेपालको भूमिबाट हुने चीन विरोधी गतिविधि नियन्त्रणका लागि गृहमन्त्रालयले खेलेको भूमिकाका लागि धन्यवाद व्यक्त गर्दै आगामी दिनमा यसलाई थप महत्व दिन उनले आग्रह गरेका छन् ।
यातायात व्यवसायीको म्याद पुस मसान्तसम्म थप, बैंक खातामा रहेको रकम सीडीयो मार्फत झिकिने
काठमाडौं । भौतिक पुर्वाधार मन्त्रालयले सिन्डिकेट पक्षधर व्यवसायीको म्याद पुस मसान्तसम्म थप गरेको छ । मन्त्रालयले यातायात व्यवसायीलाई तत्काल कम्पनी मार्फत नआउन छुट दिएको हो । मन्त्रालयले पत्रकार सम्मेलन गर्दै यातायात व्यवसायीलाई आफ्नो खर्च भएको र तिर्नुपर्ने हिसाबको सम्पुर्ण विवरण जिल्ला प्रशासन कार्यालय बुझाउन आग्रह गरेको छ । मन्त्रालयले व्यवसायीहरुलाई साउन मसान्तभित्र तिर्नुपर्ने सबै रकमको विवरण सीडीयो कार्यालयमा पठाउन निर्देशन दिएको हो । व्यावसायीहरुको बैंक खातामा रहेको रकम प्रमुख जिल्ला अधिकारी मार्फत झिक्न मिल्ने व्यवस्था गरिएको छ । अब सवारी दर्घटनामा परेका मृतक वा घाइतेको उपचार गर्न, घरभाडा, कर्मचारीलाई तलब वितरणका लागि बिल व्यवसायीले सिडीयोलाई बुझाउनु पर्नेछ । कार्यक्रममा बोल्दै मन्त्री रघुविर महासेठले सञ्चार माध्यामको आलोचनाले आफुलाई सुध्रिन मौका दिएको बताए । ‘सिन्डिकेट मैले चलखेल गरेर पनि फर्काउन सकिने विषय होइन्, राम्रो आलोचनाले सुध्रिने मौका पाए, महासेठले भने यातायात व्यवसायीलाई पुस मसान्तभित्र कम्पनीमा ल्याउने तयारी गरेका छौं ।’ उनले व्यवसायीलाई कहिलेसम्ममा कम्पनी मार्फत ल्याउने भन्ने विषयमा निर्णय हुन बाँकी रहेको बताए । यसैगरी, मन्त्रालयले सुझावको लागि गठन गरेको कार्यदलले सुझाव पेस गरेको छ । सुझावमा भदौ सम्ममा देशका सबै ट्राफिक लाइटहरु निर्माण गरीसक्ने, जेब्रा क्रसिङमा नियम उल्लङघन गर्ने यात्रु वा सवारी दुबैलाई कारबाही गर्ने र यसको अनुगमन गर्ने जानकारी दिइएको छ ।
नबिल बैंकद्धारा आयोजित रक्तदान कार्यक्रममा २०४ जनाले गरे रक्तदान
काठमाडौं । नबिल बैंकले आफ्नो ३४औं वार्षिक उत्सवको अवसरमा रक्तदान कार्यक्रमको आयोजना गरेको छ । बैंकले गत शनिबार आफ्नो प्रधान कार्यालय, हेटौँडा तथा महेन्द्रनगर शाखाहरूमा रक्तदान कार्यक्रम आयोजना गरेको हो । उक्त कार्यक्रममा २०४ जना बैकंका कर्मचारीहरुका सँथै ग्रँहकहरुबाट समेत रक्तदान गरिएको थियो । रक्तदाताहरुलाई नबिल बैंकबाट सामाजिक कार्यक्रममा उत्कृष्ट योगदान गरेकोमा धन्यवादका साथै कदर पत्र प्रदान गरिएको थियो । नेपाल रेड क्रस सोसाईटी सघंले देशमा रहेको विद्ममान रक्त अभावलाई ध्यानमा राख्दै नबिल बैंकको उक्त योगदानको प्रशंसा गरेको छ ।
