३ मेगावाटको भैरवकुण्ड जलविद्युत आयोजना संचालनमा, ४८ प्रतिशत सेयर जारी गर्दै
काठमाडौं । सिन्धुपाल्चोकको लार्चामा संचालन भएको भैरवकुण्ड हाईड्रोपावर लिमिटेडद्धारा सञ्चालित ३ मेगावाट क्षमताको भैरवकुण्ड खोला साना जलविद्युत आयोजना संचालनमा आएको छ । जुरेको पहिरो, शक्तीसाली भुकम्प, हेडवक्र्समा आएको पहिरो र भोटेकोशिमा आएको बाढि आदि कारणबाट परियोजनामा क्षति पुगेकोमा आवश्यक सम्पुर्ण पुन निर्माण सम्पन्न भएपछि सोमबारबाट पुर्ण क्षमतामा सञ्चालन आएको हो । विपदको कारण विभिन्न समयमा प्रशारण रोकिएको सो हाइड्रो पावरले उत्पादित विद्युत ३४ किमी ३३ केभिए ट्रान्समिसन लाईन मार्फत लामोसाँगु सबस्टेशन मार्फत राष्ट्रिय प्रसारण लाईनमा जोडिएको छ । हाइड्रोपावरले कम्पनी पब्लिकको जारी पुँजी ६५ करोड मध्ये हालसम्म संथापक सेयरधनीहरुले लिएको सेयर ४८ दशमलब ९७ प्रतिशत रकम बराबरको सेयर निश्कासन गर्ने तयारी गरेको छ । कम्पनीले जतिसक्दाे चाँडो साधारण सेयर जारी गर्न लागिएको जनाएको छ । कम्पनीले ३१ करोड ८३ लाख २८ हजार रुपैया बराबर सर्वसाधारणलाई सेयर निश्कासन गर्ने र सो मध्य जिल्लाका स्थानियबासीलाई ६ करोड ५० लाखको सेयर निश्कासन गर्ने संस्थाले जनाएको छ । लिमिटेडका प्रमुख कार्यकारी निर्र्देशक दिनेश पौड्यालले जिल्लाका स्थानियलाई छुट्याईसकेपछि ५० लाख ६६ हजारको कर्मचारी र ५ प्रतिशत १ करोड २६ लाख ६६ हजार ४ सय सामाजीक सुरक्षा कोषको लागी र २३ करोड ५५ लाख ९५ हजार १ सय रुपैयाको सर्वसाधारणलाई वितरण गरिने जानकारी दिएका छन् । सेयर निष्काशन गर्न बिक्री प्रबन्धकमा ग्लोबल आईएमई क्यापिटललाई नियुक्ति गरिएको छ । उनका अनुसार कम्पनीको वार्षिक विद्युत विक्री वापतको आम्दानी ९ करोड ७० लाख रहको छ । साधारण सेयर जारी पश्चात बैंकको कर्जा घटाउनुका साथै नयाँ परियोजना निर्माण गर्ने लक्ष्य लिइएको छ । कम्पनीले हाल ३० जना कर्मचारीहरुलाई प्रत्यक्ष रोजगारी दिई रहेको छ । कम्पनीका अध्यक्ष सुरेन्द्र भण्डारीले कम्पनीले २०६५ साल मंसिर २ गते नेपाल विद्युत प्राधिकरणसँग पहिलो पटक प्रथम पटक १८५० किलोवाट र २०६६ चैत २७ गते दोस्रो पटक ११५० किलोवाटको लागि पिपिए गरी मिति २०६६ भदौ १९ गते जेनेरेसन लाईसेन्स प्राप्त गरेको र मिति २०७१ जेठ २२ गते सिओडी गरे विद्युत उत्पादन शुरु गरिएको जानकारी दिए । उनले सर्वसाधारण सेयर निष्कासन सँगै नयाँ परियोजनाहरुमा समेत कम्पनीले लगानि गरि राष्ट्रिय अर्थतन्त्रमा योगदानको साथै लागनिकर्ताहरुलाई उचित मुनाफा दिनेगरी कम्पनी अगाडि बढ्ने बताए ।
हलेसी डेकोरको नयाँ सोरुम चक्रपथमा, काठका फर्निचर तथा सोफाहरुका सम्पूर्ण रेन्ज पाइने
काठमाडौं । फ्लोरिङ्ग, फर्निसिङ्ग तथा फर्र्निचरको सोरुम, हलेसी डेकोरले आज(बुधबार)देखि महाराजगंज, चक्रपथमा नया“ सोरुम सञ्चालनमा ल्याएको छ । ९ वर्ष अगाडि चावहिलबाट शुरु गरेको हलेसी डेकोरले उक्त नयाँ स्थानबाट पनि गुणस्तरीय क्वालिटी, उचित मूल्य तथा भरपर्दो सेवा दिने बताएकाे छ । कम्पनीका अनुसार ग्राहकले अब एउटै छाना मुनि नेपाली तथा बिदेशी ब्राण्डका सबै फर्निसिङ्गका सामानहरु आफ्नो ईच्छानुसार रोज्न पाउने तथा उचित मूल्य र गुणस्तरीय सामान पाउने छन् । हलेसी डेकोरले आफै उत्पादन गरेको काठका फर्निचर तथा सोफाहरुका सम्पूर्ण रेन्ज यस शाखामा हुने छन् । साथै, आन्तरिक गृह सज्जा कसरी गर्ने भने ईन्टेरियर डेकोरेसनको सेवा पनि यस शाखाबाट प्रदान गरिने कम्पनीले जनाएको छ ।
सहसचिव र उपसचिवको विज्ञापनमा अन्योलता, सामान्यले अझै बुझाएन लोकसेवालाई माग संख्या
काठमाडौं । सामान्य प्रशासन मन्त्रालयले सहसचिव र उपसचिवमा रिक्त रहेको पद संख्या लोकसेवा आयोगलाई नपठाएपछि भर्ना खुलाउनका लागि विज्ञापन गर्न ढिलाइ भएको छ। लोकसेवा आयोगले असोज ३१ गते सहसचिव र उपसचिवका लागि विज्ञापन खुलाउने तालिका बनाए मन्त्रालयबाट माग संख्या नआएपछि उसले खुला गर्न नपाएको हो । संविधानमा प्रत्येक प्रदेशमा प्रदेश सेवा आयोग रहने व्यवस्था गरेपनि सो सम्बन्धि ऐन नबन्दा समयमै विज्ञापन हुन नसकेको हो । प्रदेश सेवा आयोग नबन्दासम्म केन्द्रिय कार्यालयले नै विज्ञापन खोल्ने सवैधानिक व्यवस्था हुँदापनि प्रदेशले केन्द्र सरकारलाई पत्र काट्न नसकेपछि अन्योलता बढेको हो । शुक्रबारसम्म सरकारले नयाँ निर्णय गरे विज्ञापन खुलाउने सम्भावना रहेको मन्त्रालयका प्रवक्ता सुरेश अधिकारीले बताए । मन्त्रालयले लोकसेवामा संख्या पठाउन प्रदेश सरकारले केन्द्र सरकारलाई पत्र काट्नु पर्छ तर सो पत्र नआएकोले कुन मोडेलमा कर्मचारीको नयाँ भर्ना गर्ने भन्ने विषयमा कानूनी अन्योलता रहेकोले विज्ञापनमा ढिलाई भयो, प्रवक्ता अधिकारीले विकासन्युजसँग भने । असोज दोस्रो साता नै आउनु पर्ने माग संख्या अहिलेसम्म नआएकोले ३१ गतेको कार्यतालिका प्रभावित भएको आयोगका उपसचिव देवीप्रसाद अधिकारीले बताए । हामी शुक्रबारसम्म माग संख्या आएपनि तोकिएकै मितिमा विज्ञापन खोल्छौं सुवेदीले भने सरकारको निर्णयमा भर पर्ने कुरा हो समय सारेर भएपनि विज्ञापन खोल्न सकिन्छ । गत वर्ष आयोगले खुल्ला र आन्तरिक प्रतिस्पर्धाबाट ७८ जना सहसचिवको विज्ञापन खुलाएको थियो । यसैगरी उपसचिवतर्फ २१५ जनाको विज्ञापन गरको थियो । नेपालको संविधानको भाग २३ धारा २४२ देखि २४४ सम्म प्रदेश लोकसेवा अयोगको बारेमा उल्लेख गरिएको छ । यसमध्ये धारा २४४ मा प्रत्येक प्रदेशमा एक प्रदेश सेवा आयोग रहने उल्लेख गरिएको छ । सोही धाराको उपधारा २ मा प्रयोजनका लागि संघीय संसदले कानून बनाई मापदण्ड लागू गर्न सक्नेछ भनिएको छ । संविधानको धारा २४३ मा निजामती सेवाको पद बाहेक नेपाली सेना, नेपाल प्रहरी, सशस्त्र प्रहरी बल, अन्य संघिय सरकारी सेवा र संगठित संस्थाको पदको लिखित परीक्षा लोकसेवा आयोगले सञ्चालन गर्नेछ भनी उल्लेख छ । संघमा एक लोकसेवा आयोग रहनेछ । संघिय आयोगको लागि पहिलेको संसदले नै ऐन निर्माण गरिसकेको थियो तर पास नभई संसद विघटन भएपछि अब संघिय संसदले कानून बनाउने भएको हो । सघंमा रहने लोक सेवाको काम, कर्तव्य र अधिकार संघिय संसदले बनाएको ऐन अनुसार हुनेछ । यसले प्रदेश लोक सेवा आयोगको कानून नबने सम्म सबै लोक सेवा आयोगले नै पदपुर्ति गर्नेछ । संघिय संसदले कानून नबनाएसम्म कन्द्रले नै सबै परिक्षा सञ्चालन गर्ने आयोगका उप सचिव देवीप्रसाद सुवेदीले बताए । आयोगले अहिले रहेको अञ्चल स्तरको कार्यलयलाई नै प्रदेश स्तरको कार्यालय बनाउने तयारी गरेको छ । प्रत्येक प्रदेशमा रहको कार्यालयमा सहसचिवले नेतृत्व गर्ने सुवेदीले जानकारी दिए ।
सिप्रदीद्धारा काठमाडौंका विभिन्न १४ ठाउँमा यात्रु सहायता कक्ष शुरु, यात्रुलार्इ सजिलाे
काठमाडौं । यातायात व्यवस्था विभाग, महानगरीय ट्राफिक प्रहरी, नेपाल प्रहरी, नाडा र सिप्रदीद्वारा यात्रुहरुलाई उत्कृष्ट सेवा प्रदान गर्न सेवा शुरु गरेका छन् । सिप्रदीद्वारा काठमाडौं महानगरीय ट्राफिक प्रहरी प्रभाग र नाडासँगको सहकार्यमा काठमाडौं उपत्यकाका विभिन्न १४ ठाउँमा यात्रु सहायताकक्ष स्थापना गरेको छ । चाडपर्वकालागि टिकट बुकिङसँगै, नागढुंगा, कलंकी, हलचोक, नयाँबसपार्क, पुरानो बसपार्क, सुन्धारा, चावहिल, गौशाला, कोटेश्वर, जगाती, सातदोवाटो, बल्खु, दक्षिणकाली र बानेश्वरमा यात्रु सहायताकक्ष शुरु भएको छ । दशैं मनाउनका लागि करीव ३० लाख मानिसले घर जानका लागि उपत्यका छाड्ने अनुमान गरिएको छ । यातायातको उच्च मागका कारण यात्रुहरुले टिकट बुकिङका क्रममा विभिन्नखालका समस्याहरु भोग्नुपरेका उपभोक्ता संघ तथा महानगरिय ट्राफिक प्रहरी महाशाखाले जनाए । उनीहरुले धेरैजसो महंगो टिकट मूल्य, टिकट नपाउने र बस चढ्ने बेलामा समस्या भोग्नुपर्ने जस्ता गुनासो गर्दै आइरहेका थिए । साथै, एउटै सिटको टिकट धेरैलाई बिक्रि गर्ने र बसका कर्मचारीबाट अनुचित व्यवहार भोग्नुपर्ने जस्ता समस्या विगतमा दर्ता गरिएका थिए । त्यसैले, यस्ता अप्रिय अवस्था रोक्न, यात्रु सहायताकक्ष शहरका विभिन्न स्थानहरुमा स्थापना गरिएका छन् । यीयात्रु सहायताकक्षहरुले निश्चित टिकट दरको बारेमा जानकारी उपलब्ध गराउने र गुनासो सुन्ने गरेका छन् । साथै, यी यात्रु सहायताकक्षहरुले उपत्यका भित्रका स्थानीय यातायात र ट्याक्सी सेवाको निरिक्षण पनि गर्ने गरेका छन् । हरेक यात्रु सहायता कक्षमा महानगरीय ट्राफिक प्रहरी प्रभाग, यातायात व्यवस्था विभाग, नेपाल प्रहरी, वाणिज्य विभाग, उपभोक्ता समूहका प्रतिनिधीहरु रहन्छन् । यी सहायता कक्षहरुमा दूरीसहित टिकटको मूल्य पनि राखिएको छ ।
गुहेश्वरी मर्चेण्टको कात्तिक ९ गतेदेखि बुक क्लोज, नगद लाभांश दिने तयारी
काठमाडौं । गुहेश्वरी मर्चेण्ट बैंकिङ् एण्ड फाइनान्स लिमिटेडको आगामी कात्तिक ९ गतेदेखि ८ दिनसम्म बुक क्लोज हुने भएको छ । संस्थाले सेयरधनीलाई नगद लाभांश दिने प्रयोजनको लागि उक्त दिन देखि कात्तिक १६ गतेसम्म बुक क्लोज गर्न लागेको हो । वित्तीय संस्थाले सेयरधनीहरुलाई कर सहित ४ करोड २१ लाख ५ हजार ६०० रुपैयाँ नगद लाभांश दिने प्रस्ताव राखेको छ । उक्त प्रस्तावलाई कम्पनीको आगामी साधारणसभाले पारित गर्नुपर्ने छ । कम्पनीको आगामी वार्षिक साधारणसभा आगामी १६ गते बस्दै छ । हाल संस्थाको चुक्ता पुँजी ८० करोड रुपैयाँ रहेको छ ।
पञ्चकन्या माई हाइड्रोको सेयर कारोबार खुला, एक करोड १० लाख कित्ता सेयर सूचिकृत
काठमाडौं । पञ्चकन्या माई हाइड्रोपावर लिमिटेडको आज(बुधबार)बाट सेयर कारोबार गर्न सकिने छ । नेपाल स्टक एक्स्चेञ्ज(नेप्से)ले कम्पनीको पहिलो कारोबारको लागि प्रतिकित्ता १०२.४९ देखि ३०७.४७ रुपैयाँसम्म मूल्य तोकेको छ । जुनसुकै कम्पनीको सेयर नेप्सेमा सूचिकरण भएको ७ दिनमा पहिलो कारोबार शुरु हुनेछ । पुलचोकमा केन्द्रिय कार्यालय रहेको यस संस्थाको हालै एक करोड १० लाख कित्ता साधारण सेयर सूचिकृत भएको छ । साथै, कम्पनीको स्टक सिम्बोल पीएमएचपीएल रहेको छ ।
रामशाहपथमा ७१ करोडमा ७ तले महान्यायाधिवक्ताकाे भवन निर्माण शुरु, २ वर्षमा सकिने
काठमाडौ । महान्यायाधिवक्ता कार्यालयले सिंहदरवार परिसरमा ७ तले भवन निर्माण शुरु गरेको छ । नयाँ भवनको बुधबार महान्यायधिवत्ता अग्नीप्रसाद खरेलले शिलन्यास गरेका छन् । ८ रोपनी क्षेत्रफलमा निर्माण हुन लागेको भवन बनाउन झण्डै ७१ करोड रुपैयाँ लाग्ने अनुमान गरिएको छ । राष्ट्रिय पुनःनिर्माण प्राधिकरणको जिल्लास्तरीय परियोजना कार्यान्वयन एकाइले शर्मा/समानान्तर जेभीसँग ७० करोड ९५ लाख ६७ हजार रुपैयाँमा भवन निर्माण गर्न ठेक्का सम्झौता गरेको आयोजना प्रमुख लिला खतिवडाले जानकारी दिए । ठेकेदार कम्पनीले २०७७ पुस मसान्तसम्ममा भवन निर्माण गरिसक्ने उनले बताए । उनका अनुसार रामशाहपथमा रहेको भवनलाई भत्काएर पुननिर्माण हुन लागेको हो । पुरानो भवन भूकम्पले चर्किएपछि महान्यायाधिवक्ता कार्यालयले नयाँ भवन बनाउन थालेको हो । नायब महान्यायाधिवक्ता खगराज पौडेलले नयाँ भवन बनेसँगै न्याय सम्पादनमा सहयोग पुग्ने बताए। नेपाल बार एशोसिएशनका अध्यक्ष शेरबहादुर केसीले महान्यायाधिवक्ताको कार्यालय र बार मिलेर न्यायप्रणालीमा सुधार गर्नुपर्ने बताए। उनले छरिएर रहेका अनुसन्धानलाई संविधान संशोधन गरेर भए पनि एकीकृतरुपमा महान्यायाधिवक्ता मातहतमा ल्याउनुपर्ने बताए । पुरानो भवन २०२९ सालमा निर्माण गरिएको हो ।
तेह्रथुमको पिप्लेमा पहिलो पटक बस पुग्यो
काठमाडौं। म्याङलुङ नगरपालिका–४ पिप्लेमा पहिलो पटक बस पुगेको छ । गाउँसम्म पुग्ने सडक स्तरोन्नति गरिएपछि गाउँबाटै दैनिक बस सेवा शुरु भएको हो । म्याङलुङ बसपार्कदेखि पिप्लेको जनता आधारभूत विद्यालयसम्म दैनिक बस सेवा शुरु भएको वडाध्यक्ष रामबहादुर खड्काले बताए। मङ्गलबार पिप्लेमा पहिलो पटक बस पुगेको हो । दैनिक बेलुका ४ बजे बसपार्कबाट र बिहान ७ बजे पिप्लेबाट बस छुट्ने तेह्रथुम बस काउन्टरका प्रमुख डिल्ली रेग्मीले बताए। गाउँसम्मै दैनिक बस पुग्न थालेपछि गाउँबाट बजार आवतजावत तथा पूर्वी तराईसम्म जान सहज हुने भएको छ । सदरमुकाम नजिकै रहेको पिप्लेमा वर्षौअघिनै सडक निर्माण भए पनि हालसम्म बस सेवा पुगेको थिएन । वर्षाले क्षतिग्रस्त सडक मर्मत भएपछि अहिले म्याङलुङबाट फेदाप गाउँपालिकाको इसिबुसम्म, जिरीखिम्तीबाट मोराहाङसम्म र छथर गाउँपालिकासम्म पनि दैनिक बस सेवा सञ्चालन भइरहेको छ । रासस
