विश्वव्यापी रुपमा नै एचआईभिको नयाँ संक्रमण घट्दै, औषधी उपचारमा पहुँच बढ्दै
काठमाडौं। बिस्वोमा एचआईभि पत्ता लागेको ३७ बर्ष पुगिसकेको छ भने विश्व एड्स दिवस मनाउन थालएको ३० बर्ष भईसकेको छ। नेपाल लगायत विश्वव्यापी रुपमा नै एचआईभिको नयाँ संक्रमण घट्दै गईरहेको छ भने हेरचाह र सहयोग लगायत एआरभी औषधी उपचारमा समेटा पहुँच बढ्दै गएर एड्सको कारणबाट हुने मृत्युमा पनि कमी आएको छ। एचआईभी संक्रमणदरलाई अझै घटाउँदै लैजाने र एड्सको महामारीलाई अन्त्य गर्ने दिगो बिकास लक्ष्यहरु तथा एचआईभी रोकथाम, हेरचाह, सहयोग तथा उपचार सम्बन्धी कार्यक्रमलाई तिव्रता दिनको लागि एड्स विरुद्द विश्व अभियान अन्तर्गत “एचआईभीको जाँच गराऔं, आफ्नो अवस्था थाहा पाऔं “ मुल नाराका साथ यस बर्षको विश्व एड्स दिवस मनाईदैछ। यसले सन् २०२० सम्मको लागि ९०:९०:९० अर्थात ९० प्रतिसत एचआईभी संक्रमितहरुले आफ्नो संक्रमण अवस्थाबारे थाहापाउने, ति मध्य ९० प्रतिसतको औषधी उपचारको पहुँच हुने र ति औषधी खानेहरु मध्य ९० प्रतिसतको शरीरमा भाईरसको भार न्युन भएको हुने० लक्ष्यलाई प्राप्त गर्न टेवा मिल्नेछ। सन् २०१७ को अन्त्य सम्म संसारभर ३ करोड ६९ लाख ब्यक्तीहरुमा एच आई भि संक्रमण भएको अनुमान गरिएको छ। नेपालमा भने ३१ हजार २० जनामा संक्रमण भएको अनुमान छ। ति मध्य पुरुषको संख्या १९ हजर २० र महिलाकोको संख्या १२ हजार रहेको छ। नेपालको वयस्क १५ बर्ष देखी ४९ बर्षको उमेर समुहमा जनसंख्यामा एचआईभि को ब्याप्ता दर ०.१५ प्रतिसत रहेको छ। नेपालमा कारीब ७५ प्रतिसत एचआईभि संक्रमण असुरक्षित यौनसंम्पर्कबाट भएको पाईएको छ। नेपालको वर्तमान एचआईभिको अवस्थालाई केन्द्रिक्रित माहामारीको रुपमा पारीभासित गरिन्छ। यस्को अर्थ एक वा सो भन्दा एचआईभि सर्न सक्ने जोखिममा रहेको समुहमा एचआईभि संक्रमण दर ५ प्रतिसत भन्दा बढी तर सामान्य जनसंख्यामा एचआईभि संक्रमन दर १ प्रतिसत भन्दा कम हुनु हो। नेपालमा एचआईभि संक्रमणको उच्च जोखिममा रहेक समुह – सुईद्वारा लागुपदार्थ प्रयोग गर्नेहरु, यौनकर्मी, पुरुष समालिङी तथा तेस्रोलीगींहरु, रोजगारिका लागि बाहिर जानेहरु र जेलका कैदीहरु हुन्। यि मध्य सईद्वारा लागुपदार्थ प्रयोग गर्नेहरु र पुरुष समलिगीं यौनकर्मिहरु एचआईभि संक्रमणको दर अरु जोखिममा रहेको समुहभन्दा उच्च छ। सन २०१० देखी सन् २०१७ सम्मको बिस्वोब्यापी १६ प्रतिसत नयाँ संक्रमण घटेको छ भने ३५ प्रतिसतने बच्चाहरुमा हेने संक्रमण कम भएको छ। यसैगरी सन् २००४ ( सबैभन्दा धेरै एड्स सम्बन्धी भएको बर्ष) देखी सन् २०१७ सम्म एड्सको कारणले मृत्यु ५१ प्रतिसतले घटेको छ। सन् २०१७ सम्ममा कुल एच आई भी संक्रमित मध्य ५९ प्रतिसत ( २ करोड १७ लाक) मात्र एआरभी उपचारमा छन्। यसैगरी २०१० तुलनामा सन २०१७ सम्म नेपालमा ६१ प्रतिसतले नयाँ संक्रमण घटेको छ भने ६३ प्रतिसतले बच्चाहरुमा हुने नयाँ संक्रमणमा कमी आएको छ। स्वास्थ्य सेवा बिभाग
पुस १ गतेदेखि उपत्यकामा नयाँ रुट शुरू हुने, यसरी गुड्नेछन् १५ रुटमा सार्वजनिक सवारी
काठमाडौं । यातायात व्यवस्था विभागले उपत्यकामा पुस १ गतेदेखि नयाँ रुट लागू गर्ने भएको छ । विभागले उपत्यकाभित्र १५ वटा प्राथमिक रुट क्षेत्र निर्धारण गरी सार्वजनिक सवारी सञ्चालन गर्ने तयारी गरेको हो । उपत्यकाको सवारी जामलाई कम गर्ने उदेश्यले विभागले नयाँ रुट निर्धारण गर्न लागेको हो । विभागले पुस महिनादेखि नयाँ रुट लागू गर्ने गरी काम भैरहेको प्रवक्ता गोकर्णप्रसाद उपाध्ययले बताए । ‘हामीले उपत्यकाको सवारी जामलाई व्यवस्थित बनाउन नयाँ रुट लागू गर्न लागेका छौं, यसका लागि विभागले रुट निर्धारणको काम सकिसकेको छ’, उपाध्ययले विकासन्युजसँग भने- पुसभित्रै यो रुट लागू गर्नेछौँ। विभागले उपत्यकाभित्र सञ्चालन हुने १५ वटा लामो प्राथमिक रुट क्षेत्र निर्धारण गरेको छ । जसअन्तर्गत सबैभन्दा लामो रुट रिङरोडलाई राखेको छ । २७ किलोमिटर लामो रिङ रोडलाई चोक सहित र चोक रहित गरि २ भागमा विभाजन गरिएको छ । दुबै रुटको लम्बाई २७.३ किलोमिटर रहेको छ । प्राथमिक रुट पी १ अन्तर्गत नयाँ बसपार्क गोंगबुबाट शुरु भएर नारायणगोपाल चोक, चाबहिल-गौशाला-एअरपोर्ट-कोटेश्वर-बालकुमारी ग्वार्को-सातदोबाटो-बल्खु-कलंकी-स्वयम्भु हुँदै नयाँ बसपार्क आउँनेछ । यसैगरी, अर्को रुट बालाजु, स्वयम्भु, कोटेश्वर, नारायण गोपाल चोक हुँदै पुन नयाँ पार्क आउनेछ । यस्तै, प्राथमिक रुट चोक रहित पी ३ अन्तर्गत बुढानिलकण्ठबाट, चपली-हात्तीगाैडा गौडा-गोल्फुटार – बाँसबारी- नारायणगोपाल चोक-महाराजगंज,लाजिम्पाट, लैनचौर, दरबारमार्ग, पुरानो बसपार्क, शहीदगेट, त्रिपुरेश्वर, थापाथली, कुपोंडोल, पुल्चोक, जावलाखेल हुँदै लगनखेल पुग्नेछ । यसैगरी, विभागले अन्य रुटहरुमा बुढानिलकण्ठदेखि लगनखेल, लगनखेलदेखि बुढानिलकण्ठ, पुरानो बसपार्कदेखि भक्तपुर, भक्तपुरदेखि पुरानो बसपार्क, नागढुङगादेखि मुलपानी, मुलपानीदेखि नागढुङगा, मुलपानीदेखि लगनखेल, लगनखेलदेखि मुलपानी, नयाँ बसपार्कदेखि नयाँ बसपार्क, बालकुमारी पुलदेखि बालकुमारी पुल, लगनखेलदेखि गोदावरी र गोदावरीदेखि लगनखेल रुट छुट्याएको छ । विभागले अहिले प्रारम्भिक अध्ययन सकिसकेको र व्यवहारिक अध्ययन पुसबाट शुरू हुने विभागका प्राविधिक सल्लाहकार पदमबहादुर शाहिले बताए । यस्तो छ विभागले बनाएको नयाँ रुट
नेपाल बङ्गलादेश बैंकले १०.५३ प्रतिशत नगद लाभांश दिने
काठमाडौं । नेपाल बङ्गलादेश बैंक लिमिटेडले गत आर्थिक वर्षको नाफा सेयरधनीलाई १०.५३ प्रतिशत नगद लाभांश दिने भएको छ । हालै बसेको बैंक सञ्चालक समितिको बैठकले लाभांश कर समेत गरी सो मात्राको नगद लाभांश दिने प्रस्ताव गरेको हो । प्रस्तावित उक्त नगद लाभांशलाई नेपाल राष्ट्र बैंकले स्वीकृति तथा बैंकको आगामी साधारणसभाले पारित गर्ने छ । हाल बैंकको चुक्ता पुँजी ८ अर्ब ९ करोड रुपैयाँ रहेको छ ।
प्राइम कमर्सियल बैंकको ६६औं शाखा धनगढीमा
काठमाडौं । प्राइम कमर्सियल बैंकले धनगढी उपमहानगरपालिकामा ६६औं शाखा कार्यालय विस्तार गरी शुभारम्भ गरेको छ । उक्त शाखाको उद्घाटन नेपाल राष्ट्र बैंकका कार्यकारी निर्देशक नारायणप्रसाद पौडेलले गरेका छन् । कार्यक्रममा स्थानीय उद्योगी, व्यवसायी, शिक्षक, समाजसेवी तथा विभिन्न पेशाकर्मीहरुको उपस्थिति थियाे । बैंकले यस कार्यलाई निरन्तरता दिंदै आगामी दिनहरुमा पनि थप शाखाहरुको संजाल विस्तार गरि सेवा दिने प्रतिवद्धता प्रकट गरेको छ । साथै, बैंकले निक्षेपकर्ता तथा ग्राहकहरुलाई प्रदान गरिने सेवालाई थप गुणस्तरीय बनाउन आफ्नो सेवालाई ग्राहकमुखी बनाउने जनाएकाे छ ।
नेपाल पर्यटन बोर्डको एक अर्ब ७५ करोड बजेट पारित, गत वर्षभन्दा ३८ कराेड बढी
काठमाडौं । नेपाल पर्यटन बोर्डले आर्थिक वर्ष २०७५/७६ का लागि करिब एक अर्ब ७५ करोड रुपैयाँ बजेट विनियोजन गरेको छ । बोर्ड सञ्चालक समितिले आर्थिक वर्ष शुरु भएको करीब चार महीनापछि बजेट स्वीकृत गरेको हो । बजेटले पर्यटन बजार व्यवस्थापन तथा प्रवद्र्धन, जनसम्पर्क एवं प्रचारप्रसारलाई विशेष प्राथमिकता दिएको छ । बोर्डका कर्पोरेट सेवा विभागका निर्देशक सन्तोष पन्तका अनुसार प्रवद्र्धनमा ३७ करोड ३५ लाख रुपैयाँ, प्रचारप्रसारमा ३२ करोड ५६ लाख ५० हजार रुपैयाँ बजेट खर्च गरिनेछ । त्यसैगरी, पर्यटन सम्पदा तथा संशोधन विकासमा २४ करोड ३९ लाख ५० हजार रुपैयाँ, बोर्डको पोखरा कार्यालयका लागि ७६ करोड ६५ लाख रुपैयाँ विनियोजन गरिएको छ । हिमालयन ट्राभल मार्टका लागि २० करोड रुपैयाँ, बुद्धिष्ट ट्राभल मार्टका लागि १० करोड रुपैयाँ, नेपाल भ्रमण वर्ष २०२० को सचिवालयतर्फ ५० लाख रुपैयाँ तथा कार्यकारी समितिको निर्णयबाट गरिने कार्यक्रमममा तीन करोड रुपैयाँ बजेट छुट्याइएको छ । बोर्डले गतवर्ष एक अर्ब ३७ करोड रुपैयाँ बजेट विनियोजन गरेकोमा बजार प्रवद्र्धनका लागि ३३ करोड ८० लाख रुपैयाँ बजेट छुट्याएको थियो । बोर्ड सञ्चालक समिति सदस्य दीपक महतका अनुसार सञ्चालक समितिभित्रको आन्तरिक विवाद र पर्यटन मन्त्रालयले चाँडो निर्णय नदिँदा बजेट स्वीकृतिमा ढिलाइ भएको थियो । बजेट समयमा पारित नहुँदा बोर्डका कतिपय प्रवद्र्धनात्मक काम सुस्त भएको गुनासो हुँदै आएको थियो । बोर्डले नेपाल भ्रमण वर्षलाई लक्षित गरी चीन र भारतमा बढी भन्दा बढी पर्यटक आकर्षण गर्ने गरी प्रवद्र्धनात्मक कार्यक्रमलाई प्राथमिकता दिएको छ । रासस
नबिल बैंकको भिसाकार्ड क्यास-ब्याक योजना शुरु, ग्राहकले १० प्रतिशत नगद फिर्ता पाउने
काठमाडौं । नबिल बैंकले आफ्ना भिसाकार्ड लिने ग्राहकहरुलाई लक्षित गरेर “नबिल भिसाकार्ड क्यास-ब्याक” नामक “नबिल भिसाकार्ड प्रवर्धनात्मक नगद फिर्ता योजना शुरु गरेको छ । यस योजनामा नबिल भिसाकार्ड बाक्ने ग्राहकहरुले १० प्रतिशत नगद फिर्ता पाउनेछन् । यस योजना अन्तर्गत कुनै पनि नबिल बैंक भिसाकार्ड वाहक (डेविट/क्रेडिट/प्रिपेड) ग्राहकहरुले नेपाल भित्रका पीओएसबाट कारोबारको १० प्रतिशत अथवा अधिकतम ५०० रुपैयाँ नगद फिर्ता पाउनेछन् । यो योजना मंसिर १४ गतेदेखि पुस १६ गतेसम्म लागू हुने बैंकले जनाएको छ ।
फिजियोथेरापी सम्मेलनको पहिलो कार्यक्रम नेप्टामा सम्पन्न
काठमाडौं । नेपाल मेडीसिटी अस्पतालमा नेपाल फिजियोथेरापी संघ (नेप्टा)को आयोजनामा नवौं नेप्टाकन प्रि–कन्फ्रेन्स आयोजना गरिएको छ । देशभरका करिब ५० फिजियोथेरापीस्टको उपस्थिती रहेको उक्त कार्यक्रममा अस्पतालको प्रबन्ध निर्देशक डा.समता प्रसादले उद्घाटन गरेका हुन् । नेप्टाका अध्यक्ष तथा नेप्टाकनका वैज्ञानिक सत्रका संयोजक सहित ४ अन्तराष्ट्रिय फिजोथेरापिष्टको मुख्य उपस्थितीमा कार्यक्रम सञ्चालन गरिएको थियो । कार्यक्रममा युनिभर्सीटी अफ मेलवर्नबाट आएका सहायक प्राध्यापक स्याली कोवान र डा. मार्गारेट शेरवुन, युनिभर्सीटी अफ सिड्नीबाट डा. ड्यारेन रिड, र मास्ट्रिच युनिभर्सीटी, नेदरल्यनण्ड्सबाट प्रा.डा. युगीन रामेक्रस उपस्थित रहेको थियो । मस्कोलोस्केलेटल, महिला स्वास्थ्यमा फिजियोथेरापी, र बालबालिकाका फिजियोथेरापीको विषयमा प्रस्तुती दिएका थिए । कार्यक्रम काठमाण्डौं विश्वविद्यालय र शंकर होटलमा गरि ३ दिनसम्म आयोजना हुने भएको छ ।
माघभित्र द्रुतमार्गको डीपीआर बन्ने, १० हजार ५०० रोपनी जग्गा अधिग्रहण
काठमाडौं । द्रुतमार्गको विस्तृत आयोजना प्रतिवेदन डीपीआर माघभित्रै बन्ने भएको छ । कोरियाली सुसुङ कम्पनीले माघभित्रै डीपीआरकाे काम सक्ने भएको हो । संसद विकास प्रविधिको बैठकमा नेपाली सेनाको आयोजना प्रमुख योगन्द्र खाँडले द्रुतमार्गको काम धमाधम भैरहेको जानकारी दिए । उनका अनुसार डीपीआर बनाउन असोज १६ गते कोरियाली कम्पनीसँग सम्झौता भएको हो । कम्पनीले कात्तिक ४ गतेबाट काम शुरु गरिसकेको छ । आयोजनाको अधिग्रहण गर्नुपर्ने १५ हजार २९ रोपनी जमिन मध्ये १० हजार ५ सय रोपनी जमिन अधिग्रहण भैसकेको छ । सेनाले १.३७ किमी सुरुङको सट्टा ६.०७ किमीको ३ सुरुङ बनाउन लागेको छ । यस्तो आयोजनाको प्रगती र भावी कार्ययोजना
