फ्लोभेलको कष्टुमर सम्मेलन २०१८ काठमाडौमा सम्पन्न
काठमाडौं। अन्तराष्ट्रिय स्तरमा ख्याति प्राप्त भारतिय ईलेक्ट्रो मेकानिकल कम्पनि फ्लोभेल इनर्जी प्रा.लि.ले यहि सेप्टेम्बर २० का दिन काठमाडौ एक भब्य समारोहका बिच आफ्ना ग्राहकहरुका लागि कष्टुमर सम्मेलन २०१८ सम्पन्न गरायो। उक्त कार्यक्रममा नेपालको जल बिद्युत उत्पादन तथा बिकास क्षेत्रका उद्यमी, लगानीकर्ता, परामर्शदाता, ब्यांकरका साथै अन्य गन्यमान्य ब्यक्तित्वहरुका उत्साह जनक सहभागिता रहेको थियो । बिश्वका बिभिन्न मुलुकहरुका हाईड्रोपावर परियोजनाहरुमा आवश्यक पर्ने इलेक्ट्रोमेकानिकलका साथै परियोजनाका अन्य विविध पक्षमा उत्पादन तथा जडान सम्बन्धि कार्यहरुमा बिगत ४५ बर्ष भन्दा बढिको अनुभव फ्लोभेल इनर्जीसंग रहेको छ । कार्यक्रमका सहभागिहरुले निकालेका निष्कर्श अनुसार प्रदुषण रहित उर्जा बिकास तथा उत्पादनमा फ्लोभेल इनर्जीको उल्लेखनिय योगदान रहेको छ । उक्त कम्पनिले नेपाल, जापान, ईण्डोनेशिया, भारत, भियतनाम, फिलिपिन्स, लाओस, युगाण्डा, टर्कि र आर्मेनिया लगायतका देशहरुमा बिभिन्न हाईड्रोपावर परियोजनाहरुमा सफलताका साथ सम्पन्न गरेको छ । कम्पनिका कार्यकारी निर्देशक गौतम करले आफ्नो स्वागत भाषणका क्रममा हाईड्रो पावर क्षेत्रमा फ्लोभेल इनर्जीको योगदानको चर्चा गर्दै नेपालको हाईड्रोपावर क्षेत्रको लागि आवश्यक सेवाहरुका लागि कम्पनि प्रतिबद्ध रहेको कुरा बताउनुका साथै हाल नेपालमा कम्पनिले काम गरिरहेको परियोजनाहरुको बारेमा उल्लेख गरे। कार्यक्रमलाई सम्बोधन गर्दै स्वतन्त्र उर्जा उत्पादक संघ (आईपान)का उपाध्यक्ष श्री कुमार प्रसाद पाण्डेले फ्लोभेल कष्टुमर सम्मेलन २०१८ ले नेपालमा बिद्युत उत्पादन तथा बिकासमा संलग्न सबैलाई आवश्यक पर्ने जानकारी प्रदान गर्न कार्यक्रम सफल रहेको कुरा बताए। उर्जा बिकासका लागि आवश्यक पर्ने ईलेक्ट्रोमेकानिकल उपकरणहरु नेपालको बजार सुहाउँदो हुनुपर्ने कुरा पनि उनले बताए। त्यसै गरी आईपानका पुर्व अध्यक्ष के.बि. बिष्टले हाईड्रो पावर परियोजनाका लागि आवश्यक पर्ने सबै खाले इलेक्ट्रोमेकानिकल मेशिन तथा उपकरणहरु उत्पादन तथा जडान गर्न फ्लोभेल सक्षम रहेको कुरामा प्रकाश पार्दै कम्पनि प्रति आफ्नो बिश्वास प्रकट गरे। कार्यक्रममा हाईड्रो पावर क्षेत्र आवश्यक मेशिन उपकरण बिकास, उत्पादनका साथै जडानका लागि आवश्वक स्रोत साधन र ती बिषयहरुमा कम्पनिको क्षमता तथा दक्षताका सम्बन्धमा कम्पनिका सेल्स एण्ड मार्केटिंग भाईस पे्रसिडेन्ट श्री भाष्कर गुप्ताले प्रकाश पारे। यसका अतिरिक्त फ्लोभेल ईनर्जीका सेल्स एण्ड मार्केटिंग लोभेल जेनरल म्यानेजर श्री समिर गुप्ताले संसार भरी कम्पनिले सफलता पुर्वक सम्पन्न गरेको परियोजनाहरुको बारेमा चर्चा गर्दै कम्पनिका उत्पादन र तिनीहरुको बिशेषताहरुका बारेका प्रकाश पारे। कार्यक्रमको अन्त्यमा नेपालका लागि फ्लोभेल ईनर्जीको आधिकारीक प्रतिनिधि मरुन ट्रेडिंगका कार्यकारी निर्देशक मुक्ति शर्माले उपस्थित सबैमा धन्यबाद ज्ञापन गर्नुका साथै नेपालको उर्जा बिकास तथा उत्पादनका लागि कम्पनिको तर्फबाट प्रतिबद्धता दोहो¥याउँदै यहाँका परियोजनाहरुलाई सुहाउँदो आवश्यक उपकरण बिकास तथा उत्पादन गर्न कम्पनि तयार रहेको कुरा बताए।
अग्रिम टिकट बुकिङको औपचारिकता मंगलबारदेखि
काठमाडौं । नेपाल यातायात व्यवसायी राष्ट्रिय महासंघले मंगलबारदेखि अग्रिम टिकट बुकिङलाई औपचारिकता दिने भएको छ । एकै वर्ष दुई पटक भाडा बढाउने सहमति भएपछि व्यवसायीहरुले अग्रिम बुकिङ खुल्ला गरको हो । महासंघले देशका सबै स्थानमा बुकिङ खुल्ला गर्न पत्राचार गरिसकेको महासंघका सचिव सरोज सिटौलाले बताए । उनका सबै पक्षसँग मिलेर यातायात क्षेत्रलाई विकास गर्नु पर्ने बताए । उनका अनुसार सवारी अभाव नभएमा उपत्यकामा रहेका सवारी समेत प्रयोग गरिनेछ ।
विकासोन्मुख राष्ट्रहरुको बीमा सम्मेलन मंगलबारदेखि, खर्च जुटाउँदा बीमा कम्पनीहरूमा असन्तुष्टि
काठमाडौं । विकासोन्मुख राष्ट्रका बीमा कम्पनीहरुको २१ औं सम्मेलन मंगलबारदेखि राजधानीमा सुरु हुँदैछ । दुई दिन चल्ने सम्मेलनमा विकासोन्मुख राष्ट्रका बीमा कम्पनीहरु, पुनर्बीमा कम्पनी, बीमा क्षेत्रका नियामक निकायहरुको सहभागिता रहनेछ । प्राकृतिक विपत्तिमा बीमा क्षेत्रका लागि अवसरको खोजी गर्न २१ औं सम्मेलन आयोजना गर्न लागिएको हो । सम्मेलनमा विकासोन्मुख २० देशबाट १५० भन्दा बढि सहभागीहरु काठमाडौं आईपुगेका छन् । विकासोन्मुख राष्ट्रका बीमा कम्पनी र रि इन्स्योरेन्स कम्पनीको छाता संस्था एसोसियसन अफ इन्युरर्स एण्ड रि इन्स्योरेन्स अफ डेभलपिङ कन्ट्रिज(एआईआरडीसी)को २१ औं सम्मेलनको आयोजना गरेको हो । सम्मेलनमा प्राकृति विपत्तिको जोखिम न्युनीकरणमा रि इन्स्योरेन्स कम्पनीको भूमिका, बीमा कम्पनीहरुको डिजिटलाइजेशन, माईक्रो इन्स्योरेन्स लगायतका बिषयमा विज्ञहरुले कार्यपत्र प्रस्तुत गर्नेछन् । सम्मेलनबाट प्राप्त सुझाव र निष्कर्षलाई बीमा क्षेत्रको नियमनका क्रममा उपयोग गर्ने बीमा समितिका अध्यक्ष चिरञ्जीवी चापागाइँले बताए । ५०० नेपाली र १५० विदेशी गरि ६५० जना बीमा क्षेत्र सम्वद्ध व्यक्तिहरुले सम्मेलनमा प्रत्यक्ष सहभागिता जनाउनेछन् । एआईआरडीसीमा नेपाल सहित २९ वटा विकासोन्मुख राष्ट्रका जीवन तथा निर्जीवन बीमा कम्पनी र नियामक निकाय सदस्य रहेका छन् । एआईआरडीसीले प्रत्येक २ बर्षमा सम्मेलन गर्दै आएको छ । यसपालिको सम्मेलन नेपालले आयोजना गर्न लागेको हो । सम्मेलनपछि हाल उपाध्यक्षको जिम्मेवारीमा रहेका विजय बहादुर शाहले अध्यक्षको जिम्मेवारी प्राप्त गर्नेछन् । खर्चमा असन्तुष्टि सम्मेलन अायाेजना गर्न लाग्ने अनुमानित २ कराेड रूपैयाँ बीमा कम्पनीहरूबाट संकलन गरिएकाे छ । सम्मेलनका लागि प्रत्येक बीमा कम्पनीहरुले ४ लाख रकम उपलब्ध गराएका छन् । बीमा समितिले ३० लाख रुपैंयाँ उपलब्ध गराएको छ भने नेपाल पुनर्बीमा कम्पनले पनि ३० लाख नै उपलब्ध गराएको छ । सम्मेलनका लागि ३८ बीमा कम्पनीहरुबाटै १ करोड ५२ लाख संकलन हुन्छ । त्यस्तै बीमा समिति र पुनर्बीमा कम्पनीहरुको रकम समेत जोड्दा २ करोड १२ लाख रुपैंयाँ संकलन हुन्छ । एउटा बीमा कम्पनीले चार लाख रुपैंयाँ तिरे वापत कम्पनीका अध्यक्ष, प्रमुख कार्यकारी अधिकृत र पाँच जना कर्मचारीले सम्मेलनमा सहभागिता जनाउन सक्नेछन् । अन्य कर्मचारी सहभागी हुन चाहेमा भने प्रति व्यक्ति १५ सय रुपैंयाँ तिर्नुपर्नेछ । विदेशबाट सम्मेलनमा सहभागी हुन आउनेहरुले प्रति व्यक्ति ५ सय अमेरिकी डलर तिर्नुपर्छ । सम्मेलन आयोजनाका लागि बीमा कम्पनीहरुबाट शुल्क असुलिएकोमा केही बीमा कम्पनीले असन्तुष्टि प्रकट भएको छ । बार्षिक करोडौं रुपैंयाँ आम्दानी गर्ने बीमा समितिले सम्मेलनका लागि भनेर बीमा कम्पनीहरुसँग समेत रकम उठाएकाे भन्दै असन्तुष्ठि जनाएका छन् । गत आर्थिक बर्षमा बीमा कम्पनीहरुले ७३ अर्ब प्रिमियम संकलन गरेका थिए । सो प्रिमियमको एक प्रतिशतका दरले ७३ करोड रुपैंयाँ बीमा समितिको कोषमा गएको छ । ‘समितिको कोषमा अर्बौं रकम छ, तैपनि सम्मेलनका लागि कम्पनीहरुसँग चार/चार लाखका दरले रकम असुलियो, त्यसो नगरेको भए राम्रो हुन्थ्यो’, एक इन्स्योरेन्स कम्पनीका प्रमुख कार्यकारी अधिकृतले विकासन्युजसँग भने । यस्ता कार्यक्रम अायाेजना गर्न पुर्नबीमा कम्पनीका ब्राेकरहरू खर्च गर्न तयार भए पनि नेपाली अाफैले यस्ताे कार्यक्रम गर्ने निर्णयमा पुगिएकाे र यसले नेपाली बीमा कम्पनीहरूकाे छवि अन्तर्राष्ट्रिय जगतमा राम्राे देखिने अायाेजकले जनाएकाे छ ।
नेपाल इन्स्योरेन्स कम्पनीको ७१ औं वार्षिकोत्सव सम्पन्न
काठमाडौं। नेपाल इन्स्योरेन्स कम्पनी लिमिटेडले ७१ औं वार्षिकोत्सव मनाएको छ । सो अवसरमा कम्पनीले विगत २० वर्ष सेवा अवधि पुरा गरेका कर्मचारीहरुलाई दिर्घसेवा पदक तथा प्रसशां पत्र वितरण गरेको छ। कम्पनीमा कार्यरत कर्मचारीहरु मध्ये उत्कृष्ट काम गर्ने ३ जना कर्मचारीहरुलाई ५० हजार १ रुपैयाँ नगद पुरस्कार पनि प्रदान गरेको छ। कम्पनीले प्रधान कार्यालय लगायत देशका ३३ वटा शाखा कार्यालयहरु र २४ वटा बीमा सेवा काउन्टरहरुबाट बीमा सेवा प्रदान गर्दे आएको छ । कम्पनीले आधुनिक बीमाका सुविधाहरु सुरक्षित र सरल रुपमा ग्राहक सम्म पु¥याउको लागि नविनत्तम प्रविधिको प्रयोग गरी व्यापक सञ्जाल बिस्तार गर्दे आएको छ ।
आइएमई र भरोसा अस्पतालबीच स्वास्थ्य सेवा सम्झौता
काठमाडौं। आइएमई लिमिटेड र भरोसा अस्पतालबीच उपचार सेवामा विशेष छुट दिने सम्झौता भएको छ। सम्झौताअनुसार आइएमई प्रिभिलेज कार्डवाहक सेवाग्राहीहरूले अस्पतालको सेवामा १० प्रतिशतसम्म विशेष छुट पाउनेछन्। यो सुविधा अस्पताल भित्रको सेवामा मात्र लागुहुनेछ। यो सुविधा लिनका लागि आइएमईले प्रदान गरेको आइएमई प्रिभिलेज कार्ड अस्पतालको ओपीडी शाखामा देखाउनुपर्नेछ । सम्झौतापत्रमा आइएमई लिमिटेडका तर्फबाट ब्यापार प्रवद्र्घन अधिकृत अभिनाष श्रेष्ठ र भरोसा अस्पतालको तर्फबाट प्रशासन अधिकृत सुर्य आचार्यले हस्ताक्षर गरेका छन्। यो सम्झौता असोज ५ गतेदेखि दुई वर्षलाई लागुहुने छ। आइएमईसँग आवद्ध सेवा ग्राहीहरूलाई विभिन्न सेवामा सहुलियत पूर्ण सुविधा प्रदान गर्न सकियोस् भन्ने उद्देश्यका साथ यस्ता कार्यक्रमहरू संचालन गर्दै आइएको आइएमई ग्रुपका प्रमुख जनसम्पर्क व्यवस्थापक राजु पौडेलले बताए।
कोटेश्वर–जडीबुटी सडकमा अब सवारी जाम हट्ने, तिहारअघि बेलिब्रिज सञ्चालनमा आउने
काठमाडौ । सवारी चापका कारण आक्रान्त कोटेश्वर–जडीबुटीको सवारी जामकाे समस्या अस्थायी रुपमा समाधान हुने भएको छ । सरकारले हनुमन्ते नदी र मनोहरा नदीको दोभानमा तिहारअघि नै बेलिब्रिज सञ्चालनमा ल्याउने भएपछि सवारी जाम हट्ने भएकाे हाे । अरनिको राजमार्गको वैकल्पिक सडकका रुपमा हनुमन्ते तथा मनोहरा नदीको करिडोर निर्माण अघि बढिरहेका छन् । त्यस्तै पेप्सीकोलादेखि सल्लाघारीसम्म पनि अरनिको राजमार्गको वैकल्पिक सडकका रुपमा सडकको चौडाइ बढाउन बोलपत्र आह्वान भई निर्माण अघि बढिरहेको छ । राजमार्गको सवारी चाप न्यूनीकरण गर्न विभिन्न काम अघि बढे पनि स्थानीयवासी तथा सरोकार भएका व्यक्तिले निर्माणमा अवरोध गरिरहेका छन् । सरकारले उचित क्षतिपूर्ति नदिएसम्म निर्माण अघि बढाउन नदिने भन्दै पटक पटक आन्दोलन भइरहेका छन् । सांसद महेश बस्नेतको विशेष पहलमा सडक विभाग केन्द्रीय कार्यालय ललितपुरका महानिर्देशक रवीन्द्रनाथ श्रेष्ठ, पिआइडी दिवाकर ढकाल, स्थानीय जनप्रतिनिधि तथा सरोकार निकायसहितको आइतबार साँझ भएको स्थलगत निरीक्षणपछि बेलिब्रिज बनाइने बताइएको हाे । भक्तपुरका प्रमुख जिल्ला अधिकारी नारायणप्रसाद भट्टले विकासनिर्माणका कार्य कसैले रोक्न नहुने बताए । उनले भने, “काम गर्दा समस्या आउँछ, समस्या आएपश्चात् समाधानको बाटो खोज्न सरकार तयार छ । पीडित पक्ष वार्ता र छलफलमा आउनुपर्छ, अवरोध गरेर समस्या समाधान हुँदैन । सरकारको आग्रहलाई बेवास्ता गरी आन्दोलन गरे प्रशासन जवाफी कारवाही गर्दै विकास निर्माणका कार्य द्रुत गतिमा अघि बढाउँछ ।” निरीक्षणका क्रममा पूर्वमन्त्री बस्नेतले भने “कोटेश्वर–जडीबुटीमा सवारी जामका कारण लाखौँ मानिसको लामो समय बर्बाद भइरहेको छ र त्यसलाई दीर्घकालीन समस्या समाधान गर्न सुरुङमार्ग, वैकल्पिक मार्गलगायत कार्य अघि बढिरहेको छ । हनुमन्ते नदी तथा मनोहरा नदीमा स्थायी पुल निर्माणका प्रक्रियामा रहेका छन् । ती दीर्घकालीन योजना पूर्णरुपमा सञ्चालनमा नआउञ्जेल अस्थायीरुपमा बालकुमारीदेखि हनुमन्ते–मनोहरा हुँदै अरनिको राजमार्गसम्म जोड्नको लागि यो बेलिब्रिज बनाउने प्रक्रियामा अघि बढेका हौँ ।” विभागका महानिर्देशक श्रेष्ठले बेलिब्रिज सम्भव भएसम्म आगामी तिहारअघि नै सञ्चालनमा ल्याइने बताए । त्यस्तै काठमाडौँ उपत्यका विकास प्राधिकरणले समेत उक्त स्थानमा सवारी चाप समस्या समाधान गर्न सडक विस्तार, खानेपानी, ढल, पुल, हवाईपुल, स्मार्ट सिटीलगायत कार्यलाई तीव्र गतिमा अघि बढाइरहेको छ । रासस
जगदम्बा कंक्रिटो प्रयोग गर्दा ७५ प्रतिशतसम्म बचत
काठमाडौं। जगदम्बा समूहमा आवद्ध उद्यमीले बेलायती र जर्मनी प्रबिधिद्वारा निर्मित गुणस्तरीय प्रि कास्ट निर्माण सामग्रीहरु हालै बजारमा ल्याएका छन् । सीमेन्ट, स्टिल्स, लगायत विभिन्न निर्माण सामग्रीहरुको उत्पादन तथा बिक्री–बितरणको लामो अनुभवबाट ख्याति कमाएका जगदम्बा समूहका उद्योगीले जगदम्बा कंक्रिटो नामक उद्योगबाट ब्लक, ब्रिक, पेभर, को साथसाथै अन्य प्रि– कास्ट बस्तुहरु जस्तै फ्ल्याग टायल्स, ससर ड्रेन, कर्भस्ट्रोन आदिको उत्पादन थालेका छन्। त्यसैले यस उद्योगद्धारा उत्पादीत निर्माण सामाग्रीको प्रयोगले निर्माण लगानिमा १० देखि ७५ प्रतिशतसम्म बचत हुने कुरा कम्पनीले जनाएको छ । परम्परागत रुपमा उत्पादन, हुने निर्माण सामग्री भन्दा निकै टिकाउ हुने आकारमा एकरुपता भएको, उच्च गुणस्तरयुक्त विभिन्न प्रकार आकारमा एकरुपता भएको, आकर्षक भएको कम्पनीले जनाएको छ । घर, हाउजिङ्ग, अपाटमेन्ट, सपिङकम्प्लेक्स, होटल, बाटो, राजमार्ग, पार्क आदि जस्ता संरचनालाई आवश्यक हुने ईटा, ब्लक, पेभर, कर्भस्टोन, स्ल्याव आदि वस्तुहरुको प्रयोगले निर्माणको फिनसिङ्गमा गुणस्तरीयता तथा आधुनिक्ता पाउने कुरामा कम्पनीले जानकारी दिएको छ ।
ईजी मोवाइलले ल्यायो क्रेडिट कार्ड देखाएर मोवाइल किस्तामा पाइने अफर योजना
काठमाडौं । १ रुपैयाँमा मोबाइल फोन उपलब्ध गराउँदै आएको ईजी मोवाइल केयरले दशैं, तिहार र छठ पर्वको अवसर पारेर बैंकका क्रेडिट कार्ड भएका ग्राहकहरुका लागि फेष्टिवल अफर ल्याएको छ । न्यूरोडको ताम्राकार कम्प्लेक्सको पाँचौं तल्लामा रहेको कम्पनीले विभिन्न ब्राण्डका स्मार्टफोनहरु किस्ताबन्दीमा किन्दा विभिन्न उपहारहरु पनि प्राप्त गर्नसक्ने अफर सार्वजनिक गरेको छ । बैंकको क्रेडिट कार्ड देखाउनुस्, शुन्य प्रतिशत र किस्ताबन्दीमा स्मार्टफोन लैजानुस अफरअन्र्तरगत हाल ग्लोबल आइएमइ बैंक, सिद्धार्थ बैंक, नेपाल इन्भेष्टमेन्ट बैंक, मेगा बैंक, नबिल बैंक, सेन्चुरी बैंक, माछापुछ्रे बैंक, प्रभु बैंक, कुमारी बैंकका क्रेडिट कार्ड प्रयोगकर्ताहरुले यसको फाईदा उठाउन सक्ने कम्पनीले जनाएको छ । यो अफरअन्तरगत सुविधा लिन क्रेडिट कार्डमार्फत मासिक किस्ताबन्दी र शुन्य ब्याजमा कुनैपनि ब्राण्डको स्मार्टफोन किन्न सक्ने कम्पनीले जानकारी दिएको छ । कम्पनीले विशेषगरी बैंकका क्रेडिट कार्ड होल्डरहरुलाई सहज र सुविधाजनक रुपमा मासिक किस्ताबन्दीमा स्मार्टफोन उपलब्ध गराउने गरी यो योजना ल्याएको ईजी मोबाइल केयरका अध्यक्ष संजित पौडेलले बताए ।
