कक्षा ११ र १२ को परीक्षा तालिका सार्वजनिक (तालिकासहित)
काठमाडौं। राष्ट्रिय परीक्षा बोर्डले २०७६ सालको कक्षा ११ र १२ को परीक्षा तालिका आइतबार सार्वजनिक गरेको छ। सार्वजनिक गरेको सूचना अनुसार कक्षा १२ को परीक्षा २०७६ बैशाख १५ गते देखि सुरु हुने भएको छ। त्यसै गरि कक्षा ११ को परीक्षा २०७६ बैशाख २९ गते देखि सुरु हुनेछ।
पोखराको बगरमा एनआईसी एशिया बैंक
काठमाडौं । एनआईसी एशिया बैंकले आफ्नो नयाँ शाखा पोखराको बगरमा विस्तार गरेको छ । उक्त विस्तारित शाखाको उद्घाटन नेपाल राष्ट्र बैंकका कार्यकारी निर्देशक नारायणप्रसाद पौडेलले गरेको हुन् । यस बैंकले नेपाल सरकार तथा नेपाल राष्ट्र बैंकको वित्तीय सवलिकरण अभिबृद्वि गर्ने कार्यमा महत्वपुर्ण योगदान पुर्याएको पौडेलले बताए । हाल बैंकले २७५ शाखा कार्यालयहरु, २८९ एटिएम, ३९ वटा एक्सटेन्सन काउण्टर एव्ं २३ वटा शाखा रहित बैंकिङ्ग ईकाई मार्फत बैंकिङ्ग सेवा प्रदान गरिहेको छ ।
डिशहोमले दिने भयो सबैभन्दा सस्तोमा विभिन्न सेवा, प्रतिमहिना २५० देखि ४०० रुपैयाँ मात्र
काठमाडौं । डिश मिडिया नेटवर्क लिमिटेडले नयाँ कनेक्सन जडान गर्ने ग्राहकहरुको लागी नेपालमा नै मासिक शुल्क सबैभन्दा कम मूल्यमा आफ्नो सेवाहरु दिन शुरु गरेको छ । डिशहोमले बजारकै सबैभन्दा कम मूल्यको विभिन्न प्याकेजहरु प्रदान गरेको छ । जस अन्तर्गत बाबाआमा, गृहिणी र बच्चाहरुका लगी उपयुक्त च्यानलहरु भएको बेसिक प्याकेजको २५० रुपैयाँ, खेलकुद प्रेमिहरुका लागि लक्षित खेलकुदको सम्पुर्ण एचडी च्यानलहरु समावेश भएको मिडियम प्याकेजको ३०० रुपैयाँ, सम्पुर्ण एसडी र उत्कृष्ट एचडी च्यानलहरु भएको सुपर एच डि प्याकेज ३५० रुपैयाँ र सम्पुर्ण एचडी तथा एसडी च्यानलहरु भएको प्रिमिएम एच डि प्याकेज ४०० रुपैयाँ प्रतिमहिनामा उपलब्ध गराएको छ । २०७५ माघ १० गतेबाट नयाँ एक्टिभेसनमा यो योजना लागु हुने छ । यो मितिभन्दा अगाडि नै डिशहोम जडान गरेका ग्राहाकहरुलाई समेत वार्षिक रिचार्ज गरिमाथि उल्लेखित मासिक मूल्यमा यो सेवा प्राप्त गर्न सक्ने छन् र यो सेवा डिसहोमका आधिकारिक बिक्रेताहरु कहाँ उपलब्ध छ । नेपालको एक मात्र स्याटेलाइट प्रविधिमा आधारित डि.टि.एच. सेवा प्रदायक डिशहोमले ग्राहकको रोजाई अनुसारको उत्कृष्ट तथा गुण्स्तरीय सेवा प्रदान गरिहेको छ । पिक्चर क्वालिटिमा सबैभन्दा गुणस्तरिय सेवा प्रदान गरिरहेको डिशहोम, १६ लाखभन्दा बढी परिवारहरुले प्रयोग गरिरहेका छन् ।
महिन्द्राको एम केयर भ्यान उद्घाटन
काठमाडौं । महिन्द्राको एम केयर भ्यानको बालाजुमा उद्घाटन भएको छ । कम्पनी अन्तर्गत रहेर ग्राहकलाई सेवा र तालिम प्रदान गर्ने एम केयर भ्यानकोे उद्घाटन विवेक दुगड (एम.डि, दुगड ब्रदर्स एन्ड सन्स ), चैतन्य कागल्कार (कन्ट्री हेड, नेपाल र भुटान ), राजेन्द्र अभिजित (स्पेर पार्ट्स हेड, महिन्द्रा ), तपस पट्नायक (कन्ट्री सर्भिस म्यानेजर), शम्भु सुवेदी (हेड अफ अप्रेशन दुगड ब्रदर्स एन्ड सन्स) र सुदिप राज सुवेदी (नेपाल सर्भिस हेड,दुगड ब्रदर्स एन्ड सन्स)ले संयुक्त रुपमा गरेका थिए । एम् भि दुगड ग्रुप पि.आर. हेड विमला थापाद्वारा संचालित उक्त कार्यक्रमको बालाजुस्थित महिन्द्राको शोरुममा सम्पन्न गरिएको थियो । एम केयर भ्यानले, स्थानीय वर्कशप हरुमा पनि टेक्निकल क्षमताको निर्माण गर्न महिन्द्राका प्रशिक्षित विशेषज्ञद्वारा नवीनतम प्रविधी र उपकरणहरुको माध्यमले प्रशिक्षण दिनेछ । पहिलो चरणमा एम केयर भ्यानले २० जिल्लाहरूका, १५० वटा स्थानीय टेक्निशियनहरू, २०० चालकहरू, ५ प्राविधिक संस्थानहरू र ग्राहकहरूको पहुँच पुर्याउँदै आएको छ ।
जनता बैंक र बराक साजन एक्स्चेन्जबीच रेमिट सम्झौता
काठमाडौं । नेपालको जनता बैंक र बेलायतको बराक साजन एक्स्चेन्ज लिमिटेडबीच रेमिट्यान्स सेवा सम्बन्धि सम्झौता भएको छ । संयुक्त अधिराज्य बेलायतबाट रेमिट्यान्स सेवा संचालनमा ल्याइएको छ । बराक साजन एक्स्चेन्ज लिमिटेड ईङ्ल्याण्ड र वेल्समा एक्स्चेन्ज कम्पनीको रुपमा आबद्ध भएको बराक बैंक लिमिटेड, बंगलादेशको भगिनि संस्था हो । भारत, बंगलादेश, पाकिस्तान र श्रीलंका समुदायमा एक्स्चेन्ज सेवा पुर्याउदै आएको बराक साजन एक्स्चेन्ज लिमिटेडले यो संझौतासँगै नेपालमा सेवा प्रारम्भ गर्ने भएको छ । बराक साजन एक्स्चेन्ज लिमिटेडले निकट भविष्यमै पोल्याण्ड, इटली, पोर्चुगल र स्पेनमा पनि आफ्नो सेवा विस्तार गर्दैछ । उक्त सेवा पश्चात ति मुलुकमा रहेका नेपालीहरुले समेत जनता रेमिट मार्फत नेपालमा पैसा पठाउन सक्नेछन् । उक्त रेमिट सेवाबाट पठाइएको रकम देशभरी रहेका जनता बैंकको १२९ शाखाबाट भुक्तानी लिन अथवा जनता बैंकमा रहेको आफ्नो खातामा जम्मा गर्न सकिनेछ । करिव १७ हजारको संख्यामा छरिएका सम्सारा रेमिट, आईपे रेमिट, बूम रेमिट, जिएमई रेमिट र सेवा रेमिटबाट समेत भुक्तानी लिन सकिनेछ । देश भरीमा जनता बैंकले १२९शाखा, ५० शाखा रहित बैंकिङ्ग, २ सिमित बैंकिङ्ग ईकाइ, २ एक्सटेन्सन काउन्टर र ८२ एटिएमबाट बैकिङ्ग सेवा प्रदान गर्दै आएको छ ।
नक्शाङ्कनका आधारमा मेडिकल कलेज खोल्न पाइनेछ- शिक्षा मन्त्री
काठमाडौं । शिक्षा, विज्ञान तथा प्रविधिमन्त्री गिरिराजमणि पोखरेलले हालै प्रतिनिधिसभाबाट पारित भएको ‘राष्ट्रिय चिकित्सा शिक्षा विधेयक-२०७५’ मा प्रा डा गोविन्द केसीसहित सबै पक्षसँग भएका सम्झौता तथा सहमतिको सार भएकाले अब उक्त विधेयक राष्ट्रियसभाबाट पारित गरेर कार्यान्वयनमा लैजानुपर्ने बताएका छन्। रिपोर्टर्स क्लबमा आज आयोजित साक्षात्कारमा शिक्षामन्त्री पोखरेलले सो विधेयकमा चिकित्सा शिक्षा आयोगले नक्शाङ्कन गरेका आधारमा मात्र मेडिकल कलेज खोल्न पाइने व्यवस्था भएकाले जथाभावी मेडिकल कलेज खोल्ने विगतको परम्परालाई अन्त्य गरेको बताए। उनले आफूले सम्मान गर्दै आएका प्रा डा केसीसहित सबै पक्षसँगको भावनालाई टेकेर बनाइएको विधेयक अहिलेसम्मकै सर्वाधिक मूलभूत विषय समेटिएको ठूलो उपलब्धि भएको जिकिर गरे । संसद्को सर्वोच्चतालाई सम्मान गर्दै जारी अनशन समाप्त गर्न डा केसीलाई आग्रह गर्दै मन्त्री पोखरेलले यसबाट उनको गरिमा बढ्ने बताए । रासस
ड्रिम प्रोजेक्ट-भारतको १४०० किमी नदिमा यसरी कुद्नेछ नेपाली पानी जहाज
काठमाडौं । आफ्नै पानी जहाज सञ्चालनका लागि सरकार तयारी तिब्र पारेको छ । भारतको जलमार्ग प्रयोग गरी जहाज सञ्चालनको काम भैरहेको छ । तर जहाज सञ्चालनको आवश्यक जनशक्ति सरकारसँग छैन । यसको लागि छुट्टै प्रशासनिक संयन्त्र निर्माण गर्न मन्त्रिपरिषदको निर्णयबाट १६ जना प्राविधक राख्ने तयारी छ । उर्जा तथा जलश्रोत मन्त्रालयले पानी जहाज सञ्चालनका लागि समिति गठन गरेर अध्ययन गरीरहेको छ । अध्ययन समितीले भारतीय पक्षसँगको छलफलपछि अन्तिम प्रतिवेदन तयार पार्ने बताएको छ । अध्ययनले पहिलो चरणमा कोशी र नारायणी नदिमा पानी जहाज चलाउन सकिने निष्कर्ष निकालेको छ । भारतसँग निरन्तर प्रयास पानीजहाज सम्बन्धी कानुन २०२७ सालमै तयार भैसकेको छ । दुई देशका प्रधानमन्त्रीबीच भएको सहमति अनुरूप सरकारले जलमार्गका बारेमा भारतीय पक्षसँग कुराकानी गर्न संयन्त्र बनाएको छ। जल तथा ऊर्जा आयोगका सहसचिव माधव बेल्बासेको संयोजकत्वमा प्रधानमन्त्री तथा मन्त्रीपरिषदको कार्यालय, उद्योग वाणिज्य तथा आपूर्ती मन्त्रालय, भौतिक पूर्वाधार तथा यातायात मन्त्रालय, ऊर्जा तथा जलस्रोत मन्त्रालय, परराष्ट्र मन्त्रालयका प्रतिनिधि रहेको संयन्त्र बनाइएको छ। सो संयन्त्रले भारतीय जलमार्ग प्राधिकरणको टोलीसँग एउटा बैठक गरिसकेको छ । यही महिना गर्ने भनिएको अर्को बैठकको मिति २०१९ को मार्चका लागि सारिएको छ। उक्त संयन्त्रमा रहेका सदस्यहरू र विज्ञहरूसँग कुरा गर्दा उनीहरूको निष्कर्ष छ भारतीय जलमार्गमा नेपाली झण्डा भएको पानीजहाज र नेपाल हुँदै भारतसम्म पानीजहाज चलाउने दुवै सम्भावनाहरू छन्। तर त्यसका लागि गर्नुपर्ने धेरै काम छन्। जुन काम हालसम्म हुन सकेको छैन। पानी जहाजको लागि कुन ठाउँ उपयुक्त ? भारतले कोलकातादेखि हल्दिया हुँदै बनारससम्मको १४ सय किलोमिटर लामो जलमार्ग निर्माणका लागि काम गरिरहेको छ। गङ्गा नदीमा निर्माणको काम भइरहेको जलमार्ग अन्तर्गत जुन २०१९ को मे महिनासम्ममा झारखण्डको साहिबगन्ज टर्मिनल सञ्चालनमा ल्याउने भारतीय अधिकारीहरूको भनाइ छ। साहिबगन्ज टर्मिनल नेपालले प्रयोग गर्न पाएमा हाल ७ सय ५० किलोमिटर टाढाको हल्दिया बन्दरगाहबाट आउने सामान साहिबगन्जबाट ल्याउन सकिन्छ। साहिबगन्ज विराटनगरबाट जम्मा १५० किलोमिटर मात्रै टाढा पर्छ । तर त्यसका लागि व्यापार तथा पारवहन सन्धिमा साहिबगन्ज र कालुघाट टर्मिनल नेपालले प्रयोग गर्न पाउने व्यवस्था राख्नुपर्ने हुन्छ। अर्को विकल्प नेपालको आफ्नै पानीजहाज सञ्चालन गर्न सक्ने व्यवस्थासहितको कानुन छ। भारतले अनुमति दिएमा मदरशीप आफ्नै सञ्चालन गर्ने र हल्दियाबाट साहिबगन्जसम्म नेपाली झण्डा भएको पानीजहाज सञ्चालन गर्न सक्छ। मे २०१९ पछि जहिले पनि यसरी सञ्चालन गर्न सकिने अवस्था हुन्छ। जसका लागि भारतीय पक्षसँग पर्याप्त कुराकानी र भारतसँगको सन्धिमा परिमार्जन आवश्यक छ। पटना नजिकको कालुघाट टर्मिनल जुन विरगन्जबाट १८० किलोमिटरको दूरीमा छ त्यो पनि अबको डेढ वर्षमा सञ्चालनमा आउन सक्ने भारतीय भनाइ छ। नेपाली पानीजहाज सञ्चालनका लागि यो अर्को विकल्प हो। भारतले आफ्नो क्षेत्रमा पर्ने कोशी नदीमा २ सय ४० किलोमिटर र गण्डक नदीमा २७० किलोमिटर क्षेत्रमा जलमार्ग निर्माणको योजना अगाडि सारेको छ। कोलकतादेखि हल्दिया हुँदै बनारससम्म निर्माण भइरहेको १४ सय किलोमिटर लामो जलमार्गअन्तर्गत यो गङ्गा नदीमा गएर जोडिन्छ। नेपाली र भारतीय पक्षबीच भएको पछिल्लो वार्तामा भारतीय पक्षले गण्डक नेपालमा नारायणी नदी हुँदै भारतमा गएको नदीमा जलमार्ग निर्माणका लागि विस्तृत परियोजना प्रतिवेदन तयार भइरहेको र २०१९ को डिसेम्बरसम्म सकिने जनाएको थियो। उक्त अध्ययनले कति क्षमतासम्मको पानीजहाज सञ्चालन गर्न सकिन्छ भन्ने पनि निर्धारण गर्ने बताइएको छ। उक्त अध्ययनको पछिल्लो प्रगतिका बारेमा दुई देशको संयन्त्रबीच २०१९ को मार्च महिनामा हुने बैठकमा थप छलफल हुने बताइएको छ। त्यसबेला गण्डक नदीमा पर्ने वाल्मिकी नगर, हनुमान नगर क्षेत्रमा स्थलगत अध्ययन समेत गर्ने कुरा भएको छ। भारतीय पक्षले नेपालका कोशी र नारायणी नदीको स्थलगत अध्ययन समेत गर्ने कार्यक्रम यसअघि कै बैठकमा तय भइसकेको छ। भारतले आफ्नो क्षेत्रमा पर्ने कोशी र गण्डकमा जलमार्ग कस्तो बनाउँछ भन्नेमा नेपालसम्म जलमार्गको निर्माण कसरी हुन्छ भन्ने भर पर्ने देखिन्छ। गङ्गा नदी भन्दा ४० किलोमिटरयता गण्डक नदीमा रहेको रेवाघाट पुलले पानीको बहाव उच्च भएको बेलामा समस्या ल्याउन सक्ने देखिएको छ। त्यसलाई विस्थापन गर्ने वा पानीको सतह कम भएको बेला मात्रै पानीजहाज सञ्चालन गर्ने भन्ने भारतीय पक्षले निधो गर्न बाँकी छ। नेपालका कोशी र नारायणी नदी हुँदै बांग्लादेशसम्म पानीजहाज सञ्चालन गर्ने तेस्रो विकल्प छ। सो विकल्पको प्रयोग पनि भारतले आफ्नो क्षेत्रमा पर्ने कोशी र गण्डकमा जलमार्ग कस्तो बनाउँछ भन्नेमा निर्भर हुन्छ। यदि भारतले आफ्नो योजनाअनुसार गण्डक नदीमा जलमार्ग निर्माणको काम गर्योर भने जलमार्ग नेपाली सीमासम्म आइपुग्ने छ। जसले नारायणी नदीको दासढुङगादेखि सुन्दरवन हुँदै बांग्लादेशसम्मै पानीजहाज सञ्चालन गर्न नेपालका लागि बाटो खोलिदिने छ। तर नारायणी नदी अन्तर्गत भारतीय सीमामा रहेको गण्डक व्यारेज यसको बाधक देखिएको छ। व्यारेजको वैकल्पिक मार्गलाई पुनर्निर्माण गर्नुपर्ने हुन्छ। दासढुङगादेखि भरतपुरसम्म नारायणी नदीमा विभिन्न ठाउँमा पानीको सतह मिलाउने तथा र्याीपिडहरूमा गहिराइ मिलाउने लगायतका काम गर्नुपर्ने हुन्छ। ढुङ्गे चट्टान छन् त्यसलाई फुटाउनुर्ने छ। धेरै ठाउँमा सतह मिलाउनुपर्ने हुन्छ। नारायणी नदीमा बढी सम्भावना प्राविधिक हिसाबले नेपालका दुईवटा ठूला नदी कोशी र नारायणी हुँदै पानीजहाज सञ्चालन सम्भव रहेको बताइएको छ।अहिले नै कति क्षमताको पानीजहाज सञ्चालन गर्न सकिन्छ भन्ने टुङगो गर्न गार्हो रहेको छ। तर ३ सयदेखि ५ सय मेट्रिक टनसम्मको क्षमताका जहाज सञ्चालन गर्न सकिन्छ कि भन्ने छ। कोशी नदीमा बढी पातलो बालुवा रहेकोले चौडाइ धेरै भएको जलमार्ग विकास गर्न केही कठिनाइ रहेको तर नारायणी नदी कोशीको तुलनामा सहज रहेको र दीर्घकालीन हुने भारतीय पक्षको भनाइ रहेको छ। सबै विषय भारतीय पक्षसँग हुने समझदारी, कानुनमा हुने सुधार र राजनीतिक तहमा हुने सहमतिमा भर पर्ने देखिएको सरकारले वार्ताका लागि बनाएको संयन्त्रका पदाधिकारीहरूको भनाइ छ। बीबीसीको सहयोगमा
प्रदेश नं ७मा सानिमा लाईफ इन्स्योरेन्सको शाखा विस्तार
काठमाडौं । सानिमा लाईफ इन्स्योरेन्सको शाखा प्रदेश नं ७मा विस्तार भएको छ । उक्त प्रदेशकाे अत्तरीया नगरपालिकाका नगर प्रमुख हरिसिंह साउदबाट यस कम्पनीको अत्तरीयाशाखा कार्यालय रप्रदेश नं ७ लम्की नगरपालिका नगर प्रमुख महादेव बजगाईबाट यस कम्पनीको लम्कीशाखा कार्यालयको संयुक्त रुपमा उद्घाटन गरेका थिए । त्यस्तै मा प्रदेश नं ७ दिपायल नगरपालिका नगर प्रमुख मन्जु मलाछीबाट दिपायल शाखा कार्यालयको उद्घाटन भएको हो । प्रदेश नं ७ बेलौरी नगरपालिकाका नगर प्रमुख पोतीलाल चौधरीबाट यस कम्पनीको बेलौरी शाखा कार्यालयको रिवन काटी उद्घाटन गरेका थिए । उक्त अवसरमा कम्पनीका महा प्रबन्धक शिवराम तिमल्सिना, मुख्य प्रबन्धक गणेश चौलागाई समेतको उपस्थिती रहेको थियो ।
