ओपोको नयाँ एसेवेन मोबाइल नेपाली बजारमा आउँदै, आजैदेखि बुकिङ गर्न सकिने
काठमाडौं । सेल्फी एक्स्पर्ट तथा लिडर, ओपोले नेपाली बजारमा ए सिरिजका स्मार्टफोन्स अन्तर्गत आफ्नो नयाँ उत्पादन एसेवन सार्वजनिक गर्ने तयारी गरेको छ । कम्पनीका अनुसार समस्त नेपालीहरुको महान चाड तिहारका अवसरमा शक्तिशाली ब्याट्री र प्रिमियम डिजाइन सहितको ओपो एसेवन विशेष मितब्ययी मूल्यमा सार्वजनिक गर्न लागिएको हो । ईच्छुक उपभोक्ताका लागि कम्पनीले नयाँ फोनको प्रिअर्डर खुल्ला गरिएको घोषणा गरेको छ । प्रिअर्डरको अवधि नोवेम्बर ६ देखि १४ सम्म रहने कम्पनीले जानकारी दिएको छ । फोनको फस्र्ट सेल्स ईभेन्ट भने नोवेम्बर १५का दिन कम्पनीको पाको न्यूरोड स्थित आधिकारिक शोरुमबाट हुने छ । प्रिअर्डर अवधिभर ईच्छुक उपभोक्तालो कम्पनीको न्यूरोड स्थित आधिकारिक शोरुममा गई २००० रुपैयाँ अग्रिम भुक्तानी गरी फोन बुक गर्न सक्नेछन् । यसरी प्रिबुकिङ गर्ने उपभोक्ताले फास्र्ट सेल्स ईभेन्टका दौरानयूवा ढुकढुकी तथा नेपालीचलचित्र उद्योगकी सुपर स्टार, नायिक स्वस्तिमा खड्कालाई प्रत्यक्ष भेट्ने तथा उनीद्वारा अटोग्राफ्ट गरिएको फोन प्राप्त गर्ने अवसर पाउने छन् ।
निजी सवारी साधन किन्दा ५० प्रतिशत रकम तिर्नै पर्ने, ७५ प्रतिशत व्यवसाय घट्ने दावी
काठमाडौं । अब निजी सवारी साधनहरुको खरिदकर्ताले शुरुमै ५० प्रतिशत रकम तिर्नुपर्ने भएको छ । नेपाल राष्ट्र बैंकले मंगलबार निर्देशिका जारी गर्दै सवारी कर्जाको डाउन पेमेन्टलाई ५० प्रतिशतमा झारेको हो । केन्द्रिय बैंकले १६ महिनापछि सवारी साधनको कर्जा सिमा घटाएको हो । बैंकले गत आर्थिक वर्षको मौद्रिक नीति मार्फत सवारी साधन कर्जालाई ५० प्रतिशतबाट वृद्धि गरेर ६५ प्रतिशत पुर्याएको थियो । १६ महिनापछि केन्द्रिय बैंकले सवारी साधन कर्जाको सिमा १५ प्रतिशतले घटाएको हो । अब निजी सवारी साधन खरिदकर्ताहरुले शुरुमै ५० प्रतिशत रकम तिनुपर्नेछ । त्यसपछि बैंक तथा वित्तीय संस्थाले ५० प्रतिशत डाउन पेमेन्ट गर्नेछन् । केन्द्रिय बैंकको नयाँ निर्देशनले अटोमोबाइल व्यवसाय ७५ प्रतिशतले ओरालो लाग्ने नाडा अटोमोबाइल एसोसियनका अध्यक्ष शम्भु दाहालले बताए । भारतमा शतप्रतिशत डाउन पेमेन्टको व्यवस्था रहेको तर नेपालमा भने ५० प्रतिशतमा झारेर सरकारले अटोमोबाइल व्यवसायीमाथी अन्याय गरेको आरोप लगाए । बैंक तथा वित्तीय संस्थाका लागि निजी सवारी साधन सबै भन्दा सुरक्षित कर्जा लगानीको क्षेत्रका रुपमा स्थापीत रहेको तर सरकार भने नकारात्मक रुपमा उभिएको उनको भनाई छ । उनले ६५ प्रतिशत डाउन पेमेन्टको व्यवस्थाका आधारमा अर्डर गरिएका सवारी साधन बेच्न मुस्किल हुने पनि बताए ।
डिशहोमको रमाईलो टिभीले विभिन्न हाँस्य टेलिश्रृंखलाहरु प्रशारण गर्ने, भाईटिकाको दिनदेखि हेर्न पाइने
काठमाडौं । डिश मिडिया नेटवर्क लिमिटेडले प्रवर्धन गरेका च्यानलहरुमध्ये पनि रमाईलो टिभीले यही तिहारको अवसर पारेर नयाँ नयाँ कार्यक्रम तथा धारावाहिक टेलि श्रृंखलाहरु प्रशारणमा ल्याउने भएको छ । रमाईलो टिभीले दर्शकहरुलाई मनोरञ्जन दिने उदेश्यल भाईटीकाको दिनदेखी “दृष्टी”, “अपराध”, “एकादेशको चुरीफूरी” र “लुछाचुँडी” लगायतका हाँस्य टेलिश्रृंखलाहरु प्रस्तुत गर्ने भएको हो । नारी समवेदनामा आधारित सामाजिक टेलिश्रृंखला “दृष्टी” प्रशारण गर्ने भएको छ । टेलिश्रृंखला “दृष्टी”मा भने नेपाली समाजमा महिलाले भोग्ने सुख दुःख का कथाहरु समेटिने छ । चर्चित निर्देशक ऋषि लामिछाने निर्देशित यस टेलि श्रृखंलामा सरिता लामिछाने, मिथिला शर्मा, कविता गेलाल र स्वयं निर्देशक ऋषि लामिछानेको मुख्य भुमिका रहेको छ । टेलि श्रृखंला “दृष्टी” प्रत्येक शुक्रबार साँझ ८ः ३० बजे रमाईलो टेलिभिजनमा प्रशारण हुनेछ । समाजमा घटेका अपराधिक सत्यघटनामा आधारित रहेर (सिआइबि फाइललाई आधार मानि) नाट्य रुपान्तरीत कार्यक्रम “अपराध”, तयार पारिएको छ । रानिबारी हत्याकाण्ड, बसन्तपुर एसिड आक्रमण जस्ता घटनाहरुको सम्पुर्ण विवरण सहित नाट्य रुपान्तरण गरिएको कार्यक्रम अपराध प्रत्येक शनिवार साँझ ८ः३० बजे रमाईलो टेलिभिजनमा प्रशारण हुनेछ । चर्चित हास्यँ कलाकारहरुको अभिनय रहेको “एकादेशको चुरीफूरी” र “लुछाचुँडी” लगायतका हाँस्य प्रधान टेलिश्रृंखलाहरुले दर्शकलाई पेट मिचि मिच हसाँउने छन् । “एकादेशको चुरीफूरी” प्रत्येक शुक्रवार साँझ ८ः०० बजे र “लुछाचुँडी” प्रत्येक शनिवार साँझ ८ः०० बजे रमाईलो टेलिभिजनमा प्रशारण हुने छन् । त्यसैगरी, निकट भविष्यमा मेघा धारावाहिक श्रृंखला, रियालिटी शो, लभ सिरिज, हरर र थ्रिलर सिरिज पनि निर्माण गरि प्रसारण गरिने कम्पनीले जानकारी गराएको छ ।
नेपाल क्यान्सर हस्पिटलद्वारा स्तन क्यान्सरसम्बन्धि अभिमुखीकरण गोष्ठी
काठमाडौं। नेपाल क्यान्सर हस्पिटल एंड रिसर्च सेन्टरमा कार्तिक १९ गते सोमबारका दिन वुमन चेम्बर अफ कमर्सुका सदस्यहरुलाई अक्टोबरको स्तन क्यान्सर सचेतना महिनाु अन्तर्गत स्तन तथा अन्य महिलाजन्य क्यान्सर रोगहरुको बारेमा अभिमुखीकरण कक्षा दिए। विश्वमै फैलिएको डरलाग्दो क्यान्सर रोगका कारण हजारौं मानिसहरु मृत्युवरण गरिरहेका छन् । हजारौं मानिसले विभिन्न समस्याहरु झेलिरहेका छन् । अझ हाम्रो जस्तो अविकसित मूलुकमा अशिक्षा, गरीबी, कुसंस्कार र यस सम्बन्धी चेतना, औषधि उपचार र अन्य श्रोत साधनका अभावका कारण वर्षेनि हजारौं मानिसले ज्यान गुमाएका छन् भने परिवारका सदस्यहरु झन कष्टदायी जिवन विताउन बाध्य छन्। क्यान्सर रोगको सामना गर्न भौतिक, आर्थिक, सामाजिक, मानसिक र पारिवारिक रुपमा बलियो हुनुपर्ने तथ्यलाई मध्यनजर गर्दा यस रोगको रोकथाममा महिलाको भूमिका अत्यन्त महत्वपुर्ण हुने गर्दछ। अझ आजकालका कामकाजी महिलाहरुले आफ्नो व्यस्त जीवनमा आफ्नो शरीरको नियमित परिक्षण गराउनु जरुरि हुन्छ। यस सभामा स्तन क्यान्सरको निदान, रोकथाम, र उपचारको जनचेतना अभिबृद्दिका लागि समाजका अगुवा महिलाहरुले खेल्नुपर्ने भूमिकामा प्रकाश पारिएको थियो । कार्यक्रममा नेपाल क्यान्सर हस्पिटल एंड रिसर्च सेन्टरका तर्फबाट डा.सुदिप श्रेष्ठले स्वागत मन्तब्य ब्यक्त गरेका थिए। उनले नेपालमा क्यान्सरजस्ता उपचार गर्न ठुलो स्रोतसाधन चाहिने रोगहरुका लागि सरकारले अझ सशक्त रुपमा स्वास्थ्य बिमाको अवधारणा ल्याउनुपर्ने कुरामा जोड दिए। यसै सन्दर्भमा उनले उपचार गर्न विदेशिने नेपालीको मानसिकतामा परिवर्तन ल्याउन नेपालीको क्यान्सर उपचार नेपालमा नै नारा लिई अस्पताल अगाडि बढेको पनि बताए। वुमन चेम्बर अफ कमर्सु का हेल्थ कमिटिु संयोजक तथा नेपाल क्यान्सर हस्पिटल एंड रिसर्च सेन्टरकी संचालिका श्रीमती स्वरुपा श्रेष्ठले आफ्नो मन्तब्य दिएकी थिईन्। मन्तव्यमा उनले क्यान्सर रोगको जनचेतना अब ग्रामीण क्षेत्रमा पुर्याउनुपर्ने र त्यसका लागि वुमन चेम्बर अफ कमर्सले नेपाल क्यान्सर हस्पिटल, च्याम्बर अफ कमर्स, रोटरी र लायन्स क्लबजस्ता सामाजिक संघसंस्थासंग सहकार्य गरिरहेको बताए। कार्यक्रमको दोश्रो चरणमा हस्पिटलका सर्जिकल अन्कोलोजी बिभाग प्रमुख डा। कपेन्द्र शेखर अमात्यले स्तन क्यान्सरका बारेमा सहभागीहरुलाई प्रस्तुति दिएका थिए। सहभागीहरुको जिज्ञासा मेटाउदै उनले आजकल स्तन क्यान्सर लागिहालेमा पनि पुरै स्तन काटेर फाल्नु नपर्ने तथ्य उजागर गर्नुभयो। साथसाथै यस हस्पिटलमा अन्कोप्लास्टिक ब्रेस्ट सर्जरीु पनि सुरु भैसकेकाले धेरै केसहरुमा नया स्तन बनाउने प्रबिधि र सीप नेपालमै उपलब्ध भएको पनि जानकारी दिनुभयो। नेपाल क्यान्सर हस्पिटल एंड रिसर्च सेन्टरमा कम्प्रिहेन्सिभ ब्रेस्ट केअर क्लिनिकु उपलब्ध भएकाले स्तन क्यान्सरका जानकार डाक्टर हरुको समुहद्वारा हरेक बिरामी र क्यान्सरको बिशिष्ट उपचार हुने डा. अमात्यले बताए। यसका लगत्तै भेलाका सहभागीहरुले आ(आफ्ना मनमा लागेका क्यान्सर सम्बन्धि प्रश्नहरु सोधेका थिए।
ईएनटी हस्पिटलद्धारा रक्तदान कार्यक्रम सम्पन्न, ३२ प्रिन्ट रगत संकलन
काठमाडौं । ईएनटी हस्पिटलले आफ्नै अस्पतालको प्राङगणमा रक्तदान कार्यक्रम आयोजना गरेको छ । सो रक्तदान कार्यक्रमको लागी राष्ट्रिय ट्रमा सेन्टरको प्याथेलोजी विभागबाट प्राविधिक सहयोग प्राप्त भएको थियो । सामुदायीक प्रहरी सेवा केन्द्र, बागबजारबाट स्थानिय रुपमा सयोग प्राप्त भएको थियो । रक्तदान कार्यक्रममा स्थानिय बासिन्दा तथा हस्पिटलको कर्मचारीहरुले भाग लिएकोमा करिब ३२ प्रिन्ट रगत संकलन भएको छ । रक्तदाताहरुलाई हस्पिटलको अध्यक्ष डा. माधवप्रसाद दाहाल र सामुदायीक प्रहरी सेवा केन्द्र बागबजारको प्रमुख अन्जु श्रेष्ठले कदरपत्र प्रदान गरेका थिए । कार्यक्रमका संयोजक डा. जयन्द्र प्रधानाङगका अनुसार सो कार्यक्रममा संकलित रगत सबै भन्दा आवश्यक पर्ने राष्ट्रिय ट्रमा सेन्टरलाई प्रदान गरिएको छ । त्यहाँबाट आवश्यक परेका व्यक्तीहरुले सजिलै रगत प्राप्त गर्न सक्नेछन् । काठमाडौ ईएनटी हस्पिटल १५ सैया भएको कान, नाक र घाँटीको विशेषज्ञ हस्पिटल हो र यसले आफ्नो स्थापनाकाल देखी नै विभिन्न संघ संस्थाहरु सँगमिलेर निशुल्कः स्वास्थ्य शिविरहरु र अन्य सामाजिक कार्यहरु संचालन गर्दै आएको छ ।
उद्योग खाेल्न ३०० बढीको आवेदन, रोजगारी पाउने आशामा स्थानीयवासी खुशी
भीमदत्तनगर । सरकारले स्थापना गर्न लागेको सुदूरपश्चिम प्रदेशको एक मात्रै ‘दैजी छेला औद्योगिक क्षेत्र’मा उद्योग स्थापना गर्न ३६२ जना व्यवसायीले आवेदन भरेका छन् । कञ्चनपुरको बेदकोट नगरपालिकाको छेलामा स्थापना हुने औद्योगिक क्षेत्रका लागि सुदूरपश्चिमलगायत मुलुकका विभिन्न क्षेत्रका उद्योग व्यवसायीले उद्योग स्थापना गर्न आवेदन दिएको बेदकोट नगरपालिकाले जनाएको छ । व्यापारी तथा व्यवसायीले फलाम, सरिया, नमकिन, विभिन्न मिल स्थापना गर्न आवेदन दिएको नगरपालिका कार्यालयले जनाएको छ । साना, ठूला र मझौला उद्योग स्थापना गर्न गत साउनमा आवेदन खोलिएको थियो । नगरपालिकाका नगरप्रमुख अशोककुमार चन्दले औद्योगिक क्षेत्र व्यवस्थापन लिमिटेडको टोलीले औद्योगिक क्षेत्रमा निमार्ण गर्न विस्तृत परियोजना प्रतिवेदन (डिपिआर) तयार पारिसकेको बताए ।“डिपिआर र वातावरणीय प्रभाव मूल्याङ्कनको काम अन्तिम चरणमा छ ।” उनले भने, “तोकिएको समयमा व्यापारी र व्यवसायीले पनि उद्योग स्थापनाका लागि आवेदन दिएका छन् ।” औद्योगिक क्षेत्र स्थापना गर्ने भनिएको लामो समय बितिसक्दा पनि स्थापनाको काम विभिन्न प्रक्रियाका कारण मन्त्रालयमा रोकिएको थियो । सरकारले २०५२ सालमा घोषणा गरेको औद्योगिक क्षेत्र स्थापनामा ढिलाइ गर्न नहुने स्थानीयवासीको भनाइ छ ।“सरकारले घोषणा गरेको दुई दशक बितिसक्दा पनि स्थापना हुन नसक्नु दुःखद् कुरो हो ।” स्थानीय रामलाल चौधरीले भने, “अहिले दु्रत गतिमा काम अघि बढेकाले औद्योगिक क्षेत्र स्थापना हुनेमा ढुक्क छौँ ।” छेला औद्योगिक क्षेत्रका स्थानीयवासी रोजगारी पाउने आशामा खुशी छन् । “स्थानीय तहका जनप्रतिनिधि पनि यसका लागि निकै दौडधुपमा छन् ।” चौधरीले भने, “विकास र समृद्धिसित जोडिएका विषय प्रक्रियाका नाममा अल्झाउने काम हुनु हुँदैन ।”“छेला नजिकै रहेको मुक्तकमैया बस्तीका सयौँ युवा अहिले भारतमा मजदूरी गरेर परिवारको खर्च जुटाइरहेका छन् ।” उनले भने, ‘औद्योगिक क्षेत्र बने त घर आँगनमै रोजगारी पाउने छ ।” स्थानीय प्रेम चौधरीले औद्योगिक क्षेत्र स्थापनामा ढिलाइ गर्न नहुने बताए । “लामो समय भइसक्यो यो क्षेत्रमा उद्योग खुल्ने खबर सुन्न थालेको ।” चौधरीले भने, “यो काम भए त हाम्रो गाउँमा पनि खुशियाली छाउथ्यो ।” चौधरीका अनुसार औद्योगिक क्षेत्र स्थापना हुने भएपछि गाउँमा जग्गाको कारोवार भएको छैन । “पहिलेको भन्दा अहिले जग्गाको मूल्य पनि बढेको छ ।” उनले भने । सरकारले प्रस्ताव गरेअनुसार पूर्वतर्फ छेला मुक्तकमैया बस्ती तथा धेउडीथुम खोल्सा, पश्चिमतर्फ चुरे वनक्षेत्र, दक्षिणतर्फ चाँदनीफाँट बस्तीको चार किल्लाभित्रको जनचेतना सामुदायिक वन करीब २०० हेक्टर र बेतकोट सामुदायिक वनको करीब ४५० हेक्टरसमेतको ९०० बिगाहा जग्गा औद्योगिक क्षेत्रको लागि कायम गरिएको छ । जिल्ला वन समन्वय समितिले २०६६ सालमा आवश्यक जमीन उपलब्ध गराउने सहमति गरेको र जनचेतना सामुदायिक वन, बेदकोट सामुदायिक वनले पनि औद्योगिक क्षेत्र स्थापनाका लागि जमीन दिन सहमत भइसकेका छन् ।“सरकारले पनि दैजी छेलाको चार किल्लाभित्र बनाउने निर्णय गरिसकेको छ ।” नगरप्रमुख चन्दले भने, “अब छिट्टै स्थापनाको काम अगाडि बढ्छ ।” उनले वन कार्यालयको प्रक्रियामा ढिलाइ हुँदा समस्या भइरहेको जानकारी दिए । रासस
प्रदेश ३ ले इलेक्ट्रिक सवारीका लागि ३० करोड लगानी गर्ने, बैशाखदेखि सञ्चालनमा ल्याउने
काठमाडौं । प्रदेश नम्बर ३ ले सार्वजनिक दिगो यातायातका लागि इलेक्ट्रिक सवारीमा ३० करोड लगानी गर्ने भएको छ । प्रदेश ३ मा सवारी सञ्चालन गर्ने गरी यातायातले लगानी गर्न लागेको हो । यातायातले प्रदेशभित्रका १३ जिल्ला र अन्तर प्रदेश सवारी सञ्जाल विस्तार गर्न लागेको हो । मंगलबार राजधानीमा बसेको एक बैठकमा मुख्य मन्त्री डोरमणि पौडेल, मेयर विश्व सुन्दर शाक्य साझा यातायातका अध्यक्ष कनकमणि दीक्षित, कार्यकारी अधिकृत महेन्द्रराज पाण्डे सहित बसेको बैठकले लगानी गर्ने सहमति गरेको हो । बैठकमा मुख्यमन्त्री पौडेलले सार्वजनिक निजी साझेदारितामार्फत सार्वजनिक यातायात सञ्चालन गर्ने बताए । इन्धनबाट चल्ने सवारीलाई विद्युतीय सवारीले विस्थापन गरेर वातावरणमा इन्धनजन्य सवारीबाट परेको असर कम गर्ने प्रदेशको नीति अनुरुप लगानी हुनेछ । यसका लागि आउँदो बैशाखबाट प्रदेश सरकारबाट सञ्चालित बिद्युतीय बसहरु चल्नेछन् । महानगरपालिकाले सार्वजनिक यातायात प्रणालीमा सुधार ल्याउन लगानी गरिसकेको छ । यसबाट प्रतिफलको लाभभन्दा नागरिकलाई सहज सेवाको अपेक्षा गरिएको मेयर शाक्यले बताए । अहिले स्थानीय तहमा गरेको अभ्यासका आधारमा प्रदेश सरकारसँग हामी साझेदारिता गर्न तत्पर रहेको साझाका अध्यक्ष दीक्षितले बताए । साझा यातायातमा अहिले संघ सरकारको करीव २६ करोड, काठमाडौं महानगरको १५ करोड, ललितपुर महानगरको १ करोड रुपैयाँ तथा ललितपुरकै गोदावरी र महालक्ष्मी तथा काठमाडौंको बुढानिलकण्ठ नगरपालिकाको शेयर छ ।
एकल परिवारको साथी बन्दै कुकुर
काठमाडौं। आज तिहारको दोस्रो दिन अर्थात कुकुर तिहार। यस दिनमा प्राचिन कालदेखि नै मानवजातीसँग प्रगाढ र बलियो सम्बन्ध भएको जीवको रुपमा मानिने कुकुरको पूजाआजा गरिन्छ । हिन्दू धर्ममा कुकुरलाई आज्ञापालक र बफादार मानेर विशेष स्थान दिइएको छ। हिन्दू धर्मशास्त्रमा कुकुरलाई सुरक्षाकर्मीको साथै यमराजको दूतका रुपमा वर्णन गरिएको छ। मृत्यूपर्यन्त पनि मोक्षको द्वारमा कुकुरले नै पहरा दिएको धर्मशास्त्रमा उल्लेख छ । यस्तै कुकुरलाई भगवान भैरवको बाहनको रुपमा पनि चिनिन्छ। कुकुर तिहारको दिन कुकुरलाई पूजाआजा गरि माला लगाइदिने चलन रहेको छ । त्यसपछि कुकुरलाई मनपर्ने खानेकुरा खान दिइन्छ । पूजा गरेर माला लगाई खाना खान दिने यस विशेष कार्यले कुकुरलाई मानव सभ्यता र संस्कारमा विशेष महत्व दिएको मान्न सकिन्छ । कुकुर तिहारको दिनले मानव समाज र कुकुरहरु बीचको प्रगाढ सम्बन्ध झल्काउँछ। अहिले कुकुरलाई सुरक्षा भन्दा पनि साथीको रुपमा लिईन्छ। नेपालमा पारिवारिक संरचना पहिलेको भन्दा फरक हुँदै गईरहेको छ। मानिसहरु संयुक्त परिवारबाट एकल परिवारमा परिणत हुँदैछन् र त्यही क्रममा पनि मानिसहरुमा कुकुर पाल्ने प्रचलन बढेको पाईन्छ। पहिले पहिले कुकुरलाई भेडाबाख्रा चराउने र घरकुरुवाको रुपमा प्रयोग गरिन्थियो। तर अहिले भने मानिसहरुले यसलाई सोखको रुपमा पाल्ने गर्छन्।
