विभिन्न गाउँपालिकामा नबिल बैंकको थप १२ वटा शाखा, अर्थमन्त्री खतिवडाद्धारा उद्घाटन
काठमाडौं । नबिल बैंकले विभिन्न ग्रामिण नगरपालिकाहरुमा स्थापना भएका आफ्नो थप १२ नयाँ शाखाहरुको आधिकारिक उद्घाटन गरेको छ । सो शाखाहरु प्रदेश नं. ५, कर्णाली प्रदेश, प्रदेश नं ७ स्थित निम्न लिखित स्थानहरुमा रहेका छन् । मंगलबार एक औपचारिक कार्यक्रमबीच अर्थमन्त्री डा.युवराज खतिवडाले सोे मात्राको शाखाको इलेक्ट्रनिक उद्घाटन गरेका छन् । कार्यक्रममा नबिल बैंकका अध्यक्ष शम्भुप्रसाद पौड्यालले यी विकट गाँउपालिकाहरुमा १२ नयाँ शाखाहरुबाट सेवा प्रदान गर्न पाउँदा खुशी लागेको बताएका छन् । बैंकले एक स्थानीय तहमा एउटा वाणिज्य बैंकको शाखा होस् भन्ने भावनाले ती ठाउँमा बैंकले ग्राहक सुविधा उपलब्धताको लागि शाखा संचालनमा ल्याएको उनले बताए । बैंकको थप नयाँ शाखाहरुबाट ग्राहकहरुले सम्पूर्ण बैंकिङ्ग सुबिधाहरु प्राप्त गर्न सक्ने बैंकका प्रमुख कार्यकारी अधिकृत अनिल केशरी शाहले जानकारी दिएका छन् । बैंकले समाजका विभिन्न तह र तप्काका बढि भन्दा बढि ग्राहकहरुलाई उपलब्ध गराउने उद्देश्य अनुरुप देशका विभिन्न ठाउँमा आफ्नो शाखा कार्यालयको संजाल बढाउदै लगिरहेको उनले बताए । बैंकले हाल ७४ वटा शाखा, ११५ वटा एटिएम र १,५०० भन्दा बढी नबिल रेमिट एजेन्टहरुका मार्फत् सेवा प्रदान गर्दै आएको छ । बैंकको नयाँ शाखा
नयाँ आर्थिक वर्षलाई नेप्सेले देखायो रातो झण्डा, निर्जिवन बीमा समूह दाेहाेराे अंकले ओरालो
काठमाडौं । नयाँ आर्थिक वर्ष २०७५/२०७६ साल शुरु भएको दिन नेप्से परिसूचक ८.०५ अंकले घटेर १२०४.३१ अंकमा आइपुगेको छ । कारोबारको शुरुवाती समयमा उकालो लागेको नेप्से बिचमा केही बढ्ने प्रयास गरे पनि अन्तत एकल अंकले ओरालो लागेको छ । मंगलबार १५२ कम्पनीका ५ लाख १४ हजार कित्ता सेयर २० करोड ६० लाख रुपैंयाँमा कारोबार भएको छ । नबिल बैंकको सबैभन्दा बढि ५ करोड ८१ लाख रुपैंयाँको कारोबार भएको छ । जसको सेयर मूल्य प्रतिकित्ता ९०० रुपैयाँ रहेको छ । उपसूचकहरुमा फाइनान्स, अन्य र ट्रेडिङ समूह सामान्य अंकले बढेका छन् भने बाँकी सबै राताम्मे भएका छन् । मंगलबार(आज)बाटै बीमा समूह छुट्टेर जिवन र निर्जिवन बीमा दुई समूहको नामबाट कारोबार गरेका छन् । दुबै समूह दोहोरो अंकले घटेका छन् । सबैभन्दा बढी निर्जिवन बीमा समूह ८७ अंकले ओरालो लागेको छ । त्यस्तै, जिवन बीमा समूह ७४ अंकले घटेको छ । मंगलबार सबैभन्दा बढी रैराङ्ग हाइड्रोपावर डेभलपमेन्ट कम्पनीका लगानीकर्ताले ६.७६ प्रतिशत कमाएका छन् भने बोटलर्स नेपाल(तराई)का लगानीकर्ताले ५.८२, नेपाल इन्स्योरेन्स कम्पनी ५.७७ र गण्डकी विकास बैंकका लगानीकर्ताले ५.३६ प्रतिशतले गुमाएका छन् ।
अन्तर्राष्ट्रिय बजारमा पेट्रोलियमको भाउ घट्दो, नेपालमा के होला ?
एजेन्सी । अन्तर्राष्ट्रिय बजारमा पेट्रोलियम पदार्थको भाउ ओरालो लाग्न थालेको छ । भाउ निरन्तर ओरालो लागेकाले खरिदकर्ताले आगामी दिनमा पेट्रोलियमको भाउ अझ ओरालो लाग्ने अनुमान गरेका हो । पछिल्लो ४ कार्य दिनमा पेट्रोलको भाउ घटेर ब्यारेल ८३.७३ डलरबाट घटेर ७९.३१ डलर कायम भएको छ । ४ दिनमै अन्तर्राष्ट्रिय बजारमा पेट्रोलियमको भाउ प्रतिव्यारेल ४ डलर घटेको फाइनान्सियल एक्सप्रेसले लेखेको छ । फाइनान्सियल एक्सप्रेसका अनुसार डिजेलको मूल्य व्यारेलको ८७.७३ बाट घटेर ८२.७२ मा सीमित भएको छ । अन्तर्राष्ट्रिय बजारमा डिजेलको भाउ ५ डलर बढी घटेको छ । यसको परिणाम दिल्लीमा डिजेलको भाउ १४ पैसा घटेर लिटरको ६८.४७ भारु भएको छ । यस्तै पेट्रोलको भाउ ११ पैसा कमीआई लिटरको ७६.८४ पैसा कायम भएको छ । अन्तर्राष्ट्रिय बजारमा मूल्य घटेकाले पेट्रोलियमका मूल्यमा कमी आउने भारतको पेट्रोलियम तथा प्राकृतिक ग्यास मन्त्रालयले जनाएको छ । अन्तर्राष्ट्रिय बजारमा प्रतिव्यारेल १ डलर मूल्य घट्दा भारतमा लिटरमा ५० पैसा भारु घट्ने फाइनान्सियल एक्सप्रेसले जनाएको छ । नेपाल आयल निगम लिमिटेडले पनि इण्डियन आयल कर्पोरेशन लिमिटेडबाट पेट्रोलियम पदार्थ खरिद गर्दै आएको छ । अन्तर्राष्ट्रिय बजारमा भाउ बढी रहेकाले नेपाल आयाल निगमले के गर्न त्यो हेर्न बाँकी छ । नेपालमा पेट्रोलको मूल्य प्रतिलिटर १० रुपैयाँ डिजेलको ९३ रुपैयाँ छ ।
नेपाल बनाना रिपब्लिकतर्फ उन्मुख : प्राडा मदनकुमार दाहाल
१. विगत ७ दशकमा ७ वटा संविधान परिवर्तनस संसारका २८ गरीव राष्ट्रहरू मध्य नेपाल २५ सौं गरीव भएको छ । २.कृषि र औद्योगिक क्षेत्रको उत्पादन अत्यन न्यून, आर्थिक विकास अत्यन्त निराशाजनक, भारत र अन्य मुलुकमा उत्पादित वस्तुहरूको बजार एउटा मुलुक भारतसंग कहाली लाग्दो रूपमा परनिर्भरता बढ्यो, रेमिटेन्स, आयात र थोरै वैदेशिक सहयोगमा निर्भर रहेको छ । ३. दुबै ठूला छिमेकी मुलुकहरू भारत विश्वमा छैठौं अर्थतन्त्र र र चीन विश्वमा दोश्रो अर्थतन्त्रसंग अपेक्षाकृत सौहाद्र र सुमधुर सम्वन्धको प्रादुर्भाव नहुनु दुर्भाग्य हो । यो असफल कुटनीतिको परिणाम हो । यसकारण भारत र चीनसंग विगतमा नेपालले गरेका कतिपय संझौताहरू दुई दशकदेखि कार्यान्वयन भएको छैन् । यसमा पुनरावलोकन हुनु पर्दछ। ४.विगत १२ वर्षमा राजनैतिक क्षेत्रमा भ्रष्ट्राचार व्याप्त ५. ९२ प्रतिशत जनता हिन्दु, वुद्धिष्ट, दशनामी समेतको आस्था भएको सनातन धर्मलाई संविधानवाट जबर्जस्ती हटाईयो, अहिले व्यापक रूपमा धर्म परिवर्तन भै रहेको अवस्था छ । ६. वर्गहीतको नाममा भएको तथाकथित जनयुद्धमा १७ हजार मानिसहरू मारिए र जातीय र क्षेत्रीय राज्यको विष वृक्ष रोपियो र विखण्डनको विजारोपन भयो । ७. १२ वर्षमा सत्ताशीन सबै दल र शासकहरूले राष्ट्र र जनताको हुर्मत लुटे, भ्रष्ट्राचारले सीमा नाघ्यो। अदालतवाट केही भ्रष्ट्राचारीलाई जेलनेल भयो, कति उम्के, राजनैतिक, आर्थिक र सामाजिक लगायत सबै क्षेत्र अहिले अस्तव्यस्त र चारैतिर हाहाकार छ। घरको धारामा एक युग भयो एक थोपा पानी आउंदैन, सडक खाल्टोमा परिणत भएको छ, फुटपाथको सडक बत्ति बल्दैनन, महंगी चुलिएको छ । यस्तै मुलुकमा सुरक्षा छैन, ट्राफिक जाम दीर्घ रोग भएको छ, शहर बाढीमा डुवेको छ,त्यसैले नेपाल क्रस रोडमा । त्यसैले पशुपतिनाथको कृपाले मुलुक चलेको छ। ८. गणतन्त्र, संघीयता र धर्म निरपेक्षतामा आधारित संविधान जारी र कतिपय जनताद्धारा संघीयता र धर्म निरपेक्षता अस्वीकार्य र जनमत संग्रहको माग । ९. नयां संविधान अन्तर्गत निर्वाचन सम्पन्न, वाम गठवन्धनको दुई तिहाई बहुमत सहित प्रचण्ड विजय र सरकार गठनस गठवन्धन सरकारमा रहेका एमाले र माओवादी केन्द्रबीच एकता, फोरम पनि सरकारमा सहभागी भएका छन् । अन्य दलहरू निर्वाचनमा ३ प्रतिशत थ्रेशहोल्ड मुनि रहेकाले राष्ट्रिय दल हुनबाट बञ्चित र ती साना दलहरूको भविष्य अन्धकार । १०. सरकारले अहिले सबै क्षेत्रमा विद्यमान विसंगति र विकृतिलाई सुधार गर्दै आगामी दुई वर्षमा अर्थतन्त्रलाई सामान्य परिस्थितिमा ल्याउनु पर्दछ र आर्थिक विकासको प्रयत्नलाई निरन्तर अगाडि बढाउनु पर्दछ । त्यसपछि मात्र सम्वृद्धिको निमित्त दीर्घकलिन योजनहरू तर्जुमा गर्नु पर्दछ। अन्यथा, हामी बनाना रिपब्लिकतर्फ उन्मुख हुनछौं र असफल राष्ट्रमा दर्ता हुने छौं। प्रभावकारी रूपमा नेपालबाट भ्रष्ट्राचारको अन्त्येष्टि र इमान्दारीतापूर्वक मितव्ययीताको नीति प्रतिपादन गरिनु पर्दछ । सत्ताशीन मित्रहरूले त्याग, तपस्या र वलिदानको दृष्टान्त पेश गर्नु पर्दछ।
साउन ५ देखि भरतपुर महानगरमा ई-रिक्सा सञ्चालनमा रोक
काठमाडौं । भरतपुर महानगरपालिकाले आफ्नो क्षेत्रमा सवारी दुर्घटना बढाएको जनाउँदै मुख्य शहरी क्षेत्रमा तीनपाङ्ग्रे सवारी सञ्चालनमा रोक लगाएको छ । यही साउन ५ गतेदेखि राजमार्ग, बाइपास सडक र मुख्य शहरी क्षेत्रमा दिउँसो र राति तीनपाङ्ग्रे सवारी सञ्चालनमा रोक लगाइएको हो । जेठ अन्तिम साता नै सर्वदलीय बैठकले उक्त निर्णय गरेको थियो । महानगरपालिका प्रमुख रेणु दाहालले केही सीमित ठाउँबाट बाटो काट्न दिइने भए पनि पोखरा बसपार्क, पुल्चोक, शहीदचोक, लायन्सचोक, क्याम्पस गेट, चौबीसकोठी, हाकिमचोक, बसपार्क चोक हुँदै वाइपास सडक तथा नारायणगढ बजारको मिलनरोडलगायत मुख्य शहरी क्षेत्रमा तीनपाङ्ग्रे सञ्चालनमा रोक लगाइएको बताउनुभयो । भित्री सडकमा भने तीनपाङ्ग्रे सञ्चालन गर्न सकिने छ । महानगरपालिकाका इञ्जिनीयर विराट घिमिरेले इ–रिक्सा, ट्याम्पो, अटो रिक्साजस्ता तीनपाङ्ग्रे सवारीलाई निषेध गरिएकाले प्रमुख शहर र बजार क्षेत्र व्यवस्थित हुने बताए । जिल्ला ट्राफिक प्रहरी कार्यालयका प्रमुख प्रहरी निरीक्षक वेदप्रसाद गौतमले जिल्लामा पाँच हजार हाराहारीमा तीनपाङ्ग्रे सवारीसाधन सञ्चालनमा रहेको र यसबाट धेरै दुर्घटना हुने गरेको छ भन्दै उनले सीमित ठाउँबाट बाटो काट्न दिएर राजमार्ग र वाइपास सडकमा सञ्चालनमा रोक लगाइएको बताए । तीनपाङ्ग्रे सवारी साधनले जथाभावी बाटो काट्ने, साइड नदिने, तीव्र गतिमा चलाउने जस्ता कारणले जिल्लामा हुने बढी दुर्घटना हुने गरेको छ । महानगरपालिकाका उपप्रमुख पार्वती शाहले मुख्य शहरी क्षेत्रमा फुटपाथ बन्नाका साथै कार पार्किङ व्यवस्थापन भएपछि बजार व्यवस्थित हुने बताए । केही समयपछि मोटरसाइकल पार्किङ पनि व्यवस्थित गराइने बताइएको छ । रासस
एनसेलद्धारा दुरसञ्चार सेवा शुल्क समायोजन, ल्यायो आर्कषक नयाँ भ्वाइस तथा डेटा प्याक
काठमाडौं । एनसेल प्राईभेट लिमिटेडले यहि मंगलबार(अाज)बाट आफ्ना सम्पूर्ण मूल्यमा नेपाल सरकारले दुरसञ्चार सेवा शुल्कमा हालै गरेको परिमार्जन अनुरुप नयाँ दुरसञ्चार सेवा शुल्क दर लागु हुने घोषणा गरेको छ । नयाँ करको दर कार्यान्वयन गर्ने क्रममा एनसेलले विभिन्न सेवाहरुमा लाग्दै आएको कर अघिको मूल्यमा कुनै परिवर्तन गरेको छैन । साथै डेटा तथा भ्वाइस सेवामा आफ्ना ग्राहकलाई सुलभ रुपमा थप मूल्य प्रदान गर्न कम्पनीले नयाँ योजना पनि सार्वजनिक गरेको छ । दुरसञ्चार सेवा शुल्कमा भएको परिमार्जन लागु गर्ने क्रममा कम्पनीले आफ्ना सम्पूर्ण सेवाको मूल्य कर बाहेकको दरमा ग्राहकलाई सुसूचित गर्ने र उक्त मुल्यमा यहि श्रावण १ गते मंगलबार देखि नयाँ सेवा शुल्क लागु हुने जनाएको छ । नेपाल सरकारले समसामयिक कर असुली ऐन अन्तर्गत गरेको आदेश तथा आर्थिक वर्ष २०७५/७६ को बजेट वक्तव्यमा गरेको घोषणामा भ्वाइस तथा अन्य दुरसञ्चार सेवामा लाग्दै आएको ११ प्रतिशत दुरसञ्चार सेवा शुल्कलाई १३ प्रतिशत कायम गरिएको र इन्टरनेट सेवामा पनि १३ प्रतिशत सेवा शुल्क लगाइएको छ । साथै, आफ्ना ग्राहकको सुविधाको लागि कम्पनीले यहि श्रावण १ देखि ९० दिनको लागि लागु हुने गरी ल्याएको नयाँ योजनामा एनसेलले आफ्ना ग्राहकलाई थप डेटा भल्युम सहितको विभिन्न नयाँ दैनिक, ३ दिने, साप्ताहिक र मासिक डेटा प्याकहरु ल्याएको छ । त्यस्तै भ्वाइस सेवामा थप टक टाईम प्रदान गर्दै कम्पनीले नयाँ दैनिक, ३ दिने, साप्ताहिक, मासिक, डे तथा डे अनलिमिटेड भ्वाईस प्याकहरु ल्याएको छ । ग्राहकले आफ्नो आवश्यकता अनुसार कुनै पनि प्याक सुचारु गरी थप लाभ लिन सक्नेछन् । ‘‘एनसेलले नेपालको नियम तथा कानुनको सदैव सम्मान तथा पालना गर्दछ । साथै डेटा तथा भ्वाइस सेवामा ल्याइएको नयाँ योजनाले ग्राहकलाई सुलभ दरमा थप मुल्य प्रदान गर्ने हाम्रो प्रतिवद्तालाई थप उजागर गर्दछ,’’ एनसेलका प्रमुख कमर्सियल अधिकृत एन्डी चोङ्गले भने । नयाँ डेटा योजना अन्तर्गत एनसेलले आफ्ना ग्राहकलाई शुल्कको थप मुल्य प्रदान गर्ने गरी आकर्षक प्याक ल्याएको छ । उदाहरणका लागि दैनिक प्याकमा ग्राहकले मात्र रु ९ मा ३५ एमबि डेटा खरिद गर्न सक्ने र त्यसमा थप ३५ एमबिको फोरजि डेटा भल्युम बोनस स्वरुप निःशुल्क प्राप्त गर्नेेछन् । ग्राहकले एस्ट्रिक्स १७१२३ ह्यास डायल गरी दिइएको डेटा प्याकमध्ये कुनै पनि विकल्प रोजी सहजै आफनो आवश्यकता बमोजिमको कुनै पनि डेटा प्याक सुचारु गर्न सक्छन् । साथै भ्वाइस प्याक लिनका लागि एस्ट्रिक्स १७११८ ह्यास डायल गरि वा १७११८ मा डायल गरि निर्देशन अनुसार आफ्नो आवश्यकता अनुरुपको कुनै पनि प्याक सुचारु गर्न सकिन्छ । नयाँ दुरसचार सेवा शुल्क लागु हुँदा मुल्यमा पर्ने असरलाई केहि कम गर्न एनसेलले एसएमएस प्याक, अन्तर्राष्ट्रिय रोमिङ्ग र रोमिङ्ग प्याक, बिज प्लान र एनसेल कोसेली सेवाको कर अगाडिको शुल्क घटाएको छ ।लोकल कलमा लाग्दै आएको कर बाहेकको दर रु १.९९ प्रति मिनेटमा कुनै परिवर्तन गरिएको छैन । त्यसैगरी एसएमएस, डेटा सेवा अन्तर्गतको पे एज यु गो, सापटि तथा पोष्टपेड सेवाको प्याकहरुको कर अघिको शुल्कमा पनि कुनै परिवर्तन गरिएको छैन । भ्वाइस, डेटा लगायतका सबै सेवाको नयाँ शुल्क तथा योजनाको बारेमा सबै जानकारी एनसेलको आधिकारीक वेबसाइट www.ncell.axiata.com मा पनि उपलब्ध छ ।
भ्रष्टाचारले उग्र रुप लिएपछि मन्त्री र कर्मचारीलाई ६० दिनभित्र सम्पत्ति विवरण बुझाउन सर्तकता केन्द्रको उर्दी
काठमाडौं । राष्ट्रिय सर्तकता केन्द्रले सार्वजनिक सेवाको पद धारण गरेका सबै व्यक्तिलाई सम्पत्ति विवरण बुझाउन अल्टिमेटम दिएको छ । सार्वजनिक लाभको पद धारण गर्ने व्यक्तिलाई ६० दिन भित्रमा सम्पतिको विवरण बुझाउन केन्द्रले निर्देशन दिएको हो । भ्रष्टाचार निवारण ऐन, २०५९ को दफा ५० को उपदफा (१) बमोजिम व्यक्तिले आफ्नो र परिवारको नाममा रहेको सम्पत्तिको विवरण बुझाउनु पर्नेछ । सार्वजनिक पद धारण गरेका व्यक्तिले ६० दिनभित्रमा विवरण बुझाइसक्नु पर्ने केन्द्रका सुचना अधिकारी डालनाथ अर्यालले बताए । उनका अनुसार सम्पत्ति विवरण नबुझाउने व्यक्तिको विवरण अख्तियार दुरुपयागे अनुसन्धान आयोगमा जानेछ । अख्तियारले नै त्यस्ता व्यक्तिको छानविन गर्नेछ । ऐनको दफा ५० को उपदफा १ मा सार्वजनिक पद धारण गरेको व्यक्तिको सम्पत्ति विवरण संकलन गरी सरकारले राजपत्रमा सूचना प्रकाशित गरी तोकेको निकाय वा अधिकारी समक्ष बुझाउनु पर्नेछ भनि उल्लेख गरिएको छ । कानून अनुसार सम्पत्ति विवरण नबुझाउने व्यक्तिलाई भ्रष्ट्राचार निवारण ऐन २०५९ को दफा ५० को उपदफा ३ बमोजिम कारबाहि प्रक्रिया अघि बढ्नेछ । हाल नेपालमा करिब ८२ हजार निजामति कर्मचारी रहेको स्थानीय विकास तथा सामान्य प्रशासन मन्त्रालयका प्रवत्ता रुद्रसिंह तामाङले जानकारी दिए । यसैगरी नेपाल प्रहरीमा ६० हजार २०१ जना, नेपाली सेनामा १ लाख ५ हजार, नेपाल प्रहरीमा ६० हजार २०८ र शसस्त्र प्रहरीमा ३७ हजार १२४ जना कर्मचारी कार्यरत रहेका छन् । भ्रष्ट्राचारको अभियोगमा आर्थिक वर्ष २०७४/०७५ मा अख्तियारले १६० जना भन्दा बढी सार्वजनिक पद धारण गरेको व्यक्तिलाई पक्राउ गरि कारबाहि प्रक्रिया अघि बढाइसकेको छ । ट्रान्सफरेन्सी इन्टरनेश्नलको प्रतिवेदन अनुसार नेपाल भ्रष्टाचार सुचाङकमा नेपाल १२२ औं स्थानमा रहेको छ ।
कामना सेवा विकास बैंकको अध्यक्षमा सुदिप आचार्य, सञ्चालकमा ६ जना नियुक्त
काठमाडौं । कामना सेवा विकास बैंक लिमिटेडको अध्यक्षमा सुदिप आचार्य नियुक्त भएका छन् । बैंकको गत सोमबार(हिजाे) सम्पन्न सञ्चालक समितिको बैठकले आचार्यलाई उक्त पदमा नियुक्त गरेको हो । साथै, सोही मितिमा सम्पन्न कम्पनीको ११औँ वार्षिक साधारणसभाले संस्थापक र साधारण समूहबाट गरी ६ जनालाई सञ्चालकमा निर्वाचित गरेको छ । सभाले संस्थापक समूहको अन्तर्गत ३ जना संचालकहरु सुदिप आचार्य, भिमप्रसाद तुलाचन र चतुराखर अतिकारी निर्वाचित भएका छन् । त्यस्तै, सर्वसाधारण समूह अन्तर्गत ३ जना संचालकहरु देवकृष्ण काफ्ले, विश्वेस्वर सुवेदी र वलराम बराल निर्विरोध निर्वाचित भएका छन् । सो साधारणसभा पश्चात बसेको संचालक समितिको २५३औँ बैठकले संचालक समितिको अध्यक्षमा आचार्यलाई सर्वसम्मत चयन गरेको बैंकले जनाएको छ ।
