आदित्य घोष ओयो होटल्सको दक्षिण एशियाको कार्यकारी अधिकृतमा नियुक्त
काठमाडौँ । दक्षिण एसियाकै सबैभन्दा ठूलो तथा संसारकै सबैभन्दा छिटो वृद्धि दर भएको ओयोको होटेल श्रृंखलालले भारत र दक्षिण एशियाको सीईओमा भारतको आदित्य घोषलाई नियुक्त गरेको छ । ओयो होटल व्यवसायको निरीक्षण र विकास गर्नको लागि दक्षिण एशिया जसमा इंडिया, नेपाल र अन्य आगामी बजारहरु पर्दछन् । आदित्य २१ वर्षको अनुभव भएका व्यवसायी हुन् । उनले उच्चस्तरीय ग्राहक अनुभव र निरन्तर उपजका लागि ध्यान दिनुका साथै यसको वृद्धि जारी गर्नेछन् । उनको भूमिका सल्लाहकार हुनुका साथै एक उच्च प्रदर्शनलाई पुरस्कार दिने र विविधता कायम राख्ने हुनेछ । यस होटेलको श्रृंखला विशाल बनाउन मात्र नभएर यसलाई लोकप्रिय होटल बनाउन पनि उनको नियुक्ति अति आवश्यक छ । आदित्यले ओयो होटल एंड होम्सका संस्थापक एवं समूह सीईओ रितेश अग्रवाललाई रिपोर्टिंग गर्नेछन् ।
सुदूरपश्चिममा लगानी गर्नुस्, उच्च प्रतिफल लिनुस्ः मन्त्री झपट बोहरा
चितवन । सुदूरपश्चिम प्रदेशका आर्थिक मामिला तथा योजनामन्त्री झपट बोहराले आफ्नो प्रदेश लगानीका लागि उपयुक्त ठाउँ भएको भन्दै चितवनका उद्योगीरव्यवसायीलाई लगानी गर्न आग्रह गरेका छन् । पत्रकारहरुसँग आइतबार यहाँ कुराकानी गर्दै उनले यस क्षेत्रका उद्योगीरव्यवसायीलाई सुदूरपश्चिममा लगानी गरेर प्रतिफल लिन आग्रह गरे । बोहोराले दुईतीन महीना भित्रमा आवश्यक ऐन पारित गरी लगानी सम्मेलन गर्न लागिएको पनि जानकारी दिए । नयाँ उद्योगहरुलाई करको दरमा छुट दिइने भन्दै उनले सुदूरपश्चिम लगानीका लागि राम्रो प्रतिफल दिने क्षेत्र बन्ने बताए । जलविद्युत्, पर्यटन, केबुलकार, हवाई सेवा, उच्च मूल्यका जडीबुटीको विकास र विस्तार, कृषि र पशुपक्षी पालनमा सुदूरपश्चिम बढी सम्भावना रहेको उनको भनार्इ थियो । चितवनमा रहेका धेरै उद्योगीरव्यवसायीलाई प्रदेश सरकारले उद्योगका लागि स्थान तोकेर भाडामा जग्गा उपलब्ध गराउने पनि उनले बताए । मन्त्री बोहोराले अन्तर प्रदेशका बीचमा समन्वय गरेर काम गरेमा सबै प्रदेशलाई फाइदा पुग्ने उल्लेख गर्दै यसबाट ऐन कानूनहरु, नियमावली, कार्यविधिमा एकरूपता दिन सकिने बताए । अन्तर प्रदेश बीचमा निर्भरता बढाउनुपर्ने भन्दै उनले एक प्रदेशले अर्को प्रदेशमा सम्भावित क्षेत्रहरुमा लगानी बढाउनुपर्ने बताए । -रासस
अजोड इन्स्योरेन्स र कुमारी बैंकबीच बैंकास्योरेन्स सम्झौता
अजोड इन्स्योरेन्स लिमिटेड र कुमारी बैंक लिमिटेडबीच सहकार्य गर्दै बैंकास्येरेन्स सेवा प्रदान गर्ने सम्बन्धी सम्झौता भएको छ । मंसिर २ गते आइतवार आयोजित एक कार्यक्रमकाबीच अजोड इन्स्योरेन्स लिमिटेडका प्रमुख कायर्कारी अधिकृत कुमारवहादुर खत्री र बैंकका सिनियर नायव प्रमुख कार्यकारी अधिकृत अनुजमणि तिमिल्सिनाले सहमतिपत्रमा हस्ताक्षर गरेका हुन । सहमतिसंगै बैंकका ग्राहकहरूले अजेाड इन्सेारेन्स लिले प्रदान गर्ने निर्जीवन बीमा सम्वन्धी सेवा सुविधा बैंकका सबै शाखाबाट लिन सक्ने प्रेस विज्ञप्तिमा जनाएइको छ।
गणितका लागि अर्को आन्दोलनकाे तयारी, सरकारी पाठ्यक्रम पढेर विश्वविद्यालय जानै नसकिने दाबी
काठमाडौं । हाल कक्षा ११ र १२ मा विज्ञान इतरका विषयहरुमा समेत गणित विषयलार्इ अनिवार्य गर्नुपर्ने माग गर्दै अाएकाे नेपाल गणित समाजले थप आन्दोलन गर्ने भएको छ । त्यसका लागि समाजले अाफ्नाे मागमा एेक्यवद्धता जनाएका ४ अाेटा संगठनसहितकाे बैठक साेमबार बाेलाएकाे छ । राजधानीकाे बागबजारस्थित पद्मकन्या क्याम्पसमा अायाेजना गरिएकाे बैठकमा अाफूहरुले यसअघि राखेकाे मागप्रति सरकारकाे व्यवहार र अान्दाेलन भावी दिशाबारे छलफल हुने बताइएकाे छ । समाजले प्रधानमन्त्री र शिक्षामन्त्रीसँगै पाठ्यक्रम विकास केन्द्रलाई समेत ध्यानाकर्षण गराएकाे थियाे । तर त्यसकाे कुनै प्रतिक्रिया नअाएकाे समाजका सहसचिव जीवन काफ्लेले बताए । हाल कक्षा ११ र १२ मा ५ ओटा विषय रहेकोमा ४ ओटा अनिवार्य र एउटा ऐच्छिक रहेकोमा सरकारले ४ ओटा विषय अनिवार्य र ३ ओटा विषय ऐच्छिक रहनेगरी पाठ्यक्रम तयार गरेको छ । अनिवार्य रहेका ४ विषयमा गणित नरहने तर बाँकी ३ ओटा ऐच्छिक विषयमध्ये गणित अध्ययन गर्न चाहनेले २ विषय पढ्नुपर्ने र त्यसो गर्दा विद्यार्थीले आफ्नो खास छनोट गरेको विषयको भने एउटामात्र विषय पढ्नुपर्ने गरी पाठ्यक्रम बनाएको छ । यस्तो व्यवस्थाले गणित पढ्ने कि आफूले रोजेको विषय पढ्ने भन्ने दुविधा विद्यार्थीमा रहन्छ । त्यसैले हामीले ‘जीवन उपयोगी’ शिक्षालाई ऐच्छिकमा समावेश गरेर एउटा गणित विषयलाई अनिवार्य बनाउन माग गरेका हौं–काफ्लेले विकास न्यूजसँग भने । समाजले राखेको मागलाई विभिन्न विश्वविद्यालयशरुले समेत समर्थन जनाएको उनको चनाई थियो । यस्तो पाठ्यक्रमले गर्दा विश्वविद्यालयहरुमा हाल रहेको पाठ्यक्रम अनुसारका विषय पढ्न समेत गाह्रो हुने विश्वविद्यालय अन्तर्गतका विभागहरुले गणितलाई अनिवार्य गर्नुपर्ने सुझाव दिइसकेका छन् । विज्ञान विषयमा भने अनिवार्य रुपमा गणित पढ्नै पर्ने व्यवस्था गरिएको छ । पहिले गणित विषयका विद्यार्थीहरुका लागि समेत अनिवार्य नगरिएकोमा सरकारको चौतर्फी आलोचना भएपछि सरकार पछि हटेको थियो । हाल कक्षा ११ र १२ मा गणित विषय अध्यापन गर्ने शिक्षकहरुको संख्या करिब ५ हजार छ । यस्तो व्यवस्थाले उनीहरुको भविष्यमा प्रत्यक्ष असर गर्नेछ । यद्यपि शिक्षक समाजले भने यो विषय शिक्षकसँग नभएर सम्पूर्ण विद्यार्थीहरुसँग जोडिएको भन्दै सरकारले जनतालाई सामान्य गणितीय व्यवहार गर्ने अवस्थाबाट समेत विमुख बनाउन लागेको आरोप लगाएको छ । यसले विद्यालय तहपछि सामान्य विद्यार्थीले पढ्ने प्राविधिक विषयहरु समेत पढ्न अप्ठ्यारो हुने समाजको दाबी छ ।
प्राइम कमर्सियल बैंक संखुवासभाको सभापोखरीमा, शाखा ६५ पुग्यो
काठमाडौं । प्राइम कमर्सियल बैंक लिमिटेडले सभापोखरी गाँउपालिकामा शाखा कार्यालय सभापोखरीको शुभारम्भ गरेको छ । यस शाखाको संचालन पछि बैंकको शाखा कार्यालय संख्या ६५ पुगेको छ । उक्त शाखाको उद्घाटन बैंकका संचालक गजेन्द्र बिष्टले गरेका हुन् । यसै क्रमलाई निरन्तरता दिंदै बैंकले आगामी दिनहरुमा पनि शाखाहरुको संजाल विस्तार गर्दै लाने प्रतिवद्धता जनाएको छ ।
२५ सय तिरेर ५० हजारको बीमा, ४२० रुपैंयाँमा ११ लाख ?
काठमाडौं । सरकारले समाजिक सुरक्षाका लागि भन्दै ल्याएको स्वास्थ्य बीमा कार्यक्रमको प्रिमियम २५ सय रुपैंयाँ पर्छ । त्यसले पाँच जनाको परिवारलाई बार्षिक ५० हजार रुपैयाँको मात्रै स्वास्थ्योपचार सुबिधा दिन्छ । तर कर्मचारी सञ्चय कोषले ४२० रुपैंयाँ प्रिमियममा १० लाख रुपैंयाँको स्वास्थ्योपचार सेवा उपलब्ध हुने कार्यक्रम ल्यायो, त्यो पनि बीमा व्यवसाय गर्ने राष्ट्रिय बीमा कम्पनी मार्फत । अझै त्यसमा बिभिन्न जटिल प्रकृतिका घातक रोग समेत समेटिएका छन् । सरकारले तामझाम सहित नागरिकको समाजिक सुरक्षाको जिम्मेवारी लिने भन्दै २५ सय रुपैंयाँ असुलिरहेका बेला ४२० रुपैंयाँमै ११ लाखको बीमा कार्यक्रम आएपछि सरकारी कार्यक्रमको औचित्य माथी भने प्रश्न उठेको छ । बीमा कम्पनीका प्रमुख कार्यकारी अधिकृतहरुले नै २५ सय प्रिमियममा ११ लाख रुपैंयाँको बीमा गरिदिने दावी गरिरहेका छन् । ‘हामी २५ सय रुपैंयामा त जटिल प्रकृतिका रोगहरु समेट्ने १० लाख रुपैंयाँको बीमा गराउन सक्छौं, सरकारले नागरिकसँग चर्काे शुल्क असुल्यो’, एक बीमा कम्पनीका प्रमुख कार्यकारी अधिकृतले विकासन्युजसँग भने । बीमा समितिले पनि २५ सय रुपैंयाँमा १० लाख भन्दा बढिको जोखिम वहन गर्न सक्छौं भन्दै बीमा कम्पनीका सिइओहरु आईरहेको बताएको छ । ‘बीमा कम्पनीका सिइओहरुले २५ सय रुपैंयाँमा १० लाख भन्दा धेरैको बीमा गर्न सक्छौं भनिरहेका छन्’, बीमा समितिका कार्यकारी निर्देशक राजुरमण पौडेलले भने । कर्मचारी सञ्चय कोषले ४२० रुपैंयाँमा ११ लाखको बीमा गरिदिएपछि अब सरकारले अघि सारेको स्वास्थ्य बीमा कार्यक्रम भने जोखिममा पुगेको छ ।
दाङको निर्वाचन क्षेत्र नं.२मा स्थानीय पूर्वाधार विकासमा चार करोड बजेट विनियोजन
काठमाडौं । दाङ निर्वाचन क्षेत्र नं २ का योजनाहरू छनोट गरी बजेट विनियोजन सम्पन्न भएको छ । स्थानीय पूर्वाधार विकास साझेदारी कार्यक्रमअन्तर्गत कूल चार करोड बजेट रहेको उक्त निर्वाचन क्षेत्रमा साझेदारी कार्यक्रममार्फत बजेटमा शिक्षा क्षेत्रको पूर्वाधार विकासका लागि सबैभन्दा बढी एक करोड २० लाख विनियोजन गरिएको छ । त्यसैगरी स्वास्थ्यतर्फ ७५ लाख, सडक र पुलपुलेसातर्फ ९० लाख, सिँचाइ तथा खानेपानीतर्फ ९० लाख र बधशाला तथा शहीदपार्क निर्माणतर्फ २५ लाख बजेट विनियोजन गरिएको सभामुख कृष्णबहादुर महराका स्वकीय सचिव प्रमोद शर्माले जानकारी दिएका छन् । स्थानीयस्तरबाट थुप्रै योजना माग भए पनि सीमित बजेटका कारण सबैलाई सम्बोधन गर्न नसकिएको पनि उनको भनाई रहेको छ । अहिलेको कार्यक्रममा नसमेटिएका योजनालाई प्राथमिकतामा राखेर अन्य स्रोतको खोजी गर्नुपर्ने जनाएका छन् । रासस
लुम्बिनी जनरल इन्स्योरेन्स र महालक्ष्मी विकास बैंकबीच बैंकास्योरेन्स सम्झौता
काठमाडौं । लुम्बिनी जनरल इन्स्योरेन्स र महालक्ष्मी विकास बैंकबीच बैंकास्योरेन्स सम्झौता भएको छ । उक्त सम्झौतामा इन्स्योरेन्सका प्रमुख कार्यकारी अधिकृत एन.पि. प्रधान र बैंकका प्रमुख कार्यकारी अधिकृत कृष्णराज लामिछानेले हस्ताक्षर गरेका छन् । सो सम्झौता अनुसार महालक्ष्मी बैंकका सम्पत्ती तथा सो बैंकका ग्राहकहरुको बीमा लुम्बिनी जनरल इन्स्योरेन्सले गर्नेछ ।
