पानी जहाज चलाउने सरकारको निर्णय, खडा गरियो संरचना
काठमाडौं । सरकारले पानी जहाज सञ्चालन गर्ने निर्णय गरेको छ । मन्त्रिपरिषद बैठकले पानी जहाज सञ्चालनका लागि प्रशासनिक संरचना समेत स्वीकृत गरेको छ । सोही संरचनाको प्रयोग गरेर सरकारले कोशी र नारायणी नदिमा पानी जहाज चलाउने सूचना तथा सञ्चार प्रबिधी मन्त्री तथा सरकारका प्रवक्ता गोँकुल बास्कोटाले बताए । सरकारले १६ जना इञ्जिनियरसहितको प्रशासनिक संरचना स्वीकृत गरेको हो । हाल उर्जा तथा जलश्रोत मन्त्रालयले पानी जहाज सञ्चालनका लागि समिति गठन गरेर अध्ययन गराईरहेको छ । भारतीय पक्षसँगको छलफलपछि अन्तिम प्रतिवेदन तयार पार्ने चरणमा पुगेको छ । अध्ययनले पहिलो चरणमा कोशी र नारायणी नदिमा पानी जहाज चलाउन सकिने निष्कर्ष निकालेको छ ।
भारतसँग रेल किन्ने सरकारको निर्णय, रघुबिर महासेठले जी टु जी सम्झौता गर्ने
काठमाडौं । सरकारले भारतसँग रेल खरिद गर्ने निर्णय गरेको छ । मन्त्रिपरिषद बैठकले भारत सरकारसँग जी टु जी सम्झौता गरेर रेल खरिद गर्न सैद्धान्तिक सहमति दिने निर्णय गरेको हो । मन्त्रिपरिषदको निर्णय अनुसार भौतिक पूर्वाधार तथा यातायात मन्त्री रघुबिर महासेठले रेल खरिद गर्ने अख्तियारी दिएको सरकारका प्रवक्ता तथा सञ्चार मन्त्री गोँकुल बास्कोटाले जानकारी दिए । भारत सरकारको अनुदानमा निर्माण भएको बिजलपुरा जनकपुर कुर्ताको ३५ किलोमिटर खण्डका लागि सरकारले रेल खरिद गर्ने निर्णय गरेको हो । नेपालले आफ्नै झण्डा सहित रेल गुडाउन लागेको हो । रेलमा चालक तथा प्राबिधिक भने भारतीय हुनेछन् । नेपाली प्राबिधिकहरुले रेल सञ्चालनको ज्ञान हासिल गरिसकेपछि नेपालले आफैं गुडाउनेछ । सरकारले चालु आर्थिक बर्षको बजेटमा रेल खरिदका लागि ४८ करोड बजेट विनियोजन गरेको थियो । नेपालले भारतसँग २ वटा इञ्जिन खरिद गरेर ३५ किलोमिटर खण्डमा रेल सञ्चालन गर्न लागेको हो ।
सेञ्चुरी बैंकद्धारा नेपाल क्यान्सर हस्पिटललाई सहयोग प्रदान
काठमाडौं । सेञ्चुरी बैंकले नेपाल क्यान्सर हस्पिटललाई सहयोग प्रदान गरेको छ । नेपाल क्यान्सर सर्पोट गु्रप र नेपाल क्यान्सर हस्पिटल एण्ड रिर्सच सेन्टरद्धारा आयोजित क्यान्सर सम्बन्धि कार्यक्रममा बैंकले रु ५० हजार आर्थिक सहयोग गरेको छ । उक्त कार्यक्रमका प्रमुख अतिथि मदन कृष्ण श्रेष्ठ र हरिवंश आर्चायलाई बैंकका प्रमुख बजार अधिकृत रन्जन खड्काले नेपाल क्यान्सर सर्पोट गु्रपको नाममा चेक हस्तान्तरण गरेको थियो । उक्त कार्यक्रमले क्यान्सरबाट जितेका व्यक्तिहरुलाई प्रेरणा दिई हरेक किसिमको क्यान्सर रोगको उपचार स्वदेशमै गर्न सकिने जानकारी दिएको छ ।
दैलेख र पाल्पाको पेट्रोलियम खानी उत्खनन गर्न चीनलाई दिने सरकारको निर्णय
काठमाडौं । सरकारले दैलेख र पाल्पाको पेट्रोलियम खानी उत्खनन गर्ने निर्णय गरेको छ । सो खानीहरुको उत्खनन चीनसँगको सहकार्यमा गर्ने निर्णय भएको सरकारका प्रवक्ता समेत रहेका सूचना तथा सञ्चार मन्त्री गोँकुल बास्कोटाले जानकारी दिए । चाइना जिओलोजिकल सर्भेको टोलीले सन २०१६ को अप्रिल ३० मा नेपाल आएर सुर्खेत दैलेख, बुटवल पाल्पा र चतरा बराह क्षेत्रमा रहेका पेट्रोलियम खानीको संभाव्यता अध्ययन गरेको थियो । खानी तथा भूगर्व विभागले पेट्रोलियम पदार्थहरुको अन्वेषणका लागि एक करोड बजेट विनियोजन गरेको छ । श्रोतका अनुसार चिन सरकारले नेपालमा पेट्रोलिमय उत्खननका लागि २ अर्ब २० करोडको बजेट विनियोजन गरेको छ । तर नेपालले भने ४ अर्ब रुपैंया लाग्ने प्रक्षेपण पठाएको छ । चीनले ६।७ ठाउँमा ड्रिल गरेर पेट्रोलियम पदार्थको मात्रा र गुणस्तर पत्ता लगाउने बताएको छ । अब यीनै ब्लकहरुमा ड्रिल गरिनेछ । २०७४ साउन ३१ गते चीनको राज्य परिषद्का उपप्रधानमन्त्री वाङ याङको नेपाल भ्रमणका क्रममा नेपालका पेट्रोलियम खानीहरुको अन्वेषण तथा उत्खनन गर्ने समझदारी पत्रमा हस्ताक्षर गरिएको थियो । सो अघि तत्कालिन प्रधानमन्त्री केपी ओलीले चिन भ्रमणका क्रममा जारी गरेको संयुक्त वक्तव्यमा पनि नेपालका पेट्रोलियम खानीहरुको अन्वेषण गर्ने उल्लेख थियो । पेट्रोलियम नियमावली २०४१, पाँचौं संसोधन २०७४ नेपाल पत्रमा प्रकाशित भएसँगै पेट्रोलियम उत्खननको बाटो खुल्ला भएको थियो । मन्त्रिपरिषदले स्वीकृत गरेको नियमावलीको पाँचौं संसोधन २०७४ साल साउन ९ गते नेपाल पत्रमा प्रकाशित भएर कार्यान्वयनमा आएको थियो । यी हुन १० ब्लक नेपालका १० वटा ब्लकहरुमा पेट्रोलियम पदार्थको खानी रहेका छन् । ती खानीहरुले क्रमशः धनगढी, कर्णाली, नेपालगञ्ज, लुम्बिनी, चितवन, बिरगञ्ज, मलंगवा, जनकपुर, राजबिराज र बिराटनगरका एक देखि १० नम्बर ब्लकका रुपमा नामाकरण गरिएको छ ।
टुटल र पठाओलाई मोटरसाइकलमा यात्रु ओसार्न बन्देज लगाउँदैनौ : प्रधानमन्त्री
काठमाडौं। ‘राइड सेयरिङ’ टुटल र पठाओलाई मोटरसाइकलमा यात्रु ओसार्न बन्देज नलगाइने प्रधानमन्त्री केपी शर्मा ओलीले बताएका छन्। बुधबार साँझ प्रसारित जनतासँग प्रधानमन्त्री कार्यक्रममा ओलीले यात्रु बोक्ने मोटरसाइकलमाथि कुनै छलफलबिना अचानक कारबाही भएको र अब यस्तो नहुने बताएका छन्। यसअघि मंगलबार ट्राफिक प्रहरीले निजी सवारीमा दर्ता भएका मोटरसाइकलले यात्रु ओसारेको भन्दै चार मोटरसाइकललाई नियन्त्रणमा लिएको थियो। राइड सेयरिङलाई कानुनी दायरामा ल्याउनुको साटो निषेध गरेको भन्दै व्यापक विरोध भएको थियो।
शुक्रबार ७५३ जना अधिकृत र नासु खुल्दै, समावेशी कोटा हटाइयो यसरी भर्नुस् अनलाइन फारम
काठमाडौं । श्रम, रोजगार तथा सामाजिक सुरक्षा मन्त्रालयले प्रधानमन्त्री रोजगार कार्यक्रम शुरु गर्न करारमा कर्मचारी भर्ना गर्ने भएको छ । ७५३ वटै स्थानीय तहमा रोजगार संयोजक नियुक्त गर्न लागेको हो । सरकारले शुक्रबार देशभर अनलाइन फारम खुलाउने भएको हो । प्रत्येक स्थानिय तहमा एक जना रोजगार संयोजक रहनेगरी विज्ञापन आव्हान गर्न लागिएको हो । कर्मचारी छनोट वैज्ञानिक पद्धतिबाट गरिने भएको छ । जसमा ७० नम्बर सिधै फारम भरेको आधारमा प्रतिस्पर्धीले प्राप्त गर्नेछ भने ३० नम्बर प्रयोगात्मक परिक्षाबाट प्रदान गरिनेछ । १० हजार भन्दा कम जनसंख्या रहेको स्थानिय तहमा नायब सुब्बा नियुक्ति गरिनेछ भने १० हजार भन्दा बढी जनसंख्या भएको तहमा शाखा अधिकृत राखिनेछ । मन्त्रालयको अनुसार यसरी नियुक्ति भएका कर्मचारीहरुको सेवा सुविधा हाल करार सेवाका कर्मचारीले पाइरहेका अनुसार हुनेछ । मन्त्रालयले आवेदन भरेका मध्ये सुरुमा २३ सय जनाको नाम निकाल्नेछ । यसमध्ये ७५३ जनाको नाम निकालिने छ । यदि थप कर्मचारी आवश्यक परेको खण्डमा वैकल्पिक उम्मेदवारबाट छनोट गरिनेछ । यस परिक्षामा समावेशी कोटालाई भने हटाईएको छ । कर्मचारीले प्रर्दशन गरेको काम अनुसार म्याद थप गर्ने नगर्ने निर्णय सरकारले गर्नेछ । चालू आर्थिक वर्षको लागि प्रधानमन्त्री रोजगार कोषमा ३ अर्ब १० करोड बजेट विनियोजन गरिएको छ । यसरी भर्नुस् अनलाइन फारम
सिटिजन्स बैंकको भिजा डेबिट/क्रेडिट कार्ड प्रयोगमा नगद फिर्ता योजना
काठमाडौं । “योर पार्टनर फोर प्रोग्रेस”भन्ने सिटिजन्स बैंकले क्यास व्याक(नगदफिर्ता) योजना ल्याएको छ । यो योजना अन्तर्गत बैंकको भिजा डेबिट वा क्रेडिट कार्ड प्रयोग गरी नेपाल भित्र पीओएस मेशिन वा अनलाइन कारोवारमा प्रत्येक कारोवार रकमको १० प्रतिशत फिर्ता प्राप्त गर्न सकिनेछ । यस्तो नगद फिर्ताको सीमा प्रति दिन रु ५सय र प्रतिमहिना रु ३ हजार सम्म रहनेछ । देशभरि ८१ वटा शाखा, ७५ वटा एटिएम. र ९९ वटा शाखा रहित बैंकिङ्ग एकाईहरुबाट करिव चार लाख ग्राहकलाई आधुनिक बैंकिङ्ग सेवाहरु प्रदान गर्दै आएको छ । आफ्नो ग्राहक वर्गहरुलाई विभिन्न किसिमका निक्षेप तथा कर्जा सुविधाहरु, रेमिट्यान्स सेवा, बैंकास्योरेन्स, आस्वा, ड्राफ्ट, भिसा ए.टि.एम.कार्ड सेवा, भिसा इन्टरनेसनल डलर कार्ड सेवा, साथै कुनै पनि शाखाबाट रकम झिक्न र राख्न सकिने जस्ता सुविधा उपलब्ध गराउँदै आएको छ ।
लक्ष्मी बैंक र नेपाल एग्री बिजिनेशबीच दुई पक्षीय सम्झौता
काठमाडौं । लक्ष्मी बैंक र नेपाल एग्री बिजिनेश इन्नोभेसनबीच दुई पक्षीय सम्झौता भएको छ । लक्ष्मी बैंकका प्रमुख कार्यकारी अधिकृत तथा नेपाल एग्री बिजिनेश इन्नोभेसन सेन्टरका प्रतिनिधी बीच सो सम्झौतापत्रमा हस्ताक्षर गरिएको थियो । उक्त सम्झौता पश्चात् बैंकिङ च्यानेल मार्फत् एग्रि–स्टार्ट अपहरु तथा एग्रि–एसएमइहरुका लागि वित्तीय सहयोग प्रदान गरिने छ । बैंकिङ च्यानल मार्फत् एग्रि–स्टार्ट अपहरु तथा एग्रि–एसएमइहरुका लागि वित्तीय सहयोग प्रदान गर्ने भएको छ । सन् २००२ मा स्थापना भएको लक्ष्मी बैंक हाल ४६ जिल्लाहरुमा रहेको छ । देशभरि ९६ शाखाहरु, ३ हस्पितल काउन्टर, १०८ एटिएम तथा २५०० भन्दा बढी रेमिट्यान्स एजेन्ट तथा ५१ शाखा सहित बैैैंकिङ्ग एजेन्ट मार्फत देशभर बैंकिंग सेवा प्रदान गर्दै आएको छ ।
